ཚིག་གི་སྐུད་པ། 
༼ འོས་སྦྱོར།༽

རོང་བོ་དགེ་འདུན་ལྷུན་གྲུབ།

 
སེམས་ཀྱི་འདུ་བྱེད་དེ་འང་གཙང་པོ་ཉིད་གྱུར་ཁྱེད་ལ་ནི།།
རྣམ་ཀུན་གཡོ་བའི་ཉི་ཟེར་ཚོགས་ཀྱང་རྟག་དུ་འཁོར་བ་ན།།
བློ་ཡི་ཡི་གེ་དག་ནི་མ་བཟུང་བ་ཡི་ངང་དུ་ནི།།
སྤྲིན་གྱིས་བཀབ་པའི་མཚོ་ལ་སྨུག་པ་དང་མཚུངས་བབས་པའི་སྐབས།།
ཁྱེད་ནི་བདག་གི་ནགས་ཚལ་རྣམས་སུ་ཤིང་ཤུན་གྱོན་པ་ཡི།།
ཕྲ་ལ་ལྡེམ་པའི་རྣལ་འབྱོར་གང་ཞིག་ཕེབས་སམ་སྙམ་པ་སྐྱེས།།

ཡིད་ཀྱི་རི་བོ་དག་གི་གསེབ།།
མ་རྙོག་པ་ཡི་ལྗོན་པས་མཛེས།།
གཡོ་བའི་ལོ་འདབ་དག་གིས་ནི།།
ཁྱེད་ལ་བསིལ་བ་སློང་བར་བྱེད།།
ཏིང་འཛིན་ཟས་ཀྱིས་མ་བཀྲེས་ཤིང་།།
འཛུམ་པའི་མདངས་ཀྱིས་མ་བཏང་བའི།།
སྟོང་བ་འཚོལ་བའི་རིག་སྔགས་མཁན།།
གང་ཕྱིར་བདག་སེམས་གཡོ་བ་བྱུང་།།

ན་ཚོད་རྙིང་བ་མ་ཡིན་པའི།།
ལང་ཚོའི་གང་བུ་གྲོལ་བ་ཅན།།
བསམ་གཏན་སྒོམ་ལ་རབ་ཞུགས་པ།།
ཁྱེད་ཀྱིས་མ་བསྐྱུར་བ་དེ་གང་།།
སྲེད་པའི་རོ་ལ་མིག་འཕར་ཅིང་།།
འདོད་པའི་ཡོན་ཏན་ལ་ཆགས་པའི།།
འཁོར་བར་གནས་པ་འདི་དག་དང་།།
ཁྱེད་ནི་མཚུངས་པ་མ་ལགས་པས།།
བདག་ཡིད་ཁྱེད་ལ་མངོན་པར་དུད།།

ཅི་སྟེའི་སེམས་ཀྱི་ཚལ་ཡངས་པོ།།
པདྨའི་རྡུལ་གྱིས་གཡོགས་པ་ཅན།།
ཁྱེད་མིན་བདག་གི་ནམ་མཁའ་ལ།།
ཟླ་བ་དེ་ཡང་འགོགས་པ་དང་།།
ཨུཏྤལ་འདབ་མ་གཏོར་བྱེད་པ།།
ཚུལ་མིན་པ་ཡི་རླུང་དག་རྒྱུ།།

བདག་གི་ཡིད་ལ་རེ་བ་ཡི།།
རྐང་སེན་འགོད་པའི་ཆོ་ག་ལ།།
གོམས་པའི་ཕྲེང་བ་ཅན་དེ་དག།
ནམ་ཡང་མི་སྟོངས་བློ་འདི་ཅི།།