ཀྲུང་ གོའི་ ཁྱི་ སྲིད་ ནི་ མི་ བརྟན་ ཁོ་ ཐག་ རེད།

གངས་རི་སྐྱབས།

རྒྱ་ དམར་ སྲིད་ གཞུང་ གི་ དོགས་ འདྲོགས་ ཐུ་ ནོ་ ལྟོས།།
གྲངས་ ཉུང་ མི་ རིགས་ ཚོའི་ གོ་ རྟོགས་ སད་ ནོ་ ལྟོས།།
གསོད་ གཏུབ་ ཁྲིམས་ སྦྱོར་ གྱིས་ མགོ་ བོ་ ནན་ ནའང་ །།
ཀྲུང་ གོའི་ ཁྱི་ སྲིད་ ནི་ མི་ བརྟན་ ཁོ་ ཐག་ རེད།།

དབུལ་ སྐྱོབ་ ཐན་ ཐུན་ གྱི་ ཐབས་ ཇུས་ འཐེན་ ནོ་ ལྟོས།།
བྱམས་ སེམས་ ཆེ་ མདོག་ གིས་ ཐལ་ མོ་ སྦྱར་ ནོ་ ལྟོས།།
མང་ ཚོགས་ ཡིད་ འགུག་ གི་ ལས་ འགུལ་ སྤེལ་ ནའང་ །།
ཀྲུང་ གོའི་ ཁྱི་ སྲིད་ ནི་ མི་ བརྟན་ ཁོ་ ཐག་ རེད།།

ཁེ་ ཚོང་ འབྲེལ་ ལམ་ གྱིས་ ནུབ་ ཕྱོགས་ བསྒག་ ནོ་ ལྟོས།།
གསར་ འགྱུར་ རྫ་ རྫུན་ གྱིས་ ཟློས་ གར་ འཁྲབ་ ནོ་ ལྟོས།།
མགོ་ གཡོགས་ མགོ་ སྐོར་ གྱིས་ རེ་ ཞིག་ འགྲོ་ ནའང་ །།
ཀྲུང་ གོའི་ ཁྱི་ སྲིད་ ནི་ མི་ བརྟན་ ཁོ་ ཐག་ རེད།།

ཤེས་ ཡོན་ སྡེ་ ཁག་ ལ་ མྱུལ་ ཞིབ་ བྱས་ ནོ་ ལྟོས།།
རུས་ ཅན་ མི་ བུ་ ཚོ་ བཙོན་ དུ་ བཅུག་ ནོ་ ལྟོས།།
འགྲོ་ མིའི་ ཐོབ་ ཐང་ དེ་ བཙན་ གྱིས་ འཕྲོག་ ནའང་ །།
ཀྲུང་ གོའི་ ཁྱི་ སྲིད་ ནི་ མི་ བརྟན་ ཁོ་ ཐག་ རེད།།

སྒྲོལ་ སྐྱབས་ གངས་ ཉི་ སོགས་ ཁྲིམས་ ལ་ སྦྱར་ ནོ་ ལྟོས།།
ཞོགས་ དུང་ ཐེའུ་ རང་ གཉིས་ བཙན་ གྱིས་ འཇུས་ ནོ་ ལྟོས།།
འཇིགས་ སྐུལ་ ལག་ འོག་ ནས་ རྒྱལ་ ཕམ་ ཆེ་ ནའང་ །།
ཀྲུང་ གོའི་ ཁྱི་ སྲིད་ ནི་ མི་ བརྟན་ ཁོ་ ཐག་ རེད།།

མི་ མང་ ཡར་ ལངས་ ཀྱི་ ངོ་ རྒོལ་ མང་ ནོ་ ལྟོས།།
རྒྱལ་ ནང་ རྩོད་ རྙོག་ གི་ གསང་ རྒྱ་ ཤོར་ ནོ་ ལྟོས།།
དྲག་ ཆས་ དམག་ ཁུལ་ གྱིས་ མཐའ་ བཞི་ སྲུང་ ནའང་ །།
ཀྲུང་ གོའི་ ཁྱི་ སྲིད་ ནི་ མི་ བརྟན་ ཁོ་ ཐག་ རེད།།

གྲོང་ སྡེ་ གསར་ འཛུགས་ ཀྱི་ ལས་ གཞི་ བསྐྲུན་ ནོ་ ལྟོས།།
དམངས་ ཀྱི་ ཚེ་ སྲོག་ རྣམས་ རྡུལ་ དུ་ བརླགས་ ནོ་ ལྟོས།།
གནོད་ འགོག་ མྱུར་ སྐྱོབ་ ཀྱི་ ཀི་ ཅོ་ བཏོན་ ནའང་ །།
ཀྲུང་ གོའི་ ཁྱི་ སྲིད་ ནི་ མི་ བརྟན་ ཁོ་ ཐག་ རེད།།

ཧུའུ་ ཡིས་ སྐྱོ་ མདོག་ གི་ གོམ་ ཁ་ བསྒྱུར་ ནོ་ ལྟོས།།
བུན་ ནི་ བྱམས་ མདོག་ གིས་ ཁ་ ཏ་ བྱས་ ནོ་ ལྟོས།།
གཡོ་ སྒྱུ་ ཕྲ་ གསུམ་ གྱིས་ མི་ སེམས་ བསླུས་ ནའང་ །།
ཀྲུང་ གོའི་ ཁྱི་ སྲིད་ ནི་ མི་ བརྟན་ ཁོ་ ཐག་ རེད།།

བོད་ ཡུལ་ སྒར་ གྲོང་ གི་ རོགས་ འདེགས་ སྦས་ ནོ་ ལྟོས།།
དམར་ སྲུང་ དམག་ དཔུང་ གི་ སྟོབས་ ཤུགས་ བསྒྲགས་ ནོ་ ལྟོས།།
ཟོལ་ བཅོས་ གསར་ འགྱུར་ གྱིས་ ཡུད་ ཙམ་ སྐྱིད་ ནའང་ །།
ཀྲུང་ གོའི་ ཁྱི་ སྲིད་ ནི་ མི་ བརྟན་ ཁོ་ ཐག་ རེད།།
༢༠༡༠ ༥ ༡༡