འཇིགས་མེད་གོ་ཆ།
ཨོ་སི་ཁྲི་ལི་ཡའི་གྲོས་ཚོགས་ཀྱི་འཐུས་མི་རྣམས་ཀྱི་མདུན་སར་འཚེ་མེད་ཞི་བའི་ངང་བོད་ནང་གི་གནས་སྟངས་ལ་གཞིགས་ཏེ་བདེན་དོན་གྱི་ཞུ་གཏུག་ཐེངས་དྲུག་བར་ད་ལོ་ཕྱི་ཚེས་ཉི་ཤུ་དྲུག་གི་ཉིན་མགོ་བཙུགས་ནས་ཉིན་གསུམ་བར་ཟབ་སྦྱོང་དང་དབུ་ཁྲིད་རྣམ་པའི་མདུན་སར་ཞུ་གཏུགས་བྱས། ཞུ་གཏུགས་བྱེད་སྐབས་དབྱིན་སྐད་བཤད་དགོས་པས་རང་ཉིད་ལ་མཚོན་ན་དབྱིན་ཇི་སྐད་ཡིག་གི་ཤེས་ཚད་དམན་ཕྱིར་སེམས་ནང་དུ་བསམ་པ་ནང་བཞིན་མ་ཡོང་ནའང་རང་ཉིད་བོད་པ་ཞིག་ཡིན་པའི་ཆ་ནས་གཞིས་བཞུགས་བོད་མིའི་ངོ་ཚབ་ཡིན་བསམ་པའི་སྤོབས་པ་ཁུར་ནས་མཉམ་ཞུགས་བྱས་པ་ཡིན། ང་དང་མཉམ་ཞུགས་བྱེད་མཁན་དག་ཨོ་སི་ཁྲི་ལི་ཡའི་ས་ཁུལ་མ་འདྲ་བ་བདུན་ཙམ་ནས་ཕེབས་འདུག ཁོང་རྣམ་པ་དབྱིན་ཡིག་དབྱིན་སྐད་ལ་ཐོགས་པ་མེད་པ་ཡིན་པའི་རང་ཉིད་ལ་ཡང་ཕན་ཐོགས་པོ་བྱུང་། ད་ཐེང་གི་ལས་འགུལ་གྱི་རྣམ་པ་ནི་སྔར་ལས་འཐུས་ཚང་བ་དང་ཞིབ་ཚགས་པ། སྤུས་དག་པའི་རྣམ་པ་ཞིག་ཏུ་འཕེལ་བཞིན་པར་མ་ཟད། འཕེལ་རིམ་གྱི་མྱུར་ཚད་ཀྱང་སྔར་ལས་མགྱོགས་པ་དང་དེ་ལས་བྱུང་བའི་གྲུབ་འབྲས་ནི་ཤིན་ཏུ་ཚད་ལྡན་གྱི་ངོ་བོར་ཕྱོགས་ཐུབ་པ་ཞིག་ཏུ་མཐོང་ཐུབ་ཀྱི་འདུག
དྲང་བདེན་མེད་པའི་རྒྱ་དམར་གཞུང་གི་རྫུན་རྐུབ་བརྡོལ་ཏེ་འུ་ཐུག་ཐབས་ཟད་པའི་མཐའ་རུ་བསྐྱལ་ཐུབ་པའི་བྱ་འགུལ་ཞིག་ཀྱང་རེད་འདུག དེང་སང་བརྡ་འཕྲིན་དུས་རབས་ཡིན་པས་དུས་ཚོད་དང་སྐར་མ་རེ་རེའི་ནང་འཛམ་གླིང་ཡོངས་ལ་ཁྱབ་བཞིན་པ་ནི་ཤིན་ཏུ་གསལ་བོ་ཡིན་ལ། ད་ལྟ་ལས་འགུལ་འདི་ཉིད་སྤེལ་ཏེ་ཉིན་གཉིས་ཙམ་ལས་སོང་མེད་ཀྱང། ལས་འགུལ་ལ་གཟིགས་པ་པོ་ཁྲི་ཚོ་མང་པོ་བརྒལ་བར་མ་ཟད། ཁོང་ཚོས་རྒྱབ་སྐྱོར་དང་དགའ་བསུ་ཡང་ཧ་ཅང་མང་པོ་བྱེད་བཞིན་འདུག རང་ཉིད་འདིར་སློབ་ཕྲུག་ཙམ་ལས་བྱ་བཞག་གཞན་མེད། འོན་ཀྱང་ཞུ་གཏུགས་ནང་མཉམ་ཞུགས་བྱེད་མཁན་རྣམ་པ་སོ་སོའི་བྱ་བཞག་ལ་མ་བསམ་པར་ས་ཐག་རིང་པོ་ནས་འདིར་མཉམ་ཞུགས་བྱས་པ་ལ་དགའ་སྤྲོ་དང་བཅས་ཁོང་རྣམ་པའི་ལྷག་བསམ་ལ་རྗེས་སུ་ཡི་རངས་བྱེད་བཞིན་ཡོད།
ད་ཐེང་བོད་དོན་ཞུ་གཏུགས་ནང་མཉམ་ཞུགས་བྱས་ནས་རང་ཉིད་ལ་ཉམས་མྱོང་དང་རེ་བ་ཡིད་ཆེས་སོགས་མང་པོ་ཞིག་རོལ་མྱོང་ཐུབ་པ་བྱུང་། ངས་འདི་ལྟར་ཡུན་རིང་པོར་རེ་བ་དང་ཡིད་ཆེས་བྱས་པ་དེ་ནི་རང་ཉིད་ཀྱིས་འབད་བརྩོན་བྱེད་བཞིན་པའི་ཕུགས་བསམ་དེ་ཡིན། གནམ་འོག་འདི་ནས་ཐམས་ཅད་རང་དབང་དང་འདྲ་མཉམ་དགོས་ན་ང་ཚོ་ལ་ཅིའི་ཕྱིར་རང་དབང་དང་འདྲ་མཉམ་གྱི་ཐོབ་ཐང་མེད་སོང་བ་རེད། ང་ཚོའི་ཤ་གསེང་རུས་གསེང་རྒྱུ་བ་དེ་གདོང་དམར་བོད་པ་ཚང་གི་ཟུངས་ཁྲག་ཡིན། ངས་རྒྱུན་དུ་རང་ཉིད་ཕ་ཡུལ་དུ་ལོག་རྒྱུ་བྱུང་ན་སྙམ་པའི་རེ་བ་བཅངས་ཀྱང་རྒྱ་དམར་གཞུང་གི་གདུག་རྩུབ་དང་དམ་དྲག་ཆེ་བའི་དབང་གིས་ང་རང་གཞན་ཡུལ་འདིར་ཕ་མེད་མ་མེད་ཀྱི་དྭ་ཕྲུག་བཞིན་དུ་ཉི་མ་དང་ཟླ་བ། ལོ་ནས་ལོ་མཐུད་དེ་ད་ཆ་ལོ་ཡི་བང་རིམ་དེ་ཡང་ས་མཐའ་ནས་ས་མཐར་བརྒྱུད་དེ་སྡེ་མཐའ་ནས་སྡེ་མཐའ་ལ་འགྲོ་དགོས་བྱུང་ནའང་། ངའི་ཚོར་བའི་ལྕི་ས་དང་། སྙིང་གི་འཕར་ལྡང་དེར་འགོག་མི་ཐུབ་པའི་ན་ཟུག་ལངས་བྱུང་།
མཚམས་རེར་འདིར་ང་ངོ་མ་ཨ་ཐང་ཆད་གི་ཡིན་ཡང་རང་གིས་རང་ལ་སེམས་གསོ་དང་། རང་ཉིད་ཀྱི་རྩ་བའི་དམིགས་ཡུལ་དང་ཕུགས་བསམ་དེ་བསམས་ནས་བཙན་འོག་ཏུ་གནས་པའི་གཞིས་བཞུགས་བོད་རིགས་ལས་ལ་བརྩོན་ཞིང་དཔའ་ངར་ལྡན་པའི་སྤུན་ཟླ་རྣམ་པ་ཚོའི་ལྷག་བསམ་དང་མངོན་འདོད་དེ་དག་སྐོང་ཐུབ་མཁན་གྱི་ཚབ་མཚོན་ཞིག་ཡོང་རྒྱུ་ནི་རང་ཉིད་བོད་ཕྲུག་ཞིག་ཡིན་པས་ལས་འགན་དེ་རང་ཉིད་ལ་ཡོད། ང་ཚོ་ལ་ཕྱི་དགྲ་རྒོལ་བའི་སྟོབས་ཤུགས་དགོས་ན། ནང་མཐུན་འབྲེལ་གྱི་སྟོབས་ཤུགས་ནི་གཞི་རྩའི་སྟོབས་ཤིག་ཡིན་པས་ང་ཚོ་གཞིས་བྱེས་གཉིས་ནས་མཐུན་འབྲེལ་གྱི་གོང་བུ་གཅིག་ཏུ་བསྒྲིལ་དགོས་པ་ལས་ནང་ཁུལ་དུ་དགྲ་དགའ་གཉེན་སྡུག་གི་བྱ་བ་ནམ་ཡང་བྱེད་མི་རུང་ལ་ང་ཚོའི་ནམ་ཡིན་ཡང་དགྲ་གཉེན་གྱི་དབྱེ་འབྱེད་གསལ་པོར་ཤེས་དགོས་སྙིང་ཉེ་བའི་སྤུན་ཟླ་ཚོ།
ཕྱི་ལོ་ ༢༠༡༧ ཟླ་ ༣ ཚེས་ ༣༠ ཉིན་མགོ་ལོག་པ་ཡེ་ཤེས་རྡོ་རྗེའམ་འཇིགས་མེད་གོ་ཆས་བྲིས་ཏེ་སྤེལ་བའོ།། །།
བཙོན་ཟུར་ཁྱོད་ལ་ཐུགས་རྗེ་ཆེ་ཞུ། ཡིན་ནའང་། ཞུ་གཏུག་ཟེར་བ་དེ་ལས་སླ་བོ་ཞིག་མ་རེད། གཅིག་རྒྱ་ནག་གིས་བོད་ཐོག་འཛིན་པའི་སྲིད་བྱུས་ཤེས་དགོས། གཉིས་བོད་ནང་དེས་བྱས་པའི་མཇུག་འབྲས་རེ་རེ་བཞིན་ཤེས་དགོས། དེ་ཤེས་མཁན་ཁྱོད་ཚོའི་ནང་ག་ཚོད་འདུག
ང་ཚོའི་སྤྱི་ཚོགས་ནང་། གདོང་འདུས་སྐྱིད་འཛོམས་ཟེར་བ་སྤྱི་འཐུས་དེས་མགོ་ཁྲིད་ཀྱི་ཡོད་པ་འདྲ། མོ་རང་གི་རིགས་རྒྱུད་ཀྱང་གཙང་མ་སྤེལ་མི་ནུས་མཁན་ཞིག་རེད་ཟེར་བ་བདེན་ནམ། ཨིན་ཇི་རང་གི་རྐུབ་ལ་རྒྱུགས་ནས་ཁེ་སང་ཆ་ཚང་ལངས། ཡང་མགོ་བདེ་དྲག་ནས་ཚུར་ཕྱོགས་བོད་པའི་ནང་གི་མིང་དེ་ཡང་ལངས། མགོ་སེར་ཚོ་བེད་སྤྱད་ནས་སྤྱི་འཐུས་བྱས། ཡང་ཞུ་གཏུག་ཡིན་མདོག་མདོག་ཕྱིན་ན། དེ་དག་ལ་གཟབ་གཟབ་གནང་དགོས། དེ་དག་མིང་དང་ཁེ་ཕན་གར་ཡོད་ལ་རྒྱུགས་མཁན་ཡིན་སསྟབས་བཙོན་ཟུར་ཚོ་བེད་སྤྱོད་གཏོང་ཉེན་ཆེ། དེ་གཟབ་རོགས།
ཁུ་བྱུག་ལགས་ནས་ཞུ་གཏུགས་སྐོར་ལ་དགོངས་ཚུལ་གསུང་འདུག འོན་ཀྱང་། ཁྱེད་ཁུ་བྱུག་མ་རེད་ཁ་ཏྭ་རེད་ཞུ་འདོད་བྱུང་། དང་པོ་ཞུ་གཏུགས་པ་རྣམས་ལ་ཤེས་འཇོན་མེད་པ་དང་གཉིས་པ་སྤྱི་འཐུས་མི་སྒེར་ལ་སྐྱོན་བརྗོད་བྱས་འདུག
ཞུ་གཏུགས་བྱེད་མཁན་མང་ཆེ་བ་དེང་དུས་ཀྱི་ཤེས་ཡོན་ལྡན་པ་མ་ཟད། རང་གི་མི་རིགས་ཀྱི་གནས་ཚུལ་ཤེས་རྟོགས་དང་ལ་རྒྱ། ད་དུང་རང་ཉིད་རྒྱ་དམར་གྱི་སྡུག་རྩུབ་འོག་མནར་གཅོད་མྱང་མྱོང་མཁན་དང་དེ་འབྲེལ་གྱི་ནང་མིས་གྲུབ་པ་ཞིག་རེད་འདུག རྒྱ་ནག་གི་བོད་དོན་འཛིན་པའི་སྲིད་བྱུས་ནི་བོད་མི་རིགས་རིག་གཞུང་དང་བཅས་པ་རྩ་མེད་གཏོང་རྒྱུ་ཡིན་པ་བོད་མི་སྤྱི་བོ་གནམ་བསྟན་ཡོངས་ཀྱིས་ཤེས་གསལ་རེད། ཁུ་བྱུག་གིས་ཕལ་ཆེར་ཤེས་མེད་པ་འདྲ། སྤྱི་འཐུས་ཁོང་ཡང་ཨེ་ཤི་ཡ་དང་ཨོ་སི་ཀྲི་ཡི་ཡ་མངའ་ཁུལ་གྱི་བོད་མི་རྣམས་ཀྱིས་འདེམས་པའི་ཤེས་འཇོན་གཉིས་ལྡན་དེ་འདྲ་མ་གཏོགས། ཁ་ཏྭ་ཁུ་བྱུག་མིང་ཅན་ཁྱེད་ལྟ་བུ་གཞན་ལ་སྐྱོན་བརྗོད་བྱེད་པ་ལས་མི་རིགས་ཀྱི་བདེ་སྡུག་ཆེད་ལས་ཀ་ཅི་ཡང་མི་བྱེད་མཁན་དེ་འདྲ་མ་རེད་ཞུ་རྒྱུ་ཡིན།
༈ ལགས་སོ། །སྤྱི་སྒེར་ལ་མ་བལྟོས་པར་སྤྱིར་ཞུ་གཏུག་ཟེར་བ་ལས་སླ་པོ་ཞིག་མིན་པ་དང་དེ་ལས་ཀྱང་བོད་བསྟན་སྲིད་སྤྱི་པའི་ཆེད་དུ་ཞུ་གཏུག་བྱེད་རྒྱུ་ལས་སླ་པོ་ཞིག་མ་ཡིན་པ་ཤེས་གསལ་ལྟར་ལགས། ཁྱད་པར་དུ་ད་ཐེངས་བོད་དོན་ཞུ་གཏུག་ཆེན་མོའི་ལས་འགུལ་འདིའི་བྱས་འབྲས་བཟང་ངན་འདིའོ་ཞེས་མཐའ་གཅིག་ཏུ་ཞུ་སྤོབས་མི་འདུག་ཀྱང་། རྒྱ་ནག་དམར་པོའི་གཞུང་གིས་བོད་ཐོག་འཛིན་པའི་སྲིད་བྱུས་དང་། གཞིས་བཞུགས་བོད་མིའི་གནས་སྟངས་སོགས་གང་ཅི་ཐད་ལ་མི་ལོ་དུ་མའི་རིང་བསམ་གཞིག་གང་མང་མང་བཏང་མྱོང་ཡོད་པ་ཙམ་མ་ཟད། གུས་པའི་མི་ཚེའི་ཕྱེད་ཀ་ཙམ་བོད་དོན་བདེན་མཐའ་གསལ་ཆེད་དུ་གང་ནུས་གང་ལྕོགས་ཀྱིས་སྔོན་ནས་ད་ལྟའི་བར་ཕན་གནོད་དང་དེའི་བྱས་འབྲས་བཟང་ངན་ལ་མ་བལྟོས་པར་རང་སྟེང་ནས་ལས་འགུལ་རབ་དང་རིམ་པ་འགོ་བརྩམས་ཏེ་སྤེལ་དང་སྤེལ་བཞིན་ཡོད་པ་ཙམ་མ་ཟད་སེམས་ཤུགས་ཀྱང་སྔར་བཞིན་ཡོད་ཞུ་རྒྱུ་ཡིན། ད་ཐང་གི་ལས་འགུལ་ལ་མཉམ་ཞུགས་གནང་མཁན་བཀུར་འོས་ཡོངས་ཀྱི་ཐུགས་བཞེད་ནི་བདག་ལས་ཀྱང་མཆོག་ཏུ་གྱུར་པ་འབའ་ཞིག་ཡིན་པའི་རེ་བ་དང་ཡིད་ཆེས་གཙང་མ་ཡོད་ཞུ་འདོད་བྱུང་།
རེ་ཞིག་དེ་ཙམ་མ་གཏོགས་རང་ཅག་ཤ་རུས་ཁྲག་རྒྱུན་གཅིག་པའི་རིགས་མཐུན་བོད་རིགས་སྤུན་ཟླ་རྣམས་ཕན་ཚུན་བར་ཁ་ནང་དུ་བསྐོར་ཏེ་ཚིག་ངན་དང་མཐོང་ཆུང་དམའ་འབེབས་དང་ཁྱད་གསོད་བཅས་མདོར་ན་མཐུན་སྒྲིལ་ལ་གནོད་ངེས་ཀྱི་བསམ་སྦྱོར་ངན་པའི་ལས་ཀ་ནམ་ཡང་བྱེད་མི་དགོས་པ་ཞིག་ལ་འབད་བརྩོན་དང་རེ་སྨོན་བཅང་དང་འཆང་བཞིན་ཡོད་ལགས། དེར་བརྟེན་ད་ནས་བཟུང་དྲྭ་འབུ་དག་ལ་བཟང་ངན་གྱི་ལན་གང་ཡང་ཞུ་འདོད་མེད། ཐུགས་ལ་མི་གནོད་པར་ཞུ་ཞུ།
༄༅། རང་གི་མི་འབྱོན་པར་གཞན་གྱི་བྱེད་པར་མིག་ཚ་བའི་དཔེ་བཞིན་།
ཡག་བྱུང་དགའ་བའི་ཇ་ཆང་མེད་པར། ཉེས་མདོག་ལྟ་བུའི་ཁ་ངན་བཤད་པ་་་ཡ་རབྶ་མ་རེད་་་མ་རབས་རེད།
བོད་དོན་ཞུ་གཏུགས་ཀྱི་ལས་འགུལ་སྤེལ་མཁན་ཚང་མར་ཐུགས་རྗེ་ཆེ་ཞུ་གུ་ཡོད།
ལྷག་པར་དུ་གདོང་འདུས་སྐྱིད་འཛོམས་ལགས་ནས་གང་ཐུབ་གནང་གི་འདུག་པ་དམིགས་
བསལ་གྱི་བཀྲིས་བདེ་ལེགས་དང་་་ཐུགས་རྗེ་ཆེ་ཞུ་གི་ཡོད།