ངེད་ལ་རྨོངས་འཆར་ཞིག་ཡོད།

Comments (9) on “ངེད་ལ་རྨོངས་འཆར་ཞིག་ཡོད།”

1. ཉིད་ཀྱི་རྨོངས་འཆར་དེ་ཞིབ་ཏུ་བཀླགས་ཟིན། ཡིན་ན་ཡང་ང་ནི་རིགས་པ་སྐྱོ་བོ་ཞིག་ཡིན་པས་ལམ་སེང་ལམ་སེང་ལྟ་ཚུལ་འདོན་ཐུབ་པ་ཞིག་མིན། ཉི་མ་འགའ་ལ་བསམ་བློ་བཏང་ནས་ཉིད་ཀྱི་རྨོངས་འཆར་དེ་ལ་ངའི་རྨོངས་འཆར་གྱི་ཁ་སྣོན་རྒྱག་ཨེ་ཐུབ་བལྟ།

2. འགན་ཚང་མ་༧རྒྱལ་བ་རིན་པོ་ཆེ་ལ་ཡར་གཡོག དཀའ་སྡུག་དང་ཉེན་ཁ་ཚང་མ་གཞིས་ལུས་བོད་མའི་མྱངས། བར་ན་བོད་ནང་གི་གཞས་གཅིག་ཀྱང་ཉན་མ་མྱོང་ཞིང་། བོད་ནང་གི་པར་ལེབ་གཅིག་ཀྱང་ལྟ་མ་མྱོང་མཁན་ཚོ་བོད་མའི་འཐུས་མི་དང་འཐུས་ཚབ། སྐུ་ངོ་དང་སྐུ་ཚབ་སོགས་ཀྱི་མིང་གནས་ཁྱེར་ནས་བྲེལ་བ་ཆེ་མདོག་གིས་ཚོགས་ཆེན་དང་ཚོགས་ཆུང་མང་བོར་སོང་ནས་དཔོན་ཉམས་དོད་ནས་བཤད་བཞིན་མང་པོ་དང་ཆེན་པོ་ཚང་མ་ཐག་གཅོད་བཞིན་པ་བདེན་པ་ག་ལ་ཡིན། ངོ་ཚ་མེད་པའི་ལོག་འཚོ་མཁན་འདི་ཚོ་་་་་་་་་་་་་་

3. དངོས་་གནས་སྐར་ཆེན་གྱིས་བཤད་པ་འདི་ཚོ་བདེན་པ་རེད ། མི་མང་བསམ་ཚུལ་བསྡུ་ལེན་བྱེད་པ་ལ་ལོ་གཅིག་ལྷག་ཕྱིན་ཡང་ཅི་སྐྱོན ། རྒྱ་གར་ནས་མཚར་ལོངས་བྱུང་བས་བོད་མི་འགའ་རེས་གཞིས་ལུས་བོད་མིའི་གནས་སྟངས་བཤད་པ་ནི་དགོད་བྲོ་བ་ཞིག་རེད ། ཁོ་པ་ཚོས་གཞི་ལུས་་བོད་མའི་དཀའ་སྡུག་བཤད་པ་ཁ་མཁས་པ་ཙམ་ཡིན་པར་ཐག་གཅོད་ཐུབ ། 《 བསམ་ཚུལ་གྱི་ངོ་བཤུས་རེ་བོད་མི་མང་སྤྱི་འཐུས་དང་བཀའ་ཤག། གཞུང་འབྲེལ་དང་གཞུང་འབྲེལ་མ་ཡིན་པའི་སྡེ་ཚན་དང་ཚོགས་པ་ཁག། དགོན་སྡེ་ཁག་དང་སློབ་གྲྭ་ཁག་ལ་བཀྲམས། ད་དུང་དགོན་སྡེ་ཁག་ལ་ཡང་བསམ་ཚུལ་དེ་མཚུངས་སུ་བསྡུ་དགོས། གཞན་སློབ་གྲྭ་ཁག་ལ་ཡང་དགེ་རྒན་དང་སློབ་ཕྲུག་ལོགས་སུ་དབྱེ་ནས་བསམ་ཚུལ་བསྡུས། ཕྱི་རྒྱལ་ཁག་ནས་ཡང་དེ་ལྟར་བྱས། མི་མང་གི་བསམ་ཚུལ་དངོས་གནས་བ་ཞིག་བསྡུ་བ་ལ་ལོ་ངོ་གཅིག་འགོར་རུང་ཕྱི་མེད༌། འདི་ལྟར་བྱས་ན་མི་མང་གི་བསམ་ཚུལ་དང་མངོན་འདོད་དངོས་གནས་བ་དེ་གོང་ས་མཆོག་གི་མདུན་ལ་སླེབས་ཐུབ་ཀྱི་རེད། ངེད་ཀྱི་རྨོངས་འཆར་ལྟར་ན་བསམ་ཚུལ་འདི་ལྟར་བསྡུ་དགོས་སྙམ །》ཞེས་པ་འདི་གནད་ལ་ཁེལ་བ་ཅིག་རེད ། བུ་ཁྱོད་འདྲ་བོད་ལ་དགོས་མཁོ་ཆེ །

4. དྲ་གྲོགས་སྐར་ཆེན་གྱི་རྩོམ་ཡིག་འདི་བོད་མི་དྲང་མོ་ཞིག་གིས་བསམ་འཆར་རེད་འདུག་ལ །གཞི་ལུས་བོད་མིའི་བདེ་སྡུག་ལ་བསམ་གཞིགས་བཏང་ནས་བཤད་པ་མ་ཟད ། བཀའ་ཁྲི་བཀའ་བློན་དགེ་སློབ་འཁོར་དང་བཅས་པ་ལ་ལམ་སྟོན་གནང་འདུག

5. ཐོ་རེང་སྐར་ཆེན་ཤར་ཡོང་གི་ཡོད་པ་ལ་ལྟས་ན། ནམ་ལང་གི་ཡོད་པ་འདྲ་། ང་གཡག་རྒན་ཡང་ཡར་ལ་ལང་ནས་ལྕི་ཞིག་བཏང་ནས་རྩ་ཞིག་ཟ་གི་འགྲོ་། ཧ་ཧ་ཧ།

   སྐར་ཆེན་ལགས་དགོང་ཚུལ་ཡག་པོ་གསུང་འདུག། ངའི་ཀྱང་རྨོང་འཆར་གཅིག་སྣོན་།
   བཙན་བྱོལ་གཞུང་མང་གཉིས་གྱི་དངོས་ནས་རྒྱ་ནག་མི་དམངས་ལ་ནང་ཆོས་དང་འབྲེལ་བའི་སྒོ་ནས་། འབྲེལ་ལམ་ལོ་རེ་ནས་ལོ་རེར་ཆེ་རུ་གཏོང་རྒྱུ་།

6. སྔོན་མ་ཡང་མདོ་སྟོད་སྨད་གཉིས་ནས་རྒྱ་དམག་ལ་དམག་འཁྲུག་བརྒྱག་ནས་ཉི་མ་རེ་ལ་སྐྱེས་ཕོ་མོ་སྟོང་ཕྲག་མང་པོའི་ཚེ་སྲོག་ཤོར་བཞིན་པའི་སྐབས་སུའང་། བོད་གཞུང་གི་སྐུ་དྲག་ཚོས་མངོན་གསལ་མེད་པའི་ལྐོག་ལས་རྐྱང་བྱས་ཏེ་ལྷ་སར་རྒྱང་ལྟ་བྱེད་ཀྱིན་རྒྱ་དགའ་བོད་དགའི་རྣམ་འགྱུར་ཉིས་འགལ་མ་ཞིག་སྟོན་བཞིན་བསྡད་པ་དང་། ཛ་དྲག་བྱུང་ན་རྒྱ་གར་ལ་འབྲོ་རྒྱུའི་གྲ་སྒྲིག་ནས་བསྡད་པ་རེད་ཟེར་ལ། དེང་སྐབས་ཡང་བོད་ནང་དུ་སྲོག་ལ་མ་འཛེམས་པར་རྒྱ་རྒོལ་གྱི་ལས་འགུལ་སྤེལ་སྐབས་ཀྱང་། ཟམ་གདོང་རིན་པོ་ཆེས་དང་སྐུ་ངོ་ལྟོ་རོ་ཚོས་དོན་རྐྱེན་དེར་ང་ཚོ་འབྲེལ་བ་མེད་ལུགས་གསལ་སྒྲག་བྱེད་པ་གོ་ནས་སེམས་པ་སྡུག་བསྔལ་གྱི་ནོན་སོང་། ང་ཚོར་དོན་རྐྱེད་དེར་འབྲེལ་བ་མེད་ན་སུ་ཞིག་ལ་འབྲེལ་བ་ཡོད་པ་རེད་དམ། མཁས་པ་འཕྱུགས་ན་འདོམ་གང་དང་བླུན་པོ་འཕྱུགས་ན་མཐོ་གང་ཟེར་བ་ཅི་མ་བདེན་ནམ། ད་ལོ་གཞིས་ལུས་མི་དམངས་ལ་གདུངས་སེམས་མཉམ་སྐྱེས་ཀྱིས་ཐ་ན་འཇིགས་སྐུལ་བའི་ཚོགས་པ་རེད་ཟེར་བའི་ཉེས་མིང་ཡང་ཁུར་བཟོད་མཁན་གྱི་གཞོན་ནུའི་ལྷན་ཚོགས་ཤ་ཚ་རུས་པའི་གཏིང་ནས་སྐྱེས་སོང་། འོན་ཀྱང་ད་དུང་གཞོན་ནུས་ཀྱང་ཁ་གཅིག་པོ་མ་ཡིན་པར་ལས་འགུལ་དངོས་ཀྱི་ཐོག་ནས་གཞིས་ལུས་བོད་མིར་སྐྱིད་སྡུག་མཉམ་མྱོང་བྱེད་རྒྱུའི་རེ་བ་འདོན་གྱི་ཡོད། ཁ་ཡོད་ལག་ཡོད་ཀྱི་ལས་འགུལ་ཞིག་སྤེལ་བ་ཡིན་པ་སྟག་སྨྱོན་ན་སྲོག་ཆུང་ཆུང་ཞིག་ཡོད་པ་ནམ་མཁོ་ན་ཁྱེར་ནས་ཡོང་ཆོག

7. ཨ་ཨ། ཨ་མའི་བུ་། ཁྱོད་སྟག་སྨྱོན་ཞིག་མ་རེད་། ཁྱོད་སྟག་རྒོད་ཞིག་། དེ་བྱོས་དང་ཁ་ཡོད་ལག་ཡོད་ཀྱི་ལས་འགུལ་སྤེལ་མཁན་ཞིག་་ཡོད་ན། ང་གཡག་རྒན་ས་མཐའ་ནས་རྩྭ་མེད་ཆུ་མེད་གྱི་ངང་རྐང་བ་ཀྱོག་ནས་རྭ་ཅོ་སྐམ་དེ་བསྡད་ཡོད་པས་། ཤི་མ་རེན་པ་ཅི་ཡང་མེད་།m མུག་སྲོག་རྟ་རྔ་འདྲ་བོ་སུ་དགོས་ན་སྟེར་ར་།

8. དྲ་གྲོགས་གཡག་སྡོམ་ལགས །
   དུས་བབ་དགུན་ས་ན ། གཡག་རྒན་ཁེར་ཉལ་ཡིན་པ་མ་ཟད་རྩ་ཆུ་ཆད་ནས་ཟླ་བ་གཅིག་ལྷག་འགོར་སོང་ །

   ཡ་མཚན་གཡག་རྒན་དེས་ཁ་བརྡའི་དབྱར་ས་ན་རྩ་མ་ཟོས་ཆུ་མ་འཐུང་ནས་ལྕི་བ་བཏང་འདུག

9. གོང་དུ་ཨ་རིག་དགེ་མཐོང་ཡིན་ན་དེས་བྱེས་ཀྱི་བོད་མི་འགས་གཞིས་ལུས་མི་མང་གི་གནས་སྟངས་བཤད་པ་ནི་དགོད་བྲོ་བ་ཞིག་རེད་ཅེས་དང་། ཡང་དེ་དག་གིས་གཞིས་ལུས་བོད་མིའི་དཀའ་སྡུག་བཤད་པ་ནི་ཁ་ཙམ་ཡིན་པ་ཐག་གི་གཅོད་ཐུབ་ཟེར། ཁྱོད་ལ་སྐད་ཆ་དེ་འདྲའི་ཐག་ཆོད་པོ་བཤད་ཡའི་གདེངས་ཤིག་གང་ནས་སླེབས་སོང་། ངུ་བའི་ཁ་ལ་བལྟས་ན་ངུ་དང་དགོད་པའི་ཁ་ལ་བལྟས་ནས་དགོད་ཤོར་བ་མིན་ནམ། དེ་མིན་གུང་ཁྲན་གྱིས་༧གོང་ས་མཆོག་གི་གཙོས་བྱེས་སྡོད་བོད་མི་རྣམས་ཀྱིས་བོད་མི་མང་གི་འཐུས་ཆབ་བྱེད་པའི་ཐོབ་ཐང་ཡོད་མ་རེད་ཟེར་བ་འདིར་དཔེ་བླངས་ནས་གཏམ་བཤད་བྱས་པ་ཨེ་ཡིན།