【 བྱམས་པའི་ཁ་བརྡ།】 སྡེར་ནང་ས་བྲིས་ཀྱི་སྐོར།

Comments (3) on “【 བྱམས་པའི་ཁ་བརྡ།】 སྡེར་ནང་ས་བྲིས་ཀྱི་སྐོར།”

1. ནང་ཆོས་ནས་ནམ་རྒྱུན་འཆི་བ་མི་རྟག་པ་སྒོམ་ནས་ཆུད་ཚོད་ཆུད་ཟོས་སུ་མ་གཏོང་ཞེས་ཡང་ཡང་གསུང་གི་ཡོད། འོན་ཀྱང་བོད་སྔ་མའི་མཁས་པ་ཚོས་ཡིག་གཟུགས་གཅིག་པོར་ཡང་ཆུད་ཚོད་མང་པོ་བཏང་བ་རེད། བོད་སྐད་ཡིག་གཅིག་གྱུར་བྱེད་པ་ལ་དབུ་ཅན་གཅིག་པོས་ཆོག་པར་སྙམ། བེད་སྤྱོད་མེད་པའི་ཡིག་གཟུགས་གྲངས་མང་ཞིག་དགོས་པ་མི་འདུག དབྱིན་ཡིག་ལ་མཚོན་ན་གསལ་བྱེད་ཉེར་དྲུག་ལས་མེད་པས་ཧ་ཅང་གི་སྐད་ཡིག་སྟབས་བདེ་རེད་འདུག ངེད་ཀྱིས་ཀྱང་སྔོན་ཆད་ཡིག་གཟུགས་ལ་ཆུད་ཚོད་མང་པོ་བཏང་ཟིན་མོད། ད་ལྟ་བེད་སྤྱོད་གང་ཡང་བྱེད་ཀྱིན་མེད། །

2. མགོ་ལོགས་སེངྒེ་དར་རྒྱས་ལེགས་ཀྱིས་ཐུགས་དགྱེས་པ་ཆེན་པོས་སྔར་སྲོལ་བྱེད་ལུགས་བརྒྱུད་འཛིན་ལ་གཟེངས་བསྟོད་ཞུ།
   ་
   བོད་ལ་མི་གྲངས་འབོར་ཆེན་པོ་ཞིག་སྔར་ནས་ད་བར་དུ་མེད་ཀྱང་། རིག་གཞུང་འཛིན་སྐྱོང་ལ་འགྲན་ཟླ་མེད་པ་བྱུངབྱུང་། ལྷག་པར་དཔལ་ན་ལ་ནྡཱ་ཡི་ལུགས་སྲོལ་ཉམས་པ་མེད་པར་འཛིན་མཁན་སའི་གོ་ལའི་སྒང་ལ་བོད་པ་གཅིག་པུ་ཡིན།
   ་
   སེངྒེ་དར་རྒྱས་མཆོག་གིས་གསུངས་པ། བསྐོ་ར་དང་། ཤོ་གུ། ལ་དྭགས་ལུང་པར་ཡང་། ཇི་ལྟ་བ་བཞིན་བརྗོད། དེ་དག་འབྱུང་སྟངས་ལ་དཔྱད་པ་བྱེད་ན། འདི་འདྲ་ལགས་ཏེ། གནའ་བོའི་སྐད་དུ། བསྐོར་བ། ཞེས་པའི་བ་ཡིག་དེ་མེད་པར་སོང་། ཨ་ཡིག་ལུས་ཡོད་པ་དེ། བསྐོར་གྱི་རྗེས་འཇུག་ར་ལ་ཞུགས་ཏེ། བསྐོ་ར། ཞེས་ཆགས། དེ་བཞིན་དུ། ཤོག་བུ། བ་ཡིག་མེད་པར་སོང་། ཨུ་ཡིག་ལུས་པ་དེ། ཤོག་གི་རྗེས་འཇུག་ག་རུ་ཞུགས་ཏེ། ཤོ་གུ། དེ་བཞིན་དུ། ལ་དྭགས་པའི་ཁ་སྐད་དུ། བྱེད་སྒྲ་དང་། འབྲེལ་སྒྲའི་གསལ་བྱེད་རྣམས་་མེད་པར་ཆགས་ཏེ། ཨི་འབའ་བཀོལ་བ་མཆིས། དེས་ན། ཁ་སྐད་རྗེས་འབྲངས་མ་བྱེད་པར་བོད་མཁས་པ་དག་གིས་བྲིས་པའི་ཡིག་སྐད་དག་པ་རྣམས་རྗེས་འབྲངས་བྱེད་དགོས་པར་སྙམ་མོ།

3. མཁས་མང་འདུས་པའི་བོད་ཡིག་བཀོལ་སྤྱོད་ལ་།
   ཟུར་གནས་མི་མང་མགོ་བོ་འཐོམ་ཡང་སྲིད་།
   ཁྱོག་ཀྱོག་ཡིག་གེ་གཞུ་ལྟར་ཀྱོག་རྒྱུར་ཀྱང་།
   དོན་རྩ་མདའ་རུ་འབྲོང་པ་དེ་ལ་ཚང་།