ལྷ་ཐོག་མཇེ་ཕྲུག
ས་རེ་ནག་པོའི་འོག་ནས།།
རྒྱ་གར་སྨན་ཆུང་མཛེས་མའི།།
བཞིན་གྱི་འཛུམ་མདངས་མངོན་ཚེ།།
ཟུར་མིག་ཐེངས་འགའ་ཤོར་སོང་།།
ལུས་ལ་རྒྱན་ཆ་མི་འདོད།།
མཛེས་མའི་རློམ་སེམས་མེད་པ།།
བཅོས་མིན་རང་བཞིན་བསྟན་དུས།།
སེམས་པ་དེ་བས་འཕྲོག་སོང་།།
ཁ་ངོ་ཁྱོད་ལས་མཚར་བ།།
སྨིན་ལེགས་མང་པོ་འདུག་སྟེ།།
ཕྱི་ནང་གཉིས་ཀ་མཛེས་པ།།
ཁྱོད་རང་ཙམ་ཞིག་རེད་གདའ།།
ཁྱོད་ཀྱི་རྣམ་པའི་གཟུགས་བརྙན།།
ཁོ་བོའི་སེམས་ལ་བསྙལ་ཡོད།།
ཁྱོད་ཀྱི་རྣམ་ཤེས་བདག་པོ།།
ང་རང་ཡིན་ན་བསམ་བྱུང་།།
སེམས་ལ་ཁྱོད་རང་འཁོར་རུང་།།
ཡང་ཡང་མཇལ་རྒྱུ་མི་འདུག །
དེ་འདྲའི་མངོན་མེད་འཆར་སྣང་།།
སེམས་ལ་རྨ་ཁ་བཟོས་སོང་།།
གཤིབ་པའི་ལས་སྐལ་མེད་ཀྱང་།།
མཐོང་བའི་དུས་ཤིག་ཡོད་ན།།
ཁྱོད་ལ་དུང་བའི་བུ་ཆུང་།།
སེམས་ཀྱི་རྨ་ཁ་སོས་འགྲོ །
ཁྱོད་རང་འཕགས་ཡུལ་བུ་མོ།།
ང་རང་གངས་ཕྲུག་དྭངས་མ།།
ཡོང་ས་མི་གཅིག་རེད་དེ།།
འཚོ་བ་མཉམ་དུ་སྨོན་ཡོད།།
ཁྱོད་རང་ཟླ་བར་དགའ་བ།།
ང་རང་ཉི་མར་མོས་པ།།
དགའ་ས་རང་རང་རེད་དེ།།
ནམ་མཁར་ཡོད་མཁན་ཆ་རེད།།
ཁྱོད་རང་དབྱངས་ལ་དགའ་བ།།
ང་རང་བྲོ་ལ་དུང་བ།།
དབྱངས་བྲོ་མཉམ་རོགས་བྱུང་ན།།
གཞས་ཀྱི་གདངས་ཤིག་རྙེད་ཡོང་།།
ཁྱོད་ལ་ཕ་མའི་བཀའ་ཡོད།།
ང་ལ་མེས་པའི་གཤིས་ཡོད།།
ངེད་གཉིས་མཉམ་འཛོམས་མེད་པ།།
ལྟས་ངན་དེ་ནས་བསྟན་སོང་།།
སེམས་པ་གཅིག་ལ་མཐུན་ཡང་།།
ཕ་མས་བློས་ཀྱི་མ་རེད།།
ལུས་པོ་མཉམ་དུ་འདྲེས་ཀྱང་།།
རྣམ་ཤེས་རྐུ་མཁན་ཡོད་རེད།།
སེམས་སོང་བུ་མོ་ཞིག་དང་།།
སེམས་པ་གཅིག་ལ་འདྲིས་ནས།།
སེམས་ཀྱིས་བསམ་པ་ནང་བཞིན།།
འཚོ་རྒྱུ་བྱུང་ན་དགའ་ལ།།
ཕ་མས་བློས་ཀྱི་མ་རེད།།
འདི།
ཕ་མས་གློད་ཀྱི་མ་རེད།།
ཧ་ཧ།
རྦུ་ལི་ཝུ་དྲིའི་གློག་བརྙན། །
ལྟད་མོ་མང་པོ་བལྟས་དྲགས། །
རྒྱ་གར་མཛེས་མའི་རྣམ་པར། །
ང་ཡང་སེམས་པ་ཤོར་མྱོང་། །
རྒྱ་མོ་བོད་གཟུགས་འདྲ་ཡང་། །
རྒྱ་མོ་ཆོས་དད་ཆུང་ཤག །
རྒྱ་གར་བུ་མོ་མཛེས་ཀྱང་། །
ཆོས་རིག་ཁ་ཁག་ཤོར་འདུག །
ཕྱི་རྒྱལ་བུ་མོ་བཟང་ཡང་། །
མི་ཚེའི་བརྟན་གྲོགས་དཀའ་ཙམ། །
དེས་ན་བཟའ་ཟླ་ཡག་ཤོས། །
བོད་རིགས་བུ་མོ་རེད་ཤག །
ཀུརེའོ།།
ཕ་མས་བློས་ཀྱི་མ་རེད།།
འདི།
ཕ་མས་གློད་ཀྱི་མ་རེད།།
འདི་ཡང་།
ཕ་མས་གློད་བགྱི་མ་རེད།།
འདི་དག་ལ། གོ་དོན་ཚང་བ་ཡོད་རེད།
་
ངས་ཉམས་ཞིབ་ལྟར་བྱས་ན། ཕ་མས་གློད་ཀྱི་མ་རེད། ཅེས་པའི་ཀྱི་དེ་ཡང་མ་དག་པ་རེད། འདི་ལ། ྇ཕ་མས་གློདབགྱི་མ་རེད། ཅེས་ཨིན་སྐད་དུ། shall, will ལྟར། བོད་སྐད་དུའང་། གོ་དོན་མེད་པའི་ཀྱི་ལས། མ་འོངས་པའི་བྱ་བ་སྟོན་ཐུབ་པའི་བགྱི་འབྲི་དགོས་རེད། ངས་ལོ་ངོ་ཉི་ཤུ་ཡར་སྔོན་ནས་ཆེད་རྩོམ་དུས་དེབ་དང་། རང་དབང་གསར་ཤོག་སོགས་སུ་ཡང་བཏོན་རེད་དེ་་་་་་་་་་་་
ས་རི་ནག་པོ་གྱོན་སྟངས་ལ་བལྟས་ན་མཇེ་ཕྲུག་གི་སེམས་ཤོར་ས་དེ་རྒྱ་གར་སྨན་ཆུང་བུ་མོ་ཆོས་ལུགས་ཁ་ཆེ་བ་ཞིག་ཡིན་བཟོ་འདུག ལུས་ལ་རྒྱན་ཆ་འདོགས་ས་དང་། མཛེས་པའི་རློམ་སེམས་སྟོན་ས་ཁོང་ཚོར་ཡོད་པ་མ་རེད། ཁ་ཆེའི་བུ་མོ་ཚོ་ལ་ས་རི་ནག་པོའི་འོག་ནས་བཞིན་གྱི་འཛུམ་མདངས་རང་ལྟ་སྟོན་ས་ཡོད་པ་མ་རེད། མིག་འཛུམ་འདྲ་རྒྱག་ག་བྱེད་ཀྱི་རེད། ཁོང་ཚོ་ལ་རང་དབང་དེ་ཙམ་རེད། བྱ་ལེ་ནི་བཅད་ཚར་ནས་ཡོད་པ་མ་རེད། གཟུགས་པོ་ཚང་མ་སྦས་པའི་ཚུལ་དུ་ཡོད་སྟབས་ཆགས་ཅན་སྐྱེ་བོ་རྣམས་ཀྱི་བསམ་པ་ལ་དགའ་བའི་དགའ་བ་སྟེར་བའི་ཉིང་ཁུ་ཅི་འདྲ་ཞིག་ཡོད་དམ་སྙམ་སྟེ་འདོད་ཆགས་སློང་བ་ལ་བུ་མོ་དམར་ཧྲང་མ་ལས་ཁོང་ཚོ་ཁུལ་ཆེ་བ་ཡོད་བདེན་པ་རེད།
ཁྱེད་རྣམས་པས་ཐུགས་འཁུར་ཆེན་པོ་གནས་ནས་ཡིག་ནོར་དག་བཅོས་གནང་བར་སྙིང་དབུས་ནས་བཀའ་དྲིན་ཆེན་ཞུ་བཞིན་ཡོད།
རྗེས་སུ་ཡང་གང་ཐུབ་གནང་རོགས།
ཨ་རོ་ཚོ་་ཚོད་བཟུང་ཉེས་རྡུང་རག་ཡོངས་་་་ཧ་ཧ་ཧ