–—ཐེ་བོ་སངས་རྒྱས།
ཀུ་ཤུ་ཟ་འཕྲོ་འདི།
འཕྱོན་མའི་ཟུར་མིག་མཚར་རོ་བཞིན།
ཁྱོད་བསམ་དབང་མེད་པར་དངུལ་སྲང་སྟོང་གི་བུ་ལོན་ནང་ཟུག
རྗེས་སོར་ཁྱོད་ལ་ཡོང་འབབ་ཇི་ཙམ་ཡོད།
ཀུ་ཤུ་ཟ་འཕྲོ་འདི།
བྱེ་ཐང་བརྒྱན་པའི་སྨིག་རྒྱུའི་ཆུ་བོ་བཞིན།
ཁྱོས་རང་དབང་མེད་པར་ཟུངས་ཁྲག་དམ་བེ་གང་ཧེབ་འཐེན་བྱས།
ད་དུང་ཁྱོད་ལ་ཟུངས་ཁྲག་རྒྱ་མ་ག་ཚོད་འདུག
ཀུ་ཤུ་ཟ་འཕྲོ་འདི།
དྲན་ཟས་ཀྱིས་བཏུམ་པའི་ལྕགས་ཀྱུ་བཞིན།
ཁྱོས་ཕྱིར་འདང་མེད་པར་མཁལ་མ་ཡ་གཅིག་བརྔམ་ལེན་བྱས།
ད་རུང་ཁྱོད་ལ་མཁལ་མ་གྲངས་ཀ་ག་ཚོད་ཡོད།