དཔལ་ལྡན་སྲིད་སྐྱོང་བསྟོད་གླུ 


བློ་གྲོས་རབ་བརྟན།
 
བློ་བཟང་སེང་གེ་འཇོན་སོང་།།
ཤར་གླིང་ཟླ་སྒྲོན་འཁྲབ་སོང་།།
དངོས་གྲུབ་ཚེ་རིང་འཕུར་སོང་།།
སྐལ་བཟང་རྡོ་རྗེ་ལུས་སོང་།།

ཤར་གླིང་ཟླ་སྒྲོན་རྐུབ་ལ།།
ཉི་མ་ནུབ་ནས་ཤར་སོང་།།
ཉིན་གཅིག་བཀའ་བློན་བྱེད་ལ།།
བློ་སེང་འཇོན་ཐང་ངོམ་སོང་།།

ནུབ་ཀྱི་ཨ་རིའི་ཡུལ་ནས།།
དངོས་ཚེ་རྡ་སར་བླངས་ཏེ།།
བློ་སེང་ཨ་ཕོའི་ཟུར་ནས།།
དངོས་ཚེའི་འཁྲབ་ཚན་ཡག་སོང་།།

ཨ་རིའི་དོན་གཅོད་ནང་ན།།
བློ་སེང་སེམས་པ་ལྷག་འདུག།
སེམས་སྲུང་སྐལ་བཟང་རྡོ་རྗེ།།
ལས་ཀྱིས་རྡ་སར་ཕེབས་སོང་།།

ཤར་གླིང་ཟླ་སྒྲོན་མཛེས་སོང་།།
བློ་སེང་ཕོ་གསར་རྫིག་སོང་།།
མཛེས་རྫིག་གཉིས་ཀྱི་བར་ན།།
སྐུ་ངོ་སྤེན་ཚེ་མྱངས་སོང་།།

དངོས་ཚེ་རྒན་པོ་ཡིན་རུང་།།
རང་དོན་སེམས་ནས་མི་བརྗེད།།
རང་ལ་ཁེ་ཕན་ཡོད་ན།།
གདོང་པ་ཚ་རྒྱུ་མི་འདུག།

བློ་སེང་སེམས་པ་དངུལ་རེད།།
དངུལ་དེ་ཨ་རིའི་དངུལ་རེད།།
གྲངས་ཀ་ཉུང་ཉུང་མ་རེད།།
ས་ཡ་གཅིག་དང་ཕྱེད་རེད།།

དོན་གཅོད་ཁང་ཆུང་ནང་ནས།།
སྐལ་བཟང་རྡོ་རྗེས་འཇོན་འདུག།
དངུལ་དང་རྩིས་ཀྱི་ཐད་ལ།།
འཁྲབ་རྒྱུ་ཡོད་ཚད་འཁྲབ་འདུག།

སྤེན་ཚེས་དོན་གཅོད་རྩིས་རྙོག།
གང་ཡིན་གསལ་ཁ་བཏོན་དུས།།
བློ་སེང་ངར་ཐག་ཆོད་དེ།།
སྤེན་ཚེ་ཐང་ལ་བརྡབས་སོང་།།

བདེན་པ་རི་ལས་མཐོ་ན།།
བདེན་དོན་སྨྲ་ལ་དཔའ་ཡོད།།
དཔའ་མཛངས་ཟུང་གི་སྐད་ཆར།།
མི་རིང་གོ་ལ་སྒུག་ཡོད།།

བློ་སེང་མཁས་དབང་ཡིན་རུང་།།
ཟླ་སྒྲོན་གཅེས་རྒྱུ་མང་སོང་།།
ཤར་གླིང་ཟླ་སྒྲོན་གཅིན་པ།།
བཀའ་ཤག་ནང་ན་བཏང་སོང་།།

ཨ་ཅེ་ཟླ་སྒྲོན་ཁོམ་ཡོད།།
སྤེན་ཚེའི་སྐད་ཆ་དྲན་ཡོད།།
དྲན་པ་མ་བརྗེད་གོང་ལ།།
བློ་སེང་སྙན་ལ་བསྒྲོན་ཡོད།།

ཤར་གླིང་ཟླ་སྒྲོན་མོ་རེད།།
བློ་བཟང་སེང་གེ་ཕོ་རེད།།
མོ་ཡི་མདུན་གྱི་ཕོ་དེ།།
ཕོ་ཞིག་ཡིན་ཚོད་མི་འདུག།

བསྟན་འཛིན་ཟླ་སྒྲོན་ཡག་སོང་།།
བློ་བཟང་སེང་གེའི་ལག་ནས།།
དམར་ཧྲིང་འཁྲབ་རྒྱུ་མང་ན།།
སྟུ་ལ་ལྟ་ནི་མི་འདུག།

བློ་བཟང་སེང་གེའི་ཕྱོགས་ལ།།
རེ་བ་རི་ལས་མཐོ་མྱོང་།།
རེ་བཞག་ཆུ་ལ་བསྐུར་དུས།།
སེམས་པ་གྲང་ཚད་མི་འདུག།

སྤེན་ཚེ་ཐང་ལ་བརྡབས་ཀྱང་།།
སྤེན་ཚེ་དྲང་མོ་ཡིན་པ།།
བློ་སེང་བསམ་དོན་གྲུབ་ཀྱང་།།
རྫུན་དང་གཡོ་སྒྱུ་ཡིན་པ།།

བདེན་པ་སུ་ལ་ཡོད་ན།།
རྒྱལ་ལ་སྨོན་ལམ་ལོས་འདེབས།།
རུལ་སུངས་གང་དུ་ཡོད་ན།།
མགོ་ལ་གཅིན་པ་གཏང་དགོས།།

རྫུན་དང་གཡོ་སྒྱུའི་དཔོན་ཞིག།
མི་དགོས་ཁོ་ཐག་ཡིན་ནོ།།
དྲང་བདེན་གཙུག་ཏུ་བཀུར་བའི།།
དཔོན་ཞིག་འབྱོན་པར་སྨོན་ནོ།།