བསྟན་འཛིན།
ང་ཚོ་བཙན་བྱོལ་ནང་ལ་རྙོག་ཁྲ་ཐམས་ཅད་ཀྱི་སྦུག་རྩ་དེ་ང་ཚོའི་བསམ་བློ་རྙིང་པ་ཞིག་དང་འབྲེལ་བ་འདུག དེ་ནི། ང་ཚོས་གཞན་ལ་མགོ་སྐོར་གཏོང་ཐུབ་ཀྱི་རེད་སྙམ་པའི་བསམ་བློ་རུལ་པ་དེ་རེད། འདས་པ་དང་ད་ལྟའི་ལས་ཀྱི་སྣེ་མོ་བ་མང་པོ་ཞིག་གིས། གཞན་ལ་མགོ་སྐོར་གཏོང་ཐུབ་ཀྱི་རེད་སྙམ་པའི་སྤོབས་པ་དང་། རེ་བ་འདིས་ཞབས་འདྲེན་མང་པོ་ཞུས་སོང་། གཞན་ལ་མགོ་སྐོར་གཏོང་མ་ཐུབ་པ་དེ་རྒྱལ་བ་རིན་པོ་ཆེས་མ་གཏོགས་མཁྱེན་གྱི་མི་འདུག རྒྱལ་བ་རིན་པོ་ཆེ་མི་ཞིག་གི་ངོས་ནས་བཤད་ན་དངོས་གནས་ཕྱི་གསལ་ནང་གསལ་ཞིག་རེད། དེ་མིན་ང་ཚོ་མང་ཆེ་བ་ཕྱི་ལ་གོས་དཀར་པོ་ཞིག་བཀླུབས། ནང་ལ་བརྩེགས་མང་པོ་ཡོད་པའི་གོས་ཁྲ་ཁྲ་ཤ་སྟག་རེད། དཀར་པོ་ལ་དཀར་པོ་བསྟན། དམར་པོ་ལ་དམར་པོ་བསྟན། ཁྲ་ཁྲ་ལ་ཁྲ་ཁྲ་བསྟན་ནས་རང་དོན་སྒྲུབ་ཐབས་བྱེད་པ་དེ་རེད།
ད་རེས་སྐུ་ངོ་དང་སྐུ་ཚབ་ཀྱི་གནས་ཚུལ་དེའི་སྦུག་རྩ་དེ་མགོ་སྐོར་ལ་སྐྱབས་བཅོལ་བའི་ཐོག་ནས་བྱུང་བ་རེད། སྐུ་ངོ་མཆོག་གིས་སྤེན་ཚེ་སྔོན་མ་ནས་གནས་དབྱུང་གཏོང་རྒྱུའི་འདུན་པ་ཡོད་པ་ལ། ཁ་གཡར་ས་དེ་བྱ་སྤུ་གནོན་གྱི་ཐོག་ལ་བཞག་ནས་མང་ཚོགས་ལ་མགོ་སྐོར་གཏོང་རྩིས་བྱས་རུང་། དེ་ཐུབ་མ་སོང་། ཚང་མས་དེ་མགོ་སྐོར་ཡིན་པ་ཤེས་སོང་། སྐུ་ཚབ་ཀྱིས་ཀྱང་མདུན་ལ་བློ་སེང་ལ་གུས་ཞབས་ཡོད་པའི་རྣམ་པ་བསྟན། རྒྱབ་ལ་་ཁོང་ལ་གནོད་པའི་བྱ་བ་ཤ་སྟག་ལས་ནས་མགོ་སྐོར་གཏོང་བ་དེ་རེད། དཔེར་ན་ཨ་ནི་སྙེད་མོ་ལ་ཆང་ཚོད་མེད་བཀྱགས་ནས་སྐུ་ངོའི་གདོང་པ་ཆུ་ལ་སྐྱུར་དགོས་པའི་བསླབ་བྱ་བརྒྱབ། མཐར་དེ་སྐུ་ངོས་མཁྱེན་ནས་ཕྱིར་འབུད་བཏང་བ་རེད། གཉིས་ཀས་མགོ་སྐོར་གཏོང་གི་ཡོད་པ་དེ་ཤེས་པ་རེད། དེ་བཞིན་ཨ་ནི་སྙེད་མོས་མདུན་ལ་བློ་སེང་ལ་མཁས་པོ་བྱས། རྒྱབ་ལ་སྤེན་ཚེ་ཐུག་ནས་ཆང་བཏུང་། སྐུ་ངོའི་སྐྱོན་ཆ་ཤ་སྟག་བཤད་ནས་སྡོད་པ་དེ་རེད། མདོར་ན་སྐུ་ངོ་ལ་མགོ་སྐོར་གཏོང་གི་ཡོད། དེ་ཡང་སྐུ་ངོས་མཁྱེན་གྱི་ཡོད།
དེ་བཞིན་བཙན་བྱོལ་བོད་མིའི་སྤྱི་ཚོགས་ནང་ལ་ནམ་ཡིན་རུང་གཞན་ལ་མགོ་འཁོར་གཏོང་ཐུབ་ན་དེ་གཟི་བརྗིད་དང་། མགོ་འཁོར་གཏོང་ཐུབ་ཀྱི་ཡོད་པའི་རེ་བ་བྱེད་བཞིན་པ་རེད། སྔོན་མ་རྒྱ་ནག་གཞུང་ལ་མགོ་སྐོར་གཏོང་རྩིས་ཐེངས་མང་པོ་བྱས་རུང་། ཁུངས་ཁྱོལ་མེད། དེ་བཞིན་སྤྱི་འཐུས་རྣམ་པ་ཚོས་རྒྱུན་དུ་མགོ་སྐོར་བླུ་བྲིད་ཅིག་གཏོང་ཐུབ་པའི་རེ་བ་བྱས་ནས་ཉིན་མོ་འདའ་བ་དེ་ཚོ་ང་ཚོས་ཤེས་
ཀྱི་ཡོད།
ཁྱེད་ཅག་གི་དེའི་དཔེ་འདྲ་ཡོད་ན་གནང་རོགས།
ཆང་འཐུང་བཞིན་ཁེར་ལབ་རྒྱག་གི་ཡོད་དམ།