དོན་གྲུབ་བཀྲ་ཤིས།
རྒྱ་གར་ལྷོ་ཕྱོགས་སྦེལ་ཀོབ་འཚོ་བྱེད་ཁང་གསར་སྨན་ཁང་གིས་གོ་སྒྲིག་འོག་ལུག་བསམ་མཉམ་འབྲེལ་ཚོགས་ཁང་ནང་ཏུ་ཨེ་རྩིའམ་གཉན་ནད་རེག་དུག་གི་སྐོར་གོ་རྟོགས་སྤེལ་བའི་སྒོ་ནས་འཛམ་གླིང་གཉན་ནད་རེག་དུག་གི་ཉིན་མོ་སྲུང་བརྩི་གནང་སོང།
ཕྱི་ལོ་༢༠༡༧ ཟླ་ ༡༢ ཚེས་ ༡ རེས་གཟའ་ལྷག་པའི་ཉིན་རྒྱ་གར་ལྷོ་ཕྱོགས་བདེ་སྐྱིད་སླར་གསོ་དང་ལུགས་བཟུང་བསམ་གྲུབ་གླིང་བོད་མིའི་གཞིས་སྒར་དུ་སྦེལ་ཀོབ་འཚོ་བྱེད་སྨན་ཁང་གིས་གོ་སྒྲིག་འོག་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པའི་སྡེ་ཚན་ཁག་གིས་མང་ཚོགས་དང་་སམ་བྷོ་ཉིན་སློབ་འཛིན་རིམ་དགུ་པ་དང་བཅུ་གཅིག བཅུ་གཉིས་སློབ་ཕྲུག་དང་ལུགས་བདེ་གཉིས་ཀྱི་མི་མང་མཉམ་འཛོམས་ཐོག་ལ་གཉན་ནད་རེག་དུག་གི་སྐོར་ངོ་སྤྲོད་དང་། སྔོན་འགོག་སོགས་ཀྱི་འབྲེལ་ཡོད་གནས་ཚུལ་ཐོག་གོ་རྟོགས་སྤེལ་སོང
འཚོ་བྱེད་སྨན་ཁང་གིས་འགན་འཛིན་བསོད་ནམས་གཡུ་རྒྱལ་ལགས་ཀྱི་དེ་རིང་གི་ཉིན་མོ་དང་འབྲེལ་བའི་ངོ་སྤྲོད་གསུང་དོན་ལ་ང་ཚོས་ཕྲ་སྲིན་འདྲེན་བྱེད་ལས་བྱུང་བའི་འགོ་ནད་ལས་སྔོན་འགོག་དང་སྲུང་སྐྱོབ་ཆེད་དུ་དམིགས་ནས་ལོ་རེར་ནང་དུ་གཉན་ནད་སྔོན་འགོག་གི་ཉིན་མོ་སྼུང་རྩི་བྱེད་ཀྱི་ཡོད་རེད་ཐེངས་འདིའི་འཕྲོད་བསྟེན་གྱི་ལེ་ཚན་ནང་། འཛམ་གླིང་གཉན་ནད་རེག་དུག་གི་ཉིན་མོ་དང་བསྟུན། གཉན་ནད་རེག་དུག་གི་ངོ་བོ་དང་ཉེན་ཁའི་རང་བཞིན། འགོག་ཐབས་ཀྱི་འཐབ་ལམ་སོགས་ཀྱི་སྐོར་མི་མང་ལ་གསུངས་བཤད་གནང་བ་དང་བསྒྲགས་་་་ལུགས་བསམ་ས་གནས་འགོ་འཛིན་མཆོག་གིས་སྐུ་འཚབ་བསྟན་འཛིན་རྣམ་གྲོལ་མཆོག་ནས་དབུ་བོད་མའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་གསུང་འཕྲིན་སྒྲོག་སྦྱང་གནང་ཡོད་པ་རེད།
འཚོ་བྱེད་སྨན་ཁང་གི་སྨན་པ་བཀྲ་ཤིས་རྣམ་རྒྱལ་ལགས་ནས་གཉན་ནད་རེག་དུག་ནད་གཞི་སྔོན་འགོག་དང་འབྲེལ་བའི་བཀའ་སློབ་གསུང་བཤད་གནང་ཡོད་པ་དང་དེ་ཡང་ཁོང་གིས་སྐྱེས་མ་ཚོ་ཁོ་ནར་འབྱུང་བའི་མོ་ནད་ཟེར་བའི་ནད་རིགས་ཤིག་ཡོད་པར་འདོད་མཁན་ཧ་ཅང་མང་པོ་ཡོད་པ་མ་ཟད། མོ་མཚན་གྱི་ནད་རིགས་བྱུང་ན་དེ་ནི་སྐྱེས་མ་ཁོ་ནའི་ཞན་ཆའམ་སྐྱོན་དང་། ངོ་ཚ་དགོས་པ་ཞིག་དང་། གཞན་ལ་གསང་བ་བྱེད་དགོས་པའི་ཐ་ཤལ་གྱི་གནས་ཚུལ་ཞིག་ཏུ་འདོད་མཁན་ཡང་རེ་ཟུང་ཡོད། བསམ་ཚུལ་དང་། ཡིད་ཆེས། ལྟ་ཚུལ་སོགས་གང་འདྲ་ཞིག་འཛིན་མིན་ལ་མ་ལྟོས་པར། དོན་དངོས་ལ་དབྱེ་ཞིབ་བྱས་ན་ནད་རིགས་གང་འདྲ་ཞིག་ཡིན་རུང་དེ་ཕོ་མོ་གཉིས་ཀར་ཕོག་སྲིད་པ་ཙམ་དུ་མ་ཟད། མཚན་མའི་གཉན་ཚད་ཁ་ཤས་ཤིག་ཕོ་ནས་མོ་ལ་འགོད་པའི་སྣང་ཚུལ་ཡང་ཡོདེ་ཙམ་དུ་མ་ཟད། མཚནབ་མ་འམ་གདང་གནས་ཀྱི་ནད་རིགས་མང་པོ་ཞིག་གཙང་སྦྲ་དང་ ཟས་རིགས ལོ་ཚོད མངལ་སྦྲུམ་པ་སོགས་གནས་སྟངས་གཞན་མང་པོ་ཞིག་ལ་བརྟེན་ནས་འབྱུང་བ་ལས། མི་ཞིག་གི་ཀུན་སཔྱོད་ལེགས་མིན་གྱི་སྟེང་ནས་དབྱེ་འབྱེད་བྱེད་ཐུབ་པ་ཞིག་གཏན་ནས་མིན་སོགས་གསུངས་ཡོད་པ་རེད
དེ་འང་སྨན་ཞབས་པ་བསྟན་འཛིན་ཆོས་སྒྲོན་ལགས་ནས་ཟུར་ཟའི་འཁྲབ་སྟོན་ཐོག་ངོ་སྤྲོད་དང་སྦྲགས་་སམ་བྷོ་དྲ་ཀེ་ལཤ་པུ་རའི་འཛིན་རིམ་བཞི་བ་དང་ལྔ་པ་ནས་ནད་གཞི་དང་འབྲེལ་བའི་ཐོག་འཁྲབ་སྟོན་གཟིགས་འབུལ་གནང་པ་དང་འཚོ་བྱེད་སྨན་ཁང་གི་ལས་བྱེད་རྣམས་ནས་HIV/AIDSཞེས་པའི་བརྡ་དབྱངས་འབུལ་ལམ་ཞུ་ནས་ཐུགས་རྗེ་ཆེ་གསུངས་བཤད་དང་མཛད་སྒོ་རྒྱལ་ཁའི་ངང་གྲོལ་ཡོད་པ་རེད་འདུག། དེ་རིང་འཛམ་གླིང་གཉན་ནད་རིག་དུག་ཉིན་མི་འདི་རྒྱ་གར་ལྷོ་ཕྱོགས་ཀོ་ལེ་གྷལ་དང་ཧོང་སོར་སྦེན་ལོར་མོན་གྷོ་ས་གནས་སོགས་སུ་དེ་རིང་སྲུང་རྩི་བྱས་ཡོད་པ་རེད་འདུག།
རྒྱ་གར་ལྷོ་ཕྱོགས་ས་གནས་གསར་འགོད་པ་དོན་འགྲུབ་བཀྲ་ཤིས་ནས