རྒྱལ་བ་བསྟན་འཛིན་རྒྱ་མཚོའི་འཁྲུངས་སྐར་ལ། གཞས་འདི་འབུལ་བ་ཡིན།

https://www.youtube.com/watch?v=SjB4iJ9zELI

བསྟན་འཛིན།

གཞས་འདི་ག་དུས་ཉན་ཡང་ཁོང་གི་བཞིན་རས་དྲན་བཞིན་འདུག ངས་གཞས་ཚིག་ནང་གི་ཆུང་འདྲིས་ཅེས་པའི་ཚིག་དེ་བླ་མར་ཁ་སྒྱུར་བྱས་མྱོང་། ང་ཚོས་ཕ་ཡུལ་བཞག ཕ་མ་བཞག རེ་བ་དང་དམིགས་ཡུལ་ཞིག་འཁྱེར་ནས་ཕྱི་ལ་ཡོང་བ་རེད། ཁོང་ཕར་ཕུད་པའི་ཚང་མ་ཆག་སྒོ་དང་འགྱོད་པ་ཁོ་ན་ཡིན། ཁོང་མཇལ་བ་དང་ཁོང་གི་གསུང་ཐོས་པ་འདིས་ཚང་མ་འགྲིགས་སོང་། འགྱོད་པ་མེད་ལ་དགའ་བ་ཁོ་ན་ལས་མེད། སྐྱེ་བ་ཇི་འདྲ་ཞིག་ལ། མི་རབས་ཇི་འདྲ་ཞིག་ལ། བོད་ཀྱི་ལོ་རྒྱུས་ཇི་འདྲ་ཞིག་གི་ནང་། མི་བཟང་ཁོང་ལྟ་བུ་མཉམ་དུ་བོད་པ་ཞིག་གི་སྐྱེ་བ་བླངས་ནས། དམིགས་ཡུལ་ཆེན་པོ་ཞིག བསམ་པར་མི་ཕོད། ཤོད་པར་མི་ཕོད་པའི་དམིགས་ཡུལ་ཆེན་པོ་ཞིག་ཡིད་ལ་བཅངས་ནས། ཉིན་ལྟར་རྨི་ལམ་ལྟ་བུའི་འཚོ་བ་ལ་རོལ་བ་འདི་བསོད་ནམས་མ་རེད་པས། དེ་མིན་བདག་ལྟ་བུའི་བླུན་པོ་ཞིག་ལ། རང་དབང་། འདྲ་མཉམ། ཆོལ་གསུམ་ཆིག་སྒྲིལ། ཆོས་ལུགས་རིས་མེད། འཛམ་གླིང་ཞི་བདེ། བདག་པས་གཞན་གཅེས་པ། བྱམས་པ། བརྩེ་བ། སྙིང་རྗེ། སྦྱིན་པ། གཞན་དོན། ངོ་མ་བཤད་མི་ཕོད། བསམ་མི་ཕོད་པའི་བསམ་བློ་འདི་འདྲ་རྣ་བར་ཐོས། ཀླད་པའི་ནང་ལ་བཙན་པོས་བཅུག ཁ་ནས་སྐྱོར་བའི་གོ་སྐབས་ཐོན། ཡིད་ལ་མྱོང་བའི་བསྐལ་བ་ཐོབ།  ངོ་མ་མི་ལུས་འདི་འདྲ་ཞིག་གི་ནང་ལ་བསྐྱལ་ཐུབ་པ་འདི་ཁྱེད་ཀྱི་བཀའ་དྲིན་ཁོ་ན་ཡིན། གཞན་འཛམ་གླིང་གི་ས་ཆ་ག་པར་ཕྱིན་ཡང་། ལྟོ་གོས་དང་གཏམ། འཐེན་འཁྱེར་དང་འཐབ་རྩོད་ཀྱིས་མི་ཚེ་འབུད་འགྲོ་བའི་སྐབས་འདིར། བླ་མ་བཟང་པོ་ཁྱེད་མཉམ་དུ་ཕུགས་བསམ་བཟང་པོ་འདི་འདྲ་ཞིག་དང་རེ་བ་བཟང་པོ་འདི་འདྲ་ཞིག་གིས་ཟིན་ནས། མི་ཚེ་སྐྱེལ་བ་ནི་ངོ་མ་འགྱོད་པ་ཡེ་ནས་མེད་པའི་མི་ཚེ་ཞིག་ཡིན། མདོར་ན། བདེ་སྐྱིད་ནི་སེམས་ཀྱི་ལོངས་སྤྱོད་ཡིན། ཁྱེད་མཉམ་དུ་སུ་ཞིག་གིས་ཀྱང་བསྐྲུན་མ་ཐུབ་པའི་སེམས་ཀྱི་བདེ་སྐྱིད་ཅིག་མྱོང་ཐུབ་བྱུང་། བཀའ་དྲིན་ཆེ་བདག་གི་དབུ་འཁྲིད། སྐུ་ངལ་བྱུང་སོང་ཨ་ཕ་ལགས། ད་དུང་བློ་ཁོག་ཆེན་པོས་རྨི་ལམ་འདི་འདྲ་ཅིག་གི་ནང་ལ་རྨི་ལམ་གྱི་ཕ་སར་ཁྱེད་མཉམ་དུ་ལོག་ཐུབ་པའི་སྨོན་ལམ་འདེབས། སྐུ་མཁྱེན། ཕར་ཙམ་གཞན་ལ་མ་ཕེབས་པར་བདག་ཅག་མཉམ་དུ་འཚོ་བར་ཞུ།