བདེན་རྒྱབ་བདེན་གནོན།
ཉེ་ཆར་སྐབས་བཅུ་དྲུག་པའི་གྲོས་ཚོགས་ཚོགས་དུས་དྲུག་པའི་ནང་མ་འོངས་ཕྱི་ལོ་ ༢༠༢༡ ལོའི་སྲིད་སྤྱིའི་འོས་བསྡུར་དམིགས་ཏེ་སྒྲིག་གཞི་བསྐྱར་བཅོས་དང་བཟོ་བཅོས་སོགས་མང་དག་ཅིག་བཏང་ཡོད། རྣམ་འགྱུར་དེའི་ངོ་གདོང་ནས་ཞུས་ན་དེས་འབྱུང་འགྱུར་གྱི་འོས་བསྡུའི་ལས་རིམ་ནང་ཟིང་ཆ་མ་ཡོང་བ་དང་དགྲ་བོའི་ཐེ་བྱུས་མ་ཡོང་བའི་ཆེད་དུ་དམིགས་པར་འདོད་ཀྱང་། ཟ་དང་ཟུར་ནས་མངོན་ཡོང་བའི་གདོང་རིས་ངོ་མ་དེ་ནི་དཔལ་ལྡན་སྲིད་སྐྱོང་མཆོག་ནས་དེ་སྔོན་གྲོས་ཚོགས་ནང་མ་འོངས་པའི་སྲིད་སྐྱོང་འོས་མིར་བུད་མེད་ཅིག་ཕེབས་ཀྱི་རེད་ཅེས་གསུངས་ཚར་བའི་འོས་མི་དེའི་མདུན་ལམ་བཟོ་བཞིན་ཡོད་པ་གསལ་པོ་རེད། ཁ་སང་སྤྱི་འཐུས་ཤིག་གིས་འཁྱེར་ཡོང་བའི་ཁྲིམས་བཅོས་དེ་གང་ཟག་ལ་དམིགས་དང་མ་དམིགས་ཀྱི་ཤོད་རེས་བྱེད་པའི་སྐབས་སུ། ཚོར་ཤུགས་ཙམ་ལས་མེད་པའི་ན་གཞོན་སྤྱི་འཐུས་དེ་འདྲའི་ཞལ་ནས་ད་ལྟ་ཆེས་མཐོའི་ཁྲིམས་ཞིབ་ཁང་ལ་ཁ་མཆུ་ཞིག་འགྲོ་བཞིན་ཡོད་པ་ལྟ་བུ་ཟེར་ནས་དཔེ་མཚོན་བཀོད་ཡོང་དུས་དཔལ་ལྡན་ཚོགས་གཙོ་མཆོག་ནས་ཞལ་བཀག་ཀྱང་སུ་ལ་དམིགས་ཡོད་མེད་ཀྱི་དོགས་པ་དེ་བས་ཆེ་རུ་འགྲོ་གི་ཡོད་པ་རེད།
འདི་ཚོར་བསམ་བློ་གཏོང་སྐབས་འོས་བསྡུའི་ལས་རིམ་ནང་གཞུང་འབྲེལ་མ་ཡིན་པའི་ཚོགས་པ་སྐྱིད་སྡུག་གི་དབང་ཤུགས་མ་སླེབས་པའི་ཆེད་དུ་སྒྲིག་གཞི་བསྐྱར་བཅོས་བྱེད་ཀྱི་ཡོད་ཁུལ་ཡང་། གནས་ཚུལ་མང་པོ་ཞིག་ད་ལྟ་ནས་གྲ་སྒྲིག་བྱེད་ཀྱི་ཡོད་པ་དང་། དེའི་ནང་འཛིན་སྐྱོང་བཀའ་ཤག་ཞུགས་ཚར་ཡོད་པ་གསལ་དུ་འགྲོ་གི་འདུག ང་ཚོས་དོ་སྣང་མེད་པའི་ཕྱི་ལོ་ ༢༠༡༨ ནས་བཟུང་ཕྱི་རྒྱལ་ཡུལ་གྲུ་ཁག་གི་དོན་གཅོད་དེ་ཚོས་ས་གནས་ཀྱི་བོད་རིགས་སྤྱི་མཐུན་ཚོགས་པ་ཚོར་གནོན་ཤུགས་དང་དམ་བཅུན་གྱི་ཕྱག་རིང་རྐྱོང་འགོ་ཚུགས་པ་དང་། དེ་ཡང་ལས་དོན་ཆུང་ཚགས་མ་ཡིན་པར་སྤྱི་མཐུན་ཚོགས་པ་སོ་སའི་རྒྱུན་ལས་འོས་བསྡུའི་ནང་སྐྱིད་སྡུག་ཚོགས་པ་བྱེ་བྲག་པ་འགའ་ཤས་དང་ཁ་དང་གཏིང་གི་ཐབས་བྱུས་ཀྱི་ཐོག་ནས་ཐེ་བྱུས་དོན་འབྲས་སྨིན་པ་བྱེད་ཀྱི་ཡོད་པའི་སྣང་ཚུལ་གསལ་དུ་འགྲོ་གི་ཡོད། དཔེར་ན་ཨ་རིའི་རྒྱལ་ཁོངས་ཀྱི་ནེའུ་ཡོག་དང་ནེའུ་ཇར་སི་བོད་རིགས་སྤྱི་མཐུན་ཚོགས་པའི་རྒྱུན་ལས་འོས་འདེམས་ཀྱི་ལས་དོན་ལ་རྙོག་དྲ་བྱུང་བ་དང་འབྲེལ་ཏེ་རྒྱུན་ལས་གསར་ཐོན་གྱི་ལས་རིམ་མཇུག་རྫོགས་མ་རྫོགས་ནས་དོན་གཅོད་དང་བདག་གཅིག་འབྲེལ་གྱི་གཟུགས་བརྙན་ཕྱིར་མངོན་པ་དང་། དེ་བཞིན་ཨོ་སི་ཊོ་ལེ་ཡའི་སི་ནི་མངའ་ཁུལ་གྱི་བོད་རིགས་སྤྱི་མཐུན་ཚོགས་པའི་རྒྱུན་ལས་གསར་འདེམས་ལས་གཞིར་ངོས་ལེན་མེད་པའི་རྩོད་རྙོག་ཆེན་པོ་བྱུང་བ་དང་དེའི་ནང་དོན་གཅོད་དངོས་སུ་འབྲེལ་བ་ཡོད་པའི་གཟུགས་བརྙན་ཕྱིར་མངོན་པ་སོགས་རེད།
ཡང་ན་ཧོབ་སྟེ་བལྟས་པས་ཤེས། ཡང་ན་ཞག་གསུམ་གཤིབ་ན་ཤེས། ཟེར་བའི་གཏམ་དཔེའི་གོ་དོན་བཞིན་འདི་ལོ་ནས་དབུ་ཚུགས་པའི་འཛིན་སྐྱོང་བཀའ་ཤག་དང་འབྲེལ་བའི་ལས་འགུལ་འདི་ཚོར་ཧོབ་ཏེ་ལྟ་སྐབས་དངོས་གནས་འཆར་གཞི་འདི་འདྲ་ལ་ཨང་སྙམ་པ་དྲན་འོང་། ལོ་གཉིས་དང་ཕྱེད་ཀ་ཙམ་གྱི་དུས་ཡུན་དེའི་རིང་བཀའ་ཤག་གིས་ཕྱི་དྲིལ་ལས་ཁུངས་བརྒྱུད་དེ་རྒྱལ་ཁག་སོ་སོའི་དོན་གཅོད་ཁང་གིས་ས་གནས་སོ་སོའི་བོད་རིགས་སྤྱི་མཐུན་ཚོགས་པའི་རྒྱུན་ལས་སུ་རང་ཕྱོགས་ཀྱི་མི་སྣ་སླེབས་ཐུབ་པ་བྱས་ཏེ་ཕྱི་ལོ་ ༢༠༢༡ ལོའི་སྔོན་ཚུད་དུ་བོད་རིགས་སྤྱི་མཐུན་ཚོགས་པ་ཁག་ཡོངས་རྫོགས་དབང་འོག་ཏུ་ཚུད་ཐབས་ལ་འབད་བརྩོན་གནང་རྒྱུ་དང་། ནང་སྲིད་ལས་ཁུངས་བརྒྱུད་ནས་རྒྱ་བལ་འབྲུག་གསུམ་ནང་ལྷོ་སྤྱི་དང་བྱང་སྤྱིས་གཙོས་ས་འགོ་སོགས་སྣེ་མོ་བ་ཕལ་ཆེ་བ་བློས་བསྐྱལ་ཆོག་པ་ཤ་སྟག་སྒྲིག་འཛུགས་བྱ་ཐུབ་པ་གནང་བརྩིས་ཡོད་པ་འདྲ། འདི་འདྲའི་ཧུར་ཐག་འབད་ཐག་གི་འབད་བརྩོན་ལ་དམིགས་ཡུལ་ཆེན་པོ་གཉིས་ཡོད། གཅིག མི་མང་ནས་ཐད་ཀར་འོས་འདེམས་བྱས་པའི་ཆབ་སྲིད་ཀྱི་དབང་ཆ་ཆ་ཚང་ཡོད་པའི་གཞུང་འཛིན་འདིའི་ལོ་བཅུའི་དུས་ཡུན་ནང་བཙན་བྱོལ་བོད་མིའི་སྤྱི་ཚོགས་ཁྱོན་ཡོངས་ནས་ཁ་གཏོར་ཆེན་པོར་སོང་བ་ལོང་བས་ཀྱང་མཐོང་ཐུབ་པའི་ཚོད་དུ་བསྐྱལ་ཡོད་པས། དེ་སྔ་ལྟར་མི་མང་རང་འགུལ་གྱིས་དགའ་སྤྲོའི་ངང་ནས་ཐུགས་རྗེ་ཆེ་ཞུ་དང་བཀའ་དྲིན་རྗེས་དྲན་བྱེད་མཁན་ཡོང་ཐབས་མེད་པ་གསལ་པོ་རེད། དེར་བརྟེན་ཕྱི་རྒྱལ་ཡུལ་གྲུ་ཁག་གི་བོད་རིགས་སྤྱི་མཐུན་ཚོགས་པ་ཁག་དང་རྒྱ་བལ་འབྲུག་གསུམ་ས་ཁུལ་གྱི་ས་འགོ་སོ་སོའི་ཁྱབ་ཁོངས་དབང་དུ་བསྡུས་ཏེ་འདི་ལོ་ནས་འགོ་བཙུགས་ཏེ་རིམ་པས་བཙན་དབང་དར་འཕྱར་གྱིས་ཐུགས་རྗེ་ཆེ་ཞུ་དང་བཀའ་དྲིན་རྗེས་དྲན་གྱི་མཛད་སྒོ་སྤེལ་རྒྱུའི་གྲ་སྒྲིག་བྱེད་བཞིན་ཡོད་པ་རེད། དེའི་དཔེ་མཚོན་ནི་ཉེ་ཆར་ནེའུ་ཡོག་དང་ནེའུ་ཇར་སི་བོད་རིགས་སྤྱི་མཐུན་ཚོགས་པས་ཆབ་སྲིད་ཀྱི་ཆབ་ལ་ཡང་འཇུག་བརྒྱབ་པའི་གཟེངས་རྟགས་དེ་ལས་ཤེས་ཐུབ། གཉིས། དཔལ་ལྡན་སྲིད་སྐྱོང་མཆོག་གིས་དེ་སྔོན་གྲོས་ཚོགས་ནང་བུད་མེད་ཅིག་མ་འོངས་སྲིད་སྐྱོང་འོས་མིར་ཕེབས་ངེས་རེད་གསུངས་པའི་གཞུང་འབྲེལ་འོས་མི་དེར་ཕེབས་ལམ་བདེ་པོ་ཞིག་བཟོས་གནང་གི་ཡོད་པ་དང་། སྣུམ་ནག་བྱུག་པའི་གཞུང་འབྲེལ་གཞུང་ལམ་དེའི་ཐོག་ནས་ཕེབས་འཆར་གྱི་མ་འོངས་པའི་སྲིད་སྐྱོང་བུད་མེད་དེས་ད་ལྟའི་ལས་ཐོག་སྲིད་སྐྱོང་གིས་གཙོས་ཕྱག་སྦྲེལ་བཀའ་བློན་དེ་ཚོར་བཀའ་བློན་བསྐྱར་བསྐོ་དང་། ལས་ཡུན་རྫོགས་པ་ཚོར་དོན་གཅོད་དང་། ཡང་ན་ཐེབས་རྩ་ཆེ་ཁག་རིགས་ཀྱི་ཞབས་སྟེགས་འབུལ་རྒྱུའི་ཚོང་ཞིག་རྒྱག་གི་ཡོད་པ་རེད། དངོས་གནས་འདི་ལྟར་བསམ་ཚེ་ཚོང་དེ་ཚོ་ནི་ཆེན་པོ་ཞིག་ཡིན་པ་ཙམ་དུ་མ་ཟད། གཞུང་འབྲེལ་གྱི་ནག་ཚོང་ཞིག་ཀྱང་རེད། ད་དུང་ལམ་འགྲོ་རྒྱུག་བཞིན་པའི་ནག་ཚོགས་ཀྱི་མི་མངོན་པའི་ཟོག་ཚོང་ཞིག་རེད་ཅེས་བརྗོད་ཆོག་པ་ཡིན།
གཞུང་འབྲེལ་མ་ཡིན་པའི་ཚོགས་པ་སྐྱིད་སྡུག་ཁག་གིས་སྲིད་སྤྱིའི་འོས་གཞི་འདོན་མི་ཆོག་པའི་ཁྲིམས་སྒྲིག་བསྐྱར་བཅོས་ཀྱི་ལས་གཞི་ཚ་ཚ་འུར་འུར་འདིའི་གཏིང་རིམ་ནས་འགྲོ་བཞིན་པའི་གཞུང་འབྲེལ་འོས་གཞིའི་ལས་འགུལ་འཆར་གཞི་ལྡན་པའི་ཐོག་ནས་འགྲོ་གི་ཡོད་ན་ང་ཚོའི་སྐུ་ངོ་ཚོའི་རང་དོན་ཁོག་བཅུག་གི་ཆབ་སྲིད་ཚད་མཐོ་པོར་སླེབས་ཡོད་པ་མཚོན་པ་དང་དམངས་རྣམས་ད་དུང་གནམ་མགོ་ལ་གྱོན། སྤྲིན་པས་ཨོག་སྒྲོག་བརྒྱབ་ནས་བསྡད་ཡོད་པ་གསལ་པོ་རེད། གཞུང་འབྲེལ་ལས་རིམ་འདི་ལྟར་འགོ་བཙུགས་ཟིན་པ་དང་ལས་རིམ་འདིའི་གདོང་བསྐྱོད་པ་ཕྱི་རྒྱལ་ཡུལ་གྲུ་ཁག་གི་དོན་གཅོད་ཁག་དང་ལྷོ་བྱང་སྤྱི་ཁྱབ་དང་ས་འགོ་སོགས་ཡིན། ད་ལྟའི་གཞུང་འཛིན་པ་ཚོས་མ་འོངས་པའི་གཞུང་འཛིན་ལ་འདི་ལྟར་དཀའ་ལས་རྒྱག་དགོས་པའི་དམིགས་ཡུལ་ནི་ད་ལྟའི་ཆར་བཙན་བྱོལ་བོད་མིའི་རོགས་དངུལ་ཡོངས་རྫོགས་ག་སྒྱུར་བྱ་ཡུལ་ཐེབས་རྩ་ཞིག་ལ་དམིགས་ཀྱི་ཡོད་པ་རེད། ཐེབས་རྩ་འདི་བཞིན་སུ་ཞིག་གིས་སྒེར་བདག་བྱེད་ཐུབ་པ་དེ་ཉིད་མ་འོངས་པའི་བཙན་བྱོལ་བོད་མིའི་ཛམ་བྷ་ལར་འགྱུར་རྒྱུ་དང་། རྒྱ་བལ་འབྲུག་གསུམ་གྱི་བོད་རིགས་སྒེར་དང་། ཚོགས་པ། གཞུང་དང་བཅས་པ་ཚང་མ་ཐེབས་རྩ་དེའི་ཁ་ནས་འཛག་པའི་ཐིགས་པ་ལ་སྒུག་རྒྱུ་དང་། ཐེབས་རྩ་དེའི་དཔལ་འབྱོར་གྱི་བསླུ་ཁྲིད་འོག་མ་འོངས་པའི་བོད་མིའི་སྒྲིག་འཛུགས་ཀྱི་འགོ་ཁྲིད་སུ་འགྲོའི་བཏང་འཛིན་དབང་ཆ་སྒེར་བདག་བྱེད་ཐུབ་པ་བྱས་ཏེ་བོད་ཀྱི་རྩ་དོན་དང་། ཆོས་རིག་སོགས་ཐེབས་རྩ་དེ་ཉིད་ཀྱི་ཚོང་རྫས་སུ་བསྒྱུར་རྒྱུ་རེད། ཐེབས་རྩ་དེས་མ་འོངས་པར་དགྲ་གཉེན་གྱི་ཕྱོགས་ཚང་མ་ནས་དཔལ་འབྱོར་འདུ་འགོད་ཀྱི་ཁྲོམ་ར་ཆེན་པོ་བསྐྲུན་ཏེ་བོད་ཀྱི་རྩ་དོན་ཆོས་རིག་དང་བཅས་པ་ཚོང་བསྒྱུར་བྱས་ཏེ་རྒྱལ་སྤྱིའི་ཆབ་སྲིད་དང་དཔལ་འབྱོར་གྱི་དམག་ཁྲུག་ནང་ཞུགས་རྒྱུ་རེད། ཐེབས་རྩ་དེ་བཞིན་མ་འོངས་གཞིས་བྱེས་བོད་མིའི་མངའ་བདག་ཏུ་གྱུར་ཏེ་གཞིས་བྱེད་བོད་མི་ཚང་མ་ཐེབས་རྩ་དེའི་བྲན་གཡོག་གམ་ཚོང་རྫས་སུ་འགྱུར་རྒྱུ་རེད།
འདི་ལྟར་མངོན་དཔག་བྱེད་པའི་བསམ་གཞིག་གི་གཞི་རྩ་ནི་ཐེབས་རྩ་དེས་ད་བར་དཔལ་འབྱོར་འདུ་སྐོང་བྱེད་པའི་ཁ་ཕྱོགས་དང་། བྱེད་ཐབས། འདུ་སྐོང་བྱས་ཟིན་པའི་རོགས་དངུལ་གཏོང་ཕྱོགས་ཀྱི་དམིགས་ཡུལ་དང་། བགོ་འགྲེམས་ཀྱི་ཁྱབ་ཁོངས། ཐེབས་རྩ་དེའི་རོགས་དངུལ་བཏང་འཛིན་འོག་ཡོད་པའི་ཚོགས་སྒེར་ཁག་གི་སྣང་ཚུལ་སོགས་མང་པོར་ཞིབ་ཚགས་ཀྱིས་བལྟས་ན་ཤེས་ཐུབ་བོ།། །།
འདི་ལྟར་མངོན་དཔག་བྱེད་པའི་བསམ་གཞིག་གི་གཞི་རྩ་ནི་ཐེབས་རྩ་དེས་ད་བར་དཔལ་འབྱོར་འདུ་སྐོང་བྱེད་པའི་ཁ་ཕྱོགས་དང་། བྱེད་ཐབས། འདུ་སྐོང་བྱས་ཟིན་པའི་རོགས་དངུལ་གཏོང་ཕྱོགས་ཀྱི་དམིགས་ཡུལ་དང་། བགོ་འགྲེམས་ཀྱི་ཁྱབ་ཁོངས། ཐེབས་རྩ་དེའི་རོགས་དངུལ་བཏང་འཛིན་འོག་ཡོད་པའི་ཚོགས་སྒེར་ཁག་གི་སྣང་ཚུལ་སོགས་མང་པོར་ཞིབ་ཚགས་ཀྱིས་བལྟས་ན་ཤེས་ཐུབ་བོ།། །།
སྲིད་སྐྱོང་བློ་སངས་སྲིད་ཟུར་ཆགས་དུས་ཨ་རིའི་ཐེ་རྩ་སྒེར་བདག་བྱེད་པའི་དམིགས་ཡུལ་ཡོངས་སུ་འགྲུབ་ངེས་རེད།
མ་འོངས་པའི་ཞབས་སྟེགས་རྒྱ་རི་སྒྲོན་མ་ལས་གཞན་སུ་ལ་དམིགས་ཡོད་དམ།
སྲིད་སྐྱིང་བུ་མེད་ཡོང་ན་དགའ་བསུ་ལས་གཞན་ཅི། ༧གོང་ས་མཆོག་ན་རྒྱལ་བའི་ཡང་སྲིད་ཀྱང་བུད་མེད་ཡོང་སྲིད་ོ་རེད་དེ་ཡང་རྣམ་པ་མཛེས་མོ་ཞིག་ཡོང་རེད་ཅེས་མང་པོ་གསུང་ཚར་རེད་། ད་དུང་༧གོང་ས་མཆོག་ནས་ཁོང་ལ་བྱམས་བརྩེ་དང་པོ་བསླབ་མཁན་དེ་ཁིང་གི་ཨ་ཡིན་་་བུ་མེད་འཛམ་གླིང་་དཔོན་པོ་མང་པི་ཡིང་ཞི་བདེའ་བསྐྲུན་ཐུབ་ཀྱིས་རེད་གསུངས་ཡོད་པས་་་ཁྱོད་བླ་མིག་རྣ་གསུམ་ས་འོག་ལ་བསྡེབ་སོང་ངམ། དོན་མེད་ཕྲག་དོག་དེ་དོར་ན་དགའ་རེད། བཙན་བྱོལ་སྤྱི་ཚོགས་སྦར་གང་མ་གཏོགས་མེད་ོཔས་་་སུ་བསླེབ་ན་བསླེབ། ཁྱེད་རང་སྲིད་སྐྱོང་ལང་ཤོག་་་འདོད་མོས་རེད་་
སྲིད་སྐྱོང་བུ་མེད་ཡོང་ན་དགའ་བསུ་ལས་གཞན་ཅི། ༧གོང་ས་མཆོག་ན་རྒྱལ་བའི་ཡང་སྲིད་ཀྱང་བུད་མེད་ཡོང་སྲིད་པ་རེད། དེ་ཡང་རྣམ་པ་མཛེས་མོ་ཞིག་ཡོང་རེད་ཅེས་མང་པོ་གསུང་ཚར་རེད་། ད་དུང་༧གོང་ས་མཆོག་ནས་ཁོང་ལ་བྱམས་བརྩེ་དང་པོ་བསླབ་མཁན་དེནི་་ཁོང་གི་ཨ་མ་ཡིན་་་བུ་མེད་དེ་འཛམ་གླིང་དཔོན་པོ་མང་པོ་ཡོང་ཐུབ་ན་ཞི་བདེའ་བསྐྲུན་ཐུབ་ཀྱིས་རེད་གསུངས་ཡོད་པས་་་ཁྱོད་བློ་མིག་རྣ་གསུམ་ས་འོག་ལ་བསྡེབ་སོང་ངམ། དོན་མེད་ཕྲག་དོག་དེ་དོར་ན་དགའ་རེད། བཙན་བྱོལ་སྤྱི་ཚོགས་སྦར་གང་མ་གཏོགས་མེད་པས་་་སུ་བསླེབ་ན་བསླེབ། ཁྱེད་རང་སྲིད་སྐྱོང་ལང་ཤོག་་་འདོད་མོས་རེད་་
༄༅ྲ འོངས་པའི་སྲིད་སྐྱོང་བུད་མེད་གཅིག་ཡོང་བའི་སྨོན་ལམ་དང་རེ་བ་བྱེད་བཞིན་ཡོད།
ཡིན་ཡང་བུད་མེད་དེ་ལ་ཕྱི་ནང་གཉིས་ཀྱི་ཤེས་ཡོན་རིག་གནས་གང་འཚམས་ཡོད་དགོས་པ་
ནི་མེད་དུ་མི་རུང་བ་ཞིག་རེད།
གང་ལ་ཟེར་ན་ཕྱི་ནང་གི་སྐད་ཡིག་ཚན་ལྡན་ཞིག་ཡོད་དགོས་པ་ཞིག་རེད། དཔེར་ན་མི་ཞིག་ལ་
མིག་གཉིས་ཀར་ཚད་ལྡན་ཞིག་ཡོད་དགོས་།
སྲིད་སྐྱོང་དང་བདེ་སྲུང་ཕག་པ་གཉིས་ལ་གཟེངས་རྟགས་འབུའ་དགོས་ངེས་རེད།
དངོས་གནས་བཤད་ན། ལག་ན་ཧར་བ་སྒྲི་གཙུག་ལག་སློབ་གྲྭའི་ལག་འཁྱེར་ཤོག་བུ་ཙམ་མ་གཏོགས། ཁོག་ན་གཟུགས་གཞུག་མེད་པའི་སྲིད་སྐྱོང་ཁོག་སྟོང་འདིས༸གོང་ས་ཐམས་ཅད་མཁྱེན་པའི་གཙོས་བཙན་བྱོལ་བྱོལ་ནང་གི་མི་རབས་རྒན་པ་དག་གིས་དཀའ་བ་བརྒྱ་ཕྲག་གིས་བསྐྲུན་པའི་སྒྲིག་འཛུགས་འདི་ཕྱི་གཙབ་ནང་གཙབ་བཟོས་སོང་ལ། ཀླད་པའི་ནང་དུ་རྩྭ་མ་གཏོགས་མེད་པའི་ཁོའི་ཕ་ཡུལ་གཅིག་པ་ཡིན་སྐད་ཀྱི་སྐད་སྟོང་ཚོ་ཞེན་ཁོག་རྐྱང་པའི་མྱོས་ཏེ་སྲིད་སྐྱོང་ཁོག་སྟོང་འདིས་ཧ་ལས་པ་ཞིག་འཇོན་སོང་མདོག་དང་། ཐ་ན་༸གོང་ས་མཆོག་ལས་ཀྱང་སྲིད་སྐྱོང་ཁོག་སྟོང་འདི་འུར་སྒྲོག་བྱེད་ཀྱིན་ཡོད་དེ། དཔེར་ན། སྲིད་སྐྱོང་ཁོག་སྟོང་འདིར་བསྟོད་གླུ་ཞིག”བླངས་པའི་གཞས་ཚིག་ཅིག་ཏུ་་གོང་མ་ལྷ་ཡི་སྲས་པོ།། མི་འཇིགས་ཁྲི་ལས་ཕབ་མཁན།། དཔའ་བོ་བློ་བཟང་སེང་གེ”ཟེར་བ་ལྟ་བུ། བསམ་ཤེས་ཤིག་གིས་གོ་ན་དབང་མེད་དུ་གད་མོ་ཤོར་དགོས་ཤིང་། སྲིད་སྐྱོང་ཁོག་སྟོང་གཙོས་ཀླད་སྟོང་དག་གིས་གོ་ན་དགའ་ནས་གནམ་ལ་འཕུར་གྲབས་བྱེད་ཀྱིན་པ་ལྟ་བུ་རེད། མདོར་དྲིལ་ན། འདས་པའི་ལོ་ངོ་བདུན་དང་ཕྱེད་ཀའི་རིང་གི་སྲིད་སྐྱོང་ཁོག་སྟོང་འདིའི་རྐང་རྗེས་ལ་ཕྱིར་ལྟ་ཞིག་བྱས་ན། བཙན་བྱོལ་སྒྲིག་འཛུགས་ཁ་འཐོར་ཡ་འཐོར་དང་། བོད་སྐད་ཡིག་གི་ལས་དབང་རྒྱ་གཞུང་ལྟར་ཕྱོགས་དང་ཟུར་སྣ་ཚོགས་ནས་ཉམས་རྒུད་དང་ནུས་མེད་དུ་བཏང་། བཙན་བྱོལ་སྒྲིག་འཛུགས་ཀྱིས་ལོ་མང་རིང་གསོག་སྒྲུབ་བྱས་པའི་གཞུང་དངུལ་རྣམས་བག་མེད་ལོངས་སྤྱོད་ཀྱིས་ཕངས་མེད་དུ་སྤྱད། རྫུན་བཤད། ཕྲ་མ་བརྒྱབ། མགོ་སྐོར། མཁས་པ་ཡིན་ཟེར་གྱིན་མང་ཚོགས་ཀྱི་དྲི་བར་ལན་མ་ཐེབས་པར་གབ་བྲོས་ཡིབ་བྲོས་བྱེད། དཔའ་བོ་ཡིན་པར་བསྒྲགས་ཀྱིན་ཉེ་སྔོན་ཕྱིའི་ལུང་པ་ནས་རྒྱ་ནག་གི་སློབ་མ་དག་གི་མདུན་ལ་འབུད་མ་ཕོད་པར་སྡར་མ་ཝ་ཡི་རྟུལ་ཞུགས་བཟུང་སྟེ་རྔ་མ་ཤར་ལེ་སོང་། ཧུ་ཧུ་་་་སྲིད་སྐྱོང་ཁོག་སྟོང་གི་ངོ་བོ་དངོས་གླེང་ན་འདི་འདྲ་ཞིག་རེད་འདུག་གོ
མཐོ་ནི་བློ་སངས་མཐོ་གི
ཡག་ནི་བློ་སངས་ཡག་གི
བློ་སངས་ཁོག་སྟོང་ཡིན་པ
ད་ལོ་མིན་ཐ་མ་ཤེས
༄༅། མཐོ་ནི་བློ་བཟང་མཐོ་ལགས། ཤེས་ཡོན་བློ་བཟང་ལ་ཡོད།
ཨ་རི་སྙན་གྲགས་མཐོ་སློབ། ཧ་ཝ་་ཚུད་ནས་སྦྱངས་ཡོད།
ཤེས་ཡོན་ངེས་ཅན་མེད་ན་། ཚུད་པའི་རེ་བ་བྲལ་ལགས།
རབས་བྱམས་མཐོ་སློབ་ཐོན་པར། ལོ་ངོ་བཅུ་ལྷག་སྦྱངས་རེད།
དེ་འདྲ་སྦྱང་རྒྱུའི་ཤེས་ཡོན། ཚེ་འདིར་ཁྱོད་ལ་ཐོབ་དཀའ་།
དངོས་གནས་དྲང་ནས་སྦྱང་འདུག།།
ངོ་ཚ་མེད་མཁན་སྦྱང་འདུག།
སྦྱང་དང་མ་སྦྱང་གཉིས་ལ།།
ཧམ་པ་ཤ་ཏག་སྦྱང་འདུག།
ཕྱོགས་གཏོགས་འགན་ཁུར་མང་གཙོ་མིན།
དྲང་བདེན་གནས་ལུགས་མང་གཙོ་ཡིན།
ཧམ་བཤད་སྟོང་བཤད་མང་གཙོ་མིན།
རྒྱུ་ཚན་ཁུང་སྐྱེལ་མང་གཙོ་ཡིན།