གནས་ཚུལ་མཁོ་གཏོང་བ། མགལ་དུམ།
ཨོ་སུ་ཁྲུ་ལེ་ཡ་སིད་ཎེ་ཁུལ་( Sydney, Australia) ནས་བོད་མི་དྲུག་བརྒྱ་མ་ཟིན་ཙམ་མཉམ་འཛོམས་ཀྱིས་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་དང་ནོར་བྷེལ་གཟེངས་རྟགས་ཀྱི་མཛད་སྒོ་ཐེངས༢༩བ་སྲུང་བརྩི་གནང་བ།
སིད་ཎེ་བོད་རིགས་མཐུན་ཚོགས་ཀྱི་རྒྱུན་ལས་སྐབས་བཅོ་ལྔ་བའི་བཀོད་སྒྲིག་འོག་སྤྱི་ལོ་༢༠༡༨ལོའི་ཟླ་༡༢ཚེས༡༠ཉིན་གྱི་སྔ་དྲོ་ཨོ་སུ་ཁྲུ་ལེ་ཡའི་ཆུ་ཚོད་༡༠སྟེང་དུ་༧གོང་ས་མཆོག་གི་གྲོགས་པོ་ཡེ་ཤུའི་བླ་ཆེན་ Father Bill
crews ཡི་ཡེ་ཤུའི་ལྷ་ཁང་དུ་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་དང་༧སྤྱི་ནོར་༧གོང་ས་མཆོག་གིས་འཛམ་གླིང་ནོར་བྷེལ་ཞི་བདེའི་གཟེངས་རྟགས་འབུལ་བཞེས་གནང་སྟེ་ལོ་ངོ་༢༩འགོར་བའི་དུས་དྲན་གྱི་མཛད་སྒོ་བརྩི་སྲུང་གནང་སོང་ལ། སྐུ་མགྲོན་གཙོ་བོ་བླ་ཆེན་ Father Bill crews དང་ལྷོ་ཤར་ཨེ་ཤ་ཡའི་སྤྱི་འཐུས་གདོང་འདུས་སྐྱིད་འཛོམས་སོགས་ཕེབས་འདུག གཞན་ཡང་སྐྱབས་གནས་དགེ་འདུན་པའི་སྡེ་གཙོ་བའི་སེར་སྐྱ་མི་མང་སུམ་བརྒྱ་མ་ཟིན་ཞིག་མཉམ་ཞུགས་ཀྱིས་སྔ་དྲོའི་མཛད་སྒོའི་དགའ་དད་སྤྲོ་གསུམ་ངང་དབུ་འཛུགས་ཤིང་ཚོགས་གཞོན་རྟེན་ཁང་བློ་བཟང་དོན་ལྡན་གྱིས་སྐུ་མགྲོན་དང་མི་མང་ལ་འཚམས་འདྲི་དང་འབྲེལ་མཛད་སྒོ་འདི་འདྲ་སྲུང་བརྩི་གནང་དགོས་པའི་དགོས་པ་དམིགས་ཡུལ་གསུངས་སོང་ལ། ཚོགས་གཙོ་དགོ་ཚང་ཎེ་རྒན་ལགས་ཀྱིས་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོའི་དང་ནོར་བྷེལ་གཟེངས་རྟགས་ཀྱི་བྱུང་རིམ་མི་མང་ལ་ངོ་སྤྲོད་གནང་ཞིང་༧གོང་ས་རྒྱལ་བ་རིན་པོ་ཆེ་མཆོག་གིས་དགུང་ལོ་༡༦ནས་བོད་མི་རིགས་ཀྱི་དོན་དུ་སྐུ་ངལ་འཛད་མེད་མྱངས་པར་བཀའ་དྲིན་བསམ་ཤེས་གནང་ཐུབ་པ་
དགོས་པའི་བཀའ་སློབ་ནན་བཤད་གནང་སོང་། སྐུ་མགྲོན་Father bill crews ཡིས་བོད་མི་དག་ལ་ཚོར་ཤུགས་ཆེན་པོའི་དགའ་བསུ་གནང་ཞིང་ཁོང་གི་ཡེ་ཤུའི་ཆོས་ཁང་འདི་ལ་ཁྱེད་རང་ཚོ་ནམ་ཡིན་ལ་ཕེབས་ཤིང་བེད་སྤྱོད་གཏོང་ཆོག་ཅེས་ཐུགས་བརྩེ་བ་ཆེན་པོས་གསུངས་སོང་ལ། བླ་ཆེན་ཁོང་དང་ཐོག་དང་པོ་༧གོང་ས་མཆོག་ལ་ཐུག་འཕྲད་སྐབས་སུ་དཀར་གཙང་གི་ཁ་བཏགས་སྲིད་དུ་རིང་བ་ཞིག་ཕུལ་བ་འདི་ཧ་ཅང་གི་རྩ་ཆེན་པོ་བརྩི་གི་ཡོད་ལ། དེ་མཚུངས་ཁ་བཏགས་འདི་༧གོང་ས་མཆོག་གིས་ཕུལ་བ་ནས་ཡེ་ཤུ་བ་ལ་མཚོན་ན་ཡེ་ཤུ་ཡི་cross གལ་ཆེན་པོ་ཡིན་པ་བཞིན་དེའི་སྟེང་ལ་བཞག་བཞག་པ་ཡིན། འགྲོ་བ་མིའི་བྱམས་བརྩེའི་གལ་ཆེའི་རང་བཞིན་གྱི་སྐོར་ནས་གསུངས་དོན་བྱམས་བརྩེ་ནི་འགྲོ་བ་མིའི་ཆེས་གལ་ཆེ་བའི་དངོས་པོ་དེ་ཡིན་པས་བྱམས་བརྩེ་ལ་བློ་སྦྱོང་དགོས་རྒྱུ་ནི་ཤིན་ཏུ་ནས་གལ་ཆེན་ཡིན་པ་དང་ཉིན་ཞིག་ལྷ་ཁང་འདི་མེད་འགྲོ་གི་རེད། རེད་དེ་ང་ཚོའི་བྱམས་བརྩེ་མེད་པ་ཆགས་སྲིད་ཀི་མ་རེད་ཅེེས་བཀའ་སློབ་ཟབ་མོ་གནང་སོང་། ལྷོ་ཤར་ཨེ་ཤ་ཡའི་སྤྱི་འཐུས་གདོང་འདུས་སྐྱིད་འཛོམས་ལགས་ནས་རྒྱལ་སྤྱིའི་འགྲོ་བ་མིའི་ཐོབ་ཐང་དང་རྒྱལ་སྤྱིའི་ཆབ་སྲིད་ཀྱི་འགྱུར་བ་ག་འདྲ་བྱུང་དང་འབྱུང་གིན་
ཡོད་མེད། བོད་མི་ནང་ཁུལ་ལ་མཐུན་ལམ་རྡོག་རྩ་གཅིག་སྒྲིལ་ཧ་ཅང་གི་གལ་ཆེན་པོ་ཡིན་པའི་སྐོར་ནས་གསུངས་བཤད་གནང་སོང་། རིག་གནས་སྐྱེད་ཚལ་ཁང་གི་སློབ་ཕྲུག་ཚོས་གཞས་སྣ་ཁག་ཅིག་སྤྱན་འབུལ་ཞུས་ཏེ་སྔ་དྲོའི་མཛད་རིམ་མཇུག་བསྡུས་སོང་།
ཉིན་གུང་བོད་རིགས་མཐུན་ཚོགས་ཀྱི་བཀོད་སྒྲིག་འོག་༧གོང་ས་རྒྱལ་བ་རིན་པོ་ཆེའི་སྐུ་ཚེ་ཞབས་པད་བརྟན་ཞིང་བོད་མི་ཡོངས་ཀྱི་སྤྱི་མཐུན་གྱི་བསོད་ནམས་གསོག་ཆེད་ལྷ་ཁང་དེ་རང་ནས་ཁྱིམ་མེད་པའི་མི་སུམ་བརྒྱ་ལྷག་ལ་ཉིན་གུང་གི་གསོལ་ཚིགས་ཀྱི་སྦྱིན་གཏོང་གནང་སྟེ་ཚོགས་རྒྱ་ཆེན་བསགས།
ཕྱི་དྲོ་ཆུ་ཚོད༦བར་Mona Vale memorial hall ནས་སླར་ཡང་བོད་མི་རྣམས་མཉམ་འཛོམས་ཀྱིས་བོད་རྒྱལ་ཁབ་ཆེན་པོའི་རྒྱལ་གླུ་སྔོན་གཏོང་གིས་གཞས་སྣ་འཁྲབ་སྟོན་དང་དགོང་དྲོའི་གསོལ་ཚིགས་ལ་མཉམ་རོལ། སྲོལ་རྒྱུན་གྱི་སྐོར་གཞས་སོགས་འཁྲབ་ཏེ་དགོང་མོའི་༡༠:༣༠ཡས་མས་
ནས་མཛད་སྒོ་རྒྱལ་ཁའི་ངང་མཇུག་སྒྲིལ་ཡོད་འདུག དགོང་དྲོའི་མཛད་རིམ་ལ་བོད་མི་དྲུག་བརྒྱ་མ་ཟིན་ཙམ་ཞིག་ཚང་འཛོམས་གནང་ཐུབ་འདུག་ལ། དེ་ནི་སིད་ཎེ་ཁུལ་ནས་བོད་མི་ཚང་འཛོམས་མང་ཤོས་དེ་ཆགས་འདུག
གནས་ཚུལ་མཁོ་གཏོང་བ། མགལ་དུམ།
ཨོ་གླིང་གི་སྐབས་བཅོ་ལྔ་བའི་རྒྱུན་ལས་རྣམས་ལ་བཀའ་དྲིན་ཆེ་ཞུ།
ང་ཚོའི་གོང་ས་མཆོག་སྐུ་ཚེ་བརྟན་པའི་སྨོན་ལམ་དང་། ད་ལོ་སི་ཏྲེ་ནི་བོད་རིགས་མཐུན་ཚོགས་ནང་གོང་ས་མཆོག་གི་སྐུ་ཚབ་ལྷག་པ་མཚོ་སྒོ་ནས་དབང་ཆ་སྒེར་གཅོད་བྱས་ཏེ་གནོན་ཤུགས་ཆེན་པོ་ཞིག་སྤྲད་སོང་བའི་དེ་ལ་བློ་ཚབས་ཧ་ཅང་བྱུང་། ཡིན་ཡང་ང་ཚོའི་མི་མང་རྣམས་ཀྱི་བསམ་བློའི་རྟོགས་ཧ་ཅང་མཐོ་བ་དང་གོང་ས་མཆོག་གི་བཀའ་གསུང་ཅི་སྒྲུབ་ཞིག་ཡིན་པའི་ཆ་ནས་ད་རེས་ཀྱི་མཛད་སྒོ་འདི་ཧ་ཅང་ལེགས་འགྲུབ་ཆེན་པོ་ཞིག་བྱུང་སོང་བས། ང་ཚོས་འདི་ནས་བོད་རིགས་མཐུན་ཚོགས་ཀྱི་མི་མང་དང་རྒྱུན་ལས་ཐུན་མོང་ལ་བཀའ་དྲིན་དང་ཐུགས་རྗེ་ཆེ་བླ་ལྷག་ཏུ་ཆེ་ཞུ་རྒྱུ་ཡིན། བཀའ་དྲིན་ཆེ།
ཧ་ལས་པའི་ཡག་པོ་རེད། མིང་དོན་མཚུངས་པ་ཆགས་འདུག ཕྱི་རྒྱལ་ཡུལ་གྲུ་གང་སར་སྒོར་མོའི་ཆེད་གཟའ་སྤེན་པ་དང་ཉི་མ་གང་རུང་མ་གཏོགས་ཉིན་དེ་ག་རང་ལ་སྲུང་བརྩི་ཞུ་མཁན་མི་འདུག ལྷག་ཏུ་སྦྱིན་གཏོངས་ཕ་རིའི་སྤང་རྒྱན་རེད་འདུག
སིད་ཎེ་བོད་རིགས་མཐུན་ཚོགས་ཀྱི་རྒྱུན་ལས་སྐབས་བཅོ་ལྔ་བས་སྲིད་སྐྱོང་ཁོག་སྟོང་དང་། རྒྱ་རིགས་འབྲེལ་མཐུད་པ་འབའ་བ་སྐལ་བཟང་རྒྱལ་མཚན། ཨོ་གླིང་གི་དོན་གཅོད་ལྷག་པ་མཚོ་སྒོ་སོགས་ཀྱིས་༸གོང་ས་མཆོག་དང་བོད་མི་མང་ཁ་ལ་ཁྱེར་ཏེ་སྒེར་དོན་སྒྲུབ་པའི་བྱུས་ནག་དག་ལ་སྤོབས་པ་ཆེན་པོས་གདོང་གཏད་དེ་སྤྱི་བའི་སྡིངས་ཆ་སྲུང་སྐྱོབ་བྱས་པ་ནི་རྗེས་སུ་ཡི་རངས་ཀྱི་གནས་རེད། ལྷག་པར་དུ་ཚོགས་གཙོ་དགོ་ཚང་ནེ་རྒན་ལགས་ནི་སྤྱི་སེམས་དང་དྲང་ཚུགས་གང་ཐད་ནས་ཨོ་གླིང་དུ་གནས་བཞུགས་བོད་མིའི་ཁྲོད་ཨ་ཡོད་ནང་གི་ད་ཡོད་གཅིག་ཡིན་ལ། ཨོ་གླིང་དུ་གནས་བཞུགས་མཁན་བོད་སྤྱི་ལ་བསམ་མཁན་ཞིག་ཡིན་ན་དགོ་ཚང་ནེ་རྒན་གྱི་འཇོན་ནུས་དང་ལྷག་བསམ་དཀར་པོ་མ་ཤེས་པ་མེད་པའི་ཚོད་ཡིན། འོན་ཀྱང་། བློ་སེང་གི་རྫུན་བཤད་ན་ཆོག བོད་སྤྱི་ཚོགས་གཏོར་ན་ཆོག ལྷག་པར་དུ་བོད་ཀྱི་སྣོད་བཅུད་གཉིས་ལ་བཀའ་དྲིན་བླ་མེད་དུ་ཆེ་བའི་༸གོང་ས་སྐྱབས་ཆེན་པོ་མཆོག་གི་ཐུགས་དཀྲུག་ན་དཀྲུག ང་ཚོའི་ཕ་ཡུལ་གཅིག་ཡིན་པས་ཁོས་ཅི་བྱས་ཀྱང་ང་ཚོས་རྒྱབ་སྐྱོར་བྱེད་ཀྱི་ཡིན་ཟེར་མཁན་གྱི་དམུས་ལོང་བ་དག་གིས་དཀར་པོ་ནག་པོར་བསྒྲུབས། ནག་པོ་དཀར་པོར་བསྒྱུར་ཨེ་ཐུབ་ལ་འབད་ཀྱང་། བོད་མིའི་གཏམ་དཔེར། རྫུན་ཨ་བྲ་གཉིས་ལ་རྔ་མ་ཐུང་། བདེན་ལུང་པ་གཉིས་པ་ཕུ་ཐག་རིང་ཞེས་པའ་ིདཔེ་ལྟར་ད་ནི་བློ་སེང་ཁོག་སྟོང་གི་ཚོས་གཞི་དངོས་ཕྱོགས་དང་ཟུར་སྣ་ཚོགས་ནས་ལྷང་ལ་འབུད་ཀྱིན་ཡོད་པས། བོད་མི་རྩམ་གཟན་ཡོངས་ཀྱིས་ཁོག་སྟོང་དཀྲུག་རྒན་འདིར་དགག་པ་ཚ་ནན་གྱིས་བྱས་ཉེས་ཐེར་འདོན་བྱས་ཏེ་སྤྱི་སེམས་ཅན་དག་ལ་རྒྱབ་སྐྱོར་དང་རམ་འདེགས་བྱེད་པའི་དུས་སླེབས་ཡོད་པས་ཀུན་གྱིས་སྤྱི་དོན་ལ་བསམ་བློ་རྒྱ་ཆེ་ས་ནས་གཏོང་རོགས་ཞེས་འབོད་སྐུལ་ཞིག་ཀྱང་སྙིང་ནས་ཞུའོ།
བྱང་ཨ་རིའི་སྤྱི་ཐུས་ཚེ་དབང་རི་འཛིན་ནས་ཨ་རེར་་མང་ཚོགས་ནང་ཨོ་སུ་ཊོ་ལེ་སིད་ཎེ་རུ་ནོར་བྷེ་མཛད་བསྒོ་ཚོགས་ཀྱི་མེད་པའི་གཏམ་ཤད་དེ་རྫུལ་མ་རེད་འདུག་ག་་སྤྱི་ཐུས་ཞིག་གི་རྒྱུ་་ཚན་གང་གི་ཆེད་དུ་རྫུལ་མ་སྒྲགས་གཏམ་དཔལ་གྱི་ཡོད་ན་་་་་་་་་་་་་ད་་ཡམ་ཚན་མང་པོ་འདུག་
འོན་ཀྱང་སིད་ཎེ་མི་མང་དང་ཚོགས་གཙོ་དང་རྒྱུན་ལས་ཚང་མ་ལ་ཐུག་ཇེ་ཞུ་
ངོ་མ་ཡག་པོ་བཀོད་འདུག