གཞུང་པ་ཚེ་དབང་བསོད་ནམས་ནས།
འཛམ་གླིང་གི་སའི་གོ་ལ་ཧྲིལ་པོ་འདིའི་སྒང་དུ་གནས་པའི་མི་གི་སྤྱི་ཚོགས་ག་འདྲ་ཞིག་ཡིན་ཀྱང་ཐོག་མ་ཉིད་ནས་སོ་སོར་དབང་བའི་ས་ཆ་དང་སོ་སོར་དབང་བའི་རྒྱལ་ཁབ་དང་སོ་སོར་དབང་བའི་ཕ་ཡུལ་དང་སོ་སོར་དབང་བའི་འགོ་དཔོན་དང་སོ་སོར་དབང་བའི་ཕ་མ་བུ་ཕྲུག་དང་སོ་སོར་དབང་བའི་རྒྱུ་ནོར་ལོངས་སྤྱོད་དང་སོ་སོར་དབང་བའི་སྒོ་ཕྱུགས་སེམས་ཅན་དང་སོ་སོའི་དད་མོས་བྱེད་སའི་ཆོས་ལུགས་དང་སོ་སོའི་དད་པའི་རྟེན་ལྷ་ཁང་ལྷ་ལྐུ་དང་སོ་སོའི་འཚོ་བའི་མདུན་ལམ་ས་ཞིང་འདེབས་ལས་སྒོ་ཕྱུགས་གསོ་སྐྱོང་དང་ཚོང་ལས་གཉེར་རྒྱུ་དང་ཤེས་ཡོན་གྱི་མདུན་ལམ་སློབ་གྲར་འགྲིམས་རྒྱུ་དང་ཆོས་ར་འགྲིམས་རྒྱུ་སོགས་རང་རང་གི་བློ་མོས་ཇི་བཞིན་བཀག་འགོག་མེད་པར་རང་དབང་གི་ཐོག་ནས་རང་ཐག་རང་གི་བཅད་ནས་མི་ཚེ་སྐྱེལ་བཞིན་པ་ནི་འཛམ་གླིང་གི་རང་བཙན་ཡོད་པའི་ལུང་པ་ཚང་མ་ལམ་ལུགས་སམ་འགྲོ་ལུགས་སམ་བྱེད་སྟངས་ཅིག་རྒྱུར་དུ་ཡོད་པ་ནས་ང་ཚོ་བོད་ཆོས་ལྡན་གྱི་ཞིང་ས་དེ་ཡང་ཕྱི་ལོ་༡༩༥༩ གོང་རྒྱ་མི་བོད་དུ་མ་སླེབས་བར་རང་བཙན་ཡོད་པའི་རྒྱལ་ཁབ་ཀྱི་རང་དབང་འོག་བོད་མི་རིགས་འཚོ་བཞིན་པ་ནས་ཕྱི་ལོ་༡༩༥༩ ལོར་རྒྱ་མིའི་བོད་དུ་བཙན་གནོན་གྱིས་བོད་ས་ཤོར་བ་ནས་བོད་མི་གཞིས་བྱེས་གཉིས་སུ་གནས་དགོས་པའི་དུས་ཚོད་ངན་པ་ཤར་ནས་ང་ཚོ་བཙན་བྱོལ་དུ་ཡོད་པའི་བོད་མི་ཚོ་མི་ཡུལ་ས་མཐར་ངོ་ཤེས་པ་གནམ་དང་ས་ལས་མེད་པའི་སྐབས་འདིར་བོད་མིའི་ཆོས་སྲིད་གཉིས་ཀྱི་དབུ་འཁྲིད་འཛམ་གླིང་ཞི་བདེའི་སྡེ་དཔོན་ཆེན་པོ་གོང་ས་མཆོག་གི་རླབས་ཆེན་དགོང་གཞིའི་འོག་བོད་མི་བཙན་བྱོལ་བ་ཚོ་གནས་ཡུལ་རང་བཙན་རྒྱལ་ཁབ་ཀྱི་བལྟ་སྐྱོང་འོག་བོད་མིའི་སྐད་ཡིག་དང་རིག་གཞུང་མི་ཉམས་གོང་འཕེལ་དང་མི་མང་གི་འཚོ་བའི་མདུན་ལམ་ཆེད་བཟོ་གཞིས་ཁག་དང་སོ་ནམས་གཞིས་ཆགས་དང་སློབ་གྲཱ་ཁག་དང་ཆོས་སྒར་སོགས་གང་ལ་ཅི་དགོས་ཀྱི་མདུན་ལམ་བཟང་པོའི་འོག་བོད་ཡུལ་སླར་གསོའི་ཆེད་འཛམ་གླིང་མཉམ་འབྲེལ་རྒྱལ་ཚོགས་ཀྱི་དབུས་པའི་འཛམ་གླིང་གི་ཤར་ནུབ་རྒྱལ་ཁབ་ཁག་ལ་བོད་དོན་བདེན་རྒྱབ་ཡོང་བའི་འབོད་བསྐུལ་དང་སྐད་འབོད་ལས་འགུལ་སོགས་ཐབས་ལམ་གྲངས་མང་བརྒྱུད་ནས་བདེན་རྒྱབ་འཚོལ་བཞིན་པ་ནི་བོད་མི་རིགས་ལ་བསམ་ན་རང་གི་ལུང་པའི་དོན་དུ་ལས་འགུལ་སྣ་མང་སྤེལ་རྒྱུ་དེ་སྐྱེས་མ་ཉིད་ནས་ལྷན་སྐྱེས་སུ་ཡོད་པའི་འགྲོ་བ་མི་གི་ཐོབ་ཐང་ཞིག་ཡིན་པ་དང་བོད་མི་རིགས་འདི་ནང་ཆོས་ལ་ཉམས་ལེན་ཞུ་མཁན་གྱི་མི་རིགས་ཞིག་ཡིན་པ་ནས་འཚེ་བའི་ལམ་ལ་མཐའ་ཅིག་ཏུ་ངོ་རྒོལ་བྱེད་མཁན་གྱིི་མི་རིགས་ཞིག་ཡིན་པ་ནས་ཕྱི་ལོ་༡༩༨༨ ལོར་བོད་ཀྱི་ཆོས་སྲིད་གཉིས་ཀྱི་དབུ་འཁྲིད་སྤྱི་ནོར་གོང་ས་སྐྱབས་མགོན་ཆེན་པོ་མཆོག་ནས་སི་ཊས་སི་སྦག་ཏུ་འདོན་གནང་མཛད་པའི་དབུ་མའི་ལམ་གྱི་དགོས་འདུན་ནང་ཆོལ་གསུམ་བོད་རིགས་ཡོངས་རྫོགས་གཅིག་ཏུ་སྒྲིལ་བའི་རང་སྲིད་རང་སྐྱོང་མིང་དོན་མཚུངས་པ་ཞིག་དགོས་པའི་དགོས་འདུན་སྟོན་པ་དང་ལོ་རབས་༢༠༠༢ ལོར་བཀའ་ཤག་གི་བོད་རྒྱའི་འབྲེལ་ལམ་གསར་འཛུགས་ཀྱིས་གསལ་ཁ་གཏོད་ནས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་ས་གནས་མི་རིགས་རང་སྐྱོང་གི་བཅའ་ཁྲིམས་ནང་གསལ་བའི་རང་སྐྱོང་གི་གནས་བབས་ཚད་ལྡན་ཞིག་དགོས་པའི་དགོས་འདུན་དུ་ཁ་ཕྱོགས་པ་ནས་བཙན་བྱོལ་བོད་མིའི་སྒྲིག་འཛུགས་ཀྱི་ཁྲིམས་བཟོ་སྤྱི་འཐུས་གྲོས་ཚོགས་ནས་སྤྱི་མོས་གྲོས་ཆོད་གཏན་འབེབས་བརྒྱུད་ནས་བོད་རྒྱའི་དཀའ་སྙོགས་དེ་གཉིས་སྨན་དབུ་མའི་ལམ་རྒྱུད་ནས་སེལ་དགོས་པ་ལྟར་དབུ་མའི་ལམ་གྱི་དགོས་མདུན་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་ས་གནས་མི་རིགས་རང་སྐྱོང་གི་བཅའ་ཁྲིམས་ནང་གསལ་བའི་རང་སྐྱོང་གི་གནས་བབས་ཚད་ལྡན་ཞིག་དགོས་པའི་དགོས་འདུན་དེ་དབུ་མའི་ལམ་གྱི་དགོས་འདུན་ཡིན་པ་ནས་གཞིས་སྡོད་བོད་མིའི་དཀའ་སྡུག་སེལ་རྒྱུའི་ཐབས་ལམ་བཟང་བཤོས་དེ་དབུ་ལམ་འདི་ཡིན་པ་དང་རང་བཙན་ནི་མི་རིགས་ཞིག་གི་མཐུ་མོང་མ་ཡིན་པའི་སྐད་ཡིག་རིག་གཞུང་ཟུར་དུ་འཚོ་ཐུབ་པའི་སྲོག་རྩ་ངོ་མ་དེ་ཡིན་ན་བོད་མི་རིགས་ཀྱི་ཕ་མེས་ནས་བརྒྱུད་པའི་སྐད་ཡིག་རིག་གཞུང་སྲུང་སྐྱོབས་ཐུབ་པ་ལ་རང་བཙན་ལས་གཞན་དུ་ཁ་ཕྱོགས་ས་མེད་པ་བཅས་རང་བཙན་རྩོད་རྒྱུ་དེ་བོད་མི་རིགས་ཀྱི་ལས་དབང་དུ་སྨིན་པའི་རྩོད་མེད་ཡོངས་གྲགས་ཀྱི་ཐོབ་ཐང་ཞིག་ཡིན་པ་དང་དབུ་མའི་ལམ་དེ་ང་ཚོའི་གཏན་ལ་ཕབ་པའི་གཞིས་སྡོད་བོད་མིའི་དཀའ་སྡུག་སེལ་རྒྱུའི་ཐབས་ལམ་ཞིག་ཡིན་ན་རང་བཙན་དང་དབུ་ལམ་གཉིས་གཞིས་བྱེས་བོད་མི་རིགས་ཀྱི་ལས་དབང་དང་འབྲེལ་བ་ཡོད་པའི་ཆབ་སྲིད་ཀྱི་མདུན་ལམ་ཞིག་ལ་སོང་རིག་པ་ཡང་དག་གི་དཔྱད་པ་བྱས་ནས་མ་འོངས་བོད་ཀྱི་ལོ་རྒྱུས་ནང་ནག་ཐིག་མ་ཕོག་པའི་འགན་དེ་ད་ལྟའི་མི་རབས་འདིའི་ཁྱེར་དགོས་པ་དེ་ལོ་རྒྱུས་ཀྱི་ངོ་སྤྲད་པའི་བསླབ་བྱ་ནན་པོ་ཞིག་ཡིན་པའི་ངོས་འཛིན་ཞུ་གི་ཡོད་ལ་མི་རིགས་ཞིག་གི་སྐད་ཡིག་དང་རིག་གཞུང་ཟུར་དུ་འཚོ་དགོས་ན་དང་པོ་མི་རིགས་སྲུང་སྐྱོབས་ཀྱི་ལས་འགུལ་དེ་སྐད་ཡིག་དང་རིག་གཞུང་སྲུང་སྐྱོབས་ཀྱི་ལས་འགུལ་ལས་བརྒྱ་འགྱུར་སྟོང་འགྱུར་གྱི་གལ་ཆེན་དུ་རྩིས་ནས་སྔོན་འཐོན་བྱ་དགོས་པ་ནི་མི་རིགས་དེ་འཛམ་གླིང་གི་ལུང་པ་མང་པོའི་ནང་བྱ་སྤུ་རི་ལ་གཏོར་བ་བཞིན་དུ་ཁ་འཐོར་ནས་རང་གི་སྐད་ཡིག་དང་རིག་གཞུང་ལ་སྲུང་སྐྱོབས་ཟེར་བའི་གཏམ་དེ་བསམ་མེད་བྱིས་པར་མངར་ཆ་སྦྱིན་པ་ཙམ་ལས་མ་འདས་པ་དང་མི་རིགས་ལ་སྲུང་སྐྱོབས་ཐུབ་ན་མི་རིགས་དེའི་རང་ཆས་སུ་ཡོད་པའི་སྐད་ཡིག་དང་རིག་གཞུང་ལ་ལས་ཀྱི་བཀོལ་སྤྱོད་ཐུབ་པ་ནི་ང་ཚོའི་མིག་གི་མཐོང་ཡུལ་དུ་ཡོད་པའི་རང་བཙན་རྒྱལ་ཁབ་ང་ཚོའི་གནས་ཚང་ནས་ང་ཚོའི་བསླབ་བྱ་ལེན་ཆོག་པ་བཅས་རང་བཙན་དང་དབུ་མའི་ལམ་ལ་དཔྱད་པའི་གཏམ་འདི་བཞིན་བོད་ཀྱི་ཡུལ་མི་ཞིག་ཡིན་པའི་ཆ་ནས་བཙན་བྱོལ་བོད་མིའི་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་གང་ཟག་སྒེར་གྱི་བསམ་ཚུལ་གླེང་པ་འདིའི་ཀྱང་རང་བཙན་དང་དབུ་མའི་ལམ་རྒྱུད་ནས་བོད་མི་རིགས་ཀྱི་ཕྲལ་ཕུགས་རྒྱང་གསུམ་གྱི་མཁེ་རྒྱོང་ལ་བསམ་བློ་ཞིབ་ནན་གཏོང་དགོས་པའི་གསལ་འདེབས་དུ།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས་ནས་ཕྱི་ལོ་་༢༠༡༨ ཕྱི་ཟླ ༡༢ པའི་ཚེས ༢༨
ཉིན་ལྷོ་ཕྱོགས་དཔལ་གྱི་རི་བྷ་ཊ་པུར་གྱི་རི་འདེབས་ནས་ཟིན་བྲིས་སུ་བཏབ།