དོན་འགྲུབ་ཚང་ནས་ཕྱོགས་བསྡུས་བྱས།
དོན་གཅོད་ལྷག་པ་མཚོ་སྒོའི་འཐུས་ཤོར་ཆེན་པོ་བདུན་དང་།
དབུས་བོད་མིའི་སྒྲིག་འཛུགས་ཀྱི་སྣང་མེད་ཆེན་པོ་གཅིག
སིཌ་ཎི་བོད་རིགས་མི་མང་གི་དཀའ་ངལ་གྲངས་མེད།
སིཌ་ཎིའི་བོད་མི་ཁག་གཅིག་ནས་གནས་ཚུལ་མཁོ་འདོན་བྱས་པ་ལྟར།
དང་པོ།
ཨོ་སི་ཊི་ལི་ཡའི་༧གོང་ས་མཆོག་གདན་ཞུ་ཚོགས་ཆུང་གི་ལས་བྱེད་དང་ཚོགས་གཙོ་སོགས་ཉམས་མྱོང་ལྷག་བསམ་ཅན་ལ་བསྟུན་ཤེས་མེད་པར་རང་འདོད་དབང་ཤེད་བྱས་པར་བརྟེན། ཚོགས་ཆུང་དེ་འཐོར་ཞིག་ཏུ་སོང་ནས་༢༠༡༧ ལོའི་༧གོང་ས་མཆོག་གི་ཨོ་སི་ཊི་ལི་ཡར་ཆིབས་བསྒྱུར་བསྐྱངས་གཏན་ཁེལ་ཡོད་པའི་ལས་འཆར་ཡང་མཇུག་སྐྱོང་མ་ཐུབ་པར་ཡུན་རིང་པོར་ཁེགས་པའི་རྐྱེན་རྩ་ལྷག་པ་མཚོ་སྒོ་ཡིན་པ་ནི། ༧གོང་ས་མཆོག་ཨོ་སི་ཊི་ལི་ཡར་ཆིབས་བསྒྱུར་གོ་སྒྲིག་ཚོགས་ཆུང་གི་ཚོགས་གཙོས་ཕྱི་ལོ་༢༠༡༦་ལོར་༧གོང་ས་མཆོག་གི་མཚན་ཐོག་ཡི་གེ་ཞིག་བཏང་བའི་ནང་གསལ་བོར་འཁོད་ཡོད།
ད་ལྟའི་ཨོ་སི་ཊི་ལི་ཡའི་བོད་ཀྱི་དོན་གཅོད་ལས་ཁུངས་ཀྱི་སྐུ་ཚབ་ལྷག་པ་མཚོ་སྒོའི་ཕྱག་ལས་གནང་སྟངས་ཀྱིས་ས་གནས་བོད་རིགས་མཐུན་ཚོགས་དང་བོད་པའི་མཚན་སྙན། དགའ་ལྡན་ཕོ་བྲང་ཡིག་ཚང་བཅས་ལ་གནོད་སྐྱོན་ཚབས་ཆེན་པོ་ཞིག་གཏོང་གི་འདུག ཁོང་ལ་དབྱེན་དཀྲུག་དང་ཕྱོགས་རིས་ཅན་གྱི་མི་གཤིས་ཡོད་པར་བརྟེན་ག་དུས་ཡིན་ཀྱང་མི་གཞན་གྱིས་ཁོའི་རྒྱབ་ལོག་ནས་ཇུས་ངན་བཤམས་ཀྱི་ཡོད་པའི་རྒྱུ་མཚན་འཚོལ་མཁན་ཞིག་རེད། འདས་པའི་ལོ་ངོ་༨་རིང་༧གོང་ས་མཆོག་གི་ཆིབས་བསྒྱུར་གོ་སྒྲིག་ལ་ཕྱག་ལས་གནང་མཁན་མང་ཆེ་བ་ཚོགས་པ་ནས་ཐོན་ཚར་སོང་པ་དང་། ཁོང་གིས་(༧གོང་ས་མཆོག་ཆིབས་བསྒྱུར་གོ་སྒྲིག་) ཚོགས་པའི་བང་མཛོད་སྟོང་པར་བཟོས་སོང་པའི་མ་འོངས་པའི་ཆིབས་བསྒྱུར་གོ་སྒྲིག་ཞུ་རྒྱུ་ལ་དཔལ་འབྱོར་གྱི་རྒྱབ་རྟེན་མེད་པ་ཆགས་ཡོད་པ་རེད། སྔོན་མའི་ཆིབས་བསྒྱུར་ཁག་གི་སྐབས་སུ་བོད་ཀྱི་དོན་གཅོད་ལས་ཁུངས་ཀྱི་འགྲོ་སོང་ཟུར་བཅད་དངུལ་ཨོ་སྒོར་ཁྲི་གཅིག་ནས་ཁྲི་གཉིས་ཡིན་པ་ནས། སྐུ་ཉིད་ཀྱི་ཆིབས་བསྒྱུར་སྐབས་སྐུ་ཞབས་ལྷག་པ་མཚོ་སྒོ་ནས་འགྲོ་སོང་ཨོ་སྒོར་འབུམ་གཅིག་དང་ཁྲི་བདུན་སོང་ཡོད་ཚུལ་བརྗོད་ཡོད་་
དངུལ་དེ་གར་སོང་ཆ་མེད་ལྟ་བུར་གྱུར་ནས་རྩིས་ཕྲ་གསལ་བོར་སྟོན་རྒྱུ་མེད་པའི་ཁར་ཨོ་སྒོར་ཁྲི་བརྒྱད་ལྷག་ཆུད་ཟོས་སུ་བཏང་བ། ད་དུང་བོད་ཀྱི་དོན་གཅོད་ལས་ཁུངས་ནང་ལས་བྱེད་འཕར་མ་ཞིག་གི་འགྲོ་སོང་ཨོ་སྒོར་ཁྲི་དྲུག ཁྱོན་བསྡོམས་ཨོ་སྒོར་འབུམ་གསུམ་དེ་རྒྱ་གར་སྒོར་ས་ཡ་༡༥་ལྷག་ཡིན་པས་བོད་གཞུང་གི་ལས་བྱེད་ག་ཚོད་ཅིག་གི་གླ་ཆ་ཡིན་ནམ།
གཉིས་པ།
ཨོ་སི་ཊི་ལི་ཡའི་བོད་དོན་ལས་འགུལ་ཚོགས་པ་ (ATC) ཡི་གནད་ཡོད་མི་སྣ་རྣམས་དང་མཐུན་པོ་མ་བྱུང་བ་དང་། ཕན་ཚུན་བར་ལ་འགལ་ཟླ་དང་རྩོད་རྙོག་བཟོས་པའི་སྐོར་ཆིབས་བསྒྱུར་གོ་སྒྲིག་ཚོགས་གཙོས་གསུང་ཡོད་པ་ནི།
་་སྐུ་ཞབས་ལྷག་པ་མཚོ་སྒོ་ཡི་ཨོ་སི་ཊི་ལི་ཡའི་ནང་ཡོད་པའི་བོད་དོན་རྒྱབ་སྐྱོར་ཚོགས་པ་ཆེ་ཤོས་ATC བོད་དོན་ལྷན་ཁང་གི་འགན་འཛིན་ལྷན་ཚོགས་ཞིག་གི་ཐོག་གཏམ་བཤད་དེས་འགན་འཛིན་ལྷན་ཚོགས་ལ་བློ་འཚབ་ཆེན་པོ་དང་ཕོག་ཐུག་འགྲོ་གཞིར་གྱུར་ཡོད་པ་དང་། ཁོང་གིས་བོད་དོན་རྒྱབ་སྐྱོར་པ་GEORGE FARLEY ཇོར་ཇེ་ཧྥེར་སོགས་གནད་ཡོད་མི་སྣ་མང་པོ་ཞིག་ནི་བོད་དོན་ལྷན་ཁང་ལ་རེ་བ་བརླག་ཡོད་པ་དང་རྒྱབ་སྐྱོར་བྱེད་མཚམས་བཞག་ཡོད་ཚུལ་ང་ལ་དངོས་སུ་བཤད་སོང་། ངས་GEORGE FARLEY ཇོར་ཇེ་ཧྥེར་ལེ་མཆོག་ལ་ཁ་བརྡ་བྱེད་དུས་སྐད་ཆ་དེ་དག་ཚང་མ་བདེན་པ་མིན་པ་ཤེས་རྟོགས་བྱུང་། ངས་ATC བོད་དོན་ལྷན་ཁང་གི་འགན་འཛིན་ལྷན་ཚོགས་ལ་སྐད་ཆ་བཤད་དུས་ཁོང་ཚོས་ང་ལ་བརྗོད་དོན། རྗེས་མ་ནས་སྲིད་དོན་མི་སྣ་ལ་འབྲེལ་བ་བྱེད་དུས་དོན་གཅོད་བརྒྱུད་ནས་མ་བྱས་པ་ཡིན་ན་ཁོ་ཚོའི་བརྒྱུད་ལམ་བཀག་འགོག་བྱེད་རྒྱུ་དང་། ད་དུང་ཁོས་བཤད་པ་ལྟར་མ་སྒྲུབ་པ་ཡིན་ན་དོན་གཅོད་ལས་ཁུངས་བརྒྱུད་བོད་དོན་རྒྱབ་སྐྱོར་ཚོགས་པ་ཞིག་ལོགས་སུ་འཛུགས་རྒྱུ་ཡིན་སྐོར་གྱི་ཉེན་བརྡ་ཡང་བཏང་ཡོད་འདུག་་
གསུམ་པ།
ཨོ་སི་ཊི་ལི་ཡའི་རྒྱལ་ཡོངས་བོད་རིགས་མཐུན་ཚོགས་སམ་འགན་འཛིན་ལྷན་ཚོགས་མེད་པར་གཏོང་ཐབས་བྱས་པ། རྒྱལ་ཡོངས་བོད་རིགས་སྤྱི་མཐུན་ཚོགས་པའི་འགན་འཛིན་ལྷན་ཚོགས་ཀྱི་ཚོགས་ཆེན་སྐུ་ཚབ་དོན་གཅོད་ལས་ཁུངས་ནས་གོ་སྒྲིག་ཞུ་སྲོལ་ཡོད་ཀྱང་། ལྷག་པ་མཚོ་སྒོ་ནས་ལས་དོན་དེ་ལ་དོ་སྣང་མེད་པའམ་སྔར་སྲོལ་ལྟར་མ་སྒྲུབ་པ་སོགས་དཀའ་ངལ་མང་པོ་ཞིག་སྤྲད་པར་བརྟེན་ཨོ་སི་ཊི་ལི་ཡའི་རྒྱལ་ཡོངས་ཚོགས་གཙོ་ནས་དཔལ་ལྡན་སྲིད་སྐྱོང་མཆོག་ལ་སྙན་ཞུ་ཞིག་ཕུལ་ཡོད་པའི་ནང་།
་་སྐུ་ཚབ་དོན་གཅོད་ཀྱི་བྱ་སྤྱོད་ལ་བརྟེན་ནས་༧གོང་ས་མཆོག་གི་གཟི་བརྗིད་དང་ཆེ་མཐོང་ལ་གནོད་པ་དང། བོད་དོན་རྒྱབ་སྐྱོར་ཚོགས་པ་ཁག་གི་ལས་འགུལ་ལ་གནོད་པ། བོད་རིགས་སྤྱི་མཐུན་ཚོགས་པའི་ལས་དོན་ལ་གནོད་པ་བཅས་ཀྱི་གནས་སྟངས་ཞིག་ཏུ་སླེབས་ཡོད་པ་ལགས་ན་(དཔལ་ལྡན་སྲིད་སྐྱོང་མཆོག་ནས) ཐུགས་དགོངས་ཆེ་བཞེས་ཀྱིས་ཐག་གཅོད་ཅིག་ངེས་པར་ཡོད་པ་ཞུ་་ སོགས་འཁོད་འདུག
བཞི་བ།
༧གོང་ས་མཆོག་ལ་མཚན་དམོད་ཞུ་མཁན་ཚོར་གདོང་ལེན་ཅི་ལྟར་བྱེད་དགོས་མིན་སྐོར་བོད་རིགས་ཚོགས་པ་ཁག་གི་ཚོགས་རྒྱུན་རྣམས་ནས་གྲོས་བསྡུར་བྱེད་དུས་དོན་གཅོད་ལྷག་པ་མཚོ་སྒོ་ནས (སྐྱག་པར་ལག་པ་མ་འཆང་ན་ཡག་གི་རེད) ཟེར་ནས་ཁོང་ཚོར་ཁ་ཡ་བྱེད་མི་དགོས་ཚུལ་ལམ་སྟོན་གནང་པ་དང་། རྗེས་སུ་མི་མང་ནང་ལབ་གླེང་ཆེན་པོ་སླེབས་ཡོད་ཀྱང་༧གོང་ས་མཆོག་ལ་མཚན་དམོད་ཞུ་མཁན་ཚོར་གདོང་ལེན་བྱེད་རྒྱུར་གཡོལ་ཐབས་ཁོ་ན་བྱས་ཡོད། ད་ལྟའི་ཆར་ཡང་༧གོང་ས་མཆོག་ལ་མཚན་དམོད་ཞུ་མཁན་དང་དོན་གཅོད་ལྷག་པ་མཚོ་སྒོ་གཉིས་གྲོགས་པོ་ཡག་ཤོས་དང་འཆམ་ཤོས། བློ་གཏད་བཅོལ་ས། གྲོས་བསྡུར་བྱེད་སར་གྱུར་ཡོད།
ལྔ་བ།
མེལ་སྦོན་(Melbourne ) དང་། སྦི་རི་སི་སྦན་ (Brisbane)དང་། སིད་ནི་(Sydney)བཅས་ཀྱི་བོད་རིགས་མཐུན་ཚོགས་ཀྱི་རྒྱུན་ལས་ནང་ཁུལ་གི་དཀའ་རྙོག་རིགས་ལ་ཕྱོགས་ལྷུང་གི་ལག་པ་བསྲིངས་ཏེ། ནང་འཁྲུག་དང་འགལ་ཟླ་བཟོས་ནས་རྒྱུན་ལས་འོས་འདེམས་ཐེངས་གཉིས་བྱེད་དགོས་བྱུང་ཡོད་པ་ཡོངས་གྲགས་ཡིན་པ་དང་། ཡང་སྦི་རེ་སི་སྦེན་ཚོགས་གཙོའི་(བོད་ཀྱི་བང་ཆེན་) ནང་དོན་གཅོད་དང་འགལ་ཟླ་བྱུང་ཚུལ་གྱི་རྩོམ་ཡིག་རིང་པོ་ཞིག་བྲིས་ཡོད་པའི་ནང་།
་་གལ་སྲིད་སྐུ་ངོ་དོན་གཅོད་རྒྱུན་ལས་སྐབས་དྲུག་པ་དང་ཚོགས་མིའི་བར་ལ་འགལ་ཟླ་ཡོང་བཞིན་པ་དེ་འདུམ་འགྲིག་གི་ཆེད་ཕེབས་རྩིས་ཡིན་ན། དེ་ཡང་བློ་གཟུ་བོར་གནས་པའི་ཐག་གཅོད་བྱུང་སྲིད་ཀི་མ་རེད། རྒྱུ་མཚན་སྐབས་དང་པོའི་ཚོགས་ཆེན་སྐབས་སུ་རྩ་དོན་བཞི་གཏན་འབེབས་གནང་དུས་སྐུ་ངོ་དོན་གཅོད་ཀྱིས་དོན་ཚན་བཞི་ལ་འགྲེལ་ལོག་བྱས་པ་མ་ཟད་དགག་བྱ་བྱས་རེད་་
དོན་གཅོད་ལྷག་པ་མཚོ་སྒོ་ལགས་ས་གནས་བོད་རིགས་མཐུན་ཚོགས་ཀྱི་ཚོགས་གཙོ་ཁག་ལ་འགལ་ཟླ་བྱུང་བ་ནི། སྐབས་བཅུ་གཉིས་པ་དང་བཅོ་ལྔ་བའི་སིཌ་ཎི་བོད་རིགས་མཐུན་ཚོགས་ཀྱི་ཚོགས་གཙོ་གཉིས། མེལ་སྦོན་བོད་རིགས་མཐུན་ཚོགས་ཀྱི་ཚོགས་གཙོ། ནེའི་ཁའ་སེལ་བོད་རིགས་མཐུན་ཚོགས་ཀྱི་སྐབས་གཉིས་རིང་གི་ཚོགས་གཙོ། སྦི་རི་སི་སྦེན་གྱི་ཚོགས་གཙོ་སྔ་རྗེས་དང་། ས་གནས་གཞན་རྣམས་ལ་ཡང་དེ་ལྟར་བྱུང་ཡོད།
་་སྐུ་ཚབ་དོན་གཅོད་ལྷག་པ་མཚོ་སྒོ་མཆོག་གིས་ཆོལ་ཁ་བྱེ་བྲག་པའམ་མི་མང་ཕྱོགས་གཅིག་བེད་སྤྱོད་ཀྱིས་ནོ་བྷེལ་ཞི་བདེའི་གཟེངས་རྟགས་ཀྱི་མཛད་སྒོ་ཟུར་ཏུ་འཚོགས་པ་དང་། སྐབས་དེར་སྐུ་ཚབ་དོན་གཅོད་མཆོག་གིས་བརྒྱུད་རིམ་ཆ་ཚང་མེད་པའི་གསལ་བཤད་གནང་་
སོགས་འཁོད་པའི་ཤོས་ངོས་༨༤་ཅན་གྱི་ཡིག་ཆ་ཞིག་འགྲེམས་སྤེལ་བྱས་ཡོད།
དྲུག་པ།
༧གོང་ས་མཆོག་གི་སྐུ་ཚབ་ཀྱི་མཚན་གནས་བེད་སྤྱོད་ལོག་པར་བཏང་ནས་བོད་མི་སྒེར་ལ་མཐོང་ཆུང་ཁྱད་གསོད་བྱས་པ་དང་། མཐའ་མར་རང་ཉིད་ཡུལ་ཁྲིམས་ལ་གཏུགས་ངེས་ཀྱི་ཁ་མཆུ་བྱུང་རྗེས། ཕྱིར་འཐེན་གནང་བའི་རེ་འདོད་ཞུས་པ་ནི་དོན་གཅོད་ལྷག་པ་མཚོ་སྒོ་རང་ཉིད་ནས་འདི་ལྟར་བྲིས་ཡོད། (དཀའ་རྙོག་འདི་སེལ་བའི་ཆེད། ་་ངེད་གཉིས་ཁ་པར་བརྒྱུད་ནས་ཁྱེད་ཀྱིས་རྩོམ་སྒྲིག་བྱས་པའི ་་བརྩེ་བའི་ཏཱ་ལའི་བླ་མ་་ དཔེ་དེབ་པར་སྐྲུན་སྐོར་ལ་ཕོག་ཐུག་འགྲོ་གཞིའི་སྐད་ཆ་གང་བཤད་པ་ཚང་མ་ཕྱིར་འཐེན་བྱེད་འདོད་ཡོད། ང་རང་ནས་ཁྱེད་ལ་ཕོག་ཐུག་གཏོང་འདོད་རྩ་བ་ནས་མེད་ཀྱང་ཁྱེད་རང་ལ་ཕོག་ཐུག་ཕྱིན་སོང་བར་བློ་འགྱོད་ཆེན་པོ་ཡོད་་
སོགས་བྲིས་ནས་དགོངས་དག་ཞུ་དགོས་ཆགས་འདུག དེའི་སྐོར་ལ་༧གོང་ས་མཆོག་ཆིབས་བསྒྱུར་གོ་སྒྲིག་ཚོགས་གཙོས་འདི་ལྟར་གསུང་ཡོད།
་་སྐུ་ཞབས་ལྷག་པ་མཚོ་སྒོ་ནས་མི་གཞན་ལ་མིང་ཆད་ངན་པ་བཟོ་བ་དང་ཞེ་འཁོན་ཆེན་པོ་བཅང་ཀྱང་དགོངས་དག་མ་བྱས་པར་བརྟེན་ཁྲིམས་གཏུགས་བྱས་པ་འདིས་བོད་ཀྱི་དོན་གཅོད་ལས་ཁུངས་ཁྲིམས་ཁང་ལ་སླེབས་པའི་ཉེན་ཁ་ཡང་མཐོང་གི་འདུག ངས་ཁོང་གཉིས་འགྲིག་མཐུན་ཡོང་པའི་ཐབས་ཤེས་མང་པོ་བྱས་པ་ཡིན་ཀྱང་། སྐུ་ཞབས་ལྷག་པ་མཚོ་སྒོ་ནས་རྒྱུ་མཚན་མི་ལྡན་པའི་བསམ་ཚུལ་བཟུང་པ་དང་རྒྱབ་སྐྱོར་བྱེད་ཐབས་བྲལ་པའི་གནས་བབ་བཟུང་པ་མ་ཟད། མུ་མཐུད་ཁོ་རང་༧གོང་ས་སྐྱབས་མགོན་ཆེན་པོ་མཆོག་གི་སྐུ་ཚབ་ཡིན་པས་སྐུ་ཞབས་འབྲུག་གྲགས་ནས་ཁོང་ལ་དགོངས་དག་ཞུ་དགོས་སྐོར་བཤད་ཀྱི་འདུག་་
ཉེ་ཆར་ཡང་འདི་གའི་བོད་མི་རྙོག་གླེང་ཅན་དང་འཐེན་འཁྱེར་ཅན། སྒྲིག་ཁོངས་ནས་ཕྱིར་འབུད་བཏང་བའི་མིང་ཆད་ཅན། ད་དུང་སྔོན་མ་དོན་གཅོད་ལྷག་པ་མཚོ་སྒོ་ཁོང་རང་ནས་འཐབ་ཕྱོགས་གཅིག་གྱུར་ལ་འབྲེལ་བ་འདུག་ཟེར་སའི་མི་སྣ། དཔལ་འབྱོར་ཚེ་རིང་དང་ངན་འབྲེལ་བྱེད་མཁན་སོགས་ལ་ནང་མཐུན་བྱས་ཏེ། སིད་ནི་བོད་རིགས་མཐུན་ཚོགས་དང་བོད་མི་ནང་ཁུལ་དཀྲུགས་དང་དཀྲུག་བཞིན་ཡོད།
མཐའ་དོན།
༧གོང་ས་མཆོག་ཨོ་གླིང་དུ་ཆིབས་བསྒྱུར་གོ་སྒྲིག་གནང་མ་ཐུབ་པའི་འཐུས་ཤོར།
བོད་དོན་རྒྱབ་སྐྱོར་ཚོགས་པའི་མཉམ་དུ་ཕྱག་ལས་གནང་མ་ཐུབ་པའི་འཐུས་ཤོར།
རྒྱལ་ཡོངས་བོད་རིགས་སྤྱི་མཐུན་ཚོགས་པའི་སྒྲིག་གཞི་དང་གྲོས་ཆོད་ཁག་བརྩི་སྲུང་མ་ཐུབ་པའི་འཐུས་ཤོར།
དཔལ་ལྡན་སྲིད་སྐྱོང་མཆོག་སིཌ་ཎིར་ཕེབས་འདོད་ཀྱི་བཀའ་གནང་ཡོད་ཀྱང་ཐུགས་རེ་བཞིན་ལས་དོན་སྒྲུབ་མ་ཐུབ་བའི་འཐུས་ཤོར།
ས་གནས་ཁག་གི་བོད་རིགས་མཐུན་ཚོགས་ཁག་ལ་ལམ་སྟོན་ཇི་བཞིན་མ་བྱུང་བའི་འཐུས་ཤོར།
བོད་མི་སྒེར་གྱིས་ཁྲིམས་ལ་བསྐྱལ་བ་དང་ཡང་ཁོང་གིས་བོད་མི་སྒེར་ཁྲིམས་ལ་བསྐྱལ་གྱི་ཡིན་ཚུལ་གྱི་འཇིགས་སྐུལ་བྱས་པ་སོགས་༧གོང་ས་མཆོག་གི་སྐུ་ཚབ་དོན་དང་ལྡན་པ་ཞིག་གནང་མ་ཐུབ་པའི་འཐུས་ཤོར།
ཨོ་གླིང་བོད་མིའི་སྤྱི་ཚོགས་ཀྱི་བདེ་དོན་དང་ཆིག་སྒྲིལ་ལ་འགན་ལེན་བྱེད་མ་ཐུབ་པ་དང་། མ་འོངས་པར་དཀའ་རྙོག་རྫོགས་མཐའ་མེད་པ་ཞིག་བཟོས་པ་སོགས་འཐུས་ཤོར་ཆེན་པོ་བདུན་ཤོར་འདུག་པར་དཔལ་ལྡན་རང་གཞུང་བཀའ་ཤག་དང་སྤྱི་འཐུས་ལྷན་ཚོགས་ནས་ངེས་པར་དུ་རྟོག་ཞིབ་གནང་དགོས་ངེས།
གསལ་བཤད།
གུས་འབངས་རྣམས་ཀྱིས་ད་ལྟའི་བར་བོད་རིགས་ནང་ཁུལ་གྱི་རྩོད་རྙོག་དེ་ནང་ཁུལ་ནས་འདུམ་འགྲིག་ཡོང་ཆེད་འབད་རྩོལ་བྱས་པ་ཡིན། དཔལ་ལྡན་རང་གཞུང་ནས་མུ་མཐུད་སྣང་མེད་བཞག་ཙང་གནས་ཚུལ་འདི་དག་ཡོངས་ཁྱབ་སྤེལ་དགོས་བྱུང་། ད་དུང་མུ་མཐུད་ནས་རང་གཞུང་གིས་སྣང་མེད་བཞག་ཚེ། གུས་འབངས་རྣམས་ཀྱིས་གནས་ཡུལ་འདི་ནས་ཐག་གཅོད་ཡོང་ཐབས་བྱ་རྒྱུ་ལས་ཐབས་གཞན་མི་འདུག
ཁ་གསལ་ཙམ་ཞུས་ན་ད་ལྟའི་བར་རྩོད་རྙོག་འདིའི་སྐོར་བོད་ཡིག་རྐྱང་པའི་ལམ་ནས་སྤེལ་གྱི་ཡོད་ཀྱང་། རྗེས་སུ་ཨོ་གླིང་ཁུལ་དུ་དབྱིན་ཡིག་ནང་སྤེལ་ཏེ་གསར་འགོད་བརྒྱུད་ལམ་ལ་ཁྱབ་སྤེལ་བྱས་ཏེ་དོན་གཅོད་ཁོ་བའི་ངན་མཚང་མ་སྒྲོགས་ག་མེད་ཀྱི་གནས་སུ་བསྒྱུར་མིན་དཔལ་ལྡན་རང་གཞུང་ལ་འགན་ཆ་ཚང་ཞིག་ཡོད་པ་ལགས་སོ།།
འདྲ་པར་གྱི་འགྲེལ་བཤད།
སིཌ་ཎི་བོད་རིགས་མཐུན་ཚོགས་ངོས་ནས་དོན་གཅོད་ལྷག་པ་མཚོ་སྒོར་མཐུན་ལམ་ཡོང་ཆེད་ཨོ་གླིང་གི་གནད་ཡོད་མི་སྣ་ཁག་ཅིག་གདན་ཞུས་ཀྱིས་ཚོགས་འདུ་ཞིག་གོ་སྒྲིག་བྱས་པར། དོན་གཅོད་ལྷག་པ་མཚོ་སྒོ་ནས་མཉམ་ཞུགས་མ་བྱས་པར་མ་ཚད། མཉམ་ཞུགས་བྱེད་མཁན་གཞན་རྣམས་ལ་ཡང་གནོན་ཤུགས་སྤྲད་པ་རེད། དེའི་རྗེས་རྒྱལ་ཡོངས་བོད་རིགས་སྤྱི་མཐུན་ཚོགས་པ་དང་ཨོ་གླིང་སྤྱི་འཐུས་རྣམ་གཉིས་ནས་གོ་སྒྲིག་གི་ཚོགས་འདུ་ཞིག་བསྐོང་པའི་སྐབས། སྐུ་ཚབ་དོན་གཅོད་ལྷག་པ་མཚོ་སྒོ་ནས་ཆོལ་ཁ་བྱེ་བྲག་པའམ་མི་མང་ཕྱོགས་གཅིག་བེད་སྤྱོད་བཏང་བ་ཡོད་པ་རེད།
ཁོང་ནི་གོང་ས་མཆོག་གི་ཡིད་ཆེས་དང་ཐད་བསྐོས་གནང་བའི་དེ་སྔོན་ཉི་འོང་དོན་གཅོད་ཡིན་པ་རེད་ངོ་མ་བོད་མི་དམངས་མ་ལ་ལྷག་བསམ་ཡོད་མཁན་ཞིག་རེད། ཡིན་ཡང་ཕྱོགས་རིས་ཀྱི་དུག་ཆུས་གཟི་བའི་མི་རྣམས་ཀྱི་མིག་ལ་འགྲོ་གི་མེད་པ་མ་ཟད། ཁོང་ཉི་འོང་ལ་གནས་སྤོས་བྱེད་མཁན་ད་ལྟའི་སྒྲིགས་འཛུགས་ཀྱི་ཇུས་ངན་ཡ་མ་ཚར་བ་ཞིག་རེད།
གལ་སྲིད་བོད་ལ་རང་བཙན་ཡོད་པ་ཡིན་ན་ཨོ་གླིང་དོན་གཅོད་ལྷག་པ་འཚོ་འགོ་སྲོག་ཁྲིམས་གཅོད་དགོས།
ཇ་མ། ཁྱོད་ཀྱིས་བོད་རང་བཙན་བླང་ན་མཚོ་སྒོ་ལྷག་པ་དང་མཉམ་དུ་ང་སྲོག་ཁྲིམས་གཅད་རོགས། མ་གཞི་དོན་གཅོད་ལ་ཁག་མེད། རང་ཚུགས་མེད་པའི་བཀའ་ཤག་ལ། རང་ཚུགས་མེད་པའི་དོན་གཅོད་འོང་ངེས་རེད། གཏམ་དཔེར། གྲལ་མགོ་ནས་སྟོད་ཧྲེང་ཕུད་ན། གྲལ་མཇུག་ནས་དམར་ཧྲེང་ཕུད། ཅེས་པ་ལྟར་རེད། དེང་སང་གཏམ་དཔེ་གསར་པ་ཞིག་འདུག འབའ་པའི་ཁོག་ལ་རྒྱ་མི་ཞུགས།། མཚོ་སྒོའི་ཁོག་ལ་འབའ་པ་ཞུགས།། ཞེས་ཟེར། འོན་ཀྱང་དངོས་བདེན་མིན་ལས་ཆེ། དོན་དངོས་ནི། མཚོ་སྒོའི་མགོ་ནས་སེང་གེས་མནན།། མཚོ་སྒོའི་རྐུབ་ནས་འབའ་པས་བཙིར།། སེང་གེ་འབའ་པའི་སྤྲ་ལག་གིས།། མཚོ་སྒོ་ལྷག་པའི་རང་ཚུགས་བརླགས།། འོན་ཀྱང་དབུས་པའི་རྣམ་དཔྱོད་ཀྱིས།། ཕྱོགས་རིས་ཆེ་བའི་ཨ་རོགས་འགའ།། ཨོ་གླིང་རྒྱ་མཚོ་ཆེན་པོའི་མཐར།། བྲང་གི་རྔ་ཆེན་རྡུང་བཞིན་དུ།། སྡུག་སྐད་གནམ་ས་ཁེངས་དགོས་བཟོས།། ཞེས་པ་འདི་རང་བདེན་ཤས་ཆེ་ཆེ་སྙམ་པ་འདུག་པ་དང་། སྔོན་ཆད་ཆོལ་ཁ་དབྱེ་འབྱེད་ལ་གཏིང་ནས་མི་དགའ་ཡང་ད་ནི་བཙན་བྱོལ་བ་གནས་སྡོད་ཚང་མར་འདི་ལྟར་དུ་གྱུར་འདུག་པ་སླར་ཡང་བསམས་གཞིགས་རྣལ་མ་ཞིག་དགོས་ངེས་འདུག་ལགས། འདི་ཡང་བློ་སེང་གི་གསར་གཏོད་དང་གཅིག་སྒྲིལ་རེད་ལགས།
ཨ་ཁ་་་་་་་་་་ང་ཚོའི་བློ་སེང་གི་གཅིག་སྒྲིལ་ག་པར་ཕྱིན་སོང་་་་་་་་ ལྷག་པ་མཚོ་སྒོ་་་་་་་་་་ད་བོད་པའི་སྤྱི་ཚོགས་ནང་མི་བཀྲ་མ་ཤིས་པ་འདི་འདྲ་མང་པོ་ཡོང་གི
ཨ་རིའི་དོན་ཟུར་སྤེན་ཚེ་ལ་ཉེས་པ་མེད་བཞིན་བཙན་འགེལ་གྱིས་གནས་དབྱུང་བཏང་བ་དང་། དེ་ལས་ལྷག་པ་སྐར་རྡོར་གྱིས་དོན་གཅོད་སྐབས་འཐུས་ཤོར་ཆེན་པོ་བཏང་བར་ཉེས་པའི་ཚབ་ལ་ལེགས་གསོལ་ལྟ་བུ་བྱས་ཡོད། ད་ཨོ་གླིང་གི་མཚོ་སྒོ་ལྷག་པས་འདི་འདྲ་བ་འཐུས་ཤོར་ཆེན་པོ་བཏང་ན་ཡང་སྲིད་སྐྱོང་དང་བཀའ་ཤག་གིས་ཅི་མི་སྙམ་པ་བཞག་པ་ནི་ཧ་ཅང་གི་སྐྱོ་བོ་རེད་མོད། ཤིང་གི་རྩ་བ་རུལ་སོང་ན་ཡལ་ག་དང་ལོ་འདབ་རུལ་བ་ཆོས་ཉིད་ཡིན་པ་ལྟར་སྲིད་སྐྱོང་དང་བཀའ་ཤག་རུལ་ཡོད་དུས་དོན་གཅོད་དེ་ཚོ་རུལ་ཡོད་པ་བཤད་ཅི་ལ་དགོས། ད་སྲིད་སྐྱོང་དང་བཀའ་ཤག དོན་གཅོད་སོགས་ཀྱི་རུལ་དྲི་དེ་བོད་མིའི་སྤྱི་ཚོགས་ནང་ལ་ཁྱབ་ནས་ཚང་མ་གནས་བཟོད་མི་ཐུབ་པ་ལྟ་བུར་གྱུར་བ་ནི་སྲིད་སྐྱོང་སྐབས་གཉིས་ཀྱི་བྱས་རྗེས་ཡིན་པ་མ་ཟད་ལོ་རྒྱུས་ནང་གི་ནག་ཐིག་བསུབ་ཐབས་མེད་ཞིག་ཏུ་གྱུར་ཡོད་དོ།
བློ་སེང་གི་འབུམ་རམ་པའི་མཐར་ཕྱིན་རྩོམ་ཡིག་རག་མཁན་ཡོད་ན་རྔན་པ་ཆེན་པོ་འབུལ་ཆོག
མཚོ་སྒོ་ལྷག་པས་འཐུས་ཤོར་ཆེན་པོ་བཏང་ནས་ཨོ་གླིང་བོད་མིའི་སྤྱི་ཚོགས་ལ་བརྡབ་སིག་བློ་ཡིད་ལས་འདས་པ་ཞིག་བཏང་ཡོད་ཀྱང་། དབུས་བོད་མིའི་སྒྲིག་འཛུགས་ཀྱི་ལས་བྱེད་བླང་དོར་སྒྲིག་གཞི་ཟེར་བ་དེ་ཕལ་ཆེར་བེད་སྤྱོད་གཅིག་བཏང་རྗེས་འཕྲོ་བརླག་ལ་སོང་བ་འདྲ། གོ་ཐོས་ལ་མཚོ་སྒོ་ལྷག་པའི་རྒྱབ་རྩ་ང་ཚོའི་མཐོ་རིམ་མི་སྣ་མང་པོ་ཞིག་ཡོད་པ་དང་། སྲིད་སྐྱོང་ལ་མཚོ་སྒོའི་སྤུན་ཉེར་ཚོ་དགོས་མཁོ་ཧ་ཅང་ཆེ་བས་ཁོང་ཚོར་ཕོག་ཐུག་གཏོང་མ་ཐུབ་པ་ཡིན་འདུག སྤྱི་རྟ་སྒལ་རལ། རང་དོན་ཆེད་སྤྱི་དོན་བློས་གཏོང་། རང་དོན་སྒྲུབ་ཆེད་ཆོལ་ཁའི་འཐེན་འཁྱེར་བེད་སྤྱོད་པ། རང་གི་འདོད་པ་ལྟར་མ་འགྲུབ་ན་རྒྱ་མིའི་སོ་བ་ཡིན་ཚུལ་སྤྱི་ཚོགས་ནང་དཀྲོག་གཏམ་སྤེལ་བ། ང་ཚོའི་སྤྱི་ཚོགས་འདི་ལྟར་དྲང་བདེན་མིན་པ། རུལ་སུང་ཅན་ཏུ་གྱུར་བ། མཐུན་ལམ་མེད་པ། དངོས་ནས་ཡི་ཐང་ཆད་པའི་རྒྱུ་ལས་མ་འདས།
དེ་འབུམ་རམས་པའི་གསང་བ་རེད། གང་དགར་ཕྱི་ལ་སྟོན་མི་སྲིད། གལ་སྲིད་སློབ་བཟང་རྒྱས་ལ་འབུམ་རམས་པའི་མཐར་ཕྱིན་རྩོམ་ཡིག་དང་། ཁྲིམས་རྩོད་པའི་ལག་འཁྱེར་ཚད་ལྡན་ཞིག་ཡོད་ན་ཕྱོགས་ཞེན་དག་གིས་སྔོན་ཆད་ནས་ས་བསྒྲགས་གནམ་བསྒྲགས་བྱས་ཡོད་ངེས།
ད་འདིའི་རིགས་ནི་ཡ་ང་ཕྲག་དོག སྒེར་ནད་མི་མང་ལ་གཡོག་ཐབས་་ཧཧཧཧཧ་རྩོམ་ཉོག་ལ་ངོས་ཀེན་མེད་་་རང་མོས་བསམ་འཆར་ལ་སུས་འགོག་་འདོད་མོས་རེད་་་མི་མང་ཚོ་་བསམ་བཞིག་གནོང་