ཁྱེད་ཀྱི་བྱིས་པ་ཚོས་མིག་དམར་གྱི་སྟེང་ཏུ་འཚོ་བ་སྐྱེལ་སྲིད། འདི་ནི་ཁོ་ཚོ་དེར་ཅི་ལྟར་འཚོ་བ་སྐྱེལ་བར་འགྱུར་ཚུལ་ཡིན།

རྐ་སྲས་ཀྱིས་བསྒྱུར།

འདུག་སྟེཊ་ལས་ཁྱེད་ཀྱིས་བདེ་སྲུང་ཆབ་མ་ཆོངས་དང་། ང་ཚོ་མིག་དམར་གྱི་ཐོག་འཕུར་སྐྱོད་བྱེད་རྒྱུ་ཡིན། མི་གཅིག་གཉིས་ཤིག་མ་ཡིན་པར་མི་མང་སྟོང་ཕྲག་མང་པོ་ཞིག་མིག་དམར་གྱི་སྟེང་དུ་གནས་སྤོར་བྱེད་རྒྱུ་རེད། ངས་ཁྱེད་ལ་གསལ་པོར་བཤད་རྒྱུར། ཁོ་ཚོས་མི་རིང་བར་འཕུར་བསྐྱོད་འདི་བྱེད་རྒྱུ་རེད། ཁྱོད་ཚོ་ལས་མི་འགའ་ཤས་ཀྱིས་མིག་དམར་སྟེང་བསྐྱོད་པའི་ལས་འཆར་གྱི་ཐད་ལས་ཀ་བྱེད་རྒྱུ་རེད་ལ། ངས་ཁག་ཐག་བྱས་ནས་བཤད་རྒྱུ་ཞིག་ནི། མཐར་ཁྱེད་ཅག་གི་བྱིས་ཚོ་མི་དམར་གྱི་སྟེང་དུ་འཚོ་བ་རོལ་ངེས་རེད། དེ་ལྟར་བཤད་ན་ཅོལ་ཆུང་ལྟར་བུ་ཞིག་ཏུ་སྣང་སྲིད་པས། ངས་ཁྱེད་ཅག་ལ་ནམ་ཞིག་དེ་ལྟར་ཡོང་རྒྱུ་ཡིན་པ་དང་། ཅི་ལྟར་ཡོང་རྒྱུ་ཡིན་པ་བཤད་ཆོག འོན་ཀྱང་། ཐོག་མར་ངས་ཧ་ཅང་མངོན་གསལ་ཡིན་པའི་དྲི་བ་སྟེ། འོ་་་ཅིའི་ཕྱིར་ང་ཚོས་དེ་ལྟར་སྒྲུབ་དགོས་པ་རེད་ཅེས་པ་དེའི་སྐོར་ལ་གྲོས་སྡུར་ཅིག་བྱེད།

ལོ་ངོ་བཅུ་གཉིས་ཀྱི་གོང་ལ། ཁྲེ་སྒྲི་ TED talk སྟེགས་བུའི་སྟེང་ནས་ངས་འཛམ་གླིང་འདི་གློ་བུར་དུ་འཇིག་སྲིད་སྟངས་བཅུའི་སྐོར་ནས་གཏམ་བཤད་ཅིག་བྱས་པ་ཡིན། ང་ཚོ་ནི་རང་ཅག་གི་དགུ་ཚིགས་ཀྱི་ཐོལ་བྱུང་གནས་ཚུལ་དག་གི་ཁྲོད་ཧ་ཅང་ཆཊ་འཇིག་སླ་པོ་ཞིག་ཡིན། ང་ཚོ་ནི་སྐར་རྡོ་ཆེན་པོ་གཅིག་གིས་ཀྱང་རྩ་མེད་བཟོ་ཐུབ་པ་རེད། འཚོ་གནས་བྱེད་པ་ལ་ང་ཚོ་རང་ཉིད་ཀྱི་གོ་ལ་འདིའི་ཕ་རོལ་དུ་འགྲོ་ཐུབ་དགོས་པ་རེད། བསམ་བློ་ཞིག་ཐོངས་དང་། གལ་ཏེ། ད་བར་འགྲོ་བ་མིས་ལེཊ་འགྲུབ་བྱུང་ཡོད་པ་ཚང་མ་གློ་བུར་དུ་གཏོར་རླག་བྱུང་བ་ཡིན་ན། དེ་ནི་ཅི་འདྲའི་ཆགས་སྒོ་ཞིག་རེད་ཨང་།

ད་དུང་། ང་ཚོ་དེ་ལྟར་གནས་སྤོར་བྱེད་དགོས་པའི་རྒྱུ་མཚན་གཞན་ཞིག་ཀྱང་ཡོད་དེ། འཚོལ་སྙེགས་ནི་ང་ཚོའི་རིགས་རྫས་ཀྱི་གྲུབ་ཆ་ཞིག་ཡིན། ལོ་ངོ་ས་ཡ་གཉིས་ཀྱི་གོང་དུ་མི་རྣམས་ཨ་ཧྥི་རི་ཁ་ནས་འཕེལ་འགྱུར་བྱུང་སྟེ། དལ་མོས་ངང་ཁོ་ཚོ་རང་ཉིད་ཀྱི་མཁའ་མཐའ་ལས་བརྒལ་ཏེ། འཛམ་གླིང་གི་ཕྱོགས་ཡོངས་ལ་ཁྱབ་ཡོད་པ་ནི་སྙོན་དུ་མེད་པ་ཞིག་རེད། འདི་ནི་ང་ཚོའི་གཤིས་རྒྱུད་དུ་ཡོད་པ་ཞིག་རེད། ཁོ་ཚོ་དེ་ལྟར་གོང་འཕེལ་བྱུང་བ་ཞིག་རེད། འགྲོ་བ་མིའི་དཔལ་ཡོན་དང་ཚན་རྩལ་གྱི་ཡང་རྩེར་སོན་པའི་བྱུང་བ་མང་པོ་ཞིག་ནི། ང་ཚོས་འཚོལ་སྙེགས་བྱས་པ་ལ་བརྟེན་ནས་བྱུང་ཡོད་པ་རེད་ཨང་།

རེད་ང་ཚོས་དངུལ་ལོར་བརྟེན་ནས་མིག་དམར་གྱི་སྟེང་དུ་འཕེལ་རྒྱས་ལྡན་པའི་མི་སྡེ་ཞིག་སྐྲུན་ཐུབ་ཀྱི་རེད། རེད། ང་ཚོས་རང་ཁྱིམ་གོ་ལ་འདི་ལ་དེ་ལས་ལྷག་ཅིག་བདག་གཅེས་བྱེད་དགོས་པ་རེད། རེད། ང་ཚོས་མིག་དམར་ཡང་སའི་གོ་ལ་བཞིན་གཏོར་བརླག་གཏོང་སྲིད་སྙམ་ནས་ངས་སེམས་ཁྲལ་བྱེད་ཀྱི་ཡོད།

འོན་ཀྱང་། ཡུན་ཙམ་ལ་མནོ་བསམ་ཞིག་ཐོངས་དང་། John F Kennedy ཇཱོན་འེ་ཧྥི་ཁིན་ཌེས་ང་ཚོར་འུ་ཅག་གིས་ཟླ་བའི་སྟེང་དུ་འགྲོ་བ་མི་གཏོང་རྒྱུ་ཡིན་ཞེས་བཤད་ནས་ཅི་ཞིག་བྱུང་ཡོད་པ་རེད། ཁོང་གིས་མི་རབས་ཤིག་ཧྲིལ་པོར་རྨི་ལམ་དེ་གཏོང་བའི་སྤྲོ་བ་འཕེལ་ཏུ་བཅུག་ཡོད་པ་རེད། མིག་དམར་སྟེང་དུ་འགྲོ་རྒྱུར་ང་ཚོས་ཅི་ཙམ་སྤྲོ་སྣང་བྱེད་པར་འགྱུར་བའི་ཐད་བསམ་བློ་ཞིག་ཐོངས་དང་། གཅིག་བྱས་ན། དེ་དུས་མི་གཅིག་ཙམ་མ་ཡིན་པར་མི་མང་པོ་ཞིག་གིས་མིག་དམར་སྟེང་དུ་འཚོ་བ་ཞིག་ལ་འབད་རྩོན་བྱེད་བཞིན་ཕྱིར་སའི་གོ་ལར་བལྟས་ནས། རང་ཁྱིམ་སྟེ་སའི་གོ་ལ་ནི་ཅི་འདྲའི་རྩ་ཆེན་པོ་ཞིག་ཡིན་པ་རྟོགས་སྲིད་ཨང་།

དེ་འདྲ་ཡིན་སྟབས། ང་ཚོས་ཧ་ཅང་ཁྱད་དུ་འཕགས་པའི་མདུན་བསྐྱོད་ཅིག་བྱེད་ཉེར་ཡོད་པའི་སྐོར་བཤད་པར་བྱ། འོན་ཀྱང་། ཐོག་མར་ང་ཚོ་འགྲོ་ས་མིག་དམར་སྐོར་གྱི་ངོ་མཚར་བའི་གནས་སྟངས་འགའ་ཤས་བཤད་རྒྱུ་ཡིན། མིག་དམར་གྱི་ཆེ་ཆུང་སའི་གོ་ལ་དང་སྡུར་ནས་བཤད་ན་ཤེས་ཀྱིས་རེད། མི་དམར་ནི་ང་ཚོའི་གོ་ལ་དང་འདྲ་མཚུངས་ཀྱི་གོ་ལ་ཞིག་མ་རེད། དེ་ནི་ང་ཚོའི་གོ་ལ་འདིའི་ཕྱེད་ཀ་ལས་ཧ་ཅང་ཆུང་བ་ཞིག་རེད། དེ་ནི་ཆུང་ཆུང་ཡོད་ཀྱང་། མི་དམར་གྱི་ངོས་ནས་འཚོ་སྡོད་བྱེད་ཐུབ་པའི་ས་ཁུལ་ནི་སའི་གོ་ལའི་ངོས་སུ་འཚོ་སྡོད་བྱེད་ཐུབ་པའི་ས་ཁུལ་དང་འདྲ་མཚུངས་ཡིན། རྒྱུ་མཚན། སའི་གོ་ལའི་ངོས་མང་ཤོས་ནི་ཆུས་བཟུང་ཡོད་པས་རེད།

མིག་དམར་གྱི་རླུངས་ཁམས་ནི་ཧ་ཅང་སྲབ་པོ་ཡོད་པ་རེད། དེ་ནི་སའི་གོ་ལའི་རླུང་ཁམས་ལས་ལྡབ་བརྒྱས་སྲབ་པ་ཡོད་ཅིང་། རླུངས་ཁམས་དེ་འབྱིན་རྔུབ་མི་ཐུབ། དེ་ནི་བརྒྱ་ཆ་གོ་དྲུག་ནག་རླངས་ཉིས་འགྱུར་གྱིས་གྲུབ་ཡོད།

མིག་དམར་སྟེང་ཧ་ཅང་གྲང་མོ་ཡོད་པ་རེད། དེ་གར་ཚ་གྲང་མི་འདྲ་བ་མང་ཡོང་མོད། སྤྱིའི་ཆ་ནས་དྲོད་ཚད་ཀླད་ཀོར་འོག་གི་ 81་ཡིན།
མིག་དམར་སྟེང་གི་ཉིན་གཅིག་གི་རིང་ཚད་ནི། སའི་གོ་ལའི་ཉིན་གཅིག་དང་སྐར་མ་སོ་དགུ་ཡིན་ལ། དུས་ཚིགས་དང་ལོ་ནི། སའི་གོ་ལའི་སྟེང་གི་ལྡབ་གཉིས་ཡིན།
གཤོག་པ་བཏགས་ནས་ཉིན་གཅིག་གི་རིང་འཕུར་ན་འདོད་མཁན་ཞིག་ལ་མཚོན་ན། མིག་དམར་ལ་སའི་གོ་ལ་ལས་འཐེན་ཤུགས་ཆུང་བ་ཡོད་ཅིང་། ས་དེ་ནི་ཁྱེད་ཀྱིས་རང་གི་རླངས་འཁོར་གྱི་མཐར་གོམ་པ་སྤོབས་ནས་འགྲོ་བ་ལས་ལྡོག་སྟེ་རླངས་འཁོར་གྱི་ཐོག་ནས་མཆོང་སྟེ་འགྲོ་ཐུབ་ས་ཞིག་ཡིན།
ཁྱེད་ཀྱིས་ཤེས་གསལ་བཞིན། མིག་དམར་ནི་སའི་གོ་ལ་དང་འདྲ་པོ་འདྲ་རྐྱང་ཞིག་མ་རེད། འོན་ཀྱང་། དེ་ནི་རྒྱང་ཐག་རིང་བའི་ང་ཚོའི་ཉི་མའི་ཁྱིམ་རྒྱུད་ཧྲིལ་པོའི་ནང་འགྲོ་བ་མི་སྡོད་བྱེད་ཐུབ་པའི་རེ་བ་ཆེས་ས་གཅིག་པུ་དེ་རེད།

དཀའ་ངལ་གཅིག་ནི། མིག་དམར་རྒྱང་ཐག་ཧ་ཅང་རིང་པོའི་སར་ཡོད་པ་རེད། སའི་གོ་ལ་ནས་ཟླ་བའི་བར་གྱི་རྒྱང་ཐག་རིང་ཚད་ལས་ལྡབ་སྟོང་ཕྲག་མང་པོས་རིང་སར་ཡོད་པ་རེད། ཟླ་བ་ནི་ང་ཚོས་ནས་ལེ་དབར་སྟོང་ཕྲག་གཉིས་བརྒྱ་ལྔ་བཅུའི་སར་ཡོད་ཅིང་། Apollo astronauts ཨ་ཕཱོ་ལོ་མཁའ་སྐྱོད་པ་ཚོ་དེར་འབྱོར་བར་ཉིན་གསུམ་འགོར་ཡོད་ཅིང་། མིག་དམར་ནི་ལེ་དབར་ས་ཡ་གཉིས་བརྒྱ་ལྔ་བཅུའི་སར་ཡོད་པ་རེད། ང་ཚོ་དེར་འབྱོར་བར་ཟླ་བ་བརྒྱད་དེ། ཉིན་གཉིས་བརྒྱ་བཞི་བཅུ་འགོར་གྱི་རེད་ལ། དེ་ཡང་འཕུར་སྐྱོད་དེ་ཉིན་དམིགས་བ་ཞིག་དང་། དུས་ཚོད་དམིགས་བསལ་བ་ཞིག་སྟེ། ལོ་གཉིས་རེའི་མཚམས་སུ་སའི་གོ་ལ་དང་མིག་དམར་གཉིས་ཐད་གར་ཁེལ་ནས་མེ་ཤུགས་འཕུར་མདའ་འཕུར་ན་ཐག་ཉེ་ཤོས་སུ་འགྱུར་བའི་སྐབས་བྱེད་དགོས་པ་རེད། ཉིན་གཉིས་བརྒྱ་བཞི་བཅུའི་རིང་ལས་གྲོགས་ཚོ་དང་ལྷན་དུ་ལྕགས་ཊིན་ཞིག་ནང་བཀག་ནས་དུས་ཚོད་སྐྱེལ་དགོས་པ་ནི་དུས་ཚོད་ཧ་ཅང་རིང་པོ་ཞིག་རེད།
དེ་དང་དུས་མཚུངས་སུ་ང་ཚོ་མིག་དམར་གྱི་སྟེང་དུ་འབྱོར་བའི་ཚད་ཀྱང་སྐྱོ་རུ་འགྲོ་བཞིན་ཡོད་པ་རེད། ང་ཚོ་དང་རཱ་ཤི་ཡ། ཡོ་རོབ། ཉི་ཧུང་། རྒྱ་ནག རྒྱ་གར་བཅས་ཀྱིས་ད་བར་མིག་དམར་སྟེང་མེ་ཤུགས་འཕུར་མདའ་བཞི་བཅུ་ཞེ་བཞི་བཏང་ཡོད་པ་ལས་མང་ཆེ་ཤོས་མིག་དམར་སྟེང་མ་འབྱོར་བའམ་རྡབ་སྐྱོན་ཤོར་ཡོད་པ་རེད། མིག་དམར་སྟེང་བཏང་བའི་འཕུར་མདའ་དེ་དག་ལས་གསུམ་ཆ་ཙམ་ཞིག་ལེགས་འགྲུབ་བྱུང་ཡོད།

མ་ཟད་ད་ལྟའི་ཆར་མིག་དམར་ཐོག་འབྱོར་ཐུབ་པའི་མེ་ཤུགས་འཕུར་མདའ་ཆེ་ཚད་འཚམ་པོ་ཞིག་ང་ཚོ་ལ་མེད་པ་རེད། སྐབས་ཤིག་ལ་ང་ཚོར་ Saturn Vs སཱ་ཊིན་ལྔ་པ་ཞེས་པ་དེ་བྱུང་བ་རེད། དེ་དུས་སཱ་ཊིན་ལྔ་བ་འགའ་ཤས་བྱུང་ཡོད་ན། མིག་དམར་སྟེང་འབྱོར་ཡོད་ཀྱི་རེད། སཱ་ཊིན་ལྔ་པ་ནི་འགྲོ་བ་མིས་བཟོ་སྐྲུན་བྱས་པའི་འཕུར་མདའ་ཆེས་ཆེ་ཤོས་དེ་རེད་ལ། ང་ཚོ་ཟླ་བའི་སྟེང་འབྱོར་ཐུབ་པར་བྱེད་མཁན་གྱི་འཕུར་མདའ་དེ་ཡང་རེད། སཱ་ཊིན་ལྔ་པ་མཐའ་མ་དེ་ 1937 ལོར་བར་སྣང་འབབ་ཚིགས་མཁའ་དབྱིངས་ཞིབ་ལྟ་ཁང་ཞེས་པ་དེ་མཁའ་ལ་གཏོང་བའི་ཆེད་བཀོལ་སྤྱོད་བྱས་པ་རེད། ང་ཚོ་ཟླ་བའི་སྟེང་འབྱོར་བའི་རྗེས་ནས། མུ་མཐུད་མིག་དམར་སྟེང་སྐྱོད་པའི་ཚབ་ལ་ང་ཚོས་རྒྱུན་འགྲུལ་ཞེས་པ་དེ་བྱེད་རྒྱུ་ཐག་བཅད་པ་རེད། ད་ལྟ་ང་ཚོར་ཡོད་པའི་འཕུར་མདའ་ཆེ་ཤོས་དེ་ནི། མིག་དམར་སྟེང་ཅི་ཞིག་གཏོང་བར་ཆེ་ཚད་ཕྱེད་ཙམ་ལས་ལོངས་ཀྱི་མེད་པ་རེད། དེར་བརྟེན། མིག་དམར་གྱི་སྟེང་དུ་འགྲོ་རྒྱུ་ནི་ལས་སླ་པོ་ཞིག་མ་རེད། སྐད་ཆ་འདིས་སྤྲོ་བ་འཕེལ་བའི་དྲི་བ་ཞིག་དྲངས་ཡོང་བ་སྟེ། དུས་ཡུན་ཅི་ཙམ་མགྱོཊ་པོ་ཞིག་ལ་མི་རྣམས་ཆེས་ཐོག་མར་མིག་དམར་སྟེང་འབབ་རྒྱུ་ཡིན་ནམ་ཞེས་པ་དེ་རེད།

ཆེད་ལས་པ་འགའ་ཤས་ཀྱིས་གལ་ཏེ་ང་ཚོ་ 2050 ལོར་བར་མིག་དམར་སྟེང་དུ་འབྱོར་ཐུབ་ཚེ། དེ་ནི་ལེཊ་འགྲུབ་ཧ་ཅང་ཡག་པོ་བྱུང་བ་ཞིག་དུ་ངོས་འཛིན་བྱེད་འོས་པར་འདོད་ཀྱི་ཡོད།
དེང་སང་ཨ་རིའི་རྒྱལ་ཡོངས་མཁའ་དབྱིངས་ཞིབ་དཔྱོད་ཁང་ NASA གིས་2040 ལོ་བར་འགྲོ་བ་མི་རྣམས་མིག་དམར་ཐོག་སྐྱོད་ཐུབ་ཀྱི་རེད་ཟེར་གྱིན་པ་འདྲ། གཅིག་བྱས་ན་ཁོ་ཚོ་འགྲོ་ཐུབ་ཀྱི་རེད། ངས་ལྟས་ན་ཁོ་ཚོས་ 2035 ལོར་བར་འགྲོ་བ་མི་མིག་དམར་གྱི་སྟེང་དུ་གཏོང་ཐུབ་ཀྱི་རེད། འོན་ཀྱང་། དྲང་མོར་ཞུས་ན། དེ་དུས་ཁོ་ཚོས་འགྲོ་བ་མི་མིག་དམར་སྟེང་དུ་གཏོང་གི་མ་རེད། རྒྱུ་མཚན་ནི། དེ་དུས་ང་ཚོ་དེ་སྔོན་ནས་དེ་གར་འབྱོར་ཚར་བ་རེད།

ང་ཚོ་ 2025 ལོར་མིག་དམར་སྟེང་དུ་འབབ་རྒྱུ་ཡིན། གང་ཡིན་ཟེར་ན། Elon Musk ཨི་ལོན་མཱ་སི་ཁི་ཟེར་བའི་མི་འདིས་བྱ་བ་དེ་འབྱུང་དུ་འཇུག་པར་ཆོད་སེམས་ཧ་ཅང་བརྟན་པོ་བཅངས་འདུག ཁོང་ནི་ Tesla Motors ཊེ་སི་ལ་ཕེབས་གྲུ་དང་ SpaceX སི་ཕེ་སི་ཨེཀ་སི་ལས་གྲྭའི་ཆེས་མཐོའི་དབུ་ཁྲིད་རེད། སྤྱིར་ཁོང་གིས་ང་ཚོ་2025 ལོ་བར་མིག་དམར་སྟེང་འབབ་རྒྱུ་ཡིན་ཟེར། འོན་ཀྱང་། ཨི་ལོན་མཱ་སི་ཁི་ནི་ང་ལས་ལྷག་པར་བསམ་བློ་ཡག་ས་ནས་གཏོང་མཁན་ཞིག་ཡིན་པས་དེ་ནི་སྔ་དྲགས་པ་རེད། དེར་བརྟེན་ངས་ཁོང་ལ་ལོ་འགའི་ཁོམ་ལོངས་སྟེར་གྱི་ཡོད། ཁྱེད་ཀྱིས་ད་དུང་རང་ཉིད་ལ “མི་འདིས་དངོས་གནས་ 2025་ལོ་འམ་ 2027་ལོར་བར་དོན་དག་དེ་སྒྲུབ་ཐུབ་བམ་”ཞེས་འདྲི་དགོས་ཀྱི་རེད།
རེད་ཡ། ང་ཚོས་ལོ་བཅུ་ཚན་གཅིག་གི་ཐད་ནས་ཨི་ལོན་མཱ་སི་ཁི་ལ་གཅིག་བལྟ་བར་བྱ། འདས་པའི་ལོ་ངོ་བཅུ་པོ་དེ་གང་དུ་འཚོལ་དགོས་ཟེར་ན། དེ་ནི་ Tesla electric automobile དེ་ནི་ཊེ་སི་ལཱ་གློག་ཤུཊ་རང་འགུལ་ཕེབས་གྲུ་རེད། 2005 ལོར་རང་འགུལ་འཕྲུལ་ཆས་བཟོ་གྲྭ་ཁག་ཏུ་མི་ཚོས་ད་ནས་ལོ་ལྔ་བཅུའི་རིང་ང་ཚོས་གློག་ཤུགས་ཕེབས་གྲུ་ཡག་པོ་ཞིག་སྐྲུན་ཐུབ་ཀྱི་མ་རེད་ཅེས་ཤོད་ཀྱི་ཡོད།

ཡང་ལོ་ངོ་བཅུ་ཚན་གཅིག་གི་ཐད་ནས་ཨི་ལོན་མཱ་སི་ཁི་ལ་གང་ནས་བལྟ་དགོས་ཞེས་ན། དེ་ནི་ SpaceX’s Falcon 9 rocket སི་ཕེ་སི་ཨེཀ་སི་ཚང་གི་ཧྥལ་ཁཱོན་དགུ་པ་མེ་ཤུཊ་འཕུར་མདའ་སྟེ། རྒྱལ་སྤྱིའི་མཁའ་དབྱིངས་འབབ་ཚིགས་སུ་ལྗིད་ཚད་ཏུན་གཅིག་སྟོང་ལྷག་གི་མཁོ་ཆས་བསྐྱེལ་མཁན་དེ་རེད། དེའི་སྔོན་ལོ་བཅུའི་གོང་དུ་ SpaceX སི་ཕེ་སི་ཨེཀ་སི་ཚང་ས་གང་དུ་ཡང་བབས་མྱོང་མེད་ལ་མེ་ཤུགས་འཕུར་མདའ་ཞིག་བཏང་ཡང་མྱོང་མེད་པ་རེད། ངས་བལྟས་ན་ལོ་ངོ་བཅུ་མ་ཟིན་ཙམ་གྱི་ནང་རང་འགུལ་འཕྲུལ་ཆས་བཟོ་གྲྭ་ཁག་ལ་འགྱུར་བ་བཏང་ཞིང་། ལོ་བཅུ་མ་ཟིན་ཙམ་གྱི་ནང མེ་ཤུགས་འཕུར་མདའ་བཟོ་གྲྭ་ཆ་ཚང་ཞིག་སྐྲུན་མཁན་གྱི་མི་དེས་2027 ལོ་བར་ང་ཚོ་མིག་དམར་སྟེང་དུ་སྐྱེལ་ཐུབ་ཀྱི་རེད།
ཁྱེད་ཀྱིས་ཤེས་དགོས་པ་ཞིག་ལ་སྲིད་གཞུང་ཁག་དང་འཕྲུལ་ཆས་ཀྱི་མི་དག་གིས་བར་སྣང་དུ་སྐྱོད་པའི་ལས་ཀ་འདི་སྟངས་འཛིན་བྱེད་ཀྱི་མེད་ལ། སྒེར་གྱི་བཟོ་གྲྭའམ་མཐུན་གཉེར་ཁང་ཁག་བར་སྣང་དུ་སྐྱོད་ཀྱི་ཡོད། ཁོ་ཚོས་དགའ་སྤྲོའི་ངང་ཁྱེད་ཅག་མིག་དམར་སྟེང་ཁྲིད་ཀྱི་རེད།

གོང་གི་སྐད་ཆ་དེས་དྲི་བ་ཧ་ཅང་ཆེན་པོ་ཞིག་སྟེ། སྤྱིར་ང་ཚོ་མིག་དམར་སྟེང་འཚོ་ཐུབ་བམ་ཞེས་པ་དེ་དྲངས་ཡོང་གི་རེད། ཨ་རིའི་རྒྱལ་ཡོངས་མཁའ་དབྱིངས་ཞིབ་དཔྱོད་ཁང་གིས་ 2040 ལོ་བར་མིག་དམར་སྟེང་དུ་འགྲོ་བ་མི་གཏོང་མི་ཐུབ་སྲིད་ལ། ཁོ་ཚོའི་སྔོན་ལ་ང་ཚོ་སྔ་མོ་ནས་དེར་འབྱོར་ཡོད་སྲིད་མོད། ཨ་རིའི་རྒྱལ་ཡོངས་མཁའ་དབྱིངས་ཞིབ་དཔྱོད་ཁང་གིས་ང་ཚོ་མིག་དམར་སྟེང་དུ་འཚོ་ཐུབ་མིན་ཞིབ་འཇུག་བྱེད་པའི་ཐད་ལ་འགན་ཧ་ཅང་ཆེན་པོ་ཞིག་ཁྱེར་ཡོད་པ་རེད། དཀའ་ངལ་གྱི་ཐད་ང་ཚོས་འདི་ལྟར་ལྟས་ཆོག་སྟེ། ང་ཚོ་སའི་གོ་ལའི་སྟེང་འཚོ་བར་ཅི་དགོས་པ་རེད་ཟེར་ན། ཁ་ཟས། ཆུ། སྡོད་གནས། གྱོན་ཆ་བཅས་དགོས་ལ། ང་ཚོ་མིག་དམར་སྟེང་འཚོ་བར་གོང་གི་ཆ་རྐྱེན་དེ་དག་གི་སྟེང་དུ་མཁའ་དབུགས་སམ་སྲོག་འཛིན་རླུང་དགོས་པ་རེད།

དེར་བརྟེན། ཆ་རྐྱེན་དེ་དག་ལས་དང་པོ་ཆེས་གལ་ཆེ་ཤོས་ལ་གཅིག་ལྟས་ན། ང་ཚོས་ཤེས་གསལ་བཞིན་ཆུ་ནི་ཚེ་སྲོག་ཡོད་ཚད་ཀྱི་རྟེན་གཞི་ཡིན་ཞིང་། འཚོ་གནས་ཀྱི་ཆེད་དུ་སའི་གོ་ལ་ནས་མིག་དམར་གྱི་ནང་དུ་ཆུ་ཁྱེར་དགོས་ན་དེ་ནི་ཆེས་ལྕི་དྲགས་པས། གལ་ཏེ་ང་ཚོ་མིག་དམར་སྟེང་མུ་མཐུད་འཚོ་གནས་ཐུབ་དགོས་ཚེ། ང་ཚོས་ཆུ་འཚོལ་དགོས་པ་རེད། མ་ཟད། ང་ཚོས་མིག་དམར་ལ་བལྟས་ན། དེ་ནི་ཧ་ཅང་སྐམ་ཤས་ཆེ་ཞིང་། གོ་ལ་ཧྲིལ་པོ་ཞེ་ཐང་ཡིན་པ་ལྟར་སྣང་མོད། དོན་དངོས་སུ་དེ་ནི་དེ་འདྲ་ཞིག་མ་རེད། མིག་དམར་ངོས་ཀྱི་ས་གཅིག་པུའི་བརྒྱ་ཆ་དྲུག་ཅུ་ཆུ་ཡིན་པ་དང་། ད་ལྟ་འང་མིག་དམར་གྱི་མཐར་འཕུར་སྐྱོད་བྱེད་བཞིན་པའི་འཁོར་སྐར་མང་པོ་ཞིག་གིས་མིག་དམར་ངོས་ཀྱི་དོང་གཤོང་མང་པོའི་ནང་དུ་འཁྱཊ་རོམ་ཡོད་པ་བསྟན་ཡོད། (ཞོར་དུ་བཤད་རྒྱུར་དེ་ནི་པར་ངོ་མ་རེད།) མིག་དམར་ནི་མིའི་རིགས་རྒྱུད་སྤེལ་འགོ་འཛུགས་ས་ཧ་ཅང་སྐྱོ་བོ་ཞིག་མ་རེད།

འདིར་ 2008 ལོར་ཧྥོ་ནེག་སི་ལན་ཌིར་གྱིས་ Phoenix Lander མིག་དམར་གྱི་ས་ངོས་ཅུང་རྐོས་པའི་འདྲ་པར་ཅིག་ཡོད། དེས་བསྟན་པ་ནི་ས་ངོས་ཀྱི་ཞབས་རང་ཙམ་ནི་འཁྱཊ་རོམ་ཡིན་པ་བསྟན་ཡོད། པར་ངོས་ཀྱི་དཀར་པོ་དེ་ནི་འཁྱཊ་རོམ་རེད། པར་གཉིས་པ་དེ་གོང་གི་པར་དེའི་ཉིན་བཞིའི་རྗེས་སུ་བླངས་པ་རེད། ད་ལྟ་འཁྱཊ་རོམ་དེའི་ཆ་ཤས་འགའ་རླངས་གཟུགས་སུ་འགྱུར་བཞིན་པ་ཤེས་ཐུབ་ཀྱི་འདུག

ད་དུང་འཁོར་སྐར་དག་གིས་མིག་དམར་གྱི་ས་འོག་ཏུ་ཆུ་ཧ་ཅང་མང་པོ་ཡོད་པར་མ་ཟད། དེར་འཁྱཊ་གཤོངས་ཀྱང་ཡོད་པ་བསྟན་ཡོད། གལ་ཏེ་མིག་དམར་གྱི་ལྷོ་བྱང་གི་སྣེ་གཉིས་ཀྱི་འཁྱཊ་རོམ་ཞུ་བ་ཡིན་ན། གོ་ལ་དེའི་ངོས་མང་ཆེ་བ་ཕི་ཁྲི་སུམ་ཅུའི་ཆུ་འོག་སུམ་པར་འགྱུར། དེར་བརྟེན། མིག་དམར་ངོས་སུ་ཆུ་ཧ་ཅང་མང་པོ་ཡོད་པ་རེད། འོན་ཀྱང་། དེ་དག་མང་ཆེ་བ་འཁྱཊ་རོམ་ཡིན་པ་དང་སའི་འོག་ཏུ་ཡོད་པ་རེད། ཆུ་དེ་དག་ལེན་པར་ནུས་ཤུགས་ཧ་ཅང་ཆེན་པོ་འདོན་དགོས་ཤིང་། མིའི་ངལ་རྩོལ་ཡང་ཆེན་པོ་བསྟེན་དགོས་པ་རེད།

འཕྲུལ་ཆས་འདི་ནི་དེ་སྔོན་ 1998 ལོར་ཝ་ཤིན་ཊོན་གཙུག་ལག་སློབ་གྲྭས་གྲ་སྒྲིག་བྱས་པ་ཞིག་རེད། དེ་ནི་ཚད་དམའ་པོའི་འཕྲུལ་ལས་ལག་རྩལ་བཀོལ་ནས་བཟོས་པའི་གཤེར་བཙཊ་དབུཊ་རྔུབ་ཆས་ཤིག་ཡིན་ཞིང་། མིག་དམར་སྟེང་གི་མཁའ་དབུཊ་ནི། བརྒྱ་ཆ་བརྒྱ་ཞའ་ཚན་གྱིས་གྲུབ་ཡོད་པར་ཤེས་རྟོགས་བྱུང་ཡོད་སྟབས། འཕྲུལ་ཆས་འདིས་མིག་དམར་གྱི་མཁའ་དབུགས་ཁྲོད་ནས་འགྲོ་བ་མི་ལ་དགོས་ངེས་ཀྱི་གཤེར་གཟུཊ་ལས་སླ་པོའི་ངང་འཐེན་ཐུབ་ཀྱི་ཡོད་པ་རེད།

དེ་ནས་ང་ཚོས་དབུཊ་ཅི་ཞིག་རྔུབ་རྒྱུའི་སྐོར་ལ་སེམས་ཁྲལ་བྱེད་དགོས་ཀྱི་རེད། དྲང་མོར་བཤད་ན། ཨ་རིའི་རྒྱལ་ཡོངས་མཁའ་དབྱིངས་ཞིབ་དཔྱོད་ཁང་་གིས་དཀའ་ངལ་འདི་སེལ་ཐུབ་ཡོད་པ་ཤེས་རྟོགས་བྱུང་པས་ང་རང་ཧ་སང་དུ་བཅུག་བྱུང་། MIT ཨེམ་ཨེ་ཊི་ནས་ཡིན་པའི་ཚན་རིག་པ་མཱེ་ཁུལ་ཧེ་ཊིས་ Michael Hecht འཕྲུལ་ཆས་མཱོ་སཱི་ Moxie ཞེས་པ་འདི་གསར་གཏོད་བྱས་པ་རེད། ང་རང་འཕྲུལ་ཆས་འདི་ལ་ཧ་ཅང་དགའ་པོ་ཡོད། དེ་ནི་མཁའ་དབུཊ་ལྡོག་བརྗེ་བྱེད་པའི་སྒམ་ཆུང་ཞིག་རེད། འཕྲུལ་ཆས་འདིས་གཙོ་བོ་མིག་དམར་གྱི་མཁའ་དབུཊ་ནང་དུ་འཐེན་ནས་ཕྱིར་འཚོ་དབུཊ་འདོན་པར་བྱེད། དྲན་གསོས་དགོས་པ་ཞིག་ནི། མིག་དམར་གྱི་མཁའ་དབུཊ་ཀྱི་བརྒྱ་གོ་དྲུག་བཟུང་ཡོད་པའི་འཚོ་རླུང་ཟུང་ལྡན་ནི་ CO2 — carbon dioxide རྩ་བའི་ཆ་ནས་བརྒྱ་ཆ་དོན་བརྒྱད་སྲོག་འཛིན་རླུང་གིས་གྲུབ་ཡོད།

ཨ་རིའི་རྒྱལ་ཡོངས་མཁའ་དབྱིངས་ཞིབ་དཔྱོད་ཁང་གིས་ 2020 ལོར་མིག་དམར་ནང་གཏོང་བར་འགྱུར་བའི་མེ་ཤུཊ་འཕུར་མདའ་Big rover རཱོ་ཝིར་ཆེན་མོས་ནང་དུ་མཁའ་དབུཊ་ལྡོག་བརྗེ་འཕྲུལ་ཆས་འདིའི་རིཊ་ཡོད་པར་འགྱུར་ལ། འཕྲུལ་ཆས་འདིས་མི་ཞིག་གི་མི་ཚེ་ཧྲིལ་པོར་འཚོ་དབུཊ་མཁོ་འདོན་བྱེད་ཐུབ་པ་ཡིན། འཕྲུལ་ཆས་འདིའི་གསང་བ་ནི། འདི་ནི་ཚོད་ལྟ་ཙམ་ཞིག་གི་ཆེད་དུ་ཡིན་ལ། འཕྲུལ་ཆས་འདི་ལྡབ་བརྒྱ་འགྱུར་དུ་གཏོང་བའི་འཆར་གཞིའི་ཐོག་ནས་ཅུས་འགོད་བྱས་པ་ཞིག་རེད།

དེ་ནས། ང་ཚོས་མིག་དམར་སྟེང་ཟས་ཅི་ཞིག་ཟ་དགོས་ཞེ་ན། རེད་ཡ། ཟས་རིཊ་འདེབས་འཛུཊ་བྱེད་པར་ང་ཚོས་གཤེར་ལྡན་ལྡུམ་ར་བཀོལ་སྤྱོད་བྱེད་པར་འགྱུར། འོན་ཀྱང་། དེ་ལ་བརྟེན་ནས་ང་ཚོས་ཁ་ཟས་ཀྱི་བརྒྱ་ཆ་བཅོ་ལྔ་ནས་ཉི་ཤུ་བར་མ་གཏོཊ་འདེབས་འཛུཊ་བྱེད་མི་ཐུབ། དེ་ནི་མ་མཐའ་ཡང་། མིག་དམར་གྱི་ས་གཞིའི་ངོས་སུ་ཆུ་བཞུར་ཐུབ་པ་མ་བྱུང་བར་དུ་དེ་ལྟར་ཡིན་ངེས་རེད། སྤྱིར་མིག་དམར་ཐོག་ནས་ལོ་ཏོག་འདེབས་འཛུགས་བྱེད་པའི་ནུས་པ་དང་གོ་སྐབས་ང་ཚོར་ཡོད་པ་རེད། དེ་དང་ཆབས་གཅིག ང་ཚོའི་ཟས་རིཊ་མང་ཆེ་བ་སའི་གོ་ལའི་ཐོག་ནས་སྐམ་པོ་བཟོས་ནས་ཡར་ཁྱེར་ཡོང་དགོས་པ་རེད།

དེ་ནས། ང་ཚོར་སྡོད་ཁང་དགོས་པ་རེད། དང་པོ་ང་ཚོ་དབུཊ་ཀྱིས་བརྒྱངས་པ་དང་སྣོན་ཤུཊ་སྦྱར་སྟུན་བྱས་པའི་ཁང་པ། ད་དུང་། མིག་དམར་ཐོག་འབབ་བྱེད་དེ་ཉིད་ཀྱི་ནང་དུའང་སྡད་ཆོག འོན་ཀྱང་། དེ་ནི་ཉིན་མོ་ཁོ་ནར་བཀོལ་ཐུབ་པ་ཡིན། མིག་དམར་སྟེང་དུ་ཉི་མའི་ཚ་རླབས་ཤུགས་ཆེན་པོ་ཡོད་ལ། བར་སྣང་ཕྱི་མའི་འོད་ཟེར་འབྱེད་འཕྲོ་ཧ་ཅང་ཆེན་པོ་ཡོད་པ་རེད། དེར་བརྟེན་དོན་དངོས་སུ་ང་ཚོ་སའི་འོག་ཏུ་སྡོད་དགོས།

ཤེས་རྟོཊ་བྱུང་བ་ལྟར་ན་མིག་དམར་ཐོག་གི་ས་མང་པོ་ཞིག་ནི་ས་ཕག་བཟོ་བའི་རྒྱུ་ཆ་ཧ་ཅང་ཡག་པོ་ཞིག་རེད། འདི་ཡང་ཨ་རིའི་མཁའ་དབྱིངས་ཞིབ་དཔྱོད་ཁང་གིས་གསར་རྙེད་བྱུང་བ་ཞིག་ཡིན། ཁོ་ཚོས་འགྱིག་འདྲའི་གྲུབ་རྫས་ས་ཕག་ནང་བསྲེས་ཏེ། རླབས་ཕྲན་ཐབ་ཀའི་ནང་བཞག་ན། རྩིཊ་གྱང་ཧ་ཅང་མཐུག་པའི་ཁང་པ་བཟོ་ཐུབ་པ་རེད། ཡང་ན། ང་ཚོ་ས་འོག་བྲག་ཕུག་ནང་དང་། མིག་དམར་ཐོག་ཧ་ཅང་འབེལ་པོ་ཡོད་པའི་བྲག་ཞུག་ཕུག་པའི་ནང་བསྡད་ཆོག

དེ་ནས། མཐར་གྱོན་ཆས་ཀྱི་སྐོར་རེད། སའི་གོ་ལའི་ཐོག་ཏུ་ང་ཚོའི་མཐའ་འཁོར་ཏུ་རླུངས་ཁམས་ལེ་དབར་མང་པོ་བརྩེཊ་ཡོད་ལ། དེས་ང་ཚོའི་ལུས་སྟེང་ལ་དུས་རྒྱུན་དུ་གནོན་ཤུགས་ཕོན་ཊི་བཅོ་ལྔ་སྐྲུན་གྱི་ཡོད་པ་མ་ཟད། ང་ཚོ་མཁའ་རླུངས་ཀྱི་ཁ་གཏད་དུ་འཕུད་འདེད་བྱེད་ཀྱི་ཡོད། མིག་དམར་སྟེང་དུ་ཕལ་ཆེར་རླུངས་ཁམས་ཀྱི་གནོན་ཤུགས་ཅི་ཡང་མེད། དེར་བརྟེན། MIT ཨེམ་ཨ་ཡེ་ཊི་ནས་ཡིན་པའི་ཚན་རིག་པ་སྒྲའ་ཝཱ་ནིའུ་མཱན་གྱིས་ sleek space suit མཁའ་དབྱིངས་འཇམ་ལྭ་དེ་གསར་གཏོད་བྱས་པ་རེད། ལྭ་བ་དེས་འོད་ཀྱི་འབྱེད་འཕྲོ་འགོག་ཞིང་ང་ཚོའི་ལུས་དྲོད་འཛིན་པ་ཡིན།

དེ་ནས། སྐར་མ་གཅིག་གི་རིང་བསམ་བློ་ཞིག་ཐོངས་དང་། ཁ་ཟས། སྡོད་གནས། གྱོན་ཆས། ཆུ། འཚོ་དབུཊ་སོགས་ང་ཚོས་མིག་དམར་སྟེང་དུ་དེ་དག་སྒྲུབ་ཐུབ་ཀྱི་འདུག ང་ཚོས་ངོ་མ་སྒྲུབ་ཐུབ་ཀྱི་འདུག འོན་ཀྱང་། དེ་ལྟར་སྒྲུབ་པ་ནི་ཅུང་རྙོག་འཛིན་རང་བཞིན་ཅན་དང་ཅུང་དཀའ་མོ་ཞིག་རེད།

དེ་འདྲ་ཡིན་སྟབས། གནད་དོན་དེས་ང་ཚོ་ཧ་ཅང་ཆེ་བའི་གོམས་པ་རྗེས་མ་སྟེ། མིག་དམར་སྟེང་ནས་འཚོ་བ་ཡག་པོ་ཞིག་རོལ་བའི་སྐོར་ལ་སླེབས་པ་རེད། དེ་ནི་མིག་དམར་གྱི་གོ་ལར་འགྱུར་བ་བཏང་ནས་སའི་གོ་ལ་ནང་བཞིན་ཅིག་བཟོ་རྒྱུ་སྟེ། མིག་དམར་གྱི་གོ་ལ་ཧྲིལ་པོ་སྐྱར་སྐྲུན་བྱེད་རྒྱུ་དེ་རེད།

དེ་ནི་ཁ་གཤོམ་ཧ་ཅང་ཆེ་དྲགས་པ་ལྟ་བུ་ཞིག་ཏུ་གོ་སྲིད་མོད། ངས་ཁྱེད་ཅག་ལ་བཤད་རྒྱུར་བསྡད་ཡོད་པའི་མིག་དམར་གྱི་གོ་ལ་སྐྱར་སྐྲུན་བྱེད་པའི་ཐད་མཁོ་བའི་འཕྲུལ་ལས་ལག་རྩལ་ནི། ད་ལྟ་ང་ཚོར་ཡོད་དང་ཡོད་མུས་ཡིན་པ་དེ་དོན་དངོས་རེད།

ཐོག་མར་ང་ཚོས་མིག་དམར་གྱི་ཚ་དྲོད་རྒྱས་སུ་འཇུག་དགོས། གོ་ལ་དེའི་རླུང་ཁམས་ཧ་ཅང་སྲབ་པོ་ཡིན་པས་དེར་ཧ་ཅང་གྲང་མོ་ཡོད། མིག་དམར་གྱི་ལྷོ་སྣེ་དང་བྱང་སྣེ་ནི། འཁྱཊ་གཟུཊ་སུ་གྲུབ་པའི་འཚོ་རླུང་ཟུང་ལྡན་ཧ་ཅང་འབོར་ཆེན་པོ་ཞིག་གིས་བཟུང་ཡོད། གལ་ཆེ་བའི་གནད་དོན་དེ་འདི་ཡིན་ཏེ། ང་ཚོས་འཁྱཊ་གཟུཊ་སུ་གྲུབ་པའི་འཚོ་རླུང་ཟུང་ལྡན་དེ་དག་ཚོ་པོ་བཟོས་པ་ན། དེ་ཐད་གར་མཁའ་དབྱིངས་སུ་འཕཊ་ནས། སའི་གོ་ལ་བཞིན་མིག་དམར་གྱི་རླུང་ཁམས་མཐུག་ཏུ་གཏོང་བ་ཡིན།

ང་ཚོས་ཤེས་གསལ་བཞིན་འཚོ་རླུང་ཟུང་ལྡན་ནི། greenhouse gas དྲོད་རླངས་ཀྱི་ནུས་པ་ཧ་ཅང་ཆེན་པོ་ཞིག་རེད། དེ་ལྟར་དྲོད་རླངས་རྒྱས་སུ་འཇུག་ཐབས་ང་རང་དགའ་ཤོས་ཤིག་ནི། ཐོག་མར་མིག་དམར་གྱི་ལྷོ་སྣེའི་ཐད་དུ་ཉི་ནུས་ཕྱོགས་སྡུད་བྱེད་ཆས་སྟེ་ཉི་ཡོལ་ཧ་ཅང་ཆེན་པོ་ཞིག་བསླངས་ཏེ། མེ་ལོང་ཆེ་པོ་ཞིག་ལྟར་བྱེད་ལས་འདོན་དུ་བཅུག་ན། མིག་དམར་གྱི་གོ་ལ་འཁོར་སྐྱོད་བྱེད་སྐབས། དེས་འཁྱཊ་གཟུཊ་སུ་གྲུབ་ཡོད་པའི་འཚོ་རླུངས་ཟུང་ལྡན་ཚང་མར་ཚ་དྲོད་རྒྱས་སུ་བཅུག་ནས། མཁའ་རུ་འཕཊ་ཤིང་རླུངས་ཁམས་ཀྱི་ནང་དུ་འགྲོ་བར་འགྱུར། མིག་དམར་སྟེང་ཚ་དྲོད་རྒྱས་པར་དུས་ཚོད་དེ་ཙམ་རིང་པོ་མི་འགོར། ཕལ་ཆེར་ལོ་ངོ་ཉི་ཤུ་མ་ཟིན་ཙམ་གྱི་རིང་ཡིན་སྲིད།

དེང་སང་། མིག་དམར་སྟེང་དུ་དབྱར་དཀྱིལ་གྱི་ཉིན་ཞིག་ལ་མིག་དམར་གྱི་སྐེད་ཐིག་ཐོག་ཏུ་ཚ་དྲོད་ཚད་བདུན་ཅུར་བསླེབས་ཐུབ་མོད། མཚོན་མོར་གོར་ཐིག་འོག་གི་བརྒྱར་ལྷུང་བར་འགྱུར།
འདིར་མིག་དམར་སྟེང་འདང་གི་མེད་པ་ནི་དྲོད་རླངས་ཀྱི་ནུས་པ་ཡིན། མིག་དམར་སྟེང་མང་དུ་མཐོང་རྒྱུ་ཡོད་པའི་འཁྱག་དར་དང་། ལྷག་པར་དུ་ས་འོག་ཏུ་ཡོད་པའི་འཁྱག་རོམ་དག་ཞུ་བའི་དྲོད་ཚད་འདང་ངེས་ཤིག་བྱུང་ན། དེ་ནས་འུ་ཅག་ལ་དངོས་གནས་སྒྱུ་འཕྲུལ་ལྟ་བུའི་ངོ་མཚར་བའི་གནས་སྟངས་འགའ་ཡོང་གི་རེད།

མིག་དམར་སྟེང་གི་རླུང་ཁམས་ཇེ་མཐུག་ཏུ་སོང་བ་ན། ཡོད་ཚད་ཇེ་ལེཊ་ནས་ཇེ་ལེཊ་སུ་འགྲོ་བ་ཡིན་ཏེ། དེས་ང་ཚོ་གནོད་འཚེ་ཅན་གྱི་འོད་ཟེར་འབྱེད་འཕྲོ་ལས་སྲུང་སྐྱོབ་བྱེད་པ་དང་། མིག་དམར་ཐོག་དྲོད་ཁོལ་ལྡན་པར་བྱེད་ཅིང་། དེ་ལ་བརྟེན་ནས་མིག་དམར་གྱི་སྟེང་དུ་ཆུ་བཞུར་རྒྱུ་ཡོད་པར་འགྱུར་ལ་ལོ་ཏོག་སྐྱེ་ཐུབ་པར་བྱེད། དེ་ནས་ཆུ་རླངས་མང་པོ་མཁའ་དབྱིངས་སུ་འཕཊ་ནས། དེས་དྲོད་རླངས་མཁའ་རླུང་གི་ནུས་པ་གཞན་ཞིག་འགྲུབ་པར་བྱེད་པ་སྟེ། དེས་མིག་དམར་སྟེང་དུ་ཆར་བ་དང་ཁ་བ་འབབ་ཐུབ་པར་འགྱུར། མིག་དམར་གྱི་རླུང་ཁམས་ཇེ་མཐུག་དུ་སོང་བ་དེས་མཁའ་རླུང་གནོན་ཤུཊ་ཀྱང་སྐྲུན་པར་འགྱུར་བས། དེ་ནས་རྒྱུན་དུ་མིག་དམར་སྟེང་གྱོན་དགོས་པའི་མཁའ་དབྱིངས་ལྭ་བའང་ཕུད་ཆོག་པ་རེད། འགྲོ་བ་མི་འཚོ་གནས་བྱེད་པར་མཁའ་རླུང་གནོན་ཤུཊ་ཕཱོན་ཊི་ལྔ་ཙམ་དགོས་པ་ཡིན། མཐར་མིག་དམར་ནི་དབྱིན་ཡུལ་གྱི་ལུང་པ་ཁཱོ་ལོམ་བྷེ་ཡཱ་ཡིན་པ་ལྟ་བུའི་སྣང་བ་ཤུཊ་ཆེན་པོ་སྟེར་བར་འགྱུར།

དེ་དུས་ད་དུང་། མིག་དམར་སྟེང་གི་མཁའ་རླུང་རྔུབ་པར་ང་ཚོར་དཀའ་ངལ་ཡོད་པ་རེད། དྲང་མོར་བཤད་ན། མིག་དམར་སྟེང་གི་མཁའ་རླུང་རྔུབ་ཐུབ་པར་བྱེད་པ་ལོ་ངོ་ 1000 འགོར་སྲིད་མོད། ང་ཚོ་འགྲོ་བ་མི་ནི་ཧ་ཅང་སྤྱང་གྲུང་ལྡན་ཞིང་། ཧ་ལས་པའི་སྟུན་འགྱུར་བྱེད་ཐུབ་མཁན་ཞིག་རེད།

མ་འོངས་པར་ང་ཚོའི་ཚན་རྩལ་གྱིས་ཅི་ཞིག་ལེཊ་འགྲུབ་བྱེད་ཐུབ་པ་དང་། ང་ཚོར་རང་ཉིད་ཀྱི་ལུས་པོས་ཅི་ཞིག་བྱེད་ཐུབ་པར་འགྱུར་བ་ནི་བཤད་མ་དགོས་པ་ཞིག་རེད། སྐྱེ་དངོས་ཚན་རིག་གི་ཐད་ནས་བཤད་ན། ད་ལྟ་ང་ཚོ་ནི་རང་ཉིད་ཀྱི་རིཊ་རྒྱུན་ཚོད་འཛིན་བྱེད་ཐུབ་པའི་སོ་མཚམས་ན་ཡོད་པ་སྟེ། ང་ཚོས་རང་གི་ལུས་སྟེང་གི་རིཊ་རྒྱུན་གྱིས་བྱེད་ལས་ཅི་ཞིག་འདོན་ཚོད་འཛིན་བྱེད་ཐུབ་ཅིང་། མཐར་ང་ཚོས་རང་ཉིད་ཀྱི་འཕེལ་འགྱུར་ཚོད་འཛིན་བྱེད་ཐུབ་ངེས་རེད། མཇུག་མཐར་སའི་གོ་ལའི་སྟེང་གི་འགྲོ་བ་མིའི་རིཊ་ནི་མིག་དམར་སྟེང་གི་འགྲོ་བ་མིའི་རིཊ་ལས་ཅུང་མི་འདྲ་བ་ཞིག་ཏུ་འགྱུར་སྲིད།

འོན་ཀྱང་། ཁྱེད་ཀྱིས་མིག་དམར་སྟེང་ནས་ཅི་ཞིག་བྱེད་པར་འགྱུར་རམ། འཚོ་བ་ཅི་ལྟར་སྐྱེལ་བར་འགྱུར། དེ་ནི་སའི་གོ་ལའི་སྟེང་གི་འཚོ་བ་ནང་བཞིན་ཞིག་ཡིན་ངེས། མི་འགའ་ཤས་ཀྱི་ཟ་ཁང་གཉེར་བ་དང་། འགའ་ཤས་ཀྱི་ངར་ལྕཊ་བཙོ་སྦྱང་བྱེད་ས་འཛུཊ་ལ། ཡང་འགའ་ཤས་ཀྱིས་མིག་དམར་སྐོར་གྱི་གློག་བརྙན་སའི་གོ་ལའི་སྟེང་དུ་བཙོང་བར་འགྱུར། མ་ཟད་བླུན་པོ་འགས་འཚོ་བ་དངོས་ཀྱི་བརྙན་འཕྲིན་ཐད་སྟོན་གཉེར་བར་འགྱུར།
དུས་སྐབས་དེ་ནི་ང་ཚོའི་མི་ཚེའི་ནང་གི་ཧ་ཅང་འགྱུར་བ་ཆེ་བའི་དུས་ཞིག་ཏུ་འགྱུར་རྒྱུ་ཡིན་པ་ཧ་ཅང་མངོན་གསལ་དོད་པོ་རེད། བདག་གིས་དེ་ནི་ཧ་ཅང་སེམས་ཤུགས་སྤེལ་ཐུབ་པ་ཞིག་ཏུ་འགྱུར་རྒྱུ་རེད་དྲན་གྱི་ཡོད།

ལོ་བཅུ་ཡིན་པའི་བུ་མོ་ཞིག་ལ་ཁྱེད་རང་མིག་དམར་སྟེང་འགྲོ་འདོད་དམ་ཞེས་ཕྲིས་དང་། སྔོན་འགྲོའི་སློབ་གྲྭར་འགྲོ་བཞིན་པའི་བྱིས་པ་ཚོས་མིག་དམར་སྟེང་འགྲོ་རྒྱུ་འདེམ་ངེས་རེད།

ཟླ་བའི་སྟེང་འགྲོ་བ་མི་ཐོག་མར་འབབ་སྐབས་ཅི་བྱུང་བ་དྲན་གྱི་འདུག་གམ། མི་ཚོས་ཕན་ཚུན་ལ་བལྟས་ཏེ། “གལ་ཏེ་ང་ཚོ་ཟླ་བའི་སྟེང་འགྲོ་ཐུབ་ཚེ། ང་ཚོས་ཅི་ཡང་བྱེད་ཐུབ་ཀྱི་རེད།”ཅེས་བཤད་པ་རེད། དོན་དངོས་སུ་ང་ཚོས་མིག་དམར་སྟེང་དུ་འགྲོ་བ་མི་འཚོ་གནས་ཤིག་བསྐྲུན་པ་ཡིན་ན། མི་ཚོའི་སེམས་སུ་ཅི་ཞིག་དྲན་པར་འགྱུར་རམ།
ཆེས་གལ་ཆེ་བའི་གནད་དོན་ཞིག་ནི། མིག་དམར་སྟེང་གཞི་ཆགས་པར་འགྱུར་བའི་གནས་སྟངས་འདིས། སའི་གོ་ལའི་སྟེང་དུ་ཅི་ཞིག་བྱུང་མིན་ལ་མ་ལྟོས་པར་ང་ཚོ་འགྲོ་བ་མི་ནི་མཁའ་འགྲུལ་འཚོ་གནས་བྱེད་ཐུབ་མཁན་ཞིག་ཏུ་གཏོང་བ་ཡིན།

བཀའ་དྲིན་ཆེ།

ཐལ་མོ་སྡེབས་པའི་སྒྲ།