ཆབ་ཚང་འཇམ་དཔལ།
སླད་མེད་པའི་དྲན་གདུང་མིག་ཆུར་གྱུར།
མིག་ཆུའི་ཐིགས་པ་གཅིག་ས་ལ་ལྷུང་བའི་ལྗིད་ཀྱིས།
རི་བོ་ཇོ་མོ་གླང་མ་ཡང་འཕར་ནས་གནམ་ལ་ལྡིང་ཞིང་།
རི་རྩེས་ལྷ་ཆེན་ཚངས་པའི་རྐུབ་ལ་བཙུགས་པས་ཏིང་འཛིན་ཀྱང་ཉམས་པར་བྱས།
གང་ནས་ཀྱང་ལྷུང་བར་མ་ངེས་པའི་མིག་ཆུ་དེར།
ལྷ་ཆེན་ཚངས་པ་དང་། བརྒྱ་བྱིན། དབང་ཕྱུག་སོགས་ཀྱང་ཧང་སང་ནས་ལྟ་བར་བྲེལ།
ལྗིད་ཏིག་གེ་བའི་མིག་ཆུ་དེ།
ངོ་མཚར་ཆེ་བའི་རྒྱུ་གང་འདྲ་ཞིག་ལ་བརྟེན་ནས་བྱུང་ངམ་སྙམ་དུ།
ལོ་ངོ་ཉིས་སྟོང་ལྔ་བརྒྱ་ལྷག་གི་རིང་སྤྱན་བཙུམས་ནས་བཞུགས་པའི་བདག་ཅག་གི་སྟོན་པ་ཆེན་པོས་ཀྱང་གཟིགས་ཙམ་བྱས།
རྫོང་སར་མཁྱེན་བརྩེ་ཡིས་ཀྱང་སྐྲ་རྫུན་ཞིག་གོན་ནས་མིག་ཆུ་གཏོང་མཁན་གྱི་བུ་མོ་དེ་འཚོལ་བཞིན་འདུག་ཟེར།
འདོད་ཆགས་ཆུ་ལྟར་གཡོ་བའི་མགྲིན་པ་བཅུ་པའང་ཉིན་ལམ་ཞག་ཐོག་བརྩེགས་ཏེ་རྒྱུག་ནུར་རེས་ཀྱིས་ལྟ་བར་སླེབས།
མ་ཟད་རྫོང་སར་མཁྱེན་བརྩེ་ཡིས་ཀྱང་སྐྲ་རྫུན་ཞིག་གོན་ནས་མིག་ཆུ་གཏོང་མཁན་གྱི་བུ་མོ་དེ་འཚོལ་བཞིན་འདུག་ཟེར།
ཁག་ཅིག་གི་བསམ་པར་དེ་ནི་སྐར་རྡོ་ལས་མིག་ཆུ་མ་རེད་སྙམ།
ཡང་ཁག་ཅིག་གིས་དྲང་སྲོང་ཛ་ཧའི་ཁ་སྒོ་ནས་གངྒཱའི་ཆུ་ཐིགས་གཅིག་ལྷུང་བ་རེད་ཟེར།
དོན་ངོ་མར་མིག་ཆུ་རེད་དམ། སྐར་རྡོ་རེད། ཡང་ན་གངྒཱའི་ཆུ་ཐིགས་རེད།
གལ་སྲིད་དེ་མིག་ཆུ་ཡིན་ན།
མིག་ཆུ་དེ་གང་ནས་ལྷུང་།
སུའི་མིག་ནས་ལྷུང་།
སུ་ཡི་ཆེད་དུ།
ཅིའི་ཕྱིར་ལྷུང་བ་རེད་དམ།
གཡབ་ཤེས་ན་རྫོང་གསར་མཁྱེན་རེད།།
སྨན་བུ་མོ་བརྒྱ་གཡབ་སྟོང་གཡབ་རེད།།
ཁྲིམས་ཁ་མཆུར་ཐུག་རབས་གོ་རྒྱུ་མེད།།
གཡབ་མ་ཤེས་དགེ་བཤེས་བྲག་རི་རེད།།
སྡེའི་ནུ་མ་བརླ་རྐུབ་འཕུར་ཙམ་གྱིས།།
ས་ཀང་ར་གནམ་ཐང་ནང་ནས་བཟུང་།།
གཏམ་མྱི་ཁ་ས་ཁྱབ་རྡོ་ཁྱབ་རེད།།
ཕོ་བདེ་འཇགས་ཕོ་ཉ་གན་གིས།།
ས་འདི་ནས་མི་གླེང་དགུ་གླེང་།།
ཀན་བདེ་འཇགས་མེད་སའི་ས་ལ།།
ནམ་ཞིག་ལ་ཁྲིད་འགྲོ་མི་ཤེས།།
དེ་ཁྲིད་ན་བྲག་རིར་མི་འདྲ།།
ངས་མི་འདྲ་ཟེར་དོན་བཤད་ན།།
རྒྱུ་ཆེ་བས་རྒྱབ་ནས་སྐྱོར་དགོས།།
ངོ་ཆེ་བའི་སྙན་ཞུ་ཕུལ་དགོས།།
དེ་མེད་ན་རྒྱ་ཁྲིམས་ཁ་ནས།།
ལོ་ཟླ་བ་ཅི་འགྲོ་མི་ཤེས།།
ངས་མི་ཤེས་ཟེར་དོན་བཤད་ན།།
ཁྲིམས་འདི་ལ་ཁ་བདེས་མི་ཕན།།
ཨེ་ཕོ་གསར་དཔལ་ལྡན་ལོ་ལོ།།
ཁྱོས་དེ་མོ་འཇིགས་པོ་མ་བཤད།།
ང་རྒོད་པོ་བདེ་འཇགས་ཕོ་ཉ།།
སྐྲག་ཟེར་བ་ནམ་མཁའི་མེ་ཏོག།།
ངས་གཡབ་རབས་རྒྱོ་རབས་བཤད་ནས།།
སེམས་སྣང་སྐྱིད་རླུང་ལ་སྐུར་དུས།།
ཁྱོས་སྐྲག་རབས་འཇིགས་རབས་ལབ་ནས།།
འཇིགས་སྐུལ་གི་བསྡད་ན་མི་བཟང་།།