ཟླ་བ་ཚེ་རིང་།
བརྩེ་གདུང་གིས་ཕོངས་ཀྱང་།
སྙིང་བརྩེ་བའི་ཟླ་གྲོགས་རེ།
ལུས་དར་གྱིས་ཕོངས་ཀྱང་།
གཞོན་ནུ་མའི་ཞེ་འདོད་བྱེད།
དྲང་བདེན་གྱིས་ཕོངས་ཀྱང་།
རྒྱུད་དག་ན་ཡག་གོ་ཟེར།
རྒྱུ་ནོར་གྱིས་ཕོངས་ཀྱང་།
འདུ་འགོད་ཀྱི་འཆར་གཞི་བཏིང་།
ཧུར་བརྩོན་གྱིས་ཕོངས་ཀྱང་།
བྲེལ་ཟིང་གི་མི་ཚེ་བསྐྱལ།
གཞན་ཕན་གྱིས་ཕོངས་ཀྱང་།
གཤིས་བཟང་གི་ཚུགས་ཀ་སྟོན།
གཞན་ཡང་།
མ་འདྲིས་སྐབས་མི་བཟང་མདོག་ཁ་པོ།
འདྲིས་རྗེས་ལ་མི་བསམ་གནག་ཚ་བོ།
མ་འདྲིས་སྐབས་མི་དྲང་མདོག་ཁ་པོ།
འདྲིས་རྗེས་ལ་མི་སྐྱག་རྫུན་ཚ་བོ།
མ་འདྲིས་སྐབས་གུ་ཡངས་མདོག་ཁ་པོ།
འདྲིས་རྗེས་ལ་མི་དོགས་པ་ཚ་བོ།
མ་འདྲིས་སྐབས་མི་འཇོན་མདོག་ཁ་པོ།
འདྲིས་རྗེས་ལ་མི་སྙོམ་ལས་ཚ་བོ།
མ་འདྲིས་སྐབས་ཆོས་བྱེད་མདོག་ཁ་པོ།
འདྲིས་རྗེས་ལ་མི་རང་དོན་ཚ་བོ།
མ་འདྲིས་སྐབས་གཅིག་སྒྲིལ་མདོག་ཁ་པོ།
འདྲིས་རྗེས་ལ་མི་གཏོར་བཤིག་ཚ་བོ།
༄༅། ཁྱེད་བཅོས་མིན་བརྩེ་སེམས་བ་ངར་ཡོད་ན།
ངས་དུང་བ་དེ་འོ་མའི་རྒྱ་མཚོ་ཡིན།
ཁྱེད་སྒོ་གསུམ་གྱི་བློ་ཁ་མཆོག་གསུམ་ལ་བཅོལ་ན།
ངས་སེམས་གཏིང་གི་བརྩེ་བ་ཁྱེད་ཉིད་ལ་བསྟེར་རོ།།
༄༅། ཟླ་བ་ཚེ་རིང་ལགས།
ཁྱེད་ཀྱིས་བྲིས་པ་ཐམས་ཅད་ལ་མོས་ཤིང་་་མི་རྟག་འགྱུར་བའི་དངོས་ཅན་ཤ་སྟག་རེད་འདུག།
རྗེ་བཙུན་མི་ལས་་་དེ་རིང་ཡོད་ལ་་་་སང་ཉིད་མེད། སྐད་ཅིག་སྐད་ཅིག་གི་འཇིག་ནས་འགྲོ།
ནམ་མཁའི་འཇའ་བཞིན་ཡལ་ནས་འགྲོ། འཇིག་རྟེན་དངོས་ལ་ངེས་པ་མེད་གསུངས་སོ།