བྱམས་པ་ལྷུན་གྲུབ་ཀྱིས།
ཇཱ་མུ་ཀཤ་མིར་དང་ལ་དྭགས་གཉིས་དབུས་འཛིན་ལྗོངས་གྱུར་རྗེས། གོ་སྐབས་མང་པོ་ཞིག་ཐོབ་པའི་སྒོ་ཕྱེས་ཡོད་ལ། ཉེན་ཁ་མང་དག་ཅིག་འབྱུང་བའི་སྒོ་ཡང་ཕྱེས་ཟིན་པས། དགའ་སྤྲོའི་ཚོར་བ་ཁོ་ནས་ཟིན་ཏེ་མ་ལུས་པར། གོ་སྐབས་དམ་འཛིན་དང་ཉེན་ཁ་སྔོན་འགོག་གནང་རྒྱུ་དེ་ཧ་ཅང་གལ་ཆེ་སྙམ། དེ་མིན་རིམ་བཞིན་ཡར་རྒྱས་དང་ཁྲ་ཟིང་གི་ཁྲོད་ནས་གཅེས་ནོར་རྣམས་བརླག་ན་ཧ་ཅང་ཕངས་སེམས་ཆེ། དེ་དག་སྟབས་བདེ་དང་དོན་ཚན་སྙིང་བསྡུས་སུ་བཀོད་ན་གཤམ་གསལ་ལྟར་ལགས།
དང་པོ། གོ་སྐབས།
༡། དཔལ་འབྱོར་ཡར་རྒྱས།
༢། འཚོ་ལས་ཇེ་མང་།
༣། འཛུགས་སྐྲུན་ཡར་རྒྱས།
༤། བདེ་སྲུང་བརྟན་བརླིང་།
༥། ཤེས་རིག་བསྟི་གནས་ཇེ་མང་།
གཉིས་པ། ཉེན་ཁ།
༡། བདག་དབང་ཇེ་ཆུང་།
༢། ས་ཁོངས་ཇེ་ཆུང་།
༣། མི་རིགས་འདྲེས་སྡོད།
༤། ཆོས་རིག་དང་སྐད་ཡིག་སྤྱོད་སྒོ་ཇེ་ཉུང་།
༥། ཁོར་ཡུག་སྦགས་བཙོག
གསུམ་པ། ཉེན་འགོག་ཐབས་ལམ།
༡། རིགས་ཞེན་བརྟན་འཛིན།
༢། ས་ཁོངས་བདག་སྐྱོང་།
༣། འདྲེས་སྡོད་བརྟན་འགོག
༤། ཆོས་རིག་དང་སྐད་ཡིག་གཅེས་འཛིན།
༥། ཁོར་ཡུག་གཅེས་སྲུང་བཅས་སོ།།
དེས་ན། དབུས་འཛིན་ལྗོངས་ཀྱི་ངོས་འཛིན་ཐོབ་པ་དེ་ནི་དགའ་སྐྱོ་ཟུང་འབྲེལ་གྱི་གནས་དོན་ཞིག་ཡིན་པས། ཛ་དྲག་གི་རྟོག་ཞིབ་དང་གྲ་སྒྲིག་ལྡན་པའི་ཐོག་ནས་གོ་སྐབས་དམ་འཛིན་དང་ཉེན་ཁ་སྔོན་འགོག་ཆེད། གྲོས་བསྡུར་ཞིབ་མོ་དང་འཆར་གཞི་འཐུས་ཚང་འདིང་བའི་དུས་ལ་བབ་འདུག་སྙམ། དེ་ལྟར་གོ་སྐབས་དམ་འཛིན་དང་ཉེན་ཁ་སྔོན་འགོག་གཉིས་ཀ་ལེགས་པར་གནང་ཐུབ་ན། ཕྱིའི་མཐུན་རྐྱེན་དང་ནང་གི་ཆོས་རིག་སྐད་ཡིག་སོགས་ཕྱི་ནང་ཐམས་ཅད་ཕུན་སུམ་ཚོགས་པར་འགྱུར་ནུས། འོན་ཀྱང་། དེ་ལྟར་མ་གནང་བའི་འཐུས་ཤོར་ཕྱིན་ན། ཕྱིའི་མཐུན་རྐྱེན་ཡར་རྒྱས་གང་འཚམས་འབྱུང་ཡང་། ནང་གི་ཆོས་རིག་སྐད་ཡིག་སོགས་རིན་ཐང་བྲལ་བའི་གཅེས་ནོར་རྣམས་ཉམས་ཉེས་ཆེན་པོར་ཕྱིན་ཏེ་འབྲས་ལྗོངས་ལྟ་བུ་ཞིག་ལ་འགྱུར་ཉེན།།
བྱམས་པ་ལྷུན་གྲུབ་ཀྱིས་སྤྱི་ལོ་ ༢༠༡༩ སྤྱི་ཟླ་ ༨ ཚེས་ ༡༡ ཉིན། རིགས་རིག་གཅིག་པའི་སྤུན་ཟླ་རྣམ་པར་ཐུགས་སྣང་གཞེན་སྐུལ་དུ་ཕུལ།།
བྱམས་པ་ལྷུན་གྲུབ་ལགས་ཀྱི་བཀོད་པ་འདི་རྒྱུ་མཚན་འདུག