མྱ་ངན་ཐང་།

དགའ་བ་མཇེ་ཕྲུག
 
ལོ་མ་སེར་པོ་སྒོ་ཁའི་གྲོགས་སུ་བྱས།།
རླུང་བུ་འཇམ་པོ་རིང་བའི་མགྲོན་དུ་གྱུར།།
རླུང་གིས་སྒུལ་བའི་ལོ་འདབ་རེ་རེ་ཡང་།།
ག་ལེར་ཁོ་བོའི་རུམ་ལ་འཛུལ་ནས་འོང་།།

དཀར་འོད་གནམ་གྱི་ཉི་མ་མེད་ན་ཡང་།།
མུན་པའི་སྨག་ན་ཅི་ཞིག་གསལ་ལེར་མཆིས།།
འཇིག་རྟེན་ཁྲ་ཁྲ་ཡིན་པའི་རྒྱུ་མ་སྟོང་།།
སྒེའུ་ཁུང་ཆུང་ཆུང་འདི་ནས་རིག་ནས་ཡོད།།

ཇི་ཙམ་ཁུག་ཀྱོག་ཅིག་ལ་གཞའ་བྱས་ཀྱང་།།
སྣང་བ་འདི་ནི་ཡངས་མོ་རླུང་དང་འདྲ།།
ཚོར་བ་རྒོད་པ་ནམ་ཐང་བརྒལ་འདོད་ཅན།།
བཙན་གྱིས་བཙོན་དུ་འཇུག་པ་སྙིང་རེ་རྗེ།།

ནམ་ཟླ་སྟོན་དུས་ཡིན་པའི་ད་གཟོད་ལ།།
མེ་ཏོག་དུར་སར་བསྐྱལ་བའི་མྱ་ངན་ཐང་།།
ང་རང་གསོན་ན་མི་འདོད་འཆི་ན་བསམ།།
པུར་སྒོམ་སྟོངས་པ་གསེར་གྱིས་རྒྱན་ནས་འདུག །

2019/11/5 ཉིན།