གཡུ་སྒང་དགེ་འདུན།
བླ་མེད་མཁས་གྲུབ་བྱེ་བའི་མདུན་ས་རུ།།
མདོ་སྔགས་གཞུང་ལུགས་གདམས་པའི་བདུད་རྩིའི་ཆུ།།
དྲི་བྲལ་ཐུགས་ཀྱི་ཤེལ་བུམ་ལ་བཅུས་ཏེ།།
ཡང་དག་ལམ་བཟང་སྟོན་མཛད་སྲིད་འདིའི་རྒྱན།།
རྣམ་དག་ཚུལ་ཁྲིམས་ལྗོན་པའི་རྩ་བ་བརྟན།།
མང་ཐོས་ནོར་བུའི་ལོ་འདབ་ཕང་ཕུང་གཡོ།།
མཛད་འཕྲིན་འབྲས་བུའི་སྙེ་མ་ཁུར་དུ་བཏུབ།།
གདུལ་བྱ་བུང་བའི་གསོས་སུ་ལེགས་པར་སྨིན།།
སྤངས་རྟོགས་བློ་གྲོས་དཀྱིལ་འཁོར་རབ་རྫོགས་པས།།
སྐལ་བཟང་ཀུན་ཏ་རྒྱས་མཛད་གཉེན་གཅིག་པུ།།
ལོག་སྨྲའི་སྲིན་བྱ་འཇོམས་ལ་ཆེས་དཔའ་བར།།
རྨད་བྱུང་གྲགས་པའི་དཔལ་འཛིན་ཙོང་ཁ་པ།།
ཚེ་འདིའི་སྣང་བ་འགགས་པའི་ཚུལ་བསྟན་ཏེ།།
དགའ་ལྡན་གནས་སུ་འཇམ་དཔལ་སྙིང་པོ་ཞེས།།
སྤྲུལ་བའི་བགྲང་བྱ་དྲུག་བརྒྱའི་དུས་ཀྱི་ཆར།།
དྲན་པའི་གླུ་འདི་དྷ་སའི་རི་ནས་བླངས།།
གཡུ་སྒང་དགེ་འདུན་གྱིས། ཕྱི་ལོ་ ༢༠༡༩། ཟླ་ ༡༢། ཚེས་ ༢༠ དང་བོད་ཟླ་ ༡༠ ཚེས་ ༢༤ ཉིན།
ཡག་པོ་བྲིས་ཡོ་ཁུ་ཡ་ད་དུང་་་་་་
ཙོང་ཁའི་ཡུལ་གྱི་གངས་སེང་དཀར་པོ་དེ།
གཡུ་རལ་རྒྱས་ས་དབུས་ཀྱི་ལྷ་ལྔན་ཞིང།
ཐོས་བསམ་སྒོམ་གྱི་དར་ཆེན་བཙུགས་པ་ནས།
འཆད་རྩོད་རྩོམ་གྱི་རྒྱལ་མཚན་དགུང་ལ་འགྲེངས།
བློ་བཟང་གྲགས་པའི་བསྟན་པ་རྒྱས་རྒྱུར་ཅིག།
ཀརྨ་པ་ཡིས་སྐྲ་ཕུད་བཞེས། །
ར་གདའ་བ་ཡིས་མཚན་ཉིད་བསླབས། །
བཀའ་རྙིང་མང་པོས་དབང་སྐུར་ཕུལ། །
འཇམ་དཔལ་དབྱངས་ཀྱིས་བྱིན་གྱིས་བརླབས། །
་
གངས་ཅན་འཇམ་དབྱངས་རྣམ་གསུམ་ནང་། །
གངས་ཅན་མཁས་པའི་གཙུག་རྒྱན་གྲགས། །
༸བློ་བཟང་གྲགས་པ་འདས་གྲངས་འདིར། །
ཡུལ་གྲུ་ཀུན་ཏུ་རྗེས་དྲན་བསྐྱངས། །
་
ང་ཡང་༸རྗེ་ཡི་རྗེས་བཞུགས་ནས། །
བཀའ་པོད་ལྔ་སོགས་མཇལ་སྐལ་བྱུང་། །
༸རྗེ་རང་གར་བཞུགས་གང་གསུང་སར། །
ང་ཡང་དུས་དེར་རྗེས་བཟུང་ཤོག །
དགའ་ལྡན་ལྔ་མཆོད་གསར་གཏོད་གསར་པ།
https://www.facebook.com/groups/214782235238284/wp/2413612472289943/?av=100000610146772