ཏོག་དབྱིབས་ནད་དུག་གི་གཉེན་པོ་མི་ཐག་བར་གཅོད།

རྟ་དབྱངས་ཀྱིས་ཐད་བསྒྱུར་བྱས།
 
སྤྱི་ལོ་ 2020 ཟླ་ 4 ཚེས་ 5 ཉིན། (Johns Hopkins School of Medicine) ཇོན ་ཧོབ་ཀིན་གསོ་རིག་གཙུག་ལག་སློབ་གཉེར་ཁང་གིས་བསྒྲགས་པའི་གནས་ཚུལ་ལྟར་ན།
འཛམ་གླིང་རྒྱལ་ཁབ་བརྒྱ་དང་བརྒྱད་ཅུའི་ནང་དུ་ཏོག་དབྱིབས་ནད་དུག་དེ་ཁྱབ་ཅིང་། ནད་དུག་འགོས་པའི་མི་གྲངས་ཀྱང་ས་ཡ་གཅིག་ལས་བརྒལ་ཡོད་པ་བརྗོད།

དེ་ནས་ཁེ་ན་ཌའི་ (cbc news) གསར་ཁང་གིས་གནས་ཚུལ་སྤེལ་བར་གཞིགས་ན། དེ་རིང་ཨ་རིའི་ནང་དུ་ཏོག་དབྱིབས་ནད་དུག་འགོས་པའི་ནད་པ་ 335,524 འཕེལ་འདུག་ལ་དྲག་སྐྱེད་བྱུང་བ་ 16,794 འདུག
ཉིན་རེར་བརྟག་དཔྱད་ 100,000 བྱེད་ཀྱིན་པ་དང་ཁྱོན་སྡོམ་1,772,369 ལ་བརྟག་དཔྱད་བྱས་ཟིན་འདུག

དེ་ནས་ཁེ་ན་ཌའི་ནང་དུ། ཏོག་དབྱིབས་ནད་པའི་འཕར་གྲངས་ 15,512 ལ་འཕེལ་བ་དང་། དེ་རིང་གསར་དུ་ 1,494 འཕར་འདུག་ལ་ 307འདས་གྲོངས་སུ་ཕྱིན་འདུག་པ་དང་
དྲག་སྐྱེད་བྱུང་བ་ཡང་ 2,847 ཡོད་པ་གསལ་བསྒྲགས་བྱས།

དེ་ཡང་ཛ་དྲག་ཆེ་བའི་སྐབས་འདིར། སྙན་གྲགས་ཆེ་བའི་སྨན་པ་དང་། འགོ་འཁྲིད་སོགས་ཀྱིས་ཉི་མ་རེ་ལ་མང་ཚོགས་ལ་ཁ་བརྡ་སློབ་གསོའི་ཕྱོགས་ནས། ལག་པ་ཡང་ནས་ཡང་དུ་བཀྲུ་དགོས་པ། ཁ་དང་སྣ་ལ་མི་རེག་པ་བྱ་རྒྱུ། ཁྱིམ་ནས་སྡོད། ཚེ་སྲོག་སྐྱོབས་ཟེར་བ་དང་”Self-Isolation.“ – “ཁེར་འགྲོ་ཁེར་སྡོད།” བྱ་དགོས་པའི་བསླབ་བྱ་རྒྱག་བཞིན་གདའ།

དེ་ནས་ཨ་རིའི་སྲིན་འཛིན་ཌ་ནལ་ཀྲོམ་དང་ཁེ་ན་ཌའི་སྲིན་བློན་ཊོ་ཌོ་གཉིས་ཀྱིས་མི་མང་ལ་ཏོག་དབྱིབས་ནད་དུག་གི་སྔོན་འགོག་ལ། ཆུ་མ་ཡོང་གོང་ལ་རགས་ཟེར་བའི་དཔེ་ལྟར། “Social Distancing་”- “མི་ཐག་བར་གཅོད་ཟེར་བ་ཞིག་གི་བཀའ་རྒྱ་ནན་མོ་ཕབ་པ་དང་ལྷན། མང་ཚོགས་ལ་རོགས་དངུལ་འབོར་ཆེན་སྤྲོད་ངེས་ཀྱི་བཀའ་གསུང་ཡང་ནས་ཡང་དུ་བསྒྲགས།

དེ་མ་ཐག་ཇ་ཁང་དང་། ཚོང་ཁང་མང་པོ་ཞིག་གློ་བུར་དུ་སྒོ་མི་རྒྱག་བཀའ་མེད་བྱུང་བ་དང་། ངམ་ངམ་ཤུགས་ཀྱིས་མི་ས་ཡ་མང་པོའི་ལས་ཀ་ཉི་མ་རེར་ཤོར་མགོ་ཡང་བརྩམས་པ་རེད། དེ་ན་ཕུད་དང་ན་རྫ་མ་བཅག་འགྲོ། མ་ཕུད་ན་ལག་པ་འཚིག་འགྲོ་ཟེར་བའི་དཔེ་བཞིན། ཧ་ཅང་གི་དཀའ་སྡུག་གི་གནས་སུ་ལྷུང་བའི་སྐབས་སུ། ཁོང་རྣམ་པའི་གསུང་གི་དོན་བསྡུས་ན་མི་ཐག་བར་གཅོད་ཟེར་བ་འདི་རེད།
དེ་བས་གཟུགས་མེད་པའི་དགྲ་པོ་ཏོག་དབྱིབས་ནད་དུག་འདི་ལ་མི་ཐག་བར་གཅོད་ཟེར་བའི་མཚོན་ཆ་འདི་བཟུང་ནས། ང་ཚོ་ཚང་མས་ཕྱར་བ་གྲུ་འདེགས་ཀྱིས་ཕར་རྒོལ་བྱ་དགོས་པ། འུ་ཅག་ཡོད་དོ་ཅོག་གི་ལས་འགན་ཀྱང་འདི་ཡིན་ནོ།།

2020/4/6