ཀ་ཉག་ཚེ་རིང་།
འདི་ལོའི་ཕྱི་ཟླ་བཅུ་པའི་ཟླ་དཀྱིལ་ཞིག་ལ་ཕ་རན་སིའི་ AFP ཞེས་པའི་གསར་ཁང་གི་གསར་འགོད་པ་ཞིག་གསང་སྟབས་ཀྱིས་རྔ་པར་སོང་ཞིང་། རྔ་པ་རྫོང་མཁར་གྱི་ཁྲོམ་ལམ་དབུས་མར་བཀྲམས་ནས་ཡོད་པའི་དམག་མི་དང་ཉེན་རྟོག་པ་མང་པོ་ཞིག་རླངས་འཁོར་ནང་ནས་བརྙན་ལེན་བྱས་ཏེ་འཛམ་གླིང་ལ་གསལ་པོར་བསྟན་ཡོད་ལ། ཕྱི་ཟླ་ ༣ ཚེས་ ༡༦ ནས་རྔ་པའི་ནང་ལ་བོད་མིས་རང་སྲོག་བློས་གཏོང་གིས་རྒྱ་གཞུང་ལ་ངོ་རྒོལ་གྱི་དོན་རྐྱེན་མང་པོ་བྱུང་བར་རྒྱ་གཞུང་གིས་དམག་མི་དང་ཉེན་རྟོག་པ་མང་པོ་འགྲེམས་འཇོག་བྱས་ཏེ་དྲག་གནོན་བྱས་དང་བྱེད་བཞིན་པའི་དངོས་ཡོད་གནས་ཚུལ་རྒྱལ་སྤྱིའི་སྒང་ལ་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ། ཐ་ན་མི་སྒེར་རེ་རེས་ཀྱང་འགྲེལ་བཤད་བརྒྱ་ཕྲག་སྟོང་ཕྲག་བྱས་ཀྱང་རྒྱ་ནག་གཞུང་གིས་ངོས་ལེན་བྱེད་རྒྱུ་ལས་ལྡོག་སྟེ། རྔ་པའི་ནང་ལ་རྒྱུན་ལྡན་ཡིན་ཚུལ་ངོ་ཚ་འཛེམས་མེད་ཀྱིས་ཐེངས་དུ་མར་འཛམ་གླིང་ཡོངས་ལ་བསྒྲགས་ཡོད་པ་རེད། འོན་ཀྱང་སྐར་མ་གཅིག་ཙམ་ལས་མེད་པའི་གློག་བརྙན་ཐུང་ཐུང་དེས་རྫུན་སྟོབས་ཆེས་ཆེ་བའི་རྒྱ་ནག་གཞུང་གིས་གདོང་འབག་དམར་བཤུ་བྱས་ཤིང་། མི་མང་པོ་ཞིག་གི་སེམས་སུ་རྔ་པའི་ནང་གི་དངོས་ཡོད་གནས་ཚུལ་གསལ་པོར་ཤེས་སུ་བཅུག་ཡོད་པར་མ་ཟད། གསལ་འགོད་པ་དང་ཉམས་ཞིབ་པ། དེ་བས་ཀྱང་ས་གནས་ས་ཐོག་གི་ཡུལ་མི་མང་པོ་ཞིག་ལ་ཇི་ལྟར་བྱས་ན་ད་གཟོད་ཆེས་གནད་འགག་གི་གནས་སུ་སླེབས་ནས་བརྙན་ལེན་བྱེད་ཐུབ་པའི་བློ་བསྐྱེད་གསར་པ་ཞིག་ཀྱང་ཐོབ་ཡོད་པ་རེད། གློག་བརྙན་ཐུང་ཐུང་དེ་ཕྱི་ལ་བཀྲམས་ནས་ཅང་མ་འགོར་བར་རྔ་པའི་ཁྲོམ་ལམ་དབུས་མར་སྒེར་གྱི་རླངས་འཁོར་རིགས་འགྲོ་འོངས་བཀག་སྡོམ་བྱས་ཤིང་། དེར་འགྲེམས་འཇོག་བྱས་པའི་དམག་མི་དང་ཉེན་རྟོག་པ་རྣམས་སུ་བོད་ལྭ་གྱོན་བཅུག་སྟེ་བོད་པ་རྫུས་མར་བཟོས། འདི་ནི་གསར་འགོད་ལས་རིགས་ཀྱི་སྟོབས་ཤུགས་ལ་བློས་བཟོད་པ་དང་། དེ་བས་ཀྱང་ AFP གསར་ཁང་གིས་རྒྱ་ནག་གི་དམག་མིར་བོད་ལྭ་བཀབ་པའི་དངོས་ཡོད་གནས་ཚུལ་ཞིག་ཅི་ལ་མིན།
རྒྱ་འདྲེ་ཚོས་གཡོག་འོག་གིས་གསོད་ངེས་རེད། ལྷ་སྲུང་རྣམས་གང་ཡོད་པ་རེད། རྒྱ་ཡོང་བ་དང་བོད་ཀྱི་ལྷ་འདྲེ་ཚོ་གྲོངས་ཚར་བ་རེད། བླ་མའི་སྔོན་མཁྱེན་ཡང་ཤི་ཚར་བ་རེད། དགོས་དུས་མི་འདུག མི་དགོས་དུས་འདུག ལྷ་བླ་ལ་རེ་བ་བཅོལ། བོད་མི་ཚོ