ཀ་རྩོམ་ཞེན་ལོག་མ།
བེ་རི་འཇིགས་མེད།
ཀ་རེ་ཀོ་རེ་དུས་ཚོད་སྐྱེལ་མཁས་མ།།
ཁ་ནས་གང་བྱུང་མང་བྱུང་བཤད་མཁས་མ།།
ག་ས་ག་ལ་ཕུ་དཀྲུགས་འདབས་དཀྲུགས་མ།།
ང་ནི་ཁྱོད་ལ་ཞེན་པ་གཏིང་ནས་ལོག།།
མདང་གི་སྐྱོ་སྣང༌།
མདང་གི་སྐྱོ་སྣང༌།
བེ་རི་འཇིགས་མེད།
ཉིན་བྱེད་འོད་སྣང་ནུབ་རིའི་རྩེ་ནས་བཞུད།།
ཟླ་གཞོན་ཞུན་མས་ནོར་འཛིན་ཁྱོན་ལ་བྱུག།
ཀུན་རྟོག་མཚོ་རླབས་འཕྱུར་བའི་འཇུག་ངོགས་ནས།།
གཏི་མུག་གཉིད་ཀྱི་རྨི་ལམ་གྲོང་དུ་གཤེགས།།
དྲན་པའི་བསིལ་ལྗོངས།
དྲན་པའི་བསིལ་ལྗོངས།
བེ་རི་འཇིགས་མེད།
དགུན་དུས་བསིལ་རེག་རླུང་གིས་བཏབ་པའི་ཆུ་འཛིན་དག་ནི་འདར་ཞིང་གཡོ།།
ཙམ་པ་ཀ་ཡི་མེ་ཏོག་ཇི་བཞིན་ཁ་བའི་འདབ་མ་ལྷུང་ལྷུང་འབབ།།
རྨ་ཆེན་སྒང་དྲུག་ཧི་མ་ལ་ཡ་ཏི་སེ་གངས་ཀྱི་རི་བོ་རྣམས།།
བ་སོའི་ཀ་བ་གྱེན་དུ་སློང་ལྟར་མཐོ་སྙེཊ་གནམ་མཐོངས་དབྱིངས་སུ་བཏེཊ།།
གཞི་རིམ་སློབ་གྲྭ་ཁག་ལ་ནང་ཆོས་ཁྲིད་ཐབས་སྐོར་གྱི་བསམ་ཚུལ་རགས་ཙམ་གླེང་བ།
གཞི་རིམ་སློབ་གྲྭ་ཁག་ལ་ནང་ཆོས་ཁྲིད་ཐབས་སྐོར་གྱི་བསམ་ཚུལ་རགས་ཙམ་གླེང་བ།
བེ་རི་དགེ་བཤེས་འཇིགས་མེད་དབང་རྒྱལ།
སྤྱིར་བོད་ཀྱི་རིག་གནས་སྐོར་གལ་ཆེ་ཚུལ་དང༌། ཡང་དགོས་ནང་དོན་རིག་པའི་སྐོར་གལ་ཆེ་ཚུལ་དང་རྒྱ་ཆེ་ཚུལ། གཏིང་ཟབ་ཚུལ་སོགས་ནི་གཞུང་འབྲེལ་དང་གཞུང་འབྲེལ་མིན་པའི་ཚོགས་གཙོ་དང་དྲུང་ཆེ། དེ་བཞིན་སློབ་སྤྱི་དང་སློབ་དགེ་མཐའ་ན་སློབ་གྲྭའི་མ་མ་ཡན་ཆད་ཁ་ཐོགས་ཚད་ཀྱི་ངག་སྒོ་ནས་བཏོན་དང་འདོན་བཞིན་པ་ནི་ཆོ་ག་ཕྱག་ལེན་ནང་བཞིན་ཆགས་ཟིན་པ་ཞིག་ལ་ཕྲན་གྱིས་གཟབ་ནན་ལྟ་བུས་གལ་ཆེ་ཚུལ་སོགས་བཤད་ན། ཁ་ན་ན་དང་ལྕེ་ཚ་ཚ་ལས་ཕན་ཐོགས་དམིགས་བསལ་གང་ཡང་འཐོན་རྒྱུའི་རེ་བ་མེད་པས་འདིར་ཞུ་འདོད་མེད།
དེ་ལས་མང་བ་། “གཞི་རིམ་སློབ་གྲྭ་ཁག་ལ་ནང་ཆོས་ཁྲིད་ཐབས་སྐོར་གྱི་བསམ་ཚུལ་རགས་ཙམ་གླེང་བ།” »
དཔལ་ས་སྐྱའི་བདག་ཆེན་ྋགོང་མ་མཆོག་གི་གསོལ་འདེབས།
༄༅།། རིགས་བརྒྱའི་ཁྱབ་བདག་འཁོར་ལོའི་མགོན་པོ་དཔལ་ས་སྐྱའི་ྋསྐྱབས་མགོན་
བདག་ཆེན་ྋགོང་མ་ཁྲི་རབས་བཞི་བཅུ་ཞེ་གཅིག་པ་ཆེན་པོ་མཆོག་ལ་
སྙིང་ནས་གསོལ་བ་བཏབ་པ་དད་གསུམ་
ག་ཟིའི་མཆོད་སྤྲིན་ཞེས་
བྱ་བ་བཞུགས་སོ།།
བོད་མི་མང་སྤྱི་འཐུས་དགེ་བཤེས་ག་ཟི་ཚེ་རིང་པོ། དྷ་ས་
ཆོས་སྐུུ་བརྗོད་མེད་སྤྲོས་པའི་མཐའ་བྲལ་ཀྱང༌།
།ལོངས་སྐུ་ངེས་པ་ལྔ་ལྡན་མཁའ་དབྱིངས་སུ།
།སྤྲུལ་སྐུ་དུས་གསུམ་རྒས་མེད་ཉི་གཞོན་ཤར།
།རྗེ་བཙུན་བརྟན་པའི་འཁོར་ལོས་བདག་ཡིད་སྐྱོངས།
དེ་ལས་མང་བ་། “དཔལ་ས་སྐྱའི་བདག་ཆེན་ྋགོང་མ་མཆོག་གི་གསོལ་འདེབས།” »
སྙན་ངག་རྐང་གསུམ།
པཎ་ཆེན་ཆུང་སྲིད་རིན་པོ་ཆེ་ལ་ཕུལ་བ། བེ་རི་འཇིགས་མེད། ཁ་རྩངས། ཁྱོད་ཀྱིས་་་་་་་་་་་་་་་་༌། ལབ་རྩེ་དང་རྡེའུ་འབུམ་བརྩིགས་པའི་གངས་འདབས་ན། མཚལ་གྱིས་བྲིས་པའི་ཁྲི་ཕྲག་བདུན་གྱི་ཡིག་འབྲུ། ཁ་བ་དང་ལྷན་ཅིག་འབབ་སྟེ་འཇིག་རྟེན་འདིར་གྱེས་མཇལ་བྱས། དེ་རིང༌། ཁྱོད་ཀྱིས་་་་་་་་་་་་༌། འཁྱག་ཀློང་དང་ན་བུན་བསྟིབས་པའི་འཇིག་རྟེན་དེར། བརྩེ་མདངས་ཀྱི་གཤོག་ཟུང་བརྐྱངས་ནས་ལྡིང་སྐོར་བྱེད་དུས། གདོལ་བའི་རིགས་ཀྱི་རླུང་རྩིའི་དྲ་རྒྱ་རུ་་བཙུད། སང་ཉིན། ཁྱོད་ཀྱིས་་་་་་་་་་་་་་་་་༌། བཙན་དབང་གི་ལྕགས་སྒྲོག་ཟིལ་བུར་གཏོར་ཏེ།…
ཁ་བའི་རྣམ་ཤེས་འཚོལ་བའི་སྙན་ཚིག
ནུབ་ཕྱོགས་སུ་ཐེངས་གཅིག་བསྐྱོད་པའི་ཉིན་ཐོའི་ཟུར་ཆ་ཞིག
བེ་རི་འཇིགས་མེད།
ཤར་ཕྱོགས་མགོ་ནག་མི་ཡི་ཡུལ་ནས་མི་མངོན་གནམ་གྱི་དབྱིངས་བཏེགས་ཏེ། །
ནུབ་ཕྱོགས་མགོ་སེར་ཞིང་གི་ཡུལ་ལྗོངས་ཨ་མེ་རི་ཁའི་རྒྱལ་ཁབ་ན། །
ལོ་རྒྱུས་འཁྲིད་མཁན་སློབ་དཔོན་བསྐུལ་ཏེ་ཨིན་ཌི་ཨ་ནའི་མཐོ་སློབ་༡འགྲིམས། །
ངེས་མེད་མཐོང་སྣང་རླུང་འཚུབ་ཁྲོད་ནས་གཟའ་འཁོར་སྔ་མའི་ཉིན་ཐོ་ཀློག །
ཐུག་རྟགས་མཁས་རྒུ་དགྱེས་པའི་མཆོད་སྤྲིན།
བེ་རི་འཇིགས་མེད།
ཐུགས་བསྐྱེད་སྐབས་གསུམ་འཇུག་ངོགས་ཡངས་པོར་རྨད་བྱུང་སྔོན་བསགས་ཚོགས་གཉིས་སྤྲིན་ཕུང་སྐུ་བཞིའི་ལྡིང་ཁང་ལེགས་གསུང་དབྱར་སྐྱེས་རྔ་དང་འགྲོགས་པ་ལས།།
སྣ་ཚོགས་སྤྲིན་གྱི་མེ་ཏོག་རབ་འཐོར་གདུལ་བྱའི་དབྱིག་འཛིན་ཕང་པ་བརླན་དང་ལྷན་ཅིག་རྨ་བྱ་དགའ་བའི་མཇུག་སྒྲོ་ཟླུམ་པོས་གར་རྩེན་པས།།
ས་གསུམ་ཤིས་པའི་ལང་ཚོ་འགུགས་པའི་རྨད་བྱུང་མཛད་པའི་ལྟད་མོ་དག་ནི་མིག་གི་མཁའ་ལ་རླུང་གི་རྒྱལ་མཚན་དབྱིངས་སུ་འཆར་བ་ཞིན།།
ཚངས་དབང་མེ་སྐྱེས་ཐ་གུའི་ལྟོ་ཅན་སོགས་ཀྱི་རློམ་པའི་ཁེངས་པ་ས་འོག་བཅིངས་མཛད་ཐུབ་པ་ཕྱོགས་ལས་རྣམ་པར་རྒྱལ་བའི་མགོན་དེས་སྐྱོངས།།
དྲི་མེད་སེམས་ཀྱི་ལྷ་དར་དཀར་པོ།
༼རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེའི་འཁྲུངས་སྐར་ལ་ཕུལ་བ།༽
བེ་རི་འཇིགས་མེད།
མཚན་དཔེའི་སྐུ་ཡི་མེ་ཏོག་ཚོམ་བུ་མདོ་ཁམས་ལྷ་ཐོག་སྒང་ནས་བཞད།།
སྐྱེས་སྦྱངས་མཁྱེན་རབ་སྦྲང་རྩིའི་ཕོན་པོ་དབུས་འགྱུར་འཕགས་པའི་ཞིང་དུ་སྨིན།།
ལེགས་གསུང་སྙན་པའི་དྲི་བསུང་མངར་མོ་ཕྱོགས་མེད་འཛམ་གླིང་ཁྱོན་ཀུན་བརྡལ།།
རྒྱལ་བའི་དབང་པོ་ཀརྨ་པ་ཞེས་གྲགས་པའི་མཚན་སྙན་དོན་དང་མཐུན།།
ལྕགས་སྒྲོག་ལས་ཤོར་བའི་རྒྱ་སྟག
ཨ་ཀྱཱ་ཧོ་ཐོག་ཐུ་བློ་བཟང་ཐུབ་བསྟན་འཇིགས་མེད་རྒྱ་མཚོ་རིན་པོ་ཆེ་མཆོག་ལ་ཕུལ་བ།
བེ་རི་འཇིགས་མེད།
རྒྱལ་བ་གཉིས་པའི་ལྟེ་བའི་མཚལ་གྱིས་ཤིས་པ་སྒྲུབ་པའི་དགེ་མཚན་ལས། །
ལྗོན་པའི་ཤིང་ལས་བདེ་གཤེགས་སྐུ་བརྙན་འབུམ་ཕྲག་བཀྱེ་བའི་དགོན་དེ་ཡི། །
ལུགས་ཟུང་གསེར་གྱི་འཁོར་ལོ་ཟླུམ་པོ་གང་གི་ཕྱག་མཚན་བསྣམས་མཛད་པ། །
བློ་བཟང་ཐུབ་བསྟན་སྙིང་པོའི་དཔལ་གྱུར་མཁས་བཙུན་བཟང་པོའི་མགོན་དེ་མཆོད།
སེམས་ཀྱི་རང་མདངས་མཚོན་པའི་འཚམས་འཕྲིན།
ཆོས་ཀྱི་གྲོགས་པོ་དགེ་བཤེས་བསྟན་འཛིན་རྡོ་རྗེ་མཆོག་ལ་ཕུལ་བ།
བེ་རི་འཇིགས་མེད།
དཔལ་ལྡན་སྟོབས་བཅུ་མངའ་བའི་ལུང་རྟོགས་བསྟན།།
འཛིན་མཁས་ངེས་པ་དོན་གྱི་རྣལ་འབྱོར་པ།།
གསང་སྔགས་རྡོ་རྗེ་ཐེག་པའི་སྤུན་གྲོགས་ལགས།།
འཇིགས་མེད་སྙན་ངག་སྨྲ་བའི་འཕྲིན་འདི་གསོན།།
ཉེ་ཆར་གང་སྐུ་མཚན་དཔེའི་ཟླ་གཞོན་ལ།།
ཉམས་རྟོགས་དཀྱིལ་འཁོར་རྫོགས་པའི་འོད་སྣང་རིས།།
ཡིག་ངག་གང་གི་ལམ་ནས་མ་སོན་ཀྱང༌།།
བརྒྱུད་ནས་འཚམས་འདྲི་བྱས་པའི་གཏམ་ལས་ཐོས།།
ཀ་རྩོམ་བཤན་པའི་སྤུ་གྲི།
བེ་་རི་འཇིགས་མེད།
མ་སྨད་ཐེག་པ་མཆོག་གི་བསྟན་པ་འཛིན།།
གསང་ཆེན་རྡོ་རྗེ་ཐེག་པའི་མཛོད་ལ་དབང༌།།
རབ་འབྱམས་སྨྲ་བའི་ཆོས་གྲོགས་དགེ་བཤེས་ལགས།།
འཇིགས་མེད་ཀླ་ཀློའི་བུ་ངའི་འཕྲིན་འདིར་གསོན།།
ཀ་ཁ་ག་ངའི་མགོ་རྔ་མ་ཤེས་གོང༌།།
ཁ་དོག་དཀར་དམར་རྩོད་པའི་རིགས་ལམ་དེ།།
ག་འདྲ་ཡིན་ནམ་སྙམ་པའི་དོགས་པ་ཞིག།
ང་ཡི་སེམས་ལ་མི་ཤར་ཀ་མེད་བྱུང༌།།
སྔ་འགྱུར་རྙིང་མ་པ་ཇི་ལྟར་བྱུང་ཚུལ།
བེ་རི་འཇིགས་མེད།
༡ སྔར་འགྱུར་རྙིང་མའི་བྱུང་རིམ་སྤྱི་བཤད།
རང་ རེ་ཁ་བ་གངས་ཅན་ལྗོངས་འདིར་བཙན་པོ་ཉེར་བདུན་པའི་བར་དུ་ཐུབ་པའི་བསྟན་པ་རིན་ པོ་ཆེ་འདི་ཉིད་མ་དར་ཞིང༌། བོད་ཀྱི་བཙན་པོ་ཉེར་བརྒྱད་པ་ལྷ་ཐོ་ཐོ་རི་གཉན་བཙན་གྱི་སྐུ་རིང་ལ་ལི་ཡུལ་གྱི་ དགེ་ཚུལ་གྱིས་མདོ་སྡེ་ཟ་མ་ཏོག །སྤང་སྐོང་ཕྱག་རྒྱ་སོགས་བསྣམས་ནས་བཙན་པོ་ལ་ཕུལ་ཡང་བརྡ་མ་འཕྲོད་པས་མཆོད་ གཤོམ་དུ་བཞུགས་སུ་གསོལ་ཏེ་གཉན་པོ་གསང་བ་བཏགས། འདི་ནས་བཟུང་བོད་དུ་དམ་པའི་ཆོས་ཀྱི་དབུ་བརྙེས་པར་བཤད།
མདོ་ ལས། ངའི་བསྟན་པའི་ཐ་མ་ལ་བྱང་ཕྱོགས་ཁ་བ་ཅན་གྱི་རྒྱལ་ཁམས་ཞེས་བྱ་བ་དེར། ངའི་དགུང་ལོ་བརྒྱད་པའི་སྐུ་ཚད་དང༌། དགུང་ལོ་བཅུ་གཉིས་པའི་སྐུ་ཚད་གཉིས་དང༌། བྱང་ཆུབ་སེམས་དཔའ་སྤྱན་རས་གཟིགས་ཁྱོད་ཀྱི་གདུལ་བྱར་འགྱུར་བས། དེར་སྐྱེས་པའི་སེམས་ཅན་རྣམས་དུག་ལྔ་རགས་པས་འདུལ་དཀའ་བར་འགྱུར་བས། ཁྱོད་ཀྱིས་ཐབས་སྣ་ཚོགས་ཀྱིས་ཐུལ་ཅིག ཅེས་འཕགས་པ་སྤྱན་རས་གཟིགས་ཀྱི་གདུལ་ཞིང་དུ་ལུང་བསྟན་པར་བཤད་དེ། མ་ཎི་བཀའ་འབུམ་ལས།
བོད་ཀྱི་རིག་གཞུང་གི་རིན་ཐང༌།
བེ་རི་འཇིགས་མེད།
གཅིག
གསུང་གི་དབང་ཕྱུག་གངས་རིའི་མཚར་སྡུག་ཅན།།
ཚངས་སྲས་སྒེག་མོའི་མགྲིན་པ་ལ་འཁྱུད་དེ།།
གངས་ཅན་བཅུ་ཕྲག་གཙུག་ལག་རིག་གཞུང་གི།
རིན་ཐང་མཚོན་པའི་རྒྱུད་མངས་ཅུང་ཟད་འཁྲོལ།།
སྐོར་གསུམ་སྒང་དྲུག་རུ་བཞིའི་འཛིན་མའི་ཁྱོན།།
མཚན་ལྡན་བརྡའ་སྤྲོད་སྐད་དང་ཨཀྵ་རའི།།
དཀར་གཙང་དར་ཡུག་གཅིག་གིས་ཁྱབ་པ་འདི།།
བྷོ་ཊའི་སྐད་ཡིག་རིག་པའི་རིན་ཐང་ཡིན།།
རྩོམ་རིག་ལ་སྐུལ་བའི་དྲིལ་བརྡ།
རྩོམ་རིག་ལ་དགའ་བའི་གཞིས་བཞུགས་གྲོགས་པོ་ཞིག་ལ་ཕུལ་བ།
བེ་རི་འཇིགས་མེད།
གྲོགས་ པོ་ལགས། གལ་ཏེ་ཁྱོད་རང་རྩོམ་པ་པོ་ཞིག་བྱེད་འདོད་ན། དེ་ནི་འཇིག་རྟེན་འདིའི་བྱ་བཞག་མཐའ་དག་ལས་བཟང་ཤོས་ཡིན་པས། ངས་ཀྱང་ཁྱོད་ལ་དགའ་བསུ་དང་འཚམས་འདྲི་ཞུ་རྒྱུ་ཡིན།
ཀྱེ། གྲོགས་པོ་ལགས། མཁས་པའི་བྱ་བ་ལ་མུ་མཐའ་མེད་ཅིང༌། ཤེས་བྱའི་རྣམ་གྲངས་ལ་རྫོགས་མཐའ་མེད་ཀྱང༌། རྩོམ་རིག་ནི་འཕགས་ཡུལ་གྱི་སྙན་ངག་པ་ཙན྄དྲ་གོ་མིས།
གང་ཕྱིར་མཁས་པའི་ལས་གསུམ་ལས།།
རྩོད་འཆད་ངག་ལ་མ་ངེས་པ།།
སྲིད་ཕྱིར་མི་འཁྲུལ་རྩོམ་པ་སྟེ།།ཞེས་པ་དང༌།
༼༣༽ རྩེད་ཐང་གཡུལ་འགྱེད་ཐེངས་དང་པོ།
བེ་རི་འཇིགས་མེད།
རྩེད་ ཐང་ནི་བོད་ཀྱི་རྒྱལ་ས་གྲོང་ཁྱེར་ལྷ་ས་དང་ཁད་ཉེ་བ་སྣེ་གདོང་རྫོང་གི་དབུས་ ཁུལ་ཡར་ཀླུང་གཙང་པོའི་ལྷོ་ངོས་ན་ཡོད་ཅིང་ལྷོ་ཁ་ས་ཁུལ་གྱི་ལྟེ་གནས་གྲོང་ ཁྱེར་ཞིག་ཀྱང་ཡིན་པས། དགྲ་བོས་སྔ་ས་ནས་ལྷོ་ཁུལ་རྫོང་ཁག་བཅུ་གསུམ་གྱི་ནང་ནས་གལ་ཆེ་ས་གནས་ཤིག་ཏུ་ ངེས་འཛིན་བྱས་ནས་རྡོ་རྗེའི་ཁང་པ་སོགས་ཁང་ཁྱིམ་འགའ་ཞིག་གི་ནང་དུ་དམག་དོན་ལས་ ཁང་བཙུགས་ཡོད་པ་རེད། དེ་ནི་ཕྱོགས་གཅིག་ནས་ལྷོ་ཁའི་ཁུལ་གྱི་མི་དམངས་གྱེན་ལང་བྱུང་ན་འབུར་འཇོམས་ བྱེད་མཁན་དང༌། གཉིས་ན་ཕྱི་རྒྱལ་ཁག་གིས་བོད་དུ་དྲག་པོའི་རོགས་རམ་བྱེད་རྒྱུའི་དོགས་འཆར་ སྔོན་འགོག་གི་ཆེད་དང༌། གསུམ་ན་གལ་སྲིད་བོད་ཀྱི་སྲིད་གཞུང་འཛིན་མཁན་མི་སྣ་ཆེ་ཁག་ཚོས་ལྷ་སའི་ཁུལ་དུ་ རང་དབང་སྒེར་ལངས་ཀྱི་ལས་འགུལ་སྤེལ་བ་དང༌། རང་ས་བརྒལ་ནས་བལ་ཡུལ་དང་རྒྱ་གར་སོགས་སུ་འགྲོ་བསྐྱོད་བྱེད་པའི་དོན་སྐྱོན་ བྱུང་ཚེ་ཐེམ་པ་དང༌། སྒོ་གླེགས་བཞིན་ཡིན་པས། རྒྱུ་མཚན་དེ་དག་ལ་བརྟེན་ནས་རྩེད་ཐང་དམག་སྒར་འདི་ཉིད་གལ་ཆེར་འཛིན་ཏེ་ཉིན་ མཚན་ཁྱད་མེད་ཀྱིས་མོ་ཊ་ནང་མདའ་རྫས་སོགས་དབོན་འདྲེན་གྱིས་དམག་སའི་ཆ་རྐྱེན་ གང་ལེགས་གྲ་སྒྲིག་ཨང་གསར་བྱས་དང༌། བྱེད་བཞིན་པ་དེར། རྒྱལ་སྲུང་བཙན་རྒོལ་གྱི་ལས་འགུལ་ནང་ཞུགས་མཁན་གྱི་བསྟན་སྲུང་དྭངས་བླངས་དམག་ མིས་དོ་སྣང་མི་བྱེད་ཀ་མེད་ཆགས་ཡོད་པ་རེད།
༼༢༽ དམག་སྒར་ལྟེ་བ་མཚོ་སྣར་སྤོས་ནས་ལྷོ་ཁུལ་རྫོང་ཁག་སོ་སོར་དཔུང་འཇུག་ཇི་ལྟར་བྱས་པ།
བེ་རི་འཇིགས་མེད།
མདོ་ ཁམས་ཆུ་བཞི་སྒང་དྲུག་གི་སྤྱི་འདོམས་དམག་སྤྱི་ཨ་འབྲུག་མགོན་པོ་བཀྲིས་ཀྱིས་ དབུ་ཁྲིད་པའི་དྭངས་བླངས་དཔའ་བོའི་དམག་སྒར་འདི་ཉིདལྷ་བླའི་ལུང་སྟོན་དང་ས་བབ་ གནས་སྟངས་གང་ཅི་ལ་བརྟེན་ནས། སྤྱི་ལོ་ ༡༩༥༨ ཟླ་བ ༦་ ཚེས ༡༦་ ཉིན་ལྷོ་ཁ་ལྕགས་ཚ་གྲུ་གུ་ཐང་དུ་བརྟེན་གཞིར་བྱས་ནས་རྒྱལ་སྲུང་དགྲ་འཐབ་ཀྱི་ ལས་འགུལ་རྒྱ་ཆེར་སྤེལ་བའི་ལོ་རྒྱུས་ཤིན་ཏུ་འགོང་ཆེ་ཞིང། བསྟན་སྲུང་དང་བླངས་དམག་གི་སྒྲིག་འཛུགས་འདི་ཉིད་ཐོག་མར་ཚུགས་དུས། ཨ་ འབྲུག་ཚང་གི་མཆོད་ཁང་དུ་སྤྱི་ལོ་ ༡༩༥༨ བོད་ཟླ ༢ ཚེས ༡༨ ཉིན་རྒྱལ་བའི་བཀའ་འགྱུར་རིན་པོ་ཆེ་དཔང་དུ་བཙུགས་ནས་བོད་ཀྱི་བསྟན་སྲིད་དོན་ དུ་གནའ་གན་མཐུ་མོ་ཆེ་བཞག་པ་ནས། མིག་སྔར་གསེར་ཁྲི་ཆེན་པོ་གསར་བཞེངས་དང༌། རྟེན་གཙོ་ཁག་གི་སྤྱན་སྔར་གསེར་ཀོང་སོགས་གསར་བསྐྲུན་བྱས་པ། ༧གོང་ས་ཆེན་མོ་ལ་བརྟན་བཞུགས་དང༌། ལྷ་སྲུང་ཁག་ལ་ལུང་ཞུ། བློ་ཐག་རྦད་གཅོད་ཀྱིས་དྲག་པོའི་དམག་གི་བརྟེན་གཞི་གསར་འཛུགས་བྱེད་རྒྱུ་བཅས་ ཐག་གཅོད་དང་ལག་བསྟར་དངོས་སུ་བྱས་ཏེ། བསྟན་སྲུང་དང་བླངས་དཔའ་བོའི་ནང་ཁུལ་རྡོག་རྩ་ཆིག་བསྒྲིལ་དང༌། ས་གནས་མི་དམངས་དང་མཐུན་ལམ། རྒྱལ་སྲུང་དམག་འཐབ་ཀྱི་ལས་འགུལ་སོགས་ཚགས་ཚུད་ཡོང་ཆེད། གཏན་འབེབས་བྱས་པའི་དམག་ཁྲིམས་དོན་ཚན་ཉི་ཤུ་རྩ་བདུན་བཞག་པ་དང༌།
དེ་ལས་མང་བ་། “༼༢༽ དམག་སྒར་ལྟེ་བ་མཚོ་སྣར་སྤོས་ནས་ལྷོ་ཁུལ་རྫོང་ཁག་སོ་སོར་དཔུང་འཇུག་ཇི་ལྟར་བྱས་པ།” »
བོད་ཀྱི་རྩོམ་རིག་གི་འཕེལ་རིམ་རགས་ཙམ་གླེང་པ།
བེ་རི་འཇིགས་མེད།།
སྔོན་གླེང༌།ལི་འཁྲིའི་ཐིག་ལེ་འཛུམ་པའི་དཀྱིལ་འཁོར་ལ།།
ཆོས་ཀུན་གཅིག་ཏུ་འཆིངས་བའི་འོད་ཞགས་གསལ།།
འགྲོ་བློའི་རྨོངས་པ་གཏུབས་པའི་མཚོན་རྣོན་གྱིས།།
མུན་པའི་གཡུལ་ས་འཇོམས་པའི་མགོན་དེས་སྐྱོངས།།
མཁས་པའི་བྱ་བ་ནམ་མཁའི་མཐའ་ལྟར་ཡངས།།
ཤེས་བྱའི་རྣམ་གྲངས་སྐར་མའི་གྲངས་ལས་མང༌།།
དེ་ཀོ་གཅིག་ཏུ་གསལ་བའི་མེ་ལོང་ནི།།
རྩོམ་རིག་ཟླ་བའི་དཀྱིལ་འཁོར་འདི་ཁོ་ན།།
ཞེས་གང་ཞིག་སྔོན་དུ་གླེང་བའི་གཏམ་གྱིས་མཚམས་སྦྱར་ནས་འདི་བོད་ཀྱི་རྩོམ་རིག་ གི་འཕེལ་རིམ་རགས་ཙམ་གླེང་པ་ལ། དེ་ཡང༌། མཁས་པའི་བྱ་བ་ལ་མུ་མཐའ་མེད་ཅིང༌། ཤེས་བྱའི་རྣམ་གྲངས་རྫོགས་མཐའ་མེད། ནམ་མཁའི་སྐར་ཚོགས་དང་ཆཱུ་ཁའི་བྱེ་མ་ལྟ་བུའི་ཤེས་བྱའི་བྱེ་བྲག་ཤིན་ཏུ་མང་ པོའི་ནང་ནས། རྩོམ་རིག་ནི། འཕགས་ཡུལ་གྱི་སྙན་ངག་པ་ཙན་དྲ་གོ་མས། གང་ཕྱིར་མཁས་པའི་ལས་གསུམ་ལས།།
འཆད་རྩོད་ངག་ལ་མ་ངེས་པ།།
སྲིད་ཕྱིར་མི་འཁྲུལ་རྩོམ་པ་སྟེ།།
ཞེས་དང༌། རྗེ་ཙོང་ཁ་པ་ཆེན་པས།
རིག་ལམ་རྣམ་པར་འབྱེད་པའི་རྣམ་དཔྱོད་དང༌།།
གཞུང་ལུགས་གདམས་པར་ཤར་བའི་ཉམས་ལེན་དང༌།།
ཚིག་སྦྱོར་ཚུལ་ལ་མཁས་པའི་ངག་གི་དཔལ།།
ས་སྟེང་འདི་ན་རིན་ཆེན་རྣམ་གསུམ་སྣང༌།།
ཞེས་དང༌། རྒྱ་ནག་གི་ཀོང་ཙེ་འཕྲུལ་གྱི་རྒྱལ་པོས། སྙན་ངག་མེད་ན་གཏམ་དུ་བྱ་བ་མེད།།
དེ་ལས་མང་བ་། “བོད་ཀྱི་རྩོམ་རིག་གི་འཕེལ་རིམ་རགས་ཙམ་གླེང་པ།” »
དེང་དུས་བོད་ཀྱི་རྩོམ་རིག་གི་ཞན་ཆ་རགས་ཙམ་གླེང་པ།
བེ་རི་འཇིགས་མེད་དབང་རྒྱལ།
སྔོན་གླེང༌།
གང་ཞིག་མཐོང་ཐོས་དྲན་པའི་མོད་ལ་ཡང༌།།
འཇིགས་པ་བརྒྱད་སྐྱོབ་འཕྲིན་ལས་ལྷུན་གྲུབ་མ།།
གང་ཁྱོད་བདག་གི་ཚེ་རབས་སྔོན་མ་ནས།།
ལྷག་པའི་ལྷ་མཆོག་མཛད་པའི་བག་ཆགས་མཐུག།
སྔོན་ནས་ད་ལྟ་ད་ནས་མ་འོངས་པ།།
ཇི་སྲིད་མཆོག་གི་གོ་འཕང་མ་ཐོབ་པ།།
དེ་སྲིད་ལྷག་པའི་ལྷ་མོ་ཁྱོད་ཉིད་ཀྱིས།།
བརྩེ་བའི་སྤྱན་ཞགས་མ་གློད་ཏཱ་རེ་མ།།
ཆོས་རིག་བསམ་འཕེལ་ནོར་བུས་གཏམས་པ་ཡི།།
གངས་ཅན་རྩོམ་རིག་རྒྱ་མཚོའི་རླབས་ལྡན་མར།།
ཉེས་བྱས་བ་ཚྭའི་དྲི་མ་བསལ་བའི་སླད།།
རྩོམ་རིག་ཞན་ཆའི་ངོ་སྤྲོད་ཅུང་ཟད་གླེང༌།།
རྩོམ་རིག་ནི། བསྐལ་པ་ཡར་ཐོག་ནས་བྱུང་བའི་རིག་པའི་རྣམ་གཞག་གི་ཁྲོད་ནས་སྐབས་དེ་དང་དེ་དག་གི་སྤྱི་ཚོགས་ཁྲོད་ནས་བློ་ཁ་མཐོ་བ་དང་དྲན་ཚད་མྱུར་བ་ཚོའི་བསམ་བློའི་འཆར་སྒོ་དང་བསྟུན་ནས་བྱུང་བའི་རིག་པ་ཞིག་ཡིན་ལ། རིག་པ་དེ་ཉིད་སྤྱི་ཚོགས་ཀྱི་འཕེལ་རིམ་དང་བསྟུན་ནས་རྒྱལ་ཁབ་འདྲ་མིན་དང་མི་རིགས་འདྲ་མིན་གྱིས་རང་རང་གི་རིག་པའི་གཞུང་ལུགས་ཀྱི་སྒྲོམ་གཞི་མི་འདྲ་བ་དུ་མའི་ནང་དུ་བསྡུས་ཏེ། རྩོམ་རིག་གི་རྣམ་གཞག་རིམ་པར་བརྒྱུད་པའི་ལོ་རྒྱུས་ཀྱི་རྒྱུད་རིམ་མི་འདྲ་བ་དུ་མ་སྣང་བའི་ཁྲོད་ནས། རང་རེ་བོད་ཀྱི་རྩོམ་རིག་ཀྱང་མེད་པ་ནས་ཡོད་པ་དང༌། ཡོད་པ་ནས་གྲ་རྒྱས་སུ་སོང་བའི་རྒྱུད་རིམ་ཧ་ཅང་རིང་བ་ཡང་བཤད་ག་ལ་དགོས།
དེ་ལས་མང་བ་། “དེང་དུས་བོད་ཀྱི་རྩོམ་རིག་གི་ཞན་ཆ་རགས་ཙམ་གླེང་པ།” »
བཟའ་འཛིངས།
—–སྲོད་ལྗོངས་ཀྱི་ཟང་ཟིང༌།
___བེ་རི་འཇིགས་མེད་དབང་རྒྱལ།
“ངོ་ཚ་རྒྱུ་མེད་མཁན། གཞང་འཚོང་མ།”
འབོད་སྒྲ་དེས་ཟླ་འོད་མག་མོག་གིས་འཁྱུད་པའི་མཚན་ལྗོངས་དེའི་ཁོར་ཡུག་གི་ལྷིང་འཇགས་ཡོངས་སུ་དཀྲོགས། ཚེ་རིང་ནི་རྒྱུན་དུ་པྲ་ཚགས་ལ་གོམས་ལོབས་ཤོར་བའི་མི་ཞིག་ཡིན་པས། ཁོས་སྒེའུ་ཁུང་ག་ལེར་ཕྱེས་ཏེ་ཁྱིམ་མཚེས་ཚང་གི་འཁྲབ་གཞུང་ལ་ལྐོག་བལྟས་བྱས། ཁྱིམ་ མཚེས་ཚང་གི་ཁྱིམ་བདག་ཡ་མེད་རྡོ་རྗེས་ལག་པ་ཡ་གཅིག་ལ་གསེར་ཉ་རྟགས་ཅན་གྱི་ཨ་ རག་དམ་བུ་ཞིག་དང་ཡ་གཅིག་ཏུ་ཧཕ་རན་སི་ནས་ཐོན་པའི་འགྱིག་གི་ཕོ་མཚན་ཞིག་འཇུས་ འདུག ཁྱིམ་བདག་དེས་ཨ་རག་ཧུབ་གང་འཐུང་ནས་རང་གི་བཟའ་ཟླ་འདོད་ལྷའི་བུ་མོ་ལ་སྡང་མིག་གི་གློག་ཞགས་ཤིག་འཕེན་ཞོར་མུ་འཐུད་ནས་བཤད་དོན།