ངས་ཉིན་འགའི་སྔོན་བོད་ཀྱི་དྲ་མཛོད་ཐོག་རྡོ་གྲུབ་ཆེན་གྱི་མ་འོངས་ལུང་བསྟན་ཞིག་མཐོང་བ་འདིར་དྲ་གྲོགས་རྣམས་ཀྱི་དཔྱད་གཞིར་ཕུལ་བ་ཡིན། བཾ༈ གཞི་ཀ་དག་སྟོང་ཆེན་དྭངས་མའི་མཁར༈ རྩལ་ཤར་གྲོལ་བདེ་སྟོང་ཊཀྐིའི་གླུ༈ སྔོནལེགས་བྱས་ནོར་བུའི་རང་འོད་ཀྱིས༈ རྟེན་འདོད་འཇོའི་གདུལ་བྱའི་ཞིང་ས་རླན༈ ངུར་སྨིག་ཁྲིམས་ལྡན་གྱི་གཟི་བྱིན་འབར༈ ཐབས་མཁའ་ཀྱིས་བོད་འབངས་རྗེས་སི་སྐྱོངས༈ སྤྱན་གཟིགས་སྤྲུལ་པ་བསྟན་མིང་པ་ཡི༈ ལོ་འབྱུང་ཤིང་ཕག་སྨེ་བ་གཉིས་ནག༈ བསྟན་པ་སླར་གསོ་ལྷ་ལྡན་ཡུལ་འཁྲུངས༈ སྨོན་ལམ་དང་གནས་དུས་ཕུན་ཚོགས་ལྔའི༈ རྟེན་འབྲེལ་གྱི་སྒོ་བརྒྱ་དུས་གཅིག་འབྱེད༈ དུས་ས་བྱི་སྨེ་བ་གཅིག་དཀར་དུས༈ གངས་ལྗོངས་བདེ་སྐྱིད་ཀྱི་ཉི་མ་ཤར༈…

དེ་ལས་མང་བ་། “རྡོ་གྲུབ་ཆེན་གྱི་མ་འོངས་ལུང་བསྟན།” »

ཕ་ཡུལ་དྲ་གནས་ཐོག་བཀོད་པ་ལྟར་ན། གཟའ་འཁོར་འདིའི་ནང་བོད་ཤར་ཕྱོགས་སུ་རྒྱ་ནག་གི་ཉེན་རྟོག་དམག་དཔུང་གིས་བོད་མིའི་འདུ་ཚོགས་ནང་མེ་མདའ་རྒྱབ་ནས་ཕལ་ཆེར་མི་བརྒྱ་དང་བཞིབཅུ་༡༤༠ བསད་འདུག་ཅེས་ཏྰ་ལའི་བླ་མས་ཕྷི་རན་ཆི་ཉིན་རེའི་ཚགས་པར་ལ་གསུངས་འདུག ཁོང་གིས་ལི་མོང་དྷི་ལ་ཡང་་གསུངས་པར།། ཁམས་ཕྱོགས་སུ་ བརྒྱད་པའི་ཚེས་༨གཟའ་ཟླ་བ་ཉིན་རྒྱ་མིའི་དམག་དཔུང་གིས་བོད་མིའི་འདུ་ཚོགས་ནང་མེ་མདའ་རྒྱབ་འདུག གནས་ཚུལ་འབྱོར་བ་ལྟར་ན། མི་བརྒྱ་དང་བཞི་བཅུ་བསད་འདུག ཡིན་ན་ཡང་གྲངས་ཀ་དེ་ད་རུང་གསལ་པོ་བཟོ་དགོས་ཡོད་ཅེས་གསུངས། ཁོང་ནས་མུ་མཐུད་དུ། རྒྱ་ནག་གཞུང་གིས་ ད་ལོ་ཟླ་གསུམ་པ་ནས་བཟུང་རྒྱ་གཞུང་ལ་ངོ་རྒོལ་བྱེད་མཁན་རྣམས་ལ་དྲག་གནོན་བྱས་པ་རེད། ་་་ཡིས་ཆེས་འཕེར་བའི་མིས་བརྗོད་པ་ལྟར་ན། ལྷ་ས་གཅིག་པོར་མི་བཞི་བརྒྱ་༤༠༠ བསད་འདུག་་…

དེ་ལས་མང་བ་། “ཡང་སྐྱར་དམར་གསོད།” »

བོད་ནང་ཞི་བའི་ངོ་རྒོལ་བྱུང་བའི་རྗེས་ཙམ་ཞིག་ལ་རྨ་ལྷོ་སོག་རྫོང་དུ་རྒྱ་གཞུང་གིས་མི་ཞིག་འཇུ་བཟུང་བྱས་པའི་གནས་ཚུལ་ཞིག་གོ་བྱུང་ཡང་ཁ་པར་གྱི་བརྒྱུད་ལམ་ཚང་མ་འགག་པས་སུ་ཞིག་ཡིན་མིན་རྩད་མ་ཆོད་པར་ལུས། རྗེས་སུ་ཤེས་པ་ལྟར་ན། ཕ་ཡུལ་ཨ་རིག་ནས་ཡིན་པའི་མིང་ལ་ཧོང་ཆི་ཟེར་བའི་བཟའ་མི་གཉིས་ཡིན་པ་ཤེས། དེ་ཡང་ཧོང་ཆི་ནི་རླངས་འཁོར་གྱི་ཁ་ལོ་བ་ཞིག་རེད། ཁོང་བླ་བྲང་བཀྲ་ཤིས་འཁྱིལ་་དུ་ཕྱིན་ནས་ཚུར་ཡོང་བའི་ལམ་བར་དུ་འཇུས་འདུག ཁོང་འཇུ་བཟུང་བྱེད་སྐབས་ཁོས་ཅིའི་དོན་དུ་འཇུ་བཟུང་བྱས་པ་ཧ་གོ་མི་འདུག དེ་ནས་བཟུང་ཁོང་ག་པ་ཞིག་ཏུ་བཀག་ཉར་བྱས་པ་སུ་གང་གིས་ཀྱང་ཤེས་མི་འདུག ཁོང་ཚང་གི་ཨ་མ་རྒན་མོ་ཞིག་ཡོད་པ་དེ་གདོང་ཡོངས་མཆི་མས་བརླན་ནས་ཡར་གཏུགས་མར་གཏུགས་མང་པོ་ཞིག་བྱས་མཐར། ཁོ་ཚོའི་ཉེ་ཚན་སྟོབས་རྒྱལ་ཟེར་བའི་མགོ་ཁྲིད་ཅིག་ཡོད་པ་དེས་ཁོ་གང་དུ་ཡོད་མེད་རྩད་ཆོད་དེ་རྗེས་སུ་གློད་འདུག ཁོ་འཇུ་བཟུང་བྱེད་དགོས་པའི་དོན་དག་ནི། ཁོང་ཚོའི་ནང་གྲྭ་པ་ཞིག་བསྡད་འདུག་པ་དང་། གྲྭ་པ་དེས་རྒྱ་གར་ལ་ཁ་པར་ཞིག་བཏང་ཡོད་འདུག རྗེས་སུ་རྒྱ་གཞུང་གིས་རྩད་བཅད་ན་ཡང་གྲྭ་པ་དེ་གར་སོང་གི་རྗེས་མགོ་ནོན་མི་འདུག བར་སྐབས་དེར་མི་ཚང་མ་ཞེད་ནས་ནང་མི་སྤུན་མཆེད་བར་ཁ་པར་ཡང་གཏོང་ཐུབ་ཀྱི་མེད་པ་རེད།

ཁུངས་ལྡན་གནས་ཚུལ། དེ་རིང་ངས་ཁ་པར་བརྒྱུད་གནས་ཚུལ་གསར་པ་ཞིག་ཤེས་པ་ནི། རྨ་ལྷོ་བོད་རིགས་རང་སྐྱོང་ས་ཁུལ་ཁོངས་སོག་པོ་རྫོང་དུ་འགྲུལ་འཁོར་ཆུང་བ་རྒྱ་མིས་ཅོ་ཁྲེ་ཟེར་བ་དེ་འདྲ་ཞིག་གི་ཐོག་འབར་རྫས་གཉིས་རྙེད་འདུག ད་མི་ཚང་མ་འགྲུལ་བཞུད་བྱེད་རྒྱུར་ཡང་ཞེད་སྣང་སྐྱེ་གི་འདུག་ཟེར། འབར་རྫས་ཀྱི་སྐོར་འདི་ཐེངས་དང་པོ་མིན་པར་ཉེ་ལམ་སུམ་བཅུའི་དུས་དྲན་གྱི་རྗེས་སུ་བོད་ནང་དུ་ཐེངས་འགའ་ཤས་ཤིག་བྱུང་ཡོད་པ་ཚང་མས་ཤེས་གསལ་ལྟར་རེད། དང་པོ་དེ་ཕལ་ཆེར་སྨར་ཁམས་རྫོང་ཁོངས་ཀྱི་སྤྱི་བདེ་ལས་ཁུངས་ཤིག་ནང་འབར་རྫས་གས་འཐོར་བྱུང་བ་དེ་ཡིན་བསམ། དེ་ནི་རྒྱ་ནག་གཞུང་གིས་གྲྭ་བ་འགའ་ཤས་ཡིན་པར་བརྗོད་དེ་ཁོང་ཚོའི་མིང་དང་། ལོ་ཚོད་སོགས་གསལ་པོར་བཀོད་ནས་ཁྲིམས་ཐག་བཅད་པའི་གནས་ཚུལ་ཞིག་སྔོན་མ་ནས་རྒྱ་གཞུང་གི་དྲ་གནས་འགའ་རེའི་ནང་སླེབས་སོང་། དེའི་རྗེས་ནས་སྡེ་དགེའི་ཁོངས་རྫོགས་ཆེན་དགོན་པ་མིན་ནམ་དེ་འདྲ་ཞིག་ནང་ཡང་འབར་རྫས་གས་ཐོར་གྱིས་མི་རེ་ཟུང་རྐྱེན་ལམ་དུ་ཕྱིན་པ་དེ་ཡང་ཚང་མས་ཤེས་གསལ་ལྟར་རེད། དེ་མིན་བདུན་ཕྲག་སྔོན་མའི་ནང་བོད་ཀྱི་དུས་བབ་ཏུབཀོད་པ་ལྟར་ན། རྒྱ་ནག་གཞུང་གིས་འབོམ་རྫས་ཕོན་ཆེ་ཞིག་རྐུ་ལ་ཤོར་བའི་གནས་ཚུལ་ཞིག་དང་། སྤྱི་བདེ་མི་སྣས་དཀར་མཛེས་ཀྱི་བོད་མི་འབོམ་འཁྱེར་མཁན་ཞིག་གང་ས་གང་དུ་འཚོལ་ཞིབ་བྱེད་ཀྱི་ཡོད་པའི་གནས་ཚུལ་ཞིག་ཀྱང་སླེབས་སོང། ད་འདི་ཅི་ཡིན་ནམ། རྒྱ་གཞུང་གིས་བོད་མིའི་ངོ་རྒོལ་གྱི་ལས་འགུལ་དེ་དག་དྲག་པོའི་ངོ་བོར་བསྒྱུར་ཐབས་སུ་ཆོ་འཕྲུལ་ཞིག་སྟོན་གྱི་ཡོད་པ་ཡིན་ནམ། ཡང་ན།…

དེ་ལས་མང་བ་། “འགྲུལ་འཁོར་ཐོག་འབར་རྫས་རྙེད་པ།” »

ཉིན་འདི་འགའི་རིང་ང་ཚོ་མང་ཆེ་བས་ཨོ་ལིམ་ཕིག་གི་རྩེད་འགྲན་ལ་ལྟ་གི་ཡོད་རྒྱུ་རེད། ད་གསེར་གྱི་རྟགས་མ་ཚང་མ་རྒྱ་ནག་གིས་རྟ་རྒྱུག་ཞོར་དང་མེ་ཏོག་འཐུ་ཞོར་བྱེད་ཀྱི་འདུག ཁྱེད་ཚོ་དེར་དགའ་བ་སྐྱེའམ་ཡང་ན་ཕྲག་དོག་སྐྱེ། འོད་ལམ་ལམ་གྱི་གསེར་གྱི་རྟགས་མ་རེ་རེའི་རྒྱབ་ལོགས་སུ་ལོ་རྒྱུས་ཀྱི་གྲིབ་ནག་རིང་མོ་རེ་ཡོད་པ་དེར་ཁྱེད་ཚོས་བསམ་བློ་ཨེ་བཏང་། དེའི་སྐོར་ལ་ཁྱེད་ཚོས་ཆི་བསམ། མྱི་སུམ་ཅུར་བསམ་བློ་སུམ་ཅུ། མཛོ་སུམ་ཅུར་རྭ་ཁ་དྲུག་ཅུ་ཡིནཔས་ང་ཁྱེད་ཚོའི་བསམ་ཚུལ་ལ་ཉན་འདོད་ཡོད། ཚང་མས་ཤེས་གསལ་ལྟར། རྒྱ་ནག་ལ་ཨོ་རྩེད་ཀྱི་གོ་སྐབས་ཐོབ་པ་ནས་བཟུང་། རྟགས་མ་མང་ཆེ་བ་ལེན་རྒྱུའི་འཆར་གཞི་བཏིང་སྟེ་རྒྱ་ནག་རྒྱལ་ཡོངས་སུ་བྱིས་པ་ལོ་ཆུང་གཟུགས་གཞི་ཚད་ལྡན་སྟོང་ཕྲག་མང་པོ་འདེམས་ཡོང་ནས་སྔོན་ཚུད་ནས་གྲ་སྒྲིག་བྱས་པའི་འབྲས་བུར་དེ་རིང་གི་རྟགས་མ་འདི་ཚོ་རེ་རེ་བྱས་འཁྱེར་འགྲོ་བའི་གོ་སྐབས་འདི་བྱུང་བ་མ་རེད་དམ། དེ་ཡང་ལོས་ཡིན་ཏེ། ངས་འདིར་བརྗོད་འདོད་པ་ནི། སྔོན་ཚུད་ནས་འཆར་གཞི་བཏིང་སྟེ་གྲ་སྒྲིག་བྱས་པ་ཁོ་ནས་རྟགས་མ་འདི་འདྲ་མང་པོ་ཞིག་ཅི་ལ་ཐོབ། དྲི་བ་འདིའི་ལན་ངས་གོང་དུ་བརྗོད་པའི་ལོ་རྒྱུས་ཀྱི་གྲིབ་ནག་རིང་པོ་ཟེར་བ་དེར་འགྲེལ་བཤད་ཐུང་ངུ་ཞིག་རྒྱབ་ན་དེས་འཐུས་སྙམ། དེ་ནི་རྒྱ་གཞུང་གིས་ལོ་ཆུང་བྱིས་པ་སྟོང་ཕྲག་དུ་མ་ཕ་མའི་རྩ་ནས་འདོད་པ་ཡོད་མེད་ལ་མ་ལྟོས་པར་འཁྱེར་ཕྱིན་པ་དེ་རེད།…

དེ་ལས་མང་བ་། “གསེར་གྱི་རྟགས་མའི་རྒྱབ་ཀྱི་གྲིབ་མ།” »

འདིར་ང་ཚོས་མཆན་འདེབས་སྟངས་སྐོར་ལ་བསམ་འཆར་ཐུང་བསྡུས་ཤིག་བཤད་འདོད་བྱུང་། མི་འགའ་རེས་མཆན་འདེབས་སྐབས། མཆན་འདེབས་ས་གཅིག་གི་ནང་ལ་ཐིག་ཕྲེང་གཅིག དེ་ནས་གཞན་ཞིག་གི་ནང་ཐིག་ཕྲེང་གཉིས། དེ་ནས་ཡང་ཐིག་ཕྲེང་གཅིག་གམ་གཉིས། དེ་འདྲ་བྱས་པང་བསྒྲིགས་ནས་མཆན་འདེབས་ས་ལྔ་དྲུག་རེ་མི་གཅིག་གིས་བཟུང་འགྲོ་བ་དེ་ཡག་པོ་མི་འདུག ཕན་ཚུན་ལ་ལན་འདེབས་རེས་བྱས་ན་གནས་ཚུལ་མ་འདྲ་བ་རེད། ངོས་གཅིག་ལ་རྩོམ་གཅིག་གི་མཆན་གྱིས་བཀང་བ་ཡིན་ན་ང་ཚོས་རྩོམ་གཅིག་དང་མཆན་གཅིག་ལས་མཐོང་རྒྱུ་མི་འདུག མི་མང་པོ་ཞིག་འདིར་མཆན་རྒྱག་དུ་དང་ཀློག་ཏུ་ཡོང་གི་ཡོད་པ་རེད། མི་འགའ་རེ་དམིགས་བསལ་གྱིས་མི་ཆེ་གེ་མོ་རེའི་མཆན་ལ་དགའ་མོས་ཀྱིས་དེ་ཀློག་ཏུ་ཡོང་གི་ཡོད་པ་རེད། དྲ་ངོས་སུ་རྩོམ་འགའ་རེའི་མཆན་མཐོང་རྒྱུ་ཡོད་ན་ཡག་པོ་འདུག་སྙམ། དཔེ་བཞག་ན། ཡེ་ཤེས་ལ་མཚོན་ན། རང་རྩོམ་ག་རེ་དྲི་ཟའི་བུ་མོའི་རྣ་ལུང་ཡིན་ནམ་དེ་ལ། མཆན་དགུ…

དེ་ལས་མང་བ་། “བསམ་འཆར།” »

ངས་ཕ་ཡུལ་ལ་ཁ་པར་པཏང་ནས་གནས་ཚུལ་ཤེས་པ་ལྟར་ན། ཕ་ཡུལ་དུ་ཨོ་ལིམ་ཕིག་གི་མཛད་སྒོར་མི་བཞི་བཅར་གྱི་འདུག ད་རེས་འདས་པའི་དུས་དང་ཅུང་མ་འདྲ་བ་ཞིག་ནི། འཐུས་མི་འདི་ཚོ་ཚང་མ་སྤྱི་ཚོགས་ནང་མིང་ཡག་པོ་ཡོད་པའི་མི་རྐྱང་རྐྱང་ཡིན་པ་ལས་སྔོན་ཐོན་པ་དེ་འདྲ་སུ་གང་ཡང་མི་འདུག དེའི་ནང་འབྲོག་མི་རྣམས་དགའ་བོ་ཡོད་པའི་བོད་སྨན་པ་གསུམ། གཞན་འབྲོག་མི་སེམས་བཟང་རྟག་པར་དབུལ་ཕོངས་རྣམས་ལ་དངུལ་སྒོར་དང་སྒོ་ཕྱུགས་སོགས་ཀྱིས་རོགས་རམ་བྱེད་མཁན་གཅིག་བཅས་རེད། འདི་དག་ལས་ངས་ཁྱེད་ཚོར་ཨ་ཁུ་འབྲོག་པ་འདིའི་སྐོར་ངོ་སྤྲོད་ཅུང་ཟད་བྱེད་གི་ཡིན། ཁོང་ངའི་ངོ་ཤེས་ཡིན་པ་མ་ཟད་ངའི་སྟོད་ཉི་མ་ལྷ་ས་མཇལ་བའི་དབུས་རོགས་ཀྱང་ཡིན། ང་ཕ་ཡུལ་ཕྱིན་སྐབས་ཁོ་ལ་ངོ་ཐུག་བྱུང་བ་མ་ཟད། རྗེས་ནས་ཁོང་གི་སྐོར་ལ་སྒྲུང་ཡང་མང་པོ་ཞིག་གོ་བྱུང་། ཐེངས་གཅིག་ཁོང་ཟི་ལིང་གི་སྨན་ཁང་ཞིག་ལ་ཕྱིན་སྐབས། རྒྱ་མིའི་མི་ཚང་སྐྱོ་བོ་ཞིག་གི་ནང་མི་རྣམས་གཅིག་གིས་གཅིག་ལ་འཐམ་སྟེ་ངུ་འབོད་བྱེད་བཞིན་པའི་གནས་ཚུལ་མཐོང་བ་དང་། ཁོང་གིས་སྐད་ཀྱི་དཀའ་ངལ་ལ་མ་བལྟས་པར་གནས་ཚུལ་ཅི་ཡིན་གྱི་སྐོར་སྐད་ཆ་དྲིས་ཤིང་རྒྱུས་ལོན་ཡང་ཡང་བྱས་ཏེ་ཤེས་པ་ལྟར་ན། རྒྱ་མིའི་མི་ཚང་དེའི་ནང་མི་ཞིག་ན་སྟེ་གཤགས་བཅོས་མ་བྱས་ན་ཤི་རྒྱུར་ངེས་འདུག་པ་དང་། གཤགས་བཅོས་བྱེད་པ་ལ་སྒོར་མོ་མ་འདང་བར་སྨན་ཁང་ནས་ཕྱིར་འབུད་རྩིས་བྱས་འདུག…

དེ་ལས་མང་བ་། “ཕ་ཡུལ་དུ་ཨོ་རྩལ་མཛད་སྒོར་བཅར་མཁན།” »

བླུན་པོ་གཡག་གི་སྙིང་རྩ་ཅན་རྣམས་གཡག་བཞིན་ངུར།། གླེན་པ་ལུག་གི་མགོ་བོ་ཅན་རྣམས་ལུག་བཞིན་འབའ།། མ་བརྟག་ཧོལ་རྒྱུག་བྱེད་ལ་གོམས་རྣམས་ཁྱི་བཞིནཟུག། ཚིག་གཅིག་ཡང་ཡང་སྐྱར་ཟློས་བྱེད་རྣམས་ནེ་ཙོ་བཞིན།། གྲྭ་བའི་སྙན་ངག་ཡིན་ཟེར་ཁ་ཕོ་འབྲུག་གྲགས་གྲགས།། ཚིག་གི་སྦྱོར་བར་བལྟས་ན་བྱིས་པས་རྡོ་བསྒྲིགས་བསྒྲིགས།། དཔྱད་ན་སྒྱུ་རྩལ་གྱིས་ཕོངས་མྱ་ངམ་ཐང་སླེབས་སླེབས།། མྱངས་ན་ཕྱུར་ཁུ་བཞིན་དུ་བྲོ་བ་སྐྱུར་སིལ་སིལ།། སྟག་སྨྱོན་སྟག་གིས་སོ་གཅིག་བརྒྱབས་པས།། ཀླུ་སྨྱོན་ད་བར་སྨྱོན་པ་ཆགས་འདུག། སྨྱོན་པའི་ཆིག་ལབ་རྫོགས་རྒྱུ་མེད་གི། སྨྱོན་པའི་སྐྱར་ཟློས་ཚར་རྒྱུ་མེད་གི།། མགོན་པོ་ཕྱག་གཉིས་ཕྱག་གཅིག་གཡུགས་ཏེ།། སྨྱོན་པའི་སྨྱོ་དེ་ཇེ་ཐུར་ཕྱིན་འདུག། མདའ་ཚན་དེ་རིང་སྙིང་རྗེ་སྐྱེས་ཏེ།།…

དེ་ལས་མང་བ་། “ཁ་བརྡ་གྲུ་ཁང་གི་རྩོད་རྙོག” »

ཕོ་རྣམས་མོ་ལ་དགའ་ཞིང་བྱམས་བ་བཞིན།། མར་གྱུར་སེམས་ཅན་ཀུན་ལ་བྱམས་པར་ཤོག། མོ་རྣམས་ཕོ་ལ་དགའ་ཞིང་བརྩེ་བ་བཞིན།། མར་གྱུར་སེམས་ཅན་ཀུན་ལ་བརྩེ་བར་ཤོག།