མི་ཞུན། ལྦར་ནཱ།
དྲ་གྲོགས་རྣམ་པ། ངས་ཁྱེད་ཚོ་ལ་དྲི་བ་ཞིག་འདྲི། དོལ་ཚོགས་ལ་འབྲེལ་ཐག་གཅོད་པའི་མནའ་སྐྱེལ་དམ་འབུལ་གྱི་ཚ་རླབས་འཕྱུར་དུས་ཤིག་ལ། ཁྱེད་ཀྱི་ཆེས་དགའ་བའི་སྙིང་ལོ་མ་དེ་དོལ་རྒྱལ་བསྟེན་མཁན་གྱི་མི་ཞིག་གི་བུ་མོ་ཡིན་དང་ན། ཁྱེད་ཀྱིས་ཅི་ཞིག་བྱེད་རྒྱུ་ཡིན་ནམ།
དེ་ལས་མང་བ་། “ལྷ་འདྲེ་ཡི་གཏོར་བརླག་གི་ཁྲོད་ན་ཡོད་པའི་བདག་གི་བོད།” »
གཡུ་དྲུག་དཀར། ས་རཱ།
ང་རང་ད་ལྟ་བར་མཚམས་ཆེན་པོ་ཞིག་ན་ཡར་འགྲེང་ཡོད། བར་མཚམས་འདི་དེ་འདྲའི་དཀའ་སྡུག་ཆེ་བའི་བར་མཚམས་ཤིག་མིན་ཡང༌། བར་མཚམས་འདི་ང་རང་དགེ་རྒན་ཡིན་མིན་གྱི་བར་མཚམས་ཡིན་པས། བར་མཚམས་འདི་ནས་ངས་རང་ཉིད་སྔར་དགེ་རྒན་ཡིན་པའི་གནས་སྐབས་ཡང་ཡང་དྲན་སོས་ཤིང༌། ད་ལྟ་དགེ་རྒན་མིན་ཡང་དགེ་རྒན་འོས་སྦྱོང་བྱེད་བཞིན་པའི་གནས་སྟངས་ལ་བསམ་ཤེས་དང༌། མ་འོངས་པར་སླར་ཡང་དགེ་རྒན་ཡིན་པའི་དུས་སྐབས་ཤིག་འབྱུང་རྒྱུ་ཡིན་པའང་གསལ་བོར་རྟོགས་ན། ང་ལ་མཚོན་ན་བར་མཚམས་འདི་ཇི་འདྲའི་བར་མཚམས་ཆེན་པོ་ཞིག་ཡིན་ཨང༌།
དེ་རིང་གི་ཀུན་གླེང་ཐོག་ན། བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་དང་ཀུན་གླེང་ལེ་ཚན་གཙོ་སྐྱོང་བ་རྡོ་རྗེ་ཚེ་བརྟན་ལགས་གཉིས་ཀྱིས་བོད་དོན་འཐབ་རྩོད་ཀྱི་ཐབས་ལམ་སྐོར་ལ་བགྲོ་གླེང་བྱེད་ཀྱི་འདུག ཐབས་ལམ་གྱི་དམིགས་ས་ཁག་ནི་དབུ་མའི་ལམ་དང་བོད་རང་བཙན། རང་ཐག་རང་གཅོད་བཅས་རེད། གཤམ་གྱི་འབྲེལ་ཐག་བརྒྱུད་བལྟ་ཉན་བྱེད་རོགས། http://www.voanews.com/tibetan/video.cfm
རིག་འབྱུང་དོན་གྲུབ་བཀྲ་ཤིས། ཡོ་རོབ།
ཁ་སྔོན་རྒྱ་རིགས་རྩོམ་པ་པོ་ལྦང་ལི་ཞུང་རྡ་སར་སླེབས་པའི་སྐབས་སུ། ཚོགས་ཐོག་ཏུ་བྱེས་བཞུགས་བོད་རིགས་རྩོམ་པ་པོ་ལྔས་ཁོང་ལ་ཡིག་ཐོག་ནས་ངོ་རྒོལ་ཞིག་བྱས་བའི་གནས་ཚུལ་དེ་གོ་ཐོས་བྱུང་། སྐབས་དེར་འོད་ཟེར་ལགས་དང་མཉམ་དུ་དྲ་ཐོག་ནས་གླེང་མོལ་ཐུང་ཐུང་ཞིག་བྱུང་། སྐབས་དེ་དུས་ཁོ་མོས་ངེད་ལ་འདི་འདྲ་ཞིག་གསུངས་སོང་། “ཐོག་མའི་ཆར་དོན་མེད་དུ་ཉེས་འཛུགས་བྱས་བའི་གནས་ཚུལ་དེ་གོ་དུས་སེམས་ཅུང་ཙམ་མི་སྐྱིད་པ་ཆགས་སོང་མོད། རྗེས་སུ་དེ་ནི་ཉམས་མྱོང་ཞིག་རེད་བསམ་ནས་བསྡད་ཡོད་”ཟེར། དེའི་རྗེས་སུ་བདུན་ཕྲག་འགར་བསྐྱར་དུ་གླེང་མོལ་བྱེད་པའི་ཆུ་ཚོད་མ་བྱུང་།
ཁ་སང་ཁོ་མོའི་རྩོམ་ཡིག་མང་གཙོར་ཀུན་སྤྱོད་ཀྱི་ཚོད་འཛིན་ཞིག་ཡོད་པ་རེད་ཞེས་པ་དེ་བྐླགས་པའི་རྗེས་སུ་བསྐྱར་དུ་དྲ་ཐོག་ནས་གླེང་མོལ་ཞིག་བྱས་བ་ཡིན།
དེ་ལས་མང་བ་། “བུད་མེད་རྩོམ་པ་པོ་ཚེ་རིང་འོད་ཟེར་ལགས་དང་གླེང་མོལ་བྱུང་བ།” »
ཚེ་རིང་སྐྱིད།
རྡ་སའི་གནམ་གཤིས་འགྱུར་ལྡོག་ཤིན་ཏུ་རྒོད་པའི་དུས་དེར་སླེབས་འདུག་ལ། བསྟུད་མར་ཟླ་གསུམ་ལ་ཆར་བ་ཉིན་རྒྱུན་བཞིན་འབབ་སྲོལ་ཡོད་པ་མ་ཟད། སྔ་དགུང་གཉིས་ལ་རི་ལུང་གང་སར་སྨུག་པ་ལང་ལོང་དུ་འཕྱུར་སྲོལ་ཡང་འདུག་པས། རྣམ་པ་འདི་དག་གིས་ངས་ཡུལ་ལྗོངས་འདི་ནི་མཛེས་པ་ཁྲི་སྟོང་གིས་ཕྱུག་པའི་ཆུ་མཚོན་རི་མོ་ཞིག་དང་འདྲ་བར་རློམ་གྱིན་ཡོད། ཡིན་ཡང་དུས་ཚིགས་འདིའི་ཁྲོད་ཀྱི་བུ་མོ་གཞོན་ནུ་མ་འདིའི་གནས་ཚུལ་གོ་བ་དང་བདག་གི་མིག་ཆུ་ཡང་ཆར་ཆུ་བཞིན་བབ་བྱུང་།
《རྩོམ་ཡིག་འདི་འོད་ཟེར་གྱི་གླེང་སྟེགས་ཞེས་པ་ནས་ཨེ་ཤ་ཡ་རང་དབང་རླུང་འཕྲིན་ཁང་གི་གསར་འགོད་པ་སྒྲོལ་དཀར་ལགས་ཀྱིས་ཐད་ཀར་སྐད་སྒྱུར་བྱས་པ་ཞིག་རེད།》
དེ་ཡང་འོད་ཟེར་ལགས་ཀྱིས་བརྗོད་པར། དྷ་རམ་ས་ལར་ཝང་ལིའི་ཞུང་ལ་ངོ་རྒོལ་བྱས་པ་ཟེར་བའི་རྒྱ་ཡིག་ཐོག་ཕབ་སྒྱུར་བྱས་པའི་གནས་ཚུལ་ཞིག
དྲ་རྒྱའི་སྟེང་ཐོན་ཡོད་པ་དང་། ཡང་ངོ་རྒོལ་བྱས་པ་དེ་དྲ་རྒྱའི་སྟེང་ཡོང་མཁན་གྱི་ཕྱི་ནང་བོད་པས་བརྩི་བཀུར་དངསྟོད་བསྔགས་ཐོབ་ཡོད་པ་རེད་ཅེས་བརྗོད་འདུག ཝང་ལི་ཞུང་གི་གཟའ་ཟླ་བོད་མི་ཞིག་ཡིན་པའི་ངོས་ནས། དང་ཐོག་གུས་མོས་གནས་ཚུལ་དེ་ཡོང་གྲགས་བྱེད་འདོད་མ་བྱུང་། ཡིན་ནས་རྒྱུན་དུ་བོད་ལ་རྒྱབ་སྐྱོར་བྱེད་མཁན་གྱི་རྒྱ་རིགས་གྲོགས་པོ་ཁག་གཅིག་གིས་གཅིག་རྗེས་གཉིས་ངང་གུས་མོར་གནས་ཚུལ་དེའི་སྐོར་ལ་སྐད་ཆ་འདྲི་མཁན་བྱུང་བས། གལ་ཏེ་གང་ཡང་མ་བརྗོད་པ་ཡིན་ན། དེ་ལས་ལྡོག་པའི་གོ་ནོར་མང་པོ་ཐེབས་རྒྱུ་དང་། མཐའ་ན་བཙན་བྱོལ་བོད་ཀྱི་རྣམ་པ་ཡང་ཕན་ཐོགས་མེད་པ་མཐོང་ནས་ངེས་པར་དུ་གུས་མོའི་ལྟ་ཚུལ་དེ་ཡོངས་གྲགས་ངང་བརྗོད་ཀྱི་ཡིན།
དེ་ལས་མང་བ་། “མང་གཙོར་ཀུན་སྤྱོད་ཀྱི་ཚོད་འཛིན་ཞིག་ཡོད་པ་རེད་།” »
ཆུ་སྐྱེས་སྒྲོལ་མ།
དེ་སྔོན་ང་རང་ལ་བོད་དུ་གཉེན་འཕྲད་དུ་བསྐྱོད་རྒྱུའི་གོ་སྐབས་ཞིག་བྱུང༌། སྐབས་དེ་དུས། རྒྱུ་མཚན་གསུམ་གྱིས་ང་རང་མང་དུ་ངུ་བཅུག་བྱུང༌།
ཐེངས་དང་པོ་ང་རང་འགྲམ་གྱི་འགག་སྒོའི་འཁྲིས་ལ་སླེབས་དུས། རྒྱ་དམག་དང་རྒྱ་རིགས་ཚོང་པ་ཕོ་མོ་རྒན་གཞོན་མང་པོ་ཞིག་མིག་ལམ་དུ་མངོན་དུས། སེམས་ནང་ཞེད་སྣང་དང་དངངས་སྐྲག་ཅིག་ཅར་དུ་སྐྱེས་ནས་མིག་ཆུ་ཤོར་སོང༌། དེ་ནི་དབྱར་གྱི་ཆུ་རྫིང་བརྡོལ་བ་དང་གཅིག་མཚུངས་རེད།་
དེ་ལས་མང་བ་། “སྒྱིད་ལུག་གི་གྲོང་ཁྱེར་ལས་འཕྲོས་པའི་བསམ་ཚུལ་འགའ་གླེང་བ།” »
མི་ཞུན།
བོད་མི་རིགས་ཀྱི་སྐད་དང་ཡི་གེའི་སྲོག་གི་རྩ་བ་ལ་གནད་པའི་སྐད་ཆ་བཤད་རྒྱུའི་འགན་དབང་ནི་བོད་མི་ཡིན་ནོ་ཅོག་ཐམས་ཅད་ལ་འཁྲི་བར་ངེས་པའི་བྱ་བ་ཞིག་ཡིན་ན། མི་ཆུང་ང་ཡང་བོད་པ་ཞིག་ཡིན་པའི་ཆ་ནས་དང་ནམ་རྒྱུན་རང་གི་ཉིན་རེའི་འཚོ་བའི་ནང་དུ་བོད་ཡིག་སྤྱད་དེ་བོད་སྐད་འཆད་བཞིན་པའི་བོད་མི་སྐོར་ཞིག་གི་ཁྲོད་ན་འཚོ་ཞིང་གནས་བར་བསྡད་ཡོད་པའི་བོད་ཕྲུག་ཅིག་ཡིན་པའི་ཆ་ནས་བོད་སྐད་ལ་དུངས་ཤིང་བོད་ཡིག་ལ་ཞེན་པ་ནི་རང་གི་ཕ་དང་མ་ལ་དགའ་བའི་བརྩེ་སེམས་དང་འདྲ་འདྲའི་ཚོར་བ་ཡོད་མཁན་ཞིག་ཡིན། འདི་ལྟ་བུའི་བརྩེ་ཞེན་གྱི་དགའ་བ་ལ་གནོད་པའི་དུས་ནི་ངའི་སྙིང་གི་སྡིངས་ལ་གྲིས་བཙུགས་པ་ལྟ་བུ་དང་ངའི་སེམས་ཀྱི་དབུས་ནས་མེ་སྦར་བ་དང་འདྲ་བ་ལགས་ན། ཁ་སང་དེ་རིང་གི་བོད་ཀྱི་སྐད་དང་ཡི་གེའི་གནས་བབ་འདིས་ཀྱང་དེ་ལྟ་དེ་ལྟར་གྱི་ན་ཟུག་ཅིག་ང་དང་བོད་ཡིག་གི་ཞེན་ཁ་ཆེན་པོ་ཡོད་མཁན་གྱི་སྤུན་གྲོགས་དག་ལ་སྟེར་གྱི་ཡོད་འདུག།
དེ་ལས་མང་བ་། “གལ་ཏེ་བོད་ཀྱི་སྐད་ཡིག་ཡར་རྒྱས་ལ་གཏོང་དགོས་ཟེར་ན།” »
བདུད་ལྷ་རྒྱལ།
རྩོམ་རིག་གསར་པའི་ལས་ཀ་འདི་བོད་མི་སུ་ལ་མཚོན་ནའང་འཇུག་བདེ་བོ་ཞིག་མ་རེད། བོད་རང་གི་སྔར་ཡོད་ཀྱི་རྩོམ་རིག་གཞུང་ལུགས་དང༌། གསར་བྱུང་གི་རྩོམ་རིག་གཞུང་ལུགས་གཉིས་ཀྱི་འབྲེལ་བ་ནི་གཞི་མཐུན་ས་ལས་གཞི་མི་མཐུན་ས་མང་བས། ཐོག་མར་གསར་རྩོམ་དང་མྱོང་དཔྱོད་ཀྱི་སྟེང་ན་སྲོལ་རྒྱུན་གྱི་གེགས་རྐྱེན་ཆེན་པོ་ཞིག་ཡོད། དེའི་སྟེང་རྩོམ་རིག་གསར་བ་འདི་བོད་དུའང་ལོ་ངོ་ཉི་ཤུ་ལྷག་གི་སྔོན་ནས་ས་ཁྱབ་རྡོ་ཁྱབ་ཏུ་གྱུར་པ་ལྟར་སྣང་ཡང། འདིའི་ཆ་ཚང་བའི་གཞུང་ལུགས་ཀྱི་མ་ལག་དང་རིགས་པ་ཞིབ་མོ་དེ་ཅིས་ཀྱང་བོད་ཡུལ་དུ་ཟབ་རྒྱས་སུ་ཆགས་མ་ཐུབ་པས། རིག་པ་གསར་པ་འདིར་འཇུག་པར་ཚིག་རིས་ཙམ་གྱི་ངོས་ནས་དང།
བདེ་ཆེན་སྒྲོལ་མ།
ཁྱོད་སོང་ཤུལ་དུ།
ཁང་མིག་ཆུང་ཆུང་འདི་ལ་རླུང་ལྡང་སོང།
ནམ་རྒྱུན་དགོད་སྒྲའི་བཟུང་བའི་ཁང་མིག་ཆུང་ཆུང།
ཁ་སང་དེ་རིང་ཚེར་མའི་ཁེངས་པའི་ས་གཞིར་གྱུར་ཡོད།
བདེ་ཆེན་སྒྲོལ་མ།
༼རླུང་དམར་འུར་འུར༽་ཞེས་པའི་སྒྲུང་རིང་འདི་ནི་བོད་ནང་གི་བརྩམས་སྒྲུང་རྩོམ་མཁན་གྲགས་ཆེན་ཚེ་རིང་དོན་གྲུབ་ལགས་ཀྱི་སྒྲུང་རིང་ཨང་གསུམ་པ་དང། སྒྲུང་དེབ་འདི་ལ་སྔ་དུམ་དང་ཕྱི་དུམ་ཞེས་ཚན་པ་གཉིས་སུ་བགར་འདུག་ལ། ཚན་པ་དང་པོ་ཤོག་ངོས་དང་པོ་ནས་བརྒྱ་དང་གྱ་ལྔའི་བར་དང། ཚན་པ་གཉིས་པ་ཤོག་ངོས་བརྒྱ་དང་གྱ་དགུ་ནས་སུམ་བརྒྱ་གྱ་གཉིས་བར་ཏེ། བསྡོམས་ཤོག་གྲངས་སུམ་བརྒྱ་དང་གྱ་གཉིས་ཀྱིས་ཡོངས་སུ་གྲུབ་འདུག
དེ་ལས་མང་བ་། “ཚེ་རིང་དོན་གྲུབ་ཀྱི་སྒྲུང་རིང་༼རླུང་དམར་འུར་འུར།༽” »
རིག་འབྱུང་དོན་གྲུབ་བཀྲ་ཤིས། ཡོ་རོབ།
དབྱར་ཁའི་གུང་གསེང་དང་བསྟུན་ནས་ལས་ཀ་ཞིག་བཙལ་བ་དེ་རིང་གཞི་ནས་མཇུག་རྫོགས། ལས་ཀ་རྫོགས་ཚར་དུས། ཡང་བསྐྱར་ཕྱི་བསྐྱོད་ལག་འཁྱེར་དང་འབྲེལ་བའི་ཡིག་ཆ་ཁག་གི་ལས་ཀ་མགོ་བསླངས་སོང་།
ལས་ཀ་གཅིག་ཚར་ན་ལས་ཀ་གཞན་ཞིག་གིས་རྗེས་ནས་དེད་ཡོང་བ་འདི་སྐྱབས་བཅོལ་བ་ཚོའི་དཀའ་ངལ་ཞིག་རེད། ངེད་རང་སློབ་ཆེན་སློབ་མ་ཞིག་ཡིན་རུང་ཡིག་ཆའི་ལས་ཀ་ཞིག་ཀྱང་དུས་རྟག་དུ་རྒྱབ་ལ་འཁུར་ནས་སྡོད་དགོས་ཀྱི་འདུག དེར་བརྟེན། དོ་དགོང་རྒྱལ་སར་ཐོན་རྒྱུ་བྱས་བ་ཡིན། རྒྱལ་སར་ཡོད་པའི་བོད་ཀྱི་མི་ཚང་དེ་ལ་ཡང་ཁ་པར་སྟབས་བདེ་ཞིག་བཏང་།
ཡིག་ཆ་ཁག་བསྡུ་གསོག་བྱས་ཚར་རྗེས་ལག་འཁྱེར་གློག་ྐླད་དེའི་ཁ་ཕྱེས། སེམས་ལ་ཀུན་གླེང་ལེ་ཚན་དྲན། མགྱོགས་པར་ཀུན་གླེང་གི་ཐོག་ལ་སོང་། དེ་རིང་གི་བརྗོད་གཞི་ནི་རླབས་ཆེ་བའི་བོད་བསྐྱོད་པ་དོན་གྲུབ་དབང་ཆེན་གློད་བཀྲོལ་གྱི་ཞུ་འབོད་ཟེར་བ་དེ་རེད་འདུག དོན་གྲུབ་དབང་ཆེན་གྱིས་བཟོས་བའི་འཇིགས་བྲལ་ཞེས་བའི་གློག་བརྙན་དེར་ལོ་སྔོན་མར་བལྟ་རྒྱུ་བྱུང་།
དེ་ལས་མང་བ་། “རླབས་ཆེ་བའི་བོད་བསྐྱོད་པ་དོན་གྲུབ་དབང་ཆེན་དང་ཁོང་གི་ཆུང་མའི་མིག་ཆུ།” »
སྐར་ཆེན།
ང་ཡི་རྩ་བའི་བླ་མ་བསྟན་འཛིན་རྒྱ་མཚོ་དགུང་གྲངས་༧༤ལ་སླེབས་སོང་། ཡུལ་གྱར་བོད་མི་རྣམས་ཀྱིས་འཛམ་གླིང་གི་ས་ཕྱོགས་སོ་སོ་ནས་རྩ་བའི་བླ་མའི་འཁྲུངས་སྐར་སྲུང་བརྩི་བྱས།
འདི་ལོ་ནི་ང་ཡི་རྩ་བའི་བླ་མ་བཙན་བྱོལ་དུ་ཕེབས་ནས་ལོ་ངོ་ཧྲིལ་བོ་ལྔ་བཅུ་འཁོར་བའི་ལོ་རེད། ཡུལ་གྱར་བོད་མི་རྣམས་རྒྱའི་བཙན་འོག་ནས་བྲོས་དེ་ལོ་ངོ་ལྔ་བཅུ་འཁོར་བའི་ལོ་རེད།
བོད་མི་རྣམས་རང་གི་ཕ་ཡུལ་ལ་ལོག་མ་ཐུབ་པར་མི་ཡུལ་ལ་གྱར་ནས་བགྲང་བྱ་ལྔ་བཅུ་འགོར་བའི་ལོ་རེད། འདི་ལྟར་གཞིས་བ་རྣམས་ཀྱིས་བྱེས་ལ་སྒུག་ཅིང་བྱེས་བ་རྣམས་ཀྱིས་གཞིས་ལ་རེ་བཞིན་ལོ་ངོ་ལྔ་བཅུ་ཕྱིན་སོང་།
དེ་ལས་མང་བ་། “ང་ཡི་རྩ་བའི་བླ་མ་དགུང་གྲངས་༧༤ལ་ཕེབས་དུས། ང་ཡི་སེམས་ཀྱི་ཁུར་བོ་ལྗིད་ཀྱིས་མནན་སོང་།” »
རླངས་ཚང་བུ། མདོ་སྨད།
འབྲི་དྲུག་ནས་ཀྱི་སྙེ་མ་ཁྱིམ་ལ་བསྡུས།།
དཀར་གཙང་ཤིང་གི་མེ་ལྕེ་དགུང་ལ་མཆེད།།
སྔོན་མོ་ནས་འབྲུ་ཁྲ་ཆུང་ཡོས་ལ་བསྒྱུར།།
རྫ་ཆུ་ཡུར་ལ་དྲངས་ནས་རྩམ་པ་འཐག།
བོན་རྒྱ་བསྟན་འཛིན་རབ་རྒྱས།
སྐྱབས་ཡུལ་དགེ་འདུན་པར་རྟ་ལྕག་གིས་ཉེས་ཆད་གཅོད་བཞིན་པའི་ཐད་བཏོན་པའི་
ཐོག་མའི་བསམ་འཆར།
སྟོན་པ་ཏཱ་ལའི་བླ་མ་ལ་ཕྱག་འཚལ་ལོ།།
དང་པོར་སྙིང་རྗེས་ཀུན་ནས་བསླངས་པ་ཞིག །
བར་དུ་རྒྱུ་འབྲས་དཔང་པོར་བཅོལ་བ་ཞིག །
ཐ་མར་རིགས་པས་ཐག་གིས་བཅད་པ་ཞིག །
སྡུག་སྲོན་མིག་ཆུས་གཤེར་ན་ཞེ་རེ་ཕམ། །
༡ གླེང་གཞི།
ང་ཚོ་ནང་བ་སངས་རྒྱས་པ་ནི། སྤྱོད་པ་འཚེ་བ་མེད་པ་དང་ལྟ་བ་རྟེན་འབྱུང་བཀར་བཏགས་ཀྱི་ཕྱག་རྒྱ་ལ་གནས་པའི་ཆོས་ལུགས་པ་ཞིག་རེད་ལ། སྟོན་པ་ཐུགས་རྗེ་ཅན་ནསྋགོང་སྋསྐྱབས་མགོན་ཆེན་པོ་ལ་ཐུག་གི་བར་གྱི་འདུལ་བའི་མངའ་བདག་ཆེན་པོ་དག་དང༌། མཁས་གྲུབ་གསེར་རིའི་ཕྲེང་བ་ཚར་དུ་དངར་བ་དག་གིས་ཀྱང་འཚེ་བ་མེད་པ་ཕྱི་གསལ་ནང་གསལ་ཞིག་ཉམས་བཞེས་གནང་ནས་འོངས་པ་རེད། རྗེས་འཇུག་གདུལ་བྱ་ང་ཚོས་ཀྱང་ཁོང་དག་གི་རྨད་དུ་བྱུང་བའི་རྣམ་ཐར་ལ་གུས་འདུད་དང༌། ཉམས་ལེན་གང་ནུས་ཅི་ཐུབ་བྱེད་དགོས་པ་ནི། ང་ཚོའི་སྐྱེས་ཐོབ་ཀྱི་ཆོས་སུ་ལས་དབང་གིས་བཞེངས་པ་ཞིག་རེད། དེའི་ཕྱིར་དགེ་འདུན་གྱི་སྡེ་ལ་ཉེས་ཆད་གཅོད་པའི་ལམ་ལུགས་ལ་འཚེ་བ་མེད་པའི་དམ་ཚིག་དང་མི་འགལ་བ། དམ་ཆོས་འདུལ་བའི་དགོངས་དོན་དང་མི་འགལ་བ། ལམ་རིམ་བློ་སྦྱོང་གི་ཀུན་སྤྱོད་དང་མི་འགལ་བ་ཞིག་ངེས་པར་དུ་དགོས་མོད། ད་ལྟའི་གདན་ས་དག་ན་འདུལ་བ་དང་ལམ་རིམ་བློ་སྦྱོང་ན་མི་གསལ་ལ། ཐ་ན་གྲྭ་ཚང་རང་རང་གི་བཅའ་ཡིག་ནའང་མི་གསལ་ཞིང༌། འཚེ་བ་མེད་པའི་ཀུན་སྤྱོད་དང་གཏན་འགལ་དུ་གྱུར་བའི་སྒྲིག་ལམ་སྣ་ཚོགས་ཤིག་གིས། དགེ་འདུན་པར་ཉེས་ཆད་གཅོད་བཞིན་ཡོད་པས། འདི་ལ་ངེས་པར་དུ་ལས་ཀྱི་སྣེ་མོ་བ་དག་གིས་བསམ་ཞིབ་ནན་ཏན་དང༌། དུས་རབས་འགྲོས་བསྟུན་གྱིས་མགྱོགས་མྱུར་ངང་བསྒྱུར་བཅོས་གཏོང་དགོས་པ་ཞིག་རེད།
བདེ་ཆེན་སྒྲོལ་མས་(བོད་ཀྱི་ནང་ཆོས་ངོ་སྤྲོད་སྙིང་བསྡུས་)ཞེས་པ་ལས་བཤུས།
གསལ་བཤད། (བར་སྐབས་ཤིག་ནས་དྲ་གྲོགས་ཨ་ཁུ་བོན་རྒྱ་ལགས་གཙོ་བྱས་པའི་དྲ་བ་མང་པོ་ཞིག་གིས་བོད་ནང་གི་ཤེས་ཡོན་ཅན་སྐུ་ཞབས་ཞོགས་དུང་གཙོ་བྱས་པའི་ཁོང་དང་དཔུང་རྡང་གཅིག་པའི་དུས་རབས་ཀྱི་མི་བུ་མང་པོ་ཞིག་ལ་ཤེས་དང་མ་ཤེས་བའི་ཚད་ནས་མི་རིགས་དང་རིག་གཞུང་ལ་ཤ་ཚ་མེད་པ་ཟེར་བ་སོགས་ཀྱི་གཞི་མེད་ཀྱི་སྐྱོན་བརྗོད་མང་དུ་བྱུང་སོང་བས་བདག་གིས་ཆེད་དུ་༸གོང་ས་མཆོག་གི་བཀའ་རྩོམ་ཐུང་ངུ་འདི་ྐློག་མཁན་དག་གི་སྤྱན་སྔར་བཤམས་པ་ཡིན།)
དྲི་བ། ཞོགས་དུང་སོགས་བོད་ནང་གི་གཞོན་སྐྱེས་ཁག་ཅིག་གིས་བོད་མི་རིགས་ཡར་རྒྱས་འགྲོ་བར་ནང་པའི་ཆོས་ཀྱིས་འགོག་རྐྱེན་བྱེད་ཀྱི་ཡོད་ཚུལ་བརྗོད་བཞིན་འདུག་པས་༸གོང་ས་མཆོག་གིས་དེའི་ཐོག་ལ་བཀའ་སློབ་ཅིག་གནང་རོགས་གནང་།
བཀའ་ལན།
དེར་ཁག་མེད། དེང་སང་འཛམ་གླིང་འདིའི་སྟེང་མི་རིགས་ཀྱི་ཐོབ་ཐང་དང་། མི་རིགས་ཀྱི་ལྟ་བ་ཤུགས་ཆེ་རུ་འགྲོ་གི་ཡོད་ཅིང་དེ་ཡག་པོ་རེད།
ངས་ངོ་ཤེས་པའི་བོད་རིགས་གུང་ཁྲན་ཏང་ཡོན་དཔེར་ན་འབའ་པ་ཕུན་ཚོགས་དབང་རྒྱལ་གྱིས་མཚོན་མང་པོ་ཞིག་ཆོས་ལ་དད་པ་མེད། ང་ཚོ་སྔ་མོ་ཕྱི་ལོ་ཆིག་སྟོང་དགུ་བརྒྱ་ལྔ་བཅུ་ང་གཅིག་ང་གཉིས་ནས་ངོ་ཤེས་པ་རེད། ཆོས་ལ་དད་པ་མེད་ཀྱང་མི་རིགས་ཀྱི་ལྟ་བ་ཧ་ལས་པ་ཞིག་ཡོད། མདོར་ན་མི་རིགས་ཀྱི་ཐོབ་ཐང་རྩོད་པ་སོགས་ཧ་ལས་པ་བྱས་ཡོད། དེར་བརྟེན་མི་རིགས་ཀྱི་ལྟ་བ་ཧ་ཅང་ཤུགས་ཆེན་པོ་ཡོད་པ་རེད། དེ་འདྲའི་ཐོག་ནས་གང་དྲག་བསམ་པ་ལྟ་བུ་ཞིག་སེམས་ནང་ངར་ཤུགས་ཆེན་པོ་ཡོད་པའི་སྐབས། སྐབས་རེར་ང་ཚོ་དེ་སྔ་ཆོས་ཀྱིས་སྐྱོབ་ཐུབ་མི་འདུག་བསམ་པའི་བསམ་བློ་འཁོར་བ་ཡོང་སྲིད་པ་ཞིག་རེད།
གཉིས་ནས་ང་རང་ཚོའི་དགོན་པ་བླ་བྲང་ཞེས་པ་དེ་དག་གི་ཐོག་ནས་བྱེད་སྟངས་ལྟ་བུ་ནོར་ཡོད། བཅོམ་ལྡན་འདས་ཀྱི་དགོངས་པ་དང་མཐུན་པ། དངོས་གནས་ཆོས་བཞིན་འདུལ་བ་བཞིན་ཡག་པོ་ཞིག་མེད་པའི་ཐོག་ནས་ཁ་སང་ངས་ལ་དྭགས་པའི་གནས་ཚུལ་ཞིག་བརྗོད་པ་ལྟ་བུ་རེད། དེ་ལྟ་བུས་ཀྱང་རྐྱེན་བྱེད་ཀྱི་མེད་དམ་བསམ་གྱི་འདུག
དེ་ལས་མང་བ་། “ཞོགས་དུང་སྐོར་གྱི་དྲི་བ་དང་༸གོང་ས་མཆོག་གི་བཀའ་ལན།” »
རིག་འབྱུང་དོན་གྲུབ་བཀྲ་ཤིས། ཡོ་རོབ།
༢༠༠༧ལོའི་ཟླ༥པའི་ཚེས་༢༣ཉིན་བྲིས།
ངའི་རྨོངས་འཆར།
ད་ནི་འདས་སོང་གི་མི་ཚེ་ལ་ཕྱིར་དྲན་རེ་བྱས་ན། ས་མཐར་སླེབས་ནས་མི་ལོ་བརྒྱད་ཙམ་ཕྱིན་སོང༌། མི་ལོ་བརྒྱད་འདི་ཡང་ཕར་དེད་ན་སྐྱབས་བཅོལ་གྱི་ལོ་ཟླ་རེད། སྐྱབས་བཅོལ་གྱི་ལོ་ཟླ་འདི་ཡང་མངར་སྐྱུར་འདྲེས་མའི་འཚོ་བ་མོག་མོག་ཅིག ད་དུང་ལོ་ངོ་ཅི་ཙམ་ཞིག་ལ་ས་མཐའ་ནས་མི་ཚེ་བསྐྱལ་དགོས་སམ། གཅིག་བྱས་ན་ངའི་མ་འོངས་ཁྱིམ་གཞི་ས་མཐའ་ནས་འཛུགས་དགོས། ངའི་མ་འོངས་བུ་ཕྲུག་རྣམས་ཀྱང་ས་མཐའ་ནས་འཚར་ལོངས་འབྱུང་དགོས་པ་འདྲ། ད་ཅི་དྲགས། རང་བཙན་དང་རང་དབང་ཤོར་བའི་རྒྱལ་ཁབ་ཅིག་གི་མི་སེར་ལ་མཚོན་ན། བདེ་སྐྱིད་དང་ལྷིང་འཇགས། མདུན་ལམ་དང་ཕུགས་བསམ་ཟེར་བ་འདི་ཚོ་གང་ནས་འཚོལ་དགོས་པ་དང་གང་དུ་ཉར་དགོས་སམ། བོད་རྒྱ་ཞི་མོལ་འདི་མ་བྱུང་ན། ངའི་མི་ཚེ་གང་ནས་བསྐྱལ་དགོས་སམ། ངའི་མདུན་ལམ་གང་དུ་འཐེན་དགོས་སམ། ཐ་ན་ངའི་ཕུགས་བསམ་འདི་ཡང་བོར་བརླག་ཏུ་འགྲོ་ཉེན་འདུག ད་དུང༌། ད་དུང་ང་རང་གནས་སྡོད་བྱེད་སའི་བོད་པའི་སྤྱི་ཚོགས་འདི་ཡང་རྒྱ་མཚོའི་རླབས་རིས་ཇི་བཞིན་གཡོ་སྐྱོམ་ཇེ་ཆེ་ནས་ཇེ་ཆེ་རེད།
དེ་རིང་ནས་ཡར་བརྩིས་ན་བོད་རང་དབང་རང་བཙན་ཤོར་ནས་མི་ལོ་བཞི་བཅུ་ཞེ་བརྒྱད། རྒྱ་ནག་གིས་བོད་བཙན་བཟུང་བྱས་ནས་མི་ལོ་ཞེ་བརྒྱད། བོད་མི་རྣམས་སྐྱབས་བཅོལ་ལ་སླེབས་ནས་མི་ལོ་ཞེ་བརྒྱད་བཅས་ཕྱིན་ཚར་བ་རེད། བརྒྱུད་རིམ་འདིའི་ནང༌། ྋགོང་ས་མཆོག་གི་དགོངས་གཞི་དབུ་མའི་ལམ་ལ་བརྟེན་ནས་བོད་རྒྱ་ཞི་མོལ་ཡོང་ཐབས་སུ་འབད་བརྩོན་མི་ལོ་ཉེར་བརྒྱད་བྱས་ཚར་བ་མ་ཟད། ཐོག་མར་སྐྱབས་བཅོལ་དུ་སླེབས་མཁན་བོད་མི་ཕལ་མོ་ཆེ་རྫོགས་ཚར་བ་མ་ཟད་ཁོང་ཚོའི་ཚ་བོ་ཚ་མོ་དག་ཀྱང་ད་ལྟ་བཙན་བྱོལ་བོད་མི་རྒན་གྲས་ཀྱི་གྲངས་རེད། ད་ནི་ང་ཚོ་བཙན་བྱོལ་གྱི་མི་རབས་གསུམ་པ་ཆགས་གྲབས་འདུག་ལ། བོད་རྒྱ་ཞི་འགྲིག་འདི་མ་བྱུང་ན་ང་ཚོ་ཡང་ས་མཐའ་ནས་རྒས་ཀྱི་ཡིན་པ་ཉག་ཅིག་རེད། འོ་ན། བོད་རྒྱ་ཞི་འགྲིག་བྱུང་ཡོད་དམ། ད་དུང་ཡང་བྱུང་མེད། དེ་མ་ཡོང་བ་ཡང་ཕུགས་དེད་ན་ཕར་ཚུར་གཉིས་ཀ་ལན་པ་རེད་མ་གཏོགས་ཕྱོགས་གཅིག་ལ་ཁག་དཀྲི་ས་མེད།
ད་ནི་བོད་རྒྱ་ཞི་མོལ་གྱི་སྐོར་ལ་རང་གི་རྨོངས་འཆར་འགའ་གླེང་བརའདོད།
དེ་ལས་མང་བ་། “བོད་རྒྱ་འབྲེལ་མོལ་གྱི་ལམ་བུར་འཁྱུག་ཙམ་བལྟ་བ།” »
གཤམ་གྱི་སྦྲེལ་ཐག་གོང་མ་དེ་ནི་འཁྲབ་གཞུང་རྩོམ་པ་པོ་དང་ཁོང་གི་གློག་བརྙན་འཚོལ་སྐོར་གྱི་གནས་ཚུལ་རེད། དེ་ཞིབ་ཏུ་ྐློག་རོགས། ཁོམ་པ་ཡོད་མཁན་འདྲ་ཡོད་ན་བོད་ཡིག་ཏུ་བསྒྱུར་ནས་དྲ་ཐོག་ལ་འཇོག་རོགས། སྦྲེལ་ཐག་འོག་མ་དེ་ནི་གློག་བརྙན་འཚོལ་གྱི་བྱུང་བ་མདོར་བསྡུས་ཞིག་རེད། གློག་བརྙན་དེའི་སྣང་བརྙན་ཧྲིལ་བོའི་ཟུར་ཙམ་དེ་ནས་བལྟ་ཐུབ་པ་འདུག http://www.npr.org/templates/story/story.php?storyId=106089201&from=mobile http://v.youku.com/v_show/id_XMTAwODE0MDM2.html
ཕ་ཡུལ།
ཚིག སྨན་བླ་སྐྱབས།
དབྱངས། སྒྲོལ་མ་སྐྱབས།
ལེན་མཁན། སྒྲོལ་མ་སྐྱབས།
སྲིད་པའི་གངས་རི།
ས་ཆེན་མཁའ་ལ་འཕགས་པའི་གཤོག་པ།
སུ་ཡི་རྨི་ལམ་གང་ལ་འཁྱེར་སོང་།
ག་རེ་ལུས་སོང་།
སུ་ཡི་ལྷམ་ཆུང་རླུང་གིས་ཟད་སོང་།
རང་ཡུལ་དྲན་སོང་།
ཨོ་་ ཧོ། གངས་རི།
སྐྱེས་དུས་མིག་ལ་ཐོགས་པའི་གངས་རི།
རྒས་དུས་ཞེ་ལ་ཐོགས་པའི་གངས་རི།
ཨོ་ ཧོ་། ཕ་ཡུལ།
ས་མཐའི་ཁ་བ་ཆར་དུ་གྱུར་སོང་།
ཆར་ཆུ་མིག་ལ་འཁྱིལ་སོང་།
ཕ་མ་སྤུན་མཆེད་སྙིང་ནས་དྲན་བྱུང་།
ཨོ་ ཧོ། ཡུལ་ལ་ལོག་ན་བསམ་བྱུང་།
དེ་ལས་མང་བ་། “བོད་རིགས་གཞས་པ་གྲགས་ཅན་སྒྲོལ་མ་སྐྱབས་ཀྱི་གླུ་གཞས་ཕ་ཡུལ་དང་རྩམ་པ་གཉིས།” »
གཟའ་པ་སངས་ཉིན་ལས་ཀ་གྲོལ་རྗེས། ངེད་རང་གནས་ཚང་དང་མཉམ་དུ་སྤྲོ་གསེང་ཞིག་ལ་འགྲོ་རྒྱུ་བྱས་བ་ཡིན། ཐེངས་འདིར་ངེད་ཀྱི་འདོད་མོས་བཞིན།
ང་ཚོ་གྲོང་ཁྱེར་ནས་་སྤྱི་ལེ་སྟོང་ཕྲག་གི་ལམ་ཐག་གིས་ཆོད་པའི་རི་འདབས་ཤིག་ལ་སོང་། རི་ཚོགས་དང་ནགས་ཚལ། མཚེའུ་དང་གངས་རི་བཅས་མཐོང་ས་ཞིག་ལ་ཕྱིན།
ངེད་རང་རི་མཐོན་པོའི་སྒང་ལ་བུད་དེ་ཐག་རིང་གི་ཁ་བའི་རི་ཚོགས་ལ་རྒྱང་བལྟ་བྱས། ཐག་རིང་གི་ཕ་ཡུལ་ཕྱོགས་སུ་རྒྱང་བལྟ་བྱས། ཕ་ཡུལ་དྲན་པའི་དྲན་ཐོ་ལྟ་བུར་འདྲ་པརའགའ་དྲ་ངོས་སུ་བཞག་པ་ཡིན།