བཀྲ་ཤིས་བདེ་ལེགས།
ང་ཚོས་བོད་མི་དང་བོད་དོན་རྒྱབ་སྐྱོར་བ་ཚོ་དྲ་ཐོག་ཏུ་བདེ་འཇགས་དང་ཉེན་སྲུང་ཡོད་པའི་སྒོ་ནས་གནས་ཐུབ་ཆེད་འབད་བརྩོན་བྱེད་བཞིན་པའི་ལས་འགུལ་གྱི་ཆ་ཤས་ལྟ་བུར། སྐད་འཕྲིན་སྐོར་གྱི་བརྙན་ཐུང་འདི་ཚང་མར་གཟིགས་འབུལ་ཞུ་གི་ཡོད།
འབྲེལ་ཐག https://www.youtube.com/watch?v=-utq9znzGrU&feature=youtu.be
དེ་ལས་མང་བ་། “སྐད་འཕྲིན་བེད་སྤྱོད་མ་བཏང་སྔོན་ལ་བསྐྱར་དུ་བསམ་བློ་ཐོངས། ” »
འཇིགས་མེད་ནུབ་པ།
བོད་ཀྱི་དེང་རབས་རི་མོའི་སྒྱུ་རྩལ་ནི། བོད་ལ་སྒྱུ་རྩལ་གྱི་ཁྱབ་ཁོངས་མང་པོ་ཡོད་པའི་ཁྲོད་ནས་འཛམ་གླིང་གི་སྒྱུ་རྩལ་སྟེགས་བུར་སྙེག་ཐུབ་མཁན་དེ་ཡིན་ཞིང་། ལྷག་པར་དུ། ཉེ་བའི་ལོ་ཤས་ནང་དུ་བོད་ཀྱི་དེང་རབས་རི་མོའི་སྒྱུ་རྩལ་ལ་རྒྱལ་སྤྱིའི་ཐོག་ན་ཉོ་མཁན་དང་བཙོང་མཁན། དོ་སྣང་སྤྲོད་མཁན་གསུམ་ཀ་ཇེ་མང་དུ་འགྲོ་བཞིན་ཡོད་ལ། བསྟན་འཛིན་རིག་གྲོལ་དང་གོང་དཀར་རྒྱ་མཚོ་གཉིས་ནི་བོད་ཀྱི་དེང་རབས་རི་མོའི་སྒྱུ་རྩལ་གྱི་མདུན་གྲལ་བ་གཉིས་ཡིན།
དེ་ལས་མང་བ་། “བསྐྱར་དུ་འཛམ་གླིང་ལ་དབུ་འཁྱུད་ཅིག་བྲིས་སོང་།” »
རིག་འབྱུང་དོན་གྲུབ་བཀྲ་ཤིས།
ང་ཕ་ཡུལ་དང་ཁ་བྲལ་ནས་ལོ་ངོ་བཅུ་བཞི་ལྷག་འགྲོ་གི་འདུག ལོ་ངོ་བཅུ་གྲངས་འདིའི་རིང་ལ་རྒྱུན་དུ་སེམས་ལ་དྲན་པ་དང་འཁོར་བ་ནི། རང་གི་ཕ་མ་དང་སྤུན་མཆེད། ཆུང་དུས་ཀྱི་རྩེད་གྲོགས་བཅས་རེད། ང་ཚོར་ཡིག་ཐོག་གི་འབྲེལ་བ་མ་གཏོགས་ཐུག་འཕྲད་ཀྱི་གོ་སྐབས་མེད། ཐུག་འཕྲད་ཀྱི་གོ་སྐབས་ཤིག་ཡོང་ན་བསམ་པ་དེ་ངའི་རྨི་ལམ་ཡིན། རྨི་ལམ་དེ་ལ་སྣེ་གཉིས་ཡོད་ཅིང་སྣེ་གཅིག་ཏུ་ངའི་ནང་མི་དང་སྣེ་གཞན་དུ་ང་ཡོད་།
དགུ་རོང་སྤུན་གྲོལ།(བོད།)
སྲིད་དོན་དཔྱད་བརྗོད་ལ་ཅིས་ཀྱང་གནས་ཚུལ་ཡོང་ཁུངས་དགོས་པས་རྩོམ་འདི་བྲི་བར་འབྲས་རྟགས་ལ་སྒུག་ནས་ཟླ་ངོ་དྲུག་འགོར་སོང་། ཡིན་ཀྱང་། ཡིད་ཚིམ་པ་ཞིག་བྱུང་མ་སོང་།
དབྱིན་ཇིའི་ལོ་རྒྱུས་སྨྲ་པ་ལོར་ཏི་ཨ་ཀི་ཀྲིན་གྱིས“སྤྱིར་དབང་ཆས་རུལ་སུངས་བསྐྱེད་པར་མཐུན་རྐྱེན་བྱེད་ཅིང་། སྒོས་སུ་ལྟོས་མེད་དབང་ཆས་རུལ་སུངས་བསྐྱེད་པ་ནི་གཟུར་དུ་མེད་པས། དབང་འཛིན་པ་དག་ནི་ཧ་ལམ་རྒྱུན་པར་རུལ་པའི་མི་རུ་གྱུར་ཡོད”
དེ་ལས་མང་བ་། “པེ་ཅིན་ན“གཙང་ཕྱགས”ཀྱི་རྡུལ་འཚུབ་ཅིང་རྡ་ས་ན“གཙང་བཟོ”ཡི་གར་འཁྲབ།” »
ལྗང་གཞོན།
“མཚམས་རེར་དམངས་གཙོ་ནི་རང་ཉིད་ཀྱི་མགོ་བོ་གནོན་མཁན་གྱི་སྲིད་དབང་སྒེར་སྤྱོད་པ་འདེམས་འཇུག་པའི་ལམ་ལུགས་ཤིག་ཡིན། ཁྱེད་ཀྱིས་འོས་འདེམས་བྱས་ཟིན་རྗེས་ཁོ་ཚོས་མང་ཚོགས་ཁ་ལ་ཁྱེར་ནས་རང་ཉིད་སྟོབས་དང་ལྡན་པར་བྱེད། ” -ཨ་ལན་ཀཱོ་རེན།
ང་ཚོ་བོད་མི་རིགས་འདི་ཉིད་མཐོ་སྒང་དུ་དུས་ནམ་ཞིག་དང་ཚུལ་ཇི་ལྟར་འཚོ་གནས་བྱས་པའི་ཐོག་མའི་བྱུང་བ་ནི་ལོ་རྒྱུས་སྨྲ་བ་དང་གནའ་རིག་བརྟག་དཔྱད་པ་སོགས་སོ་སོར་རིག་པས་འདེད་ཚུལ་མ་འདྲ་བ་དང་དཔྱད་སྟངས་སྣ་ཚོགས་པ། སྡོམ་ཚིག་མི་འདྲ་བ་གྲངས་ལས་འདས་པ་ཞིག་མཆིས་ཀྱང་།
དེ་ལས་མང་བ་། “དབང་འཛིན་པའི་ཞབས་འོག་གི་བཙན་བྱོལ་བོད་མིའི་དམངས་གཙོ།” »
འཇིགས་མེད་ནུབ་པ།
སློབ་མཐར་ཕྱིན་རྗེས།
ང་མཐོ་སློབ་མཐར་ཕྱིན་རྗེས་ནེའུ་ཡོག་ལ་སོང་། ནེའུ་ཡོག་ཏུ་ང་ལ་ཨ་མདོའི་ངོ་ཤེས་གྲོགས་པོ་ཞིག་ཡོད་ཅིང་ཁོང་གི་མིང་ལ་འབུམ་སྐྱབས་ཟེར། ངེད་གཉིས་ཕན་ཚུན་ལ་ཆ་རྒྱུས་ཆེན་པོ་མེད་ན་ཡང་། ཁོང་དང་པེ་ཅིང་དུ་ཡོད་པའི་ངའི་ཨ་ཁུ་གཉིས་གྲོགས་པོ་བློས་ཐུབ་ཡིན། ཁོང་གིས་པེ་ཅིང་དུ་ཞིབ་འཇུག་སློབ་སྦྱོང་བྱེད་དུས་ངའི་ཨ་ཁུའི་རྩར་ལོ་གཉིས་ལྷག་བསྡད་འདུག དེར་བརྟེན། ཁོང་གིས་ཟླ་གཅིག་གི་ནང་ཚུན་དུ་ང་ལ་ཉུང་མཐར་ཡང་ཁ་པར་རེ་གཏོང་བ་མ་ཟད།
འཇིགས་མེད་ནུབ་པ།
ཉེ་ཆར། ངས་རང་གི་ཉེ་འཁོར་གྱི་གྲོགས་པོ་འགའ་ལ་སྐད་ཆ་ཞིག་དྲིས་བ་ཡིན། ངའི་དྲི་བ་ནི་རིང་པོ་ཞིག་མིན། དྲི་བ་ཐུང་ཐུང་ཞིག་ཡིན། ངས་“ཁྱེད་ཚོས་འཕྲིན་ཐུང་མ་ལག་གཙོ་བོ་གང་བེད་སྤྱོད་གཏོང་གི་ཡོད་དམ།”ཞེས་དྲིས། ང་ལ་ལན་མི་འདྲ་བ་གསུམ་རེག་བྱུང་། གྲོགས་པོ་གཅིག་གིས། “ངས་ཡི་གེ་ཡག་པོ་འབྲི་མི་ཤེས། དེར་བརྟེན། ངས་འཕྲིན་ཕྲན་(WeChat)བེད་སྤྱོད་གཏོང་གི་ཡོད། འཕྲིན་ཕྲན་ཐོག་ལ་སྐད་འཕྲིན་འཇོག་བདེ་བ་འདུག་”ཟེར། གྲོགས་པོ་གཞན་དེས། “ངས་འཕྲིན་ཕྲན་བེད་སྤྱོད་གཏོང་གི་ཡོད།
འཇིགས་མེད་ནུབ་པ།
ངས་ཐོག་མར་ངོ་དེབ་བེད་སྤྱོད་གཏོང་འགོ་ཚུགས་དུས་ནི། ཕལ་ཆེར་ངོ་དེབ་འཛམ་གླིང་ལ་སླེབས་པའི་ལོ་ཕྱི་མ་དེ་རེད། སྐབས་དེར། ངའི་ངོ་དེབ་སྟེང་དུ་བོད་མི་ལས་ཕྱི་རྒྱལ་གྱི་མི་མང་། བོད་དང་རྒྱ་གར་སོགས་སུ་ཡོད་པའི་ངའི་གྲོགས་པོ་ཚོའི་ཁྲོད་དུ། ངོ་དེབ་ལབ་ན་ཤེས་མཁན་ཡང་ཉུང་། ཕལ་ཆེར་ཕྱི་ལོ་ཉིས་སྟོང་བརྒྱད་ཀྱི་ཡས་མས་ཤིག་ཡིན་དྲན། བོད་པའི་ཁྲོད་དུ་ངོ་དེབ་བེད་སྤྱོད་གཏོང་མཁན་མང་དུ་ཕྱིན་པ་མ་ཟད། ངོ་དེབ་བརྒྱུད་ནས་བོད་ཀྱི་གནས་ཚུལ་འཛམ་གླིང་ལ་སྒྲོག་མཁན་གྱི་གྲངས་འབོར་ཡང་ཇེ་མང་ལ་ཕྱིན།
རིག་འབྱུང་དོན་གྲུབ་བཀྲ་ཤིས།
ངས་སློབ་ཆུང་འཛིན་རིམ་ལྔ་བ་བར་དུ། རྨ་ལྷོ་སོག་རྫོང་ན་ཡོད་པའི་བྲག་དམར་སློབ་ཆུང་དུ་སློབ་སྦྱོང་བྱས། དེའི་རྗེས་སུ། ཨ་ཕས་ང་དོར་ཉིན་སློབ་ཆུང་དུ་བསྐྱལ། དོར་ཉིན་སློབ་ཆུང་ནི། སེ་བཟའ་དང་སྙིང་ལོ། ཨ་རོལ་ཟེར་བའི་སྡེ་བ་གསུམ་གྱི་དཀྱིལ་ན་ཡོད། ང་སྐྱེ་སའི་སྡེ་བ་དེའི་མིང་ལ་ཉིན་ཟེར་ཞིང་། དེ་ནས་དོར་ཉིན་སློབ་ཆུང་བར་དུ། ཉུང་མཐར་ཡང་རྐང་པ་བརྒྱབ་ན་སྐར་མ་ཉི་ཤུ་ཙམ་འགོར། དེ་ཡང་། ང་སྐྱེས་སའི་སྡེ་བ་ནས། ཐོག་མར་ལུང་བ་ཆུང་ཆུང་ཞིག་གི་མཐིལ་ལ་བབས། དེ་ནས་རི་ངོས་ཅུང་གཟར་པོ་ཞིག་ལ་ཡར་འཛེགས། རི་ངོས་ཀྱི་ཞིང་ཁ་འགའ་འཕྲེད་ཀྱིས་བཅད་ན་ད་གཟོད་དོར་ཉིན་སློབ་ཆུང་དུ་སླེབས་ཐུབ།
ཡོང་ཁུངས། མཚོ་སྔོན་པོའི་དྲ་བ།
(ཧི་ནན་རྫོང་རྩྭ་ཐང་བྱ་བའི་ས་ཚིགས་ཀྱི་འགོ་གཙོ་གཞོན་པ་མཁའ་འགྲོ་ཚེ་རིང་ལ་བཅར་འདྲི་བྱས་པ།)
དེ་ཡང་སྟོན་ཟླ་བརྒྱད་པའི་གནའ་མཁར་ཟི་ལིང་ནི་ནམ་ཟླ་ཆེས་ལེགས་པའི་དུས་ཚིགས་ཤིག་ཡིན་ལ།
འཇིགས་མེད་ནུབ་པ།
ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གིས་བོད་ཀྱི་འདྲེ་སྒྲུང་གི་སྐོར་ཞིག་གྲ་སྒྲིག་བྱེད་བཞིན་པའི་གསལ་བསྒྲགས་དེ་མཐོང་བས། ངས་ཀྱང་འདྲེ་སྒྲུང་གི་སྐོར་ལ་བསམ་བློ་གཏོང་དགོས་བྱུང་།
འདྲེ་སྒྲུང་གི་སྐོར་གླེང་ན། ཡང་ཕ་ཡུལ་འདི་སེམས་ལ་དྲན་ནས་ཡོང་གི གློག་མེད་ས་དང་ཆུ་དཀོན་སའི་ཕ་ཡུལ་གྱི་རི་གྲོང་དེ་དྲན་ཡོང་གི ཉིན་མོ་མ་ཎི་སྐོར་མཁན་དང་མཚན་མོར་འདྲེ་སྒྲུང་བཤད་མཁན་གྱི་ལོ་ལོན་དེ་ཚོ་དྲན་ཡོང་གི
འཇིགས་མེད་ནུབ་པ།
དྲ་འབུ་ཟེར་བའི་ཐ་སྙད་འདི་བོད་ལ་མཚོན་ན་གསར་བ་ཞིག་ཡིན། ང་ལ་ཡང་དེ་མཚུངས་ཡིན། ངས་ཐ་སྙད་འདི་ཐོག་མར་མཐོང་བའི་དུས་ཚོད་ནི། ཕལ་ཆེར་ཕྱི་ལོ་ཉིས་སྟོང་དྲུག་གི་ཡས་མས་རེད། སྐབས་དེ་ནི། བོད་ལ་དྲ་བའི་རིག་གནས་དར་འགོ་ཚུགས་པའམ་དར་ཁྱབ་འགྲོ་བཞིན་པའི་སྐབས་ཤིག་རེད། དྲ་ཚིགས་ཁག་ཏུ། རང་གི་མིང་སྐུང་ནས་གཞན་ལ་ཚིག་རྩུབ་དང་དམའ་འབེབས། མཚང་འབྲུ་བཅས་བྱེད་མཁན་གྱི་རིགས་ལ་དྲ་འབུ་བྱས་བའི་མིང་ཞིག་བཏགས་ཡོད་པ་འདྲ།
རོ་ཝལ་བོད་ཀྱི་ཐེབས་རྩས་སྤྱི་ལོ་༢༠༡༣།༡༤ལོའི་སྤྱི་ཟླ་༩པའི་ཚེས་༡ནས་ཚེས་༣༠བར་དུ་སྐབས་བཅུ་པའི་མ་དངུལ་སྙན་ཞུ་ངོས་ལེན་བྱེད་རྒྱུ་ཡིན། མ་དངུལ་སྙན་ཞུ་དྲ་རྒྱ་ཐོག་ཏུ་བཀོད་ཡོད།
དེར་སྙན་ཞུ་འབུལ་མཁན་ཚོས་ང་ཚོའི་དྲ་ཚིགས་ལ་ཕེབས་གཟིགས་གནང་རོགས། རོ་ཝལ་བོད་ཆེད་ཐེབས་རྩའི་དམིགས་དོན་གཙོ་བོ་ནི་བོད་པའི་སྤྱི་ཚོགས་ནང་དང་ཡང་ན་རྒྱལ་སྤྱིའི་སྟེང་ལ་བོད་ཀྱི་སྒྱུ་རྩལ། བོད་དོན་དྲིལ་བསྒྲགས། ཁོར་ཡུག་སྲུང་སྐྱོབ། བུད་མེད་ཀྱི་ཐོབ་ཐང་སོགས་ཀྱི་སྐོར་ལ་བྱས་རྗེས་འབུར་དུ་ཐོན་པའི་བོད་མི་སྒེར་དང་། ཡང་ན། ཚོགས་པར་མ་དངུལ་གྱི་ཐད་རོགས་སྐྱོར་བྱེད་རྒྱུ་དེ་ཡིན།
དེ་ལས་མང་བ་། “རོ་ཝལ་བོད་ཆེད་ཐེབས་རྩའི་༢༠༡༣དང་༢༠༡༤ལོའི་མ་དངུལ་གསལ་བསྒྲགས།” »
