(དུས་བབ་དྲ་ཐོག་གི་བསྟན་འཛིན་ཚེ་དཔག་གི་ཟིན་བྲིས་ནས་བླངས།)

གཅིག བོད་ཡུལ་ནས་སྐྱེས་ཤིང་རྒྱ་ཡུལ་ནས་འདས་པ།

ང་ཕོད་ངག་དབང་འཇིགས་མེད་ནི། བོད་ཀྱི་ཆོས་རྒྱལ་སྲོང་བཙན་སྒམ་པོ་འཁྲུངས་ཡུལ་རྒྱ་མ་ཞེས་པའི་ཡུལ་དེའི་ནང༌། ཕྱི་ལོ་ ༡༩༡༠ ་ལོའི་ཟླ་ ༢ པའི་ནང་སྐྱེས་ཤིང༌། དེ་རིང་བཟང་པོ་བཅུ་འཛོམས་ཀྱི་ཉིན་སྟེ། ཕྱི་ལོ་ ༢༠༠༩ ཟླ་ ༡༢ ཚེས་ ༢༣ ཉིན་པེ་ཅིན་ནས་འདས་གྲོངས་སུ་གྱུར།

ང་ཕོད་ནི་ཁོང་རང་མག་པར་འགྲོ་ཡུལ་གྱི་ཁྱིམ་གཞིའི་མིང་ཡིན། ཁྱིམ་མིང་དེའི་སྟེང་ནས་ཁོང་ཉིད་གཞུང་ཞབས་ཁོངས་སུ་ཞུགས་ཤིང༌། དམའ་རིམ་གཞུང་ཞབས་ནས་བཀའ་བློན་གྱི་གོ་གནས་སུ་ཐེམ་པ་རིམ་འཛེགས་བྱས། ཤོད་ཚུལ་ལ། བོད་ཀྱི་ལོ་རྒྱུས་སྟེང་ལོ་ན་ཆུང་ཤོས་ཀྱི་བཀའ་བློན་ཡིན་པར་ཡང་བཤད།

དེ་ལས་མང་བ་། “ང་ཕོད་ངག་དབང་འཇིགས་མེད་ཀྱི་མི་ཚེ་ལ་བལྟ་བ།” »

བོད། ལྷ་ྐླུ་གཉེན་གསུམ།

སྤུན་ཟླ་ཚོ། ཁྱེད་ཅག་གི་ངོ་ཤེས་དང་ཉེ་རིང་། ཡང་ན། ཕ་མ་དང་སྤུན་མཆེད་སོགས་སུ་ཞིག་སྨན་པ་ཡིན་པ་མ་ཟད། སྨན་ལ་མཁས་པ། ལུས་ཁམས་བསྐྱེད་སྲུང་བྱེད་ཕྱོགས་ཐད་དུ་མཁས་པ་འདྲ་ངོ་ཤེས་ཡོད་ན། ངས་དེ་རིང་འདི་ནས་ཁྱེད་ཅག་ལ་དྲི་བ་ཞིག་འདྲི་རྒྱུ་ཡིན། དྲི་བ་དེར་ལན་དྲང་མོ་ཞིག་དུས་ཐོག་ལ་འདེབས་མཁན་གྱི་སྤུན་ཟླ་མི་ཉུང་བ་ཞིག་ཡོང་རྒྱུར་རེ་བ་ཆེན་པོ་ཡོད།

དེ་ལས་མང་བ་། “ཕ་རྒན་ཞིག་གི་དྲི་བ།” »

(བོད་ཀྱི་ན་ཆུང་ཚགས་པར་སྤྱིའི་འདོན་ཐེངས་༤༥པ་ལས་བླངས། སྤྱི་ལོ་༢༠༠༩ལོའི་ཟླ་༡༡།)

གཅིག བྱིས་པར་རྒྱུས་ལོན་ཅི་ཐུབ་བྱེད་པ།
ཁྱིམ་ལས་ཙག་ཙིག་ལ་བྲེལ་བའི་དུས་མཚུངས་སུ། ཁྱིམ་བདག་གིས་ཁོམ་པ་བཙལ་ཏེ་བྱིས་པར་རྒྱུས་ལོན་མང་ཙམ་བྱེད་པ་དང་། བྱིས་པ་དང་བྱིས་པའི་རྩེད་རོགས།
བྱིས་པའི་དགེ་རྒན་བཅས་ལ་འབྲེལ་འདྲིས་མང་པོ་བྱས་ནས་བྱིས་པའི་རྣམ་འགྱུར་ལ་ཕྱོགས་ཡོངས་ནས་རྒྱུས་ལོན་ཅི་ཐུབ་བྱེད་དགོས།

དེ་ལས་མང་བ་། “བྱིས་པར་གཅར་རྡུང་མི་བྱེད་པར་སློབ་གསོ་སྤྲོད་ཕྱོགས།” »

“ཚེ་རིང་འོད་ཟེར་ལགས། ཁྱོད་བདེ་མོ་ཡིན་ནམ། ཁ་སང་དེ་རིང་ཁྱེད་ཀྱིས་ཅི་ཞིག་གནང་གི་ཡོད་དམ།”
“ང་བདེ་མོ་ཡིན། དེ་རིང་སང་ཉིན་ང་ཅུང་ཙམ་བྲེལ་འཚུབ་ཡིན། ལོ་རྗེས་མར་ངས་སྒྲུང་གཏམ་གྱི་དེབ་ཞིག་དཔར་བསྐྲུན་བྱེད་རྩིས་ཡོད།
དེབ་དེར་ཁྱོན་བསྡོམས་སྒྲུང་གཏམ་བཞི་བཅུ་ལྷག་ཡོད། སྒྲུང་གཏམ་ཚང་མ་བོད་རིགས་རྒན་པ་ཚོའི་ངག་རྒྱུན་ལོ་རྒྱུས་ལ་གཞི་བཅོལ་ནས་བྲིས་ཡོད།
ཡིན་ན་ཡང་། འབྲི་ཐབས་དེ་སྒྲུང་གི་རྣམ་པ་སྤྱད་ཡོད། སྔོན་མ་ང་རང་ལྷ་སར་སྡོད་པའི་སྐབས་སུ།

དེ་ལས་མང་བ་། “ཚེ་རིང་འོད་ཟེར་ལགས། ཁྱོད་བདེ་མོ་ཡིན་ནམ།” »

ཨ་ལགས་ཙ་ཡུས་བསྟན་འཛིན་དཔལ་འབར་།

ཁིས་ཟིན་དམར་གསོད་ཆེན་མོ།

༡༩༥༨ལོའི་ཟླ༤བར་ཨ་མདོའི་འབྲོག་ཕྱོགས་ཚང་མར་རྒྱ་དམར་གྱི་དབང་སྒྱུར་ལ་ངོ་རྒོལ་བྱེད་པའི་དྲག་པོའི་གྱེན་ལངས་ཀྱི་མེ་ལྕེ་ཕྱོགས་ཀུན་ཏུ་འབར་བའི་སྐབས། སོག་པོའི་ཐོར་གོད་ཀྱི་སའི་ཆར་གཏོགས་ཁིས་ཟིན་ཐོད་ལོག་ཅེས་པའི་ས་ཆར་ཐོད་གོད་དང༌། མདའ་ཚན། བེ་ཟི། ཁག་གསུམ། ཚོ་ཧོར། སུ་ཧྲུག་ཆུང་བ། ཨ་རིག ཨེ་མག མགོ་ལོག་སོགས་ནས་རང་འདུས་བྱས་པའི་འབྲོག་པ་མི་ཚང་སུམ་སྟོང་ལྷག་མི་གྲངས་ཆིག་ཁྲི་བརྒལ་བ་དང༌། ནོར་ལུག་ཁྲི་ཕྲག་མང་པོ་བཅས་རྒྱ་དམར་གྱི་དྲག་གནོན་ལ་བྱོལ་ཆེད་བྲོས་བྱོལ་དུ་འགྲོ་བའི་ལམ་ནས་རྨ་ཆུས་བཅད་པའི་ས་ཁུག་ཅིག་ཏུ་རུ་འདུས་བྱས་ནས་བསྡད་ཡོད། རྨ་ཆུའི་ཕར་ཕྱོགས་སུ་རྒྱ་དམར་གྱི་དམག་དཔུང་གིས་གུར་ཉིས་སྟོང་ལྷག་བརྒྱབ་ནས་བསྡད་འདུག ཟླ༤ཚེས༡༣དང༡༤ཡས་མས་ཤིག་ལ་དགོང་མོ་མུན་རུབ་པ་དང་རྒྱ་དམག་རྨ་ཆུར་བརྒལ་བའི་གྲ་སྒྲིག་བྱས། འགྱིག་གི་གྲུ་ཆུང་བརྒྱ་ལྷག་ལྕགས་ཐག་གིས་སྦྲེལ་དེ་རྟའི་མཇུག་མར་བཏགས་ནས་ཆུའི་ཕ་རིར་བསྐྱལ། འགྱིག་གྲུའི་ཁར་པང་ལེབ་མང་པོ་བཏིང་ནས་གྲུའི་ཟམ་པ་ཞིག་བཟོས།

དེ་ལས་མང་བ་། “དམར་པོ་ཁྲག་གི་ལེའུ།” »