ཐེ་བོ་ཤེས་རབ་རྒྱ་མཚོ།
ཁ་རྩང་<<བོད་ཀྱི་དུས་བབ>> (སྤྱིའི་འདོན་ཐེངས་500 2010.10.20) ཀྱི་ཆེད་བརྗོད་ལེ་ཚན་དུ་སྐུ་ཞབས་འཇམ་མགོན་གྱིས་<<བོད་ཀྱི་སྐད་ཡིག་དོན་དངོས་ཐོག་ཅི་ཞིག་ཡིན་ནམ།>> ཞེས་པའི་རྩོམ་ཡིག་དེ་ངས་ངའི་རོགས་པ་ཞིག་ནང་དུ་མགོ་ནས་མཇུག་བར་ཞིབ་ཀློག་ཐེངས་གཅིག་བྱས་པ་ཡིན།
དེ་ལས་མང་བ་། “བོད་ཀྱི་སྐད་ཡིག་དོན་དངོས་ཐོག་ཆོས་འདོན་སྤྱད་ཅིག་རེད།” »
ངོས་ཀྱིས་བོད་བསྟན་སྲིད་དོན་དུ་བསམ་བློའི་ཐོག་ནས་འགན་ལེན་གྱི་རེད་ལ་གནས་ཚུལ་གལ་ཆེ་བ་དེ་དག་ལ་ངོས་ཀྱིས་བསམ་བློ་གཏོང་གི་རེད། སྒྲིག་འཛུགས་ཀྱི་འགྲོ་སྟངས་ཆ་ནས་ངོས་རང་དེར་ཐེ་བྱུས་ཡོད་པ་དེར་བསྒྱུར་བཅོས་གཏོང་དགོས་ཀྱི་འདུག་ཅེས་ཤོད་རྒྱུ་དེ་རེད་ཅེས་དང།
ཡང་༧གོང་ས་མཆོག་ནས་གོང་དུ་བརྗོད་པ་ལྟར་འཛམ་གླིང་འདིའི་སྟེང་ངོམ་ཆོག་པའི་ཐུན་མོང་མ་ཡིན་པའི་སངས་རྒྱས་ཀྱི་ཆོས་གཅིག་དང་སྐད་ཡིག་ཅིག་ཡོད་པ་དེ། ང་ཚོ་བོད་པས་བདག་པོ་ཆ་ཚང་བརྒྱབ་ཐུབ་པ་ཞིག་དང། དེ་དང་འབྲེལ་བའི་ཁོར་ཡུག་སྐོར་ལ་ཆ་བཞག་ནའང་བོད་པ་རང་གིས་འགན་མང་ཙམ་ལེན་ནས་ལྟ་ཐུབ་པ་བྱུང་ན། རང་སྐྱོང་མིང་དོན་མཚུངས་པ་ཞིག་གི་ཐོག་ནས་དེ་དག་བསྒྲུབ་ཐུབ་ཀྱི་རེད།
དེ་ལས་མང་བ་། “ངོས་ཀྱང་གངས་ཅན་པ་ཞིག་ཡིན་སྟབས་བོད་སྤྱི་པའི་འགན་ཁུར་ལོས་ཡོད།” »
འོད་ཐིག་རྩོམ་སྒྲིག་ཁང་ནས། བོད་ཕྱི་ནང་གཉིས་ཀྱི་སློབ་གྲྭ་ཁག་གི་སློབ་གཉེར་བ་ཁག་གཙོ་བྱས་པའི་རྩོམ་པ་པོའི་སྡེ་ལ་ཆེད་ཞུ། འདིར་ནོར་གླིང་བོད་ཀྱི་ཆེས་མཐོའི་སློབ་གཉེར་ཁང་གི་སློབ་མ་ཡོངས་ཀྱིས་ཆེད་གཉེར་བྱེད་བཞིན་པའི་དུས་ཚིགས་ཚགས་ཤོག སྤྱིའི་འདོན་ཐེངས་དྲུག་པ་སྤྱི་ཟླ་གསུམ་པའི་ནང་འགྲེམས་སྤེལ་བྱ་རྒྱུ་གཏན་ཁེལ་པས། བོད་རྒྱ་དབྱིན་གསུམ་གྱི་སྐད་ཡིག་ལས་བརྗོད་གཞི་དང་རྩོམ་ལུས་སྣ་ཚོགས་ཀྱི་རྩོམ་ཡིག་གང་མང་བསྐུར་ཡོང་བའི་རེ་བ་དང་། རྩོམ་ལུས་གང་ཡིན་ཡང་ཚགས་ཤོག་གི་ཚད་གཞིར་དམིགས་ནས་གང་བསྡུས་ཅི་ཐུང་གི་ཕྱོགས་ལ་འབོད་སྐུལ་ཀྱང་ཞུ་གི་ཡོད། ཕྱི་ལོ་༢༠༡༡ལོའི་སྤྱི་ཟླ་༢ པའི་ཚེས་༡༥ སྔོན་ལ་རྩོམ་ཡིག་ངེས་འབྱོར་གནང་དགོས། རྩོམ་ཡིག་ཚགས་སྟེང་འགོད་མིན་གང་ལྟར་ཡང་མ་རྩོམ་དོ་བདག་ནས་ཉར་ཚགས་གནང་དགོས་པ་ལས་རྩོམ་སྒྲིག་པས་ ཕྱིར་སློག་བྱེད་རྒྱུ་མིན་པ་ཐུགས་འཇགས་གནང་རོགས། འོད་ཐིག་རྩོམ་སྒྲིག་ཁང་ནས་ཕྱི་ལོ་༢༠༡༡ལོའི་སྤྱི་ཟླ༢པའི་ཚེས ༡༥ཉིན། AOTC Norbulingka…
མདའ་མོ་ཚང་རྨོག་རུ་བསྟན་པ།
ཕྱི་ལོ་༢༠༡༡།༡།༩རེས་གཟའ་ཉི་མ་ཉིན་གྱི་ཞོགས་པ་སྔ་པོར་ལམ་བྲོ་ཞིག་སྒྲིག་སྟེ་རྒྱབ་རི་མཐོན་པོའི་རི་རྩེར་འགོས་པ་ཡིན།བོད་རྩིས་ཀྱི་དབང་དུ་བྱས་ན་དགུན་གྱི་གྲང་ངར་ཆེ་བའི་སྐབས་ཡིན་ཀྱང་།འདི་ཕྱོགས་སུ་ཚ་གྲང་གི་ཁོད་སྙོམས་པ་མ་ཟད།རི་འདབས་དང་ཆུ་འགྲམ་ན་སྔོ་ལྗང་ལྡན་པའི་ཞིང་ཁ་དང་སྔོ་ཚལ་མང་པོ་ཞིག་མཐོང་རྒྱུ་འདུག་་ངེད་དང་ལམ་གྲོགས་གཉིས་ཀྱིས་ཁེར་ལམ་ཞིག་དེད་དེ་ཤིང་ནགས་མང་པོའི་དཀྱིལ་ནས་ཐོན་པ་ཡིན།སེར་ཐིང་ཐིང་གི་ཉི་འོད་གངས་རིའི་སྟེང་ཕོག་པའི་འོད་མདངས་གསལ་པོ་མཐོང་བཞིན་འདུག་་སྤྲིན་པ་ལག་མཐིལ་ཙམ་ཡང་མེད་པའི་མཁའ་དབྱིངས་སུ་གངས་རིའི་འོད་མདངས་འཁྱིལ་འདུག་པས་ལོ་ངོ་བཅུ་གསུམ་ལྷག་ཏུ་ཁ་བྲལ་དུ་གྱུར་བའི་ཕ་ཡུལ་གངས་ལྗོངས་དེ་བདག་གིས་དངོས་སུ་དྲན་སོང་།
བོད ལྷ་ཀླུ་གཉན་གསུམ།
ལོ་ངོ་དེ་འདྲའི་མང་བོ་ཞིག
ངས་ཁྱེད་རང་ཁོ་ན་བཙལ་བ་ཡིན
ངས་ཁྱེད་ལ་རེ་བ་བརྒྱབས
ཡིད་ཆེས་བྱས
ཡོད་ཚད་ཁྱེད་ཀྱི་ཆེད་དུ་བཏང་
མཐར་ཐུག་ན ང་ལ་ཐོབ་སྲིད་པའི་དངོས་པ་དེ་གང་ཡིན་སྲིད
ཀུན་དགས་དབྱིན་ཡིག་ནས་བསྒྱུར།
བརྩེ་བའི་ཡིག་འབྲེལ་བ་ལགས།
ཁྱེད་ཀྱི་ཡི་གེ་འབྱོར་བར་ཐུགས་རྗེ་ཆེ་ཞུ་རྒྱུ་དང་།ཁྱེད་ཀྱི་ཡིག་འབྲུ་རེ་རེ་ཡི་བར་ནས་ངས་རང་ཉིད་ལ་དགོས་པའི་སྙན་ཚིག་གི་མེ་ཏོག་འཐུ་བཞིན་ཡོད་ལ།ཉི་འོད་ལྟ་བུའི་དགའ་སྣང་ཞིག་ངེད་ཀྱི་སེམས་པའི་གཏིང་རིམ་ལ་འཛུལ་སོང་།དེ་ནི་རེ་སྒུག་གིས་བཟི་བའི་བུ་མོ་ང་དྲ་རྒྱ་ཁང་ནས་ཐང་ཆད་གྲབས་བྱས་པའི་རྐྱེན་གྱིས་ཡིན་སྲིད་ལ།བསྐྱར་སྐོར་ཡང་བསྐོར་གྱིས་དྲ་ཚིགས་ཁང་ལ་བཅོལ་བའི་རེ་བ་འདིས་དྲ་བདག་གི་མིག་ལ་སུན་སྣང་ཡང་བྱིན་ཡོད་ངེས་སྙམ།
རྟ་ནག་སྐལ་བཟང་ལུང་རིགས།
_______རྭ་རྒྱ་ཤེས་རིག་ནོར་བུའི་སློབ་གླིང་དུ་ལོ་ངོ་བཞིའི་འཚོ་བའི་ཁྲོད་འདྲིས་པའི་གྲོགས་པོ་ཚེ་རྡོར་གཏན་དུ་གྱེས་པ།
མང་རའི་བྱེ་མའི་གཞུང་ན་ཁྱེད་ཀྱི་སེམས་རྟེན་ལུས་ཡོད།།
ར་རྒྱའི་ས་དམར་གཞུང་ན་ཁྱེད་ཀྱི་རྐང་རྗེས་ལྷག་ཡོད།།
གཤིན་རྗེ་ཞགས་པ་ནག་པོ་འཕེན་པ་ཅུང་ཙམ་སྔ་སོང་།།
མི་མཐོང་ཕྱི་མའི་འཕྲང་ལ་འགྲོ་བ་དེའུ་རེ་སྔ་སོང་།།
ཤར་ཕྱོགས་ཀྱི་འོད་སྣང་ནས།
ཀ་མད་སུམ་ཅུའི་མུ་ཏིག་རྒྱན་ཕྲེང་་་
ཁ་བའི་མདོག་འདྲའི་ལྷག་བསམ་ལྡན་པའི་་་
ག་བུར་དབང་པོའི་བཞིན་རས་ཅན་ལ་་་
ང་ཡི་བརྩེ་སེམས་མཚོན་བྱེད་དུ།།
ཅ་དངོས་ཕུན་ཚོགས་ཡིད་དུ་འོང་བའི་་་
ཆ་རྐྱེན་ཀུན་འཛོམས་བདག་ལ་མེད་ཀྱང་་་
ཇ་རོ་ལྟ་བུའི་སྙིང་མེད་མ་ཡིན་་་
ཉ་གང་ཟླ་འདྲའི་ལྷག་བསམ་གྱིས།།
ཕྲན་ཤར་ཕྱོགས་འོད་སྣང་བས།
ཀ་མ་ལ་ལྟར་འདམ་ལས་སྐྱེས་ཀྱང་འདམ་གྱིས་མ་གོས་འགྲོ་བའི་མགོན།།
ཁ་སྦྱོར་བདུན་ལྡན་སྤྲུལ་བའི་རོལ་གར་ངེས་མེད་གདུལ་བྱའི་ཞིང་ས་རུ།།
ག་ཤེད་ཡུལ་ན་སྣ་ཚོགས་སྤྱོད་སྐྱོང་གྲུབ་ཆེན་ཏཻ་ལོའི་བུ་རྒྱུད་མཆོག།
ང་བདག་འཛིན་པའི་གཡུལ་ལས་རྣམ་རྒྱལ་ཕ་གཅིག་མར་པའི་གཅེས་ཕྲུག་བསྟོད།།
ཀུན་དགས་དབྱིན་ཡིག་ནས་བོད་བསྒྱུར་བྱས།
བརྩེ་བའི་ཡིག་འབྲེལ་བ་ལགས།གློག་འཕྲིན་གྱི་བརྒྱུད་ལམ་སྤྱད་ནས་ང་ཚོའི་བར་དུ་བརྗོད་ན་རིན་ཐང་ལྡན་པའི་བརྩེ་འཛུམ་ཞིག་གི་མེ་ཏོག་ཁ་ཕྱེས་པ་རེད།ངས་སུ་ཞིག་ལ་ཐུགས་རྗེ་ཆེ་ཞུའི་ལེགས་སྐྱེས་འབུལ་དགོས་སམ།
ཁྱེད་རང་བདེ་བོ་ཡིན་ནམ།དེང་སང་ཁྱེད་ཀྱི་ལས་ཀའི་གནས་བབ་གང་འདྲ་འདུག
འདིར་ང་རང་གི་ཆོས་ལུགས་དང་འབྲེལ་བའི་སྐོར་ཞིག་བཤད་རྒྱུ་ཡིན།ཁྱེད་རང་དཀོན་མཆོག་ལ་ཡིད་ཆེས་ཡོད་དམ།ཁྱེད་ཀྱིས་དཀོན་མཆོག་གི་གནང་སྦྱིན་ལ་དང་ལེན་བྱེད་ཀྱིན་ཡོད་དམ།
མྱི་ལྟིག
་་་་་་་་་་་གསོག་སྒར་སློབ་གྲྭའི་འཛིན་གྲོགས་མ་ཞིག་ལ་རྩེད་མཚར་དུ།
ཀ་ཡེ་སྙིང་གྲོགས་ཟེར་ཞོར་ལོ་འགར་མཉམ་དུ་བསྡད་ཀྱང་།།
ཁ་ཞིག་གཏུགས་རོགས་ཟེར་དུས་གཞན་གྱིས་མཐོང་ཡོང་ཟེར་གི།
ག་ས་གང་དུ་སོང་ཡང་མི་བརྗེད་འུ་གཉིས་བརྩེ་བ།།
ང་ལ་ལན་བརྒྱར་བཤད་པ་དེ་རིང་ད་དུང་བརྗེད་མེད།།
ཅ་ལག་ལེགས་སྐྱེས་དགོས་ན་ང་ཡིས་ཉོ་ལུགས་བཤད་ན།།
ཆ་ལུགས་དེ་འདྲའི་རིགས་ལ་སེམས་ནས་དུངས་བ་མེད་ཟེར།།
ཇ་ཁང་ནང་དུ་མི་འགྲོ་སྤུན་མཆེད་ཨ་ཁུས་རྡུང་ཟེར།།
ཤར་ཕྱོགས་འོད་སྣང་།
ཀ་མད་སུམ་ཅུའི་ཡིག་འབྲུ་རེ་ལ་སྙིང་གཏམ་དྲོན་མོའི་གསང་ཚིག་བསྟིམས།།
ཁ་བཤད་ཚིག་གི་རྒྱབ་ལྗོངས་རེ་ལ་གཟུགས་མེད་སེམས་ཀྱི་ཚོར་བ་གསལ།།
ག་ཤེད་ཡུལ་ན་ངེས་མེད་འཁྱམས་པའི་ཁེར་རྐྱང་ལྡོམ་བུའི་ཆིག་ལབ་འདི།།
ང་ཡི་སྙིང་གི་གྲོགས་མཆོག་དམ་པ་རྒྱུན་དུ་དྲན་པའི་ཉིན་ཐོ་ཞིག།
ཅ་ཅོའི་ཀུ་རེས་ལབ་གླེང་བྱེད་བཞིན་ལོ་གྲངས་བཅོ་ལྔའི་དུས་ཡུན་དེ།།
ཆ་མེད་ངང་དུ་ཡུད་ཀྱིས་འདས་སྐབས་ཉིན་ཞག་འགའ་ཡི་ཚོར་སྣང་འོག།
ཇ་ཡུན་ཙམ་ལའང་འབྲལ་བར་མི་ཕོད་ལྷན་ཅིག་འགྲོགས་ཚུལ་དྲན་ཐེངས་རེར།།
ཉ་མོ་མཚོ་དང་བྲལ་བ་བཞིན་དུ་ད་དུང་སེམས་གཏིང་སྡུག་གིས་མནར།།
རྟ་ནག་སྐལ་བཟང་ལུང་རིགས།
སྤྱི་ ལོ་གཅིག་སྟོང་དགུ་བརྒྱ་གྱ་དགུ་ལོའི་ཟླ་གསུམ་པའི་ཚེས་ཉེར་དྲུག་ཉིན་ཧྲན་ཧེ་ ཀོན་འགག་སྒོ་རུ་ཧེ་ཙི་ལྷིང་འཇགས་ཀྱི་ངང་ནས་ལྕགས་ལམ་དུ་འཕྲེད་ཀྱིས་ཉལ་སོང་ལ། ཁོང་གི་ལུས་སྟེང་དུ༼དམ་པའི་གསུང་རབ༽ཀྱི་ཁ་ཕྱེ་ནས་ཡོད། མེ་འཁོར་ཞིག་ལྡིར་སྐད་དང་བཅས་ཏེ་རྒྱང་རིང་ནས་བསླེབས་སོང་། སྐྱེས་སྟོབས་ཀྱི་ཤེས་རབ་འབར་བའི་སྙན་ངག་པ་ཞིག་འདི་ལྟར་འཇིག་རྟེན་གཞན་ཞིག་གི་ཁམས་སུ་བསྙེགས་སོང་ངོ་།།
དེ་ལས་མང་བ་། “ཧེ་ཙི་ཅིའི་ཕྱིར་ལྕགས་ལམ་དུ་འཕྲེད་ཀྱིས་ཉལ་ཏེ་རང་སྲོག་དོར་བ་རེད། ༼བོད་འགྱུར་མ༽” »
མྱི་ལྟིག
ཡུལ་ཕ་མའི་བྱམས་བརྩེའི་འོད་ཟེར་ངོགས་ན།
སྐྱིད་སྣང་བ་རྫ་རིའི་དཔངས་དང་མཉམ་པའི།།
ལོ་ཉི་ཤུར་བུད་པའི་ཁ་ཡ་ན་ཟླ།།
ང་འཚོ་སའི་གནས་འདི་ཡངས་ཀི་མ་བསམ།།
སྐྲ་དཀར་པོ་མིག་རྩ་དམར་པོར་གྱུར་བའི།།
འདང་ཆེ་བའི་དྲིན་ཆེན་ཕ་མ་གཉིས་ཀ།།།
གཅིག་མ་གཏོགས་ཚེ་འདིར་རྙེད་ཐབས་མེད་པས།།
གནས་ངེས་མེད་མ་ཉུལ་ང་འདྲ་འབྱུང་སྲིད།།
དེ་ལས་མང་བ་། “ཁྱོད་ཚོས་ཉོན་ཨ།༼གཞིས་ཀྱི་གྲོགས་པོ་སྐོར་ཞིག་ལ།༽” »
༼དུས་བབ་དྲ་ཚིགས་ནས་འདིར་བཤུ་འགོད་ཞུས།༽
འདོན་སྤེལ། ༢༠༡༡/༠༡/༡༣
སྐབས་གཉིས་རིང་བཀའ་བློན་ཁྲི་པའི་སྲིད་རྟགས་སུ་བཞུགས་པའི་བཀའ་བློན་ཁྲི་པ་མཆོག་གིས། ཁོང་གིས་ད་བར་ཐེག་པ་ཆེན་པོའི་གཞུང་ལུགས་ཀྱི་བླ་མ་བསྟེན་ཚུལ་ལྟར་བླ་མའི་བཀའ་བཞིན་བསྒྲུབས་པ་ལས། བོད་རྒྱལ་ཁབ་དང་མི་རིགས། ཆབ་སྲིད་བཅས་ལ་བསམ་བློ་བཏང་མྱོང་མེད་ཟེར།
ཟླ་འདིའི་ཕྱི་ཚེས་ ༧ ཉིན་རྒྱ་གར་རྒྱལ་ཡོངས་མཐོ་རིམ་སློབ་མའི་ཚོགས་ཆེན་ཐེངས་ལྔ་བའི་མཛད་སྒོ་ས་རཱ་མཐོ་སློབ་ཏུ་ཚོགས་ཡོད་ལ། མཛད་སྒོའི་སྟེང་བྱེས་བཞུགས་བོད་རིགས་མཐོ་རིམ་སློབ་མ་ཐུན་མོང་གིས་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་ལ་༼ བཀའ་དྲིན་རྗེས་དྲན་གྱི་གཟེངས་རྟགས༽ ཤིག་དང་། ནུབ་བྱང་མི་རིགས་སློབ་གྲྭ་ཆེན་མོའི་སློབ་མ་བཀྲ་ཤིས་རབ་བརྟན་ནམ་ཐེའུ་རང་ལགས་སུ་༼ དཔའ་བོའི་སྙིང་སྟོབས་ཀྱི་རྟགས་མ།༽ ཞེས་པ་གཉིས་ཕུལ་ཏེ། བཀའ་བློན་ཁྲི་པ་མཆོག་གིས་ད་བར་བོད་ཀྱི་སྲིད་འབྱོར་རིག་གསུམ་ཐད་རླབས་ཆེའི་ཕྱག་ལས་མང་བོ་བསྐྱངས་དང་སྐྱོང་བཞིན་པར་རྗེས་དྲན་དང་། ཐེའུ་རང་ལགས་ཀྱིས་རྒྱ་ནག་གི་གནོད་ཤུགས་ལ་མགོ་བོ་མ་བསྒུར་བར་ ༢༠༠༨ ལོའི་ཞི་རྒོལ་ཆེན་མོ་དང་ད་ལྟའི་བོད་ནང་གི་དཀའ་སྡུག་མཚོན་པའི་རྩོམ་ཡིག་སྤེལ་བར་བསྟོད་བསྔགས་གནང་ཡོད།
བློ་གྲོས།
གསར་ལམ་ཁག་ན། སྲང་ལམ་ཁག་ན། ཇ་ཁང་ཁག་ན། སློབ་གྲྭ་ཁག་ན། དགོན་སྡེ་ཁག་ན། ལས་ཁུངས་དག་ན་བཀའ་ཁྲིའི་སྐོར་གླེང་ཤུགས་ཆེན་པོ་རེད། རྒན་གཞོན་ཚང་མས་གླེང་། སྐྱ་སེར་ཚང་མས་གླེང་། མདོར་ན་ཚང་མས་གླེང་བཞིན་ཡོད། ༸གོང་ས་མཆོག་རྒན་ཡོལ་ཆ་ཚང་ལ་ཕེབས་པ་ཡིན་ན། ད་ནི་བཀའ་ཁྲིའི་འགན་དེ་སྔར་གྱི་བཀའ་ཁྲི་ཚོ་ལས་ཇེ་ལྕིར་འགྲོ་གི་ཡོད་སྟབས། རྒྱ་ཆེའི་མང་ཚོགས་ཀྱི་ངོས་ནས། སྔོན་འགྲོའི་འོས་འཕེན་དང་དངོས་གཞིའི་འོས་འཕེན་གྱི་བསམ་བློར་འགྱུར་བ་ཐེབས་མགོ་ཚུགས་ཡོད། སྔོན་འགྲོའི་འོས་ཤོག་དེ་༸གོང་ས་མཆོག་ཕྱེད་བགྲེས་ཡོལ་གྱི་ངོས་དེ་ལ་འཇུས་ཡོད་ལ། ད་ནི་དངོས་གཞིའི་འོས་ཤོག་དེ་བགྲེས་ཡོལ་ཆ་ཚང་གི་ངོས་དེ་ལ་འཇུ་དགོས་པ་ཆགས་པ་དེས། མང་ཚོགས་ཀྱིས་བཀའ་ཁྲི་འོས་འདེམས་ལ་ལྟ་སྟངས་དེ་སྔར་བས་དོ་ནན་དང་ཞིབ་ཚགས་ཀྱི་ལམ་དུ་བསྐྱོད་ཀྱིན་ཡོད། རིགས་གཅིག་གིས། ད་ལྟའི་འོས་མི་གསུམ་ག་བཀའ་ཤག་ནང་ངེས་པར་སླེབས་དགོས་ཀྱི་འདུག གང་ཡིན་ལབ་ན། ཁོང་ཚོ་གསུམ་གས་ང་དཔོན་པོར་འདུག་གི་ཡིན། ང་སྐུ་ངོ་བྱེད་ཀྱི་ཡིན་ཞེས་སུ་གང་ཡང་ཕེབས་མ་སོང་། དེ་ནི་དགའ་འོས་པ་ཞིག་རེད། ངས་དཀའ་ལས་རྒྱག་གི་ཡིན། རྩ་དོན་སྒྲུབ་ཀི་ཡིན། ནུས་པ་འདོན་གི་ཡིན་ཟེར་ནས་ཕེབས་སོང་། དེ་ནི་ཡི་རང་བྱེད་དགོས་པ་ཞིག་རེད་ཅེས་གླེང་གི་ཡོད།
མྱི་ལྟིག
༡
བཙུན་ཡག་མ་ཞིག་གིས ཇོ་སྒར་གྱི་ཡང་སྟེང་ནས
དངན་པ་ཞིག་འཐེན་ཞོར་མཁར་རྔ་རྡུང
“སྤྲུལ་སྐུའི་བརྩེ་གླུ”གསལ་ལ་མི་གསལ་ཞིག
མིག་ཆུ་དང་མཉམ་དུ་འདུ་ཁང་གི་སྟེང་ནས་ཟགས
རླུང་བུའི་རྒྱུ་ཕྱོགས་དང་བསྟུན་ནས གང་སར་ཁྱབ
ཀུན་དགས་དབྱིན་ཡིག་ནས་བསྒྱུར།
བརྩེ་བའི་ཡིག་འབྲེལ་བ་ལགས།
སྤྲོ་སྣང་ཆེན་པོའི་སྒོ་ནས་ཡང་གཅིག་ཁྱེད་ཀྱི་འཕྲིན་ཡིག་ལ་སྒུག ངེད་ཀྱི་ཡིད་མགུ་དང་ཚོར་ཤུགས་ནི་ཁྱེད་ཀྱི་གནས་ཚུལ་མང་ཙམ་གོ་བའི་བརྡ་ལན་དེ་དག་ཡིན།
ཁྱེད་ཀྱི་བསམ་གཞིགས་ཀྱི་ལམ་ཁ་གང་དུ་ཡོད་དམ་བརྩེ་བའི་ཡིག་འབྲེལ་བ་ལགས།
མྱི་ལྟིག
དམར་གསོད་མཚོན་ཆའི་འཇབ་རྒོལ་ཀློང་ནས་ཞི་བདེ་མཁའ་དབུགས་རྔུབ་ཏུ་འགྲོ།།
ལར་ཞེན་དཔའ་བོའི་གད་རྒྱངས་ཀློང་ནས་འཕག་འཚག་འོ་དོད་འབོད་དུ་འགྲོ།།
ལོ་ཟླ་སྐྱ་བོའི་ཆག་གྲུམ་ཀློང་ནས་ཕོ་བྲང་དམར་བོ་བསྲུང་དུ་འགྲོ།།
གདུང་ཡུས་ལྕི་མོའི་ཕམ་ཉེས་ཀློང་ནས་སྐྱོ་གདུང་གླུ་གཞས་གཏོང་གི་འགྲོ།།
རྨོག་རུ་བསྟན་པ།
གྲང་ཤུར་ཤུར་དང་འཁྱག་སིབ་སིབ་ངང་བཙན་བྱོལ་བོད་མིའི་སྤྱི་ཚོགས་ཀྱི་ཕྱོགས་གཅིག་ལ་བལྟས་ན་ང་ཚོར་མེད་མུག་དང་། ཐོབ་ཤོར། རྗེས་ལུས་སོགས་ཀྱི་ཞན་ཆ་མང་པོ་ཞིག་ཡོད་པ་སྨོས་མེད་ཡིན་མོད། སྐྱབས་བཅོལ་འདྲ་འདྲའི་ནང་ནས་མ་འདྲ་བ་ཞིག་ཆགས་ཡོད་པའང་།གཅིག་གྱུར་གྱི་རླབས་ཆེ་བའི་དབུ་ཁྲིད་དང་།རྒྱལ་ཁབ་ཚད་ལྡན་ཅིག་གི་གྲུབ་ཆ་ཡོངས་སུ་ཚང་བའི་བཙན་བྱོལ་བོད་མིའི་སྒྲིག་འཛུགས་སོགས་ཡིན།
དེ་ལས་མང་བ་། “བཙན་བྱོལ་བོད་མིའི་སྒྲིག་འཛུགས་ལས་རྙེད་པའི་སྤོབས་པ།” »