བོད། ལྷ་ཀླུ་གཉན་གསུམ་ནས།
__________________________
ངས་ནམ་རྒྱུན་འདི་ལྟར་ དྲན་གི ༧རྒྱལ་བ་རིན་པོ་ཆེ་མེད་དུ་མི་རུང་བ་དེ་ཡང་བོད་མི་རིགས་ཡིན་ལ། ༧རྒྱལ་བ་རིན་པོ་ཆེ་ལ་དད་པ་དག་སྣང་ཡོད་མཁན་དེ་ཡང་བོད་མི་རིགས་ཡིན་ཟེར་ནས་ དུས་ཀུན་དུ་བོད་མི་དག་གིས་གླེང་བཞིན་ཡོད་པ་རེད། དེ་ཡིན་དུས། ༧རྒྱལ་བ་རིན་པོ་བོད་དུ་གདན་འདྲེན་བྱེད་ཐུབ་མཁན་དེ་ཡང་བོད་མི་ཡིན་ཟེར་ན་ འགྲིག
ང་ཚོས་དེ་རིང་གི་ཉིན་ མོ་འདི་ནི་༧རྒྱལ་བ་ཡིད་བཞིན་ནོར་བུ་མཆོག་གི་་འཛམ་གླིང་ན་མིང་དུ་གྲགས་པའི་ ནོ་སྦེལ་ཞི་བདེའི་གཟེངས་རྟགས་བཞེས་དེ་མི་ལོ་ཉི་ཤུ་ཏག་ཏག་འཁོར་བར་རྟེན་ འབྲེལ་དང་ཤིས་ཚིག་འབྲི་བའི་ཉིན་མོ་དང་། ཆེས་དགའ་སྟོན་རྟེན་འབྲེལ་དུ་རློམ་བཞིན་པའི་ཉིན་མོ་ཞིག་ཀྱང་ཆགས་ཡོད་དུས། འུ་ཅག་བོད་པ་དག་གིས་དེ་ཉིད་ལ་གཙུག་ཆེན་བྱེད་པ་ནི་༧རྒྱལ་བ་རིན་པོ་ཆེ་མཆོག་ གི་སྐུ་ཚེ་ནང་དུ་རླབས་ཆེན་གྱི་མཛད་པ་འཕྲིན་ལས་ལ་མོས་པ་དང་དག་སྣང་། ཡིད་ཆེས་ཡོད་པར་གླེང་བཞིན་པ་དེ་ཡིན།

དེ་ལས་མང་བ་། “སུས་༧རྒྱལ་བ་རིན་པོ་ཆེ་བོད་དུ་གདན་འདྲེན་བྱེད་ཐུབ་ངེས།” »

རྔ་བ་རྒྱལ་ཁམས་པ། ཨ་རི།
______________
ཅིག་ཐང་ན་ཁྱོད་ཀྱང་ང་དང་འདྲ་བར་རང་གི་བསམ་བློ་གུ་དོགས་པོ་འདིའི་ནང་། སྦྱོར་བཏང་གི་འཚོ་བའི་ཁྲོད་ཀྱི་རྒྱུན་ཤེས་དང་། འགྲོ་བ་མིའི་རིགས་ཀྱིས་རང་ཉིད་དང་འཇིག་རྟེན་ལ་འཛིན་པའི་ལྟ་ཚུལ་སོགས། ཤེས་བྱ་མང་བོ་ཞིག་བློ་ངོར་ཤར་མ་མྱོང་བའི་ཤེས་སྙམ་རང་རློམ་ཅན་ཞིག་ཡིན་ཤེས་ཆེ། ཁྱེད་ཀྱིས་སྣང་ཡུལ་གྱི་ཆོས་འདི་དག་ཅིའི་ཕྱིར་ཡོད་པ་ཞིག་ཡིན་ནམ་སྙམ་དུ་བསམ་བློ་རེ་གཏོང་ཨེ་མྱོང་། ཁྱེད་ཀྱིས་ང་ཚོའི་འཇིག་རྟེན་གྱི་ཁམས་འདི་ཆུང་ས་ནས་རྡུལ་ཕྲན་གཅིག་དང་། ཆེ་ས་ནས་མཐའ་མེད་པའི་སྣང་ཡུལ་ཤིག་ཡིན་པའི་ངོ་མཚར་ཅན་གྱི་གནས་ལུགས་འདི་ནམ་ཡང་ཐུགས་ལ་ཤར་མྱོང་ངམ། ཁྱེད་ཀྱིས་ང་ཚོ་སྐྱེས་ནས་མ་འཆི་བར་དུ་ནམ་མཁའི་དབྱིངས་སུ་འཕུར་སྐྱོད་བྱེད་བཞིན་ཡོད་པ་ཚོར་བྱུང་ངམ། ང་ཚོའི་ཁྱིམ་གཞིས་འདི་འདི་ལྟར་འཁོར་ཚད་མཐོན་པོའི་སྒོ་ནས་འཁོར། འདི་ལྟར་མགྱོགས་ཚད་མྱུར་མོའི་ཐོག་ནས་སྐྱོད་བཞིན་པ་ང་ཚོས་མ་ཚོར་པའི་རྒྱུ་མཚན་ཅི་རེད།

དེ་ལས་མང་བ་། “མཁའ་དབྱིངས་དགུ་ཚིགས་དང་། འཇིག་རྟེན་གྱི་ཁམས་ལས་འཕྲོས་པའི་གཏམ།” »

གཅན་བཟོད་རྒྱམ།
___________

___________མཚམས་རེར་བྱིས་པ་བཞི་རེ་ལྔ་རེས་རང་རང་གི་ཁ་མཐུན་ཕྱོགས་ཀྱིས་སློབ་གྲྭའི་གྱང་རྩ་དག་དང་། ཡང་ན་གད་རྩ་དག་ན་མགོ་བོ་རིག་རིག་གིས་གཅིག་གིས་སྒྲུང་བཤད་ཅིང་གཞན་ཚོས་ཉན་བཞིན་ཡོད། ཕ་མ་དང་ནང་མིས་བཤད་པའི་སྒྲུང་རྣམས་མཁས་ཉམས་དང་བཅས་་སློབ་གྲོགས་ཚོར་བཤད་པ་དང་། སློབ་གྲྭ་ནས་གོ་བའི་སྒྲུང་རྣམས་ཕྱིར་ནང་དུ་ཡོང་ནས་རང་གི་ནང་མིར་བཤད་བཞིན་ཡོད།

ང་རང་ཆུང་ཆུང་བྱིས་པ་ཡིན་དུས། ཕ་མ་གཉིས་ཀ་གཙོས་ཕུ་བོ་དང་ཨ་ལྕགས་ཚོས་དགོང་མོའི་ནུབ་ཚ་འཐུང་ཚར་བ་དང་ཟངས་དང་དཀར་ཡོལ་བཀྲུས་རྗེས། ཚང་མ་ཚབ་ཐབ་ཐོག་ཏུ་བུད་དེ་མདོ་གདུགས་སྒྲོལ་གསུམ་ཚར་འགའ་བཏོན་རྗེས་རང་རང་གི་ཉལ་སར་འཛུལ། དེ་ནས་ཕ་མ་གཉིས་ནས་མགོ་འཛུགས་ཀྱིས་ཕུ་བོ་དང་གཅེན་མོ་ཚོས་ཕན་ཚུན་ལ་གནའ་སྒྲུང་འདྲ་མིན་བཤད་བཞིན་རང་རང་གཉིད་མ་ལོག་གི་བར་དུ་འདུག འདི་ནི་སྐབས་དེའི་ངེད་ཚང་གི་ནམ་རྒྱུན་གྱི་དགོང་མོའི་འགྲོ་ལུགས་ལྟ་བུར་གྱུར་འདུག

དེ་ལས་མང་བ་། “གཏན་དུ་ཡལ་ཟིན་པའི་བྱིས་སྒྲུང་ཞིག་ཆེད་དུ་གླེང་བ།” »

༄༅།།ཟབ་ཆོས་ཞི་ཁྲོ་དགོངས་པ་རང་གྲོལ་ལས༎

བར་དོ་ཐོས་གྲོལ་ཆེན་མོ་བཞུགས༎

༼PDF ཡི་སྒྲོམ་གཞིའི་ནང་ཡོད་པའི་དཔེ་ལ་གཟིགས་ན། ཟུར་གྱི་འབྲེལ་ཐག་ལ་བསྣུན་རོགས། thos-grol-chen-mo ༽

༄༅།གཏེར་ཆེན་ཀརྨ་གླིང་པའི་ཟབ་གཏེར་དུ་སྤྱན་དྲངས་པའི་ཟབ་ཆོས་ཞི་ཁྲོ་དགོངས་པ་རང་གྲོལ་ལས་ཐོས་གྲོལ་སྐོར་གྱི་དཀར་ཆག་

ཀ༽ སྐུ་གསུམ་བླ་མའི་རྣལ་འབྱོར་གྱི་གསོལ་འདེབས་དུག་གསུམ་མ་སྤང་རང་གྲོལ་ལྡེབ།༣  ་་་་་་་་་་་་་་་་་་་་་་་་་་་་་་་་་་་་་་་    ༡

ཁ༽ ཆོས་ཉིད་བར་དོའི་གསོལ་འདེབས་ཐོས་གྲོལ་ཆེན་མོ་ལྡེབ།༣༦  ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་   ༡

ག༽ ཁྲོ་བོའི་བར་དོ་འཆར་ཚུལ་བསྟན་པ་ལྡེབ།༢༡   ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་  ༡༦

ང༽ སངས་རྒྱས་དང་བྱང་ཆུབ་སེམས་དཔའ་རྣམས་ར་མདར་སྦྲན་པའི་སྨོན་ལམ་ལྡེབ།༣  ་་་་་་་་་་་་་་་་་་་་་་་་་་་་་་་་་་་་་་་   ༢༤

དེ་ལས་མང་བ་། “ཟབ་ཆོས་ཞི་ཁྲོ་དགོངས་པ་རང་གྲོལ་ལས།། བར་དོ་ཐོས་གྲོལ་ཆེན་མོ་བཞུགས།།” »

འདྲེ་རིག་ལྡན་གྱིས།

ཁྱེད་དྲ་བ་འདི་ཉིད་འགོ་ཚུགས་པ་ནས་བཟུང་། བོད་སྐད་ཡིག་ལ་དུང་བའི་མི་མང་པོ་ཞིག་གིས་བར་སྐབས་ཡོད་ཚད་བཙལ་ནས་ཁྱེད་ཚང་ལ་འོང་ཞིང་།
འཁྲུག་ཆ་དོད་པའི་ཆ་འཕྲིན་དུས་རབས་ཀྱི་སྟེགས་བུའི་ཟ་ཟུར་འདི་ནས་རང་རང་གི་སེམས་པ་བརླན་ས་རེ་བཙལ་བ་རེད།
ངོ་མ།
ཁ་བརྡས་མཚོན་པའི་བོད་ཡིག་དྲ་ཚིགས་གང་མང་ཞིག་ཡོད་པ་དག་གིས་དུས་རབས་འདིའི་ང་ཚོའི་སྐོམ་གདུང་བསལ་དང་སེལ་བཞིན་པ་དེར་གུས་བཀུར་བསྔགས་བརྗོད་ཞུ་འོས།

ཡིན་ན་ཡང་།
ཁ་བརྡ་ཚང་ལ་འོང་མཁན་ཚང་མ་ནི་ཆབ་སྲིད་དང་རིག་གནས་སོགས་ཀྱིས་མཚོན་པའི་ཤེས་བྱས་གནས་ཀུན་ལ་མཁས་ཤིང་རང་ཚུགས་དང་ངང་རྒྱུད་རིང་བ་ཞེ་གཅིག་མིན་པར་མ་ཟད།
ད་དུང་ཁྱེད་ཚང་གི་སྐུ་མགྲོན་དག་གི་ཁྲོད་དུ་དམིགས་ཡུལ་སྣ་ཚོགས་ཡོད་པའི་སྐབས་འཚོལ་བ་ཡང་མེད་ཅེས་ང་ཚོ་སུས་ཀྱང་ཁྲུན་ཐག་ཆོད་རྒྱུ་མ་རེད།
དེ་བས། ཁ་བརྡ་རྒད་པོས་ཀྱང་དེའི་ཚོད་ཀྱི་སྐད་ཆ་རེ་བཤད་རྒྱུ་ནི་གནད་ཀྱི་དམ་པ་རེད།

དེ་ལས་མང་བ་། “ཁ་བརྡ་ཚང་ལ་བསྐུར་བའི་ཁ་བརྡ།” »

གཅན་བཟོད་རྒྱམ་པས་
༡༽ དེང་སྐབས་རྒྱ་རིགས་ཚོས་བོད་ཐོག་ལྟ་སྟངས།
ང་རང་རྒྱུན་དུ་དྲ་ཁང་དུ་སོང་སྟེ་རྒྱལ་ཁབ་དང་མི་རིགས་འདྲ་མིན་ལ་ལབ་གླེང་སྣ་ཚོགས་བྱེད་པར་ཧ་ཅང་དགའ་ཞིང༌། ལྷག་པར་དུ་ད་ལོའི་གསུམ་པའི་བཅུ་བཞིའི་དོན་རྐྱེན་བྱུང་བ་ནས་བཟུང་དུས་ཚོད་སྟོང་པ་ནམ་ཡོད་ལ་དྲ་ཁང་དུ་འགྲོ་བཞིན་ཡོད། ཉིན་གཅིག་ལ་དྲ་ཁང་དུ་མ་སོང་ཚེ་སེམས་མི་བདེ་བའམ་ལས་དོན་ཆེན་པོ་ཞིག་བརྗེད་བསྡད་པའི་སྣང་བ་ཞིག་འདུག དྲ་ ལམ་ཁག་ནས་བོད་མི་དམར་གསད་བྱས་པའི་འདྲ་པར་དང་བོད་ས་སྟོད་སྨད་བར་གསུམ་ནས་རྒྱ་ གཞུང་ལ་ངོ་རྒོལ་བྱེད་བཞིན་པའི་པར་རིས་འདྲ་མིན་དང་འཛམ་གླིང་གང་ས་ནས་རྒྱའི་ གཞུང་ཚབ་ཁང་གི་མདུན་དུ་ངོ་རྒོལ་སྐད་འབོད་བྱེད་པའི་གནས་ཚུལ་དང་འབྲེལ་བའི་ གསར་འགྱུར་སོགས་མཐོང་ཚེ་མིག་ཆུ་དབང་མེད་དུ་ཤོར་བ་དང༌། རྒྱ་ ནག་གཞུང་གིས་རྫུན་བཟོ་བྱས་པའི་གསར་འགྱུར་དང་པར་རིས་སོགས་ཀྱང་འཚང་ཁ་ཤིག་ཤིག་ གིས་གཅིག་ཐོན་གཉིས་ཐོན་བྱེད་ཀྱིན་པ་ལས་ཆེས་ཡ་མཚན་དགོས་པ་ཞིག་ནི་ད་ལོའི་བོད་ ནང་རྒྱ་གཞུང་ལ་རྒོལ་བའི་ལས་འགུལ་དེའི་རྒྱབ་ན་ཏཱ་ལའི་བླ་མ་ཡོད་ཚུལ་དང༌། ལྷ་སར་བོད་མིས་དྲག་པོའི་བྱ་སྤྱོད་སྤེལ་ཏེ་རྒྱ་མིར་གསོད་རྡུང་དང་བཅོམ་འཕྲོག་སྟོར་གསུམ་བྱས་པ། བོད་ པ་ཚོ་ཨལ་ཁེ་ཌ་འཇིགས་སྐུལ་བར་འབྲེལ་བ་ཡོད་སྐོར་སོགས་ཤིན་ཧྭ་བརྙན་འཕྲིན་དང་ གསར་འགྱུར་སོགས་སུ་སེམས་ལ་མ་དྲན་པའི་མ་བྱས་རྫུན་བཟོ་གསལ་བསྒྲགས་བྱེད་བཞིན་ པ་དང༌། དེས་ རྐྱེན་བྱས་ཏེ་རྒྱ་ནག་ནང་སྡོད་རྒྱ་རིགས་གཙོས་ཕྱི་སྡོད་རྒྱ་རིགས་སློབ་མ་སྟོང་ ཕྲག་མང་པོས་རྒྱ་གཞུང་གིས་ཟེར་རྗེས་འབྲངས་ཏེ་བོད་མི་དང་བོད་དོན་རྒྱབ་སྐྱོར་ ཚོགས་པ་ཁག་དང༌། ལྷག་ པར་དུ་ཏཱ་ལར་ངོ་རྒོལ་སྐད་འབོད་དང་དགག་རྒྱག་རྩོམ་འཆལ་བརྒྱ་ཕྲག་མང་པོ་སྤེལ་ བཞིན་པ་ནི་རྒྱ་ནག་དམར་པོའི་གཞུང་གིས་ནམ་མཁར་མི་ཤོང་བའི་ནག་ཉེས་ཆེན་པོ་ཞིག་ བཟོས་པ་མ་ཟད། རྩོམ་པ་པོ་དེ་དག་གི་ངོ་ཚ་ཞིག་ཀྱང་ཅི་ལ་མིན་ཏེ། རྒྱ་རིགས་སློབ་མ་དང་ཤེས་ཡོན་པ་ཡིན་ཟེར་བ་དེ་ཚོས་ཤེས་བཞིན་དུ་རྒྱ་གཞུང་གི་ངོ་ཚ་བྲལ་བའི་རྫུན་རྗེས་འབྲངས་དོན་ཅི་ཡིན་ནམ།

དེ་ལས་མང་བ་། “བོད་ལྗོངས་བདེ་འཇགས་དགོས་ན་བཙན་བྱོལ་བོད་གཞུང་གི་དགོས་འདུན་ལ་མྱུར་དུ་དང་ལེན་བྱེད་དགོས།” »

སྟོན་པ་སངས་རྒྱས།

རྔ་བ་རྒྱལ་ཁམས་པ།
ས་ལམ་མཐོན་པོའི་ཉམས་ངོ་ན་བཞུགས་པའི་སངས་རྒྱས་ཀྱི་མཛད་རྣམ་ཟེར་བ། ང་ཚོ་ལ་ལྐོག་གྱུར་དུ་སོང་བས་གསལ་བོ་ཞིག་བརྗོད་མི་ཤེས། གནའ་བོའི་ལྷ་སྒྲུང་ལས་བྱུང་བའི་སྟོན་པའི་ལོ་རྒྱུས་ཀྱང་འདིར་བརྗོད་པར་མི་སྤྲོ། འདིར་ངས་བདག་ཅག་གི་སྟོན་པ་ཞེས་པ། ལུས་ཤ་ཁྲག་རུས་གསུམ་གྱི་ཕུང་བོ་ཡོད་པ་གང་ཞིག་ལ། ངག་བཟང་ངན་སྣ་ཚོགས་སྨྲ་མྱོང་བ། ཡིད་ལ་བདེ་སྡུག་གི་རྟོག་འཆར་སྣ་ཚོགས་ཡོད་པ། རྒྱ་གར་གྱི་རྒྱལ་བུ་དཀྱུས་མ་ཞིག་གིས། ཟས་གང་ཞིམ་གསོལ། གོས་གང་ཡག་བསྣབས། བུ་མོ་གང་མཛེས་དང་འགྲོགས་མཐར། སྐྱེ་རྒ་ན་འཆིའི་སྡུག་བསྔལ་ལ་སྐྲག་ནས། དེ་དག་དང་བྲལ་འདོད་ཀྱི་ཆོད་སེམས་བརྟན་པོས་རྒྱུད་དྲངས་ཏེ། ཐོག་མར་ཡི་གེ་འབྲི་ྐློག་ནས་བཟུང་སྟེ་ཤེས་བྱའི་གནས་ལུགས་ལ་ནང་བྱན་མ་ཆུད་པར་དུ། རྒྱ་གར་ན་དར་སོ་ཆེ་བའི་སྲོལ་རྒྱུན་ཆོས་ལུགས་དང་། རིག་གཞུང་ཕལ་ཆེར་ལ་ཐུགས་སྦྱོང་ཉམས་བཞེས་ལེགས་པར་གནང་། དེང་དུས་ཀྱི་གློག་བརྙན་སོགས་སུ་མི་སྟོབས་ཀྱིས་རྒྱང་མཆོང་བྱེད་པ་ལྟར། སྲོལ་རྒྱུན་གྱི་སྒོམ་ལ་བརྟེན་ནས་སེམས་ཀྱི་རིམ་པ་ཕྲ་རགས་མང་བོ་བརྒལ་ཏེ་སྲིད་རྩེའི་མཐར་གཏུགས་ཀྱང་། ཚད་དེས་རང་ཉིད་ཀྱི་ཐུགས་མགུ་མ་ཐུབ། དེ་ལྷག་ཁུངས་གཏུགས་སའང་མ་རྙེད་པར། རང་ཁོ་ནས་དཔྱད་འཇོག་གི་ཐབས་གཉིས་བརྒྱུད་དེ། ལོ་བར་མང་བོར་དཀའ་ལས་བརྒྱབས་མཐར། སེམས་སྟེང་ན་ཡོད་པའི་ཞེ་སྡང་དང་གཏི་མུག ཁོང་ཁྲོ་དང་གནོད་སེམས་སོགས། རང་གཞན་ལ་གནོད་པར་ངེས་པའི་སྐྱོན་ཆ་གློ་བུར་བ་ཚང་མ་མེད་པར་བཟོས་པས། བྱམས་སྙིང་རྗེ། བྱང་ཆུབ་ཀྱི་སེམས། གནས་ལུགས་རྟོགས་པའི་ཤེས་རབ་ཀྱི་རྩལ་གོང་ནས་གོང་དུ་རྒྱས་ཏེ། ཆོས་དང་འཇིག་རྟེན། བདག་གཞན་དུས་གསུམ་སོགས། ང་ཚོས་འཇོག་བཞིན་པའི་ཡུལ་གྱི་རྣམ་བཞག་འདི་དག འཇོག་བྱེད་བག་ཆགས་དང་བཅས་པ་་ཡུལ་ཅན་ཡེ་ཤེས་ཀྱི་ངོ་བོར་ཞིག་ཟིན་པའི་མཐར་ཐུག་གི་ས་ཐོབ་པ། སྲོལ་རྒྱུན་ཆོས་ལུགས་ལས་རིང་དུ་བརྒལ་བའི་སྐྱེས་བུ་ཆེན་པོ་ཞིག་གོ།

དེ་ལས་མང་བ་། “གསར་རྙིང་ཆོས་བརྒྱུད། བོད་སེམས་ཤེས་རིག་གི་རིན་ཆེན་བང་མཛོད།” »

རེས་གཟའ་པ་སངས་ཀྱི་ཉི་ནུབ་ཏུ། ངས་གྲོགས་པོ་འགའ་བོས་ནས་ནང་དུ་འཛོམས།  ང་ཚོས་བོད་ཟས་གཡོས་ཤིང་ཆང་ལ་རོལ།  བོད་ཀྱི་ཀུ་རེའི་སྒོ་མོ་ཕྱེས། ཧ་ཅང་སྐྱིད། སྐྱིད་པའི་དོན་རྩ་ངོ་མ་ནི། བདུན་ཕྲག་འདིའི་ལས་ཀ་ཡོངས་སུ་གྲུབ་པས་ཡིན་ལ། ཉི་མ་གཉིས་ཀྱི་རིང་བདུན་ཕྲག་མཇུག་གི་གུང་གསེང་ཡིན་སྟབས་བློ་བག་བདེ་པོར་ཡོད།  དེ་ལྟར་ཧ་ལམ་ཆུ་ཚོད་བཅུ་པ་ཟིན་ལ་ཉེ། ངས་ཆུང་མ་ལ། སང་ཉིན་ཁྱེད་རང་ལས་ཀ་ལ་ག་དུས་འགྲོ་གི་ཡིན་ཞེས་དྲིས། མོས་ང་ལ་ལས་ཀ་མེད་ཟེར། ངས་གང་ཡིན་ནམ་དྲིས། མོས་ཁྱེད་ལ་ཟབ་སྦྱོང་ཡོད་སྟབས་ངས་ལས་ཀ་ནས་དགོངས་པ་ཞུས་པ་མི་དྲན་ནམ་ཟེར། དཀོན་མཆོག་གསུམ། ངས་བརྗེད་འདུག གཏན་ནས་བརྗེད་འདུག  གྲོགས་པོ་ཚོ་ལ་ང་ལ་ཟབ་སྦྱོང་འདུག་ཅེས་ཞུས་ནས་རང་སར་བསྐྱལ། ང་ཡང་སྔ་པོར་ཉལ། ཉིན་བཅུ་བཞི་ལ་བསྟུད་ནས་ལས་ཀ་བྱེད་དགོས་ན་འདིས་ང་གསོད་ས་རེད་དྲན། སེམས་ཁོང་དུ་ཆུད། ཡིད་མུག  དཀོན་མཆོག་གསུམ།

དེ་ལས་མང་བ་། “གཟའ་སྤེན་པ་དང་ཉི་མའི་ཟིན་བྲིས།” »

གཅན་བཟོད་རྒྱམ།

____”ཁྱོད་ཀྱི་མིག་གིས་མཐོང་ས་ནས་བོད་ཀྱི་རྒྱལ་དར་འདི་རྒྱལ་ཁབ་དང་མི་རིགས་གཞན་ཞིག་གིས་མིས་དུམ་བུར་གཤགས་ན། མེ་ལ་བསྲེགས་ན། རྡོག་པས་བརྫུས་ན། འདི་རང་གི་རྒྱལ་དར་ཞིག་ཡིན་པས་ཆ་ནས་ཁྱོད་ལ་ཚོར་བ་ཅི་ཞིག་ཡོད་དམ།

འོ་ན་དེ་རིང་རྒྱལ་དར་གྱིས་བཟོས་པའི་ཁྱོད་ཀྱི་ལྷམ་དེ་སྒོ་འགྲམ་ཞིག་ནས་ཕུད་ཡོད་ཚེ། དེའི་སྟེང་ནས་མི་མང་པོ་ཞིག་ཕར་འགྲོ་ཚུར་ཡོང་དང་། རྡོག་བརྫིས་མང་པོ་བཏང་ན། འདི་ལ་རས་ལྷམ་ཞིག་གི་རིན་ཐང་ནས་ལྟ་དགོས་པའམ་ཡང་ན། རས་ལྷམ་ཞིག་གི་རིན་ཐང་ལས་མེད་པ་ཡིན་ནམ།།

ཁ་སང་དུས་བབ་རྩོམ་སྒྲིག་པ་ལུང་རིགས་ལགས་ཀྱིས་བོད་ཀྱི་རྒྱལ་དར་ལྷམ་བཟོ་སྤྱད་བྱས་འདུག་པའི་སྐོར་གྱི་རྩོམ་ཐུང་དེ་མཐོང་མ་ཐག་སེམས་སུ་ཅི་ཡང་མི་དྲན་པ་ལྟ་བུ་ཞིག་ཏུ་གྱུར་བ་དང་། ད་དུང་དྲ་གྲོགས་འགའི་མཆན་བུ་དག་གིས་ནི་དེ་བས་ཀྱང་མི་སྐྱིད་པ་འདྲ་ཞིག་ཆགས་སོང་། རྒྱུ་མཚན་ཤོད་ཟེར་ན་ཅི་ཞིག་བཤད་དགོས་པའང་མི་ཤེས་ཀི

ལུང་རིགས་ལགས་ཀྱི་རྒྱལ་དར་དང་འབྲེལ་བའི་རྩོམ་ཡིག་དང་དེའི་གཤམ་གྱི་མཆན་བུ་དག་ལས་ངས་གཤམ་དུ་འཆད་པའི་སྐད་ཆ་འདི་ཚོར་”རྙིང་དྲི”་ཁ་བའམ། ཡང་ན་”རྙིང་ཞེན་”ཆེ་དྲག་པའི་ལྟ་ཚུལ་ཞིག་ཡོང་ངེས་པ་རེད་པས། འོན་ཀྱང་ངས་ནི་རང་བོད་ཀྱི་རྒྱལ་དར་འདི་ནི་རང་གི་རྒྱལ་ཁབ་དང་མི་རིགས། རིག་གཞུང་། མདོར་ན་བོད་ཀྱི་ས་ཆུ་རི་བྲག་ནགས་སོགས་བོད་ཀྱི་རྟེན་དང་བརྟེན་པར་བཅས་པའི་མཚོན་དོན་དང་དེ་དག་ཡིན་པར་སྙམ་པས་ན། ནམ་ཡང་འདི་རྩེ་སྤྱད་དགོད་སྤྱད་དང་གང་བྱུང་མང་བྱུང་དུ་བེད་སྤྱོད་མི་ནུས་ལ། “རྒྱལ་དར་འདི་ནི་བོད་རྒྱལ་ཁབ་ཆེན་མོ་ཡིན་སྙམ་བཞིན་གཅེས་སྤྲས་གནང་དགོས་པ་རེད་”བསམ་བཞིན་ཡོད།

དེ་ལས་མང་བ་། “རྒྱལ་དར་འདི་བོད་རྒྱལ་ཁབ་ཆེན་མོ་ཡིན་སྙམ་བཞིན་གཅེས་སྤྲས་གནང་དགོས་པ་རེད།” »