࿑ བཙན་བྱོལ་བོད་མིའི་གཞིས་ཆགས་ཁག་སྲ་བརྟན་དང་། རྒྱུན་གནས་། རང་ཁ་རང་གསོ་ཐུབ་པའི་འགན་དེ་གཞིས་ཆགས་སོ་སོའི་ས་གནས་མཉམ་འབྲེལ་ནས་བཞེས་དགོས་པའི་དུས་ལ་བབས་མི་འདུག་གམ།

གཞུང་པ་ཚེ་དབང་བསོད་ནམས།

བོད་མིའི་བླ་ན་མེད་པའི་དབུ་ཁྲིད་༧ སྤྱི་ནོར་༧ གོང་ས་སྐྱབས་མགོན་ཆེན་པོ་མཆོག་གི་རླབས་ཆེན་མཛད་འཕྲིན་འོག་བོད་མི་བཙན་བྱོལ་བ་རྣམས་རང་ཡུལ་དུ་ཕྱིར་ལོག་མ་ཐུབ་བར་འཚོ་བའི་མདུན་ལམ་ཆེད་གནས་ཡུལ་རྒྱ་གར་གཞུང་ནས་གཞིས་ཆགས་ཀྱི་ས་ཁང་དང་མི་མང་གི་འཚོ་བར་འགན་འཁུར་ལེན་མཁན་གནས་ཡུལ་ལུང་པའི་ཁྲིམས་སྒྲིག་འོག་ས་གནས་མཉམ་འབྲེལ་ཁག་ཆེད་དུ་བཙུགས་ནས་རང་ཁ་རང་གསོ་དང་། རང་མི་རང་ལས་བྱས་ནས་གཞན་ལ་བརྟེན་མི་དགོས་པར་མཉམ་འབྲེལ་གྱི་ཡོང་འབབས་ཐོག་ནས་ས་གནས་ཀྱི་སློབ་གྲ་དང་།

དེ་ལས་མང་བ་། “འགན་དེ་གཞིས་ཆགས་སོ་སོའི་ས་གནས་མཉམ་འབྲེལ་ནས་བཞེས་དགོས།” »

࿑ སྤྱི་འཐུས་སྐབས་བཅུ་དྲུག་གི་ཁྲིམས་འགལ་གྱིས་ལས་ཉེས་འོག་ནས་བཙན་བྱོལ་བོད་མིའིབཅའ་ཁྲིམས་སྦོ་ལུག་པ་སླར་གསོའི་ཆེད་བཀའ་སྤྱི་གཉིས་ནས་དམིགས་བསལ་ཚོགས་ཆེན་བསྐོང་དགོས་པ།

གཞུང་པ་ཚེ་དབང་བསོད་ནམས།

སྤྱི་འཐུས་སྐབས་བཅུ་གཅིག་གི་ཁྲིམས་བཟོའི་འགན་ཁུར་བླངས་ནས་སྤྱི་ལོ་ ༡༩༩༡ སྤྱི་ཟླ་ ༦ པའི་ཚེས་ ༢༨ ཉིན་བཙན་བྱོལ་བོད་མིའི་བཅའ་ཁྲིམས་གཏན་འབེབས་གནང་བའི་ནང་ལེའུ་བཅུ་གཅིག་དང་དོན་ཚན་ ༡༡༥ ཡོད་པ་ནས།

དེ་ལས་མང་བ་། “བཀའ་སྤྱི་གཉིས་ནས་དམིགས་བསལ་ཚོགས་ཆེན་བསྐོང་དགོས་པ” »

ཆབ་མདོ་ངག་ཕུན།

དེ་རིང་ངས་དྲིན་ཅན་གྱི་ཨ་མ་དང་འབྲེལ་བའི་སྐོར་ལ་གླེང་བར་འདོད་ཅིང་། དེ་ཡང་ང་སྡོད་སའི་གནས་ནི་མདོ་སྟོད་ས་ཡི་ཐིག་ལེ་ཆབ་མདོ་དགེ་ལྡན་བྱམས་པ་གླིང་ཞེས་གྲགས་པའི་ས་ནས་མི་ལི་ ༤༠ ཡོད་པའི་ངོམས་རྒྱུད་ལ་ཡིན་པ་དང་། ངོམས་ཆུ་ནི་ཧོར་ཚོའི་ཁོངས་སྒང་རུ་བྱང་མཐའི་ས་གསང་ཆུ་གཞུང་དང་། གསེར་ཚ་བྱ་ཟེའི་ཁོངས་དམུ་ཐའི་ས་དམུ་གཞུང་གཉིས་ཀྱི་ཆུ་གསང་ཆུ་དང་། དམུ་ཆུ་གཉིས་འདྲེས་ནས་འབབ་པའི་སྐྱི་ལྕགས་ཟམ་བརྒྱུད་འོང་པར་ངོམས་ཆུ་ཞེས་གྲགས་པའི་ཆུ་བོ་ཆེན་པོ་དེ་འདིའི་འབབ་རྒྱུན་ལ་ཆགས་ཡོད་ཅིང་། ཆུ་བོ་དེ་ནི་དུས་ཚོད་ལ་འཕོ་འགྱུར་ཇི་ལྟར་ཕྱིན་རུང་ངལ་མེད་དལ་གྱིས་འབབ་བཞིན་ཡོད། ཆུ་བོ་དེ་ཉིད་རྒྱུགས་ཡུལ་གྱི་སྐྱེ་འགྲོ་དུ་མའི་སྐོམ་པ་སེལ་བའི་ཕན་ཐོགས་རླབས་ཆེན་ཡོང་གི་ཡོད་པ་ནི་བརྗོད་ག་ལ་དགོས། ཆུ་བོ་དེ་ཉིད་ལ་ང་སྙིང་ནས་དགའ་སྣང་ཆེན་པོ་ཡོད།  

དེ་ལས་མང་བ་། “དྲིན་ཅན་ཨ་མ་དང་འབྲེལ་བའི་གཏམ།” »

ནམ་མཁའ།

སྐུ་ངོ་ཀུན་དགའ་བཀྲ་ཤིས་ལགས་ཀྱིས་འདེབས་འཛུགས་བྱས་བའི་ཆབ་སྲིད་གླེང་མོལ་གྱི་ཤེས་བྱའི་ལྡུམ་ར་ཞིག་ཡོད། ཕྲན་ཀྱང་ཤེས་བྱའི་ལྡུམ་ར་དེའི་ནང་གི་ཡིད་དབང་འཕྲོག་པའི་མེ་ཏོག་སྣ་བརྒྱ་བཞད་པ་ལ་ལོངས་སུ་སྤྱོད་མཁན་གྱི་སྦྲང་མ་ཆུང་ཆུང་ཞིག་ཡིན། སྐུ་ངོ་ལགས་ཀྱིས་ཤེས་བྱའི་ལྡུམ་ར་དེའི་ནང་དུ། གསར་དུ་བཞད་པའི་འདབ་མ་སྟོང་ལྡན་གྱི་མེ་ཏོག་པད་མ་དཀར་པོ་ཞིག་སྟེ། ཡིད་སེམས་འགུལ་བའི་འཕྲུལ་དེབ་གངས་ཅན་ལྗོངས་སུ་སངས་རྒྱས་བྱོན་པ་ཟེར་བ་དེ་གདན་འདྲེན་ཞུས་སོང་། གཤོག་རྩལ་གཉོམ་ཡང་མེ་ཏོག་སྣ་བརྒྱ་ལོངས་སུ་སྤྱོད་མཁན་གྱི་སྦྲང་མ་ཞིག་ལ་མཚོན་ནས་བཤད་ན། གནམ་འཕངས་གཅོད་པའི་གཤོག་རྩལ་མེད་ན་ཡང་། མཐའ་སྐོར་གྱི་མེ་ཏོག་གི་སྦྲང་རྩི་ལ་རོལ་འདོད་པ་ནི་ཆོས་ཉིད་ལྟ་བུ་ཞིག་ཡིན་པས། གསར་དུ་བཞད་མ་ཐག་པའི་མེ་ཏོག་པད་མ་ལྟ་བུའི་དེབ་དེ་རེག་ཨེ་ཐུབ་ལ་འབད་བརྩོན་བྱས་ཀྱང་།  དེ་རིང་བར་དུ་རེག་མ་སོང་པས་ཕྲན་གྱིས་འདིར་སྐུ་ངོ་མཆོག་ལ་བཀའ་དྲིན་ཆེ་ཞུ་རྒྱུ་ཡིན།

དེ་ལས་མང་བ་། “རྗེ་ཙོང་ཁ་པ་ཆེན་པོའི་རྣམ་ཐར་གསར་བསྒྲིགས་བཀླགས་པའི་འཆར་སྣང་།” »

རྔ་བ་ཀུན་བཟང་།

< སྤྱི་བཤད། >

རྒན་པདྨ་འབུམ་གྱིས་བརྩམས་པའི་སྒྲུང་རིང་<< འཇའ་ལམ་ཁྲ་མོ>> ཞེས་པའི་གསར་ཐོན་གྱི་དེབ་འདི་ངའི་གྲོགས་པོ་ཞིག་གིས་རྡ་ས་ནས་ཉོས་ཏེ་ང་ལ་ལེགས་སྐྱེས་སུ་གནང་བྱུང་། མ་གཞི་ནས་ངས་རྒན་པད་མ་འབུམ་གྱི་གཏམ་བཤད་དང་། བརྩམས་ཆོས་གཞན་མང་བོ་ལ་བལྟས་མྱོང་ཡོད། ད་ལོ་ང་ཚོ་ཚང་མ་དགའ་དགོས་པ་ཞིག་ལ། འཇམ་ལམ་ཁྲ་མོ་ཟེར་བའི་སྒྲུང་རིང་ཞིག་གསར་ཐོན་བྱུང་འདུག དེའི་ཐོག་ནས་རྒན་ལགས་ཀྱིས་མི་རིགས་ཞིག་གི་ཤེས་རིག་དང་འབྲེལ་བའི་བརྩམས་སྒྲུང་རིག་པའི་ལས་དོན་ལ་ད་དུང་སྔར་བཞིན་དགའ་སྣང་དང་འབད་པ་གནང་བཞིན་ཡོད་པ་གསལ་བོ་རེད་ལ། ང་ཚོ་མི་རབས་གཞོན་པ་ཚོས་རྒན་ལགས་ལ་ཁ་དྲོ་བཀྲ་ཤིས་ཞེས་ཞུ་ན་འདོད།

དེ་ལས་མང་བ་། “འཇའ་ལམ་ཁྲ་མོ་བཀླགས་པའི་མྱོང་བ་ཐུང་ཐུང་།” »

གཞུང་པ་ཚེ་དབང་བསོད་ནམས།

སྤྱི་འཐུས་སྐབས་བཅོ་ལྔ་པའི་གྲོས་ཚོགས་ཚོགས་དུས་དང་པོའི་ཐོག་བཅའ་ཁྲིམས་དོན་ཚན་གསུམ་པ་ལ་བསྐྱར་བཅོས་གནང་ནས་མང་གཙོའི་གཞུང་ལུགས་སམ་མང་གཙོའི་ལྟ་གྲུབ་།༼ Democracy Theory ༽ དང་མཐུན་པའི་ཁྲིམས་མཐུན་གྱིས་ཐ་སྙད་། ༼ ཡུལ་མིའི་རྒྱལ་ཁབ་། Republic ༽ ༼ དེ་ཡུལ་མིའི་སྲིད་སྐྱོང་། ༽ ལ་བསྐྱར་བཅོས་གནང་འདུག་པ་ཡུལ་མིའི་སྲིད་སྐྱོང་ཟེར་བའི་ཐ་སྙད་དེ་མང་གཙོའི་གཞུང་ལུགས་སམ་མང་གཙོའི་ལྟ་གྲུབ་། ༼ Democracy Theory ༽ དང་མཐུན་མིན་ཐེ་ཚོམ་ཆེན་པོའི་ནང་ལྷག་པ་ནས་མང་གཙོ་དང་ཁྲིམས་ཀྱི་དབང་བསྒྱུར་ལ་འགན་འཁུར་ནས་གང་ཟག་སྒེར་གྱི་བསམ་ཚུལ་འདིར་གསལ་སྟོན་བྱ་འདོད་བྱུང་།

དེ་ལས་མང་བ་། “ཡུལ་མིའི་རྒྱལ་ཁབ་དང་ཡུལ་མིའི་སྲིད་སྐྱོང་ལ་དཔྱད་པའི་གཏམ།” »

དུར་བྱང་།

ཐོག་མའི་སྐད་ཆ་འགའ།

ཉེ་ཆར་ཨ་རིར་ཡོད་པའི་ཀུན་གླེང་ཐད་གཏོང་ལས་རིམ་ནང་དུ་སྒྲུང་རིང«འཇའ་ལམ་ཁྲ་མོ»འི་རྩོམ་པ་པོ་ཨ་ཁུ་པདྨ་འབུམ་ལགས་ལ་བཅར་འདྲི་ཞིག་འདུག་པ་དེར་ཐེངས་འགར་ཉན་པ་ཡིན། རྩོམ་པ་པོའི་ལན་འདེབས་ཁག་ཅིག་ལས་གསལ་ཆ་བྱུང་བ་ནི། ཁོ་བོས་<<འཇའ་ལམ་ཁྲ་མོ>>འི་མཚོན་དོན་ལ་དམར་གཞུང་གི་རྟགས་ཤིག་བརྒྱབ་པ་དེ་ཏག་ཏག་སྒྲུང་རིང་གི་དོན་རྩ་ལ་འཇུས་འདུག ཚིག་རྩ་ནས་བཟུང་འདུག ཐད་གར་ཐོང་རྩ་ནས་བསྒགས་འདུག་ཨང་སྙམ་བཞིན་རང་ཉིད་ཀྱིས་རང་ཉིད་ལའང་བཀའ་དྲིན་ཆེ་ཞུ་འདོད། 

དེ་ནི་སྒྲུང་གི་བྱུང་རབས་ཁོ་ན་དམིགས་འཛིན་གྱིས་ཀློག་མཁན་དག་ལ་འགྲམ་ལྕག་ཚ་ཐག་ཆོད་པ་ཞིག་བཞུས་པ་རེད་ལ། བརྗོད་བྱའི་སྙིང་བོར་དམར་འཇུ་བྱེད་མཁན་བདག་འདྲ་ལ་བསམ་བཞིན་མ་ཡིན་པའི་བདེན་ཁ་ཨེན་ཙམ་བྱིན་པར་སོང་རྩོམ་པ་པོ་ལ་བཀའ་དྲིན་ཆེ་ཞུ།

དེ་ལས་མང་བ་། “དགྲ་བོ་ལ་བསྟོད་གླུ་བླངས་པའི་སྒྲུང་རིང་ <> བསྐྱར་དུ་གླེང་བ།” »

གཞུང་པ་ཚེ་དབང་བསོད་ནམས་།

༡ མང་གཙོ་། Democracy ༢ མང་གཙོའི་གཞུང་ལུགས་། Democracy Theory ༣ མང་གཙོའི་ཀ་བ་གསུམ་། Three Pillar of Democracy ༡ ཁྲིམས་བཟོ་སྡེ་ཚན་། Legislature ༢ འཛིན་སྐྱོང་སྡེ་ཚན་། Executive ༣ ཁྲིམས་ལུགས་དབང་འཛིན་། Judiciary བཅས་གོང་གི་སྡེ་ཚན་འདི་གསུམ་འགན་དབང་འདྲ་མཉམ་ཐ་དད་དུ་གནས་ནས་ ༼ Responsible Answerable and Check and Balance System ༽ མགོ་དང་འཇིང་པ་ལྟ་བུ་ནམ་ཡང་ཁ་བྲལ་ཐབས་མེད་པ་ཞིག་ཡིན་པ་ནས་གཅིག་གི་གཅིག་ལ་འགན་བཀུར་དགོས་པ་དང་། གཅིག་གི་གཅིག་ལ་ལན་རྒྱག་དགོས། བཅའ་ཁྲིམས་དོན་ཚན་ ༦༣ ནང་གསལ་བའི་ཆེས་མཐོའི་ཁྲིམས་ཞིབ་པ་ཆེ་བ་མེད་པ་དང་། ཁྲིམས་ཞིབ་ཆེ་བའི་ལས་ཚབ་ཡང་རིང་མིན་བགྲེས་ཡོལ་ལ་ཕེབས་རྒྱུ་ཡིན་པ་ནས་ཁྲིམས་ཞིབ་པ་གཅིག་ལས་མེད་པ་ནས་དབུས་བོད་མིའི་སྒྲིག་འཛུགས་ཀྱི་ལས་དོན་དང་མི་མང་གི་བདེ་སྡུག་ཞུ་རྒྱུ་སོགས་ཁྲིམས་ལུགས་དང་འབྲེལ་བའི་ལས་དོན་མང་པོ་རང་བཞིན་གྱིས་འགག་འགྲོ་བ་ནས་འདིའི་འགན་ཆ་ཚང་ཁྲིམས་བཟོ་སྤྱི་འཐུས་གྲོས་ཚོགས་ལ་ཡོད་པ་དེ་ཡང་གསལ་པོ་མཁྱེན་དགོས་པ་དང་།

དེ་ལས་མང་བ་། “མང་གཙོ་ཁྲིམས་ཀྱིས་དབང་བསྒྱུར་འོག་འཚོ་ཐུབ་པ་ལ་མང་གཙོའི་ཀ་བ་གསུམ་འགན་དབང་འདྲ་མཉམ་ཐ་དད་དུ་གནས་དགོས་པ།” »

གཡག་རྫི།

༡༽ གནས་ལུགས་དང་མཐུན་མིན་ཇི་ལྟར་ཡང་ནམ་རྒྱུན་ང་རང་གི་དྲན་ཚུལ་ལམ་སེམས་ལ་འཆར་སྡོད་པ་ཞིག་ནི་བོད་བརྒྱུད་ནང་བསྟན་དར་བའི་བརྒྱུད་རིམ་ཁྲོད་དུ་སྐྱེས་ཆེན་དམ་པ་བསམ་གྱིས་ཁྱབ་པ་གནམ་གྱིས་ས་བཀབ་པ་ལྟ་བུ་ཆེས་མང་པོ་ཞིག་བྱུང་བའི་ནང་ནས་རྗེ་ཙོང་ཁ་པའི་སྙིང་སྟོབས་དང་ཕྲིན་ལས་ནི་དམིགས་བསལ་བ་ཞིག་ཏུ་མཇལ་གྱི་ཡོད། རྒྱུ་མཚན་རྗེ་ཙོང་ཁ་པ་ཆེན་པོ་འཇིག་རྟེན་དུ་བྱོན་པའི་དུས་ནི་བོད་ཀྱི་ས་ཁུལ་ཁག་ཏུ་སངས་རྒྱས་ཆོས་ལུགས་དར་བ་ཙམ་དུ་མ་ཟད་རྩ་བ་ཚུགས་ཤིང་ཡལ་ག་རྒྱས་ཏེ་འབྲས་བུ་སྨིན་ནས་ཡོད་པ་དང་། ལྷག་པར་རྙིང་མ་དང་། བཀའ་གདམས། བཀའ་བརྒྱུད། ས་སྐྱ་སོགས་ནང་ཁུལ་གྱི་གྲུབ་མཐའ་དང་ཆོས་བརྒྱུད་ཁག་སོ་སོར་གྱེས་ཏེ་ལྟ་གྲུབ་སྨྲ་བ་དང་། གཞུང་ལུགས་རྩོམ་པའི་མཁས་པ་རུ་འཛིངས་ནས་ཡོད་པའི་དུས་ཚོད་ཅིག་ལ་ཁེལ་ཡོད་པ་དང་། ཞེ་ས་མ་ཞུས་ན་ས་ཐག་རིང་མདོ་སྨད་ཙོང་ཁའི་ཡུལ་ནས་བྱིས་པ་ལོ་བཅུ་དྲུག་ཅན་གྱི་ཨ་སྐྱོ་བ་ཞིག་སྟོད་དབུས་གཙང་ཁུལ་དུ་ཡོང་ནས་ཐོག་མར་སློབ་གཉེར་བྱས་ཤིང་རིམ་གྱིས་དགེ་ལུགས་པ་ཞེས་པའི་གྲུབ་མཐའ་བྱེ་བྲག་པ་འབུར་དུ་ཐོན་པ་ཞིག་བཙུགས་པ་དང་། སློབ་མ་མཁས་པ་མང་པོ་བསྐྱེད་བསྲིངས་བྱས་ཏེ་མཐར་བོད་ས་སྟོད་སྨད་ཀུན་ཏུ་ཁོང་རང་གི་ཆོས་ལུགས་ཀྱིས་ཁྱབ་པར་བྱས་པ་དེ་འདྲ་ནི་གང་ཟག་རང་ག་བ་ཞིག་གིས་འཇོན་རྒྱུ་ཞིག་མ་རེད་འདོད།

དེ་ལས་མང་བ་། “རྗེ་ཙོང་ཁ་པའི་རྣམ་ཐར་མཇལ་བ།” »

གཞུང་པ་ཚེ་དབང་བསོད་ནམས།

མང་གཙོའི་སྒྲིག་འཛུགས་ནང་ཁྲིམས་དང་སྒྲིག་གཞིའི་ལམ་སྟོན་འོག་མི་མང་འཚོ་དགོས་པ་དང། མི་མང་གིས་མངོན་འདོད་དང། མི་མང་གིས་བསམ་འཆར། མི་མང་གིས་ཡིད་ཆེས་བཅས་གཞི་ལ་བཞག་ནས་ཁྲིམས་བཟོ་གྲོས་ཚོགས་ནས་ཁྲིམས་སྒྲིག་གཏན་འབེབས་སམ་བསྐྱར་བཅོས་སམ་བཟོ་བཅོས་སོགས་གནང་དགོས་པ་དེ་ཁྲིམས་བཟོ་གྲོས་ཚོགས་འཐུས་མིའི་ཐུགས་འགན་ཡིན་པ་དང། གལ་ཆེ་ཤོས་དེ་བཅའ་ཁྲིམས་ལེའུ་བཞི་པ། ལེའུ་ལྔ་པ་། ལེའུ་དྲུག་པ། བཅས་འདི་གསུམ་ལ་གས་ཆག་མ་ཤོར་བ་གསོན་པོར་གནས་ཐུབ་པའི་྄འགན་དེ་མང་གཙོའི་ཀ་བ་གསུམ་ནས་བཞེས་དགོས་པ་ནས་ད་ལྟའི་ཆ་ལ་བཅའ་ཁྲིམས་ལེའུ་དྲུག་པ། ཁྲིམས་ལུགས་དབང་འཛིན། དོན་ཚན་རེ་གསུམ་པ། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་མེད་པ་དང་། ཁྲིམས་ཞིབ་པ་ཆེ་བའི་ལས་ཚབ་ཡང་རིང་མིན་སྤྱི་ཟླ་དྲུག་པའི་ནང་བགྲེས་ཡོལ་ལ་ཕེབས་མཁན་རེད་འདུག་ན་མི་མང་གིས་འཐུས་མི་ཚོའི་མང་གཙོ་དང་ཁྲིམས་ཀྱི་དབང་བསྒྱུར་ཟེར་བའི་ཐ་སྙད་ལ་འགན་འཁུར་ནས་ཁྲིམས་ཞིབ་པ་ཆེ་བ་དུས་ཐོག་ལ་བསྐོ་དགོས་པ་དེ་ཁྲིམས་བཟོ་གྲོས་ཚོགས་འཐུས་མིའི་ཐུགས་འགན་ཡིན་པ་ནི་བཙན་བྱོལ་བོད་མིའི་བཅའ་ཁྲིམས་དོན་ཚན་སོ་དྲུག་པ། ཁྲིམས་བཟོའི་དབང་ཆ། ཁྲིམས་ལུགས་བཟོ་འགོད་དང་གཏན་འབེབས་བྱ་རྒྱུའི་དབང་ཆ་ཡོངས་རྫོགས་སྤྱི་འཐུས་གྲོས་ཚོགས་ལ་ཡོད་ཟེར་བ་ནས་གྲོས་ཚོགས་ནས་ཆེས་མཐོའི་ཁྲིམས་ཞིབ་པ་ཆེ་བ་བསྐོ་བཞག་མ་ཐུབ་པ་དེ་བཅའ་ཁྲིམས་ལ་འགན་མ་འཁུར་ནས་ཆེས་མཐོའི་ཁྲིམས་ཞིབ་པ་ཆེ་བ་བསྐོ་མ་ཐུབ་པར་ངོས་འཛིན་ཞུ་དགོས་པ་རེད་དམ། ཆེད་དུ་དམིགས་ནས་ཆེས་མཐོའི་ཁྲིམས་ཞིབ་པ་ཆེ་བ་མ་བསྐོས་པ་ལ་ངོས་འཛིན་ཞུ་དགོས་པ་རེད་དེ་ཡང་གསལ་པོ་ཤེས་ཐུབ་མ་སོང།

དེ་ལས་མང་བ་། “སྤྱི་འཐུས་སྐབས་བཅུ་བདུན་པའི་གྲོས་ཚོགས་ནས་བཅའ་ཁྲིམས་བསྐྱར་བཅོས་ཚོགས་ཆུང་བཙུགས་པའི་བསྐོར་ལ་དཔྱད་པའི་གཏམ།” »

བསྟན་པའི་དངོས་གྲུབ།

ཕྱི་ལོ་ ༢༠༢༣ ཟླ་ ༠༥ ཚེས་ ༡༧ ལ་ལས་ཀའི་བར་གསེང་དུ་རང་ཉིད་ལ་ཚོར་བ་གང་བྱུང་བ་རྣམས་ཡི་གེར་བསྡེབས་པའོ། །

དཔྱིད་ཀྱི་དཔལ་མོས་འཛུམ་གྱིས་བསུས་པས་མཚོ་ཁའི་ཆང་ཁང་མགྲོན་གྱིས་གང་།།
ནས་ཆང་མངར་མོས་བཟི་ཁ་ལྡན་པས་མགྲོན་རྣམས་སྐྱིད་པའི་དཔལ་ལ་རོལ།།
ངག་དབང་ལྷ་མོའི་དྲུག་འགྱུར་དབྱངས་ཀྱིས་ལྷ་ཆེན་ཚངས་པ་མགྲོན་དུ་བསུས།།
ཞལ་ཟས་རོ་བརྒྱའི་བཅུད་ལ་རོལ་བཞིན་སྙན་ངག་མཁན་པོས་སྨྱུག་རྩལ་ངོམ།།

དེ་ལས་མང་བ་། “མཚོ་ཁའི་ཆང་ཁང་།” »

བཞག་ལྡོམ་ལྗང་ལོ། 

ཨ་རི་བ་ནི་རྒྱལ་སྤྱིའི་སྟེང་མེ་མདའི་བཟོ་གྲྭ་ཆེས་མང་ཤོས་དེ་ཡིན་ལ་། ཨ་རིའི་མངའ་སྡེ་ཡོངས་ན་མེ་མདའི་བཟོ་གྲྭ་༢༣༨ ཙམ་དང་། མེ་མདའ་ཚོང་ཁང་༥༢,༧༩༩ ལྷག་ཡོད་པ་རེད། ༢༠༢༡ ལོ་ཁོ་ནར་བཟོ་གྲྭ་དེ་ཚོས་མེ་མདའ་ས་ཡ་༡༣.༨ ལྷག་བཟོས་ཡོད་ཅིང་། ཨ་རིའི་ནང་ཁུལ་དུ་མེ་མདའ་བཟོ་ཚོང་ཁང་མང་པར་བརྟེན་ནས་ཨ་རི་བ་མེ་མདའ་ལ་ཧ་ཅང་དགའ་ཞིང་། ཁོང་ཚོར་རྒྱུས་མངའ་ཡོད་པའི་མི་ཞིག་གིས་ལྟས་ན། ཨ་རི་བ་གང་མང་ཞིག་མེ་མདའ་ལ་རང་གི་བུ་ཕྲུག་ལས་ཀྱང་དགའ་བོ་བྱེད་ཀྱི་ཡོད་པ་ལྟ་བུའི་སྣང་བ་སྟེར་སྲིད་ལ། སྐྱེ་བོ་དེ་རྣམས་ལ་རང་ཁྱིམ་ན་མེ་མདའ་གཅིག་ཡོད་པའི་མ་ཚིམ་པར་། མེ་མདའ་(The AR-15)རིང་ཐུང་ཁ་ཤས་ཉར་གྱི་ཡོད།  ནོར་འཁྲུལ་ཅན་ཀྱི་དགའ་ཕྱོགས་དེ་དང་། མེ་མདའ་གང་སར་མང་དྲགས་པས། ཉིན་དང་མཚན་དུ་ཉེས་མེད་ཨ་རི་བ་གྲངས་ལས་མདས་བ་ཞིག་གི་གཅེས་པའི་ཚེ་སྲོག་སློབ་གྲྭ་དང་། ལས་ཁུངས་། ཟ་ཁང་སོགས་ནས་ཤོར་དེ། ཤུལ་དུ་ལྷག་པའི་ནང་མི་དང་། གཉེན་ཉེ་ཚོ་སྡུག་བསྔལ་གྱི་རྒྱ་མཚོའི་ནང་དུ་ལྷུང་གི་ཡོད་པ་རེད། ཡིད་སྐྱོ་ཞིང་སྐྱུག་བྲོ་བའི་དོན་རྐྱེན་དེ་སྐོར་ལ་ཕེའོ་ (pew Research) ཞིབ་འཇུག་ཁང་གིས་སྙན་ཐོ་༢༠༢༢ ལོ་འགོར་འཁོད་པ་ལྟར་ན། ༢༠༢༠ ལོ་ཁོ་ནར་ཨ་རི་བ་”༤༥,༢༢༢” ཚེ་སྲོག་མེ་འདས་ཁ་ནས་ཤོར་ཡོད་པ་དང་། གྲངས་ཁ་དེ་རྣམས་ལོ་གཅིག་གི་ཉི་མ་རེ་རེར་བགོས་བ་ཡིན་ན། ཉིན་རེ་ལ་ཨ་རི་བ་༡༢༤ མ་ཟིན་ཙམ་ཀྱི་སྲོག་ཤོར་ཀྱི་འདུག་ལ། ད་ལོ་ལྟ་བུ་ཡིན་ན་མེ་མདའི་དོན་རྐྱེན་དེ་བས་ཀྱང་རི་ལ་མེ་ཤོར་བ་ལྟར་ཇེ་ཆེར་འགྲོ་བ་ལས་ཉུང་དུ་འགྲོ་ཡི་མེད།

དེ་ལས་མང་བ་། “གཡུལ་ས་ལྟ་བུའི་ཨ་རི་བ། ” »