མི་གསོན་པོས།
དེ་ཡང་༧རྒྱལ་བའི་དབང་པོ་ཀརྨ་པ་གྲོང་ཁྱེར་སན་ཧྥི་རན་སི་སི་ཁོ་རུ་ཆིབས་བསྒྱུར་གྲུབ་པའི་ཉིན་གཉིས་པ་གྷོ་གྷོལ་ཁེ་ལས་ཚོང་གཉེར་ཁང་གིས་གདན་ཞུས་ཀྱིས་བགྲོ་གླེང་དང་བཀའ་སློབ་གནང་ཡོད་པ་དང་། དེ་རིང་ཕྱི་ཚེས་༡༧ཉིན་གྱི་ཕྱི་དྲོ་ཆུ་ཚོད་ལྔ་པའི་ཐོག་ཏུ་འཛམ་གླིང་ན་སྙན་གྲགས་རྒྱས་པའི་ཨ་རི་སི་ཊན་ཧྥོར་ཌི་གཙུག་ལག་སློབ་ཆེན་གྱིས་ཇི་ལྟར་གསོལ་བ་བཏབས་པ་བཞིན་༧དཔལ་རྒྱལ་བའི་དབང་པོ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་
རྫ་ཚེ་རིང་བཀྲ་ཤིས།
ཉེ་བའི་ཉིན་མོ་འདི་ཀའི་མ་བུ་ལྷན་འཛོམས་ཀྱི་དུས་ཚོད་དང་སྐར་ཆ་དེ་དག་ངའི་སེམས་ངོགས་སུ་ད་དུང་ཡང་ཡང་དྲན་གྱིན་ཡོད། ཨ་མས་ཕ་ཡུལ་ནས་བསྣམས་ཡོང་བའི་རྩམ་ཆུར་མར་གསུམ་དང་། གྲོ་མ་བཅས་ནི་རྒྱ་ཟས་གང་ཞིག་ལས་ཀྱང་གཙང་དག་ལྷད་མེད་དང་། རོ་ཞིམ་བཅུད་ཆེན་དུ་འདུག བདུན་ཕྲག་འདིའི་ཡར་སྔོན་རང་ལ་ཕྲན་དངོས་སུ་བཀའ་དྲིན་ཅན་གྱི་ཨ་མ་དང་ལྷན་འཛོམས་བྱུང་ཞིང་། མི་ལོ་བཅུ་ཕྲག་གི་རྗེས་སུ་མ་བུ་སླར་ཡང་ཐུག་པའི་དགའ་སྐྱོ་ཟུང་འབྲེལ་གྱི་ཚོར་བ་ནི་སྨྲ་བརྗོད་ཀྱི་ཡུལ་ལས་འདས་པ་ཞིག་རེད།
དེ་ལས་མང་བ་། “ང་དང་ཨ་མའི་ལྷན་འཛོམས__འོད་དུ་འཚེར་བའི་ཉིན་མོ།” »
རྩོམ་པ་པོ། རྣོ་སྦྲེང་།
མདུན་རིའི་སྒང་ནས་བལྟས་ཚེ། རི་བོ་གླང་ཆེན་དང་འདྲ་བ་ཞིག་གི་འདབས་རོལ་ན་ཆགས་ཡོད་པའི་སྟག་ལུང་དགོན་པ་ནི། ཅི་འདྲའི་གནས་ཁམས་ཆེན་ཞིག་ལོས་ཡིན་སྙམ་པའི་ཚོར་བ་སྟེར། བྱམས་ཁང་དང་ཇོ་ཁང་། རྗེ་ལྷ་ཁང་སོགས་ཀྱི་དཀྱིལ་ན་ཀྲོང་ངེར་མངོན་པའི་ཚོགས་ཆེན་འདུ་ཁང་གི་ཆགས་དབྱིབས་དང་། ཚོགས་ཆེན་འདུ་ཁང་སྟེང་ན་སེར་ལམ་མེར་མངོན་པའི་གསེར་ཏོག་དང་རི་དྭགས་ཕོ་མོ་གཉིས་མིག་ལམ་ལ་གསལ་ལྷང་ངེར་མངོན་ཞིང་།
ཡོང་ཁུངས། བོད་མིའི་སྒྲིག་འཛུགས་དྲ་རྒྱ
སྲིད་སྐྱོང་མཆོག་གིས་ཡུ་རོབ་བོད་དོན་ལས་འགུལ་ནང་མཉམ་ཞུགས་ཀྱིས་གསུང་བཤད་གནང་བ།
ཕྱི་ལོ་༢༠༡༥ ཟླ་༣ ཚེས་༡༤ ཉིན་གྱི་སྔ་དྲོའི་ཆུ་ཚོད་༡༡ ཐོག་ཕ་རན་སིའི་རྒྱལ་ས་པེ་རི་སིའི་ནང་ཡུ་རོབ་བོད་རིགས་ཚོགས་པ་དང་བོད་དོན་རྒྱབ་སྐྱོར་བ་སོགས་ཐུན་མོང་གིས་གོ་སྒྲིག་འོག་བོད་དོན་གོམ་འགྲོས་ཀྱི་ཞི་བའི་ལས་འགུལ་ཞི་རྒྱ་ཆེ་བ་ཞིག་སྤེལ་འདུག སྐབས་དེར་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་མེ་ཐིའུ་མེ་ཀ་ཅི་མཆོག
དེ་ལས་མང་བ་། “ཡུ་རོབ་བོད་དོན་ལས་འགུལ་སྐབས་ཀྱི་སྲིད་སྐྱོང་གི་གསུང་བཤད།” »
གོ་འཇོ། བསོད་ནམས་ནོར་བུ།
དེ་རིང་ནི་ 3: 10 དུས་དྲན་ཟེར་བའི་འཇིགས་རུང་ཡ་ངའི་ཉི་ནག་དེ་ཡོལ་ནས་ཉིན་ཞག་ལྔ་ལ་ཉེ། བདག་ནི་ཞག་པོ་དེ་དག་གི་རིང་རྣ་བ་ཀྲོང་ཀྲོང་བྱས་ཏེ་རྒྱབ་ལ་ཉན། མིག་གིས་འབུར་འབུར་བྱས་ཏེ་མདུན་ལ་བལྟས་པས་བོད་པ་ཚོས་ལུས་ཕྱུ་པ་གོན། ལག་དར་ཆ་འཕྱར་བཞིན་རྒྱ་ནག་གི་གཞུང་ཚབ་ཁང་གང་ཡོད་ཚ་ཚ་འུར་འུར་གྱིས་ངོ་རྒོལ་སྐད་འབོད་འདྲ་མིན་བྱས་ཏེ་བསྡད་སོང་།
ང་ལ་མཚོན་ན་རྒྱ་གར་འབྱོར་ཏེ་མི་ལོ་བརྒྱད་དགུ་ཙམ་གྱི་ནང་། དེ་ནི། སྤྱི་ཟླ་3 ཚེས་10 གང་ཡིན་ལ་རྒྱུན་ལྡན་མཐོང་དུ་ཡོད་པའི་ལོ་རེའི་ལས་འགུལ་ཞིག་ཡིན་སྟབས་དམིགས་བསལ་ཅི་ཡང་མ་ཚོར་མོད།
དེ་ལས་མང་བ་། “དོན་དམ་པར་ང་ཚོས་ངོ་རྒོལ་ཞིག་བྱས་མྱོང་ཡོད་དམ།” »
སྒོ་ཤེར་གྱིས། (འོས་སྦྱོར་བ་གཙང་མེ་ལྕེ།)
མིའི་རིགས་ཀྱི་བྱུང་རབས་ལོ་རྒྱུས་ལ་ཕྱིར་འཁོར་ཏེ་བལྟས་ན། དད་པ་ཅན་གྱི་མི་རིགས་དང་། དད་པ་མེད་པའི་མི་རིགས་གཉིས་ཀའི་སྤྱི་ཚོགས་སྒྲིག་གཞི་དང་། ཡུལ་སྲོལ་ཆོ་ག ཀུན་སྤྱོད་བླང་དོར་བཅས་ལ་མི་འདྲ་བའི་ཁྱད་ཆོས་སོ་སོར་གནས་ཡོད་པ་དེ་ཙམ་ནི་རྩོད་མེད་ཀྱི་རྒྱུན་ཤེས་ཤིག་ལས་མ་འདས། དེ་ལས་དད་པ་ཅན་གྱི་མི་རིགས་དག་གི་ལོ་རྒྱུས་ལ་དམིགས་བསལ་རྟགས་མཚན་ཞིག་ཡོད་པ་ནི། ལོ་རྒྱུས་ཀྱི་གནས་སྐབས་ལ་ལར། ཁོང་ཚོས་དད་པའི་སྟོབས་ནུས་མཐུན་ཕྱོགས་སུ་བཀོལ་བ་ལ་བརྟེན་ནས་འཇིག་རྟེན་ངོ་མཚར་སྐྱེ་བའི་བཟང་སྤྱོད་རླབས་པོ་ཆེ་བསྐྲུན་ཡོད་པ་དང་།
བོད་ཀྱི་དུས་བབ་ནས་དྲངས།
དེ་རིང་སྲིད་བྱུས་ཉམས་ཞིབ་ཁང་གི་བོད་དོན་སྐོར་གྱི་མཁས་པའི་བགྲོ་གླེང་སྟེང་བདེ་སྲུང་བཀའ་བློན་མཆོག་གིས་སྲིད་བྱུས་ཉམས་ཞིབ་ཁང་དེ་མ་འོངས་པར་རང་དབང་ཅན་གྱི་སྡེ་ཚན་ཞིག་གི་ངོ་བོར་བསྒྱུར་ན་ཉམས་ཞིབ་ཀྱི་གྲུབ་དོན་དྲང་བདེན་ཞིག་ཡོང་གི་ཡོད་སྐོར་གསུངས་སོང་།
དེ་རིང་སྔ་དྲོའི་ཆུ་ཚོད་ ༩།༢༠ ཙམ་ལ་གངས་སྐྱིད་གཉའ་ཁྲི་ཚོགས་ཁང་དུ། བོད་མིའི་སྒྲིག་འཛུགས་སྲིད་བྱུས་ཉམས་ཞིབ་ཁང་གི་གོ་སྒྲིག་འོག
དེ་ལས་མང་བ་། “སྲིད་བྱུས་ཉམས་ཞིབ་ཁང་དེ་རང་དབང་ཅན་གྱི་སྡེ་ཚན་ཞིག་གི་ངོ་བོར་བསྒྱུར་ཐུབ་ན་ལེགས།” »
ནགས་ཕྲན་པ་བསོད་ནམས་ཚེ་རིང་།
ད་ལོའི་གསུམ་བཅུའི་དུས་དྲན་སྐབས་ཕྱི་སྡོད་བོད་མིའི་ཁྲོད་འབོད་ཚིག་གང་འདྲ་སྒྲོག་མིན་སྐོར་ལ་རྩོད་གླེང་མང་པོ་བྱུང་ཡོད་པའི་གནས་ཚུལ་བྱུང་ཡོད། ལྷག་པར་རྡ་རམ་ས་ལ་ནས་ཚོགས་པ་ལྔས་གསུམ་བཅུའི་དུས་དྲན་གོ་སྒྲིག་བྱེད་སྐབས་འབོད་ཚིག་གོ་སྒྲིག་བྱེད་སྟངས་ཐད་བསམ་ཚུལ་མ་མཐུན་པར་བརྟེན་ཆིག་སྒྲིལ་གྱི་ནུས་པ་ཉམས་པ་དང་། ཨ་རི་ནས་ཀྱང་དུས་དྲན་སྐབས་རང་བཙན་དང་འབྲེལ་བའི་འབོད་ཚིག་སྒྲོག་མིན་ཐད་རྩོད་པ་མང་པོ་བྱུང་ཡོད་འདུག གནས་ཚུལ་འདི་དག་གི་བྱུང་རྐྱེན་གཙོ་བོ་ནི་
འཇམ་གཅེས།
བདག་ནི་ཁ་ཞེ་གཉིས་མེད་ཀྱི་ཐོག་ནས་དབུ་མའི་ལམ་གྱི་སྲིད་ཇུས་སམ་ལངས་ཕྱོགས་ལ་མོས་པ་དང་ཡིད་ཆེས། རེ་བ་དང་འདུན་པ་ཡོད་མཁན་ཞིག་ཡིན་ལ། དུས་ནམ་ཡང་ཁ་ཞེ་གཉིས་མེད་དང་། ལྷག་བསམ་རྣམ་དག་གི་ལམ་ནས་རང་བཙན་དོན་གཉེར་གནང་མཁན་ཚོ་ལ་དྲག་པོའི་ལམ་ནས་ངོ་རྒོལ་བྱས་མྱོང་མེད་ལ་འབྱུང་འགྱུར་ལའང་བྱ་མི་སྲིད། དེ་བཞིན་རང་བཙན་ཁ་ལ་འཁྱེར་བཞིན། ཁ་ཁོག་མི་མཚུངས་པའི་སྐབས་འཚོལ་རིང་ལུགས་པ་ཚོ་ལ་ནམ་ཡང་ཡི་རངས་ཞུས་མྱོང་མེད་ལ་མ་འོངས་པ་ལའང་ཞུ་མི་འདོད།
ཟུངས་ཁྲག
མིག་ཆུ་དེའི་དབང་གིས
ངའི་སེམས་པ་འདི་བྲག་རྡོ་ཞིག་གིས་བརྫིས་ནས
གཤོག་ཟུང་གི་འདབ་མ་ཆད་པས་རྣམ་ཤེས་ཀྱི་འཇའ་ཚོན་བཞིན
རླུང་བུས་དེད་པའི་སེམས་པ་དེ
བྲག་ངོགས་སུ་བོར་བའི་གཏམ་བརྒྱུད་ཅིག་དང་འདྲ་བར
ཟུངས་ཁྲག་གི་རྒྱུ་བ་བྲག་ལ་འཐིམ་པས་ངའི་ཡབ་མེས་ཀྱི་རྣམ་ཤེས་དེ
གོ་འཇོ། བསོད་ནམས་ནོར་བུ།
དེ་རིང་ནམ་མཁའ་ལྟ་བུའི་སེམས་པ་འདི།།
ས་ཐག་རྒྱང་ནས་ཅེར་བའི་ཁྱེད་ལ་འབུལ།།
ལྷོག་ལྷོག་ལྷོག་ལ་འགྱུ་བའི་སྤྲིན་དཀར་ཚོམ།།
ལྭ་ཤམ་འོག་ནས་འཕུར་བའི་བརྩེ་དུང་ཡིན།།
དེ་རིང་ཉི་མ་འདྲ་བའི་ངོ་གདོང་འདི།།
གློ་མཆིན་བར་ན་བཞད་པའི་ཁྱེད་ལ་འབུལ།།
མགར་སྲས།
རྒྱ་ནག་གིས་ཚུར་མཉན་ན་རྣ་བར་གཟན་ཞིང་བསམས་ན་འདར་སིག་རྒྱག་བྱེད་ཀྱི་ཐ་སྙད་མང་མང་ཞིག་གིས་རྒྱལ་སྤྱིའི་གསར་ལམ་ཁག་ཏུ། རང་རེའི་བླ་ན་མེད་པའི་དབུ་ཁྲིད་༸གོང་ས་མཆོག་དང་། སེམས་ཀྱི་རྟེན་ས་དང་ལུས་ཀྱི་འཁོར་ས་སྟེ་དབུས་བོད་མིའི་སྒྲིག་འཛུགས་ཀྱི་བཀའ་བློན་བློ་བཟང་སེང་གེ་གཉིས་ཧ་ལམ་རྩ་མི་ཚང་བའི་ཟོལ་ཞིག་ཏུ་བསྒྲུབས་དང་སྒྲུབ་བཞིན་པའི་རྣམ་པ་དང་། ཡང་ཁ་རྩང་དེ་རིང་བཙན་བྱོལ་དུ་གསུམ་བཅུ་དུས་དྲན་གྱི་འབོད་ཚིག་ཐད་ལ་ཚོགས་པ་ལྔ་པོ་ནང་ཁུལ་དུ་ཁ་མཐུན་མ་བྱུང་སྟེ།
དེ་ལས་མང་བ་། “ཆབ་སྲིད་སྐབས་འཚོལ་རིང་ལུགས་པ་རྣམས་ལ་ཡིད་གཟབ་བྱེད་དགོས།” »
ཆང་སྐྱེས།
—-གསུམ་བཅུའི་དུས་དྲན་ཉིན་ཨ་རིར་བྱུང་བའི་བརྙན་པར་ཞིག་ལ་བལྟས་རྗེས
བརྙན་པར་ཐུང་ཐུང་འདི་ལ་ལྟ་ཞོར་ལྟ་ཞོར་ཏུ
ངོ་གདོང་གི་སྐྱི་པགས་ཚ་བས་བསྲེགས་སོང
ཡིད་སེམས་ཀྱི་དབང་བོ་དྲན་པ་ཐོར་སོང
ནམ་རྒྱུན ས་ཡ་དྲུག་གི་ལས་དབང་ཕྲག་ཏུ་འཁུར་བའི་དཔའ་རྒོད་ཚོ
དབྱངས་གསལ་སོ་བཞིའི་ཚེ་སྲོག་གི་དབུགས་རྒྱུན་སྲུང་བའི་དམ་པ་ཚོ
རྒྱལ་བ་ཐམས་ཅད་མཁྱེན་པའི་བཀའ་སློབ་དམར་བོ་སྙིང་བཞིན་གཅེས་བའི
ཨ་ནུ་ཐང་བསོད་ནམས།
གཙོ་བོ་འདིར་ནེའུ་ཡོག་ཁུལ་དུ་བྱང་ཨ་རི་དོན་གཅོད་ཁང་སྒེར་བདག་བྱེད་མཁན་རིན་ཆེན་དར་ལོ་ཚང་གི་མག་པ་ངག་དབང་ཟེར་མཁན་དེ་དང་། ས་གནས་སྤྱི་མཐུན་ཚོགས་པའི་ཚོགས་གཙོ་དཀྱིལ་གྲོང་པ་ཞིག་དང་། ཆུ་སྒང་ཚོགས་གཙོ་བྲག་གཡབ་བློ་བཟང་། ད་དུང་ས་གནས་བུད་མེད་ཚོགས་པའི་ཚོགས་གཙོ་བཅས་ཀྱིས་བསམ་བློ་སྒེར་གཅོད་བྱས་ནས་རྒྱ་ནག་ལ་ཕོག་ཐུག་འགྲོ་བྱེད་ཀྱི་འབོད་ཚིག་སྒྲོག་མི་ཆོག་ཟེར་ནས་བཀའ་བཏང་འདུག
བྱ་མདོ་སྐལ་རྒྱམ།
སང་ཉིན་ང་ལམ་དུ་ཆས་ཀྱིན་ཡོད
རང་ཉིད་ཀྱི་འཚོ་ལམ་དང་འདྲ་བའི
མེ་འཁོར་གྱི་ལྕགས་ལམ་ཀྱ་ཀྱུ་དེ་བརྒྱུད་ནས
ལམ་དུ་ཆས་ཀྱིན་ཡོད
གནས་འདི་དང་འབྲལ་དགོས་པ་དྲན་ཚེ
ངའི་ལུས་ལ་སྐྱུར་སིལ་སིལ་གྱི་བ་སྤུ་དུ་མ་གཟེང་ནས་ཡོང
མཁོ་གཏོང་བ། སྤེལ་ལྗམ་བོད་ཚོགས་དྲུང་གཞོན་ས་དཀར་བཀྲ་ཤིས།
དེ་རིང་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་ང་དྲུག་པ་དེ་བཞིན་སྤེལ་ལྗམ་བོད་རིགས་ཚོགས་པ་གཙོས། སྤར་སིལ་སྐུ་ཚབ་དོན་གཅོད་ཁང་དང་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་སྤར་སིལ་ཡན་ལག་ལས་ཁང་དང་། ས་གནས་གཞོན་ནུ་ཚོགས་པ། ས་གནས་ཆུ་བཞི་སྒང་དྲུག་བཅས་ཚོགས་པ་ཁག་མཉམ་རུབ་ཀྱིས་སྤེལ་ལྗམ་རྒྱལ་ས་སྤར་སིལ་དུ་ཡོད་པའི་ཡུ་རོབ་མཉམ་འབྲེལ་སྒྲིག་འཛུགས་ཀྱི་དབུས་ལྷན་ཁང་མདུན་ནས་དབུ་འཛུགས་གནང་ཡོད་པ་དང་།
བོད་མིའི་གསུམ་བཅུའི་དུས་དྲན་ཐེངས་ ༥༦ སྐུ་མགྲོན་ཇར་མན་གྲོས་ཚོགས་ཀྱི་ཚོགས་གཞོན་མཆོག་ནས་རྡ་སར་གསར་འགོད་ལྷན་ཚོགས་ཐོག་གསུང་བཤད་གནང་བ།
ཕྱི་ལོ་༢༠༡༥ ཟླ་༣ ཚེས་༩ ཉིན་གྱི་ཆེད་ཡོལ་ཆུ་ཚོད་ ༣ ཐོག་རྡ་ས་གངས་སྐྱིད་ཕྱི་དྲིལ་ལས་ཁུངས་ཀྱི་ལྷག་པ་ཚེ་རིང་དྲན་རྟེན་ཚོགས་ཁང་དུ་ཇར་མན་གྲོས་ཚོགས་(Bundestag) ཀྱི་ཚོགས་གཞོན་ལྕམ་སྐུ་ཀ་ལ་འོ་ཌི་རོ་ཐི་ Ms.Caudia Roth མཆོག་གིས་གསུང་བཤད་གནང་འདུག
དེ་ལས་མང་བ་། “ཇར་མན་གྲོས་ཚོགས་ཀྱི་ཚོགས་གཞོན་གྱིས་གསུང་བཤད་གནང་བ།” »
རྒྱལ་གཅེས་དཔའ་མོ་ནོར་ཕྱུག་ལགས་ཀྱིས་རྒྱ་གཞུང་ལ་ཞི་རྒོལ་གྱིས་རང་ལུས་མེར་བསྲེགས་གནང་བར་བོད་མི་མང་སྤྱི་འཐུས་ལྷན་ཚོགས་ཀྱི་གསར་འགོད་བསྒྲགས་གཏམ།
ཕྱི་ལོ་༢༠༡༥ ཟླ་༣ ཚེས་༥ བོད་རབ་གནས་ཤིང་ལུག་ལོའི་ཧོར་ཟླ་དང་པོའི་ཚེས་བཅོ་ལྔ་སྟེ། ཆོ་འཕྲུལ་དུས་ཆེན་ཉིན་གྱི་མཚན་མོར་བོད་མདོ་སྨད་རྔ་པ་རྫོང་སྤྲོ་ཚིགས་ཡུལ་ཚོའི་རྡོ་བ་སྡེ་པའི་བུད་མེད་ནོར་ཕྱུག་ལགས་ཀྱིས་རྒྱ་གཞུང་གི་ནོར་འཁྲུལ་དང་གདུག་རྩུབ་ཅན་གྱི་དྲག་གནོན་སྲིད་བྱུས་ལ་ངོ་རྒོལ་གྱིས་རང་ལུས་མེར་བསྲེགས་བཏང་སྟེ་འདས་གྲོངས་སུ་གྱུར་ཡོད་འདུག
དེ་ལས་མང་བ་། “བོད་མི་མང་སྤྱི་འཐུས་ལྷན་ཚོགས་ཀྱི་གསར་འགོད་བསྒྲགས་གཏམ།” »
གངས་དཀར་རྒྱལ་སྲས།
ན་ནིང་གཞིས་ནང་ལ་ལྡི་ལི་བོད་སྒར་བསམ་ཡས་གླིང་ལ་དབུས་སྐད་དང་ཨམ་སྐད་ཀྱི་བརྙན་འཕྲིན་གང་འདོད་དུ་བལྟ་རྒྱུ་ཡོད་མོད་ད་ལྟ་གཅིག་ཀྱང་མི་འདུག དེའི་རྒྱུ་མཚན་ཡར་མར་སྐད་ཆ་མང་ཙམ་དྲིས་མོད། ཁོ་ཚོས་ཟེར་ན་དེ་ནི་གཞོན་ནུ་ཚོགས་པ་དང་འབྲེལ་བ་ཡོད་པ་རེད་ཟེར་བ་ཐམས་ཅད་ཁ་གཅིག་གྲགས་རེད། ཁ་ཅིག་གིས་འདི་གའི་ས་གནས་གཞོན་ནུ་ཚོགས་པའི་རྒྱུན་ལས་སྔོན་མ་དག་གིས་བརྙན་འཕྲིན་འཕྲིན་ལམ་ལ་སྒོར་མོ་སྤྲད་ནས་མི་མང་གི་འདོད་པ་བསྐང་བ་ཡིན་མོད། ད་ལྟའི་འདི་དག་གིས་འཕྲིན་ལམ་ལ་སྒོར་མོ་མ་སྤྲད་པས་མེད་པ་ཆགས་པ་རེད་ཟེར།
དེ་ལས་མང་བ་། “ལྡི་ལི་བོད་སྒར་བསམ་ཡས་གླིང་དང་བོད་སྐད་བརྙན་འཕྲིན།” »