རྡོ་དཀར་པོ།
གཅིག དེབ་འདི་ངོ་སྤྲོད།
1954 ལོར། ཀྲུང་གུང་མགོ་ལོག་ཁུལ་གྱི་ལས་བྱེད་རུ་ཁག་ཟེར་བ་ཁང་གསར་ཚང་ལ་འབྱོར། ལོ་བདུན་ལ་སོན་པའི་བྱིས་པ་ཞིག་ཕ་རྒན་དང་ལྷན་དྲུག་ཆེན་སུམ་མདོའི་རྒྱ་སྒར་ལ་གློག་བརྙན་བལྟ་བར་ཕྱིན། བྱིས་པ་དེས། གློག་བརྙན་འཆར་ཡུལ་རས་གཞིའི་ངོས་སུ་མ་བལྟས་པར་གློག་བརྙན་སྟོན་ཆས་ཀྱི་འོད་ལ་ཅེར་ནས་བསྡད་པ་འཁྲིས་ཀྱི་མི་ཞིག་གིས་དཀྲོགས། ད་གཟོད་རས་གཞིའི་ངོས་སུ་འཆར་བཞིན་པའི་<གསེར་དངུལ་ཐང་>དང་<དཔལ་ལྡན་>ཞེས་པའི་གློག་བརྙན་ལ་བལྟས། 1947 ལོར་གཉན་པོར་གཡུ་རྩེའི་ཤར་ཕྱོགས་བསང་ཁྲིའི་བརྒྱ་དར་ཁ་གསེང་དུ་སྐྱེས་ཤིང་། སྐབས་དེར་དགུང་ལོ་ 7 ལ་སོན་པའི་བྱིས་པ་དེ་ནི་<<མི་ཚེ་གཅིག་ལ་སྐྱིད་གསུམ་སྡུག་གསུམ>> ཞེས་པའི་དེབ་འདིའི་རྩོམ་པ་པོ་ཨ་ཁུ་དམ་ཆོས་དཔལ་བཟང་ལགས་རེད།