ངམ་རིང་ཡོན་ཏན་རྒྱ་མཚོ།

རང་རེའི་མི་རིགས་འདི་ནི་དཀར་ཕྱོགས་ཆོས་ལ་མོས་ཤིང་སེམས་རྒྱུད་བཟང་བའི་མི་རིགས་ཤིག་ཡིན་པ་འཛམ་གླིང་སྟེང་ཡོང་གྲགས་མིན་ཀྱང་སྐྱེ་བོ་མི་ཉུང་བ་ཞིག་གིས་དེ་ལྟར་ངོས་འཛིན་བྱེད་ཀྱི་ཡོད། རྒྱབ་ལྗོངས་དེའི་འོག་འཛམ་གླིང་སྐྱེ་འགྲོ་མང་པོ་ཞིག་གིས་བོད་མི་རིགས་ལ་དགའ་ཞེན་དང་མི་རིགས་དེའི་ཆོས་རིག་ལ་དང་ཞེན་ཆེན་པོ་བྱེད་ཀྱི་ཡོད། དེ་ཡང་མདོར་བསྡུས་ནས་བརྗོད་ན། འཛམ་གླིང་སྐྱེ་བོ་ཚོས་ཆེས་ཡིད་སྨོན་བྱེད་ཡུལ་ནི་བོད་ཀྱི་ནང་ཆོས་ཡིན་ལ་ནང་ཆོས་ཀྱི་ཤེས་རིག་ལ་བརྟེན་ནས་ཁོ་ཚོས་རང་ཉིད་ཀྱི་མི་མངོན་པའི་བསམ་བློའི་འཁུར་པོ་ཡང་ཏུ་གཏོང་ཐབས་བྱེད་ཀྱི་ཡོད་ལ་ནང་ཆོས་ཀྱི་སློབ་གསོར་བརྟེན་ནས་ཁོ་ཚོས་སྙོག་འཛིང་ཆེ་བའི་སྤྱི་ཚོགས་དེ་ཞི་བདེའི་ཁོར་ཡུག་བཟང་པོ་ཞིག་ལ་བསྒྱུར་རྒྱུར་འབད་ཐབས་བྱེད་ཀྱི་ཡོད་པ་རེད།

དེ་ལས་མང་བ་། “ཕྲེང་རྡོག་གསུམ་གྱིས་ཐག་བཅད་པའི་ལྷད་མེད་བརྩེ་དུང་གི་ལས་དབང་།” »

འཆམ་ར་དྲི་མེད་རྒྱལ་མཚན།

དེ་ཡང་ཉིན་ཤས་སྔོན་རྡ་ སའི་ཐང་ཁྲོམ་སྟོན་མཁན་ཚོར་ས་གནས་སྐོར་སྲུང་བས་བཀོད་ཁྱབ་འདི་འདྲ་ཞིག་གཏོང་ ཡོད། ཕྱི་ཟླ་ ༦་ཚེས་ ༢༨ ནས་བཟུང་ཐང་ཁྲོམ་ཡོད་ཚད་སྟོན་མཚམས་འཇོག་དགོས་པ་དང། དེ་ནས་བཟུང་ཐང་ཁྲོམ་སྟོན་མཁན་སུ་ཞིག་བྱུང་ཡང་། ཚོང་ཆས་ཡོད་ཚད་གཞུང་བཞེས་དང་། ཉེས་ཆད་གཅོད་རྒྱུ་ཡིན་པ་མ་ཟད། ཁྲིམས་ཁང་ནང་བསྐྱལ་རྒྱུ་ཡིན་ལུགས་བཅས་བཤད་ཡོད།

དེ་ལས་མང་བ་། “རྡ་སའི་ཐང་ཁྲོམ་སྟོན་མཁན་ཚོའི་དཀའ་ངལ།” »

ཤི་མེད་ཚོར་མེད་།

མ་སུ་རི་བོད་ཁྱིམ་གྱི་སློབ་མའི་འཁྲིག་སྤྱོད་ཀྱི་གནད་དོན་དེས་མི་རྣམས་ལྷིང་འཇགས་ཀྱི་གཉིད་ལས་དཀྲོགས་པ་བཞིན་ཁ་ཐོགས་ཚད་ཀྱིས་རང་རང་གི་དྲན་ཚུལ་ལྟ་ཚུལ་མང་དག་ཅིག་དྲ་ངོས་སུ་བཀོད་ཅི་ཐུབ་ལ་ལྟ་བ་དང་། གནད་དོན་ཆེན་པོ་ཆེན་པོ་ཞིག་ཏུ་བརྩིས་ཏེ་གནད་དོན་དེའི་རྐྱེན་པས་མི་རྣམས་ཀྱིས་མི་རིགས་གླེང་བ་དང་། གསར་རྙིང་འབྱེད་པ། ཆབ་སྲིད་དཀྲུག་པ་སོགས་གཞུང་དམངས་གཉི་ག་བྲེལ་བྲེལ་འཚབ་འཚུབ་ཀྱི་འཚུབ་མ་ལངས་ཚུལ་ལ་བལྟས་ན་སྤྱི་ཚོགས་ཡར་རྒྱས་མར་རྒུད་ཀྱི་རྣམ་པ་ཅི་ཞིག་ཡིན་མིན་ད་དུང་ཁ་ཚོན་གཅོད་རྒྱུ་དཀའ་མོ་ཞིག་རེད། ངས་བལྟས་ན་ད་ལྟའི་སློབ་མའི་འཁྲིག་སྤྱོད་ཀྱི་གནད་དོན་འདིའི་ཐད་ང་ཚོ་ཇི་ལྟར་འཕག་ འཚག་བརྒྱབ་ཀྱང་སློབ་མ་དེ་དག་ཕྱིར་སློབ་གྲྭ་ལ་བཅུག་ཀྱང་རུང་མ་བཅུག་ཀྱང་ རུང་ཇི་སྲིད་འཚོ་བའི་བར་དུ་དབུགས་མ་ཆད་གསོན་དགོས་པའི་བོད་མི་རིགས་འདིའི་ཁེ་གྱོང་ཆེན་པོ་ཞིག་རྩ་བ་ནས་མ་རེད་སྙམ།

དེ་ལས་མང་བ་། “ང་ཚོ་གསོན་ས་ནས་འཆི་ས་ལ་འདེད་པའི་གནད་དོན།” »

མདོ་འདུམ་ཚང་།

བཀའ་བློན་ཁྲི་བའི་སྔོན་འགྲོའི་འོས་བསྡུ་ལ་ཉིན་གྲངས་དགུ་བཅུ་ལྷག་ཡོད་པའི་སྐབས་སུ། རྒྱ་རི་རིན་པོ་ཆེ་ནས་བཀའ་ཁྲིའི་འོས་མིར་ལངས་ཀྱི་མིན་ཞེས་གསལ་བསྒྲགས་བསྐྱངས་ཡོད། རྒྱ་རི་རིན་པོ་ཆེའི་གསལ་བསྒྲགས་དེ་ལ་ཕྱོགས་ངོས་གསུམ་ནས་བསམ་བློ་གཏོང་རྒྱུ་དང་ཞིབ་འཇུག་བྱེད་རྒྱུ་འདུག

དང་པོ།
རྒྱ་རི་རིན་པོ་ཆེའི་སེམས་སུ་བསྐྱར་དུ་ཟམ་གདོང་རིན་པོ་ཆེ་བཀའ་ཁྲིར་ལངས་ན་འདོད་པའི་བསམ་ཚུལ་དེ་འདུག འོན་ཀྱང་། ༧གོང་ས་མཆོག་གིས་བཀའ་བློན་ཁྲི་བ་དེ་ལོ་གཞོན་ཞིག་ཡོང་ན་དགོངས་ཀྱི་ཡོད། ལྷག་པར་དུ་བུད་མེད་ཞིག་བྱུང་ན་བསམ་གྱིན་ཡོད། ད་ལྟའི་བཀའ་ཁྲི་ལས་ཐོག་ཟམ་གདོང་རིན་པོ་ཆེ་མཆོག་གིས་ཀྱང་བཀའ་ཁྲི་ལོ་གཞོན་ཞིག་ཡོང་ན་བསམ་གྱིན་ཡོད། བོད་རིགས་ལོ་གཞོན་མང་པོའི་བསམ་ཚུལ་ཡང་དེ་ལྟར་ཡིན།
རྒྱ་རི་རིན་པོ་ཆེ་༧གོང་ས་མཆོག་གི་སྐུ་ཚབ་རེད།་ སྐུ་ཚབ་ཙམ་མ་ཡིན་པར་དམིགས་བསལ་སྐུ་ཚབ་རེད། སྟབས་ཉེས་བ་ཞིག་ལ། འབྱུང་འགྱུར་གྱི་བཀའ་བློན་ཁྲི་བའི་ཐད།
དམིགས་བསལ་སྐུ་ཚབ་ཀྱི་དགོངས་ཚུལ་དེ་༧གོང་ས་མཆོག་དང་ཟམ་གདོང་རིན་པོ་ཆེ་གཉིས་ཀྱི་ལྡོག་ཕྱོགས་ནས་རེད། དོན་དངོས་སུ།
རྒྱ་རི་རིན་པོ་ཆེས་༧གོང་ས་མཆོག་གི་དགོངས་གཞི་མཁྱེན་གི་མེད་པ་རེད་དམ། ཡང་ན། ༧གོང་ས་མཆོག་གི་དགོངས་གཞི་དེ་གལ་ཆེར་མཐོང་གི་མེད་པ་རེད་དམ། རྒྱ་རི་རིན་པོ་ཆེ་འདི་༧གོང་ས་མཆོག་གི་དགོངས་པའི་རྗེས་འབྲངས་བ་དངོས་མ་ཞིག་རེད་དམ་མ་རེད།

དེ་ལས་མང་བ་། “རྒྱ་རི་རིན་པོ་ཆེའི་བྱེད་སྟངས་ལ་ཞིབ་འཇུག་གནང་དགོས་ཀྱི་འདུག” »

ནགས་ཤོད་རིག་རལ།

ད་རེས་ཀརྨ་བསམ་གྲུབ་བཀག་ཉར་བྱས་ནས་ཡུན་རིང་མ་འགོར་བར་ཁོང་གི་ལོ་རྒྱུས་གཙོ་བོར་བྲིས་པའི་གཟི་ཡི་རྒྱལ་པོ་ཞེས་པའི་དཔེ་དེབ་དེ་རྒྱ་གཞུང་ནས་བསྡུ་གསོག་བརྒྱབ་འདུག དེབ་དེ་ནི་བོད་ལྗོངས་མི་དམངས་དཔེ་སྐྲུན་ཁང་ནས་བཏོན་པ་དང་། བྲི་མཁན་ཡང་རྒྱ་མི་ཡིན་པ་བཅས་ཐོག་མར་དེབ་དེ་མངལ་ནས་ལྷུང་བ་ལ་དཀའ་ངལ་གང་ཡང་འཕྲད་མེད་མོད། འོན་ཀྱང་རྒྱ་གཞུང་ནས་ཀརྨ་བསམ་གྲུབ་སླར་ཡང་འཇུས་པ་དང་། ཁོང་གི་སྐེ་ལ་རལ་གྲི་ཁྲག་ཅན་འཕྱར་བཞིན་པའི་དུས་དེར་གློ་བུར་དུ་དེབ་དེ་བཙན་བཀག་གཏོང་དོན་གང་ཡིན་ནམ། ངའི་བློ་ལ་དྲི་བ་འདི་ཤར་མྱོང་ཡོད་མོད། མང་ཆེ་བར་དེ་ནི་རྒྱ་གཞུང་གིས་མི་ལ་མ་དགའ་བྱུང་ཚེ་དེབ་ལ་ཡང་མ་དགའ་བ་རེད་བསམ་བྱུང་། ཕྱིས་སུ་དཔེ་དེབ་དེ་གློག་ཡིག་ཐོག་ནས་བཀླག་རྒྱུ་བྱུང་བས་རྒྱ་གཞུང་གིས་དེབ་དེ་བཙན་བཀག་གཏོང་དོན་ལ་ཡང་གོ་བ་གསར་པ་ཞིག་བྱུང་།
2010ལོའི་ཟླ་6ཚེས་24ཉིན་ཀརྨ་བསམ་གྲུབ་ཀྱིས་ཁྲིམས་ཁང་ནང་དུ། “མཁྲིས་ནད་ཅན་གྱིས་གངས་རི་སེར་པོར་མཐོང་མོད་གངས་རིའི་ཁ་མདོག་དཀར་པོ་ཡིན་པའི་གནས་ལུགས་ལ་སུས་ཀྱང་འགྱུར་བ་གཏོང་ཐུབ་ཀྱི་མ་རེད་”ཅེས་དང་། “སྨྱོན་པ་ཁྱུ་ཞིག་གིས་མི་མ་སྨྱོ་བ་ཞིག་ལ་ཁྱོད་སྨྱོན་པའོ་ཅེས་བརྗོད་ནའང་མི་དེ་སྨྱོན་པར་བསྒྱུར་ཐུབ་ཀྱི་མ་རེད་”ཅེས་བཤད་ནས་རང་གི་བདེན་པ་རྩོད་འདུག སྐད་ཆ་དེ་དག་གོ་དུས་གཟི་ཡི་རྒྱལ་པོ་ཞེས་པའི་དཔེ་ཆའི་ནང་ཀརྨ་བསམ་གྲུབ་ཕྱོགས་གཡས་གཡོན་དུ་ཚོང་ལ་འགྲོ་བཞིན་པའི་ནམ་ཞག་ཕྲེང་བའི་ནང་དེབ་དཀར་གཙོས་པའི་ལྗགས་རྩོམ་ལུས་དང་འབྲལ་མེད་འཁྱེར་བ་རེད་ཟེར་བ་དེ་དག་ཡང་བདེན་པ་ལོས་ཡིན་བསམ་པ་ཞིག་འདུག
ད་རེས་རྒྱ་གཞུང་གིས་ཀརྨ་བསམ་གྲུབ་ལ་བཀལ་བ་ནི་ལོ་12གོང་ནས་དཀར་འདོན་བྱས་ཚར་བའི་དུར་སྔོག་གི་ཉེས་པ་དེ་རེད། ཉེས་པ་དེ་ཐོག་མ་ནས་ཀརྨ་བསམ་གྲུབ་ལ་མ་ཉེས་ཁ་གཡོགས་བྱས་པ་རེད་ལ། སྐབས་དེ་དུས་དག་སེལ་བྱས་ཚར་བ་མ་ཚད། འདས་པའི་ལོ་12རིང་དུ་ལབ་རྒྱུ་གླེང་རྒྱུ་གང་ཡང་བྱུང་མེད། གཟུགས་མེད་གྲིབ་བཟོ་ལྟ་བུའི་ཉེས་པ་དེ་ཐོག་མར་1998ལོར་ཁོང་གི་མགོ་ཐོག་ཏུ་ལྷུང་བ་དང་འབྱུང་ལུགས་འབྱུང་སྟངས་འདི་ལྟར་ཡིན་པར་འདུག

དེ་ལས་མང་བ་། “ཀརྨ་བསམ་གྲུབ་ལ་ཉེས་པ་མེད་པའི་དཔང་རྟགས།” »

བསྟན་འཛིན་ཚེ་དཔག

བཀའ་བློན་ཁྲི་པའི་འོས་ཆོས་གླེང་སྟངས་དེ་སྤྱི་ཚོགས་ཀྱི་ཐག་ཉེར་སྙེགས་ཤིང་། ད་ནི་མིང་འདོན་མཛུབ་འཛུགས་ཀྱིས་རང་རང་གི་འོས་མི་དག་གླེང་བའི་ཕྱོགས་སུ་གོམ་པ་སྤོ་བཞིན་པ་ནི་དགའ་འོས་པ་ཞིག་རེད་སྙམ་དུ་འདོད། མང་པོ་ཞིག་གིས་ད་དུང་ཡང་ཆ་རྐྱེན་གྱི་སྟེང་ལ་ཆ་རྐྱེན་བསྣན་ནས་དཀའ་ལས་སྐུ་ངལ་ཇེ་མང་དུ་གཏོང་བ་ལྟ་བུར་འདུག་སྟེ། ཡིན་ངོ་མ་ནི། ང་ཚོས་བརྒྱ་བཤད་སྟོང་དུ་བགྲངས་ཀྱང་རུང་གི། ཡོས་ལ་འབབ་རྒྱུ་རྩམ་པའི་དཔེ་ལྟར།

དེ་ལས་མང་བ་། “བཀའ་ཤག་གི་ཁྲི་པ་གསར་པ།” »

བོད། ཤ་ཁྲག་རུས་གསུམ།
འདི་ལྟར་གླེང་དགོས་ པའི་དམིགས་ཡུལ་གཞན་མེད་ལ། རང་གི་རིགས་རུས་ཀྱི་འགྱུར་བག་ཁྲོད་དུ་ཤ་གཟེར་ཟུག་གཟེར་གྱིས་ནད་ཚའི་བསླེང་ བའི་འུ་ཐག་ཐབས་ཟད་ཀྱི་སྐད་ཆ་འདི་དག་མི་བཤད་ཐུ་མེད་དུ་གྱུར་སྟབས་དེ་རིང་འདི་ ནས་གླེང་རྒྱུ་སེམས་ཐག་བཅད་པ་ཡིན།
སྤྱིར་ན་ངས་བོད་རིགས་ སྤུན་ཟླ་ཡོངས་ལ་འཕྱ་དམོད་དང་ཟུར་ཟ་དམའ་འབེབས་སོགས་གང་ཡང་མ་ཡིན་པར། རང་གི་མྱོང་བ་དང་བརྒྱུད་མྱོང་བའི་ལམ་ཕྲན། བསམ་མྱོང་བའི་རྟོགས་གཟུགས་ཀྱི་རི་མོ་འདི་ཉིད་ཁོག་དུ་སྤས་དེ་བསྡོད་པ་ལས། རང་གི་རིགས་རུས་གཅིག་པའི་སྤུན་ཟླ་ཁྱེད་ཅག་ལ་སེམས་གཏིང་ནས་བཤད་འདོད་ཀྱི་ཡིན།
ཁྱེད་རང་ཕྱི་རྒྱལ་དུ་ འབོད་པའི་མི་རིགས་གཞན་ཞིག་གི་ཁོར་ཡུག་ལ་རེ་སྙེགས་བྱེད་པའི་རྨི་ལམ་དང་བསམ་ གཞིགས་ཇི་ལྟར་འགོ་བཙུགས་པ་ཡིན། ཐོག་མར་ངས་དེ་ལྟར་ཞུ་འདོད་བྱུང་།
ང་རང་ལྟ་བུའི་ཞིག་གིས་སེམས་གཏིང་ནས་ཁྱེད་རང་ལ་དྲི་བ་འདི་ལྟར་འདྲི་དོན་ནི། རང་ཉིད་ལས་ལྷག་པའི་དམིགས་ཡུལ་ཞིག་གི་ཆེད་དུ་འགྲོ་བཞིན་ཡོད་དམ། ཡང་ན། ཁྱེད་རང་ལས་གཞན་པ་ཞིག་གི་ཆེད་དུ་ཕྱི་རྒྱལ་དུ་འགྲོ་རྩིས་བྱེད་ཀྱི་ཡོད། དེ་མིན་མི་བུ་སྒེར་གྱི་གནད་དོན་གྱི་ཆེད་དུ་བསྐྱོད་ཀྱིན་ཡོད། མིན་ན། རང་རིགས་འདས་གསོན་ཡོངས་ཀྱི་མ་འོངས་མདུན་མའི་ཆེད་དུ་ཁོར་ཡུག་གཞན་ཞིག་གི་ལོ་ རྒྱུས་དང་ཉམ་མྱོང་བརྗེ་རེའི་བྱེད་དུ་ལམ་ལ་འབུད་རྩིས་བྱེད་ཀྱི་ཡོད།

དེ་ལས་མང་བ་། “ཕྱི་རྒྱལ་དུ་ང་ཚོས་ཅི་ཞིག་ལུས་ཡོད།” »