ལ་དྭགས་འཇམ་དཔལ་ནས།
ལྷ་རམས་པ་རང་གིས་ཁས་བླངས་པའི་རྟགས་གསལ་དེའི་ནང་གི་བསལ་དེ་བསལ་མ་ཡིན་པར་གསལ་ཡིན་པར་ལུང་མང་ཙམ་དྲངས་ཤིང་ལུང་གཅིག་གི་དག་ཆ་ནོར་བའོ་ཞེས་བཤད་པ་ལ་ཕལ་ཆེར་འཇུ་ཟེར་དགོས་སམ་སྙམ་པ་ན། སྔར་བཀྲ་ཤིས་ལྷུན་པོར་ཡོད་དུས་བློར་བཟུང་སྟེ། ཀུན་གཟིགས་རིན་པོ་ཆེར་རྒྱུགས་ཕུལ་ཀྱང་། ད་ལྟ་ལོ་ངོ་ལྔ་བཅུ་ལྷག་གི་རིང་སྐྱོར་སྦྱང་མེད་པས་ཚིག་རྣམས་བློ་ལ་མེད། སྟབས་ལེགས་ཀྱིས་དཔེ་ཆ་གཙང་སྤར་དང་དབུས་སྤར་གཉིས་ཡོད་པ་ལས། གཙང་གི་སྤར་མ་དེ་རྒྱ་གར་བཀྲ་ཤིས་ལྷུན་པོར་ཕུལ། དབུས་སྤར་དེ་ད་ལྟར་མཇལ་བ་ན། སྒོམ་སྡེ་ལྷ་རམས་པར་འཇུ་རང་ཟེར་དགོས་པ་མི་འདུག་བསམ་པ་ཤར། དེ་ཡང་དབུས་སྤར། རྗེ་དགེ་འདུན་གྲུབ་ཀྱི་ཚད་མའི་བསྟན་བཅོས་རིགས་པའི་རྒྱན། ༡༩ མདུན་ཤོག་ན། ཁྱབ་བསལ་ཁས་བླངས། ཞེས་དང་། གཞན་ཡང་ཤོག་གྲངས་ ༡༦༡ ༡༨༠ ༡༨༣ བཅས་ཀྱི་རྒྱབ་ཤོག་རྣམས་ན། རྟགས་བསལ་ཁས། ཞེས་གསལ་བས། ཁྱེད་ཀྱིས་ལུང་ལས་གསལ་བའི་རྟགས་གསལ་དང་། ཚད་མ་རིགས་རྒྱན་ན་གསལ་བའི་རྟགས་བསལ་དག་དག་ཆ་མི་འདྲ་བར་མ་ཟད་བཀྲ་ཤིས་ལྷུན་པོའི་དཀྱིལ་ཁང་གྲྭ་ཚང་གི་ཡིག་ཆ་རྙིང་པ་དག་ན་རྟགས་བསལ་ཞེས་ཡོད་པ་ཕྱིས་སུ་གཞན་གྱི་ཤན་ཞུགས་ཏེ་རྟགས་གསལ་ཞེས་བསྒྱུར་ཡོད་པ་ཐོས་སོ།
དཔལ་ས་སྐྱ་པའི་མཁས་དབང་ཞིག་གི་ཁ་སྤར་འབྱོར་དུས་ཞར་བྱུང་དུ་རྟགས་བསལ་ལ་ཁྱེད་ཅག་གི་ཡིག་ཆར་ཇི་ལྟར་ཡོད་དྲིས་པར་རྟགས་བསལ་ཡོད་ཅེས་གསུངས་ཤིང་།
