རས་པ།
དམ་བཅའི་བྱུང་བ།
ཉེ་ལམ་བོད་ནང་ནས་<<དམ་བཅའ་>>ཞེས་པའི་གློག་བརྙན་ཞིག་ཐོན་ཡོད་པ་དང་། གློག་བརྙན་འདིས་འཁྲབ་གཞུང་རྩོམ་པ་པོ་ནི་བློ་གྲོས་ཞེས་པའི་རིམ་བརྒྱུད་སློབ་གྲྭའི་སློབ་གསོ་མ་ཐོབ་པའི་བོད་རིགས་ཤིག་ཡིན་པ་འོད་ལྡེར་ཤུན་པགས་སྟེང་དུ་ངོ་སྤྲོད་བྱས་འདུག དེ་མཚུངས་སུ་གློག་བརྙན་འདིར་ལས་ཀྱི་བྱེད་པོ་ཡོངས་ལས་midiཞེས་པའི་དབྱངས་རིས་སྒྲིག་སྦྱོར་བ་ལས་གཞན་ཆ་ཚང་བོད་མི་རྐྱང་བས་བྱས་ཡོད་འདུག
འདུས་བྱུང་ཕུན་ཚོཌ་ཚེ་རིང་།(འཇར་མན། )
བཀའ་བློན་ཁྲི་པའི་འོས་མིའི་ཁོངས་སྨན་པ་རྟའུ་བློ་བཟང་དཔལ་ལྡན་མཆོག་བོད་མདོ་སྟོད་ཁོངས་སུ་འཁྲུངས་ཤིང་༡༩༥༩
ལོར་ཁོང་དང་ཁོང་གི་ནང་མི་རྣམས་བཙན་བྱོལ་དུ་ཕེབས། བཙན་བྱོལ་ལ་ཕེབས་རྗེས་ལོ་གཉིས་རིང་ཀ་བློན་ཕུག་དུ་ཡོད་པའི་(St. Augustin
School)སློབ་གྲྭའི་ནང་སློབ་སྦྱོང་གནང་། དེ་རྗེས་སེམ་ལར་དབུས་བོད་སློབ་དུ་སློབ་སྦྱོང་གནང་བ་རེད། ༡༩༦༣་སྟེ་ཁོང་དགུང་ལོ་བཅུ་གཉིས་ལ་ཕེབས་སྐབས་རྗར་མ་ནིའི་ནང་བོད་ཀྱི་ཕྲུག་གུ་ཁག་ཅིག་ལྷན་དུ་སློབ་སྦྱོང་གནང་བར་ཕེབས་ཡོད། མཐར་གཞི་རིམ་སློབ་གྲྭ་ཁག་དང་འབྲིང་རིམ་སློབ་གྲྭ་ཁག་རྗར་མ་ནིའི་ནང་ཐོན་རྗེས་རྗར་མན་གྱི་གནའ་བོའི་གྲོང་ཁྱེར་དང་ཡོ་རོབ་གནང་ཆེས་སྔ་ཤོས་གྲས་དང་སྙན་གྲགས་ཆེ་བའི་གཙུག་ལག་སློབ་གྲྭ་ཧལ་རྡེ་རྦག་(Heildelberg,
University)ནང་ནུབ་ཕྱོགས་གསོ་རིག་ལ་སློབ་སྦྱོང་གནང་། ༡༩༧༩ལོར་གསོ་རིག་སློབ་མཐར་བྱུང་རྗེས་རྗར་མ་ནའི་གྲོང་ཁྱེར་སྣ་མང་ནང་སྨན་པའི་བྱ་བ་སྣ་ཚོགས་གནང་མྱོང་། ༡༩༨༩ནས་བཟུང་རྗར་མན་གྲོང་ཁྱེར་རྦོན(Bonn)གྱི་གཙུག་ལག་སློབ་གྲྭའི་ཁོངས་གཏོགས་སྨན་ཁང་ཆེན་པོ་ཞིག་གི་ཁོག་ནད་སྡེ་ཚན་ནང་སྨན་པ་རྒན་གྲས་ཀྱི་(Senior Doctor) ལས་འགན་གནང་བཞིན་ཡོད།
དེ་ལས་མང་བ་། “བཀའ་བློན་ཁྲི་པའི་འོས་མིའི་ཁོངས་སྨན་པ་རྟའུ་བློ་བཟང་དཔལ་ལྡན་མཆོག” »
(མིང་དངོས་ཡིན་མིན་མི་ཤེས་པའི་གཡང་ལགས་ཞེས་པ་ཞིག་ལ་ལན་དུ་སྨྲས་པ་ཡིན།)
ཡུན་རིང་ལ་བཟོད་སྒོམ་ཡོད་མདོག་དང་ཡུན་རིང་ལ་སྣང་མེད་ཨུ་ཚུགས་ཀྱིས་རང་གི་ལམ་སྣ་ནས་རང་གིས་རང་ལ་བློ་སྤོབས་སྦྱིན་ཞོར་ལོ་ངོ་གང་མང་ཞིག་བུད་སོང༌། ལོ་ངོ་གང་མང་གི་རིང་ལ་དུས་ཚིགས་རེ་རེ་ལ་རང་གི་རྩོམ་ཡིག་ལེགས་ཉེས་དང་ཡག་བཙོག་གང་འདྲ་ཞིག་སྤེལ་ཡང་ཀློག་པ་པོ་ཚོ་དང་དགའ་སྡུག་ཡག་བཙོག་གི་འབྲེལ་ལམ་རྒྱུད་དེ་ཡོང་བ་ནི་ནམ་ཡང་ཕྱིར་དྲན་བྱ་འོས་པ་ཞིག་ཏུ་འདོད་ཀྱིན་ཡོད། སྤྱི་ལོ་༢༠༠༤ ལོ་ནས་ཀློག་ཀླད་ཟེར་བའི་འཇིག་རྟེན་གཞན་ཞིག་གི་ཁྲོད་ནས་མི་ཚང་མའི་རྣམ་ཤེས་དང་བླ་སྲོག་མཉམ་དུ་འཚོ་ཐུབ་པའི་འཚོ་བ་འདི་ཐོག་མར་མཐོང་བ་ཡིན། སྤྱི་ལོ་༢༠༠༤ལོ་ནས་གཞི་ནས་ངས་རང་གི་རྣམ་ཤེས་དང་བླ་སྲོག་འཁོར་ས་ཀློག་ཀླད་དང་དྲ་རྒྱའི་ནང་གི་བདག་གི་ཀློག་པ་པོ་ཚོ་ཡིན། བོད་ཕྱི་ནང་གི་ཀློག་པ་པོ་མང་པོ་ཞིག་གིས་ངའི་འཚོ་བ་དང་ལང་ཚོ། བསམ་བློ་དང་རྩོམ་གཤིས་སོགས་ལ་སྐད་ཆ་བདེན་རྫུན་གང་བཤད་ཀྱང་ངས་ཁོང་ཚོས་གང་བརྗོད་པ་ཡོད་ཚད་སེམས་དང་བསམ་པར་ཉར་ནས་མིག་དང་མཆི་མར་བཅོལ་ནས་ཡོང༌། ང་རང་ཕམ་ཉེས་ཀྱི་བར་ནས་འཇིག་རྟེན་ལ་མུ་མཐུད་ནས་གདོང་གཏད་མི་ཕོད་དུས་ཀྱང་བདག་གི་ཀློག་པ་པོ་ཚོའི་དྲོད་ཁོལ་གྱིས་ཟིན་པའི་འཕྲིན་པ་དང་ཚིག་འབྲུ་རེ་རེ་ཡིས་ང་རང་བསྐྱར་དུ་གསོས་ནས་ཡོང་ལ། ང་རང་རྒྱལ་ཁ་དང་སྤྲོ་སྐྱིད་བར་དུ་ཡོད་དུས་ཀྱང་ཀློག་པ་པོ་ཚོའི་བདེ་སྡུག་དང་སེམས་ཚོར་ལ་ཉན་ནས་ཡོང༌།
ཤ་ཀླན་འཇམ་དབྱངས་གྲགས་པ།
(2009ལོའི་དགེ་རྒན་དུས་ཆེན་ལ་ཕུལ། )
འཛུམ་ཞལ་ཁྲ་ལམ་མེར་མེ་ཏོག་བཞིན་བཞད་པའི་ཕྲུ་གུ་ཚོར།
སུ་ཞིག་གིས་རྩིང་བཙོག་གི་ལག་པས་རེག་པར་ནུས།
སང་ཉིན་གྱི་ང་ཚོའི་ཡོད་ཚད་ཀྱང་ཁོ་ཚོ་ཡིན་པར་བསམ་ན། དགེ་རྒན།
ཁྱེད་ཉིད་ཀྱི་མཛད་པ་དེ་ལ་སུས་འགྲན་པར་ནུས། མ་ཟད།
ཁྱེད་ཉིད་ལ་འཛུམ་མདངས་མོད་པའི་ངོ་གདོང་དེ་དག་ལས་ཅི་ཞིག་དགོས།
མི་ཆོས་ཀྱི་དྲི་མས་མ་གོས་པའི་མེ་ཏོག་དེ་དག་ལས་ཅི་ཞིག་མཁོ།
ཤ་ཀླན་འཇམ་དབྱངས་གྲགས་པ།
ཀཱ་ལི་བྱུ་རུ་བསྟར་ལ་བརྒྱུས་འདྲའི་ཁ་སེམས་མཐུན་པའི་གཏམ་སྦྱོར་འདི༎
ག་ལེར་རི་མོའི་གཟུགས་སུ་བགྱིས་ཏེ་ང་ནས་ལེ་བར་སྟོང་གི་སར༎
ཅ་ཅོའི་གཏམ་ཉོག་ཡོངས་སུ་བསྐྱུར་ཏེ་ཆ་ལུགས་མཐུན་པར་སྟོབ་ལགས་ན༎
ཇ་ཆུའི་རིན་དང་མཐོང་ལས་མེད་ཀྱང་ཉ་ཉོག་འབའ་ཞིག་མ་ཡིནསྙམ༎
ཏ་ལ་དང་ནི་བེ་ཏའི་ཡུལ་དེར་ཐ་ཆད་བདག་ཀྱང་དོང་མྱོང་མོད༎
སྟག་སྨྱོན།
༡༩༨༧ བཏོན་པའི་དབུ་མའི་དང་ལམ་དང་། ༡༩༨༨ ལོར་བཏོན་པའི་སི་ཊ་སི་སྦག་གི་གྲོས་འཆར་དང་། ༢༠༠༨ ལོའི་བཏོན་པའི་ས་གནས་རང་སྐྱོང་གི་བསམ་འཆར་ཡིག་ཆ་འདི་དག་ཡང་སྙིང་སུ་ཞིག་གིས་གང་འདྲ་བྱས་ནས་ཐག་བཅད་པ་རེད་ཟེར་ན། སེམས་ཁྲལ་ཆེ་བའི་བོད་མི་མི་ཉུང་བ་ཞིག་གིས་ཡང་སྙིང་ལེན་རྒྱུའི་མི་ངན་ཞིག་སླེབས་སོང་དྲན་སྲིད།- ངའི་མཐོང་ཐོས་དང་ཉམས་ཚོར་ཆུང་ཆུང་འདིའི་ཐོག་ནས་ལྟོས་ན། དབུ་མའི་ལམ་དང་དེ་འབྲེལ་གྱི་བསམ་འཆར་ཡིག་ཆ་འདི་དག་༧རྒྱལ་བ་རིན་པོའི་ཆེའི་དགོངས་པ་མ་རེད། ༧རྒྱལ་བ་རིན་པོ་ཆེ་བོད་རྒྱའི་བར་ལ་ཡིག་ཆ་འདི་རྩོམ་གནང་མཛད་རྒྱུའི་ཆེད་དུ་འཇིག་རྟེན་ལ་བྱོན་པ་རེད་དྲན་གྱི་མེད། འོ་ན་འདི་སུའི་དགོངས་པ་རེད་ཟེར་ན། སུ་གཅིག་གི་དགོངས་པ་མ་རེད་ཟེར་གྱི་ཡོད། དེ་ནི་གནས་སྟངས་ཆེན་པོ་གསུམ་གྱིས་དབང་ཡོད་ཀྱིས་ཐག་བཅད་ནས་༧གོང་ས་མཆོག་ལ་འདམ་བཅུག་པ་རེད་འདོད། གནས་སྟངས་གསུམ་ནི། ༡༽ གནམ་ས་ལྟ་བུའི་རྒྱ་བོད་བར་གྱི་དམག་དང་དཔལ་འབྱོར་གྱི་གནས་སྟངས། ༢༽ བྱེའུ་ཚང་དང་གྲོག་ཚང་བསྡུར་བ་ལྟ་བུའི་རྒྱ་བོད་གཉིས་ཀྱི་མི་འབོར་མང་ཉུང་གི་གནས་སྟངས། ༣༽ སྙིང་གཅིག་གི་ཐོག་ཏུ་དཀྲིས་པའི་ང་ལ་ཁྱོད་རྟེན་གྱི་ད་ལྟའི་འཛམ་གླིང་གི་སྲིད་འབྱོར་རིག་གསུམ་གྱི་གྲུ་གུ་མཁྲེགས་པོ་འདི་གསུམ་རེད། གྲངས་ཉུང་འཁོས་ཞན་གྱི་བོད་རིགས་མི་མང་གིས་སྟངས་འཛིན་དང་ཁ་ལོ་བསྒྱུར་ཐབས་བྲལ་བའི་གནས་སྟངས་སྟོབས་པོ་ཆེ་འདི་དག་གིས། ༧རྒྱལ་བ་རིན་པོ་ཆེ་ལའང་འདམ་ཀ་འདི་ལས་ལྷག་ཅིག་སྤྲོད་ཀྱི་མེད་པ་མིན་འགྲོ་དྲན། འདོད་ན་མི་འདོད་ན་བོད་མི་རིགས་ཀྱི་ཆེད་དུ་ཐབས་ལམ་འདི་མི་བསྟེན་ཐབས་མེད་བཟོས་པ་ལྟ་བུ་མཐོང་གི་འདུག
དེ་ལས་མང་བ་། “དབུ་མའི་ལམ་༧རྒྱལ་བ་རིན་པོའི་ཆེའི་དགོངས་པ་རེད་དམ།” »
ད་རེས་གཟའ་སྤེན་པའི་ཕྱི་དྲོ་དུས་ཚོད་གཉིས་པ་ནས་བཞི་བའི་བར་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་དུ་གློག་བརྙན་བཟོ་མཁན་པད་མ་ཚེ་བརྟན་དང་རིག་ལྡན་རྒྱ་མཚོ་གཉིས་ནས་ཁོང་གཉིས་ནས་ད་ཕན་གློག་བརྙན་བཟོས་པའི་མྱོང་ཚོར་སྐོར་གླེང་མོལ་བྱེད་ཀྱི་འདུག་་་་ཀོ་ལུམ་སྦི་ཡ་སློབ་གྲྭ་ཆེན་མོའི་བོད་ཀྱི་གློག་བརྙན་གྱི་ཆེད་མཁས་ Dr. Robert Barnettལགསནས་གླེང་མོལ་དེའི་གླེང་སྣ་འདྲེན་རྒྱུ་རེད་ཟེར།་ པད་མ་ཚེ་བརྟན་ལགས་ནི་མ་ནི་རྡོ་འབུམ་ཟེར་བའི་གློག་བརྙན་དེ་བཟོ་མཁན་ཡིན་ལ་ད་རེས་འཚོལ་ཟེར་བའི་གློག་བརྙན་གསར་པ་ཞིག་བཟོས་ནས་ནེའུ་ཡོག་ལ་ཕེབས་ཡོད་པ་དང་།་་་རིག་ལྡན་རྒྱ་མཚོ་ནི་བོད་མིའི་ཁྲོད་དུ་་བྱིས་པའི་གློག་བརྙན་དང་པོ་དེ་ཡིན་པ་དང་།་་་ད་ཕན་མ་མོ་དབུས་ལམ་དང་།་་་བུ་མོ་ལྷ་རིས་མ།་་་སྤྱང་ཀི་བཏུལ་བ།་་་གྲོང་ཆོག་པར་མགོ་བསྐོར་བ་ཟེར་བ་ལྟ་བུའི་བྱིས་པའི་གློག་བརྙན་དུ་མ་བཟོས་འདུག་་་་ ཁོང་གཉིས་ད་རེས་ནེའུ་ཡོག་ལ་བོད་ཀྱི་གློག་བརྙན་སྟོན་པའི་ལས་འགུལ་Tibet In Harlem ཟེར་བ་ཞིག་ལ་ཁོང་གཉིས་ཀྱི་གསར་བཟོས་གློག་བརྙན་སྟོད་དུ་གདན་འདྲེན་ཞུས་པ་རེད་ཟེར།་་་་དེའི་ཤེས་འདོད་ཡོད་པ་རྣམས་http://www.columbia.edu/cu/tibetfilms/ ཟེར་བ་ལ་ཕེབས་གནས་ཚུལ་ཞིབ་རྒྱས་འདུག་གོ
གཡ་དྲུག་དཀར།
ང་རང་འུག་པ་ཞིག་དང་འདྲ་བར། མིང་ཟུང་རིག་རིག་གིས་ཅི་ཞིག་ལ་ཅེར་འགྲོ། མཚན་སྨག་གི་ཡོལ་རས་མཐུག་དྲགས་ནས་ཅི་ཡང་མཐོང་དཀའ་ཡང་། སང་ཉིན་མོ་ཡིད་ལ་དྲན་ན། དོགས་པ་དང་རྣམ་རྟོག་གི་སྒོ་གླེགས་ཆེན་པོ་དེ་ངང་གིས་གྲོལ་འགྲོ་ལ། ཞེད་སྣང་དང་འཇིགས་སྐྲག་གི་གློག་དམར་བྲང་ཁོག་ལ་ཧར་གྱིས་འཁྱུག་ཐེངས་རེར། སྙིང་ལ་ཚ་ཤར་རྒྱག་པས། མིག་ཟུང་མཚན་ལྗོངས་ལ་གཏད་ཡོད་ཀྱང་། ངས་བོད་ལྗོངས་ཀྱི་ལྷ་སའི་བར་བསྐོར་དང་གདན་ས་གསུམ། སི་ཁྲོན་གྱི་རྔ་བ་དང་དཀར་མཛེས། ཀན་སུའུ་ཡི་བླ་བྲང་དང་རྨ་ཆུ། མཚོ་སྔོན་གྱི་རེབ་གོང་དང་མགོ་ལོག ཡོན་ནན་གྱི་བདེ་ཆེན་སོགས། མདོར་ན་བོད་ཁམས་ཧྲིལ་བོ་དེ་མཐོང་ཞིང་།
མཚན་གུང་ལ་སླེབས་ཉེར་མུན་པ་ཇེ་སྟུག་དང་སྨུག་ཇེ་ནག་ཏུ་འགྲོ་ཡང་། སང་ཉིན་མོ་བསམ་བཞིན། ང་རང་ད་དུང་འུག་པ་ཞིག་དང་འདྲ་བར་བསམ་གཞིག་གི་རྟ་ཁ་ཐུར་ལ་དཀྱུས་ན། མཚན་སྨག་སྟུག་པོའི་ྐློང་ནས་མིག་ལམ་ལ་འཁོར་ཡོང་བའི་བོད་ཁམས་ཧྲིལ་བོ་དེ་རུ། རང་གི་ལ་རྒྱ་དང་ཐོབ་ཐང་། རང་དབང་དང་མང་གཙོ། རིག་གཞུང་དང་ཁོར་ཡུག་སོགས་ཀྱི་ཆེད་དུ། ཁུ་ཚུར་དང་དར་ཆ་དགུང་ལ་འཕྱར་བཞིན། ཁ་གཡང་དང་སྨོན་འདུན་ཁ་ནས་ལུད་ཀྱིན། མི་ཚོགས་དང་མི་ཚོགས་བྱས་ཏེ། མི་ཚོགས་ཅི་ཙམ་ཞིག་ལངས་ཡོང་བ་མཐོང་གི
(བོད་རང་དབང་ལས་འགུལ་བ་ལྷག་པ་ལགས་སུ་བཅར་འདྲི།
བཅར་འདྲི་བྱེད་མཁན་། རིག་འབྱུང་དོན་གྲུབ་བཀྲ་ཤིས།)
༡ ཐོག་མར་ཁྱེད་རང་ངོ་སྤྲོད་མདོར་བསྡུས་ཤིག་བྱེད་རོགས།
ལན། ངའི་མིང་ལ་ལྷག་པ་ཟེར། ང་བཙན་བྱོལ་དུ་སྐྱེས་བ་རེད། རྒྱ་ནག་གིས་བོད་བཙན་བཟུང་བྱས་རྗེས། ངའི་ཕ་མ་གཉིས་ཀྱང་སྐྱབས་བཅོལ་ལ་ཕེབས་དགོས་ཐུག་པ་རེད། དེ་དུས། ང་ངའི་ཨ་མའི་མངལ་དུ་ཡོད་པ་རེད་ཟེར། ཨ་མ་ལགས་བཙན་བྱོལ་ལ་འབྱོར་ནས་ཡུན་རིང་མ་ཕྱིན་པར་ང་སྐྱེས་བ་རེད། ང་སྐྱེས་ནས་ཟླ་ངོ་དྲུག་ཕྱིན་པའི་རྗེས་སུ། ངའི་ཨ་མ་ལགས་སྐུ་གྲོངས་བ་རེད། ངེད་སྤུན་མཆེད་ཚོར་ཨ་མ་མེད་པ་ཆགས་པ་རེད། ངའི་པ་ལགས་ཀྱི་གནས་སྟངས་ཀྱང་དེ་དུས་ཧ་ཅང་སྐྱོ་བོ་རེད། དེར་བརྟེན། ཁོང་གིས་ངེད་སྤུན་མཆེད་བདུན་པོ་བུ་གསོ་ཁང་ལ་བསྐྱལ་བ་རེད། དེའི་རྗེས་སུ་ངའི་པ་ལགས་ཀྱང་སྐུ་གྲོངས་བ་རེད། ངེད་སྤུན་མཆེད་ཚང་མ་དྭ་ཕྲུག་ཆགས་པ་རེད། གལ་སྲིད་རྒྱ་ནག་གིས་བོད་བཙན་བཟུང་བྱས་མེད་ན། ང་ཚོ་བཙན་བྱོལ་དུ་ཡོང་དགོས་ཐུག་གི་མ་རེད་ལ་དྭ་ཕྲུག་ཀྱང་ཆགས་ཡོད་ཀྱི་མ་རེད། དེ་ག་ནང་བཞིན། བོད་པའི་ནང་མི་མང་པོ་ང་ཚོའི་ནང་མི་ནང་བཞིན་ཕ་མ་དང་བུ་ཕྲུག་ཡ་བྲལ་ཏུ་ཕྱིན་ཡོད་པ་རེད། ངས་ད་ལྟ་ཡང་ཕ་མ་མེད་པའི་འཚར་ལོངས་ཀྱི་གནས་སྟངས་དེ་ཚོ་དྲན་གསོས་ཀྱི་འདུག ཡིན་ན་ཡང་། བུ་གསོ་ཁང་གི་བྱམས་སྐྱོང་ལ་བརྟེན་ནས། ང་ཚོར་ཁ་ལག་དང་གྱོན་པ། སྡོད་ཁང་། ཤེས་ཡོན་སོགས་ཚང་མ་རག་པ་རེད། བུ་གསོ་ཁང་མེད་ན། དེ་རིང་ང་གསོན་པོར་བསྡད་ཡོད་མེད་ཀྱང་བརྗོད་དཀའ། ང་སློབ་མཐར་ཕྱིན་རྗེས། བོད་རང་དབང་གི་ལས་འགུལ་མང་པོའི་ནང་དུ་ཞུགས་པ་ཡིན། བལ་ཡུལ་དུ་བོད་ཁྱིམ་གྱི་སློབ་ཟུར་ཁོངས་སུ་འཛུལ་ནས་ལོ་ངོ་དྲུག་ལྷག་གི་རིང་ལ་སློབ་གྲ་ཁག་དང་བོད་དོན་གྱི་ལས་གྲ་སོགས་ཀྱི་ཆེད་དུ་དང་བླངས་ཞབས་ཞུ་ཞུས་བ་ཡིན། ཕྱི་ལོ་༡༩༩༥ལོར་ང་ཨ་རིར་སླེབས་པ་རེད། ཕྱི་ལོ་༡༩༩༦ལོར་ཨ་རིའི་རྒྱལ་ས་ལྦ་ཤིན་ཀྲོན་ནས་ནེའུ་ཡོག་བར་དུ་ཟླ་ངོ་གསུམ་གྱི་རིང་བོད་དོན་ཞི་བའི་གོམ་བགྲོད་ལ་ཞུགས་པ་ཡིན། ཕྱི་ལོ་༡༩༩༨ལོར་བསྐྱར་དུ་ཕོར་ཁྲི་ལན་ཀྲི་ནས་བན་ཁོ་བུར་བར་དུ་ཟླ་ངོ་གསུམ་རིང་གི་བོད་དོན་ཞི་བའི་གོམ་བགྲོད་ལ་ཞུགས་པ་ཡིན། ད་ལོའི་གསུམ་བཅུའི་དུས་དྲན་ཉིན་ནས་བཟུང་། འཛམ་གླིང་གི་རྒྱལ་ཁབ་ཁག་༢༢ཙམ་ལ་བོད་དོན་ཆེད་སྐོར་བསྐྱོད་བྱེད་རྒྱུའི་ལས་འགུལ་འདི་བརྩམས་པ་ཡིན།
རིག་འབྱུང་དོན་གྲུབ་བཀྲ་ཤིས། ཨ་རི།
ཨ་ཀྱཱ་རིན་པོ་ཆེ་ལགས་བཙན་བྱོལ་དུ་ཕེབས་རྗེས། རང་གི་མི་ཚེའི་བྱུང་བ་བརྗོད་པའི་དངོས་བྲིས་མཛད་རྣམ་དེ་འབྲི་འགོ་ཚུགས།
ཁོང་གི་དངོས་བྲིས་མཛད་རྣམ་( Surviving the Dragon) ཟེར་བ་དེ་སོག་ཡིག་ཏུ་ཕྱི་ལོ་༢༠༠༩ལོར་དཔར་བསྐྲུན་བཏབས། དབྱིན་ཡིག་ཏུ་སྤྱི་ལོ་༢༠༡༠ལོར་དཔར་བསྐྲུན་ཟིན། བོད་ཡིག་ཏུ་ཡང་དེབ་ཀྱི་ལེའུ་དང་པོ་དེ་བསྒྱུར་ཚར་ནས་འདུག་ལ་། ལོ་རྗེས་མར་དེབ་ཀྱི་ངོ་བོར་དཔར་བསྐྲུན་བྱེད་ཀྱི་རེད་ཟེར། དེབ་དེའི་ལེའུ་དང་པོ། བྱིས་དུས་ཀྱི་ལོ་ཟླའི་ས་བཅད་དང་པོ་སྟེ་”སྤྲུལ་སྐུ་འཚོལ་བའི་སྐོར་”གྱི་ནང་དུ། ཁོང་གིས་འདི་ལྟར་་གསུངས་འདུག “ལོ་རབས་བཞི་བཅུ་བའི་མཇུག་མཐའ་དེར་སྐུ་འབུམ་དགོན་པའི་དགོན་བདག་ཨ་ཀྱཱ་བསྟན་པའི་རྒྱལ་མཚན་མཆོག་རེ་ཞིག་དགོངས་པ་གཞན་དོན་དུ་རྗོགས་ཤིང་། ང་རང་ནི་ཁོང་གི་ཡང་སྲིད་སྐུ་ཕྲེང་བརྒྱད་པར་ངོས་འཛིན་བྱས་བ་རེད། དེ་ཡང་། སྤྲུལ་སྐུའི་ཡང་སྲིད་ཅིག་འཚོལ་བར་ཕྱག་ལས་ཞེ་དྲགས་མང་པོ་ཡོད་ལ་ཐོག་མར་སྤྲུལ་སྐུའི་མིང་ཐོ་བསྡུ་བར་ས་ཆའང་མང་པོར་འགྲོ་དགོས་བ་རེད། དེར་བརྟེན། ང་ཚོའི་ལུང་བ་ཆུང་ཆུང་འདིའི་ནང་དུའང་འོས་ཐོ་ཁ་ཤས་ཤིག་བསྡུས་ཡོད་པར་བཤད་ལ། ངའི་སྡེ་བར་མཚོན་ན་འོས་ཐོ་གཉིས་བསྡུས་འདུག དེས་རྒྱུ་མཚན་གྱིས་། འོས་བསྡུ་ཕུལ་ཟིན་པའི་ཁྱིམ་ཚང་དེ་གཉིས་ཀྱིས་ཀྱང་སོ་སོའི་སེམས་ཁོངས་སུ་རེ་བ་ཡོད་སྟབས་། མངོན་གསལ་དོད་པོ་མེད་པའི་སྒོ་ནས་གྲ་སྒྲིག་གང་འཚམས་ཤིག་བྱས་ཡོད་ཚོད་འདུག་མོད། དེ་གསང་བ་ལྟ་བུ་བྱས་འདུག གང་ཡིན་ཟེར་ན། གལ་ཏེ་འོས་ཐོ་དེ་སོ་སོའི་བུ་ལ་མ་འཐོབ་པ་ཞིག་ཡིན་ན། དེ་བས་ཀྱང་ངོ་ཚ་བོ་དང་ང་སྐྱེངས་པོརའདུག་དགོས་པའི་ཉེན་ཁ་ཡོད་པས་གསང་བའི་སྒོ་ནས་གྲ་སྒྲིག་རེ་བྱས་ནས་སུ་ཚང་ལ་ཡོང་གི་ཡོད་པ་ཡིན་ནམ་སྙམ་ནས་སྒུག་བསྡད་ཡོད་པ་འདྲ། རྗེས་སུ་ངའི་ཕ་མ་གཉིས་ཀྱིས་དེའི་སྐོར་གྱི་སྐད་ཆ་རྣམས་ཀུ་རེའི་ཚུལ་གྱིས་གསུངས་པར་གཞིགས་ན་། གུར་གྱི་ནང་ནས་ཕར་བལྟ་དུས་གྲ་ཆོས་གྱོན་པའི་རྟ་བ་དེ་ཚོ་ང་ཚོའི་ཕྱོགས་སུ་འོང་གི་ཡོད་པ་མཐོང་འདུག སྤྱིར་བཏང་ཡིན་ན་། དབྱར་ཁའི་རྩ་ཐང་ཐོག་ཞབས་བརྟན་རིམ་གྲོ་སོགས་སྒྲུབ་མཁན་གྱི་ཨ་མཆོད་སོགས་ཡོང་མཁན་ཡོད་ཀྱང་། མིའི་མང་ཉུང་དང་ཕྱི་ཚུལ་གྱི་རྣམ་པའི་ཐོག་ནས་བལྟ་དུས་། དེ་ནི་ཐུན་མོང་མ་ཡིན་པའི་འགན་ཁུར་ཆེན་པོ་ཞིག་གི་ཆེད་དུ་ཡིན་པ་གསལ་ཡང་ལམ་སང་སྒོའི་ཕྱི་ལོགས་སུ་འབུད་མ་ནུས་པར་ནང་དུ་ཁ་ཟས་རིགས་གྲ་སྒྲིག་བྱས་ནས་སྒུག་བསྡད་པ་ཡིན་ཟེར་གྱི་འདུག ”
“འབྲུག་སྐད་ཞི་བའི་ཁ་བ་”ཟེར་བའི་ཁོང་གི་དངོས་བྲིས་མཛད་རྣམ་འདིར། ཁྱོན་བསྡོམས་ལེའུ་ལྔ་འདུག་ཅིང་། དེ་ཡང་།
དེ་ལས་མང་བ་། “ཨ་ཀྱཱ་རིན་པོ་ཆེའི་དངོས་བྲིས་མཛད་རྣམ་”འབྲུག་སྐད་ཞི་བའི་ཁ་བ། “” »
དགེ་འདུན
ཞོགས་པའི་ཆུ་ཚོད་ ༦ དང་ཕྱེད་ཀའི་སྟེང་ཕྲན་གཉིད་སད། ནམ་རྒྱུན་ཞོགས་གཉིད་མཐུག་པོ་རྒྱག་མཁན་ཞིག་དང་གཏན་ནས་མི་འདྲ། མིག་བཙུམས་ཀྱང་གཉིད་མི་ཡོང་། ག་ལེར་ལངས་ནས་གཟུགས་པོ་བཀྲུས། དྲ་རྒྱ་བསྔོགས། རྒྱ་གར་ནས་གསུམ་བཅུའི་དུས་དྲན་བྱས་ཟིན་པའི་གསར་འགྱུར་རེ་བཀླགས། དེ་ནས་༧སྐྱབས་མགོན་རིན་པོ་ཆེའི་གསུང་འཕྲིན་དབྱིན་ཡིག་མ་ཞིག་པར་བཏབ། བྱིས་པ་གཉིད་སད་དུ་བཅུག་ནས་སློབ་གྲྭའི་གྲ་སྒྲིག་བྱས། ངེད་ཀྱི་ཉིན་འདི་དེ་ལྟར་མགོ་བཙུགས།
རྒྱུན་ལྡན་བྱིས་པའི་སློབ་གྲྭ་དེ་ཆུ་ཚོད་ ༨ དང་ཕྱེད་ཀའི་ཐོག་མགོ་འཛུགས་ཀྱི་ཡོད། དེ་རིང་བྱིས་པ་ཆུ་ཚོད་ཕྱེད་ཀའི་སྔོན་ལ་སློབ་གྲྭར་བསྐྱལ་ཐུབ་ཚེ། ང་ནི་དུས་བཅད་ལྟར་ ཆུ་ཚོད་ ༩ པའི་ཐོག་མགོ་འཛུགས་རྒྱུའི་གོམ་བགྲོད་ཀྱི་རྗེས་ཟིན་པ་འདུག དེ་ནས་ངེད་ཀྱི་དེ་རིང་གི་ལས་ཀའི་ཐད་སྔ་ས་ནས་དགོངས་ཞུ་བྱས་ཟིན་ཡོད་ཅིང་། སློབ་མ་ཚོ་ལའང་དེ་ལྟར་བརྡ་སྤྲད་ཟིན་ཡོད། ད་ནི་འཆར་གཞི་འདི་ཡག་པོ་འདུག དངོས་གནས་ཡག་པོ་འདུག
ཚེ་རིང་སྐྱིད
ཨ་མས་བརྗོད་ན་ང་སྐྱེས་དུས་ནས་ང་ལ་ཨ་མྱེས་མེད་ཟེར།
ངས་བྱིས་དུས་སུ་ཨ་མྱེས་ནི་ང་ལ་དགའ་བོ་མེད་པས་གང་ཞིག་ལ་བུད་སོང་བར་བསམ།
ངས་བྱིས་དུས་སུ་ཨ་མྱེས་ཀྱིས་བཤད་པའི་གཏམ་རྒྱུད་གཅིག་ཀྱང་གོ་མ་མྱོང་བས།
ཨ་མྱེས་ནི་གཏམ་རྒྱུད་མེད་པའི་གནའ་མི་ཞིག་ཏུ་འདོད་མྱོང༌།
མཚར་ལོངས་ཀྱི་གོ་རིམ་ཁྲོད་དུ
ང་དང་འདྲ་བའི་ན་མཉམ་མང་པོ་ཞིག་ལ་ཡང་ཨ་མྱེས་མི་འདུག
ཁོང་ཚོས་བཤད་ན་ཁོང་ཚོའི་ཨ་མྱེས་རྒྱང་རིང་ནས་ལམ་ལ་ཆས་ཏེ་ཡོང་གི་ཡོད་ཟེར།
ང་ཚོས་ཨ་མྱེས་མང་པོ་ཞིག་རི་འདབས་ནས་མངོན་པར་ལོ་ཟླ་རེ་རེ་ལ་སྒུག
རང་བཙན། བོད་ཀྱི་གནད་དོན།
འཇམ་དབྱངས་ནོར་བུ།
མི་ནག་ཚང་ལུང་རིགས་རྒྱལ་གྱིས་བསྒྱུར།
བོད་རང་བཙན་སློབ་ཕྲུག་ཚོགས་པས་དཔར་སྐྲུན་དང་འགྲེམས་སྤེལ་བྱས།
དཀར་ཆག
བོད་མི་རིགས་ཀྱི་གདོད་མའི་ངོ་རྟགས།
རང་བཙན་གྱི་ཁྲིམས་མཐུན་ངོ་བོ།
ད་ལྟའི་བོད་ནང་།
རང་བཙན་ཅིའི་ཕྱིར་གནད་འགག་ཏུ་གྱུར།
ད་ལྟ་ག་རེ་བྱས་ནས་བློས་གཏོང་དགོས་པ་རེད།
རང་བཙན་གྱི་རྒྱལ་སྤྱིའི་ཁྱབ་རྒྱ།
དམངས་གཙོ་དང་རང་བཙན།
རང་བཙན་གྱི་རེ་བ་ཙམ་ཡང་གལ་ཆེན་ཆགས་ཡོད།
བོད་མི་རིགས་ཀྱི་གདོད་མའི་ངོ་རྟགས།
འཛམ་གླིང་སྟེང་ན་བོད་པ་ནང་བཞིན་རང་གི་གནས་ཡུལ་གྱི་ཆ་ནས་ཐུན་མོང་མ་ཡིན་པར་དགར་ཐུབ་པའི་མི་རིགས་ཤིག་མི་འདུག བོད་མི་རིགས་ཀྱི་ངོ་རྟགས་ནི་ལོ་རྒྱུས་ཀྱིས་བསྐྲུན་པ་མིན་ལ། ཆོས་ལུགས་ཀྱི་ཐོག་ནས་ཀྱང་མིན། འདིའི་རྩ་བ་ནི་བོད་མི་རིགས་ཀྱི་ཕ་ས་དང་མ་སའི་གཏིང་དུ་ཟུག་ཡོད། བོད་མི་རིགས་ནི་གནའ་ནས་ད་བར་དུ་མདོ་དབུས་མཐོ་སྒང་སྟེ། འཛམ་གླིང་གི་ཡུལ་གྲུ་གཞན་ལས་མཐོ་ཞིང་ཡན་གར་དུ་ཆགས་པའི་ཡུལ་འདིར་འཚོ་ཞིང་གཞིས་པའི་མི་རིགས་ཤིག་ཡིན། བལ་ཡུལ་དང་རྒྱ་གར། རྒྱ་ནག་བཅས་མཐའ་འཁོར་གྱི་ས་བབ་དམའ་སའི་ལུང་པ་ནས་བོད་མི་གནས་སྡོད་ཀྱི་ས་ཁུལ་དག་ལ་འཛུལ་སའི་ལམ་ཁ་དག་ནི་ཁྱད་ཆོས་ལྡན་པ་དང་ཡ་མཚན་ཡིན་པ་ཙམ་ཁོ་ན་མིན་པར། ཐུན་མོང་མ་ཡིན་པའི་འཇིག་རྟེན་གཞན་ཞིག་ལ་འཕོ་སའི་འགྱུར་རིམ་གསལ་བོ་ཞིག་ཡིན།
(བཅར་འདྲི་ཞུ་ཡུལ། སྡོམ་པ་ཚེ་རིང་དབང་མོ། བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས། )
༡ ཁྱེད་རང་བོད་ལ་ག་དུས་ཕྱིན་པ་ཡིན་ནམ།
ལན། ང་བོད་ལ་ཐོག་མ་དེ་ཕྱི་ལོ་༡༩༩༤ལོར་ཕྱིན་པ་ཡིན། དེ་དུས། བོད་ནས་ཟླ་ངོ་བདུན་ཙམ་བསྡད་པ་ཡིན། ངའི་ཨ་མའི་སྐྱེས་ཡུལ་ཁམས་ནང་ཆེན་ལ་ཕྱིན་པ་ཡིན།
དེ་ནས། ཕྱི་ལོ་༢༠༠༠ལོར་བོད་ལ་ཕྱིན་ནས་ཟླ་ངོ་བཞི་ཙམ་བསྡད་པ་ཡིན། ཕྱི་ལོ་༢༠༠༤ལོར་བོད་དུ་ཟླ་ངོ་ལྔ་ཙམ་བསྡད་པ་ཡིན། ཕྱི་ལོ་༢༠༠༦ལོར་ཡང་ཕྱིན་པ་ཡིན།
ན་ནིང་། ཕྱི་ལོ༢༠༠༩ལོར་བོད་དུ་ཕྱིན་ནས་ཟླ་ངོ་བཞི་དང་ཕྱེད་ཀ་ཙམ་བསྡད་པ་ཡིན། ཁྱོན་བསྡོམས་བོད་དུ་ཐེངས་ལྔ་ཙམ་བསྐྱོད་པ་ཡིན།
༢ བོད་ལ་འགྲོ་རྒྱུའི་ཐོག་མའི་བསམ་བློ་དེ་ཇི་ལྟར་འཁོར་བ་ཡིན་ནམ།
ལན། ཕྱི་ལོ་༡༩༩༤ལོར་ངའི་ཨ་མ་ལགས་སྐུ་གྲོངས་བ་རེད། དེ་དུས། ང་མོ་ལོ་ཉེར་ལྔ་ལ་སོན་ཙམ་རེད། ཨ་མའི་གཉེན་ཉེ་དང་སྤུན་མཆེད་ཚང་མ་བོད་ལ་ཡོད་རེད།
ཁོང་ཚོར་ལྟ་བར་ཕྱིན་པ་ཡིན། དེའི་རྗེས་ཀྱི་ལོ་དེ་ཚོར་ཡང་གཉེན་འཕྲད་ལ་ཕྱིན་པ་ཡིན། ན་ནིང་། ངའི་ཨ་ཞང་བླ་མ་ཞིག་ཡོད་པ་དེ་ཅུང་ཙམ་སྐུ་སྙུང་གི་འདུག་ཟེར་པས།
ཁོང་ལ་བལྟ་བར་བསྐྱོད་པ་ཡིན། ཁོང་རྒྱ་ནག་གི་བཙོན་དུ་ལོ་ངོ་༢༠ལྷག་ཚུད་པ་རེད།
དེ་ལས་མང་བ་། “དབྱིན་ཡིག་རྩོམ་འབྲི་བ་སྡོམ་པ་ཚེ་རིང་དབང་མོ་ལགས་བོད་དུ་བསྐྱོད་པའི་སྐོར་ལ་བཅར་འདྲི།” »
རས་པ།
(གསུམ་བཅུའི་དུས་དྲན་བསུ་བ།)
ཉིན་གཅིག་གི་རྗེས་སུ
སྐད་འབོད་གནམ་ས་འགངས་པ་བྱས་ཏེ
ལམ་རྙིང་ཞིག་ཡང་བསྐྱར་བརྒྱུད་དགོས་པ་དྲན་དུས
ངའི་སེམས་ཁོངས་སུ་ཡིག་ཆ་ནས་ཡིག་ཆ་བརྩེགས་ཤིང
གསལ་བཤད་ཡང་བཤད་ཀྱི་རྩ་འགྲེལ་དགོངས་འགྲེལ་མང་པོ་བྱས
རིག་འབྱུང་དོན་གྲུབ་བཀྲ་ཤིས། ཨ་རི།
ནམ་མཁའ་བྱིའུ་བདའ་ནི་ངའི་གྲོགས་པོ་ཞིག་ཡིན། ཆུང་བྱིས་བའི་དུས་ཀྱི་གྲོགས་པོ་ཞིག་ཡིན། ང་ཆུང་ངུའི་སྐབས་སུ་། ཕ་ཡུལ་དུ་དབྱར་གནང་ལ་འགྲོ་ཐེངས་རེར།
ནམ་མཁའ་བྱིའུ་བདའ་དང་མཉམ་དུ་བྱིའུ་བདའ་རུ་ཐེངས་མང་འགྲོ་མྱོང་། ནམ་མཁའ་བྱིའུ་བདའ་དང་མ་ཐུག་པར་ལོ་ངོ་བཅུ་གྲངས་ཕྱིན་པའི་དེ་རིང་ཡང་། ངའི་སེམས་ན། ཆུང་ངུའི་དུས་ཀྱི་འཚོ་བ་དེ་ཚོ་ཁྲ་ལེམ་མེར་འདུག ནམ་མཁའ་བྱིའུ་བདའི་མིང་དངོས་ལ་ནམ་མཁའ་ཚེ་རིང་ཟེར། ནང་མི་དང་གྲོགས་པོ་ཚོས་ཁོང་གི་མིང་ལ་ནམ་མཁའ་ཞེས་འབོད། སྡེ་མི་རྣམས་ཀྱིས་ཁོང་གི་མིང་ལ་ནམ་མཁའ་བྱིའུ་བདའ་ཞེས་འབོད། རྒྱུ་མཚན། ཁོང་ཆུང་ངུའི་དུས་ནས་བྱིའུ་བདའ་བར་ཧ་ཅང་དགའ།
སྨྱུག་རྒོད་གངས་བུ་དཔལ།
༡ ནད་དེའི་སྐོར།
འཛམ་གླིང་ནང་ལོ་རེར་མི་གྲངས་༥༠༠༠༠ལྷག་པ་ཁྱི་སྨྱོའི་ནད་ཀྱི་རྐྱེན་གྱིས་འཆི་ཡི་ཡོད་ལ།
དེའི་ནང་ནས་ཀྱང་ཨེ་ཤེ་ཡ་གླིང་ཆེན་དང་ཨཕ་རི་ཀའི་གླིང་ཆེན་ནང་བརྒྱ་ཆ་༩༥ནད་དེས་རྐྱེན་ལམ་དུ་གཏོང་གི་ཡོད།
དེ་ཡང་མང་ཆེ་བ་ཁྱིས་སོ་རྒྱབ་པ་དང་དེའི་ཁྲོད་ནས་བརྒྱ་ཆ་༣༠ནས་༦༠བར་བྱིས་པ་ལོ་༡༥མན་ཆད་ཡིན།
སྤྱི་ལོ་༢༠༠༣མགོ་སྟོད་དུ་ལྷོ་ཨཕ་རི་ཀའི་ནང་མི་མང་པོ་རང་འཁྱམས་ཀྱི་སེམས་ཅན་བདག་གཉེར་བྱེད་མཁན་མེད་པའི་སེམས་ཅན་སྤྱི་དང་དམིགས་བསལ་ཙི་ཙི་སྒམ་པོ་དང་ཁྱི་བརྒྱུད་ནས་ཁྱི་སྨྱོ་ཕོག་ནས་འདས་ཡོད་འདུག
སྨུག་སྤྲིན་དེ་ང་ལ་འཐིམ་སྲིད་དམ།
རྩོམ་པ་པོ། གཉན་པོ།
ནམ་མཁའ་ཧ་ཅང་དྭངས་པའི་སྐབས་སུ་ཡང་།
གདུག་རྩུབ་ཀྱིས་འཐིབ་སྲིད་པའི་སྨུག་སྤྲིན་དེ།
བར་སྣང་གི་མི་ཚོགས་དེའི་སེམས་པའི་ཀླུང་རྟ་ཡིན་ན།
དངོས་ཡོད་ལས་བརྒལ་བའི་ངོ་གདོང་དེའི་ཆེད་དམ།
རླུང་གིས་ཁུར་བཞིན་པའི་དངུལ་སྤར་མོ་གང་གི་དོན་དུ།
གར་ཡོང་འདིར་ཡོང་བྲལ་བའི་སྨུག་སྤྲིན་དེ།
ང་ལ་འཐིམ་སྲིད་དམ།
ཉི་འོད་ལམ་ལམ་འཚེར་བའི་སྐབས་སུའང།
ཁ་བ་གྲང་ངར་གྱིས་དེད་འོང་བའི་སྨུག་སྤྲིན་དེ།
ཁྱེད་ཀྱི་བདེ་བ་འབོད་པའི་རྨི་ལམ་གྱི་གཡབ་མོ་ཡིན་ན།
ང་ཡི་སྔས་མགོར་བཞག་པའི་བཟི་སྨན་དམ་བུ་གང་བོ་འདི་ཡིས་སམ།
རླུང་བུ་རྒྱང་ནས་བསུ་བའི་གྲོང་ཚོ་འདིའི་ཁ་དབུགས་སྐྱ་བས།
སྨུག་སྤྲིན་དེ་ང་ལ་འཐིམ་དུ་འཇུག་སྲིད་དམ།
སྨུག་སྤྲིན་དེ་རྡ་སའི་སྤྱི་ཚོགས་ལ་ཐིམ་པར་སྨྲས་ཤིག།
(གཉན་པོའི་སེམས་ལྗོངས་ལས་བཤུས།)
<<སྨུག་སྤྲིན་དེ་ང་ལ་འཐིམ་སྲིད་དམ་>>གྱི་བཀླགས་བྱང་།
རས་པ།
ཁོ་བས་ཤེས་ཚོད་ལྟར་ན་གཉན་པོ་ལགས་ནི་རྩོམ་ཡིག་འབྲི་འདོད་ཀྱིས་ཧོབ་ཏེ་བྲིས་པ་དེའི་རིགས་སུ་མི་གཏོགས་ཤིང་། རྩོམ་ཡིག་འབྲི་བའི་སྔོན་འགྲོའི་རིམ་པ་རྒྱུད་པའི་གཞོན་སྐྱེས་རྩོམ་པ་པོ་ཞིག་ལགས།
སྨྱུག་རྒོད་གངས་བུ་དཔལ། བོད་ཀྱི་ལུང་པ་ཞིག་ལ་མི་ཚང་ཆེན་པོ་ཞིག་ཡོད་པ་དེར་བུ་ཞིག་ཡོད། ཐེངས་ཤིག་ལུང་པ་དེ་གཞན་དང་དཁྲུག་པ་ཤོར་བས་མཚན་མོ་ཞིག་བུ་དེ་གྲོང་མི་མང་པོ་དང་ལྷན་དུ་མེ་མདའ་ཁུར་ནས་འཛིང་སར་སོང་བ་རེད། དཁྲུག་འཛིང་བྱེད་བཞིན་པའི་སྐབས་སྦུར་པ་((འབུ་སྒལ་པ་འཁྲེགས་པོ་ཞིག))ཞིག་འཕུར་ཡོང་ནས་བུ་དེའི་མགོ་བོར་ཤུགས་ཆེན་པོས་བརྡུང་པས། ཁོའི་བསམ་པར་དཱ་མེ་མདའ་ཕོག་སོང་དྲན་ནས་མགོ་བོ་རས་ཞིག་གིས་ཡག་པོ་བསྡམས་ནས་མི་ཚོར་མགོ་ལ་མེ་མདའ་ཕོག་སོང་ལབ་ནས་ལོག་ཡོང་བས་གྲོང་མི་ཚང་མ་ཧང་སངས་ནས་བལྟ་བར་སླེབས། མི་ཚང་མ་འཛོམས་སར་དེར་གཅིག་གིས་ཁོའི་མགོའི་རས་དེ་ག་ལེར་བཀྲོལ་བས་དེའི་ནང་སྦུར་པ་ཆེན་པོ་ཞིག་མ་གཏོགས་མགོ་བོར་རྨ་ཤུལ་གང་ཡང་མེད་པས་མི་ཚོ་གད་མོ་ཤོར་བ་དང༌། ཁོ་རང་ངོ་ཚ་པོ་བྱུང་བ་རེད།
ཁྱོད་སུ་ཡིན།
ངས་འདི་ནས་ཆོས་བརྒྱུད་སྤྱི་འཐུས་ཀྱིས་དགོས་པ་མི་འདུག་ཅེས་དམིགས་སུ་བཀར་ཏེ་བཤད་རྒྱུ་ཡིན་ལ། འདི་ལྟར་བཤད་དོན་ནི་ད་ལྟའི་རང་རེའི་གནས་བབ་དང་སྤྱི་ཚོགས་ཀྱི་བདེ་འཇགས། མ་འོངས་པའི་བོད་ཀྱི་འདུན་ལམ་སོགས་ལ་གཞིགས་ནས་བཤད་པ་ཡིན།
སྤྱིར་འདས་ཟིན་པའི་དོན་དག་ཅིག་ཡང་དང་བསྐྱར་དུ་གླེང་ན་ཡག་པོ་མི་འདུག་མོད། སྐབས་ཐོག་འདིར་མི་གླེང་ཐབས་མེད་ཅིག་རེད་པས་ངས་ངེས་པར་དུ་གླེང་རྒྱུ་ཡིན།
ང་ཚོས་ཆོས་བརྒྱུད་སྤྱི་འཐུས་གླེང་ཡོང་ཚེ་ལོ་རྒྱུས་ཤིག་ཀྱང་དྲན་སོས་ཀྱི་མི་འདུག་གམ། ལོ་རྒྱུས་དེར་ད་དུང་ཡང་ཁྲག་དྲིས་ཁྱབ་འདུག་ཨང་། ཁྲག་དྲི་བྲོ་བའི་ལོ་རྒྱུས་དེ་ཀློག་ཚེ། ཡང་ཆོས་བརྒྱུད་ཀྱི་བར་ནས་བྱུང་བ་རེད་ལ། ཆབ་སྲིད་པ་ཚོས་ཆོས་ལུགས་དང་ཆོས་བརྒྱུད་བེད་སྤྱོད་བྱས་པ་ལས་བྱུང་བ་རེད། གནད་དོན་འདི་དག་ལ་གཞིགས་ཚེ། ང་ཚོས་ད་ལྟ་ཕྱིར་རྟོགས་བྱས་ན་ཡང་ད་དུང་ཕྱིས་མི་འདུག་སྙམ། སྤྱིར་ན་ནིང་གི་གྲོས་ཚོགས་ར་བའི་ནང་གི་སྤྱི་འཐུས་འགའི་བྱེད་སྟངས་དེས།
མི་མངོན་པའི་དབྱིངས་ན་ལྐོག་ཏུ་རྣག་འདུག་པའི་སྐྲང་སྦོས་དེ་ཕྱིར་མངོན་པ་རེད་པས། གཅིག་ནས་ཁ་གཏད་ཀྱི་མདུན་ཐད་ནས་ང་ཚོར་ངོ་ཚ་ཆེན་པོ་ཞིག་ཉོ་རུ་བཅུགས་པ་རེད་མོད།