སེང་རྡོར། བོད།
_____ སྒ་སྐྱེ་རྒུའི་ས་ཡོམ་དོན་རྐྱེན་ལ་སྦྱར་བའི་རྩོམ་ཡིག་གསུམ་པ།
དེ་རིང་ནི་རྩོད་པའི་འཐབ་མོ་མི་བཀྱེ་སྟེ། །
ཁུ་བ་དང་བཀའ་བསྡུའི་དོན་དག་མི་གླེང་སྟེ། །
བོད་ཡུལ་ནས་ལི་ཁྲིའི་རྦ་རླབས་འཕྱུར་བ་ལ། །
སྙིམ་པད་ཅིག་བྲང་གར་སྤྱར་ཏེ་གུས་འདུད་ཞུ། །
དེ་ལོ་ལ་དགྲ་བཅོམ་ཁྱོད་ཚོ་ཅི་བས་མཚར། །
གངས་སུལ་ལ་གཤིན་རྗེ་གཤེད་ཀྱི་ན་བུན་གཏིབས། །
ད་རེས་ཀྱང་ཉན་ཐོས་ཁྱོད་ཚོ་ཨེ་ཧོ་སྟོབས། །
ཡུལ་ཤུལ་ལ་ཕྱག་སྟོང་མགོན་གྱི་བརྩེ་བ་བཅུས། །
རང་སྡེ་ལ་གཅིག་ཏུ་ཞེན་པའི་གྲྭ་པ་ཚོ། །
སྲིད་པ་ཡི་སྡིངས་ཆ་ཡིན་པ་ད་རེས་ཤེས། །
རང་རིགས་ཀྱི་ཁོག་དཔུང་འཛིན་པའི་གྲྭ་པ་ཚོ། །
འཁོར་པ་ཡི་སྒོ་གླེགས་ཡིན་པ་ད་རེས་རྟོགས། །
