ཁ་ས། ངས་ཨ་རིའི་ནིའུ་ཡོག་དུས་བབ་ (New York Times) ཀྱི་རྩོམ་སྒྲིག་པ་ཟུར་པ་ཞིག་མཇལ་བྱུང་། ཁོང་ད་ལྟ་ལོ་བརྒྱད་བཅུ་ལྷག་ཟིན་ཞིང་། ལོ་བཞི་བཅུ་ལྷག་རིང་གསར་འགྱུར་གྱི་བྱ་བ་བསྒྲུབས་འདུག རྗེས་ལ། ཚགས་པར་དང་དུས་དེབ་ལས་ཁུངས་གཞན་ནས། དམིགས་བསལ་གདན་འདྲེན་བཞུས་ནས། གསར་འགྱུར་གྱི་རྒྱུད་ལམ་དེ་ཚོའི་སྐད་ཡིག་གི་གསལ་ཆ་ལེགས་སུ་གཏོང་བའི་བྱ་བ་ལོ་མང་པོ་གནང་འདུག ཉེ་ཆར་ཁོང་ལ་ཨ་རིའི་གཞུང་ནས་རོགས་དངུལ་འབོར་ཆེན་ཞིག་གནང་ནས་ཨ་རིའི་གཞུང་གིས་བེད་སྤྱོད་གནང་བའི་ཡིག་ཆ་ཁག་གི་སྐད་ཡིག་གི་སྤུས་ཚད་དང་། སྐད་ཡིག་གི་གསལ་ཆ་ཡར་རྒྱས་ཡོང་བའི་བྱ་བ་སྒྲུབ་བཞིན་འདུག
ཁོང་གིས་ང་ལ་གསུངས་པར། སྤྱི་ལོ་༡༩༤༠ནས་༡༩༧༠བར་ལ། ཨ་རིའི་སྤྱི་ཡོངས་ཀྱི་ཡིག་ཐོག་གི་སྐད་ཡིག་བེད་སྤྱོད་བྱེད་སྟངས་དེ་རྙོག་ཟིང་ཅན་ཞིག་ཡིན་པ་དང་། མི་མང་པོ་ཞིག་གིས་ཀློག་པ་པོ་ལ་བསམ་གཞིགས་མེད་པར། རང་གི་རྩོམ་སྟངས་དང་འབྲི་སྟངས་ངན་པ་རྣམས་ལ་ཆེས་བཞེན་པ་ཆེན་པོ་སླེབས་ནས། ཚིག་མཁྲེགས་པོ་དང་། ཚིག་གྲུབ་རིང་པོ། ཚིག་གི་གཅོད་སྟངས་དང་སྦྲེལ་སྟངས་ལ་ཚད་གཞི་མེད་པར་བརྟེན། ཨ་རིའི་ཡིག་ཆ་དེ་ཚོ་རྙོག་ཟིང་ཆེ་ལ། ཡིག་རྙོག་མང་བ། ད་དུང་ནང་དོན་གསལ་པོ་མེད།
