སེམས་པ་སྐྱོ་བའི་གླུ་ཞིག།
ཕ་ཡུལ་ཕྱོགས་ནས་བླངས་ཡོད།
བོད་ཁམས་སྟོད་སྨད་ཀུན་ལ།
བཙོན་དང་དམག་མིས་འཁེངས་འདུག
གསོན་པོ་རང་དབང་བྲལ་བ།
གཤིན་པོ་མར་མེ་བྲལ་བ།
ཕ་མ་བུ་ཕྲུག་མེད་པ།
བུ་ཕྲུག་མགོ་འདོན་མེད་པ།
བོད་ནང་གི་བོད་དང་འབྲེལ་ཡོད་ཀྱི་སྒེར་གྱི་དྲ་རྒྱ་ཁ་ཤས་སྒོ་བརྒྱབ་འདུག
བོད་ནང་གི་བོད་དང་འབྲེལ་ཡོད་ཀྱི་སྒེར་གྱི་དྲ་རྒྱ་ཁ་ཤས་སྒོ་བརྒྱབ་འདུག ཁ་ས་ནས་བཟུང་བོད་ཀྱི་སྐད་ཡིག་དྲ་ཚིགས། (Tibettl.com) དང་མཆོད་མེ་དྲ་རྒྱ། (Tibetcm.com)སོགས་སྒོ་བརྒྱབ་འདུག གནས་ཚུལ་ཤེས་རྟོགས་བྱུང་བར་གཞིགས་ན། དྲ་རྒྱ་འདི་ཚོ་ནི་སྒེར་གྱི་བདག་གཉེར་བྱེད་བཞིན་པ་དང་། བོད་མི་མང་པོས་དགའ་པོ་བྱེད་ཀྱི་ཡོད་པས། སྲིད་གཞུང་ནས་དྲ་རྒྱ་དེ་ཚོར་རྟག་ཏུ་ལྟ་རྟོག་དང་དོ་དམ་ནན་པོ་བྱེད་ཀྱི་ཡོད་ཚོད། དེ་བཞིན་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གནས་ཚུལ་སྤེལ་བ་ལྟར་ན། མཆོད་མེ་དྲ་རྒྱའི་གཙོ་གཉེར་བ་སྐུ་ཞབས་དཀོན་མཆོག་ཚེ་འཕེལ་འབོད་པ་ཀན་ལྷོ་བོད་རིགས་རང་སྐྱོང་ཁུལ་རྒྱལ་ཁབ་བདེ་འཇགས་མི་སྣས་ཆབ་སྲིད་ཀྱི་དོགས་གཞིའི་འོག་གློ་བུར་འཛིན་བཟུང་གིས་དེ་གའི་སྤྱི་བདེ་ལྟ་སྲུང་ཁང་དུ་བཀག་ཉར་བྱས་ཡོད་པ་དང༌། ཁོང་འཇུ་བཟུང་སྐབས་རང་ཁྱིམ་སྔོག་བཤེར་གྱིས་གློག་ཀླད་དང་དོགས་ཡོད་ཅ་དངོས་རིགས་འཕྲོག་འཁྱེར་བྱས་ཡོད་འདུག
སྐུ་ཞབས་ཀྲང་དང་གླེང་མོལ་ཡི་གེར་བཀོད་པ །
སྐུ་ཞབས་ཀྲང་དང་གླེང་མོལ་ཡི་གེར་བཀོད་པ ། བོད་ཀྱི་སྐད་ཡིག་དྲ་ཚིགས་ནས་བླངས། (http://www.tibettl.com/blog/u/laozang555/archives/2009/5413.html) དེ་རིང་གཞན་དོན་ཞིག་གི་ཕྱིར་ཏུ་ས་ཆ་ག་གེ་མོ་ཞིག་ལ་འགྲོ་བའི་ལམ་བར་ནས ། རྒྱ་རིགས་སྐུ་ཞབས་ཀྲང་དང་ངེད་གཉིས་ཁ་བརྡ་སྣ་ཚོགས་ཚོགས་ཤིག་གླེང་པས་གོ་སྐབས་ཡག་པོ་ཞིག་བྱུང་། བཤད་ཀྱིན་བཤད་ཀྱིན་ན་ནིང་གི་གསུམ་བཅུ་བཞི་ལས་འགུལ་བཤད་རྒྱུར་འཕྲད་སོང་། ཡིན་ཡང་ངའི་སེམས་ངོར་ཁོ་ནི་རྒྱ་རིགས་ཡིན་པའི་ངའི་བསམ་ཚུལ་གྱི་ལྡོག་ཕྱོགས་ནས་བཤད་རྒྱུ་རེད་འདོད་མ་མཐའ་ཡང་ཟུར་ཙམ་ཞིག་ལྡོག་ཕྱོགས་ནས་ལོས་བཤད་བསམ་སོང་། དེ་མ་ཡིན་པར་ཁོ་བཤད་པ་ཕལ་ཆེར་ང་ཚོའི་བོད་མི་ཡོངས་ཀྱི་བསམ་ཚུལ་འདྲ་བོ་འདུག ཁོས་ དེ་རིང་གཙོས་གྲོང་ཁྱེར་ལ་འགོ་ཁྲིད་ཞིག་གམ་དཔོན་པོ་ཞིག་ཡོང་གི་ཡོད་ཁ་རེད ། ངས་ ཅི་བྱེད་ཀི ཁོས་ གཙོས་གྲོང་ཁྱེར་གྱི་ལམ་མདོ་སྲང་མདོ་ཡོད་ཚད་འགྲིམ་འགྲུལ་ཉེན་རྟོག་པ་དང་དམག་མིའི་བཀག་འདུག་ཟེར ། ངས་ འོ་དེ་རིང་སྤྱི་ཟླ་གསུམ་པའི་ཚེས་པ་དགུ་རེད་སང་ཉིན་ནི་ཚེས་བཅུ་ཡིན་པའི་སྤྱི་ཟླ་གསུམ་པའི་ཚེས་བཅུ་ནི་གཞས་བྱེས་གཉིས་སུ་ལྷུང་བའི་བོད་མི་ཡོངས་ཀྱི་འདས་སོང་ལོ་ཟླ་སྐྱུར་བོ་ཕྱི་དྲན་བྱེད་པའི་ཉིན་མོ་ཡིན་པ་དང་དེའི་ཁར་ད་ལོ་ནི་བོད་མིའམ་བོད་རྒྱལ་ཁབ་ཀྱིས་རང་དབང་གཞན་འོག་ཏུ་ཤོར་ནས་ལོ་འཁོར་ལྔ་བཅུ་ལོན་པ་ཡིན་པའི་ཁོ་རང་ཚོས་དེ་ལ་སྔོན་འགོག་གི་འཇིགས་སྣང་བསྐུལ་བ་དང་དྲག་ཆས་སྤྲད་པ་ཡིན་རྒྱུ་རེད་གོ…
༣ དོན་ངོ་མར་ང་ཚོ་ཡར་སློང་མཁན་དེ་སུ་ཡིན།
༣ དོན་ངོ་མར་ང་ཚོ་ཡར་སློང་མཁན་དེ་སུ་ཡིན།
བོད་ཀྱི་སྐད་ཡིག་དྲ་ཚིགས་ནས་བླངས། (http://www.tibettl.com/blog/u/gangni/archives/2009/5358.html)
ང་ཚོ་ལྷིང་འཇགས་དང་ཞི་འཇམ་གྱི་ངང་དུ་བསྡད་ཡོད། ང་ཚོ་གོ་མེད་དང་ཚོར་མེད་ཀྱི་ངང་དུ་གནས་ཡོད། རྒྱུ་མཚན་ང་ཚོར་དམ་པའི་ཆོས་ཀྱི་འདོད་ཆུང་ཆོག་ཤེས་ཀྱི་བསླབ་བྱས་བག་ཆགས་ཀྱི་ས་བོན་མང་བོ་ཞིག་སྔོན་ནས་བཏབ་ཡོད་རྐྱེན། སྔོན་ཆད་ཡིན་ན་ང་ཚོར་འདོད་པ་ཆེན་པོ་ཞིག་མེད་དེ་ང་ཚོའི་འདོད་པ་ཆུང་ངུ་དེ་ནི་ཁོ་ཚོས་བཤད་པ་བཞིན་ཆོས་ལུགས་དད་མོས་ཀྱི་རང་དབང་ཞིག་དང་། རིག་གནས་རང་སྐྱོང་གི་རང་དབང་ཞིག འགྲོ་འདུག་སྤྱོད་གསུམ་གྱི་རང་དབང་ཞིག་ལས་གང་ལའང་བསམ་བློ་བཏང་མྱོང་མེད། འདི་ཙམ་གྱི་འདོད་པའང་ང་ཚོར་བསྐང་གི་མེད་ན་འཇིག་རྟེན་ཁ་དཔེར “དེད་དེད་ཀྱི་རྦལ་བ་ངོར་ལྡིང” བ་ལྟར། ནང་ཇ་མ་དགོས་དུས་དྲོས་ཇ་ཡང་དགོས་མེད་དུ་འདོད་པའི་བསམ་བློ་ཐ་ཤལ་དེས་མང་བོ་ཞིག་ཡར་བསླང་སོང་བ་རེད།
པེ་ཅིང་ནས་སློབ་མ་ཞིག་གིས་སྐུ་སྒེར་ཡིག་ཚང་ལ་དྲི་བ་བཏོན་པ།
༄༄།། བཀུར་འོས་རྒྱལ་དབང་ཡིད་བཞིན་ནོར་བུའི་༧སྐུ་སྒེར་ཡིག་ཚང་གི་དབུ་ཁྲིད་མཆོག་གི་ཞབས་དྲུང་དུ།
དེ་གའི་ལས་ཁུངས་ནས་ཏྭ་ལའི་བླ་མའི་དྲ་ཚིགས་ཏེ། www.dalailama.com ཞེས་པ་ཞིག་བཏོན་གནང་བ་དེས་ཕྱི་ནང་གི་མི་ཚང་མར་༧རྒྱལ་དབང་སྐུ་འཕྲེང་བཅུ་བཞི་པ་ཆེན་པོའི་མཛད་པ་རྣམས་སྟབས་བདེ་པོས་ཤེས་ཐུབ་པར་ཕན་པ་ཆེན་པོ་འདུག་པས་ཐུགས་རྗེ་ཆེ།
ལྷག་པར་དུ་དྲ་ཚིགས་དེ་རྒྱ་ཡིག་དང་དབྱིན་ཡིག་ཐོག་བཏོན་ཐུབ་པ་དེས་རྒྱ་མི་རིགས་དང་དབྱིན་ཇིའི་སྐད་ཡིག་ཤེས་མཁན་གྱི་འཛམ་གླིང་གི་མི་རྣམས་ལ་རྒྱལ་དབང་ཡིད་བཞིན་ནོར་བུའི་གནས་ཚུལ་རྣམས་དུས་ཐོག་ལ་ཤེས་ཐུབ་པ་དེས་ངེད་ལ་དེ་བས་དགའ་སྤྲོ་འཕེལ་བཞིན་སྣང་།
དེ་ལས་མང་བ་། “པེ་ཅིང་ནས་སློབ་མ་ཞིག་གིས་སྐུ་སྒེར་ཡིག་ཚང་ལ་དྲི་བ་བཏོན་པ།” »
སྨོན་ལམ་བོད་ཡིག་གསུམ་པ་དབུ་འབྱེད་གནང་ཡོད །
བོད་ཀྱི་དུས་བབ་ལས་དྲངས།
འདོན་སྤེལ། ༢༠༠༩/༠༢/༢༦
བོད་ས་གླང་ལོའི་ལོ་གསར་ཉིན་ནི་བོད་དུ་མཚོན་ན་ལོ་ནག་སྲུང་གཙི་བྱས་པའི་ལོ་ཞིག་ཡིན་ལ། ཉིན་དེར་བོད་མི་ཚོས་རྒྱུན་སྲོལ་ལྟར་བོད་ཀྱི་ལོ་གསར་རྒྱས་སྤྲོས་ཀྱིས་སྲུང་གཙི་བྱས་མེད་མོད། བོད་ཀྱི་སྐད་དང་ཡི་གེའི་ངོས་ནས་བཤད་ན། དེང་དུས་ཀྱི་ཚན་རིག་གི་རྗེས་སུ་སྔར་ལས་གོམ་གང་མདུན་སྐྱོད་བྱས་པའི་ཉིན་ཞིག་ཡིན་ཞིང་། དེ་ནི་སྨོན་ལམ་བོད་ཡིག་མཉེན་ཆས་གསུམ་པ་དང་སྨོན་ལམ་བོད་ཀྱི་ཐུན་མོང་སྐད་གདངས་གཉིས་དབུ་འབྱེད་དང་འགྲེམས་སྤེལ་བྱས་པས་ཡིན།
ས་གླང་ལོའི་འཚམ་དྲི།
ས་གླང་ལོ་གསར་པ་འདི་བཞད་པའི་སྐབས་ལ། འདས་པའི་དཔའ་བོ་དཔའ་མོ་རྣམས་ལ་དྲན་གསོ་ཞུ། ད་ལྟ་ཞུགས་པའི་བོད་མི་ཀུན་ལ་འཚམ་དྲི་དང་། ལོ་གསར་པ་འདིའི་ནང་ངེད་ཚོར་འཕྲད་རྒྱུའི་དཀའ་ངལ་དང་ངེད་ཚོའི་ལས་འགན་ལ་གདུང་སེམས་མཉམ་སྐྱེ་བྱ་རྒྱུ་ཡིན། བོད་རྒྱལ་ལོ། བོད་མི་དམངས་རྒྱལ་ལོ།
༄༅།།ཕ་སྐད་དུས་ཆེན་ལ་ཕུལ་བའི་ལེགས་སྐྱེས།
[ 2009-2-21 3:07:00
འབའ་མཁྱེན་དཔལ།
ཕ་སྐད་དུས་ཆེན་ལ་ཕུལ་བའི་ལེགས་སྐྱེས། ཕ་སྐད་དུས་ཆེན་ལ་སྤྲོ་སེམས་འཁོལ་བའི་རྟེན་འབྲེལ་ཞུ།<བོད་ཀྱི་སྐད་ཡིག་དྲ་བ་ལས་ལེན།>
༄༅།།གྲོས་གཞི་རུ་ཕུལ་བ།
རང་གིས་ཉེ་ལམ་དྲྭ་ཐོག་ཏུ་སྤེལ་བའི་ཟིན་བྲིས་ང་དང་ཀྲུང་གོ་པའི་སྐྲག་སྣང་ཞེས་པ་དང་ཀྲུང་གོའི་དངོས་སྐྱེལ་གྲུ་གཟེངས་ཞེས་པའི་མཇུག་ཏུ་ཀློག་མཁན་གྲོགས་པོ་རེ་ཟུང་གིས། ཀྲུང་གོ་ཞེས་པ་འདི་རྒྱ་ཡིག་རེད། རྒྱ་ནག་ཅེས་ཕྲིས་དང༌། འོ་ན་བོད་ལ་ཤིས་ཙང་ཞེས་འབྲི་རྒྱུ་ཡིན་ནམ། ཞེས་དང༌། ཀྲུང་གོ་ལ་རྒྱ་ནག་ཅེས་བརྗོད་ན། བོད་ལ་ཤིས་ཙང་ཞེས་འབྲི་དགོས་པའི་བཙན་བཀའ་དེ་སུ་ཡིས་བཏང་ངམ། རང་རེ་ལ་སྐད་ཡིག་ཐུན་མོང་མ་ཡིན་པ་ཞིག་ཡོད་བཞིན་དུ་རྒྱའི་སྐད་ཡིག་ངེས་པར་དུ་བཀོལ་སྤྱོད་བྱེད་དགོས་དོན་ཅི་ཞིག་ཡིན་ནམ། བོད་རང་ས་ནས་རྒྱའི་སྐད་ཡིག་མང་པོ་ཞིག་སྣང་མེད་ངང་བེད་སྤྱོད་བཏང་དང་གཏོང་བཞིན་པའི་མཇུག་འབྲས་ལ་བོད་ཀྱི་ཐ་སྙད་མང་པོ་ཞིག་རྩ་ཡལ་ལྟ་བུར་ཕྱིན་པ་མིན་ནམ། ཞེས་སྤེལ་ཡོད་པ་འདི་དག་གིས་བདག་ལ་བསམ་གཞིགས་སྣ་ཚོགས་ཤིག་བྱེད་པའི་རམ་འདེགས་ཐོབ་པ་མ་ཟད། དོགས་གཞི་མང་པོ་ཞིག་གི་སྒོ་གླེགས་ཀྱང་བྱས་སོང་བས་གྲོགས་པོ་དེ་དག་ལ་སྙིང་ནས་བཀའ་དྲིན་ཆེ་ཞུ་བར་མ་ཟད། ཕྱིན་ཆད་ཀྱང་འདི་ལྟ་བུའི་དགོངས་འཆར་ལྷུག་བརྗོད་གནང་བའི་རེ་བ་ཆེ། བདག་གིས་ཟིན་བྲིས་རེ་ཟུང་བཀོད་པ་ནི་རང་ཉིད་རྒྱལ་འདོད་དང་གཞན་ལ་རྒོལ་འདོད་རྐྱང་བའི་ཆེད་མ་ཡིན་པར་རང་གི་ཞན་ཆ་གང་ཡིན་ངོས་ཟིན་པ་དང་གཞན་གྱི་ཞན་ཆ་ལའང་དྲན་སྐུལ་རེ་བྱེད་ཨེ་ཐུབ་སྙམ་པའི་སེམས་འདུན་གྱིས་སྤེལ་བ་ལགས་ན། སྤུན་གྲོགས་ཡོངས་ཀྱིས་ཀྱང་དེ་ལྟར་དགོངས་འཇགས་གནང་ནས་མཛུབ་སྟོན་ཡོད་པར་ཞུ། ཡིན་ནའང༌། སྐྱོན་བརྗོད་ཡོངས་རྫོགས་ལ་ལགས་སོ་ཞེས་པའི་ལན་འདེབས་རྐྱང་བྱས་ན་སྐབས་འགར་རང་གི་ཞན་ཆ་གང་ནས་བྱུང་བ་གསལ་བོ་མི་རྟོགས་པས་མཚམས་ལན་རེར་རང་གི་འདོད་འདུན་དང་བསྟུན་པའི་ལན་རེའང་ཕུལ་བ་ཡིན་ལ། དུས་དེར་དཔྱོད་ལྡན་དག་གིས་ཐུགས་ཁྲེལ་མི་བཞེས་པར་ལྷག་པར་ཡང་མ་དག་པའི་ཉེས་སྐྱོན་ཁ་གསལ་གོ་བདེ་ཡིས་ངོ་སྤྲོད་གནང་རྒྱུ་མཁྱེན་མཁྱེན་ཞེས་ཀྱང་སྙིང་ནས་ཞུ་བ་ལགས་སོ།། འདི་དག་ནི་ཞར་བྱུང་དུ་འཕྲོས་ནས་ད་ནི་བརྗོད་དོན་དངོས་དེ་ཞུས་ན་གོང་གི་གནད་དོན་དེ་རིགས་ཇི་ལྟར་ལེགས་བཅོས་དང་ཐག་ཆོད་ཡོང་བའི་ཐད་ལ་བཤད་མི་ཤེས་པའི་གནད་འགག་གལ་ཆེན་ཞིག་མཆིས་པ་འདྲ་བས་དཔྱོད་ལྡན་སྤུན་གྲོགས་ཚོར་གྲོས་སུ་ཞུ་འདོད་པ་ལགས།
བོད་ཀྱི་སྐད་ཡིག་དྲ་རྒྱའི་ཧི་གཟུགས་དྲ་ཚིགས།
བོད་ཀྱི་སྐད་ཡིག་དྲ་རྒྱའི་ཧི་གཟུགས་དྲ་ཚིགས་འདི་ན་ཡོད། http://www.tibettl.com/blog/index.html
འཇམ་དབྱངས་ནོར་བུ་ལགས་སུ་ལན་འདེབས་གནང་བ་དང་དེ་མིན་བོད་ཡིག་ཐོག་བཀོད་པའི་གསར་འགྱུར།
གཤམ་གྱི་སྦྲེལ་ལམ་དེའི་ནང་། འཇམ་དབྱངས་ནོར་བུ་ལགས་ཀྱི་ྩོམ་ཡིག་ལ་ལན་འདེབས་གནང་འདུག དབྱིན་ཇི་དང་བོད་ཡིག་གཉིས་ཀ་འདུག་གོ། http://www.tibetsites.com/Response_Ad.html གཤམ་གྱི་དྲ་ཚིགས་ཐོག་ང་དང་ཀྲུང་གོ་བའི་སྐྲག་སྣང་ཟེར་བའི་ྩོམ་ཡིག་ཐུང་ཐུག་ཞིག་འདུག http://www.tibetabc.cn/user1/qinghua/archives/2009/2009218215726.html གཤམ་གྱི་དྲ་སྦྲེལ་འདིའི་ནང་། དེང་སང་བོད་ནང་དགེ་འདུན་པ་ན་གཞོན་ཚོའི་གནས་སྟངས་ཤིག་བཀོད་འདུག ངོ་མ་ཡ་ང་བ་རེད་འདུག http://www.tibetabc.cn/u/MAQUNOMAD/archives/2009/2009219112329.html
ཨ་རིར་བོད་ཀྱི་ཆོས་རིག་ལྟེ་གནས་ཁང་གསར་འཛུགས།
ཤམ་བྷ་ལའི་ཕོ་ཉ་དྲ་བ་ནས་འདྲེན། (http://www.shambalapost.com) ཤམ་བྷ་ལའི་ཕོ་དྲ་བས་ཟླ་༠༢་ཚེས་༡༡ཉིན་སྤེལ། ཨ་རིའི་མངའ་སྡེ་ཝར་ཇི་ནི་ཡའི་ནང་རྟེན་གཞི་བྱས་ཡོད་པའི་གཙུག་ལག་སློབ་གྲྭ་ཆེན་མོའི་ནང་བོད་ཀྱི་རྩ་ཆེའི་ཆོས་དང་རིག་གཞུང༌། དེ་བཞིན་བོད་རྒྱལ་རབས་ལོ་རྒྱུས་སོགས་བོད་ཀྱི་ཐུན་མོང་མ་ཡོན་པའི་སྲོལ་རྒྱུན་ཆོས་རིག་དར་སྤེལ་གཏོང་སའི་ལྟེ་གནས་ཁང་ཞིག་དངོས་སུ་གསར་འཛུགས་གནང་སྟེ་དབུ་འབྱེད་གནང་ཡོད་པ་དང་དབུ་འབྱེད་མཛད་སྒོའི་སྐབས་ྋགོང་ས་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་ཆེད་ཕེབས་གནང་ཡོད་པ་རེད། དེ་ཡང་ཨ་རིའི་མངའ་སྡེ་ཝར་ཇི་ནི་ཡའི་མཐོ་རིམ་སློབ་གྲྭ་ཆེན་མོའི་ནང་བོད་ཀྱི་ལྟེ་གནས་ཁང་ཞིག་༢༠༠༩ལོའི་ཕྱི་ཟླ་༠༡པོའི་ཚེས་༣༠ཉིན་དངོས་སུ་གསར་འཛུགས་ཞུས་གནང་སྟེ་དབུ་འབྱེད་གནང་ཡོད་པ་དང༌། བོད་ཀྱི་ལྟེ་གནས་ཁང་དེས་གཙོ་བོ་བོད་ཀྱི་ཆོས་དང་རིག་གཞུང་བོད་མིའི་སྤྱི་ཚོགས་བོད་ཀྱི་རྒྱལ་རབས་ལོ་རྒྱུས་དར་འཕེལ་གཏོང་རྒྱུ་ཙམ་མ་ཟད། བོད་རྒྱ་གཉིས་ཀྱི་འབྲེལ་ལམ་གཙོས་བོད་ཀྱི་གནད་དོན་སྐོར་དོན་ཕན་སོན་པའི་དཔྱད་ཞིབ་བྱ་རྒྱུའི་སྡིང་ཆ་ཞིག་བསྐྲུན་རྒྱུའིེ་ཆེད་དུ་ཡིན་པ་རེད། ཕྱི་ལོ་༡༩༦༠ཡས་མསན་ནས་བཟུང་ཝར་ཇི་ནི་ཡའི་མཐོ་སློབ་དེའི་ནང་བོད་བརྒྱུད་ནང་བསྟན་ཆོས་རིག་གི་སློབ་གཉེར་དེ་ཉིད་སྤེལ་གནང་ས་ཞིག་ཡིན་པ་མ་ཟད། ཕྱི་ལོ་༡༩༧༩ནས་༡༩༨༩བར་ྋགོང་ས་མཆོག་གི་གསུང་བསྒྱུར་ཡིན་པ་སློབ་དཔོན་ཇེ་ཕི་རི་ཧོབ་ཀིན་སི་ལགས་ཀྱིས་ཕྱི་ལོ་༡༩༧༠འགོ་སྟོད་དུ་ནང་ཆོས་སློབ་གཉེར་གནང་རྒྱུའི་སློབ་གཉེར་ལས་གཞི་གཞི་རྒྱ་ཆེ་ལ་ཆེས་སྙན་གྲགས་ལྡན་པ་ཞིག་གསར་འཛུགས་གནང་ཡོད་ལ། དེ་རྗེས་ཕྱི་ལོ་༡༩༩༨ལོར་མཐོ་སློབ་དེས་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་དབུས་པའི་ནོ་བྷེལ་ཞི་བདེའི་གཟེངས་རྟགས་བཞེས་མཁན་ལྷན་ཚོགས་ཆེན་པོ་ཞིག་གོ་སྒྲིག་ཞུས་ཡོད་པ་རེད། ལྟེ་གནས་ཁང་དེའི་ཟུང་འབྲེལ་འགན་འཛིན་ཇར་མ་ནོ་ཡིས་ཕྱི་ལོ་༡༩༩༠ཡས་མས་སུ་མཐོ་སློབ་དེའི་དཔེ་མཛོད་ཁང་དང་མཉམ་འབྲེལ་གནང་སྟེ་བོད་དང་ཧི་མ་ལ་ཡའི་དཔེ་མཛོད་ཁང་ཞིག་གསར་བཙུགས་གནང་བ་དང༌། དཔེ་མཛོད་དེའི་ནང་བོད་དང་འབྲེལ་ཡོད་ཀྱི་པར་རིས་དང་བརྙན་པར།…
དེ་ལས་མང་བ་། “ཨ་རིར་བོད་ཀྱི་ཆོས་རིག་ལྟེ་གནས་ཁང་གསར་འཛུགས།” »
རོགས་པ་ཞིག་གནང་རོགས། སྐུ་མཁྱེན།
དྲ་གྲོགས་ཚོ། གཤམ་གྱི་ཚན་པ་འདི་བོད་ཡིག་ཐོག་སྒྱུར་བར་རོགས་རམ་གནང་རོགས། ཐུགས་རྗེ་ཆེ། འདི་ངེད་ཚོའི་དྲ་རྒྱར་བེད་སྤྱོད་གཏོང་ཆེད་ཡིན། 1. Install “InstallUSP10only” utility. Download the the file from…
རྒྱ་བོད་འབྲེལ་མོལ་དགུ་པ་འདི་ཡང་མགོ་འཛུགས་གྲབ་ཡོད་པ་འདྲ།
རྒྱ་བོད་ཀྱི་འབྲེལ་མོལ་དེ་ཡང་མགོ་འཛུགས་གྲབས་ཡོད་པ་འདྲ། དཔང་རྟགས་མེད། གཤམ་གྱི་གནས་ལུགས་རྣམས་ཞུ་རྒྱུ་ཡོད། ༡༽ཕ་ཡུལ་དྲ་རྒྱའི་ནང་གཟའ་འཁོར་གཉིས་ཀྱི་གོང་ལ་གསར་འགྱུར་གྱི་ནང་རྒྱ་ཕྱོགས་ནས་ཏ་ལའི་བླ་མའི་སྐུ་ཚབ་སྐད་འབོད་བྱས་པ་དང་དེར་རྒྱ་རི་མཆོག་གིས་ལས་འདེབས་བྱས་ཟེར། ཡིན་ནའི་ཉིན་གཉིས་པ་དེར་གསར་འགྱུར་དེ་བཏོན་སོང་། ཡ་མཚན་པོ་བྱུང་། ༢༽བོད་གཞུང་གི་རྒྱ་བོད་འབྲེལ་བའི་སློབ་སྟོན་གྱི་ཚོགས་ཆུང་དེ་གང་མགྱོགས་ལྡི་ལིར་འཚོག་གི་འདུག རྒྱུན་དུ་བོད་ཕྱོགས་ཀྱི་སྐུ་ཚབ་རྣམས་པེ་ཅིང་ལ་མ་འགྲོ་གོང་ཚོགས་ཆུང་དེ་འཚོག་ནས་སྐད་ཆ་གང་ཤོད་དགོས་མིན་གྲོས་བསྡུར་བྱ་སྲོལ་འདུག ༣༽ཉེ་ཆར་པེ་ཅིང་ནས་ཤེས་རྟོགས་བྱུང་བར། བོད་ཀྱི་མཁས་པ་མི་ཉུང་བ་ཞིག་དང་། བོད་རིགས་ལས་བྱེད་ཁ་ཤས་ཤིག་ཕྱི་མིར་བོད་ཀྱི་གནས་སྟངས་ངོ་སྤྲོད་བྱེད་པར་སྦྱོང་བརྡར་བྱེད་ཀྱི་འདུག་ཟེར། ཕྱི་མི་སུ་ཡོང་གི་ཡོད་དམ་ཞེས་སྐད་ཆ་འདྲི་སྐབས། འདི་བཤད་མི་རུང་ཟེར། གོང་གི་གནས་ཚུལ་རྣམས་བསྡོམས་ཡོང་དུས་ཕལ་ཆེར་རྒྱ་བོད་ཀྱི་སྐུ་ཚབ་རྣམས་ཡང་རྒྱ་ནག་ལ་སྐྱར་ཐུག་ནས་འབྲེལ་མོལ་བྱེད་རྩིས་ཡོད་ས་འདུག
བོད་པ་རྣམས་བོད་པར་སྡང་དོན་ཅི།
བོད་པ་རྣམས་བོད་པར་སྡང་དོན་ཅི། ཁ་སང་བོད་ལ་ཁ་པར་ཞིག་བཏང་ནས། ངའི་གཟའ་ཉི་མའི་དགུང་གསེང་དེ་མ་སྐྱིད་པ་ཆེན་པོ་ཆགས་སོང་། དྲ་གྲོགས་ཚང་མས་ང་ལ་རོགས་པ་ཞིག་གནང་རོགས། ངའི་གྲོགས་པོ་ཞིག་ལ་ཁ་པར་བཏང་ནས། ད་ལོ་དགོངས་པ་རག་ན། འདི་གར་ཤོག་ཅེས་ཟེར་སྐབས། ལགས་སོ། བལྟ་རྒྱུ་ཡིན། ད་ལྟ་ངེད་ཚོའི་རྒྱ་རིགས་དཔོན་པོ་དེ་ལོ་གསར་གཏོང་བར་ཕྱིན་སོང་། བྱས་ཙང་ཁོང་སླེབས་ན། ཁོང་ལ་ཞུ་གི་ཡིན་ཟེར། ངས། ཁྱེད་ཚོའི་ལས་ཁུངས་ཀྱི་འགོ་པ་གཙོ་དེ་བོད་པ་དེ་མ་རེད་པས་ལབ་པར། རེད། བོད་པ་འདི་རེད། བྱས་ཙང་མི་ཚང་མ་རྒྱ་མི་དེ་སྒུག་ནས་བསྡད་འདུག་ཟེར། ངས་ཅིའི་ཕྱིར་ཟེར། ཁོ་པས། རྒྱ་རིགས་ཀྱི་དཔོན་པོ་དེ་ཚོར་སྐད་ཆ་ཤོད་བདེ་བ་དང་། ཁོང་ཚོ་བསམ་ཤེས་ཆེ་བ་འདུག བོད་པའི་འགོ་ཁྲིད་དེ་ཚོས་ཁོང་ཚོ་ཕྱི་ལ་འགྲོ་མ་ཐུབ་ན་མི་གཞན་སུ་ཡང་གཏོང་གི་མ་རེད་ཟེར། ད་འདི་ཝ་སྐྱེས་ཝ་ལ་སྡང་པ་མ་ཡིན་ནམ། བོད་པ་བོད་པར་སྡང་སེམས་འདི་ཡ་མཚན་མ་རེད་པས།
བོད་ཡིག་གི་གློག་རྡུལ་ཚིག་མཛོད་ཐོན་འདུག
བོད་ཡིག་གི་གློག་རྡུལ་ཚིག་མཛོད་ཐོན་འདུག བོད་ལྗོངས་སློབ་གྲྭ་ཆེན་མོའི་རྩིས་འཁོར་སྡེ་ཚན་གྱི་དགེ་རྒན་ཨ་མདོ་བློ་བཟང་ལགས་ཀྱིས། བོད་ཡིག་གི་གློག་རྡུལ་ཚིག་མཛོད་དང་པོ་དེ་བཏོན་ཐུབ་འདུག དེ་ནི་ཁོང་གིས་ལོ་མང་དཀའ་ངལ་ཁྱད་གསོད་དང་། བརྩོན་འགྲུས་དང་སྙིང་རུས་བག་ལ་བརྟེན་ནས། བསྒྲུབ་བྱ་བོད་ཕྲུག་ཚོས་འབྱུང་འགྱུར་བོད་རྒྱ་དབྱིན་གསུམ་གྱི་གློག་ཆས་ཚིག་མཛོད་ཆུང་ཆུང་ཞིག་ཁུག་མའི་ནང་ཁྱེར་ཐུབ་པའི་དམིགས་ཡུལ་བཅངས་ནས། བོད་དང་། རྒྱ་ནག དེ་བཞིན་ཨ་རི་སོགས་ལ་སློབ་སྦྱོང་དང་ཞིབ་འཇུག་གི་ལས་ཀ་ཡུན་རིང་སྒྲུབ་པའི་འབྲས་བུ་ཞིག་རེད་འདུག གློག་རྡུལ་ཚིག་མཛོད་དེར། “བོད་རྒྱ་དབྱིན་གློག་རྡུལ་ཚིག་མཛོད།”ཅེས་མིང་བཏགས་ཤིང་། མི་ཚང་མས་བློ་བཟང་ཚིག་མཛོད་ཅེས་ཀྱང་ཟེར། དེ་ནི་བོད་ལྗོངས་བློ་བཟང་གྲངས་ཀའི་ཚན་རྩལ་ཚད་ཡོད་ཀུང་སི་ནས་འགྲེམས་ཚོང་བྱེད་ཀྱི་ཡོད་འདུག ཚིག་མཛོད་འདིའི་ནང་། དུང་དཀར་ཚིག་མཛོད་དང་། བོད་རྒྱ་ཚིག་མཛོད་ཆེན་མོ། བོད་དབྱིན་ཚིག་མཛོད། དེ་བཞིན་བོད་རྒྱ་ཚིག་མཛོད། ད་དུང་བོད་རྒྱ་དབྱིན་གསུམ་སོགས་ཀྱི་ཚིག་མཛོད་སུམ་བཅུ་ལྷག་ཙམ་དང་། དེ་བཞིན་རྩིས་འཁོར་དང་། ལོ་ཐོ། རོལ་རྩེད་སོགས་ཀྱི་བཀོལ་ཆས་མང་པོ་བཅུག་འདུག ཚིག་མཛོད་དེར་ཧི་མ་ལ་ཡའི་ཡིག་གཟུགས་དང་ཐེབ་གཞོང་བཀོལ་ཡོད་པ་མ་ཟད། ད་དུང་བོད་རྒྱ་དབྱིན་གསུམ་གྱི་སྒྲ་གདངས་ཀྱི་སྐད་ཡང་བཅུག་འདུག ཚིག་མཛོད་དེར་མི་དམངས་ཤོག་སྒོར་༡༢༠༠ཐོབ་ཀྱི་ཡོད་པ་དང་། ལྷ་ས། ཁྲེན་ཏུ། དེ་བཞིན་ཟི་ལིང་སོགས་ནས་ཉོ་ཐུབ་ཀྱི་འདུག ཕ་ཡུལ་ཨ་མདོ་ནས་ཡིན་པའི་དགེ་རྒན་བློ་བཟང་ལགས་ནི། དེ་སྔོན་ནུབ་བྱང་མི་རིགས་སློབ་གྲྭ་ཆེན་མོ་ལས་ཐོན་པ་དང་། རྗེས་སུ། ཀུན་ཕན་ཐེབས་རྩ་ཚོགས་པས་རོགས་སྐྱོར་བྱས་ནས་ ཝ་ཇིན་ནི་ཡའི་བྱང་ཕྱོགས་སློབ་གྲྭ་ཆེན་མོ་ཐོན་ནས།(University of Northern Virginia) རྩིས་འཁོར་རིག་པའི་ཞིབ་འཇུག་སློབ་མའི་ལག་ཁྱེར་ཐོབ་འདུག ཁོང་གི་ཚིག་མཛོད་སྐོར་ལ་མང་ཙམ་མཁྱེན་འདོད་ཡོད་ན། ཁོང་གི་དྲ་རྒྱ། http://luozang.com/index.html…
ཁྱེད་ཀྱིས་༢༠༠༩ལོར་གནས་ཚུལ་གང་བྱུང་གི་ཡོད་པ་དེ་དག་འདིར་སྔོན་དཔག་གནང་རོགས།
དྲ་གྲོགས་ཚོ། ཁྱེད་ཀྱིས་ལོ་འདིར་གནས་ཚུལ་གསར་པ་དང་འགྱུར་བ་གང་ཡོང་གི་ཡོད་པ་འདི་དག་འདིར་འགོད་རོགས་གནང་། འདི་བསམ་བློའི་སྦྱོང་བརྡར་ཙམ་ཡིན། ཀླད་པ་དཀྲུག་རྒྱུར་ཕན་གྱི་འདུག གུས་པའི་སྔོན་དཔག་ལ། ད་ལོ་རྒྱ་ནག་ནང་མི་སེར་གྱི་ངོ་རྒོལ་ཆེན་པོ་ཞིག་ཡོང་ཤས་ཆེ། གཞི་རྒྱ་ཆེ་བའི་ངོ་རྒོལ་འདི་ཕལ་ཆེར་ཟླ་བ་༥་པ་ཙམ་ལ་ཡོང་རྒྱུ་དང་། རྒྱ་ནག་གི་ཞིང་པ་དང་བཟོ་པ་མང་པོ་ལངས་ནས། དམར་ཤོག་དང་སྲིད་གཞུང་ལ་དཀའ་ངལ་ཆེན་པོ་འཕྲད་སྲིད། ད་དུང་། ཨ་རིའི་ནང་མི་མང་པོ་ལས་ཀ་ཤོར་ནས། རྐུན་ཇག་གི་གནས་ཚུལ་ཆེན་པོ་ཡོང་ཤས་ཆེ། རྒྱ་གར་ལ་བཙན་བྱོལ་བོད་གཞུང་ལ་དཔལ་འབྱོར་གྱི་དཀའ་ངལ་བྱུང་ནས། ལས་ཁུངས་ཁ་ཤས་དང་ཕྱིའི་གཞུང་ཚབ་ཁ་ཤས་སྒོ་རྒྱག་དགོས་པ་བྱུང་སྲིད། ཁྱེད་ཀྱི་བྱས་ན།
ནང་གི་སྒྱུར་བ་ནི་ཕྱིའི་སྒྱུར་བའི་རྨང་གཞི་ཡིན།
གནའ་སྔ་མོའི་གཏམ་དཔེ་ལ། དགྲ་ཕྱི་དགྲ་མི་སྡུག་ནང་དགྲ་སྡུག རྨ་ལྤགས་པ་མི་སྡུག་ཁ་ནང་རྨ་ཟེར་བ་བཞིན། ང་ཚོའི་མ་འོངས་པའི་མདུན་ལམ་ལ་བར་ཆད་ཆེ་ཤོས་དེ་རྒྱ་གཞུང་མ་རེད། དབུ་མ་མ་རེད། རང་སྐྱོང་མ་རེད། རྒྱལ་བའི་སྐུ་ཚེ་རིང་ཐུང་མ་རེད། སྐུ་ཚབ་མ་རེད། དེ་བས་ཀྱང་འཇམ་དབྱངས་ནོར་བུ་དང་ཤུགས་ལྡན་མ་རེད། ང་ཚོའི་མདུན་དུ་ལྷགས་པའི་བར་ཆད་ཆེ་ཤོས་དེ་ངེད་ཚོའི་ནང་གི་གུ་དོག་པའི་བསམ་བློ་དེ་དང་རྒྱང་ཐུང་བའི་ཕུགས་བསམ་དེ་རེད། གལ་ཏེ་ངེད་ཚོས་ནང་གི་བསམ་བློ་གཏོང་སྟངས་དེར་སྒྱུར་བ་ཞིག་མ་བཏང་ན། ང་ཚོས་ཇི་ལྟར་སྐོར་བ་རྒྱག་རུང་འཁོར་ས་ནི་གཅིག་པ་རེད། ད་ཕྱི་ལ་མི་གཙིགས་པར་ནང་ལ་གཅིགས་ནས། ངེད་ཚོའི་ཀླད་པ་སྒོར་མོ་འདིའི་གཞི་རྩའི་འཁོར་སྟངས་དེ་ལ་སྒྱུར་བ་བཏང་ནས། བོད་ཀྱི་བདེ་སྡུག་ལ་འཐབ་ཕྱོགས་གསར་པ་ཞིག་འཚོལ་དགོས་ཀྱི་འདུག དེ་ཡང་འཐབ་ཕྱོགས་གསར་པ་འདིར་གཞི་རྩའི་ཆ་རྐྱེན་ཁ་ཤས་དགོས་པ་ནི། ངེད་ཚོའི་བསམ་བློའི་གཞི་རྩ་དེར་རང་དབང་དང་། བློ་རྩལ། རིག་པ། བློ་སྟོབས། རྒྱ་སྐྱེད། རྒྱུ་མཚན། དཔང་རྟགས་བཅས་ལ་བརྟེན་པ་དང་། ཆོས་ལུགས་དང་། ལ་རྒྱ། ཕྱོགས་བཞེན་བཅས་དོར་དགོས་ཀྱི་འདུག དེར་བརྟེན་བོད་ཀྱི་མདུན་ལམ་འཚོལ་བར་གོམས་པ་དང་པོ་དེ་ངེད་ཚོིའི་བསམ་བློ་རྙིང་པ་དེ་ཚོར་འདྲི་བ་འདྲི་དགོས་ཀྱི་འདུག དཔེར་ན། ངེད་ཚོས་ད་བར་ལྷ་སྲུང་མར་རེ་བ་བཅོལ་བ་འདི་འགྲིག་འདུག་གམ། དངོས་ཡོད་འབྲས་བུ་གང་བྱུང་སོང་། ངེད་ཚོས་དངོས་པོའི་རྒྱུ་འབྲས་ཀྱི་འབྲེལ་བ་ལ་དོ་སྣང་དེ་ཙམ་མ་བྱས་པར། སྨོན་ལམ་དང་ཚོགས། གཏོར་མ་མང་པོ་བཏང་བ་དེས་དངོས་གནས་ཕན་སོང་ངམ། ངེད་ཚོས་མ་འོངས་པར་ཤེས་ཡོན་དང་བློ་རྩལ། ཚན་རིག་དང་ནུས་མཐུ་ཅན་གྱི་མི་རབས་གསར་པ་ཞིག་མ་སྐྲུན་པར། ཁ་འདོན་ལ་བརྟེན་ནས་གྱེད་སློང་མཁན་གྱི་ནུས་མེད་གཞན་རྟེན་ཅན་གྱི་མི་རབས་ཤིག་སྐྲུན་བཞིན་པ་འདིར་བསམ་བློ་ལེགས་པོ་གཏོང་སྐབས་མཚན་མོ་གཉིད་ཁུག་ཐུབ་པ་འདི་ཡ་མཚན་ཆེ། ངེད་ཚོས་རྒྱུ་མཚན་དང་ཉམས་མྱོང་ལ་ཡིད་གཏོད་མི་བྱེད་པར་ཕྱིའི་ལྟ་ཚུལ་སྙིང་རྗེ་པོ་དེ་ཚོར་མགོ་བོ་འཁོར་ནས་དུས་འདས་པ་དེ་ཚོས་གང་ཕན་སོང་ལྟ་བུ་རེད། བསམ་བློ་རྙིང་པ་དེ་ཚོར་དཔྱད་པ་བྱེད་བཞིན་དུ། ད་འཕྲལ་ཕུགས་གཉིས་ལ་ཕན་པ་ཡོད་པའི་བསམ་བློ་གསར་པ་དེ་ཚོ་གང་ཡིན་བརྩད་གཅོད་བྱས། དེ་དག་བཀོལ་ནས། ངེད་ཚོའི་བོད་ཀྱི་མདུན་ལམ་གསར་པ་ཞིག་བརྙེད་པ་བྱེད་དགོས་ཀྱི་འདུག དེ་ཡང་འཕྲལ་ཕུགས་གཉིས་ཀར་ཕན་པའི་བསམ་བློ་མང་པོ་ཡོད་མོད། དེ་དག་གི་ཀ་བ་ལྟ་བུ་ནི་བསམ་བློ་གུ་ཡངས་དང་བསམ་བློར་རང་དབང་ཐོབ་པ་བྱེད་རྒྱུ་དེ་གལ་ཆེ་རེད་སྙམ། གནམ་འོག་འདིར་མི་ཚང་མ་གཅིག་པ་ཡིན་རུང་། དཔལ་འབྱོར་དང་ཤེས་ཡོན། ལག་རྩལ་བཅས་ཀྱི་ཐོག་ལ་མི་ཕན་ཚུན་དང་རྒྱལ་ཁབ་ཕན་ཚུན་བར་གནམ་ས་ལྟ་བུའི་མཐོ་དམན་གྱི་ཁྱད་པར་ཤོར་ཡོད། དཔེར་ན། ཨ་རི་དང་བོད་ལྟ་བུའི་མི་དམངས་གཉིས་ཀྱི་བར་བསྡུར་བ་ཡིན་ན། གོང་གི་ཤེས་བྱའི་རྣམ་གྲངས་ལ་ཁྱད་པར་ཆེན་པོ་ཤོར་ཡོད། དེ་བཞིན་ཡུ་རོབ་དང་དེ་བཞིན་ཤར་ཕྱོགས་ཀྱི་རྒྱལ་ཁབ་ཁག་དང་ཨ་ཕི་རི་ཀའི་གླིང་ཆེན་ནང་གི་རྒྱལ་ཁབ་ཁག་གི་ནང་བསྡུར་བ་ཡིན་ན་ཁྱད་པར་ཆེན་པོ་ཤོར་ཡོད། ངེད་ཚོས་གོང་གི་ཁྱད་པར་དེ་དག་གི་རྒྱུ་གང་ཡིན་ལ་རྩད་གཅོད་བྱེད་སྐབས། ཁྱད་པར་དེ་ཚོ་ནི་ཆོས་ལུགས་དང་སྐད་ཡིག ཟ་ཆས། དེ་བཞིན་དཀོན་མཆོག་ཡོད་མེད་དང་། བྱམས་སྙིང་རྗེ་ཡོད་མེད། བདག་ཡོད་མེད། སྐྱེ་བ་སྔ་ཕྱི་ཡོད་མེད་ལ་མིན་པར། མིའི་གཞི་རྩའི་བསམ་བློ་གཏོང་སྟངས་དེར་ཁྱད་པར་ཡོད་པས་ཡིན། དེ་ཡང་ཁྱད་པར་དེ་ངེད་ཚོའི་བསམ་བློར་རང་དབང་ཡོད་མེད་ལ་ཐུག དཔེར་ན། ནུབ་ཕྱོགས་ཡར་ཐོན་རྒྱལ་ཁབ་ཀྱི་མི་བསམ་རྒྱ་ཆེ་བ་ཞིག་ཡིན་ན། ཕྱིའི་གནས་ཚུལ་གང་ཞིག་ལ་དཔྱད་པ་བྱེད་སྐབས། དང་པོ་རང་གི་བསམ་བློའི་ནང་རྣམ་རྟོག་དང་ཕྱོགས་བཞེན་གྱི་བསམ་བ་དེ་དོར་དགོས་པ་བཤད་ཀྱི་ཡོད། ཡིན་ནའི་ང་ཚོ་བོད་པ་ཞིག་ཡིན་ན། ལས་རྒྱུ་འབྲས་དང་། ལྷ་བླ་མ་སོགས་ཀྱི་དད་བཞེན་གྱི་བག་ཆགས་དེ་ཤུགས་ཆེན་པོར་གནས་སྟབས། དང་པོ་ནས་རང་གི་བསམ་བློའི་རང་དབང་དེ་མེད་པ་བཟོས་སྟབས། ཕྱིའི་དངོས་ཡོད་ཀྱི་གནས་ཚུལ་མཐོང་བའི་མིག་ཤེས་དང་པོ་དེ་འགྲིབ་ཟིན དེ་བཞིན་བོད་ཀྱི་གནས་ཚུལ་ཐོག་བསམ་བློ་གཏོང་སྐབས། དཔེར་ན། རིགས་པ་དང་སྤྱི་ཚོགས་ཀྱི་ཉམས་མྱོང་ལས་ཤེས་ཐུབ་པར། གུང་ཁྲན་གྱི་སྤྱི་ཚོགས་དེ་ཚོ་མཐའ་མ་འཐོར་འགྲོ་གི་ཡོད། དེའི་རྒྱུ་མཚན་གཙོ་བོ་ནི། གུང་ཁྲན་གྱི་ལྟ་བ་དེ་མིའི་གཞི་རྩའི་གནས་སྟངས་དང་མཐུན་གྱི་མེད། དེ་འདྲ་ཡིན་པ་ཤེས་ཀྱི་ཡོད་ན། ངེད་ཚོས་ཕྱོགས་གཅིག་ནས་ད་ལྟའི་རྒྱ་གུང་ཁྲན་གྱི་སྲིད་གཞུང་དེ་ནམ་ཞིག་འཐོར་རྒྱུ་ཡིན་པ་ཤེས་ནས། དེ་འཐོར་བའི་སྐབས་ངེད་ཚོ་བོད་ཀྱི་མདུན་ལམ་དེར་སྒྱུར་བ་ཇི་ལྟར་གཏོང་དགོས་མིན་ལ་བསམ་གཞིགས་བྱེད་དགོས་སྙམ། ཕྱོགས་གཞན་ཞིག་ནས་ངེད་ཚོས་དེ་མ་འཐོར་བར་ལ་ང་ཚོའི་མི་རིགས་དེ་གནས་ཐུབ་པ་བྱ་རྒྱུ་དེ་ལ་བསམ་གཞིགས་ནན་པོ་བྱས་ནས། དང་པོ་བོད་ཀྱི་སྤྱི་ཚོགས་དང་གཞུང་དེ་ཕྱི་དྲག་ཆར་ཇི་འདྲ་ཞིག་ལ་ནང་ལ་འཚུད་ཀྱང་། ནང་བོད་དོན་ལ་གནོད་འགུལ་མི་ཐེབས་པའི་རྨང་གཞི་གདིང་དགོས་ཀྱི་འདུག དེ་ལྟར་བྱེད་པར་ཐབས་ཤེས་གང་ཡོད་པ་རྣམས་ལ་བློ་རྩལ་མང་པོ་བཏོན་ནས་འཚོལ་དགོས་ཀྱི་འདུག ཁྱེད་བོད་ཀྱི་བློ་རིག་བཀྲ་བའི་མཁས་དབང་རྣམས་ནས་འདི་ལ་གོ་བསྡུར་ཞིག་གནང་རོགས་སྐུ་མཁྱེན།
ཚོགས་འདུའི་འཐུས་མི་ཚོས་འཛམ་གླིང་གི་མདུན་ལ་རྒྱལ་བ་རིན་པོ་ཆེར་འགྲམ་ལྕགས་བཞུས་སོང་།
ཚོགས་འདུའི་འཐུས་མི་ཚོས་འཛམ་གླིང་གི་མདུན་ལ་རྒྱལ་བ་རིན་པོ་ཆེར་འགྲམ་ལྕགས་བཞུས་སོང་། གྲོགས་པོ་ཚོ། གཏམ་འདི་གུས་པའི་གྲོགས་པོ་ཁ་ཤས་ཀྱིས་ད་རེས་ཚོགས་འདུའི་བསམ་འཆར་ཤོད་སྐབས་གསུངས་པའི་སྐད་ཆ་རེད། མིའི་མིང་མ་བཏོན་པར་ཁོང་གི་བསམ་ཚུལ་ཇི་མ་ཇི་བཞིན་བཀོད་ཡོད་དོ། “ཚོགས་འདུའི་མཇུས་འབྲས་ཀྱི་སྐོར་ལ་གསར་འགྱུར་ནང་ནས་ཤེས་པར། འཐུས་མི་དེ་ཚོས། རྒྱལ་བ་རིན་པོ་ཆེས་འགན་ཁྱེར་རོགས། རྒས་ཡོལ་བྱས་ནས་མ་བསྡད་པར། འགན་ཚང་མ་འཁུར་དགོས་ཟེར། ད་འདི་ཕྱིར་ཤིག་རྒྱག་པ་མ་རེད་པས།” “ད་རེས་ཀྱི་ཚོགས་འདུ་ཆེན་པོ་འདིའི་མཇུག་འབྲས་འདི་ཐབས་སྡུག་རེད། འཐུས་མི་ཚོས་མང་ཚོགས་ཀྱི་འགན་ཁྱེར་མ་སོང་། འགན་ཚང་མ་རྒྱལ་བ་རིན་པོ་ཆེར་ཡར་གཡོགས་སོང་། བོད་ནང་གི་མིའི་སྡུག་བསྔལ་ལ་སྙིང་རྗེ་ཡོད་པའི་འཚོར་སྣང་ཞིག་ཀྱང་བསྟེར་མ་སོང་། ཁོང་ཚོ་ཚོགས་འདུར་ཞུགས་མཁན་དང་། ཚོགས་འདུ་མགོ་ཁྲིད་མཁན་ཚང་མས་ཤིན་དུ་བརྙེད་པར་དཀའ་བའི་གོ་སྐབས་ཤིག་བརླགས་པར་བྱས་སོང་། རྒྱལ་བ་རིན་པོ་ཆེས་དགོངས་པ་ཆེ་བཞེས་ཀྱིས་མང་ཚོགས་ཀྱིས་ཐག་གཅོད་གསུངས་སྐབས། ཡར་ཁྱེད་རང་རྒྱལ་བ་རིན་པོ་ཆེས་ཐག་གཅོད། ང་ཚོ་ཤེས་ཀྱི་མེད་ཟེར་བ་ལྟ་བུ་རེད་བཞག ད་འདི་དུས་ཚོད་འཕྲོ་བརླག་བཏང་བ་མ་ཡིན་ནམ། འཛམ་གླིང་གི་མི་ཚང་མས་ང་ཚོར་བལྟས་ནས་ཡོད་པའི་སྐབས་ལ། ཚོགས་འདུར་འགྲོ་མཁན་ཚོའི་ཁ་གདོག་འདི་རེད།” “ངའི་རེ་བར་རྒྱལ་བ་རིན་པོ་ཆེ་ནས་ཚོགས་འདུ་འདི་མཇུག་སྒྲིལ་བའི་བཀའ་སློབ་གནང་དུས། ཁོང་ཚོས་ལས་གཡོལ་བྱས་པའི་སྐོར་ལ། ད་རེས་ཚོགས་འདུར་བཅར་མཁན་ཚོར་བཀའ་སྐྱོན་དྲག་པོ་ཞིག་གཏོང་དགོས་ཀྱི་འདུག” “ད་དུང་བོད་ནང་གི་མི་རྣམས་ཀྱི་གནས་སྟངས་ལ་ཡར་རྒྱས་གཏོང་དགོས་ཅེས་རྒྱ་ནག་ལ་གསུངས་རོགས་ཞུ་རྒྱུ་ཡིན། ད་བཙན་བྱོལ་གཞུང་དང་མི་དམངས་ལ་ཐང་ཆད་སོང་། མགོ་བདེ་པོ་དང་། ལས་ཀ་དང་འགན་ལ་གཡོལ་རྒྱུར་དགའ་པོ། ཁ་བཤད་རྒྱུ་དང་ཁེ་བཟང་ཆུང་ཆུང་ལེན་རྒྱུར་དགའ་པོ་བྱེད་མཁན་གྱི་མི་ཤ་སྟག་ཚོགས་འདུ་དེར་སླེབས་པའི་རྣམ་པ་གསལ་པོ་འདུག “ “སྙིང་རྗེ། རྒྱལ་བ་རིན་པོ་ཆེ་སྙིང་རྗེ་ཡག་རེད། ཁོང་ཐུགས་རྒྱ་ཆེན་པོ་དང་ཕུགས་བསམ་ཡོད་མཁན་ཞིག་རེད། དགོངས་པ་རྒྱ་ཆེན་པོ་བཞེས་ནས། ད་རེས་མང་ཚོགས་རྣམས་ཀྱིས་བསམ་འཆར་ཡག་པོ་ཞིག་དང་། རྒྱ་ཕྱོགས་ལ་ཡང་ཡ་ལན་ཡག་པོ་ཞིག་སྤྲོད་ཐུབ་པའི་རེ་བ་རྒྱབ་ནས། མང་ཚོགས་ལ། འདིར་ཤོག བསམ་འཆར་ཤོད་ཟེར་སྐབས། དེའི་ལན་ལ། ང་ཤེས་ཀྱི་མེད། ཁྱོད་འགན་མང་ཙམ་འཁུར་དགོས་ཀྱི་འདུག་ཟེར་ནས། འགྲམ་ལྕགས་ཤིག་བཞུས་ནས་ཕྱིན་པ་ལྟ་བུ་རེད། ད་རྒྱལ་བ་རིན་པོ་ཆེ་སྙིང་རྗེ་ཡག་རེད། ངོ་མ།”…
དེ་ལས་མང་བ་། “ཚོགས་འདུའི་འཐུས་མི་ཚོས་འཛམ་གླིང་གི་མདུན་ལ་རྒྱལ་བ་རིན་པོ་ཆེར་འགྲམ་ལྕགས་བཞུས་སོང་།” »
བོད་ཀྱི་སྐུ་ཚབ་ཀྱིས་འགན་འཁུར་དགོས་ཟེར།
གསར་འགྱུར་འདིའི་ནང་རྒྱ་བོད་ཀྱི་འབྲེལ་མོལ་འདི་འབྲས་བུ་མེད་པ་དང་། འགན་ཚང་མ་བོད་ཀྱི་སྐུ་ཚབ་ཀྱིས་འཁུར་དགོས་ཟེར། བོད་གཞུང་གིས་ཅི་ཡང་ལན་འདེབས་མ་བྱས་པའི་གནས་སྟངས་ལ་བལྟས་ན། དངོས་གནས་རྒྱ་ཕྱོགས་ལ་རྒྱུ་མཚན་འདུག་སྙམ་གྱི་འདུག ད་དུང་རྒྱ་ཕྱོགས་ཀྱི་བཤད་སྟངས་ལ་གཞིགས་ན། བོད་གཞུང་གི་སྐུ་ཚབ་ཚོས་རྒྱལ་བ་རིན་པོ་ཆེའི་བཀའ་དགོངས་རྣམས་རྒྱ་ཕྱོགས་ལ་མི་བཤད་པར། རང་བཙན་དང་རང་བཙན་ཕྱེད་ཟེར་བའི་སྐད་ཆ་འདི་འདྲ་བཤད་ཡོད་ཚོད་རེད། འདི་ལྟར་ངོ་མ་ཡིན་ན། སྐུ་ཚབ་ རྣམས་རེ་རེ་བཞིན་འདྲི་གཅོད་བྱས་ནས། ཁོང་ཚོས་བོད་མིའི་རེ་བ་རྩ་མེད་བཏང་བ་དེར་ཉེས་པ་ཞིག་སྤྲོད་དགོས། གཤམ་ལ་རྒྱའི་གསར་འགྱུར་འདི་གཟིགས་རོགས་གནང་། http://v.cctv.com/html/wwwwxinwen/2008/11/wwwwxinwen_300_20081110_15.shtml
༄༅།།ཏུའུ་ཆིང་ལིན་གྱིས་ཏཱ་ལའི་བླ་མ་སྒེར་གྱི་འཐུས་མི་འཁོར་དང་བཅས་པར་མཇལ་འཕྲད་གནང་བ།
གསར་འགྱུར་འདི་གཤམ་གྱི་རྒྱ་གཞུང་གི་དྲ་གྱའི་ཐོག་ནས་ཕབ་པ་ཡིན། http://tb.tibet.cn/news/xz_news/ttxw/200811/t20081107_437194.htm ཉེ་ལམ་པེ་ཅིང་དུ་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་ཀྲུང་གུང་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཏུའུ་ཆིང་ལིན་གྱིས་ཏཱ་ལའི་བླ་མའི་མི་སྒེར་གྱི་འཐུས་མི་རྒྱ་རི་བློ་གྲོས་དང་སྐལ་བཟང་རྒྱལ་མཚན་འཁོར་དང་བཅས་པར་མཇལ་འཕྲད་གནང་བ་རེད། ཏུའུ་ཆིང་ལིན་གྱིས་རྒྱ་རི་བློ་གྲོས་འཁོར་དང་བཅས་པར་པེ་ཅིང་གི་ཨའོ་རྩལ་འགྲན་ཚོགས་དང་དབང་བོ་སྐྱོན་ཅན་གྱི་ལུས་རྩལ་འགྲན་ཚོགས་སྟེང་དུ་གྲུབ་འབྲས་ཆེན་པོ་བླངས་པ་དང་། འཕུར་གྲུ་ཨང་བདུན་པ་ཞེས་པར་མི་བསྡད་ནས་མཁའ་དབྱིངས་སུ་བསྐྱོད་པ་བདེ་བླག་ངང་ལེགས་འགྲུབ་བྱུང་བའི་གནས་ཚུལ་སྐོར་ངོ་སྤྲོད་གནང་ཞིང་། དེང་སྐབས་རྒྱལ་ཁབ་དང་བོད་རང་སྐྱོང་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་བའི་གནས་ཚུལ་སྐོར་དང་། དེ་མིན་བོད་ལྗོངས་ཀྱི་ཡོམ་འགོག་གེགས་སེལ་དང་ཤིན་ཏུ་མཐོང་དཀོན་པའི་གངས་སྐྱོན་འགོག་སེལ་བྱས་ཚུལ་སོགས་ངོ་སྤྲོད་གནང་བ་རེད། ཁོང་གིས་འདི་སྐད་དུ། ང་ཚོ་དཀའ་ངལ་དང་ཚོད་བགམ་སྣ་ཚོགས་ལས་རྒྱལ་ཐུབ་པ་དང་། བཅོས་སྒྱུར་སྒོ་འབྱེད་དང་སྤྱི་ཚོགས་རིང་ལུགས་ཀྱི་དེང་རབས་ཅན་འཛུགས་སྐྲུན་ལ་ཀུན་གྱིས་དོ་སྣང་བྱེད་པའི་གྲུབ་འབྲས་གསར་པ་བླངས་ཡོད་པ་མཐའ་དག་གི་རྩ་བའི་རྒྱུ་རྐྱེན་ནི། ང་ཚོས་ཐོག་མཐའ་བར་གསུམ་དུ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་འཕེལ་རྒྱས་ཀྱི་ལམ་ཕྱོགས་རྒྱུན་འཁྱོངས་བྱས་པས་ཡིན་ལ། ཀྲུང་གོ་ཞི་བདེའི་ངང་འཕེལ་རྒྱས་འགྲོ་བ་ནི་ནམ་ཡང་འགོག་ཐབས་མེད་པའི་ལོ་རྒྱུས་ཀྱི་འཕེལ་ཕྱོགས་ཤིག་ཡིན་པ་དང་། བོད་ལྗོངས་ཉིད་མེས་རྒྱལ་གྱི་ཁྱིམ་གཞི་ཆེན་མོའི་ནང་དུ་དར་རྒྱས་ཆེན་པོ་འགྲོ་བཞིན་པ་ནི་ཀུན་གྱི་མིག་གིས་མཐོང་ཚོད་དུ་གྱུར་པའི་དོན་དངོས་ངོ་མ་རེད་ཅེས་གསུངས་པ་རེད། ཏུའུ་ཆིང་ལིན་གྱིས་འདི་སྐད་དུ། ཀྲུང་གོའི་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་བྱེད་པ་དང་། …
དེ་ལས་མང་བ་། “༄༅།།ཏུའུ་ཆིང་ལིན་གྱིས་ཏཱ་ལའི་བླ་མ་སྒེར་གྱི་འཐུས་མི་འཁོར་དང་བཅས་པར་མཇལ་འཕྲད་གནང་བ།” »