ཀླུ་སྨྱོན། རྩོམ་འབྲི་ན་མི་སེམས་འགུག་ལེ་ཕྲིས། ། ཡང་མིན་ན་མི་སེམས་འཁྲུག་ལེ་ཕྲིས། ། རྩོམ་ཟེར་ཡང་གྲག་མེད་འགུལ་མེད་ཅིག ། བྲིས་ཚར་ན་གསང་སྤྱོད་ནང་དུ་འཕོངས། །
ཀླུ་སྨྱོན།
སྒྱུ་མའི་འཇིག་རྟེན།
གཅིག
ཤར་ཕྱོགས་ཀྱི་གནམ་མཐའ་རུ་འོད་ལམ་ལམ་གྱི་ཐོ་རངས་སྐར་ཆེན་དེས་རང་གི་ཕམ་ཉེས་གང་ཞིག་ལ་མི་བཟོད་པའི་ཚུལ་དུ་འཕག་འཚག་ཡང་ཡང་རྒྱག་སྐབས། གཡག་གྲོང་ཁྱེར་གྱི་ལྷོ་མཐའི་སྲང་བར་ཞིག་ཏུ་ར་བཟི་བའི་འཁྱམ་པོ་ཚོས་སྐད་ཅོར་རྣ་བར་གཟན་པ་ཞིག་རྒྱག་བཞིན་དམར་འཛིང་གི་འགོ་བརྩམས་མ་ཐག ཉེན་རྟོག་པའི་རླངས་འཁོར་ཁྲ་ཁྲ་འགའ་ཉེན་བརྡའི་གློག་འོད་འབར་བཞིན་སྲང་སྣེ་དེ་རུ་འབྱོར་བ་ན། འཁྱམ་པོ་ཚོ་མེ་ཐོག་ཏུ་ཆུ་བླུགས་པ་དང་འདྲ་བར་དལ་འཇགས་སེར་གྱུར།
ཀླུ་སྨྱོན།
ཕ་ཡུལ་ནི་ཉལ་སར་ལྷུང་བའི་ནད་པ་འཆི་མེད་ཅིག
ཕ་ཡུལ་ནི་ཚོས་གཞི་མི་གསལ་བའི་དར་ལྕོག་རྙིང་ཟད་ཅིག
ཕ་ཡུལ་ནི་ཞིག་རལ་དུ་གྱུར་པའི་བླ་མཁར་སྨུག་པོ་ཞིག
ཕ་ཡུལ་ནི་ཐལ་རྡུལ་བབས་པའི་ལྡེབས་རིས་ཆེན་པོ་ཞིག
ཕ་ཡུལ་ནི་ས་ལ་འགྱེལ་བའི་འབྲོང་རྒོད་རྨས་མ་ཞིག
ཀླུ་སྨྱོན།
ལེའུ་དང་པོ།
གཅིག
རྨ་ཆེན་གངས་འདབས་སུ་ཆགས་པའི་གཡག་གྲོང་ཁྱེར་ནི་ཞོགས་པའི་སྨུག་ཞགས་ཀྱི་ཁྲོད་དུ་གནའ་བོའི་ལྡེབས་རིས་རྙིང་གོག་ཅིག་དང་འདྲ་བར་ཁུ་སིམ་མེར་གནས། ཤར་ཕྱོགས་ཀྱི་མཁའ་མཐའི་ཉི་མ་དམར་པོ་དེ་དལ་བུར་ཐག་ཚད་ཙམ་ལ་འཕགས་ན། མཐོ་སྒང་གི་གྲོང་ཁྱེར་འདིའི་སྲང་ལམ་ཆེ་ཆུང་ཀུན་ཏུ་ནོར་ནག་གི་རྨིག་སྒྲ་ཇེ་དྲག་ཏུ་སོང་ཞིང་། མགོའི་སྐྲ་ལོ་གཟེངས་ཤིང་ལུས་ལ་དགུན་སླག་འཐུག་པོ་གྱོན་པའི་གྲོང་ཁྱེར་འདིའི་ལས་བྱེད་མཐོ་དམན་ཚང་མས་སོ་སོའི་མིག་མདུན་ནས་ཆེ་རུ་ཕྱིན་པའི་གཡག་རྒན་རེ་ཞོན་ནས་རང་རང་གི་ལས་ཁུངས་སྙེག་བཞིན་འདུག
ཀླུ་སྨྱོན།
༄༅། །ཀྱེ། བླ་ལུག་དཀར་པོ་བཀྲག་མདངས་ཅན། །དང་པོ་བྱུང་ས་ལྷ་ནས་བྱུང་། །ལྷ་རིགས་འབུམ་གྱི་བླ་ཟོག་ཡིན། །དེ་རིང་སྦྱིན་བདག་བླ་རྟེན་མཛོད། །སྦྱིན་བདག་བླ་ལ་གཡང་ཞིག་ཁུག །སྦྱིན་བདག་བླ་ལ་བཅུད་ཅིག་སྐྱོལ། །སྦྱིན་བདག་བླ་ལ་གཟི་ཞིག་ཕོབས། །སྦྱིན་བདག་བླ་ལ་དཔལ་ཞིག་སྦྱིན། སྦྱིན་བདག་བླ་སྲོག་ཚེ་གསུམ་ལ། །མི་འགྱུར་རྡོ་རྗེའི་རྒྱ་ཡིས་ཐོབས། མི་གཡོ་རི་རབ་དཔང་དུ་བརྩིགས། །མི་འཁྲུག་རྒྱ་མཚོའི་མཛོད་དུ་འཁྱིལ། །
༄༅། །ཀྱེ། བླ་ལུག་དཀར་པོ་བཀྲག་མདངས་ཅན། །དང་པོ་བྱུང་ས་ཀླུ་ནས་བྱུང་། །ཀླུ་རིགས་འབུམ་གྱི་བླ་ཟོག་ཡིན། །དེ་རིང་སྦྱིན་བདག་བླ་རྟེན་མཛོད། །སྦྱིན་བདག་བླ་ལ་གཡང་ཞིག་ཁུག །སྦྱིན་བདག་བླ་ལ་བཅུད་ཅིག་སྐྱོལ། །སྦྱིན་བདག་བླ་ལ་གཟི་ཞིག་ཕོབས། །སྦྱིན་བདག་བླ་ལ་དཔལ་ཞིག་སྦྱིན། སྦྱིན་བདག་བླ་སྲོག་ཚེ་གསུམ་ལ། །མི་འགྱུར་རྡོ་རྗེའི་རྒྱ་ཡིས་ཐོབས། མི་གཡོ་རི་རབ་དཔང་དུ་བརྩིགས། །མི་འཁྲུག་རྒྱ་མཚོའི་མཛོད་དུ་འཁྱིལ། །
ཀླུ་སྨྱོན། བྱ་རྒོད་ཀྱི་ཚོགས་འཕུར་སོང་ལ། རྣམ་ཤེས་ཀྱང་འཕུར་སོང་། ཤུལ་དུ་ལུས་པ་ནི། ཀེང་རུས་དཀར་པོ་དང་ནམ་མཁའ་སྔོན་པོ་ཞིག
ཀླུ་སྨྱོན།
མུན་པའི་ཁྲོད་ནས་ཁྱོད་ཞལ་མཇལ་བ་དང་། །
ཉི་འོད་ཀློང་ནས་རབ་རིབ་འགྱུར་བ་གཉིས། །
མ་བརྟགས་སེམས་ཀྱི་རྣམ་འགྱུར་ཟུང་གཅིག་སྟེ། །
གསལ་ལ་མི་གསལ་བ་ཡི་ཆོས་ཉིད་ཅིག།
སྤྲིན་པའི་གསེང་ནས་ཆར་ཆུ་བྱོ་བ་དང་། །
གནམ་སའི་བར་ནས་འཇའ་ཚོན་འཁྱུག་པ་གཉིས། །
ཉི་འོད་སྐད་ཅིག་མ་དེའི་ཆོ་འཕྲུལ་ཏེ། །
གསལ་ལ་མི་གསལ་ཞེ་ན་དེ་ཡང་ངོ་། །
གཟི་མིག་གསུམ་པ།
ཨ་ཕའི་རིགས་རྒྱུད་གངས་ལས་ཆད་ཅིང་གངས་ཀྱི་རྩེ་མོ་མཐོ་ཙམ་ཡོད།།
ཕ་བཟང་རུས་པ་སེར་བོ་གསེར་ཡིན་གསེར་ལ་ད་བར་ལྷད་མ་ཞུགས།།
མ་བཟང་རྒྱུད་པ་དཀར་བོ་དུང་ཡིན་དུང་གི་ཁ་དོག་འགྱུར་མ་མྱོང་།།
རིགས་རུས་མཆེད་ཁུངས་གཙང་ཞིང་བཙུན་པས་མང་བོ་མི་བཤད་ཚང་མས་ཤེས།།
ཀླུ་སྨྱོན་ཁྲག་འཐུང་རོལ་བ་རྩལ།
ལྷ་ཆེན་པོ་ཁྱབ་འཇུག་གི་འཇུག་པ་བཅུའི་གཏམ་རྒྱུད་སྙན་པའི་ངག་ཏུ་བསྡེབས་པ་ཟླ་བ་བདུད་རྩིའི་རྔ་ཡབ།
འཇུག་པ་དང་པོ།
རིག་བྱེད་ཉི་རྡུལ་ལ་འཐུངས་པའི།། ཨུཏྤལ་དཀར་པོའི་མྱུ་གུ་མ།། ཟླ་གདོང་སྒེག་པའི་ཟུར་མིག་གིས།། ངག་ལ་བདུད་རྩིའི་མཆོད་ཡོན་སྦྲེངས།། འཕགས་ཡུལ་མཐོ་རིས་ཐེམ་སྐས་ལས།། སྔོན་རབས་བྱུང་བའི་རྒྱུ་སྐར་ཕྲེང་།། ས་ལ་འཐོར་བའི་དུས་གཅིག་ཏུ།། ཀུན་ལ་ཁྱབ་ཅིང་འཇུག་པའི་གཏམ།། སྣ་ཚོགས་རྒྱན་གྱི་དྲི་ཞིམ་ཅན།། མ་ལ་ཡ་ཡིས་བསྐྱེད་བསྲིངས་པ།། དྲང་སྲོང་རྒན་པོའི་ཁ་སྒོ་ལས།། ལྷོ་ཡི་དྲི་ལེན་གྱིས་བསྐྱོད་ལོ།།
དེ་ལས་མང་བ་། “ལྷ་ཆེན་པོ་ཁྱབ་འཇུག་གི་འཇུག་པ་བཅུའི་གཏམ་རྒྱུད།” »
ཀླུ་སྨྱོན་ཧེ་རུ་ཀ
—གྲོགས་སྤྲུལ་སྐུ་དབང་ཆེན་ལགས་ནས་དབེན་གནས་ཤིག་ལ་འགྲོ་འདོད་ཆེ་ཟེར་བའི་ལན་དུ།
དབེན་པའི་གནས་ན་བྲག་ཁུང་གྲང་མོ་ཡོད། །
དབེན་པའི་གནས་ན་རྫ་ཆུ་འཁྱག་པ་ཡོད། །
དབེན་པའི་གནས་ན་འདྲེ་དང་འབྱུང་བོ་ཡོད། །
དབེན་པའི་གནས་ན་ཁེར་རྐྱང་གདུང་བ་ཡོད། །
དབེན་པའི་གནས་ན་མཛེས་མའི་ཉལ་རོགས་མེད། །
དབེན་པའི་གནས་ན་ཟ་མ་ཞིམ་པོ་མེད། །
དབེན་པའི་གནས་ན་ཀུ་ཤུའི་གློག་ཀླད་མེད། །
དབེན་པའི་གནས་ན་བདེ་སྐྱིད་སྤུ་ཙམ་མེད། །
གཟི་མིག་གསུམ་པ།
བདག་གི་རྣམ་ཤེས་བར་དོར་འཁྱམ་དུས་དང་བོར་ལུས་སེམས་བསྐྱེད་པའི་མ།།
འཇིག་རྟེན་མི་ཡི་འཚོ་བར་ཞུགས་ཚེ་བར་དུ་ཟང་ཟིང་སྦྱིན་པའི་མ།།
འཁོར་བའི་བྱ་བར་མགོ་བོ་འཐོམས་པའི་ཐ་མར་སྐྱེ་མེད་སྟོན་པའི་མ།།
རྗེ་བཙུན་སྒྲོལ་མ་ལྟ་བུའི་ཨ་མ་དྲིན་མོ་ཆེ་ལ་གསོལ་བ་འདེབས།།
ཀླུ་སྨྱོན། འཇམ་པའི་དབྱངས་ཀྱིས་མི་མཐོང་ས་ཞིག་ནས། ། ཁྱེད་ཀྱི་མྱོས་བུམ་དྲོན་མོ་འཕུར་ན་འདོད། ། ནོར་རྒྱུན་ལྷ་མོས་མི་གོ་ས་ཞིག་ནས། ། ཁྱེད་ལ་བསྟོད་པའི་སྙན་ངག་གྱེར་ན་འདོད། །
ཀླུ་སྨྱོན། ཉི་ཟླ་ཞོན་ནས་སྟོང་གསུམ་ཁྱོན་དུ་འོད་ཀྱི་ཀློང་ནས་རྒྱུགས་པ་དང་། ། རལ་གྲི་བཟུང་སྟེ་སྲོག་ཆགས་དུང་ཕྱུར་ཁྲག་དམར་ཙ་རེར་གསོད་པ་དང་། ། མཛེས་མ་སྟོང་གིས་ལིངྒ་འཇིབ་ཅིང་བསྣུན་པའི་གར་ལ་རོལ་བ་སོགས། ། རྨི་ལམ་སྒྱུ་མའི་ཞྭ་མོ་འདི་ཀོ་མགོ་རུ་གྱོན་པ་ནོར་འཁྲུལ་ཞིག །
ཀླུ་སྨྱོན་ཧེ་རུ་ཀ
ངའི་གཟན་ཤམ་སྟོན་པའི་ན་བཟའ་ཡིན། །
ངའི་ལག་པ་འདྲེ་ཡི་ཕྱག་མཚན་ཡིན། །
ངའི་རྩོམ་གྱི་ཕྱེད་ཀ་ཆགས་སྲེད་ཡིན། །
ངའི་མི་ཚེ་ཕྱེད་ཀ་ལྡོམ་པོ་ཡིན། །
སྐར་མ་མཚོ།
ཁྱོད་ལྡོམ་ནས་སྡོམ་པ་ཤོར་ཉིན།།
ཁྱོད་འདྲེ་ཞིག་ཡིན་ནོ་ཤེས་ཐལ།།
ཁྱོད་ཆགས་པས་ཆད་ནས་ཡོད་དུས།།
ཁྱོའི་མི་གཞི་ལྷང་ལ་བུད་ཐལ།།
སྤྲུལ་སྐུ་དབང་ཆེན།
ཀ་མ་ལ་འཛིན་སྤྱི་བོའི་གཙུག་ཏུ་བཀུར།།
ཁ་བའི་ལྗོངས་ཀྱི་བཅུ་ཕྲག་ཤེས་བྱར་དུང་།།
ག་ལེར་ཞོར་དུ་མཛེས་མའི་གྲགས་པ་སྐྱོང་།།
ང་ཡི་སེམས་གྲོགས་འཕགས་པ་ཀླུ་སྨྱོན་རྒྱལ།།
ཀླུ་སྨྱོན་ཧེ་རུ་ཀ
ཅ་ཅོ་མི་མང་དོན་ལྡན་རྩོམ་མཆན་འབྲི། །
ཆ་རྒྱུས་མེད་ཀྱང་གྲོགས་ཀྱི་འདུ་ཤེས་འཛིན། །
ཇ་ཁ་ཆང་ཁ་ཅིག་ནས་འཕྲད་པ་ན། །
ཉ་མའི་བྷ་གའི་བྲོ་བ་མཉམ་དུ་གླེང་། །
ཀླུ་སྨྱོན།
ཆོས་སྐྱོང་ཞིག་ལ་རྩེད་མཚར་དུ།
གནའ་དུས་བླ་མ་ཆེ་གེ་མོ་ཡིས་མགོ་ལ་བཞག་པའི་རྡོ་རྗེ་དེ། །
དེ་རིང་ད་དུང་བཙའ་ཡིས་ཟིན་ཏེ་ལྗིད་ཁོག་དང་བཅས་ཁུར་ཡོད་ཚེ། །
ཚེ་འདིའི་འདོད་དོན་ཁྱོད་ཀྱིས་སྒྲུབས་དང་ང་ཡིས་རྟག་པར་ཁྱེད་ལ་མཆོད། །
མཆོད་གཏོར་རྩམ་པ་གསར་པ་ཡིན་ཏེ་བདག་གི་ཨ་མས་བསྐུར་པས་སོ། །
དེ་ལས་མང་བ་། “གཡག་རྒན་གྱིས་ལྕི་བ་བཏང་འདྲའི་སྙན་ངག་ཐར་ཐོར།” »
༄༅། །དཔལ་ས་སྐྱ་གོང་མ་འཇིགས་བྲལ་བདག་ཆེན་རྡོ་རྗེ་འཆང་ཆེན་པོ་དགུང་གྲངས་གྱ་ལྔ་བཞེས་པའི་དུས་སུ་ཕུལ་བའི་བརྟན་བཞུགས་གསོལ་འདེབས་ཚངས་པ་རྒན་པོའི་བདེན་ཚིག་ཅེས་བྱ་བ།
ཀླུ་སྨྱོན།
ཀ་དག་རྟེན་འབྱུང་ཟུང་དུ་འཇུག་པའི་མདོ་སྔགས་རིག་པའི་ལམ་བཟང་གིས། །
ཁ་བ་ཅན་ལྗོངས་མ་རིག་མུན་པ་སེལ་མཛད་དཔལ་ལྡན་ས་སྐྱའི་བསྟན། །
ག་ས་གང་དུ་ཐུགས་བསྐྱེད་འཕྲུལ་གྱིས་ཉི་འོད་བཞིན་དུ་སྤེལ་མཛད་པའི། །
ང་ཚོའི་བླ་མ་འཇིགས་བྲལ་བདག་ཆེན་ཞབས་པད་སྲིད་མཐར་བརྟན་གྱུར་ཅིག །
ཀླུ་སྨྱོན། དྲ་ངོས་འདིར་ཆོས་དད་པ་འགའ་ཡོད་པར་དམིགས་ཏེ་འདིར་གུང་ཐང་བསྟན་སྒྲོན་ཚང་གི་ཚེ་གཅིག་ཉམས་ལེན་ཞེས་པའི་དཔེ་ཆའི་ནང་དུ་བཞུགས་པའི་སྐྱག་བསྔོའི་གཟུངས་སྔགས་སོགས་ངོ་སྤྲོད་བྱ་སྟེ། དྲི་ཆེན་བསྔོ་བའི་སྔགས། ཨོཾ་ཨྰཿབི་ཊ་ཨྰ་ཧ་རེ་བྷྱཿསྭྰ་ཧྰ། དྲི་ཆུ་བསྔོ་བའི་སྔགས། ཨོཾ་ཨྰཿམྰུ་དྲ་ཨྰ་ཧ་རེ་བྷྱཿསྭྰ་ཧྰ། ལུད་པ་བསྔོ་བའི་སྔགས། ཨོཾ་ཨྰཿཁྲེ་ཏ་ཨྰ་ཧ་རེ་བྷྱཿསྭྰ་ཧྰ། སྣབས་བསྔོ་བའི་སྔགས། ཨོཾ་ཨྰཿབིགྷི་ན་ཨྰ་ཧ་རེ་བྷྱཿསྭྰ་ཧྰ། མཆིལ་མ་བསྔོ་བའི་སྔགས། ཨོཾ་ཨྰཿཤླེཥྨ་ཨྰ་ཧ་རེ་བྷྱཿསྭྰ་ཧྰ།
ཀླུ་སྨྱོན། དེ་ནི་ཉི་འོད་རྒྱ་མཚོར་འཕྲོས་པའི་མཛེས་སྡུག་འོད་དམར་མ་ཡིན་ཞིང་། ། དེ་ནི་ནམ་གུང་མུན་ནག་ཁྲོད་དུ་འཁྱུག་པ འི་གློག་དམར་དེ་བས་མིན། ། དེ་ནི་རྒྱ་སེ་མེ་ཏོག་སྤུངས་པའི་དྲི་ཞིམ་སྐྱེད་ཚལ་གཞར་མིན་པར། ། དེ་ནི་ཁྱེད་ཀྱི་དྲོད་རླངས་འཐུལ་བའི་མཆུ་རྩི་དམར་པོའི་རྗེས་ཤུལ་ཉིད། །
ཀླུ་སྨྱོན།
ཨ་ར་ཅན། གསེར་སོ་ཅན། རྨ་ཤུལ་ཅན། སྐྲ་རིང་ཅན། གཙགས་རིས་ཅན། ཐ་མག་ཅན། དམ་བི་ཅན།
མཆུ་རྩི་ཅན། དྲི་ཞིམ་ཅན། མུ་ཏིག་ཅན། ཕ་ལམ་ཅན། ཟུར་མིག་ཅན། བོད་ལྭ་ཅན། ནུབ་ལྭ་ཅན།
རོལ་དབྱངས་ཟ་ཟི། གློག་འོད་རབ་རིབ། དུ་ཞགས་འཕྱུར་འཕྱུར། ཆང་དྲི་འཐུལ་འཐུལ། རྐང་སྒྲ་རྡིག་རྡིག