ཀླུ་སྨྱོན་ཧེ་རུ་ཀ
ན་ནིང་།
གནམ་སྔོན་པོའི་གྲུ་ཟུར་གང་མང་ཞིག་ཏུ་གསར་བརྗེའི་ཁ་གཡང་བསྒྲགས་ཤིང་།
ས་ཆེན་པོའི་སྒང་གཤོང་སྣ་ཚོགས་ཤིག་ཏུ་དམངས་གཙོའི་མེ་ལྕེ་འབར་སོང་།
ན་ནིང་།
སྒེར་གཅོད་ཀྱི་སྐྱེ་བོ་གང་མང་ཞིག་དམྱལ་བའི་འཕྲང་ལ་བརྫངས་ཤིང་།
རླབས་ཆེན་གྱི་སྣེ་འདྲེན་དུ་མ་ཞིག་རང་དབང་གི་སྲིད་ཁྲིར་བཀོད་སོང་།
ན་ནིང་།
མེ་སྒྱོགས་ཀྱི་དུད་ཞགས་ཀྱིས་གཉའ་གནོན་དང་གདུག་རྩུབ་ལ་ཡ་ཡན་སྤྲད་ཅིང་།
མི་དམངས་ཀྱི་ཁྲག་དྲོན་གྱིས་ཞི་བདེ་དང་དམངས་གཙོ་ཡི་སྐྱ་རེངས་བསུས་སོང་།
མདོ་སྨད་ཀྱི་ན་གཞོན་སྒྱུ་རྩལ་པ་རྨོག་རུ་ཤེས་རབ་སོགས་ཀྱིས་འཁྲབས་པའི་བརྩེ་དུང་གི་གློག་བརྙན་སྨུག་པ་ཞེས་པར་གཟིགས་རོགས། http://www.tbmtv.net/html/movie/4883.html
བོད་ཀྱི་ན་གཞོན་རྩོམ་པ་བོ་ལྡོང་ཕྲུག་གིས་འཁྲབ་ཁྲིད་བྱས་ཤིང་ན་གཞོན་སྒྱུ་རྩལ་བ་རིག་འཛིན་ཐར་སོགས་ཀྱིས་འཁྲབ་སྟོན་བྱས་པའི་བོད་ཀྱི་རིག་གནས་ཉམས་རྒུད་དུ་འགྲོ་བཞིན་པ་མཚོན་པའི་གློག་བརྙན་<>ཅེས་པ་མཚོ་སྔོན་ཨ་མའི་བུ་མི་རིགས་རིག་གནས་དར་སྤེལ་ཚད་ཡོད་སྤྱི་གཉེར་ཁང་གིས་སྒྲིག་སྦྱོར་བྱས་ཤིང་། ཟི་ལིང་སམ་བྷོ་ཊ་རིག་གནས་དར་སྤེལ་ལྟེ་གནས་ཀྱིས་པར་སྐྲུན་བྱས་ཏེ་ཉེ་ལམ་རྒྱ་ཆེའི་གཟིགས་མོ་བའི་སྤྱན་སྔར་འགྲེམ་སྤེལ་བྱས། གློག་བརྙན་འདིས་ད་དུང་བོད་ཀྱི་མི་རབས་གསར་རྙིང་གཉིས་ཀྱི་འཇིག་རྟེན་ལྟ་ཚུལ་དང་རིན་ཐང་ལྟ་ཚུལ་བར་གྱི་འགལ་བ་དང་དེའི་འབྱུང་རྐྱེན། འཕེལ་རིམ། མཐར་དེ་གཉིས་གཞི་གཅིག་ཏུ་མཐུན་སྲིད་པའི་བསམ་བློ་མངོན་པར་མཚོན་ཡོད། བོད་ཀྱི་ཆ་འཕྲིན་དྲ་བ་ལས་དྲངས།
རིག་པའི་རྡོ་རྗེ།
ཕྱི་ལོ་ ༢༠༡༢ ལོའི་ལོ་གསར་དང་བསྟུན། ནང་བསྟན་རིག་མཛོད་ཆེན་མོ་ཟེར་བའི་བོད་ཡིག་དཔེ་མཛོད་དྲ་ཚིགས་ཤིག་གསར་དུ་བཟོས་ཏེ་ཤར་གཏོང་བྱས་ཡོད་ཅིང་། དྲ་ཚིགས་འདིའི་རྩ་བའི་ལས་འཆར་ནི་རྒྱ་ཆེ་ལ་གཏིང་ཟབ་པ་ཞིག་ཡིན་སྟབས། མི་རབས་ནས་མི་རབས་སུ་ལས་རྒྱུན་མཐུད་དེ་འགྲོ་དགོས་པས། གནས་སྐབས་སྡེ་ཚན་ཕལ་ཆེར་སྟོང་བ་ཡིན་མོད། དང་ཐོག་བོད་ཡིག་ཀློག་རྒྱུར་དགའ་བའི་བོད་མི་དང་། བོད་མིར་འབྲེལ་ཡོད་རྣམས་ཀྱི་ཆེད་དུ་དམིགས་ཏེ། རྩ་ཆེའི་དཔེ་རྙིང་ཁག་གིས་ཐོག་དྲངས་མདོ་སྔགས་རིག་གནས་སྣ་མང་གློག་དེབ་ཀྱི་གཟུགས་སུ་བཟོས་ཏེ། རིག་མཛོད་ངོ་མཚར་འཕྲུལ་དེབ་ཀྱི་སྟེགས་བུར་བཀོད་ནས་བོད་དང་བོད་ཡིག་ལ་བརྩེ་དུང་ཟབ་པའི་རིས་མེད་སྐྱེ་བོ་རྣམས་ལ་ལོ་གསར་བའི་ལེགས་སྐྱེས་སུ་ཕུལ་ཡོད་པས་དགྱེས་བཞེས་གནང་རོགས།
འཕྲུལ་དེབ་དེ་དག་དེང་སྐབས་སྤྱོད་སྒོ་ཧ་ཅང་ཆེ་བའི་ཀུ་ཤུ་རྟགས་ཅན་གྱི་རྩིས་འཁོར་ཆུང་བ་ iPad, iPhone and iPod touch རྣམས་ཀྱི་ནང་རིན་མེད་ཕབ་ལེན་བྱེད་ཆོག་པས་ཁྱེད་ཀྱིས་ཚོད་ལྟ་ཞིག་གནོངས་དང་། གཅིག་བྱས་ན་ཁྱེད་ལ་དཔེ་མཚོན་བྲལ་བའི་དགའ་ཚོར་ཞིག་སྟེར་སྲིད།
རིག་པའི་རྡོ་རྗེ།
ཕྱི་ལོ་ ༢༠༡༢ ལོའི་ལོ་གསར་དང་བསྟུན། ནང་བསྟན་རིག་མཛོད་ཆེན་མོ་ཟེར་བའི་བོད་ཡིག་དཔེ་མཛོད་དྲ་ཚིགས་ཤིག་གསར་དུ་བཟོས་ཏེ་ཤར་གཏོང་བྱས་ཡོད་ཅིང་། དྲ་ཚིགས་འདིའི་རྩ་བའི་ལས་འཆར་ནི་རྒྱ་ཆེ་ལ་གཏིང་ཟབ་པ་ཞིག་ཡིན་སྟབས། མི་རབས་ནས་མི་རབས་སུ་ལས་རྒྱུན་མཐུད་དེ་འགྲོ་དགོས་པས། གནས་སྐབས་སྡེ་ཚན་ཕལ་ཆེར་སྟོང་བ་ཡིན་མོད། དང་ཐོག་བོད་ཡིག་ཀློག་རྒྱུར་དགའ་བའི་བོད་མི་དང་། བོད་མིར་འབྲེལ་ཡོད་རྣམས་ཀྱི་ཆེད་དུ་དམིགས་ཏེ། རྩ་ཆེའི་དཔེ་རྙིང་ཁག་གིས་ཐོག་དྲངས་མདོ་སྔགས་རིག་གནས་སྣ་མང་གློག་དེབ་ཀྱི་གཟུགས་སུ་བཟོས་ཏེ། རིག་མཛོད་ངོ་མཚར་འཕྲུལ་དེབ་ཀྱི་སྟེགས་བུར་བཀོད་ནས་བོད་དང་བོད་ཡིག་ལ་བརྩེ་དུང་ཟབ་པའི་རིས་མེད་སྐྱེ་བོ་རྣམས་ལ་ལོ་གསར་བའི་ལེགས་སྐྱེས་སུ་ཕུལ་ཡོད་པས་དགྱེས་བཞེས་གནང་རོགས།
འཕྲུལ་དེབ་དེ་དག་དེང་སྐབས་སྤྱོད་སྒོ་ཧ་ཅང་ཆེ་བའི་ཀུ་ཤུ་རྟགས་ཅན་གྱི་རྩིས་འཁོར་ཆུང་བ་ iPad, iPhone and iPod touch རྣམས་ཀྱི་ནང་རིན་མེད་ཕབ་ལེན་བྱེད་ཆོག་པས་ཁྱེད་ཀྱིས་ཚོད་ལྟ་ཞིག་གནོངས་དང་། གཅིག་བྱས་ན་ཁྱེད་ལ་དཔེ་མཚོན་བྲལ་བའི་དགའ་ཚོར་ཞིག་སྟེར་སྲིད།
རིག་པའི་རྡོ་རྗེ།
ཕྱི་ལོ་ ༢༠༡༢ ལོའི་ལོ་གསར་དང་བསྟུན། ནང་བསྟན་རིག་མཛོད་ཆེན་མོ་ཟེར་བའི་བོད་ཡིག་དཔེ་མཛོད་དྲ་ཚིགས་ཤིག་གསར་དུ་བཟོས་ཏེ་ཤར་གཏོང་བྱས་ཡོད་ཅིང་། དྲ་ཚིགས་འདིའི་རྩ་བའི་ལས་འཆར་ནི་རྒྱ་ཆེ་ལ་གཏིང་ཟབ་པ་ཞིག་ཡིན་སྟབས། མི་རབས་ནས་མི་རབས་སུ་ལས་རྒྱུན་མཐུད་དེ་འགྲོ་དགོས་པས། གནས་སྐབས་སྡེ་ཚན་ཕལ་ཆེར་སྟོང་བ་ཡིན་མོད། དང་ཐོག་བོད་ཡིག་ཀློག་རྒྱུར་དགའ་བའི་བོད་མི་དང་། བོད་མིར་འབྲེལ་ཡོད་རྣམས་ཀྱི་ཆེད་དུ་དམིགས་ཏེ། རྩ་ཆེའི་དཔེ་རྙིང་ཁག་གིས་ཐོག་དྲངས་མདོ་སྔགས་རིག་གནས་སྣ་མང་གློག་དེབ་ཀྱི་གཟུགས་སུ་བཟོས་ཏེ། རིག་མཛོད་ངོ་མཚར་འཕྲུལ་དེབ་ཀྱི་སྟེགས་བུར་བཀོད་ནས་བོད་དང་བོད་ཡིག་ལ་བརྩེ་དུང་ཟབ་པའི་རིས་མེད་སྐྱེ་བོ་རྣམས་ལ་ལོ་གསར་བའི་ལེགས་སྐྱེས་སུ་ཕུལ་ཡོད་པས་དགྱེས་བཞེས་གནང་རོགས།
འཕྲུལ་དེབ་དེ་དག་དེང་སྐབས་སྤྱོད་སྒོ་ཧ་ཅང་ཆེ་བའི་ཀུ་ཤུ་རྟགས་ཅན་གྱི་རྩིས་འཁོར་ཆུང་བ་ iPad, iPhone and iPod touch རྣམས་ཀྱི་ནང་རིན་མེད་ཕབ་ལེན་བྱེད་ཆོག་པས་ཁྱེད་ཀྱིས་ཚོད་ལྟ་ཞིག་གནོངས་དང་། གཅིག་བྱས་ན་ཁྱེད་ལ་དཔེ་མཚོན་བྲལ་བའི་དགའ་ཚོར་ཞིག་སྟེར་སྲིད།
རིག་པའི་རྡོ་རྗེ།
ཕྱི་ལོ་ ༢༠༡༢ ལོའི་ལོ་གསར་དང་བསྟུན། ནང་བསྟན་རིག་མཛོད་ཆེན་མོ་ཟེར་བའི་བོད་ཡིག་དཔེ་མཛོད་དྲ་ཚིགས་ཤིག་གསར་དུ་བཟོས་ཏེ་ཤར་གཏོང་བྱས་ཡོད་ཅིང་། དྲ་ཚིགས་འདིའི་རྩ་བའི་ལས་འཆར་ནི་རྒྱ་ཆེ་ལ་གཏིང་ཟབ་པ་ཞིག་ཡིན་སྟབས། མི་རབས་ནས་མི་རབས་སུ་ལས་རྒྱུན་མཐུད་དེ་འགྲོ་དགོས་པས། གནས་སྐབས་སྡེ་ཚན་ཕལ་ཆེར་སྟོང་བ་ཡིན་མོད། དང་ཐོག་བོད་ཡིག་ཀློག་རྒྱུར་དགའ་བའི་བོད་མི་དང་། བོད་མིར་འབྲེལ་ཡོད་རྣམས་ཀྱི་ཆེད་དུ་དམིགས་ཏེ། རྩ་ཆེའི་དཔེ་རྙིང་ཁག་གིས་ཐོག་དྲངས་མདོ་སྔགས་རིག་གནས་སྣ་མང་གློག་དེབ་ཀྱི་གཟུགས་སུ་བཟོས་ཏེ། རིག་མཛོད་ངོ་མཚར་འཕྲུལ་དེབ་ཀྱི་སྟེགས་བུར་བཀོད་ནས་བོད་དང་བོད་ཡིག་ལ་བརྩེ་དུང་ཟབ་པའི་རིས་མེད་སྐྱེ་བོ་རྣམས་ལ་ལོ་གསར་བའི་ལེགས་སྐྱེས་སུ་ཕུལ་ཡོད་པས་དགྱེས་བཞེས་གནང་རོགས།
འཕྲུལ་དེབ་དེ་དག་དེང་སྐབས་སྤྱོད་སྒོ་ཧ་ཅང་ཆེ་བའི་ཀུ་ཤུ་རྟགས་ཅན་གྱི་རྩིས་འཁོར་ཆུང་བ་ iPad, iPhone and iPod touch རྣམས་ཀྱི་ནང་རིན་མེད་ཕབ་ལེན་བྱེད་ཆོག་པས་ཁྱེད་ཀྱིས་ཚོད་ལྟ་ཞིག་གནོངས་དང་། གཅིག་བྱས་ན་ཁྱེད་ལ་དཔེ་མཚོན་བྲལ་བའི་དགའ་ཚོར་ཞིག་སྟེར་སྲིད།
ཀླུ་སྨྱོན། གནམ་ལོ་གསར་པ་འདི་ས་ནས་སྐྱེ་བར་ཤོག ས་འབུ་ཐག་ནར་ཚོར་བདེ་སྐྱིད་ལྡན་པར་ཤོག གནམ་ལོ་གསར་པ་འདི་ཆུ་ཡིས་བརླན་པར་ཤོག ཆུ་ནང་ཉ་མོ་ཚོར་ལྕགས་ཀྱུ་མེད་པར་ཤོག གནམ་ལོ་གསར་པ་འདི་མེ་ཡིས་དྲོས་པར་ཤོག མེ་ཡིས་བསྲེག་རྒྱུ་དེ་མི་ལུས་མིན་པར་ཤོག གནམ་ལོ་གསར་པ་འདི་རླུང་གིས་བསྐྱོད་པར་ཤོག རླུང་ཁའི་ཤོག་བྱ་དེའི་འདོག་ཐག་ཆད་པར་ཤོག གནམ་ལོ་གསར་པ་འདི་ནམ་མཁར་ལྡིང་བར་ཤོག ནམ་མཁའ་སྔོན་པོ་དེར་མཐའ་དབུས་མེད་པར་ཤོག
ཅོག་རོང་གི་མྱི་ནས།
ཚིག་བཟང་ཡང་སྙན་ངག་ལ་དོན་གྱིས་སྟོངས་ན་རྒན་མོ་རྒས་གཉེར་ཅན་ལ་གོས་བཟང་གིས་གཡོགས་པའི་ཚུལ་ཙམ་ལས་མ་འདས། གནམ་ས་ན་གོས་ཀྱིས་མ་གཡོགས་པའི་གཞོན་ནུ་མར་སྙིང་ཁུངས་རིས་པའི་གཏིང་ནས་དགའ་ཞེན་ལྡན་པའི་བདག་གིས་རང་ཉིད་བསྟོད་པའི་སྙན་ངག་འབྲི་བར་བྱ་ཡི་ཉོན།
སྲོལ་འབྱེད་སྒོ་འབྱེད་མང་ན་ཡང་།།
ཚང་མ་ཤིང་སྒོ་ཤིང་རྟ་རེད།།
ལྕགས་སྒོ་ལྕགས་སྲོལ་འབྱེད་མཁན་ཞིག།
ད་ལྟ་ཨ་རིའི་ཡུལ་ན་ཡོད།།
མི་དག་དགའ་ན་འབུ་ལའང་བསྟོད།།
མ་དགའ་ཕ་མ་ཡིན་ཡང་དམོད།།
རང་ལུས་དལ་འབྱོར་རླབས་པོ་ཆེར།།
ཅུང་ཙམ་བསྟོད་ན་ཅིས་མི་འཚལ།།
ཀླུ་སྨྱོན། དུས་རབས་ཀྱི་དཀྱོགས་མཚམས་ནས་ཁ་ཕྱོགས་གང་དུ་འཚོལ། —ཁ་བྱང་གི་འགྲེལ། གསར་བརྗེ་བས་རྙིང་ཞེན་པར་རྒོལ་དགོས་ལ། རྙིང་ཞེན་པས་གསར་བརྗེ་བར་རྒོལ་དགོས། དེ་གཉིས་ཀྱི་གཙུབ་བརྡར་ལས་འབར་བའི་མེ་ལྕེ་དེ་ཁོ་ནས། མི་རིགས་འདི་ད་གཟོད་ཐལ་བར་སྲེག་ཐུབ། མི་རིགས་འདི་གཞི་ནས་མེད་པ་བཟོ་ཐུབ།
ཀླུ་སྨྱོན།
དེ་རིང་ནི་ཁོ་བོ་ཨ་རིར་འབྱོར་ནས་ལོ་ངོ་བཅུ་འཁོར་བའི་ཉིན་མོ་ཡིན་ཞིང་། ཉིན་མོ་འདིར་ཨ་རིའི་རིག་གཞུང་སྣ་མང་གི་ཁྲོད་དུ་ཁོ་བོ་དགའ་མོས་ཡོད་པ་མང་པོ་ཞིག་ཡོད་པ་དག་རེ་ཞིག་ཟུར་དུ་བཞག་སྟེ། རིག་གཞུང་འདི་དག་གི་ཁྲོད་དུ་ཁོ་བོས་ངོས་ལེན་བྱེད་མི་ཐུབ་པ་ཁག་ཅིག་ཡོད་པའི་ཁྲོད་ནས་རང་རེས་སྣང་ཆུང་བྱེད་མི་རུང་བའི་དོན་གནད་གཉིས་བརྗོད་རྒྱུ་ཡིན།
དང་པོ་དེ་ནི་ཨ་རིའི་ཐུགས་རྗེ་ལེགས་འབུལ་གྱི་དུས་ཆེན་སྲུང་རྩི་བྱེད་སྐབས། མི་ཚང་ཕལ་མོ་ཆེས་ཁྲིར་ཁེ་ཞེས་པའི་བྱ་ཆེན་དེའི་ཤ་ཁོག་བཟའ་དགོས་པ་དེ་ཡིན་ཞིང་། ལོ་རེ་རེ་བཞིན་དུས་ཆེན་འདིའི་སྐབས་སུ་བྱ་ཆེན་དེ་འདྲ་བྱེ་བ་ཁ་ཤས་བསད་དེ་བཟའ་དགོས་པ་འདི་ནི་ཞིབ་ཏུ་བསམས་ན་ཅུང་འཇིགས་སྐྲག་སྐྱེ་དགོས་པ་ཞིག་ཡིན་པ་དང་། གལ་སྲིད་ལོ་གཅིག་གི་དུས་ཆེན་སྲུང་རྩིའི་སྐབས་སུ་བསད་པའི་བྱ་ཆེན་དེ་དག་ཁྲོམ་རར་མ་བཀྲམ་གོང་ཕྱོགས་གཅིག་ཏུ་སྤུངས་པ་ཡིན་ན་རི་ཆེན་པོ་ཞིག་གི་ཚད་དུ་ལོངས་པ་ཞིག་ཡོད་ངེས་ཤིང་། འདི་ལྟར་འགྲོ་བ་མིའི་རིགས་ཀྱིས་ཕན་ཚུན་ལ་ཐུགས་རྗེ་ལེགས་འབུལ་གྱི་དུས་ཆེན་སྲུང་རྩི་བྱེད་ཆེད། ཉེས་མེད་སྲོག་ཆགས་བྱེ་བ་མང་པོ་དམར་གསོད་བཏང་སྟེ་རྒྱས་བཟའ་རྒྱས་འཐུང་བྱེད་པ་འདི་ནི་གཞན་གྱི་ཚེ་སྲོག་ལ་རྩི་འཇོག་བྱེད་མཁན་ཞིག་གི་ངོས་ནས་དང་ལེན་བྱེད་མི་ཐུབ་པ་ཞིག་རེད་ཨང་།
དེ་ལས་མང་བ་། “ང་རང་མི་དགའ་བའི་ཨ་རི་དང་ནུབ་ཕྱོགས་ཀྱི་དུས་ཆེན་སྲུང་རྩི་བྱེད་སྟངས་གཉིས།” »
ཀླུ་སྨྱོན་ཧེ་རུ་ཀ
ཨ་རིར་འབྱོར་ནས་ལོ་མང་སོང་བ་དང་། །
ཕན་མི་ཐོགས་པའི་ངོ་ཤེས་འགའ་ཡང་ཡོད། །
ད་ནི་སྒྲོ་ལོར་ལྗང་ཁུ་གསོག་དུས་འདིར། །
སོས་དལ་སྐྱིད་ཉལ་བྱེད་མཁན་ཁོ་བོ་ཙམ། །
སྐྱེ་བོ་འདོད་ལྡན་ངན་པ་ཁ་ཅིག་ནི། །
ཉི་མ་ཉིན་གང་ལས་ཀྱིས་ཡོངས་དུབ་ཅིང་། །
ཕྱི་དྲོར་ནང་དུ་ལོག་ནས་ཆད་པའི་ལུས། །
རོ་དང་འདྲ་བར་ཉལ་བར་བྱེད་ཅེས་གསུངས། །*
དེ་ལས་མང་བ་། “ཡི་དྭགས་ཀྱི་འཇིག་རྟེན་ནས་རྒྱས་བཟའ་རྒྱས་འཐུང་བྱས་པ།” »
ཀླུ་སྨྱོན། —མང་མང་དང་ལྷན་དུ་ཙོང་ཁ་པ་གླེང་བ། ཙོང་ཁ་ནས་ལམ་ལ་ཆས་པའི་གྲྭ་རྐྱང་འཁྱམ་པོ། དབུས་གཙང་ནས་སྐད་གྲགས་བཞག་པའི་མཁས་པའི་དབང་པོ།
—དངོས་བྱུང་གི་གཏམ་རྒྱུད་ཐུང་ཐུང་ཞིག
དམྱལ་བ་བོ། ད་སོངས། རེམ་མ་སོངས།
ཤག་རོགས་དེ་ཚོ་ཚང་མ་ང་ལས་ལོ་གསུམ་བཞི་ཙམ་གྱིས་རྒན་པ་ཡིན་ཡང་། ཁོ་ཚོས་སྨག་འདི་ལྟར་ནག་པའི་མཚན་མོ་འདིར་སྡར་མ་སྙིང་ཆུང་གི་ང་རང་སློབ་གྲྭའི་ཇ་ཁང་གི་སྒེའུ་ཁུང་ཆུང་ཆུང་དེ་ལས་ཅོང་རྡོག་རྐུ་རུ་འགྲོ་དགོས་ཞེས་བཙན་སྐུལ་བྱས་སོང་།
ཟླ་གཅིག་སྔོན་གྱི་དགུན་ཁའི་མཚན་མོ་ཞིག་ལ་ཡང་ཁོ་ཚོས་འདི་ལྟར་ང་རང་བཙན་གྱིས་ཉལ་ཁང་གི་ལྟག་རྒྱབ་དེར་ཡོད་པའི་ཞོག་ཞོག་བླུགས་ཡོད་སའི་ས་དོང་དེའི་ནང་དུ་བཙན་གྱིས་སོང་ནས་ཞོག་ཁོག་རྐུ་རུ་བཅུག་པ་དྲན་ན་ད་དུང་ཤ་འདར་རྒྱག་ཡོང་བ་ཞིག་ཡིན་ཡང་། ཁོ་ཚོའི་གཏུམ་དྲག་གི་གདོང་རིས་རེ་རེ་ལས་གལ་སྲིད་ངས་ཁོ་ཚོའི་ཁ་ལ་མ་ཉན་ན་ལམ་སེང་གཅར་རྡུང་དྲག་པོ་ཞིག་བྱེད་རྒྱུ་ཡིན་པར་ཐེ་ཚོམ་ཕྲ་མོ་ཙམ་ཡང་མི་འདུག
ངའི་སྐམ་ལ་རིད་པའི་ལུས་པོ་ཆུང་ཆུང་དེ་སྤྲེའུ་ཞིག་དང་འདྲ་བར་ཇ་ཁང་གི་སྒེའུ་ཁུང་ལས་ནང་དུ་ཤུད་སོང་། གཤའ་དཀར་གྱི་སྡེར་མ་ཆེན་པོ་གཉིས་ཀྱི་ནང་དུ་དཀར་སོབ་སོབ་ཀྱི་ཅོང་རྡོག་དང་སེར་ལྷང་ལྷང་གི་མར་ལོ་མང་པོ་ཞིག་གིས་ང་ལ་བསྒུགས་བསྡད་འདུག ངས་རང་ཉིད་དང་ཤག་རོགས་ཚོའི་ཚིལ་དྲེགས་ཆགས་པའི་ཞྭ་མོ་དེ་ཚོའི་ནང་དུ་ཅོང་རྡོག*་དང་མར་ལོ་མང་ཐག་ཆོད་རེ་བཅུག་སྟེ་སྒེའུ་ཁུང་ཕྱི་རོལ་ནས་སྤྱང་ལྟོགས་བཞིན་བསྒུགས་བསྡད་ཡོད་པའི་ཁོ་ཚོར་བྱིན། ཅོང་རྡོག་དང་མར་ལོ་རག་རྗེས་ཁོ་ཚོས་ང་རང་ཇ་ཁང་གི་སྒེའུ་ཁུང་ལས་ཕྱིར་ལེན་རོགས་ཀྱང་མི་བྱེད་པར་རླུང་གཡུག་པ་ལྟར་མུན་ཁྲོད་དུ་ཡལ་སོང་།
ངས་རང་ནུས་ཅི་ཡོད་ཀྱིས་རང་གི་ཕྲ་ལ་མཉེན་པའི་གཟུགས་པོ་དེ་སྒེའུ་ཁུང་ཆུང་ཆུང་དེའི་ཕྱི་རོལ་ཏུ་འབུད་ཐབས་བྱས། ནང་ལ་བསླེབས་དུས་ཤག་རོགས་ཚོས་མེ་བུས་ནས་རང་རང་གི་ལྕགས་ཕོར་ཚོ་ཚ་བོ་བཟོས་པའི་ནང་དུ་མར་ལོ་བཞུས་པའི་ཤིང། དེའི་ནང་དུ་ཅོང་རྡོག་བརྔོས་ནས་མ་ཁོམ་པར་འདུག སྟབས་ལེགས་པ་ཞིག་ལ་དོ་དགོང་ཁོ་ཚོས་ངའི་སྐལ་བ་མ་བཅད་པར་ང་ལ་ཡང་བརྒྱགས་ཚད་ཅིག་བཟའ་རུ་བཅུག་བྱུང་།
ཀླུ་སྨྱོན།
ཁྱེད་ཀྱིས།
མི་ཡུལ་ནས་མཛེས་སྡུག་གི་རིན་ཐང་དེ་ངོམ་ཆེད།
མཚོ་གཏིང་གི་ཞེན་ཆགས་ཡོད་ཚད་བློས་གཏོང་ནུས་ཀྱང་།
འཇིག་རྟེན་གྱི་མི་འདི་དག་གིས།
ཁྱེད་རང་བེད་སྤྱད་དེ་རང་གི་ལང་ཚོ་དང་རྒྱུ་ནོར་ངོམ་རྒྱུ་ཤེས་པ་ཙམ་ལས།
ཁྱེད་ཀྱིས་བློས་བཏང་བའི་རིན་ཐང་མང་པོ་ཞིག་ནམ་ཡང་ཤེས་ཐབས་བྲལ།
ཡིན་ན་ཡང་།
ཁྱེད་ཀྱི་འོད་འཚེར་བའི་མཛེས་སྡུག་དེ་ཁོ་ནས།
ཀླུ་སྨྱོན།
ཞི་བདེའི་གཟེངས་རྟགས་ལ་ཕུལ།
ཁ་སང་། ས་གཞི་ཡོངས་རྫོགས་མུན་ནག་གིས་ཟིན་ཅིང་། བོད་ཀྱི་གངས་རི་རེ་རེ་བཞིན་ཐག་ཉེ་རིང་གང་ནས་བལྟས་ཀྱང་མཐོང་མི་ཐུབ་པར་གྱུར། ཉི་མ་ནུབ་ཕྱོགས་སུ་ཕེབས་པ་དང་། ཟླ་བ་ཤར་ཕྱོགས་སུ་ལུས་པས། ཕོ་བྲང་པོ་ཏ་ལའི་དབུ་རྩེ་ཡང་མུན་ནག་གི་ཁྲོད་དུ་དབུགས་རིང་འཐེན་བཞིན་ཡོད། བར་སྐོར་དུ་མདོ་དབུས་ཁམས་གསུམ་གྱི་གནས་སྐོར་བ་ཁྲི་སྟོང་གི་འཚང་ཁ་ཇི་འདྲས་ཆེ་ཡང་། མུན་ཁྲོད་དུ་ཁོ་ཚོས་ཕྱོགས་གང་ཞིག་ཏུ་ཇོ་བོ་ཡིད་བཞིན་ནོར་བུ་བཞུགས་ཡོད་མེད་ཙམ་ཡང་ཤེས་དཀའ། བོད་ཡུལ་ཧྲིལ་བོ་འདི་ཤོག་ངོས་ནག་པོའི་སྟེང་དུ་སྣག་ཚ་ནག་པོས་བྲིས་པའི་ལོ་རྒྱུས་ཤིག་ཏུ་གྱུར་ཡོད།
དེ་རིང་། ཉི་མ་བགྲེས་སོང་ཞིག་ནུབ་ཕྱོགས་ཀྱི་མཁའ་མཐའ་རུ་ནོ་སྦེལ་ཞི་བདེའི་གཟེངས་རྟགས་ཀྱི་མཚམས་སྤྲིན་སྙིང་རྗེ་བོ་ཞིག་གི་ཀློང་དུ་འོད་སྟོང་འགྱེད་འཕྲོ་དང་བཅས་མཐོང་ཐུབ་ཅིང་། དེས་གཤགས་པའི་མཁའ་ལམ་ཧྲིལ་བོར་ངོ་མཚར་དང་མཛེས་སྡུག ཞི་བདེ་དང་དྲོད་སྣང་གིས་ཁྱབ་བསྡད་ཡོད་ཅིང་། དེའི་འོད་ཟེར་གྱི་ཀློང་ན་ལོ་རྒྱུས་ཀྱི་དྲན་རྟེན་དུ་གྱུར་པའི་ཕོ་བྲང་པོ་ཏ་ལ་ཡང་མཐོང་ཙམ་ཡལ་ཙམ་བྱེད་པ་དང་། བར་སྐོར་གྱི་མཇལ་སྐོར་བ་ཚོས་ཀྱང་ཇོ་ཁང་གི་སྒོ་རྙེད་ཙམ་རླག་ཙམ་བྱེད་བཞིན་ཡོད། དུས་ཚོད་འཁོར་སྐྱོད་ཆོས་ཉིད་བཞིན་བྱས་ན་ཟླ་བ་ཞིག་ཤར་ཕྱོགས་ནས་འཆར་དགོས་པའི་དུས་སུ་བསླེབས་ཟིན་མོད། ཆ་ཤས་ཡོངས་སུ་རྫོགས་ཟིན་པའི་ཟླ་བ་དེ་རྒྱང་རིང་གི་མུན་ཁྲོད་ཅིག་ཏུ་ལུས་བསྡད་ཡོད་སྐད།
ཀླུ་སྨྱོན། སུ་ཡིན། ནམ་གུང་ཏག་ཏག་ཅིག་ལ་སྒོ་རྡུང་མཁན་སུ་ཡིན། ཕྱི་རོལ་ཏུ་མུན་པ་འཐིབས་ཡོད་ཅིང་། མུན་ཁྲོད་དུ་འདྲེ་སྲིན་ཡང་རྒྱུ་བཞིན་ཡོད་སྲིད། སུ་ཡིན། ནམ་ཕྱེད་ཅིག་ལ་སྒོ་རྡུང་མཁན་སུ་ཡིན། ཕྱི་རོལ་ཏུ་གྲང་ངར་ཆེ་ཞིང་། ཕྱི་རོལ་ཏུ་ཁ་བ་འབབ་བཞིན་ཡོད། སུ་ཡིན། མཚན་དཀྱིལ་ཞིག་ལ་སྒོ་རྡུང་མཁན་སུ་ཡིན། ཕྱི་རོལ་ཏུ་ཆོམ་རྐུན་འདུར་བཞིན་ཡོད་ལ། ཕྱི་རོལ་ཏུ་ཤ་འཁོན་རྩོད་མཁན་ཡོད་སྲིད། སུ་ཡིན། ནམ་གུང་ཏག་ཏག་ཅིག་ལ་སྒོ་རྡུང་མཁན་སུ་ཡིན།…
ཀླུ་སྨྱོན།
ཡབ་ལ་རེ་བ་རུམ་གང་ཡོད། །
ཡུམ་ལ་རྨི་ལམ་པང་གང་ཡོད། །
གཉིས་ཀར་བརྩེ་བ་ཁྱིམ་གང་ཡོད། །
འབྲོག་ཁྱིམ་སྟོང་གི་བསྡུས་གཟུགས་རེད། །
ལྷ་ལ་ལུང་བསྟན་རྫོགས་མེད་ཡོད། །
མི་ལ་འདོད་པ་ངོམས་མེད་ཡོད། །
ལྷ་མིའི་རེ་བ་དེ་རིང་འགྲུབ། །
རྟེན་འབྲེལ་སྟོང་གི་བསྡུས་གཟུགས་རེད། །
ཁོག་ལ་ཉར་ན་བདེ་སྣང་སྐྱེས། །
ལྟེ་ཁྲག་འཐོར་ན་སྡོང་བོ་སྐྱེས། །
བྱིས་པ་ཕལ་ལས་ལྷག་པ་འདི། །
བོད་ཕྲུག་སྟོང་གི་བསྡུས་གཟུགས་རེད། །
བྱ་ཁྱུང་བྲག་ན་བླ་མ་བཞུགས། །
དེ་ལ་འབྲེལ་བའི་ལས་ཤིག་བདོག །
དགེ་རྒན་དགེ་ཕྲུག་ཆགས་པ་དེ། །
བན་ཆུང་སྟོང་གི་བསྡུས་གཟུགས་རེད། །
ཀླུ་སྨྱོན།
གཟིགས་པ་ལྔ་ཡི་པུར་རྩེ་ལས།།
བྲིས་པའི་སྙན་ངག་རྡོག་གཅིག་སྟེ།།
སྒྱུ་འཕྲུལ་མ་ཡི་རོལ་མོ་ལས།།
ས་གསུམ་མ་བུའི་བརྩེ་བས་གཏམས།།
ཟླ་དགུ་ཞག་བཅུའི་དཀའ་སྡུག་གིས།།
ལུས་སེམས་ལྕི་བའི་ཡུམ་ཆེན་མའི།།
རྣ་བར་རྒྱལ་སྲས་གཞོན་ནུ་ཡི།།
ངུ་ངག་དེ་ལས་སྙན་ཞིག་གང་།།
ཡིན་ཡང་སྙིང་དུ་སྡུག་པ་ཡི།།
ལྷ་བུ་དེ་ཉིད་མཐོ་རིས་ལས།།
བབས་པའི་འོད་ཀྱི་ཐེམ་སྐས་དེར།།
མ་ཡུམ་གང་དེ་གཤེགས་ལ་རིངས།།
ཀླུ་སྨྱོན་ཧེ་རུ་ཀ
ཀ་མ་ལ་ཡིས་ཕྱག་གི་འཁྲི་ཤིང་མཛེས་པའི་མཆོག་ཏུ་སྤུད་པ་ཡི། །
ཁ་བ་རི་བའི་ལྷ་སྐལ་གཅིག་བུ་འཕགས་མཆོག་མིག་མི་འཛུམ་པ་ཞེས། །
ག་ས་གང་དུ་འཕྲིན་ལས་རྒྱ་མཚོ་དུས་ལས་ཡོལ་མེད་འཕྱུར་བ་དེར། །
ང་ཅག་མགོ་ནག་བོད་པ་ཡོངས་ཀྱིས་ཉིན་མཚན་ཀུན་ཏུ་ཕྱག་འཚལ་ལོ། །
ཅ་ཅོའི་རྩོད་ལྡན་སྙིགས་མ་ལྔ་ཡི་ཆུ་སྤྲིན་ནག་པོ་འཁྲིགས་པའི་མཁར། །
ཆ་ཤས་ཡོངས་རྫོགས་ཚུལ་ཁྲིམས་གཙང་མའི་རི་བོང་གཟུགས་ཀྱིས་མཛེས་པ་དང་། །
ཇ་ཆང་འདོད་ཡོན་གྲིབ་མས་ཡོངས་བཏང་བློ་གྲོས་འོད་དཀར་ཕྱོགས་བརྒྱར་འགྱེད། །
ཉ་གང་ཟླ་བའི་མཛེས་སྡུག་འབར་བའི་མཁན་ཆེན་གང་དེ་རྒྱལ་གྱུར་ཅིག །
དེ་ལས་མང་བ་། “མཁན་ཆེན་ཚུལ་ཁྲིམས་བློ་གྲོས་མཆོག་ལ་བསྔགས་པའི་ཀ་ཕྲེང་ཁ་གསལ་དོན་ལྡན་མ་ཞེས་བྱ་བ།” »