ཀླུ་སྨྱོན་ཁྲག་འཐུང་གླིང་པ།
སྨྲ་བསམ་བརྗོད་དུ་མེད་པ་སེམས་ཉིད་ཀྱི་རང་བཞིན།།
སྔོན་གོམས་གཤིས་ལ་ཉལ་བའི་ཉི་འོད་ཀྱི་ཐིག་ལེ།།
བདེ་ཆེན་མེ་རུ་འབར་བ་ཉམས་རྟོགས་ཀྱི་རྦ་རླབས།།
སྙིང་གི་དྲོད་དུ་འཁྱིལ་བ་སྔགས་སྨྱོན་གྱི་གཟི་བྱིན།།
རྩ་གསུམ་ཐུགས་རྗེ་མཚམས་སྤྲིན་དམར་སེར་གྱི་ཀློང་ནས།།
ཐོལ་བརྒལ་ཡེ་ཤེས་ཉི་མ་འབུམ་ཕྲག་གི་འོད་རྣོན།།
ཀླུ་སྨྱོན།
རྒྱང་རིང་དུ་འཐེན་པའི་ནག་ཐིག་དེ་ནི་ཇ་རྟ་གནའ་ལམ་རེད། ལམ་དེའི་སྟེང་དུ་ཁྱོད་ཀྱི་མེས་པོ་གོང་མ་ཚོའི་རྣམ་ཤེས་དང་ཟུངས་ཁྲག ད་དུང་མིག་ཆུ་དང་སྐྱོ་གདུང་ཡང་འཐིམས་ཡོད། སྐད་ཆ་འདི་དག་མི་སྣ་སུས་དུས་ཚོད་ནམ་ཞིག་ལ་བརྗོད་པ་གསལ་བོ་མི་དྲན་ཅིང་། གནའ་ལམ་འདིའི་སྟེང་དུ་ཉིན་རྒྱུན་འཐིབ་པའི་ས་རྡུལ་སྐྱ་བོ་དེ་ཁོ་ན་ངའི་དྲན་འཛིན་གྱི་མེ་ལོང་ཆེན་པོ་དེའི་ངོར་བབས་འདུག
སྒེའུ་ཁུང་གི་ཕྱི་རོལ་དུ་དབྱར་ཟླ་དྲུག་པའི་ལྗོན་ཤིང་དང་མེ་ཏོག་གི་མཛེས་སྡུག་འབར་བཞིན་ཡོད་ལ། སེམས་གཏིང་གི་ཁྲོན་པ་དེའི་ནང་དུ་ལྕེབས་ཟིན་པའི་མི་གཤིན་པོ་དེ་དག་ཀྱང་
ཀླུ་སྨྱོན།
རི་སྐེད་སྨུག་པ་འཕྱུར་བའི་རྫ་ལུང་ན།།
རྫི་མོའི་ལ་གཞས་སྙན་པའི་ཡང་ལུང་ན།།
གཞོན་ནུའི་བརྩེ་དུང་འཁྱིལ་བའི་ཨ་ལུང་ན།།
ཨ་ལགས་ལོ་ཆུང་ཞིག་གི་གཏམ་རྒྱུད་བཞུར།།
མདང་ནུབ་ཆར་བ་བབས་པའི་སྨུག་རླངས་ཀྱིས།།
ད་ནངས་མེ་ཏོག་སྟོང་གི་འདབ་མ་བཀྲུས།།
ཀླུ་སྨྱོན།
—སྒོ་ཤེར་གྱི་དེབ་“སྐྱེས་ཆེན་གྱི་བཞུད་ལམ་”བཀླགས་རྗེས་ཀྱི་གཏམ།
སྒོ་ཤེར་ལགས་ཀྱི་རྩོམ་དེབ་སྔ་ཕྱི་རྣམས་བོད་ཕྱི་ནང་གང་སར་ཀློག་མཁན་མང་པོ་ཡོད་པའི་དཔེ་དེབ་ཀྱི་གྲས་སུ་ཚུད་ཡོད་པ་མ་ཟད། སྔ་ལོར་ཀླུ་སྨྱོན་རྩོམ་རིག་བྱ་དགའི་འོས་མིར་ཡང་ཁོང་བདམས་པ་རེད། ཡིན་ཡང་ཁོང་གིས་ཁེངས་སྐྱུངས་གནང་སྟེ་བྱ་དགའ་ཆུང་ཆུང་འདི་བཞེས་མེད། ཡིན་ན་ཡང་ཁོང་གིས་བྱ་དགའ་འདི་མ་བཞེས་པ་དེ་ཙམ་གྱིས་ཁོང་གི་ཤེས་རབ་ལས་མཆེད་པའི་རྩོམ་དེབ་ཀློག་རྒྱུར་དགའ་བའི་ཁོ་བོའི་འདུན་པ་དྲག་པོ་དེ་ནམ་ཡང་བསྒྱུར་དུ་མེད་པ་ཞིག་ཡིན།
དེ་ལས་མང་བ་། “རྗེ་ཙོང་ཁ་པ་དང་ལྷོ་བྲག་གྲུབ་ཆེན་གྱི་འབྲེལ་བའི་སྐོར་གླེང་བ།” »
ཀླུ་སྨྱོན།
དཔྱིད་ཀ
སྒལ་གཞུང་ལ་ཉི་འོད་དྲོན་པོ་དེ་ཕོག་པས།
ལུས་ཀྱི་བ་སྤུ་ཐམས་ཅད་ཀྱང་དཔྱིད་མགོའི་མེ་ཏོག་རེ་རེར་གྱུར་སོང་།
ཚེ་རིང་སྐྱིད།
འཛིན་མ་ཐུབ་པའི་དབྱར་ཁའི་འཇའ་ཚོན།
ཞུ་བ་ཐུབ་པའི་སེམས་ཀྱི་ཁ་བ།
བཅར་འདྲི་མཁན་བོད་ཀྱི་དུས་བབ་གསར་ཁང་།
བཀུར་འོས་རྩོམ་པ་པོ་ཀླུ་སྨྱོན་ཧེ་རུ་ཀ་ལགས། སྐུ་ཉིད་ཀྱིས་གུས་པའི་བཅར་འདྲི་དང་ལེན་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན་ལ། གཤམ་ནས་སྐུ་ཉིད་ལ་དྲི་བ་འགའ་དྲིས་ཡོད་པས་ལྗགས་ལན་ཡོད་པ་ཞུ་རྒྱུ་དང་། ཡང་སྐུ་ཉིད་ལ་གསུང་འདུན་ཡོད་ནའང་དྲི་བའི་ནང་དུ་སླེབས་མེད་རིགས་ལ་སྐུ་ཉིད་ཀྱིས་གསལ་འགྲེལ་གནོངས་དང་། དྲི་བ་རང་བཞིན་གྱིས་བསླེབ་ཡོང་གི་རེད། ཐུགས་རྗེ་ཆེ།
དྲི་བ། ཉེ་ཆར་སྐུ་ཉིད་ཀྱིས་རྒྱལ་སྤྱིའི་བོད་རིག་པའི་ཞིབ་འཇུག་ཚོགས་ཆེན་ཐེངས་༡༢ སྟེང་ཞུགས་པའི་མྱོང་ཚོར་སྐོར་གྱི་རྩོམ་ཡིག་ཅིག་སྤེལ་འདུག
ཀླུ་སྨྱོན། མི་ལ་རས་པའི་རྣམ་ཐར་ནང་དུ། ལ་སྟོད་ན་གུ་རུ་ཚེམས་ཆེན། དིང་རི་ན་དམ་པ་སངས་རྒྱས། བལ་བོ་ན་ཤི་ལ་བྷ་རོ། རྒྱ་གར་ན་དྷརྨ་བོ་དྷི། གཉའ་ནང་ན་མི་ལ་རས་པ། ཞེས་པ་སྐབས་དེ་དུས་ཕ་དམ་པ་དང་མི་ལ་རས་པ་ལྟ་བུའི་སྐད་གྲགས་ཅན་གྱི་གྲུབ་ཐོབ་ཅིག་གི་མིང་འདུག་མོད། ལོ་རྒྱུས་དེབ་ཐེར་ནང་གུ་རུ་ཚེམས་ཆེན་དེ་ཆོས་བརྒྱུད་གྲུབ་མཐའ་གང་གི་ཁོངས་སུ་གཏོགས་པ་དང་། བླ་མ་སུ་ཡིན་སོགས་ཁོང་གི་སྐུ་ཚེའི་རྣམ་ཐར་སྐོར་རྩད་གཅོད་བྱས་ཀྱང་ད་ཕན་ཅང་མ་རྙེད། ཁྱེད་ཅག་གིས་དེའི་སྐོར་ཞིབ་འཇུག་རེ་གནང་རོགས།
ཀླུ་སྨྱོན།
སྒྲུང་ཐུང་ཡིག་བརྒྱ་མ།
མདང་ནུབ་ཀྱི་ཁ་བས་རྡོ་ལ་རྡར་གྱི་རི་བརྒྱུད་ཧྲིལ་བོར་གངས་དཀར་གྱི་ན་བཟའ་བཀླུབས་འདུག སྒྲུང་དེབ་མཐུག་པོ་ཞིག་སིལ་བུར་གཏུབས་ནས་ནམ་མཁར་གཏོར་བ་དང་འདྲ་བའི་སྨུག་སྤྲིན་མཐུག་པོ་ཞིག་རི་རྩེ་ནས་ལྷོ་ཕྱོགས་སུ་སྐྱོད་བཞིན་ཡོད། ཁོས་གདོང་ཤིང་ནགས་མཐུག་པོའི་ཕྱོགས་སུ་འཁོར་ནས་གཅིན་པ་གཏོང་བཞིན་འདུག གཡས་ཕྱོགས་ཀྱི་ལྕགས་ཤོག་ཁང་པ་ནས་བེད་སྤྱོད་བཏང་ཟིན་པའི་སྦྲུམ་འགོག་འགྱིག་ཤུབ་ཀྱི་དྲི་མ་སྐྱུར་བོ་ཞིག་སྣ་ལམ་དུ་བར་མེད་འཐུལ་ཡོང་།
ཀླུ་སྨྱོན།
དེ་རིང་ངས་ཧམ་པ་བསྐྱེད་དེ་དུས་རབས་དགུ་པ་ནས་དར་མགོ་ཚུགས་པའི་འཇར་པན་གྱི་ཧའི་ཁུའུ་སྙན་ངག་གྲུབ་མཐའི་སྙན་ངག་པའི་ཚབ་མཚོན་Basho, Issa, soseki གསུམ་གྱི་སྙན་ངག་རེ་དབྱིན་ཡིག་ནས་བོད་སྒྱུར་བྱས་པ་ཡིན།
On old silent Pond
A frog jumps into the pond
Splash! Silence again.
ཁ་ཁུ་སིམ་པའི་ཆུ་རྫིང་རྙིང་པ་ཞིག
སྦལ་བ་ཞིག་ནི་ཆུ་རྫིང་ནང་དུ་མཆོངས།
ཟེགས་མ་གཏོར་ཏེ་ཡང་སྐྱར་ཁུ་སིམ་མེ།
ཀླུ་སྨྱོན་ཧེ་རུ་ཀ
དང་པོ།
གཏམ་རྒྱུད་འདི་གླེང་བར་དུས་ཚོད་རིང་པོ་ཞིག་ཕྱིར་བསྣུར་མ་བྱས་ཀ་མེད་རེད། དེ་དུས་ནི་ཚ་བ་མེ་ལྟར་འབར་བའི་རྒྱ་གར་ལྷོ་ཕྱོགས་ཀྱི་དགུན་དུས་ཤིག་རེད། ཉི་འོད་མེ་ལྟར་འབར་ཞིང་ས་གཞི་ལྕགས་ལྟར་མཁྲེགས། གྲྭ་རྐྱང་ཚོའི་གདོང་མདོག་ཇེ་ནག་དང་འགྲམ་པ་ཇེ་རྡིབ་ཡིན། སྤྲང་ཁྱི་ཚོའི་ལུས་ལ་རྨ་ཆགས་ཤིང་དེ་ལ་འབུ་འདེབ་པའི་དུས་ཚིགས་གདུག་པ་ཅན་ཞིག་ཀྱང་ཡིན། དེ་དུས་རྒྱ་གར་ལྷོ་ཕྱོགས་མོན་སྒོ་སྒྲིའི་ས་གནས་ཀྱི་སྐྱེ་བོ་ཀུན་གྱིས་གཡོལ་ཐབས་བྲལ་བའི་དུས་ཚོད་ཅིག་རེད། ཏག་ཏག་དུས་ཚོད་འདི་འདྲ་ཞིག་ལ་ང་རང་ཡང་ས་གནས་འདིར་བསྡད་ཡོད།
དེ་ལས་མང་བ་། “གདོང་ཐོག་རིན་པོ་ཆེ་དང་འབྲེལ་འདྲིས་བྱུང་བའི་མྱོང་ཚོར་རགས་གླེང་།” »
ཀླུ་སྨྱོན།
— — —
མི་ལོ་དུ་མའི་སྔོན་ནས་བཟུང་སྟེ་རྒྱལ་སྤྱིའི་ཅིག་ཅིག་མུག་མུག་ཟེར་བ་ཞིག་གོ་མྱོང་བའི་ཁྲོད་དུ། དགའ་མོས་ཆེ་ཤོས་དང་དོ་སྣང་ཆེ་ཤོས་གཉིས་ཀ་ཡིན་པ་ནི་རྒྱལ་སྤྱིའི་བོད་རིག་པའི་ཚོགས་འདུ་དེ་ཡིན་ཞིང་། དུས་དེབ་རེའི་སྟེང་དུ་དཔྱད་རྩོམ་ག་གེ་མོ་ཞིག་རྒྱལ་སྤྱིའི་བོད་རིག་པའི་ཚོགས་འདུའི་སྟེང་དུ་སྒྲོག་སྦྱང་བྱས་ཚུལ་འཁོད་དང་། རྩོམ་པ་པོ་ཆེ་གེ་མོ་ཡང་ཚོགས་འདུ་དེར་བསྐྱོད་ཚུལ་སྐབས་རེར་མཐོང་རྒྱུ་ཡོད། ཡིན་ན་ཡང་རྒྱལ་སྤྱིའི་བོད་རིག་པའི་ཚོགས་འདུ་མང་ཆེ་བ་ཡོ་རོབ་ཏུ་འཚོགས་པ་དང་། རང་ཉིད་ས་མཐའི་ལྡོམ་པོ་ཕྱི་བསྐྱོད་ལག་ཁྱེར་མེད་ལ་ལམ་སྣེའི་སྒོར་མོ་ཡང་མེད་པ་ཞིག་རྒྱལ་སྤྱིའི་བོད་རིག་པའི་ཚོགས་འདུར་ཇི་ལྟར་བསྐྱོད།
ཀླུ་སྨྱོན་ཁྲག་འཐུང་གླིང་པ།
སྙིང་གི་རྩ་མདུད་གྲོལ་བའི་ཆེད། །རྩ་གསུམ་ལྷ་ལ་གསོལ་བཏབ་པས། །རང་སྣང་ཌྰ་ཀིའི་གཟི་བྱིན་འབུམ། །འཇའ་འོད་ཀློང་ནས་ས་ལ་བབས། །རྡུལ་བྲལ་འཇིག་རྟེན་དཀར་པོའི་ཞིང་། །ངོ་མཚར་ཌྰ་ཀིའི་ཞིང་ཁམས་སུ། །གཅིག་དང་དུ་མར་འཕྲུལ་བའི་གར། །རྡོ་རྗེའི་རོལ་བ་འབྱམས་སུ་ཀླས། །འདོད་པའི་མྱོས་བུམ་མཁྲངས་ཟླུམ་ཞིང་། །བྷ་གའི་དཀྱིལ་འཁོར་ཆེར་གདངས་པའི། །དགའ་མ་བྱུ་རུའི་མདོག་ཅན་ཞིག །སྒྱུ་རྩལ་དྲུག་ཅུའི་ཀློང་ན་བརྒྱལ། །མ་དག་སྒྱུ་ལུས་འདོར་བ་དང་། །དག་པའི་གཟིགས་མོར་རོལ་བའི་ཕྱིར། །ཡང་ཡང་གསོལ་བ་བཏབ་པ་དང་། །སྒོ་གསུམ་དཀྱིལ་འཁོར་མཆོད་པར་བཤམས། །
ཀླུ་སྨྱོན།
ལོ་གསར་པའི་ནང་།
ཞིང་གྲོང་ནས་རླུང་བུ་བཞིན་ལྡང་བའི་མཛེས་མ་ཁྱུ་གཅིག་གྲོང་ཁྱེར་དུ་ལས་ཀ་འཚོལ་བར་ཆས་རྒྱུ་རེད།
ཁོ་མོ་ཚོའི་ལང་ཚོའི་མེ་ཏོག་ལ་བཀྲག་མདངས་འཚེར་ཞིང་།
ད་དུང་ཞེན་ཆགས་ཀྱི་དྲི་བསུང་ཡང་བར་མེད་དུ་འཐུལ།
སྟོད་གོས་ཁྲ་ཁྲ་སིལ་སིལ་དེ་ཚོའི་འོག་ན།
དཀར་ཞིང་ཟླུམ་པའི་མྱོས་བུམ་ཆ་རེ་ཡང་སུ་ཞིག་གི་ལག་པས་སྐྱོར་བར་གྲ་སྒྲིག་ཨང་བསར་ཡོད།
ཀླུ་སྨྱོན།
ཐོག་མར་ནུབ་ཕྱོགས་སུ་བསླེབས་དུས་བོད་པའི་བླ་མ་ལ་ལས་ཕྱི་གླིང་བར་ཆོས་འཆད་དུས་ཀུ་རེ་སྣ་ཚོགས་ཀྱིས་ཆོས་ཉན་པ་ཚོ་བཞད་གད་ཐག་གེ་བཟོས་དང་བཟོ་བཞིན་ཡོད་པར་དོ་སྣང་བྱུང་ལ། དེ་ཡང་དང་པོར་བོད་ཀྱི་ཆོས་བཤད་པའི་སྐབས་སུ་ངེས་འབྱུང་དང་སྙིང་རྗེའི་ཀུན་སློང་གིས་ངོ་གནག་སེམས་སྐྱོ་ནས་ཆོས་བཤད་ཉན་བྱེད་དགོས་པ་དེའི་ཤུགས་རྐྱེན་གྱིས་ཆོས་འཆད་སྐབས་ཀུ་རེ་རྩེ་བ་དེར་མི་བདེ་བའི་ཚོར་བ་ལན་མང་སྐྱེས་མྱོང་། ཡིན་ཡང་བོད་ཀྱི་བླ་མ་གོང་མའི་ཁྲོད་དུ་ཡང་ཆོས་འཆད་སྐབས་ཀུ་རེ་རྩེ་མཁན་མེད་པ་མ་ཡིན་ཏེ།
ཀླུ་སྨྱོན།
འཇམ་མགོན་ཆོས་ཀྱི་རྒྱལ་པོ། །
གངས་ཅན་མཁས་པའི་གཙུག་རྒྱན། །
ཟོལ་བསྟོད་འདི་ཚོ་མེད་ན། །
ཁྱོད་ནི་ཨ་མདོའི་གྲྭ་རྐྱང་། །
དགེ་འདུན་ཆོས་འཕེལ་ཇི་བཞིན། །
གྲྭ་པ་གྲྭ་རྐྱང་ཞིག་གིས། །
ཕ་ཡུལ་ཨ་མདོ་བསྐྱུར་ནས། །
ཀླུ་སྨྱོན།
་་་ ་་་ དགུན་ཟླ་རིང་མོ་ཞིག་བསུ་རྩོམ།
བཞི་བརྒྱ་རྩ་བཞིའི་ནད་ཀྱིས་ཟིན་ཀྱང་སྨན་རིགས་ཟོས་ན་གསོན་པར་བཤད། །
ནམ་གུང་གདོན་འདྲེ་ངུ་བ་ཐོས་ཀྱང་གསོལ་བ་བཏབ་ན་ཕན་ལུགས་ཐོས། །
ཆུ་ཟླའི་རི་མོ་རབ་རིབ་གསལ་དུས་སྙན་ངག་བྲིས་ན་ཡག་རབས་བརྗོད། །
འདི་དག་ཚང་མ་འཇིག་རྟེན་ཞིག་གིས་རང་མགོ་གཡོག་པའི་ཟློས་གར་ཉིད། །
ཆུ་ཚོད་སྐར་མ་ལོ་དང་ཟླ་བ་མི་ཚེ་འཚེམ་པའི་ཁབ་སྐུད་དེ། །
ལྷན་པ་རལ་ཞིང་རྐང་བ་མཐོང་ཀྱང་ད་དུང་ཨ་ཀྱོག་པ་ཀྱོག་ཉིད། །
ཆུ་ཁར་ཐོན་དུས་རྟ་ཁ་འཐེན་ན་ཨེན་ཙམ་མིན་པར་རང་སྲོག་འཆོར། །
དུས་ངན་འདི་ལ་སྨྱུག་མ་འབོལ་ཀྱང་ཆང་རག་ཐིགས་པ་གཅིག་མི་ལྡུད། །
དེ་ལས་མང་བ་། “བདེ་བའི་ངོགས་སུ་འཚེར་བའི་སྡུག་བསྔལ་གྱི་འོད།” »
ཀླུ་སྨྱོན་ཧེ་རུ་ཀ
སྐར་མ་རྡོག་གཅིག་ས་རུ་ལྷུང་བ་འམ། །
ཆུ་རྡུལ་ཕྲ་མོ་གནམ་དུ་འཕུར་བ་བཞིན། །
རྣམ་ཤེས་ཁེར་རྐྱང་སྨུག་པའི་ཞོགས་ལྗོངས་སུ། །
སྟོན་ལོ་སེར་པོ་ཞིག་གི་ཁུག་ཏུ་སྐྱེས། །
འབུ་སྲིན་གཅིག་ལ་གཅིག་བཟའི་ཟློས་གར་གྱིས། །
མི་ཚེའི་གོ་རིམ་གཏམ་རྒྱུད་བཞིན་དུ་བྲིས། །
ལམ་ཞུགས་མགྲོན་པོའི་སྐད་ཆ་རྫོགས་མེད་ཀྱིས། །
འཆར་ཡན་གཡོ་སྒྱུའི་ངོ་འབག་གྱོན་སྟངས་སྦྱངས། །
ཀླུ་སྨྱོན།
མི་ཚེ་འདི་ནི་ཅི་ཞིག་ཡིན། །
འདི་ནི་འོ་མ་ཕོར་གང་ཡིན། །
ཞག་གཅིག་བྲོ་བ་མངར་སིང་སིང་། །
དེ་ནས་རུལ་ཏེ་རང་མདོག་སྟོན། །
མི་ཚེ་འདི་ནི་ཅི་ཞིག་ཡིན། །
འདི་ནི་མཛེས་མའི་ཟུར་མིག་ཡིན། །
ཉིན་གཅིག་སྙིང་ལ་དགའ་ལྷང་ལྷང་། །
དེ་ནས་གཟིར་ཏེ་ངེས་འབྱུང་བསྐྱེད། །
ཀླུ་སྨྱོན།
་་་་་་་རྨི་ལམ་ནང་དུག་འཐེན་པའི་ཚོར་བ་དངོས་བྲིས།
ཉི་མ་སྐྲག་སྣང་ཆེན་པོས་ནུབ་རིར་བྲོས། །
ཟླ་བ་ངོ་ཚ་མེད་པར་གཅེར་བུར་རྒྱུ། །
མུན་པའི་གྲོང་ཁྱེར་ཆེན་མོའི་ཐུ་འོག་ནས། །
སྦྲིད་སྨན་ཚོང་ཁང་སྒོ་མོ་ཆེ་ཆེར་ཕྱེས། །
སྤྲང་པོས་གསེར་གྱི་སྒོར་མོ་རྩི་བ་དང་། །
ཕྱུག་པོས་གད་སྙིགས་འཐུ་བའི་ཁུག་ཀྱོག་ཏུ། །
རང་ལ་མེད་ཀྱང་གཞན་ལས་བརྐུས་པ་ཡི། །
སྦྲིད་སྨན་འཐུང་བའི་མི་ཚོགས་སྐོར་ཞིག་འདུས། །
རྩོམ་འབྲི་བ། འཇམ་དབྱངས་ཤེས་རབ།
རྡོ་གྲུབ་ཆེན་ལྔ་བ་༧ཐུབ་བསྟན་ཀློང་ཡངས་རིག་འཛིན་རྒྱ་མཚོ་མཆོག་གི་ངོ་མཚར་བའི་མཛད་པ་ཁ་ཤས་ཟུར་གསལ་གྱི་ཚུལ་དུ་ཞུ་བ།
(སྐྱེས་བུ་དམ་པ་འདི་ནི་ཟབ་གསང་འོད་གསལ་ཀློང་ཆེན་སྙིང་གི་ཐིག་ལེའི་བསྟན་པའི་མངའ་བདག་རྡོ་གྲུབ་ཆེན་རིན་པོ་ཆེའི་སྐུ་ཕྲེང་བཞི་པ་རིག་འཛིན་བསྟན་པའི་རྒྱལ་མཚན་ནམ་རིག་འཇའ་ལུས་རྡོ་རྗེའི་ཡང་སྲིད་འཁྲུལ་མེད་དུ། དཔོན་བླ་དབང་ཆེན་ཉི་མ། རྡོ་གྲུབ་ཆེན་ཐུབ་བསྟན་ཕྲིན་ལས་དཔལ་བཟང་པོ། མཁའ་འགྲོ་ཏ་རེ་ལྷ་མོ། སེ་ར་ཡང་སྤྲུལ་སོགས་དམ་པ་དུ་མས་མགྲིན་གཅིག་ཏུ་བསྔགས་པ་ཡིན་ཚུལ་ཁོ་བོས་བྱས་པའི་རྗེ་འདིའི་མཛད་རྣམ་མདོར་བསྡུས་སུ་གསལ་ལ། འདིར་ཁ་བྱང་ལྟར་ངོ་མཚར་བའི་མཛད་པ་ཁ་ཤས་ཟུར་གསལ་དུ་ཞུས་པ་ཡིན།)