Voice for The Voiceless : རང་དབང་བྲལ་བའི་མགྲིན་ཚབ་པ།  Over seven decades of struggle with China for my land…

དེ་ལས་མང་བ་། “རང་དབང་བྲལ་བའི་མགྲིན་ཚབ་པ། ” »

རྫ་ཚེ་རིང་བཀྲ་ཤིས། ངས་ཉེ་ཆར་རང་མཁན་ཆེན་ཚུལ་ཁྲིམས་བློ་གྲོས་ཀྱིས་བོད་སྐད་ཀྱི་མིང་མཛོད་རྩོམ་བསྒྲིགས་ཀྱི་ཕྱག་ལས་གནང་ནས་ལོ་ཧྲིལ་པོ་ཉི་ཤུ་ཕྱིན་པ་དང་། གནམ་ལོ་ཉེར་གཅིག་པའི་ལས་ཀའི་དབུ་འཛུགས་ཀྱི་ཚོགས་འདུའི་ཐོག་ཏུ་གསུངས་པའི་བཀའ་སློབ་ཅིག་ལ་མཉན། སྤྱིར་བཀའ་སློབ་དེའི་ནང་དོན་ནི་མིང་མཛོད་རྩོམ་སྒྲིག་དང་འབྲེལ་བའི་ལས་དོན་སྙན་ཞུ་ལྟ་བུ་ཞིག་རེད། བཀའ་སློབ་དེ་ལྟ་ཉན་ཞུ་མཁན་དང་བརྒྱུད་འགོད་བྱེད་མཁན་ནི་དྲ་སྒང་ཧྲིལ་པོར་ཁྱབ་པ་ལྟར་བྱུང་། མང་པོ་ཞིག་གིས་སེམས་འགུལ་ཐེབས་པའི་ཚོར་བ་གྲོགས་ཚོམས་སུ་བྲིས་པ་དག་མཇལ། ང་ལ་ཡང་ཚོར་སྣང་ཤིན་ཏུ་ཆེན་པོ་བྱུང་། ཡིན་ན་ཡང་། ཚོར་བ་དེ་ནི་དགའ་སྐྱོ་འདྲེས་མ་དང་། སྔངས་སྐྲག་དང་སེམས་ཁྲལ་གྱི་ཚོར་བ་འཇིགས་ཡེ་རེ་བ་ཞིག་ལས་རེ་བས་ཁེངས་པའི་ཚོར་བ་སྤྲོ་ལྷང་ངེ་བ་ཞིག་མ་རེད། ཁོང་རྣམ་པའི་ཕྱག་ལས་དེ་ནི་ཧ་ཅང་རླབས་ཆེན་ཡིན་ན་ཡང་། ཕྱོགས་གཞན་ཞིག་ནས་ཧ་ཅང་ཉོབ་ཏོ་དང་ཁེར་རྐྱང་། ཚར་རྒྱུ་དང་རྫོགས་རྒྱུ་མེད་པ་ཞིག་དང་། ངང་རྒྱུད་རིང་པོས་ཕྱག་ལས་གནང་ཐུབ་པའི་སྙིང་སྟོབས་ཤིན་ཏུ་བརྟན་པོ་ཕ་བོང་ལྟ་བུ་ཞིག་མེད་ན་འཁྱོངས་དཀའ་བ་ཞིག་རེད། ད་དུང་དྲིན་ལན་ལོག་འཇལ་དང་བཀའ་དྲིན་ལ་བསམ་ཤེས་མེད་པའི་སྨྲ་བ་ཁྲི་སྟོང་གི་ཁྲོད་ནས་མཚམས་མཚམས་བློ་ཕམ་དང་ཡི་ཆད་ཀྱི་ཚོར་བའང་སྐྱེ་སྲིད་མོད།…

དེ་ལས་མང་བ་། “སྐར་མདའི་བཞུད་ལམ་དེད་ནས་མིང་མཛོད་མཇལ།” »

 ཚེ་བརྟན་འགྱུར་མེད། ༈ ཕྱི་ལོ་༢༠༢༥ ཟླ་ ༡ ཚེས་ ༢༤ རེས་གཟའ་པ་སང་ཞོག་པ་ཆོུད་ ༡༠ ཙམ་ལ་ང་རང་ནམ་རྒྱུན་ལྟར་ཞོག་ཇ་ཞིག་གྲ་སྒྲིག་ཏུ་ཡིད་འཐད་པའི་སྐབས་ཁོག་བྲང་ཕྲན་ཙམ་རྒྱས་ངལ་མཉམ་ཡིད་བསམ་གཉིས་ཀྱང་ངལ་དུབ་དུ་འཁོལ་ལགས། གོང་ཞུས་བྲང་རྒྱས་ངལ་མཉམ་ཡིད་བསམ་གཉིས་ཀྱང་ངལ་དུབ་ཀྱི་བྱུང་རྐྱེན་གང་ཡིན་ཞིབ་སྐབས་གནད་དེ་རང་རེ་གཞིས་བྱེས་བོད་མིའི་ཡིད་ལ་བརྣག་པའི་འདོད་དོན་ཁ་བ་གངས་ཅན་ལྗོངས་སུ་མཉམ་འཛོམས་ཐད་རང་རེའི་སྤྱི་ཚོགས་ནང་དོ་འཁུར་དབེན་པའི་ཐབས་སྐྱོ་དང་བྱ་བྲལ་གྱི་རང་བཞིན་ཞིག་མཐོང་བཞིན་པ་དེ་ཡིན་འདུག དུས་ཚོད་གང་འཚམས་རྗེས་སོ་སོའི་ལྟོ་གོས་སླད་ལས་ཀར་འགྲོ་ལམ་དུ་དོ་འཁུར་དབེན་པའི་ཐབས་སྐྱོ་དང་བྱ་བྲལ་གྱི་རང་བཞིན་དེར་བསམ་ཞིབ་སྐབས་ཆུ་དཀྲོག་སྟེ་མར་ཐོན་རེའི་བསམ་པ་འཕར་བཞག་རང་རེའི་བདེན་དོན་ལ་ཡང་རེ་བསམ་ཞན་སྐྱོིན་ནམ་སྤྱི་བསམ་སྐྱོ་བའི་རྟགས་ཤིག་སྤྱི་སྒེར་གཉིས་ཕྱོགས་སུ་ལྷགས། དེ་ཡང་རྒྱུ་རྐྱེན་དུ་དོན་ངེས་ཞན་གནས་སམ་དོགས་གནས། སྒེར་སྤྱི་སེམས་དབེན་མཉམ་སྤྱི་ཚོགས་དང་དེའི་འགན་པོས་གཞན་ལ་དགེ་སྐུལ་དཀོན་གནད་དམ་གལ་པོ་ཆེ་ལ་ནན་གཏན་ཉུང་སྐྱོན་སོགས་གནས་དོན་མི་ཉུང་ཙམ་ཞིག་ལས་གྱར་གནས། སྒེར་དེ་ཡང་ཚང་མ་སྤྱི་སེམས་དབེན་བ་ཞིག་ག་ལ་ཡིན།…

དེ་ལས་མང་བ་། “བོད་མི་ང་ཚོའི་འཐབ་རྩོད་ལ་སྤྱི་སེམས་ཀྱི་ཞེན་སྐུལ།” »

གཞུང་པ་ཚེ་དབང་བསོད་ནམས། མི་ཡི་སྤྱི་ཚོགས་ནང་རོགས་དངུལ་དང་རོགས་སྐྱོར་ཟེར་བའི་ཐ་སྙད་དང་ལམ་ལུགས་དེ་འཛམ་གླིང་དམག་ཆེན་གཉིས་པའི་རྗེས་སུ་དར་བ་ཞིག་ཡིན་པ་དང་། ལྟ་བའི་འགལ་ཟླའི་འོག་ནས་འཛམ་གླིང་དམག་ཆེན་དང་པོ་དང་གཉིས་པའི་སྒྲུབ་འབྲས་བརྒྱུད་ནས་ཕམ་ཉེས་དང་། གཏོར་བཤིགས། གྱོང་གུན། བསད་རྨས་སོགས་བྱུང་བའི་གྱོང་གུན་དེ་དག་སླར་གསོ་དང་འཛུགས་བསྐྲུན་ཆེད་རོགས་དངུལ་དང་། ཟས་གོས་སོགས་ཀྱིས་རོགས་ཕན་བྱ་རྒྱུའི་ལམ་ལུགས་དེ་ནས་དར་བ་དང་། ང་ཚོ་བོད་མི་ཚོ་རྒྱ་མིའི་བཙན་གནོན་འོག་ནས་རྒྱ་བལ་འབྲུག་གསུམ་ནང་ངོ་ཤེས་པ་ས་གནམ་གཉིས་ལས་མེད་པའི་དུས་སྐབས་སུ་༧ གོང་ས་མཆོག་གིས་རླབས་ཆེན་མཛད་འཕྲིན་འོག་འཛམ་གླིང་རྒྱལ་སྤྱིའི་ང་ཚོར་རོགས་རམ་ཟས་གོས་དང་། གནས་ཡུལ་རྒྱ་གར་གཞུང་ནས་ང་ཚོར་སྡོད་གནས་བཟོ་གཞིས་འཛུགས་བསྐྲུན་ཆེད་ས་ཁང་གིས་རོགས་རམ་དང་། དེང་སྐབས་ཨ་རིའི་རོགས་དངུལ། ༼ USAID ༽ བརྒྱུད་ནས་བཙན་བྱོལ་བོད་མིའི་དབུས་སའི་སྒྲིག་འཛུགས་ལ་རོགས་དངུལ་དབྱར་གྱི་ཆར་པ་ལྟར་བབས་བཞིན་པ་ལ་ང་ཚོའི་ངོས་ནས་རྗེས་སུ་ཡིད་རངས་དང་ཐུགས་རྗེ་ཆེ་ཞུ་དགོས་པ་དང་།…

དེ་ལས་མང་བ་། “རང་མི་རང་ལས། རང་ཁ་རང་གསོ། རང་དོན་རང་གཅེས། རང་འགན་རང་འཁུར་བྱས་ནས་གཞན་བརྟེན་འཚོ་སྐྱེལ་གྱི་བསམ་བློ་དོར་དགོས་པའི་དུས་ལ་བབས་མི་འདུག་གམ།” »

གཞུང་པ་ཚེ་དབང་བསོད་ནམས། དང་པོ། ༽ བོད་མི་མང་གི་སྐུ་ཚབ་སྤྱི་འཐུས་ཀྱི་འོས་བསྡུའི་ལས་རིམ་ནང་འདྲ་མཉམ་མེད་པ་སྡེ་ཚན་འགའ་ཤས་ལ་རང་གི་སྐུ་ཚབ་སྤྱི་འཐུས་བཅུ་གཉིས་འདེམས་བཞིན་པ་དང་། སྡེ་ཚན་འགའ་ཤས་ལ་རང་གི་སྐུ་ཚབ་སྤྱི་འཐུས་བཅུ་རེ་འདེམས་བཞིན་པ་དང་། ས་ཁུངས་འགའ་ཤས་ལ་ཆོལ་ཁ་དང་ཆོས་ལུགས་དབྱེ་བ་མེད་པ་རང་གི་སྐུ་ཚབ་སྤྱི་འཐུས་གཉིས་རེ་འདེམས་བཞིན་པ་དང་། ས་ཁུངས་འགའ་ཤས་ལ་ཆོལ་ཁ་དང་ཆོས་ལུགས་དབྱེ་བ་མེད་པ་རང་གི་སྐུ་ཚབ་སྤྱི་འཐུས་གཅིག་རེ་འདེམས་བཞིན་པ་བཅས་། ད་ལྟའི་ང་ཚོའི་སྤྱི་འཐུས་གྲོས་ཚོགས་ཀྱི་འཐུས་མིའི་འོས་བསྡུ་སྟངས་དེ་ཆ་སྙོམས་སམ་འདྲ་མཉམ་མེད་པ་ནི་མང་གཙོ་དང་། དྲང་བདེན་། འདྲ་མཉམ་། ཁྲིམས་ཀྱི་དབང་བསྒྱུར་ཟེར་བའི་གོ་དོན་དང་མ་མཐུན་པ་ནས་བོད་ཀྱི་ཡུལ་མི་ཚང་མར་འདྲ་མཉམ་གྱི་འོས་ཤོག་༼ Right of equal Vote…

དེ་ལས་མང་བ་། “སྤྱི་འཐུས་ཀྱི་འོས་བསྡུའི་ལས་རིམ་དང་འབྲེལ་བའི་སྐོར་ལ་རང་གི་བསམ་ཚུལ་གླེང་བ།” »

མགར་རྡོར། 1 དེང་གི་ངའི་སྡོད་གནས་ནི་བལ་ཡུལ་རྒྱལ་ས། ཀཱ་ཐི་མན་ཀྲོས་ཅེས་པའི་མི་ཚོགས་རབ་ཏུ་མང་བའི་གྲོང་ཁྱེར་ཆེན་པོ་ཞིག་ཡིན། དེ་བས་གྲོང་ཁྱེར་འདི་གཞི་ལ་བཞག་ནས་རྩོམ་ཡིག་འདི་འབྲི་རྒྱུ་ཡིན། ཕྱི་སྡོད་བོད་མི་དག་ཁ་འཐོར་དུ་གནས་པའི་གྲོང་དང་གྲོང་ཁྱེར་གཞན་དག་ལའང་རིགས་བསྒྲེ་རིགས་སོ།། 2 རྒྱལ་སའི་གྲོང་ཁྱེར་འདི་གཙོར་བྱས་ཡུལ་འདིར་བོད་མི་ཁྲི་གཉིས་མ་ཟིན་ཙམ་གནས་སྡོད་བྱེད་བཞིན་ཡོད། གནས་འདིའི་ཡུལ་མི་རྣམས་རིགས་གཉིས་སུ་དབྱེ་བར་རིགས། ཧི་མ་ལ་ཡའི་བྷོས་ཊས་རིགས་དང་བྷོན་ཆ་ཏི་རས་ཀྱི་རིགས་སོ།། དང་པོ་ནི་ཡུལ་འདིའི་གྲངས་ཉུང་མི་རིགས་ཡིན་ལ་ཕྱི་མ་ནི་མི་རིགས་ཆེན་པོར་བརྩི། ཧི་མ་ལ་ཡའི་བྷོས་ཊས་མི་རྣམས་ཀྱི་རྩ་བའི་རིགས་དེ་བོད་རིགས་ཡིན་པ་གསལ་བོ་རེད། བྷོས་ཊས་ནི་བོད་ཅེས་པའི་དོན་ཡིན་པ་ཁོང་ཅག་གིས་ཀྱང་འདོད། བྷོས་ཊས་རྣམས་ཀྱི་གདོང་གི་དབྱིབས་དང་ཁའི་སྐད་ཆ། དད་མོས་བྱེད་སའི་ཆོས་ལུགས་དང་ཡུལ་སྲོལ་གོམས་གཤིས་སོགས་སྟོད་བོད་དང་དབྱེ་བ་མེད།…

དེ་ལས་མང་བ་། “གྲོང་ཁྱེར་ནང་གི་བོད་པའི་བུ་མོ་མེ་ཏོག་མ་ཚོའི་མེ་ཏོག་གསང་བའི་ཕམ་ཚོང་དུ་འགྱུར་བཞིན་འདུག” »

 ༼ བོད་མི་མང་སྤྱི་འཐུས་ལྷན་ཚོགས་མ་འཚོགས་གོང་གི་གོ་སྐབས།༽             བསྟན་འཛིན་རྣམ་རྒྱལ་གྱིས་སྤྱི་ལོ་༢༠༢༤་སྤྱི་ཟླ་༡༡་ཚེས་༡་ཉིན་ལ། ཉེ་ཆར་ཁྲིམས་ཞིབ་པ་གསར་བ་བསྐོ་འཇོག་བྱ་རྒྱུའི་རྩ་ཁྲིམས་བསྐྱར་བཅོས་ལ་གྲོས་ཚོགས་ཀྱི་རྩ་འབོར་གསུམ་ཆ་གཉིས་སྟེ་མང་མོས་བྱུང་བ་ནི་བསམ་ཡུལ་ལས་འདས་པའི་བཟང་ཕྱོགས་ཀྱི་འགྱུར་བ་ཞིག་རེད། གལ་ཏེ་གསུམ་ཆ་གཉིས་ཀྱི་མཉམ་འབྲེལ་འདི་མུ་མཐུད་དུ་མཉམ་གནས་ཐུབ་ཚེ།  གྲོས་ཚོགས་མ་འཚོགས་པའི་གོང་རོལ་དུ་གྲོས་ཚོགས་ཡར་རྒྱས་གཏོང་ཆེད་དང་། སྤྱི་ཚོགས་སུ་ཡུན་རིང་ལྷག་པའི་བོད་མི་དཀྱུས་མའི་འོས་འདེམས་ཐོབ་ཐང་དང་འབྲེལ་བའི་མང་ཚོགས་ཀྱི་བསམ་འཆར་གཉིས་ཐག་གཅོད་བྱེད་རྒྱུའི་གོ་སྐབས་ཤིག་ཅིའི་ཕྱིར་ཕུལ་མ་ཆོག་པ་ཡོད།             ང་ཚོའི་གྲོས་ཚོགས་ཡར་རྒྱས་གཏོང་རྒྱུའི་བསམ་འཆར་མང་པོ་ཡོད་ཀྱང་། ཐོག་མར་ཡར་རྒྱས་གཏོང་ཐུབ་པའི་གོམ་པ་སྟབས་བདེ་གཉིས་ཡོད། གནད་དོན་དོན་ཚན་གཉིས།      ༼དང་བོ།༽ཆོས་བརྒྱུད་སྤྱི་མཐུས་ཁག་ལ་འོས་ཤོག་འཕེན་པའི་ཐོབ་ཐང་དེ་གྲྭ་བ་དང་བཙུན་མ་ཁོ་ན་ལས་མེད་པ།  ༼གཉིས་པ།༽ རྒྱ་གར་དང་བལ་ཡུལ་གནས་བཞུགས་བོད་མི་ཚོས་ཁོང་ཚོའི་འོས་མི་བཅུ་ལ་འོས་ཤོག་འཕེན་ཆོག་གི་ཡོད་ཀྱང་། ས་གནས་གཞན་ཁག་ཏུ་འོས་ཤོག་གཅིག་དང་གཉིས་ལས་མེད། ཐབས་ལམ།…

དེ་ལས་མང་བ་། “དམངས་གཙོའི་ལམ་ལུགས་མདུན་དུ་བསྐྱོད་པར་སྐུལ་འདེད།” »

བེ་རི་རིག་པའི་རྡོ་རྗེ། ནང་དོན་གནད་བསྡུས། རྩོམ་ཐུང་འདིའི་ནང་དུ་དུས་འཁོར་ཇོ་ནང་འགྱུར་དུས་ནམ་ཞིག་ལ་ལོ་ཙཱ་བ་སུ་ཞིག་གིས་ཚུལ་ཇི་ལྟར་བསྒྱུར་ཚུལ་དང་། དེའི་ཐུན་མིན་ཁྱད་ཆོས། ད་ལྟ་དེ་དག་བཀའ་བསྟན་གང་དུ་བཞུགས་ཚུལ་སོགས་གསལ་བཤད་བྱས་ཡོད། བརྡ་ཆད་གཙོ་བོ། དུས་འཁོར་ཇོ་ནང་འགྱུར། དཔལ་ལྡན་བླ་མ་དམ་པ་ཆོས་ཀྱི་རྗེ་ཐམས་ཅད་མཁྱེན་པ། ཀུན་མཁྱེན་དོལ་པོ་སངས་རྒྱས། ཇོ་ནང་ལོ་ཙཱ་བ་བློ་གྲོས་རྣམ་གཉིས། ལོ་ཙཱ་བ་བློ་གྲོས་རྒྱལ་མཚན། ལོ་ཙཱ་བ་བློ་གྲོས་དཔལ་བཟང་། དཔང་བོ། ཞུས་ཆེན། འགྱུར་བཅོས།…

དེ་ལས་མང་བ་། “དུས་འཁོར་ཇོ་ནང་འགྱུར་གྱི་སྐོར་རོབ་ཙམ་གླེང་བ།” »

ཏཱ་ལའི་བླ་མ་མཐོ་སློབ། བློ་བཟང་། བཀླག་བྱའི་དེབ་མིང་། བཙན་བྱོལ་ནང་གི་རང་དབང་།  དབྱིན་མིང་།        Freedom in Exile དབྱིན་ཡིག་ཡིག་འབེབས་པ། Alexander Norman བོད་བསྒྱུར།        བསྟན་འཛིན་ཤེས་རབ།  དཔར་དུ་བསྐྲུན་ལོ།      ༢༠༡༧ དཔར་དུ་བསྐྲུན་ཡུལ། རྡ་སའི་བོད་ཀྱི་དཔེ་མཛོད་ཁང་། དང་པོ། ཐོག་མའི་གླེང་སློང་བ། ཐེངས་འདིའི་ཁོ་བོའི་བཀླག་བྱའི་དེབ་ནི་༧གོང་ས་མཆོག་གི་རང་རྣམ་བཙན་བྱོལ་ནང་གི་རང་དབང་ཞེས་པ་དེ་ཡིན། དེ་སྔོན་ཁོ་བོས་དེབ་དེའི་ཚན་པ་རེ་འགའ་བཀླགས་མྱོང་བ་ལས་མགོ་མཇུག་ཚང་བ་ཞིག་བཀླགས་མྱོང་མེད། དེ་ཡང་ ༢༠༢༠ ལོའི་ནད་ཡམས་ཀྱི་ཐེམ་སྤང་བཀའ་རྒྱའི་སྐབས། ཁོ་བོ་ཟླ་ངོ་བཅུ་ལྷག་ལམ་གྲོགས་ཤིག་དང་ལྷན་རྡ་སར་བསྡད་ཅིང་། སྐབས་དེར་ཕྱི་རྒྱལ་དུ་སྡོད་པའི་ངའི་ལམ་གྲོགས་དེའི་ཆུང་སྐྱེས་གྲོགས་པོ་ཞིག་གིས་ཁོ་ལ་དེབ་དེ་བོད་ཀྱི་དཔེ་མཛོད་ནས་བླུ་བར་བསྐུལ། ཁོ་གཉིས་ཀྱི་ལབ་གླེང་ཁྲོད་དེབ་འདིའི་སྐོར་གྱི་ཁྱད་ཆོས་མང་པོ་ཞིག་ཐོས་ཤིང་། བཀླག་འདོད་ཀྱི་འདུན་པ་ཞིག་ཀྱང་འགོག་མེད་དུ་སྐྱེས། ཁོ་བོར་མཚོན་ན་དེབ་འདིའི་སྐོར་ཐོས་པ་ཐེངས་དང་པོ་ཡིན་ཞིང་། དེབ་དེ་ཕྱི་ཡུལ་གྱི་རང་དབང་ཞེས་པའི་ཕྱག་དེབ་དེའི་འགྱུར་གསར་ཞིག་ཡིན་པའང་གཞི་ནས་ཤེས།  ཕྱིས་དོན་དེའི་ཆེད་ངེད་གཉིས་བོད་ཀྱི་དཔེ་མཛོད་ཁང་དུ་སོང་མོད། ནད་ཡམས་ཀྱི་རྐྱེན་གྱིས་སྒོ་ཕྱེ་མེད་སྟབས་ཉོ་སྟབས་མ་འགྲིག་མོད། རྗེས་སུ་མེག་ལོར་གྱི་དཔེ་ཁང་ཞིག་ནས་དེབ་དེ་རག་ཏེ་བླུས། དེབ་དེ་བསྐུར་རག་བར་གྱི་ཉིན་གྲངས་ནང་ངེད་གཉིས་རེས་མོས་ཀྱིས་བཀླགས་མོད་ཁོ་བོས་ཚན་པ་ཁ་ཤས་ལས་བཀླགས་མ་ཚར། དེ་བས་ཐེངས་འདིའི་༧ གོང་ས་མཆོག་གི་ཕྱག་དེབ་དཔེ་ཀློག་གི་གོ་སྐབས་འདི་དམ་དུ་བཟུང་ནས་ཕྱག་དེབ་འདི་མགོ་ནས་མཇུག་བར་དུ་བཀླགས་པ་ཡིན། གཉིས་པ། ཕྱག་དཔེ་འདིའི་རྒྱབ་ལྗོངས་ངོ་སྤྲོད། ཕྱག་དེབ་འདི་ནི་༧ གོང་ས་མཆོག་གི་རང་རྣམ་གཉིས་པ་སྟེ། ཕྱི་ལོ་ ༡༩༥༩ ལོར་༧ གོང་ས་མཆོག་བཙན་བྱོལ་དུ་འབྱོར་བའི་རྗེས་ཀྱི་ལོ་ངོ་གསུམ་པར་མཛད་རྣམ་དང་པོ་《ངོས་ཀྱི་ཡུལ་དང་ངོས་ཀྱི་མི་དམངས་》ཞེས་པ་མཛད། དེའི་རྗེས་ཀྱི་ལོ་ངོ་སུམ་ཅུ་ཉེ་བར་འགོར་རྗེས་སུ་མཛད་རྣམ་གཉིས་པ་《བཙན་བྱོལ་ནང་གི་རང་དབང་》ཞེས་པ་འདི་མཛད་པ་ཞིག་རེད་འདུག འདིར་ཕྱག་དཔེ་འདིའི་རྒྱབ་ལྗོངས་མདོར་ཙམ་གླེང་ན། ཕྱི་ལོ ༡༩༨༧ དང་ ༨༨ གཉིས་སུ་སྔ་ཕྱིར་༧ གོང་ས་མཆོག་གིས་ཨ་རིའི་གྲོས་ཚོགས་འོག་མ་དང་ཡོ་རོབ་གྲོས་ཚོགས་གཉིས་ནང་ཞི་བའིི་གྲོས་འཆར་དོན་ཚན་ལྔ་ཞེས་པའི་བོད་རྒྱའི་རྩོད་རྙོག་སེལ་ཐབས་ཀྱི་འཆར་གཞི་དེ་འདོན་སྤེལ་བྱས་པར། རྒྱ་ནག་གཞུང་ནས་དེ་མ་ཐག་དེ་ལ་སྐྱོན་བརྗོད་བྱས་སྟབས།  ༡༩༨༧ ལོའི་ཟླ་དགུ་བ་ནས་བཟུང་ལོ་ཤས་རིང་བསྟུད་མར་ལྷ་ས་གཙོ་བྱས་པའི་བོད་ཀྱི་ས་གནས་དུ་མར་ཞི་བའི་ངོ་རྒོལ་བྱུང་བར་རྒྱ་ནག་དམར་པོའི་གཞུང་གིས་དྲག་གནོན་བྱས། སྐབས་དེའི་གནས་ཚུལ་རྒྱལ་སྤྱིར་ཁྱབ་པ་དང་། ཡང་སྒོས་ཕྱི་ལོ་ ༡༩༨༩ ལོའི་ཟླ ༡༢ ཚེས་ ༡༠ ཉིན་༧གོང་ས་མཆོག་ལ་ནོར་སྦེལ་ཞི་བདེའི་གཟེངས་རྟགས་ཕུལ་གསོལ་བྱུང་བ་བཅས་སྐབས་དེའི་རྒྱ་མཚོའི་རྦ་རླབས་བཞིན་གཅིག་འཇགས་གཉིས་ལངས་ཀྱི་བོད་འབྲེལ་གྱི་གནས་ཚུལ་དེའི་ཤུགས་རྐྱེན་ལས་འཛམ་གླིང་ནང་༧ གོང་ས་སྐྱབས་མགོན་ཆེན་པོ་མཆོག་དང་། བོད་དོན་ཐོག་སྔར་ལྷག་དོ་སྣང་དང་རྒྱབ་སྐྱོར་ཚད་མཐོ་བོ་བྱུང་ལ། རྒྱབ་སྐྱོར་དང་དོ་སྣང་དེ་སྔར་ལྷག་སྲ་བརྟན་དང་རྒྱུན་གནས་ཡོང་ཐབས་སུ་༧ གོང་ས་མཆོག་རང་གི་ཞལ་ནས་སྐུ་ཚེའི་ལོ་རྒྱུས་དང་།བོད་དོན་ཐོག་འགྲེལ་བརྗོད་རྒྱས་པ་ཞིག་ཡོང་ན་དགེ་མཚན་ཆེ་བར་གཟིགས་ཏེ་གཙོ་བོར་ཕྱི་རྒྱལ་བར་དམིགས་ནས་དེབ་འདི་ལྗགས་རྩོམ་གནང་བ་ཞིག་རེད། དེ་ཡང་ཕྱག་དེབ་འདི་ནི་ཕྱི་རྒྱལ་བ་ Alexander Norman ཞེས་པས་དབྱིན་ཡིག་ཏུ་ཡིག་འབེབས་བྱས་ཤིང་། ཁོ་དེ་སྔོན་བརྒྱད་ཅུ་གྱ་གྲངས་ནང་བོད་དུ་ཕེབས་སྐབས་བོད་ནང་གི་གནས་སྟངས་དངོས་གཟིགས་པའི་རྐྱེན་བྱས་ཏེ། ཕྱག་དེབ་འདི་འདྲ་ཞིག་རྩོམ་དགོས་པར་གལ་ཆེ་བར་གཟིགས་ནས་༧ གོང་ས་མཆོག་ལ་སྙན་གསོལ་ཞུས་པར་ཞལ་བཞེས་ཐོབ་པ་ཞིག་རེད། ཕྱག་དེབ་འདི་རྩོམ་པའི་གསུང་ཞབས་སུ་སྐུའི་གཅུང་པོ་མངའ་རིས་རིན་པོ་ཆེ་དང་། སྐུ་སྒེར་དྲུང་ཟུར་བསྟན་འཛིན་དགེ་བྱེད་གཉིས་དང་། ཕྱིས་དབྱིན་ཡུལ་དུ་གསུང་སྒྱུར་དགེ་བཤེས་ཐུབ་བསྟན་སྦྱིན་པ་དང་། བསྟན་འཛིན་དགེ་བྱེད། Alexander Norman བཅས་ཀྱིས་པར་ཟིན་ཞུ་དག་བྱས་ཏེ་དུས་ཐུང་ཛ་དྲག་ངང་དབྱིན་ཡིག་དང་། ཉི་ཧོང་། ཧྥི་རན་སི། འཇར་མན། ཨི་ཀྲ་ལི་བཅས་སྐད་ཡིག་གྲགས་ཆེ་བ་ལྔའི་ནང་དུས་གཅིག་ཏུ་འདོན་སྤེལ་བྱས་པ་ཞིག་ཡིན་པར་དེབ་འདི་སྒྱུར་བ་བོ་བསྟན་འཛིན་ཤེས་རབ་ཀྱིས་ཕྱག་དེབ་འདི་དབུ་འབྱེད་ཀྱི་མཛད་སྒོའི་སྐབས་གསུངས། ད་ལྟའི་ཆར་དཔེ་དེབ་འདི་ཉིད་སྐད་ཡིག་མི་འདྲ་བ་སུམ་ཅུ་སོ་ལྔ་ཡས་མས་སུ་བསྒྱུར་ཡོད་པར་བཤད། དེར་མ་ཟད་ཨ་མི་རི་ཀའི་ཧོ་ལི་ཝུགྲ་ (Hollywood) གློག་བརྙན་བཟོ་སྐྲུན་ཁང་ནས་ཀྱང་མཛད་དེབ་འདིས་ཡིད་དབང་འཕྲོག་སྟེ། འདི་ཉིད་དང་བོད་ནང་ལོ་བདུན་ཞེས་པའི་དེབ་གཉིས་གཞི་མར་བྱས་པའི་སྟེང་ནས་༸རྒྱལ་བའི་ལོ་རྒྱུས་དང་འབྲེལ་བའི་གློག་བརྙན་སྐུ་མདུན་ (Kundun) ཞེས་པ་ཞིག་དང༌། བོད་ནང་ལོ་བདུན་ (Seven Years in Tibet) ཞེས་པ་ཞིག་བཅས་ཁག་གཉིས་བཟོ་སྐྲུན་བྱས་ཡོད། དེའི་རྗེས་སུ་ཡང་བསྐྱར་སངས་རྒྱས་ཆུང་ཆུང་ (Little Buddha) ཞེས་པའི་གློག་བརྙན་སྐད་གྲགས་ཅན་གཞན་ཞིག་ཐོན་ཡོད་པ་དེ་མཛད་རྣམ་འདིའི་རླབས་ཤུགས་ཀྱི་ཀུན་སློང་ལས་བྱུང་བ་ཞིག་རེད་ཅེས་བརྗོད་ནའང་མི་འགྲིག་པ་མེད། དེ་དག་ལ་བརྟེན་ནས་ཀྱང་༸རྒྱལ་བའི་མཚན་སྙན་དེ་བས་བླ་ནས་བླར་འཕེལ་བ་བྱུང་ཞིང་། དེར་བརྟེན་བོད་དོན་དྲིལ་བསྒྲགས་དང་བོད་དོན་རྒྱབ་སྐྱོར་ཐད་དེབ་འདིའི་སྒུལ་ཤུགས་འདྲ་བ་ཞིག་བྱུང་མྱོང་མེད་པར་བཤད་དོ།། གསུམ་པ། བཀླགས་ཚོར།  ཕྱག་དཔེ་འདིར་སྤྱིར་ཚན་པ་བཅུ་དྲུག་ཡོད་ཅིང་། དེ་དག་ལས་ང་རང་ལ་བག་ཆགས་ཆེས་ཟབ་ཤོས་ནི་༧ གོང་ས་མཆོག་སྐུ་ན་ཆུང་ངུའི་དུས་སྐབས་ཀྱི་རྣམ་ཐར་གྱི་ཚན་པ་དེ་དག་ཡིན། དེ་ནི་བཙན་འཛུལ་གྱི་རླུང་འཚུབ་མ་ལངས་གོང་གི་དུས་ཚོད་དེ་ཡིན་ཞིང་། དེར་པད་དཀར་འཆང་བ་དང་སེང་གེའི་ཁྲི་ཞེས་པའི་རྣམ་ཐར་གྱི་ཚན་པ་གཉིས་ཡོད། སེང་གེའི་ཁྲིར་ཞེས་པའི་ཚན་པ་དེར་༧གོང་ས་མཆོག་དགུང་ལོ་བརྒྱད་ལ་སོན་པའི་ལོ་དེར་ཁོང་དང་མཉམ་དུ་འཚར་བའི་སྐུའི་གཅེན་པོ་བློ་བཟང་བསམ་གཏན་ལགས་སྒེར་གྱི་སློབ་གྲྭ་ཞིག་ལ་བཏང་བ་དང་། དེས་དགུང་ལོ་བརྒྱད་ལས་སོན་མེད་པའི་བྱིས་པ་ཆུང་ཆུང་དེས་རྩེད་རོགས་འདང་ཆེན་ཞིག་བརླག་ཅིང་ཐུགས་སེམས་སྐྱོ་བོ་བྱུང་བར་བྲིས་ཡོད། སྐབས་དེར་༧གོང་ས་མཆོག་དང་ནང་མིའིི་བར་འབྲེལ་བ་མཐུད་མཁན་གྱི་བརྒྱུད་ལམ་གཅིག་ཡོད་པ་ནི་བློ་བཟང་བསམ་གཏན་ཁོ་ན་ཡིན་ལ། སློབ་གྲྭར་སོང་རྗེས་ཟླ་རེའི་ནང་ཁོང་དང་ཚར་གཅིག་མ་གཏོགས་ཐུག་ཐུབ་ཀྱི་མེད་པ། དེ་བཞིན་ཁོང་ཕྱིར་སློབ་གྲྭར་ལོག་སྐབས་༧གོང་ས་མཆོག་ཐུགས་སྐྱོ་སྐྱོའི་ངང་ཁོ་གཟིགས་ལམ་ལས་མ་ཡལ་བར་སྒེའུ་ཁུང་བརྒྱུད་སྤྱན་སྐྱེལ་ཞུ་བཞིན་ཡོད་པ། ཡང་སྐབས་སྐབས་སུ་རྒྱལ་ཡུམ་ལགས་དང་གཅེན་མོ་ཚེ་རིང་སྒྲོལ་མ་གཉིས་ཀྱིས་ཨ་མདོའི་གོ་རེ་དང་ཁ་ལག་རིགས་འདྲ་མིན་བཟོས་ནས་ཁོང་ལ་ལྟ་བར་ཕེབས་ཀྱིན་པར་རེ་སྒུག་བྱས་ནས་སྡོད་པ་སོགས་ཀྱི་མཛད་རྣམ་དེས་ཁོ་བོའི་བྱིས་དུས་ཀྱི་ལོ་ཟླ་དག་དྲན་པར་བྱས།  ཁོ་བོ་ཆུང་དུས་དགོན་པར་དཔེ་ཆ་བློ་འཛིན་བྱེད་སྐབས་སྐབས་སྐབས་སུ་ དོན་དག་ཙག་ཙིག་ཆེད་ རྒན་ལགས་ཀྱིས་་ནང་དུ་མངགས་རྒྱུར་རེ་སྒུག་བྱས་པ་དང་། ཡང་ལན་རེར་ཁྱིམ་མི་རེ་དགོན་པར་ལྟ་བར་ཡོང་སྐབས་རྗེས་བསྙེགས་ནས་ནང་དུ་འགྲོ་འདོད་དེ་ཐག་རིང་བར་མིག་སྐྱེལ་བྱས་མཐར་སེམས་པ་སྟོང་བར་ཕྱིར་ལོག་བྱས་པའི་གནས་ཚུལ་དེ་དག་དྲན་དུ་བཅུག  ཡང་སྐུ་ན་གཞོན་པའི་༧གོང་ས་མཆོག་སྐུ་མཚམས་སུ་བཞུགས་སྐབས་ཤིག་ལ་ཁ་ཁུ་སིམ་པོར་གཟུངས་སྔགས་བགྲང་བཞིན་བཞུགས་ཡོད་པའི་སྐབས། པོ་ཏཱ་ལའི་ཞོལ་གྱི་ལྷ་སའི་ཉེ་འཁོར་གྱི་རྩྭ་ས་རྣམས་ནས་ཕྲུ་གུ་ཚོའི་གཞས་གཏོང་གིན་ཚུར་ཡོང་གིན་པ་གསན་སྐབས་དང་། ཡང་སྨོན་ལམ་སྐབས་སྒེའུ་ཡོལ་གསེབ་ནས་ལྐོག་ལྟའི་ངང་གྲྭ་ཆུང་འཚུབ་པོ་རྣམས་རྩེད་མོར་གཡེང་བའི་རྣམ་པ་གཟིགས་སྐབས་ཁོང་ལའང་ཁོ་ཚོ་ནང་བཞིན་བྱེད་རྒྱུའི་གོ་སྐབས་དང་། ཡང་ཕྲུ་གུ་དེ་ཚོ་དང་ཕར་ཚུར་གནས་བབ་བརྗེ་བསྒྱུར་བྱེད་ཐུབ་ཡག་ཡོད་ནའང་སྙམ་པ་དེས་ཁོ་བོ་ཆུང་དུས་དགོན་པར་སྡོད་སྐབས། དགོང་ཁར་ཕྱུགས་རྫི་ཚོས་དགོན་པའི་མདུན་རིའི་ངོས་ཐལ་རྡུལ་ལང་ལོང་ཁྲོད་གླུ་སྐད་སང་སང་ངང་ལུག་ཁྱུ་ཁྱིམ་དུ་འདེད་བཞིན་པའི་རྣམ་པ་དེ་དྲན་ཞིང་། དེ་དུས་ངའང་ཁོ་ཚོ་དང་འདྲ་བར་ནང་དུ་ལོག་རྒྱུ་ཡོད་ནའང་སྙམ་དུ་དྲན་མྱོང་བ་དེ་ལ་ཕྱིར་དྲན་ཐེབས་སུ་བཅུག  ཡང་༧གོང་ས་མཆོག་སྐུ་ན་གཞོན་དུས་ཆུ་ལ་ཟགས་ནས་དྲན་པ་འཐོར་བ་དང་། རྩེད་མོའི་ཁྲོད་ཁོང་གིས་བློ་བཟང་བསམ་གཏན་ལ་རྨ་ཁ་བཟོས་པ། སྐུ་གོང་མའི་ཆིབས་འཁོར་བཟོ་བཅོས་བྱས་ཏེ་ཉིན་ཞིག་མི་གཞན་མེད་སར་དེ་བསྐོར་བར་སྟབས་མ་ལེགས་པར་ཆིབས་འཁོར་གྱི་མེ་ལོང་བཅག་པར་གཞན་གྱིས་མི་ཤེས་པའི་ཆེད་བཟོས་བཅོས་བྱས་ཏེ་སྐྲག་སྣང་ངང་བཞག་པ་སོགས་ཀློག་སྐབས་ཁོ་བོ་དང་ན་མཉམ་གྲྭ་ཕྲུག་ཚོའི་ཆུང་དུས་ཀྱི་འཚུབ་ཆ་ཁག་དྲན་དུ་བཅུག་སྟེ། ཆུང་དུས་སུ་བོང་བུར་ཞོན་ཏེ་བོང་རྒྱུགས་འགྲན་བསྡུར་བྱས་མཐར་ཨོང་ཤར་རྨ་བཟོས་པ། དགོན་པའི་རྒྱབ་རིའི་བྲག་ཕུག་ཏུ་སྐྱུང་ཀ་བཟུང་བ། བྱིའུ་ཚང་བསློགས་པ། གཙང་པ་ཁ་རལ་གྱི་རྐུབ་ནང་རྩྭའི་སྦུ་གུ་བཅུག་སྟེ་ཕུ་བརྒྱབས་པ། ཁྱིའི་རྔ་མར་རས་བསྡམས་དེ་ས་སྣུམ་བླུགས་ནས་མེ་སྒྲོན་པ་སོགས་ཆུང་དུས་ཀྱི་སྤྱོད་པ་འཚུབ་པོ་དེ་དག་དྲན་སོས་སུ་བཅུག ཡང་༧གོང་ས་མཆོག་ལ་རབ་བྱུང་སྒྲུབ་རྒྱུར་ཉེ་སྟབས་ཕག་ཤ་དང་སྒོ་ང་སོགས་བཞེས་མི་ཆོག་སྟབས།  སྐབས་གཞན་ཞིག་ཏུ་རྒྱལ་ཡབ་ལགས་ཀྱིས་ཕག་ཤ་ཞིག་ཚེག་སྒྲ་དང་བཅས་ཏེ་བཞེས་བཞིན་ཡོད་པའི་སྐབས། ཁྱི་ཕྲུག་ཆུང་ཆུང་ཞིག་དང་འདྲ་བར་ཁོང་གི་འགྲམ་དུ་བསྡད་དེ་ཏོག་ཙམ་གནང་རོགས་བྱས་ན་བསམ་པའི་རེ་བས་ཁོང་ལ་བལྟས་ཏེ་བསྡད་པས་ཁོང་ནས་ཏོག་ཙམ་གནང་སོང་བས་ཧ་ཅང་ཞིམ་པོ་བྱུང༌ཞེས་ཆུང་དུས་ལ་ཕྱིར་དྲན་བྱས་འདུག དེར་མ་ཟད་ ༧གོང་ས་མཆོག་པེ་ཅིན་དུ་བཞུགས་སྐབས་ཁོང་ལ་མར་ཁེ་སིའི་རིང་ལུགས་དང་རྒྱ་ནག་གི་གསར་བརྗེའི་སྐོར་སློབ་སྦྱོང་སྤྲོད་མཁན་དུ་རྒྱ་ཁ་ཆེ་ཞིག་བསྐོས་ཡོད་པ་དེས་རྟག་ཏུ་ཕག་ཤ་ཟ་མྱོང་ངམ་ཞེས་༧གོང་ས་མཆོག་ལ་དྲིས་ཏེ་སྙད་རྐོ་གི་ཡོད་ཅེས་གསལ། ཕག་ཤ་ཟ་བར་དགའ་བའི་ཁོ་བོས་ཀྱང་༧གོང་ས་མཆོག་དང་འགྲོས་མཚུངས་པའི་ཆུང་དུས་ཀྱི་ལོ་ཟླ་ཞིག་བརྒྱུད་མྱོང་སྟབས།  རྣམ་ཐར་གྱི་ཚན་པ་འདི་དག་ཀློག་སྐབས་མཚམས་རེར་ངུ་བྲོ་ཞིང་ལན་རེར་དགོད་ཤོར་ཏེ་གཅིག་བུས་མཚམས་རེར་མིག་ཆུ་དང་ལན་རེར་ཧབ་ཆ་ཐག་གེར་སྐུ་ན་གཞོན་དུས་ཀྱི་༧གོང་ས་མཆོག་ང་ཚོ་དང་འདྲ་བའི་མི་ཕལ་བ་ཞིག་ཏུ་མཇལ་ཞིང་། དེས་༧གོང་ས་མཆོག་དང་ཧ་ཅང་བློ་ཐག་ཉེ་བའི་ཚོར་བ་ཞིག་བསྐྲུན། དམ་དྲག་ཆེ་བའི་སློབ་སྦྱོང་གི་བརྒྱུད་རིམ་དེས་སྐུ་ན་ཕྲ་བའི་༧གོང་ས་མཆོག་ནི་པོ་ཏཱ་ལའི་བཙོན་པ་ལྟ་བུར་གྱུར་ཅིང་། དེས་ཁོ་བོ་གྲྭ་ཕྲུག་སྐབས་མཚམས་རེར་ཤག་གི་རྒན་ལ་གཡོལ་ཆེད་གསང་སྤྱོད་དུ་ལན་མང་འཛུལ་བ་དང་། འཛུལ་གྲངས་རེར་ཡུན་རིང་བསྡད་པའི་རྣམ་པ་དེ་དྲན་ཞིང་། དགོང་མའི་ཉལ་ཁང་དུ་སླེབས་སྐབས་ནི་བདེ་སྐྱིད་ཆེ་ཤོས་སུ་ཚོར་བའི་རྣམ་པ་དེ་དྲན་སོས་སུ་བཅུག མདོར་ན་མཛད་རྣམ་འདི་བཀླགས་པ་ལས་སྔོན་མའི་བོད་ཀྱི་སྐྱེས་ཆེན་དག་ལའང་དོན་བརྗོད་ཞིབ་ཅིང་།…

དེ་ལས་མང་བ་། “ཕལ་བའི་མིག་གིས་མཇལ་བའི་༧གོང་ས་མཆོག  (བཙན་བྱོལ་ནང་གི་རང་དབང་གི་བཀླགས་ཐོ།)” »

གཞུང་པ་ཚེ་དབང་བསོད་ནམས། སྤྱི་འཐུས་སྐབས་བཅུ་དྲུག་པའི་གྲོས་ཚོགས་ཚོགས་དུས་དྲུག་པའི་ཐོག་མང་མོས་གྲོས་ཆོད་ཡིག་ཆ་ཨང་ ༣༩ བཞག་པའི་བརྒྱུད་རིམ་ནས་བཙན་བྱོལ་སྤྱི་ཚོགས་ནང་ལབ་གླེང་མང་པོ་བཟོས་པ་དང་། བཙན་བྱོལ་བོད་མིའི་མཐུན་འབྲེལ་ལ་ཉམས་ཆགས་བཟོས་པ་དང་། སྤྱི་འཐུསུ་སྐབས་བཅུ་བདུན་པ་དུས་ཐོོག་ལས་འཁུར་དམ་འབུལ་མ་ཐུབ་པ། ༧ གོང་ས་མཆོག་ལ་མཛད་དཀའ་བཟོས་པ། ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་གཅིག་ལས་མེད་པ། མི་མང་གི་བདེ་སྡུག་ཞུ་ས་མེད་པ། གྲོས་ཚོགས་ཀྱིས་ལས་རིམ་ཁག་ནང་གྲོས་ཆོད་ཡིག་ཆ་ཨང་ ༣༩ དེ་འཐུས་མི་ཚོའི་ཁ་དང་ལྕེ་ལ་བཟུང་ནས་འབྲོང་བསད་ནས་རྔ་མ་འཕྱར་ཟེར་བའི་དཔེ་ལྟར་ཁྲིམས་འགལ་གྱིས་གྲོས་ཆོད་ཡིག་ཆ་ཨང་ ༣༩ ལ་ཤི་ཐམ་རོ་ཐམ་བྱེད་བཞིན་པ་སོགས་ལ་བལྟ་སྐབས་གྲོས་ཆོད་ཡིག་ཆ་ཨང་…

དེ་ལས་མང་བ་། “སྤྱི་འཐུས་སྐབས་བཅུ་དྲུག་དང་བཀའ་ཤག་སྐབས་བཅོ་ལྔ་གི་ལས་དུས་སྐབས་བཞག་པའི་གྲོས་ཆོད་ཡིག་ཆ་ཨང་ ༣༩ ལ་བསྐྱར་ཞིབ་ཚོགས་ཆུང་འཛུགས་དགོས་པ།” »

གཞུང་པ་ཚེ་དབང་བསོད་ནམས། སྤྱི་ལོ་ ༡༩༥༩ ལོར་བོད་ལ་རྒྱ་མིའི་བཙན་འཛུལ་གྱིས་༧གོང་ས་མཆོག་གི་ཕེབས་རྗེས་སུ་ང་ཚོ་མི་ཡུལ་དུ་འབྱོར་ནས་གནས་སྐབས་འཚོ་རྟེན་ཆེད་གནས་ཡུལ་ལུང་པའི་ལམ་བཟོའི་སྒྲིག་འཛུགས་ནང་འཛུལ་ནས་རྒྱ་གར་བྱང་ཤར་ཀ་རྡོར་གང་གསུམ་ཁུལ་དང་ཧི་མ་ཅལ་ཀུ་ལུ་མ་ན་ལི་དང་ཅམ་པ་སོགས་ལ་ལམ་ལས་རྒྱུགས་ནས་ཉིན་ལྟོ་ཉིན་ཚོལ་གྱིས་དུས་སྐབས་སུ་༧གོང་ས་མཆོག་ནས་རྒྱ་གར་གྱི་སྲིད་བློན་དམ་པ་ནེ་རུ་དང་ལྷན་བཀའ་བསྡུར་གནང་ནས་བོད་མིའི་སོ་ནམ་གཞིས་ཆགས་དང་། བཟོ་གཞིས། སློབ་གྲ་དང་། ཆོས་སྒར། རྒན་གསོ་ཁང་སོགས་བོད་མི་བཙན་བྱོལ་བ་རྣམས་སོ་སོའི་ཕ་མེས་ནས་དར་བའི་ཆོས་དང་རིག་གཞུང་སྐད་ཡིག་སོགས་མི་ཉམས་རྒྱུན་འཛིན་ཐུབ་པའི་ཆེད་བོད་མི་ཁེ་གཙང་གི་སྒྲིག་འཛུགས་རྒྱ་གར་ལུང་པའི་ནང་བོད་རང་བཙན་མ་ཐོབ་བར་འཚོ་གནས་ཐུབ་པའི་ཆ་རྐྱེན་བཟང་པོ་བསྐྲུན་ནས་གཞིས་ཆགས་སྲ་བརྟན་དང་རྒྱུན་གནས་ཐུབ་པའི་ཆེད་ས་ཞིང་འདེབས་ལས་དང་བ་ཕྱུགས་གསོ་སྐྱོང་ཞོར་ལ་ཚོང་རྩག་རྩིག་སོགས་ལ་འཚོ་བ་གཉེར་ནས་བོད་མི་རིགས་ཀྱི་སྐད་ཡིག་དང་རིག་གཞུང་སོགས་ལ་མི་ཉམས་གོང་འཕེལ་དང་ཉམས་པ་སླར་གསོའི་བརྒྱུད་ནས་གཞིས་ཆགས་བསྲ་བརྟན་དང་རྒྱུན་གནས་ལ་འགན་འཁུར་བཞིན་པ་ནས་ལོ་རབས་དགུ་བཅུའི་ནང་བོད་མི་གཅིག་སྟོང་ཨ་རིར་གཞིས་སྤོས་ཀྱིས་བཙན་བྱོལ་སྒྲིག་འཛུགས་བསྲ་བརྟན་དང་རྒྱུན་གནས་ཐུབ་པའི་ཁ་ཕྱོགས་ལ་དོ་ཕོག་ཆེན་པོ་ཐེབས་ནས་རྒྱ་བལ་འབྲུག་གསུམ་ནང་ཡོད་པའི་བོད་མི་ན་གཞོན་མང་པོ་ལོ་ལྟར་ནུབ་ཕྱོགས་ལུང་པའི་ནང་འགྲོ་སོང་ཆེན་པོ་བཏང་ནས་འགྲོ་བཞིན་པ་ནས་གཞིས་ཆགས་ཁག་ནང་ལོ་རྒན་པ་ཚོ་ཞིང་ལས་དང་བ་ཕྱུགས་བདག་ཉར་ཐུབ་པའི་ནུས་པ་མེད་པ་ནས་དེང་སྐབས་ཞིང་ས་སྟོང་པ་བཞག་མཁན་ལོ་རེ་ནས་ལོ་རེ་བཞིན་མང་དུ་འགྲོ་བཞིན་པ་དང་། ས་ཞིང་འདེབས་ལས་བྱ་མཁན་ཚོ་ཡང་གཡས་གཡོན་ཞིང་རོགས་ཀྱིས་ཞིང་ས་སྟོང་པ་བཞག་ནས་རི་ཕག་དང་རི་གི་གླང་ཆེན་སྲུང་རྒྱུར་དཀའ་ངལ་ཆེན་པོ་འཕྲད་བཞིན་པ་དང་། ཞིང་ས་སྟོང་པར་བཞག་པ་འདིས་ཡུལ་མིའི་མིག་ལ་མི་མཛེས་པ་སོགས་གཞིས་ཆགས་བསྲ་བརྟན་དང་རྒྱུན་གནས་ཐུབ་པར་ཕན་གནོད་ག་འདྲ་ཡོང་གི་ཡོད་དབུས་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་ལྷན་ཁང་ཁག་ས་གནས་གཞིས་འགོ་རྣམ་པ་དང་གཞིས་ཆགས་མི་མང་བཅས་ཚང་མས་དུས་ཐོག་ཐུགས་ཞིབ་ཆེ་ཙམ་གནང་མ་ཐུབ་ཚེ་རི་ལུག་པ་ཐག་པས་མི་བསྡོམས་ཟེར་བའི་དཔེ་ལྟར་ཆགས་མི་སྲིད་པ་མིན་པ་དང་། ལྷག་པར་དུ་ཁྲིམས་བཟོ་སྤྱི་འཐུས་གྲོས་ཚོགས་ནས་གཞིས་ཆགས་བསྲ་བརྟན་དང་རྒྱུན་གནས་ཐུབ་པའི་ཆེད་ཁྱིམ་ཚང་སོ་སོའི་ཞིང་ས་བདག་ཉར་བེད་སྤྱོད་ཐོག་མའི་དམིགས་ཡུལ་ལྟར་འགྲོ་ཐུབ་པའི་ཆེད་ས་ཁང་གི་སྒྲིག་གཞི་ལ་བསྐྱར་བཅོས་དུས་ཐོག་གནང་མ་ཐུབ་ཚེ་ཞིང་ས་སྟོང་པ་བཞག་ནས་གཞིས་ཆགས་བསྲ་བརྟན་དང་རྒྱུན་གནས་ཟེར་བའི་ཐ་སྙད་དེ་ཕྱི་མཛེས་ནང་རུལ་དུ་མི་ལྷག་པའི་ངེས་པ་མེད་ན་འགན་ཡོད་ཚང་མས་ཐུགས་སྣང་ཆེ་ཙམ་གནང་དགོས་པའི་དུས་ལ་བབས་མི་འདུག་གམ།

ཨོ་གླིང་ནས་ལུང་རྟོགས་ཀྱིས།   གླུ་བ་བསྟན་འཛིན་ཆོས་རྒྱལ་ལགས་ཀྱིས་རྒྱ་གར་རང་བཙན་ཉིན་མོར་སྤྱི་ཚོགས་དྲ་རྒྱ་བརྒྱུད་ཆེད་སྒྲིག་གླུ་གཞས་ནམ་མཁའི་སྔུར་སྒྲ་ཞེས་པ་ཡོངས་བསྒྲགས་བྱས་ཡོད། གླུ་གཞས་དེ་དག་ནི་ཁོང་གིས་སྒྱུ་རྩལ་བ་གཞན་ཁག་ཅིག་དང་མཉམ་ལས་བྱས་པ་དང་། ཁོང་གིས་ལོ་མང་རིང་འབད་རྩོལ་བྱས་པ་ལས་གྲུབ་པ་ཞིག་ཡིན་ཞིང་། བོད་ཀྱི་རྩམ་པར་ནུབ་ཕྱོགས་པའི་སྦྲང་རྩི་བརྒྱབ་པ་ལྟར་རོ་བཅུད་ཕུན་སུམ་ཚོགས་པ་དང་ལྡན་པ་ཞིག་རེད་ཅེས་བརྗོད་ཆོག   མི་ལོ་ཉི་ཤུའི་སྔོན་དུ་ང་རང་ཨོ་སི་ཊོ་ལི་ཡར་གནས་སྤོར་མ་བྱས་པའི་ཉིན་གཅིག་རྡ་རམ་ས་ལའི་སྲང་མདོར་བསྟན་འཛིན་ཆོས་རྒྱལ་ལགས་ལ་ཐེངས་དང་པོ་ཐུག་པ་ཡིན། སྐབས་དེར་ང་རང་ཨོ་སི་ཊོ་ལི་ཡར་གནས་སྤོར་འཆར་ཡོད་པ་ལྟར་ངའི་ལས་གྲོགས་ཕྱི་རྒྱལ་བ་དེས་བསྟན་འཛིན་ཆོས་རྒྱལ་ཨོ་སི་ཊོ་ལི་ཡར་གནས་སྡོད་བྱེད་མཁན་རེད་ཅེས་ངོ་སྤྲོད་གནང་སོང་། ང་རང་ཨོ་སི་ཊོ་ལི་ཡར་འབྱོར་ནས་ཅུང་མ་འགོར་བར་བསྟན་འཛིན་ཆོས་རྒྱལ་ལགས་ལྡིང་ཆའི་སྟེང་ནས་མཐོང་སོང་། སྤྱི་ནོར་ ༧གོང་ས་༧སྐྱབས་མགོན་ཆེན་པོ་མཆོག་ཨོ་སི་ཊོ་ལི་ཡའི་ཆིབས་བསྒྱུར་གནང་ཐེངས་རེར། འདུ་འཛོམས་ཆེན་མོ་ཁག་གི་སྔོན་འགྲོའི་མཛད་རིམ་ནང་ཁོང་གིས་གླུ་གཞས་གཏོང་གི་འདུག་ལ་མི་དམངས་ཀྱིས་དགའ་བསུ་ཆེན་པོ་ཐོབ་གནང་སོང་། འདས་པའི་མི་ལོ་ཉི་ཤུ་རིང་བསྟན་འཛིན་ཆོས་རྒྱལ་དང་ཁོང་གི་སྒྱུ་རྩལ་སྐོར་ཨོ་སི་ཊོ་ལི་ཡའི་གསར་འགོད་བརྒྱུད་ལམ་ཆེ་ཁག་དང་ཚགས་པར་སྐད་གྲགས་ཆེ་ཤོས་མང་ཆེ་བའི་ནང་ཐོན་པ་དང་དུས་མཚུངས་བོད་དོན་ཁྱབ་བསྒྲགས་ཐད་གྲུབ་འབྲས་ཆེན་པོ་ཞིག་ཐོན་ཡོད། དེང་སྐབས་ཁོང་ནི་འཛམ་གླིང་ཐོག་མིང་གྲགས་ཡོད་པའི་བོད་ཀྱི་གཞས་པའམ་སྒྱུ་རྩལ་བ་ཞིག་ཡིན་ན་ཡང་།…

དེ་ལས་མང་བ་། “བསྟན་འཛིན་ཆོས་རྒྱལ་དང་ནམ་མཁའི་སྔུར་སྒྲ།” »

གཞུང་པ་ཚེ་དབང་བསོད་ནམས། བོད་ནི་སྲིད་པ་ཆགས་པ་ནས་སྤྱི་ལོ་ ༡༩༥༩ བར་རྒྱ་དཀར་ནག་གཉིས་ཀྱི་བར་དུ་གནས་པའི་རང་བཙན་གྱི་རྒྱལ་ཁབ་ཆབ་དཔལ་རིག་གསུམ་དམག་ཤུགས་དང་བཅས་པ་རྒྱལ་ཁབ་གཞན་ལ་མགྲན་ཐུབ་པའི་རྒྱལ་ཁབ་ཞིག་ཡིན་པ་དང་། དུས་རབས་བདུན་པའི་ནང་བོད་རྒྱལ་ཁབ་ཀྱི་མངའ་དབང་གི་སྟོབས་ཤུགས་དེ་འཛམ་གླིང་གསུམ་ཆ་གཉིས་ལ་དབང་བསྒྱུར་བའི་ལོ་རྒྱུས་ཡང་ཕྱི་ནང་གིས་ཡིག་ཆ་མང་པོའི་ནང་གསལ་ཡོད་པ་དང་སྤྱི་ལོ་ ༡༩༤༩ ཙམ་ནས་བོད་ཤར་ཕྱོགས་མདོ་ཁམས་གཉིས་སུ་བོད་ཀྱི་ཁྱིམ་མཚེས་རྒྱལ་ཁབ་རྒྱ་ནག་གི་བཙན་འཛུལ་བྱ་རྒྱུ་འགོ་བཙུགས་ནས་མཐར་སྤྱི་ལོ་ ༡༩༥༩ ལོར་བོད་ས་ཡོངས་རྫོགས་རྒྱ་ནག་གིས་བཙན་འོག་ཏུ་ཚུད་ནས་ང་ཚོ་བཙན་བྱོལ་དུ་ཡོང་དགོས་པའི་དམིགས་ཡུལ་ཡང་བོད་ཀྱི་མངའ་དབང་སླར་གསོ་བྱ་རྒྱུ་དེ་ཡིན་པ་ནས་འདས་པའི་མི་ལོ་བཅུ་ཕྲག་དྲུག་ལྷག་ཙམ་རིང་བཙན་བྱོལ་བོད་མི་རྒན་གཞོན་དར་གསུམ་དང་གཞུང་འབྲེལ་དང་གཞུང་འབྲེལ་མིན་པའི་ཚོགས་སྐྱིད་ཁག་བཅས་ང་ཚོ་ཚང་མས་སྒོ་སྐབས་ནམ་བྱུང་དང་དུས་ཚོད་ནམ་རག་ལ་རྒྱ་མིར་ངོ་རྒོལ་སྐད་འབོད་ལས་འགུལ་སྤེལ་བཞིན་པ་ནི་རང་ཡུལ་རང་བདག་ཆེད་རང་བཙན་གྱི་འབོད་སྒྲ་ཡིན་པ་དང་། བོད་ས་ཤོར་ནས་ང་ཚོ་བཙན་བྱོལ་དུ་འབྱོར་མ་ཐག་བོད་དོན་ཞུ་གཏུགས་ཀྱིས་ལས་འགུལ་དང་པོ་དེ་འཛམ་གླིང་མཉམ་འབྲེལ་རྒྱལ་ཚོགས་ལ་ཞུས་པ་ནས་འཛམ་གླིང་མཉམ་འབྲེལ་རྒྱལ་ཚོགས་ནས་སྤྱི་ལོ་ ༡༩༥༩/ ༡༩༦༡/༡༩༦༥ བཅས་སོ་སོར་བོད་དོན་དང་འབྲེལ་བའི་ཐོག་གྲོས་ཆོད་རིམ་པ་བཞག་ཡོད་ན་ཡང་ང་ཚོའི་མུ་མཐུད་ནས་འཇུག་སྐྱོང་མ་ཐུབ་པའི་འགན་དེ་ང་ཚོ་རང་ཉིད་ལ་ཡོད་པ་ལས་གཞན་སུ་གཅིག་ལ་ངན་ཁག་གཡོག་ས་མེད་པ་དང་། བོད་མི་མང་སྤྱི་འཐུས་སྐབས་བཅུ་གཅིག་ནས་ཁྲིམས་བཟོའི་འགན་འཁུར་བླངས་ནས་བཙན་བྱོལ་བོད་མིའི་བཅའ་ཁྲིམས་གཏན་འབེབས་གནང་བའི་བཅའ་ཁྲིམས་དོན་ཚན་བཅོ་ལྔའི་ནང་གསལ་བའི་ཚིག་བརྗོད་བོད་དོན་བདེན་མཐའ་གསལ་ཐབས་ཟེར་བའི་ཐ་སྙད་དེ་འགྱིག་བྱི་རིལ་ནང་བཞིན་ག་པར་འཐེན་འཐེན་ཡིན་ན་ལས་དེ་མིན་ཉེ་ལམ་རང་བཙན་ཚོགས་འདུའི་ནང་བོད་མི་མང་གི་སྐུ་ཚབ་སྤྱི་འཐུས་ཁག་ཅིག་མཉམ་བཞུགས་གནང་བ་དེ་སྤྱི་འཐུས་ཀྱིས་ལས་འཁུང་དམ་བཅའ་ ༼…

དེ་ལས་མང་བ་། “ཉེ་ལམ་སྤྱ་ིཟླ་བདུན་པའི་ཚེས་ ༡༣ ནས་ཚེས་ ༡༥ བར་ཁེ་ན་ཌར་བོད་རང་བཙན་ཚོགས་ཆེན་ཐེངས་བདུན་པ་ཟེར་བ་ཚོགས་པའི་སྐོར་ལ་དཔྱད་པའི་གཏམ།” »

བསོད་ནམས་ཟླ་བ། ཕྱི་ལོ་ ༢༠༢༤ ཟླ་ ༦ ཚེས་ ༢༧ ཉིན། གུ་གུལ་གྱི་གཞུང་ཕྱོགས་དྲ་ཚིགས་ཐོག་གུ་གུལ་ཡིག་སྒྱུར་ཞབས་ཞུའི་ནང་སྐད་ཡིག་གསར་པ་ ༡༡༠ གསར་སྣོན་བྱས་ཡོད་པའི་གནས་ཚུལ་ཐོན་འདུག སྐད་ཡིག་གསར་པ་དེ་དག་ནང་བོད་ཡིག་ཀྱང་ཚུད་འདུག་པས་གཏམ་བཟང་གི་ཚུལ་དུ་འདིར་གནས་ཚུལ་རྒྱས་པ་འདི་ནས་ངོ་སྤྲོད་ཞུ། གུ་གུལ་གྱི་ཡིག་སྒྱུར་ཞབས་ཞུ་དེ་ཐོག་མར་ཕྱི་ལོ་ ༢༠༠༦ ཟླ་…

དེ་ལས་མང་བ་། “གུ་གུལ་ཡིག་སྒྱུར་ནང་བོད་ཡིག་སླེབས་འདུག” »

 མི་ནུབ་པའི་རྒྱལ་མཚན། (དགུང་གྲངས་གྱ་དགུ་འཁོར་བའི་འཁྲུངས་སྐར་སྙིང་ནས་བསུ།) འཛམ་གླིང་ཞི་བདེའི་དེད་དཔོན།། སངས་རྒྱས་བསྟན་པའི་སྲོག་ཤིང་།། གངས་ཅན་པ་ཡི་མགོན་སྐྱབས།། ༸རྒྱལ་དབང་བསྟན་འཛིན་རྒྱ་མཚོ།།   དགུང་གྲངས་གྱ་དགུར་ཕེབས་པའི།། སྐུ་ཡི་འཁྲུངས་སྐར་རྟེན་འབྲེལ།། བསྐལ་བཟང་ཉིན་མོ་འདི་ལ།། གསོལ་བ་སྨོན་ལམ་འདེབས་སོ།།   ༸རྒྱལ་དབང་བསྟན་འཛིན་རྒྱ་མཚོ།། སྐུ་ཚེ་ཡུན་རིང་བརྟན་ཅིང་།། ཐུགས་བཞེད་ལྷུན་གྱིས་འགྲུབ་པའི།།…

དེ་ལས་མང་བ་། “ཞི་བདེའི་འོད་སྣང་།” »

གཞུང་པ་ཚེ་དབང་བསོད་ནམས། ཉེ་ལམ་སྤྱི་ཟླ་ལྔ་པའི་ཚེས་ ༢༩ འཁོད་པའི་སྤྱི་འཐུས་རྒྱུན་ལས་ནས་ས་གནས་འཐུས་ཚོགས་རྣམས་ཀྱི་ཆེད་རྒྱུན་མཁོའི་རྩ་འཛིན་ལམ་སྟོན་ཟེར་བའི་དོན་ཚན་ཉེར་བཞི་ཡོད་པའི་ཡིག་ཆ་་ཞིག་བོད་མིའི་གཞིས་སྒར་ས་འཐུས་ཡོད་ས་ཚང་མར་གནང་འདུག་ན་ས་གནས་འཐུས་མིའི་སྒྲིག་འཛུགས་དེ་བཞིན་བཙན་བྱོལ་བོད་མིའི་བཅའ་ཁྲིམས་ལེའུ་བདུན་པ། བོད་མིའི་གནས་ཡུལ་ས་གནས་ཁག་གི་སྒྲིག་འཛུགས། དོན་ཚན་དོན་བརྒྱད་འོག་བཀོད་སྒྲིག་གནང་བའི་ས་གནས་ཀྱི་ཁྲིམས་བཟོ་ལྷན་ཚོགས་དེ་ཡིན་པ་དང་། བཙན་བྱོལ་བོད་མིའི་བཅའ་ཁྲིམས་ཀྱིས་ནུས་པ་ཐོན་ནས་ཀོ་ལི་གྷལ་དོན་གླིང་ས་གནས་འཐུས་མིའི་སྒྲིག་འཛུགས་འདི་བཞིན་སྤྱི་ལོ་ ༡༩༩༢ ལོའི་ཟླ་བ་ ༢ པའི་ནང་དངོས་སུ་བཙུགས་ནས་བཅའ་ཁྲིམས་དོན་ཚན་དོན་བརྒྱད་པའི་ནང་གསེས་ཁ་པའི་འོག་འཐུས་མི་གྲངས་བཅུ་དགུ་ལ་གཏན་འབེབས་ཞུས་ནས་ས་འཐུས་སྐབས་དང་པོ་ནས་བཅའ་ཁྲིམས་དོན་ཚན་གྱ་གཉིས་འོག་ས་གནས་འཐུས་མི་ཚོགས་འདུའི་སྒྲིག་གཞི་དོན་ཚན་ཉེར་བརྒྱད་ཅན་དང་། གཞིས་མིའི་སྒྲིག་གཞི་དོན་ཚན་ཉེར་གཅིག་ཅན་བཅས་གཏན་འབེབས་གནང་བ་དང་། ས་འཐུས་སྐབས་གཉིས་པ་ནས་བཅའ་ཁྲིམས་དོན་ཚན་དོན་བརྒྱད་པའི་ནང་གསེས་ཀ་པའི་འོག་ས་འཐུས་གྲངས་ཉི་ཤུ་རྩ་གཅིག་ལ་གཏན་འཁེལ་ཞུས་པ་དང། བཅའ་ཁྲིམས་དོན་ཚན་གྱ་བདུན་འོག་ས་གནས་འཐུས་མིའི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞི་དོན་ཚན་ལྔ་བཅུ་ང་བདུན་ཅན་གཏན་འབེབས་གནང་བ་དང་། ས་འཐུས་སྐབས་བཅུ་པ་ནས་བཅའ་ཁྲིམས་དོན་ཚན་གྱ་གཉིས་འོག་ས་འཐུས་རྒྱུན་ལས་ཀྱི་སྒྲིག་གཞི་དོན་ཚན་བཅུ་གཅིག་ཅན་གཏན་འབེབས་གནང་ནས་བཅའ་སྒྲིག་དང་མ་འགལ་བའི་ཐོག་ནས་ས་འཐུས་སྐབས་དང་པོ་ནས་ད་ལྟ་སྐབས་བཅུ་གཅིག་བར་འགྲོ་བཞིན་པ་དང་།…

དེ་ལས་མང་བ་། “ལ་ཐེལ་སྒང་ལ་པག་ཐེལ་རྒྱབ་པ་མ་རེད་དམ།” »

ཉག་རོང་དོན་གྲུབ་ནས། ཨ་མ་ལ་བཀའ་དྲིན་རྗེས་དྲན་ཞུས་པ། ཕྱི་ཟླ་ ༠༦ པའི་ཚེས་ ༠༦ ཉིན་ཨ་རིར་གནས་བཞུགས་ཉག་རོང་བ་ཕ་ཡུལ་གཅིག་པའི་ངོས་ནས། ས་གནས་ནེའུ་ཡོག་དཔལ་ཡུལ་དགོན་པ་གུ་རུའི་ལྷ་ཁང་ནང་དུ། རྒྱལ་གཅེས་དཔའ་མོ་རྒྱ་རི་རྡོ་རྗེ་གཡུ་སྒྲོན་མཆོག་སྐུ་གཤེགས་ནས་ཞག་པོ་བཞི་བཅུ་ཞེ་དགུ་ཟིན་པའི་ཉིན་མོར། ༧སྐྱབས་རྗེ་མདོ་རིན་པོ་ཆེ་སྐུ་རབས་དྲུག་པ་དཔལ་ལྡན་ཡེ་ཤེས་མཆོག་དབུ་བཞུགས་ཐོག །དཔལ་ཡུལ་མཁན་པོ་ནོར་རྒྱས་སོགས་བླ་གྲྭ་ཉི་ཤུ་ལྷག་གིས། མཐོ་རིས་དང་ཐར་བའི་གནས་སུ་འདྲེན་པའི་ཀར་གླིང་ཞི་ཁྲོའི་ཆོ་གའི་སྒོ་ནས། སྡིག་པ་སྦྱངས་བ་དང་ཚོགས་བསགས་སྒྲིབ་པ་འདག་པའི་དགོངས་རྫོགས་སྨོན་ལམ་དང་ཚོགས་ཀྱི་འཁོར་ལོ་བསྐོར། གཞན་འཕགས་ཡུལ་ཨོ་རྒྱན་སྨིན་གྲོལ་གླིང་དགོན་པ་རུ། ༧སྐྱབས་རྗེ་སྨིན་གླིང་མཁན་ཆེན་རིན་པོ་ཆེ་དབུ་བཞུགས་ཐོག…

དེ་ལས་མང་བ་། “བོར་ཟིན་པའི་རྒྱལ་གཅེས་བོད་ཀྱི་དཔའ་མོ་ཞིག་ལ་རྗེས་དྲན་ཞུས་པ།” »

༄ དཔལ་ལྡན་བོད་མི་མང་གི་སྐུ་ཚབ་སྤྱི་འཐུས་གྲོས་ཚོགས་ཀྱིས་ཚོགས་གཙོ་སྦྲེལ་པོའི་དབུས་པའི་གྲོས་ཚོགས་ཀྱིས་འཐུས་མི་༧ ལྷན་རྒྱས་མཆོག་གིས་དྲུང་དུ། ཆེད་ཞུ། གུས་པ་ཀོ་ལི་གྷལ་དོན་ལྡན་གླིང་གཞིས་གྲོང་ཨེལ་ཁང་པ་ཨང་ ༢༩ ནང་སྡོད་གཞུང་པ་ཚེ་དབང་བསོད་ནམས། དཔྱ་དངུལ་ལག་དེབ་ཨང་ ༼ IN 7661005 ། ཅན་ནས་ཞུ་གསོལ་འདེབས་སྙིང་། ལམ་ཙམ་དགོངས་མངའ་བཞིན་ཉེ་ལམ་འདི་ག་ཀོ་ལི་གྷལ་དོན་ལྡན་གླིང་གཞིས་ཆགས་ཚུགས་ནས་ལོ་ལྔ་བཅུ་འཁོར་བའི་དུས་དྲན་བསྲུང་བརྩིའི་ཐོག་༧ སྤྱི་ནོར་༧…

དེ་ལས་མང་བ་། “བསམ་ཚུལ།” »