གཞུང་པ་ཚེ་དབང་བསོད་ནམས། ཉེ་ལམ་སྤྱི་ཟླ་དགུ་པའི་ནང་སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་དྲུག་པའི་ལས་རིམ་འགྲོ་བཞིན་པའི་སྐབས་གྲོས་ཚོགས་ཀྱི་འཐུས་མི་གཅིག་དང་འབྲེལ་བའི་གླེང་གཞིའི་འོག་ནས་གྲོས་ཚོགས་ཀྱིས་ལས་རིམ་མུ་མཐུད་ནས་འགྲོ་མ་ཐུབ་པ་མ་ཟད་གྲོས་ཚོགས་འཇུག་བསྡོམས་ཡང་མ་ཐུབ་པ་ནི་ལྷ་མི་ཀུན་གྱི་ཧ་གོ་དོན་རྟོགས་ཡིན་པ་དང་། དངོས་འབྲེལ་བྱས་ན་གླེང་གཞི་ལྷག་པའི་གྲོས་ཚོགས་འཐུས་མི་གང་ཟག་དེ་གྲོས་ཚོགས་ལས་རིམ་ནང་གླེང་གཞི་དེ་གཙང་མ་མ་བཟོས་བར་མ་བཅར་ན་གྲོས་ཚོགས་ལས་རིམ་དེ་མུ་མཐུད་ནས་འགྲོ་ཐུབ་ངེས་ཡང་དེ་ལྟར་མ་བྱུང་བ་ནི་སྐབས་དེའི་ཚོགས་གཙོ་ཚོགས་གཞོན་དང་འཐུས་མི་སྒེར་བཅས་སུ་གཅིག་ནས་ལམ་སྟོན་དགོངས་འཆར་གྱི་ལས་རིམ་རྣམ་བཞག་མ་ཕེབས་པ་ནས་ད་ལྟའི་གནས་སྟངས་འདི་ཆགས་པ་ནས་ལས་རིམ་རྣམ་བཞག་དགོས་ས་ཆད་མི་དགོས་ས་ལ་ལྷག་པ་མ་རེད་དམ། བཅའ་ཁྲིམས་དོན་ཚན་བཞི་བཅུ་ཞེ་དགུའི་པའི་ནང་གསེས་གཉིས་པ་དེ་གྲོས་ཚོགས་ཀྱི་ལས་རིམ་འཇུག་སྐྱོང་བྱ་རྒྱུའི་དོན་ཚན་ཞིག་ཡིན་མིན་མ་ཤེས་ཀྱང་གལ་སྲིད་ཡིན་པའི་དབང་དུ་བཏང་ན་ཡང་ཉིན་གྲངས་བདུན་གཅིག་ལྷག་གསལ་བ་ལས་ཟླ་གྲངས་གསལ་མེད་ན་ཟླ་བ་གཅིག་གི་ནང་ཚུད་ལ་ཉིན་གྲངས་བརྩི་དགོས་པ་ལས་ཟླ་བ་གསུམ་ཙམ་འགྱངས་ཆོག་པའི་ཆ་རྐྱེན་དེ་བཅའ་ཁྲིམས་ཀྱིས་དོན་ཚན་གང་གི་ནང་གསལ་ཡོད་དེ་ཡང་གསལ་པོ་ཤེས་མ་སོང་ན་དོན་གྱི་བདག་པོ་རྒྱ་ཆེ་མང་ཚོགས་ལ་གསལ་བཤད་ངེས་པར་དུ་གནང་དགོས་པ་ནི་སྤྱི་འཐུས་ཁྲིམས་བཟོ་གྲོས་ཚོགས་འཐུས་མིའི་གཡོལ་ཐབས་མེད་པའི་ཐུགས་འགན་གྱི་ཆ་ཤས་ཞིག་ཡིན་པའི་ངོས་འཛིན་ཞུ་གི་ཡོད། གྲོས་ཚོགས་ཚོགས་རྒྱུ་དེ་སྤྱི་ཟླ་བཅུ་གཉིས་པའི་ཚེས་ཉི་ཤུ་རྩ་ལྔ་ནས་ཚེས་ཉི་ཤུ་རྩ་དགུ་བར་ཉིན་གྲངས་ལྔ་ཚོགས་རྒྱུ་རེད་འདུག་ན་༧ གོང་ས་༧ སྐྱབས་མགོན་ཆེན་པོ་མཆོག་གནས་མཆོག་རྡོ་རྗེ་གདན་དུ་མཛད་འཕྲིན་བསྐྱངས་རྒྱུ་དང་དུས་ཚོད་མཉམ་དུ་འཁེལ་འདུག་ན་དཔལ་ལྡན་སྲིད་སྐྱོང་མཆོག་དང་བདེ་སྲུང་བཀའ་བློན་རྣམ་གཉིས་ཆིབས་ཞབས་སུ་བཅར་དགོས་ཀྱི་མེད་པ་ཡིན་ན་ལས་དེ་མིན་གྲོས་ཚོགས་ཚོགས་རྒྱུ་དེ་སྔ་སྣུར་རམ་ཡང་ན་ཕྱི་འགྱངས་གནང་ན་འགྲིག་གི་མེད་པ་ཡིན་ནམ། འཐུས་མི་གཅིག་དང་འབྲེལ་བའི་གླེང་གཞི་དེ་དག་བདེ་སྲུང་ལས་ཁུངས་ནས་གསལ་པོ་བཟོས་ཡོད་མེད་ཇི་ལྟར་ཡང་གལ་སྲིད་གསལ་པོ་བཟོས་མེད་ཚེ་ཉིན་ལྔའི་གྲོས་ཚོགས་དེ་འགྲོ་ཐུབ་མིན་དེ་ཡང་ཐེ་ཚོམ་ནང་ལྷག་པ་ནས་གང་ལྟར་རིང་མིན་ཚོགས་རྒྱུའི་གྲོས་ཚོགས་ཀྱིས་ལས་རིམ་དེ་དག་སླར་ཡང་བོད་མི་མང་བློ་ཕམ་མ་དགོས་པ་ཞིག་དང་རྒྱལ་སྤྱིའི་ནང་ཁྲོམ་བཏོན་མ་དགོས་པའི་འགན་དེ་ཚོགས་གཙོ་ཚོགས་གཞོན་དབུས་པའི་སྤྱི་འཐུས་བཞི་བཅུ་ཞེ་ལྔ་ཚང་མས་བཞེས་རོགས་གནང་ཞུ་རྒྱུའི་འདོད་པ་བྱུང་།
སྨན་རམས་པ་བསྟན་འཛིན་ཆོས་སྒྲུབ། (འོག་གི་པར་རིས་འདིར་དགོས་ན་ལེགས) 1.English term=Pancrease. 2.English meaning=The pancreas is an organ of the digestive system and…
དེ་ལས་མང་བ་། “བོད་ཀྱི་གསོ་བ་རིག་པ་ལས་Pancreaseགི་སྲོལ་རྒྱུན་ཐ་སྙད།” »
_______རྙིང་མའི་དབུ་འཛིན་ལམ་ལུགས་མཚམས་འཇོག་ལ་གཟིགས་ཚུལ། རྫོང་སར་འཇམ་དབྱངས་མཁྱེན་བརྩེ། (གསལ་བཤད། འདི་སྤྱི་ལོ་༢༠༢༠ ལོའི་ཟླ་ ༢ ཚེས་ ༣ ཉིན་བརྩམས་ནས་སྐུ་སྒེར་གྱི་ངོ་དེབ་དུ་སྔ་འགྱུར་སྨོན་ལམ་ཚོགས་པའི་ཡི་གེ་དང་མཉམ་སྤེལ་བའི་དབྱིན་ཡིག་གི་མ་དཔེ་གཞིར་བཟུང་གིས་བོད་འགྱུར་བྱས་པ་ཞིག་ཡིན། ། རྩོམ་འདི་བྲེལ་སྟབས་སུ་བསྒྱུར་པས་ཚིག་དོན་ལ་ནོར་བ་ཡོད་སྲིད་པ་དང་། ) རྫ་ཚེ་རིང་བཀྲ་ཤིས་ཀྱིས་བསྒྱུར། ཨོ་སི་ཐྲོ་ལི་ཡིའི་ནགས་ཚལ་གྱི་མེ་སྐྱོན་ཆེན་པོ་དང་།…
བེ་རི་རིག་པའི་རྡོ་རྗེ། ཕྱི་ལོ་ ༢༠༢༣ ཟླ་ ༩ ཚེས་ ༢༣ ཉིན། རང་རེའི་སོག་པོའི་གྲྭ་བ་མེ་ར་མགོན་པོ་ Myaraigombo ལགས་ཀྱིས་དུས་ཚོད་བཀོད་སྒྲིག་གནང་བ་བཞིན། སོག་པོའི་ཨ་མ་སྒྲོལ་དཀར་ Dolgor ལགས་ཀྱིས།…
ཡེ་ཤེས།
ཉིན་དང་པོ། ཉི་མ་ལྷ་སར་མ་སོང་བར་ལོ་ངོ་གཉིས་ལྷག་ཙམ་འགོར་སོང་། ལོ་ངོ་གཉིས་པོ་འདིའི་རིང་། ངས་ལྷ་ས་མ་ཡིན་པའི་ཡུལ་གྲུ་གཞན་ནས་རང་གི་ལས་དབང་གི་འགྱུར་བ་མང་པོ་མྱངས་ཤིང་། ལྷ་ས་ན་སྡོད་པའི་རང་ཉིད་ཁོ་ན་ལས་བརྒལ་ཏེ་རང་ཉིད་གཞན་པ་མང་པོ་ཞིག་ཀྱང་མཐོང་། འཚོ་བ་དང་རང་སྟེང་གི་འགྱུར་བ་དེ་དག་ཡོད་ཚད་ནི་ཇི་འདྲའི་ངོ་མཚར་ཆེ་ཞིང་བསམ་ལས་འདས་པ་ཞིག་རེད་ཨང་།
ཡེ་ཤེས།
དང་པོ། ཞུན་ཡང་།
ཁས་ཉིན་ཞུན་ཡང་ལ་ཐོན་པ་དང་། དེ་རུ་ཞག་མ་གཅིག་དང་ཉིན་ཕྱེད་ཅིག་ལ་བསྡད། གནས་དེའི་གནམ་གཤིས་རློན་ཆེ་ཞིང་ཚ་བ་དྲག་པོ་ཡོད་པ་དང་། སའི་མཐོ་ཚད་ལ་མཚོ་ངོས་ལས་སྨི་ལྔ་བརྒྱ་ཙམ་ལས་མེད། ང་ནི་མཚོ་ངོས་ལས་སྨི་བཞི་སྟོང་ཙམ་ཡོད་པའི་མཐོ་སྒང་ནས་སླེབས་པ་ཡིན་ཡང་། གནས་འདིའི་མཐོ་ཚད་དང་གནམ་ཟླ་ཤིན་ཏུ་ལུས་སེམས་གཉིས་ལ་འཕྲོད་པ་ཞིག་བྱུང་། ག་ས་གང་དུ་སྡོང་བོ་དང་མེ་ཏོག་སོགས་སྔོ་ལྗང་ལྗང་གི་སྐྱེ་དངོས་ཀྱིས་ཁེངས་ནས་ཡོད་པའི་ཁར། རླུང་བུ་ཡང་ཁ་རླངས་ལྟ་བུ་ཡིན་པའི་གནམ་གཤིས་འཇམ་པོ་དེས་མི་ལ་བག་ཕེབས་དང་ཁམས་དྭངས་པའི་སྣང་བ་སྟེར་བས། རྗེས་མར་གནས་འདི་ནས་འདུག་རྒྱུ་བྱུང་ན་སྙམ་པའི་བསམ་པ་ཡང་སྐྱེས།
སྐྱོ་བྲག་དགའ་དབང་།
གནའ་བོའི་དུས་ནའང་ཡིག་བསྐུར་གྱི་ལམ་ལུགས་ཡོད་མོད། བར་ལམ་ཞིག་ཏུ་འཛམ་གླིང་རང་བཞིན་དར་ཁྱབ་བྱུང་བ་བཞིན་བོད་དུའང་དར་འཕེལ་བྱུང་བ་ན། ཡིག་བསྐུར་གྱི་ཐ་སྙད་མང་པོ་བྱུང་བ་སྟེ།
བསྐུར་ཡིག་ལ་སྦྲག་ཟེར་བ་ནི། རྒྱ་གར་སྐད། ཌཱཀ །སྒྲ་སྒྱུར་བྱས་པ་ཡིན་ཅིང་། འབྲི་ཚུལ་ལ། སྦྲག་དང་སྦྲགས་ཏེ། བོད་ལ་དུས་འགྱུར་མ་བྱུང་བའི་སྔོན་དུ།བོད་གཞུང་སྦྲཊ་གླ། ཞེས་བྲིས་པ་ལྟ་བུའོ། །
རས་པས་པར་བླངས་ཤིང་། ཡི་གེ་བྲིས།
རྡ་རམ་ས་ལའི་མེག་ལོར་ཁྲོམ་སྲང་གཉིས་ཀྱི་འགོ་སྟོད་ནས་ལག་པ་གཡས་ཕྱོགས་སུ་བསྐྱོད་ཚེ་ལུང་གཞུང་ཆེན་པོའི་ཞིག་ཏུ་ཆུ་ཕྲན་ཞིག་བཞུར་གྱི་ཡོད་པ་དང་། དེ་ལ་རྒྱ་གར་བའི་སྐད་དུ་བྷག་སོའུ་(Bhagsu)ཟེར། བྷག་སོའུ་ལ་འགྲོ་བའི་ལམ་ཟུར་གྱི་གདོང་ཁ་ཞིག་ཏུ་ཉམས་ཆུང་བའི་རྡོ་བསྐོས་རྗེས་དྲན་ཞིག ཁེར་རྐྱང་དང་། སུན་སྣང་ངང་གནས་ཡོད། དེའི་མགོ་བརྗོད་དུ་ “དགེ་འདུན་ཆོས་འཕེལ་ངའི་བརྩེ་བའི་ཁྱོ་ག་”ཞེས་བྲིས་འདུག བརྩེ་བའི་ཁྱོ་ག་དེ་སུ་ཡིན་ནམ། ཁག་ཅིག་གིས་མཁས་དབང་དགེ་འདུན་ཆོས་འཕེལ་གྱི་རྗེས་དྲན་ཞིག་ལ་ནོར་གྱི་ཡོད།
ཤེད་བུ།
ཨ་ཁུ་སངས་རྒྱས་ཞི་བར་གཤེགས་པ་ལ་རང་སེམས་ཀྱི་མྱ་ངན་ཞི་ཆེད་དུ།
ཨ་ཁུ་སངས་རྒྱས་སྐུ་གཤེགས་པའི་གནས་ཚུལ་དེས་ང་ཉིན་འདི་ཚོར་བསམ་གཞིགས་ཀྱི་ཀློང་དུ་བསྐྱལ། ཕྱིར་འདང་ལ་ཕྱོགས་མི་དགོས་པར་ཁོང་དང་འབྲེལ་བའི་གཏམ་རྒྱུད་མོད་པོ་ཞིག་དྲན་ངོས་སུ་འཆར་འོང་གི་འདུག ཁོང་ནི་རེབ་གོང་སྐྱབས་མགོན་སྐུ་ཕྲེང་བརྒྱད་པ་ཆེན་པོའི་ཡོངས་འཛིན་རྗེ་འཇིགས་མེད་ཐེག་མཆོག་གི་དགེ་རྒན་གནང་མྱོང་བ་མ་ཟད། རེབ་གོང་སྐྱབས་མགོན་གྱི་ཁུ་བོ་ཡིན། སྤྲུལ་སྐུ་བྱིས་དུས་ནས་ཁོང་གིས་བསྐྱངས་པ་མ་ཟད། གདན་སར་བཀོད་དེ་མཛད་འཕྲིན་རྒྱས་པའི་སྐབས་སུའང་ཨ་ཁུ་སངས་རྒྱས་སྔར་བཞིན་བཙན་པོ་དང་། བཀའ་དྲིན་ཅན་དང་། ཆོས་སྲིད་གང་ཐད་ནས་བསྙེས་ཆོག་ཆོག་གི་རྒྱབ་རི་མཐོན་པོ་ཞིག་ཡིན། རིན་པོ་ཆེས་ཀྱང་ཨ་ཁུ་སངས་རྒྱས་ཞེས་ཡང་ཡང་གསུངས་པ་ད་དུང་ངའི་དྲན་པར་གསལ་བོ་ཡོད་ནའང་། དེའི་སྐོར་རྒྱས་པར་མི་གླེང་།
གནས་ཚུལ་མཁོ་སྤྲོད་པ། ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པ།
དེ་ཡང་ཕྱི་ལོ་༢༠༢༣ ཟླ་ ༢ ཚེས་ ༢༧ ཉིན། ཐའེ་ཝན་གྱི་རྒྱལ་ས་ཐའེ་པེ་རུ་ཆོས་བརྒྱུད་རིས་མེད་ཀྱི་མཁན་སྤྲུལ་དགེ་བཤེས་སོགས་དགེ་འདུན་པ་བདུན་ཅུ་ལྷག་དང་། དེར་ཡོད་བོད་རིགས་ཤེས་ཡོན་པ་དང་སློབ་གཉེར་གནང་བཞིན་པ་སོགས་ཉི་ཤུ་ལྷག་བཅས་མཉམ་འཛོམས་ཐོག་བོད་བརྒྱུད་ནང་བསྟན་དར་སྤེལ་གྱི་བགྲོ་གླེང་ཐེངས་བཅུ་གཅིག་པ་དེ་དངོས་སུ་འཚོགས་ཡོད་ཅིང་། ཚོགས་ཐོགས་སུ་བསྟན་པ་སྤྱིའི་ཁ་ཕྱོགས་དང་། བོད་བརྒྱུད་ནང་བསྟན་གྱི་འབྱུང་འགྱུར། དེ་ལས་ཀྱང་༧གོང་ས་སྐྱབས་མགོན་རྒྱལ་བའི་དབང་པོ་མཆོག་གི་འཇིག་རྟེན་སྤྱི་སྨན་གྱི་དགོངས་བཞེད་དང་འགན་འཁྲི་གལ་ཆེན་ཆོས་ལུགས་དང་མ་འབྲེལ་བའི་བཟང་སྤྱོད་སོགས་དང་འབྲེལ་བའི་བརྗོད་གཞི་གལ་ཆེན་བཞིའི་ཐོག་ལ་གཏམ་བཤད་དང་གོ་བསྡུར་ལྷུག་པོར་གནང་ཞིང་། དྲ་ལམ་བརྒྱུད་ནས་ཐད་གཏོང་ཡང་བྱས་ཡོད།
དེ་ལས་མང་བ་། “ཐའེ་བོད་བརྒྱུད་ནང་བསྟན་དར་སྤེལ་བགྲོ་གླེང་ཐེངས་བཅུ་གཅིག་པའི་གསར་གནས།” »
སྐད་གྲགས་ཆེ་བའི་བོད་རིག་པའི་མཁས་དབང་དང་ལོ་ཙཱ་བ་ཆེན་མོ། མཚོ་སྔོན་མི་རིགས་སློབ་གྲྭ་ཆེན་མོའི་བོད་རིག་པའི་སློབ་གླིང་གི་གླིང་གཙོ་ཟུར་པ། འབུམ་རམས་པའི་མཛུབ་སྟོན་དགེ་རྒན། རྒྱལ་སྲིད་སྤྱི་ཁྱབ་ཁང་གི་དམིགས་བསལ་ཕོགས་དངུལ་ལོངས་སྤྱོད་པའི་ཆེད་མཁས་རྒན་སངས་རྒྱས་ལགས་ནད་གཞི་བྱུང་སྟེ་བཅོས་ཐབས་མ་བྱུང་བར་བརྟེན། 2023ལོའི་ཟླ2ཚེས26ཉིན་གྱི་དགོང་མོའི་དུས་ཚོད23དང་སྐར་མ38སྟེང་མདོ་སྨད་རེབ་གོང་ནས་སྐུ་ཚེའི་འཕེན་པ་རྫོགས། དགུང་ལོ་དོན་གཅིག་ཡིན།
སངས་རྒྱས་ལགས་ནི་མཚོ་སྔོན་ཞིང་ཆེན་ཐུན་རིན་གྲོང་ཁྱེར་དུ་འཁྲུངས་ཤིང་། མཚོ་སྔོན་མི་རིགས་སློབ་ཆེན་བོད་རིག་པའི་སློབ་གླིང་གི་དགེ་རྒན་ཆེན་མོ་དང་འབུམ་རམས་པའི་མཛུབ་སྟོན་དགེ་རྒན། རྒྱལ་སྲིད་སྤྱི་ཁྱབ་ཁང་གི་དམིགས་བསལ་ཕོགས་དངུལ་ལོངས་སྤྱོད་པའི་
ཨ་རུ་ར།
དབྱངས་དགའ་ལགས་ནི་བོད་ལྗོངས་གསོ་རིག་སློབ་ཆེན་གྱི་དགེ་རྒན་ཆེན་མོ་དང་། འབུམ་རམས་ཞིབ་འཇུག་སློབ་མའི་མཛུབ་ཁྲིད་སློབ་དཔོན།དཔེ་རྙིང་སྲུང་སྐྱོབ་ལས་དོན་ཆེད་མཁས་ལྷན་ཚོགས་ཀྱི་ཚོགས་གཙོ་གཞོན་པ། བོད་ལྗོངས་བོད་ལུགས་གསོ་རིག་ཚད་ལྡན་ལག་རྩལ་ལྷན་ཚོགས་ཀྱི་ཨུ་ཡོན། གཞན་ཡང་སློབ་གྲྭ་ཆེ་ཁག་དུ་མ་ཞིག་གི་ནང་དུ་གདན་ཞུའི་སློབ་དཔོན་བཅས་ཀྱི་འགན་བཞེས། ཁོང་ནི་སྤྱི་ལོ་༡༩༦༦ལོའི་དབྱར་ཁར་ཁམས་སྟོད་ནག་ཤོད་ཅེས་པ་དེང་དུས་བོད་ལྗོངས་ནག་ཆུ་གྲོང་ཁྱེར་འབྲི་རུ་རྫོང་ཤག་ཆུ་གྲོང་བརྡལ་གྱི་འབྲོག་པ་དཀྱུས་མ་ཞིག་གི་ཁྱིམ་ཚང་དུ་འཁྲུངས། ཡབ་ཀྱི་མིང་ལ་ནམ་མཁའ་དང་ཡུམ་གྱི་མིང་ལ་པད་སྐྱིད་ཅེས་ཞུ། སྤྱི་ལོ་༡༩༨༦ལོའི་༩་ནས་༡༩༩༡ལོའི་ཟླ་བ་༧པའི་བར། བོད་ལྗོངས་སློབ་གྲྭ་ཆེན་མོ་དང་བོད་ལྗོངས་བོད་ལུགས་གསོ་རིག་སློབ་གྲྭ་ཆེན་མོ་ནང་བོད་ཀྱི་གསོ་བ་རིག་པ་དང་། གནམ་རིག་སྐར་རྩིས་སོགས་བོད་ཀྱི་རིག་པའི་གནས་ཁག་ལ་སློབ་གཉེར་བྱས་ནས་དངོས་གཞིའི་མཐོ་རིམ་སློབ་གྲྭའི་སློབ་གནས་མཐར་ཕྱིན། སྤྱི་ལོ་༡༩༩༩ལོའི་ཟླ་༩ནས་༢༠༠༢ལའི་ཟླ་༧པའི་བར། བོད་ལྗོངས་བོད་ལུགས་གསོ་རིག་སློབ་གླིང་དུ་མཁས་པའི་དབང་པོ་ལྔ་རིག་པཎ་ཆེན་ཁྲོ་རུ་ཚེ་རྣམ་རིན་པོ་ཆེའི་མཛུམ་སྟོན་གནང་ནས་བོད་ལུགས་གསོ་རིག་གི་རབ་འབྱམས་སློབ་གནས་མཐར་ཕྱིན།
དེ་ལས་མང་བ་། “བོད་ཀྱི་གསོ་རིག་མཁས་དབང་དབྱངས་དགའ་ལགས་ཀྱི་མི་ཚེ།” »
རྫ་ཚེ་རིང་བཀྲིས།
མཛའ་ཞིང་བརྩེ་བའི་ཀློག་པ་པོ་ལགས།
ཁྱེད་ནི་ངའི་སེམས་གཏིང་གི་ཚོར་འདུ་དང་། དབུགས་ཀྱི་འབྱིན་རྔུབ་ཕྲ་ཤོས་ལ་སེམས་བག་ཕབ་ནས་མཉན་འཇོག་གནང་མཁན་ངོ་མ་དེ་ཡིན། ཁྱེད་ཡོད་པས་ངས་རང་ཉིད་ཀྱི་མི་ཚེ་དང་དུས་ཚོད་མང་པོ་ཞིག་དབྱངས་གསལ་སོ་བཞིར་བཏང་བ་དེར་དགའ་སྣང་གིས་ཁེངས་ཡོད།
ད་ཆ་ང་ཕྱི་རྒྱལ་སྒྲོ་ལོའི་གྱི་ལུང་པ་ན་ཡོད་ཀྱང་ངས་དཔལ་འབྱོར་གྱི་ཆེད་དུ་གཞན་གྱི་བྲན་གཡོག་བྱས་མེད། ང་ལ་རྒྱ་བླ་ཞིག་གི་མིང་ཞིག་ཡོད་མོད། ངས་འཕྲལ་གྱི་ཁེ་ཕན་ཉི་ཚེ་བར་སེམས་གཡེང་ནས་རིག་གཞུང་དང་འབྲེལ་བའི་ལས་ཀའི་དགའ་ཕྱོགས་དོར་མེད། རིག་གཞུང་གི་ལར་ཞེན་འདིའི་དབང་དུ་བྱས་ན། འདི་ནི་ཅིག་བྱས་ན་ངའི་མི་ཚེའི་སྤོབས་པ་ཆུང་ངུ་ཞིག་ཡིན་སྲིད་མོད། གང་ལྟར་རང་ཉིད་དགའ་ཕྱོགས་འདི་ལ་འཇུས་པའི་སེམས་པ་དེ་མུ་མཐུད་བརྟན་པོར་གནས་པ་ནི་ཀློག་པ་པོ་ཁྱེད་ཀྱི་གདེང་འཇོག་དང་རྒྱབ་སྐྱོར་ཁོ་ན་ལས་བྱུང་བ་ཡིན་པ་ངས་གསལ་པོར་ཤེས་ཀྱི་ཡོད།
དེ་ལས་མང་བ་། “སྤྱོད་པ་དང་ལམ་གྱི་མདོ་ཀློག་པ་པོར་ཕུལ་བའི་འཕྲིན།” »
ཆུ་སྐྱེས་དགེ་འདུན་དཔལ་བཟང་།
གསུམ་པ། ཞར་བྱུང་མལ་གྲོ་གུང་དཀར་གྱི་སྒྲུབ་སྡེ་ཁག
གཅིག དགེ་བཤེས་འཆད་ཁ་བའི་དགོན་པ།
གཅིག འཆད་ཁ་དགོན་པ།
འཆད་ཁ་དགོན་པ་ནི། ད་ལྟའི་བོད་ལྗོངས་ལྷ་ས་གྲོང་ཁྱེར་མལ་གྲོ་གུང་དཀར་རྫོང་བཀྲ་ཤིས་སྒང་ཡུལ་ཚོ་སྐྱིད་དགུ་གྲོང་ཚོའི་རི་འདབས་སུ་ཆགས་ཡོད། སྤྱི་ལོ༡༡༥༣ལོར་འཆད་ཁ་བ་ཡེ་ཤེས་རྡོ་རྗེས་ཕྱག་འདེབས་མཛད། རྗེས་སུ་ཀླུ་གཉན་གྱིས་དགེ་འདུན་པ་རྣམས་ལ་གནོད་པར་བརྟེན། འཆད་ཁ་བ་ཁོང་གིས་ལུང་བསྟན་གནང་བ་ལྟར་ཁོང་གི་ཐུགས་སྲས་སེ་སྤྱིལ་བུ་བ་ཆོས་ཀྱི་རྒྱལ་བོས་སྤྱི་ལོ༡༡༦༥ལོར་འཆད་ཁ་དགོན་གསར་ཕྱག་འདེབས་གནང་། རིག་གསར་སྐབས་གཏོར་བཅོམ་ཐེབས། ད་ལྟ་འདུ་ཁང་དང་མགོན་ཁང་སོགས་བསྐྱར་བཞེངས་དང་། དགེ་འདུན་པ་བཅོ་ལྔ་མ་ལོངས་ཙམ་བཞུགས། །
དེ་ལས་མང་བ་། “འཕན་ཡུལ་བཀའ་གདམས་པའི་གནས་ཆེན་ཁག་ཏུ་བསྐྱོད་པའི་དྲན་ཐོ། ༼སྨད་ཆ།༽” »
ཀ་གྱའི་དཔལ་རྩེ་རྒྱལ།
ཟླ་ངོ་ཁ་ཤས་ཀྱི་སྔོན་ལ་གྲོགས་པོ་སྐལ་བཟང་གིས་ང་ལ་ཁ་པར་ཡོང་ནས་ཁོས་ཕྱི་རྒྱལ་གྱི་སློབ་ཆེན་ཡག་ཤོས་ཤིག་གི་འབུམ་རམས་པར་རྒྱུགས་འཕྲོད་པར་མ་ཟད། འབུམ་རམས་པའི་སློབ་ཡོན་རོགས་དངུལ་ཡང་ཆ་ཚང་ཐོབ་འདུག་ཟེར། གཏམ་བཟང་འདིས་ང་རང་དགའ་ལྷང་ངེར་བཏང་བ་དང་འཕྲལ་མར་ཁོ་ལ་རྟེན་འབྲེལ་ཞུས་པ་ཡིན། གཏམ་བཟང་འདི་ཐོས་དུས་ངས་ཨ་རིའི་མཱི་ཆི་གཱན་གཙུག་ལག་སློབ་ཆེན་ནས་མི་རིང་མི་ཐུང་ལོ་ངོ་བརྒྱད་ཀྱི་རིང་ལ་འབད་པ་བྱས་ཏེ་མིའི་རིགས་རིག་པའི་འབུམ་རམས་པའི་བསླབ་གནས་བླངས་ནས་ཅང་འགོར་མེད། སྐལ་བཟང་ཁོ་ཡང་དེ་དུས་ཁྲིན་ཏུའུ་ན་ཡོད་ཕྱིར་ངེད་གཉིས་ཀས་དུས་བཏབ་ནས་ཁོ་ཧྥེ་ཁང་ཞིག་ཏུ་ཁ་བརྡ་ལྷོད་ལྷོད་བྱས། དེ་དུས་ད་ལོའི་སྤྱི་ཟླ་ལྔ་བའི་ནང་། ནམ་ཟླ་སྐྱིད་དུས། ནད་ཡམས་དང་ཚ་བ་ཡང་མེད་དུས་རེད།
ངེད་གཉིས་ཀྱིས་ཁ་བརྡ་ཅི་ཞིག་གི་སྐོར་ནས་བྱས་པ་ཡིན་ཟེར་ན། གཙོ་བོ་གྲོགས་པོའི་མ་འོངས་བའི་ཞིབ་འཇུག་གི་འཆར་གཞིའི་སྐོར་ནས་བྱས་པ་ཡིན། གྲོགས་སྐལ་བཟང་བོད་རྒྱ་དབྱིན་གསུམ་ལ་བྱང་ཆ་ལྡན་ཞིང་། ལྷ་ས་སྐད་གཙོ་བྱས་བོད་སྟོད་སྨད་བར་གསུམ་གྱི་ཡུལ་སྐད་མང་པོ་ཞིག་ཀྱང་བཤད་ཤེས། དེས་ག་ལ་ཚད། ཁོས་ད་དུང་སི་ཁྲོན་གྱི་རྒྱ་སྐད་དང་མཚོ་སྔོན་གྱི་རྒྱ་སྐད་ཀྱང་ཡག་པོ་བཤད་ཤེས། དེས་ན་གྲོགས་པོ་ཁོའི་སྐད་དང་ཡི་གེའི་ཕྱོགས་ཀྱི་ཤེས་རབ་ལ་སུས་ཀྱང་ཡིད་སྨོན་མི་འཆོར་དབང་མེད་ཅིག་ཡིན་ནོ།། དེ་ལྟར་ཡང་། ཉིན་དེར་ཐོག་མར་ངེད་གཉིས་ཀྱིས་ཁོའི་ཞིབ་འཇུག་གི་འཆར་གཞིའི་སྐོར་ནས་ཁ་བརྡ་བྱེད་སྐབས་ང་ལ་ཚོར་བ་འདི་འདྲ་ཞིག་སྐྱེས་སོང་སྟེ། གྲོགས་སྐལ་བཟང་ལ་ཞིབ་འཇུག་གི་ཁ་བྱང་ཡག་པོ་ཞིག་ཡོད་པ་མ་གཏོགས་ཁོས་ད་དུང་རང་གི་ཞིབ་འཇུག་གི་དྲི་བ་དང་ཞིབ་འཇུག་གི་གནད་དོན་སོགས་ཀྱི་སྐོར་ལ་བསམ་བློ་ཞིབ་མོ་བཏང་མེད་པ་འདྲ། ཁོའི་འཆར་གཞི་གཙོ་བོ་ནི་བོད་ཡུལ་གྱི་ས་ཆ་སྐོར་ཞིག་ལ་སོང་ནས་རང་གི་ཞིབ་འཇུག་གི་ཁ་བྱང་དང་འབྲེལ་བ་ཡོད་པའི་རྒྱུ་ཆ་མང་པོ་ཞིག་འཚོལ་བསྡུ་བྱ་རྒྱུ་དེ་ཡིན་ཟེར།
ཆུ་སྐྱེས་དགེ་འདུན་དཔལ་བཟང་།
གཉིས་པ། འཕན་ཡུལ་གྱི་བཀའ་གདམས་པའི་དགོན་པ་བརྒྱད།
རྒྱལ་བའི་གདུང་འཚོབ་བཤེས་གཉེན་པོ་ཏོ་བ།།
རྣམ་དཔྱོན་འགྲན་ཟླ་བྲལའི་ཤ་ར་བ།།
བྱང་ཆུབ་ཐུགས་ཀྱི་བཀའ་བབས་འཆད་ཁ་བ།།
འགྲོ་བའི་རེ་སྐོང་གསུམ་ལ་གསོལ་བ་འདེབབས།།
གཅིག དགེ་བཤེས་པོ་ཏོ་བའི་དགོན་པ།
བློ་སྦྱོང་ཚིགས་བརྒྱད་མ།བདག་ནི་སེམས་ཅན་ཐམས་ཅད་ལ།།
ཡིད་བཞིན་ནོར་བུ་ལས་ལྷག་པའི།།
དོན་མཆོག་སྒྲུབ་པའི་བསམ་པ་ཡིས།།
རྟག་ཏུ་གཅེས་པར་འཛིན་པར་ཤོག།
གཅིག པོ་ཏོ་དགོན་པ།
དེ་ལས་མང་བ་། “འཕན་ཡུལ་བཀའ་གདམས་པའི་གནས་ཆེན་ཁག་ཏུ་བསྐྱོད་པའི་དྲན་ཐོ། ༼བར་ཆ།༽” »
ཆུ་སྐྱེས་དགེ་འདུན་དཔལ་བཟང་།
དཀར་ཆག
དང་པོ། འཕན་ཡུལ་གྱི་བྱམས་པ་སྤུན་གསུམ། ༼སྟོད་ཆ།༽
གཅིག རྒྱལ་ལྷ་ཁང་བྱམས་པ།
གཉིས། ཀླུ་ཁ་སྟོད་བྱམས་པ།
གསུམ། རྭ་མ་བྱམས་པ།
གཉིས་པ། འཕན་ཡུལ་གྱི་བཀའ་གདམས་པའི་དགོན་པ་བརྒྱད། ༼བར་ཆ།༽
གཅིག པོ་ཏོ་དགོན་པ།
གཉིས། ཕུ་ཆུང་རི་ཁྲོད།
གསུམ། སྤྱན་སྔ་དགོན་པ།
བཞི། ཁ་ལུང་དགོན་པ།
ལྔ། སྣེའུ་ཟུར་དགོན་པ།
དྲུག གླང་ཐང་དགོན་པ།
བདུན། ཤ་ར་དགོན་པ།
བརྒྱད། ལྕགས་རི་དགོན་པ།
གསུམ་པ། ཞར་བྱུང་མལ་གྲོ་གུང་དཀར་གྱི་སྒྲུབ་སྡེ་ཁག ༼སྨད་ཆ།༽
གཅིག འཆད་ཁ་དགོན་པ།
གཉིས། སྤང་ས་དགོན་པ།
གསུམ། དབུ་སྟོད་བྱ་ཡུལ་དགོན་པ།
བཞི། མལ་གྲོ་ལྷ་ཁང་ངམ་སྐྱིད་སྤྲོ་དགོན་པ།
དེ་ལས་མང་བ་། “འཕན་ཡུལ་བཀའ་གདམས་པའི་གནས་ཆེན་ཁག་ཏུ་བསྐྱོད་པའི་དྲན་ཐོ། ༼སྟོད་ཆ།༽” »
དཔལ་ཐར་རྒྱལ།
སྲི་ཐར་རྡོ་རྗེ་ནི་ཆབ་མདོ་གྲོང་ཁྱེར་དཔལ་འབར་རྫོང་ས་དམ་ཡུལ་ཚོའི་དཔྲི་པ་གྲོང་ཚོ་རུ་སྐྱེས། ཁོ་རང་ལོ་བདུན་ཡས་མས་སུ་ཤང་མི་དམངས་སྲིད་གཞུང་གི་ཧྲུའུ་ཅི་རྒྱལ་མཚན་ཆོས་འཕེལ་གྱིས་ཆབ་མདོ་ས་ཁུལ་གྱི་ལོ་དགུའི་འོས་འགན་སློབ་གསོ་འཆར་གཞི་ལྟར་ཁོ་ཚོའི་གྲོང་ཚོ་རུ་སློབ་མ་བསྡུ་རུ་ཡོང་། སྐབས་དེར་སྲི་ཐར་རྡོ་རྗེ་ནི་སློབ་གྲྭ་དེ་གའི་སློབ་མ་གསར་བའི་མིང་ཐོ་རུ་ཚུད་འདུག དེའི་རྐྱེན་གྱིས་ཁྱིམ་མིས་སློབ་གྲྭར་སྐྱེལ་མི་འདོད་ན་ཡང་རྒྱལ་ཁབ་ཀྱི་སྲིད་ཇུས་ཡིན་པས་སློབ་གྲྭར་འགྲོ་དགོས་བྱུང་།
དེ་ལས་མང་བ་། “གངས་རིའི་ལྗོངས་ཀྱི་ལོ་ན་ཆེས་ཆུང་བའི་བབ་སྒྲུང་པ་སྲི་ཐར་རྡོ་རྗེ།” »
ཟུང་དྲུང་ཤར་ཙོང་བསྟན་འཛིན་བདེ་ལྡན།
དེ་རིང་ང་ཚོས་སེམས་སྐྱོ་ཞིང་ཡི་མུག་པའི་ངང་ཞིང་གཤེགས་དམ་པ་སྐུ་ངོ་བསམ་འཕེལ་མཆོག་དགོང་ཞག་བཞི་བཅུ་ཞེ་དགུ་འཁོར་བའི་མཆོད་འབུལ་སྨོན་ལམ་དང་རྗེས་དྲན་ཚོགས་འདུ་ཚོགས་ཀྱི་ཡོད། དམ་པ་ཁོང་འདི་ལྟར་གློ་བུར་དུ་འཇིག་རྟེན་འདི་དང་ཞལ་གྱེས་པ་ནི་ང་ཚོ་བཙན་བྱོལ་བོད་མི་ཙམ་མ་ཟད། གངས་ཅན་ལྗོངས་ཡོངས་ཀྱི་གྱོང་གུན་ཚབས་ཆེན་ཞིག་ཡིན། འདིར་ང་ཚོ་ཡིད་སྐྱོ་ཞིང་སེམས་ཕངས།
