ཡོང་ཁུངས། བོད་ཀྱི་བང་ཆེན།
བོད་ཀྱི་གཞོན་ནུ་ལྷན་ཚོགས་ཐོག་མར་བཙུགས་སྐབས་ཀྱི་གནས་སྟངས་དང་ལངས་ཕྱོགས། དེ་བཞིན་བོད་དོན་བདེན་པའི་འཐབ་རྩོད་དང་འབྲེལ་བའི་གནད་དོན་གལ་འགངས་ཆེ་བ་ཁག་གཅིག
སྔ་ལོ་(༢༠༡༣) ནིའུ་ཡོག་དང་ནིའུ་འཇར་སི་ས་གནས་གཞོན་ནུས་གོ་སྒྲིག་གནང་བའི་བོད་ཀྱི་གཞོན་ནུ་ལྷན་ཚོགས་ཀྱི་དུས་ཆེན་ཉིན་མགྲོན་འབོད་གནང་ཡང་བཅར་ཐུབ་མ་སོང་།
དེ་ལས་མང་བ་། “རྒྱ་རི་རིན་པོ་ཆེའི་གཞོན་ལྷན་གསར་འཛུགས་དང་འབྲེལ་བའི་གཏམ།” »
རྩོམ་འབྲི་བ། འཇམ་དབྱངས་ཤེས་རབ།
རྡོ་གྲུབ་ཆེན་ལྔ་བ་༧ཐུབ་བསྟན་ཀློང་ཡངས་རིག་འཛིན་རྒྱ་མཚོ་མཆོག་གི་ངོ་མཚར་བའི་མཛད་པ་ཁ་ཤས་ཟུར་གསལ་གྱི་ཚུལ་དུ་ཞུ་བ།
(སྐྱེས་བུ་དམ་པ་འདི་ནི་ཟབ་གསང་འོད་གསལ་ཀློང་ཆེན་སྙིང་གི་ཐིག་ལེའི་བསྟན་པའི་མངའ་བདག་རྡོ་གྲུབ་ཆེན་རིན་པོ་ཆེའི་སྐུ་ཕྲེང་བཞི་པ་རིག་འཛིན་བསྟན་པའི་རྒྱལ་མཚན་ནམ་རིག་འཇའ་ལུས་རྡོ་རྗེའི་ཡང་སྲིད་འཁྲུལ་མེད་དུ། དཔོན་བླ་དབང་ཆེན་ཉི་མ། རྡོ་གྲུབ་ཆེན་ཐུབ་བསྟན་ཕྲིན་ལས་དཔལ་བཟང་པོ། མཁའ་འགྲོ་ཏ་རེ་ལྷ་མོ། སེ་ར་ཡང་སྤྲུལ་སོགས་དམ་པ་དུ་མས་མགྲིན་གཅིག་ཏུ་བསྔགས་པ་ཡིན་ཚུལ་ཁོ་བོས་བྱས་པའི་རྗེ་འདིའི་མཛད་རྣམ་མདོར་བསྡུས་སུ་གསལ་ལ། འདིར་ཁ་བྱང་ལྟར་ངོ་མཚར་བའི་མཛད་པ་ཁ་ཤས་ཟུར་གསལ་དུ་ཞུས་པ་ཡིན།)
ཁྱབ་བདག་འཇའ་ལུས་རྡོ་རྗེའི་ཡང་སྲིད་དེ་མ་ཐག་པ་༧རྡོ་གྲུབ་ཆེན་ལྔ་བ་ཐུབ་བསྟན་ཀློང་ཡངས་རིག་འཛིན་རྒྱ་མཚོ་མཆོག་གི་རྣམ་པར་ཐར་པ་མདོ་ཙམ་གླེང་བ།
འཚོལ་གྱི་དྲྭ་འཕྲིན་ཟིན་བྲིས།
ཨེ་མ་སྒྲིབ་བྲལ་རིག་པའི་སྤྱན་ཡངས་དེས། །འཁོར་འདས་རེ་དོགས་ཞིག་པའི་ཚུལ་མཐོང་ཞིང་། །སྤྱི་འདུས་བླ་མའི་རྣལ་འབྱོར་གཅིག་པུ་སྐྱོང་། །འཇིགས་བྲལ་རིག་འཛིན་བླ་མར་སྙིང་ནས་འདུད། །
དེ་ལས་མང་བ་། “རྡོ་གྲུབ་ཆེན་ལྔ་བ་མཆོག་གི་མཛད་རྣམ་མདོར་བསྡུས།” »
སྐྱོ་བྲག་དགའ་དབང་།
སྐྱེ་བའི་དངོས་པོ་མཐའ་དག་རྒྱུ་དང་འབྲས་བུའི་ཚུལ་གྱིས་མུ་མཐའ་མེད་པར་ཡོང་གི་ཡོད་ལ། འགྲོ་བ་མི་ཡང་སྐྱེ་བའི་དངོས་པོའི་ཆ་ཤས་ཤིག་ཡིན་པའི་ཕྱིར་ན་ཕ་མ་དང་བུ་རྒྱུད་ཀྱི་འབྲེལ་བས་ཐོག་མཐའ་མེད་པར་ཡོང་གི་ཡོད། ངའི་མི་རིགས་འདི་ཡང་དེ་བཞིན་ཡིན་ཕྱིར། ནང་ཆེན་མི་དམངས་སྨན་ཁང་དུ་འདན་མ་ལྷ་ཡི་གདུང་རྒྱུད་དུ་གྲགས་པ་ཕ་བཀྲ་ཤིས་ཉི་མ་དང་། མ་པདྨ་ཚེ་སྒྲོན་གཉིས་ལ་བོད་རབ་རྒྱན་ཤིང་རྟ་གྲོ་བཞིན་ཟླ་བའི་མར་ངོའི་བཅུ་བཞིའི་དགོང་མོར་བུ་ཞིག་སྐྱེས་འདུག །
སྐྱེ་བའི་ཉིན་མོ་འདི་ནི་དམིགས་བསལ་གྱི་ཉི་མ་ཞིག་སྟེ། མགོན་པོ་དང་ལྷ་མོ་རྒྱུ་བའི་དུས་ཆེན་ཡིན་པ་ཡོངས་སུ་གྲགས་ལ།
ཀླུ་སྨྱོན།
ལོ་རབས་བརྒྱད་ཅུ་པ་དང་དགུ་བཅུ་པ་ནི་ལྟོས་འཇོག་གིས་བཤད་ན་སྒྱུ་རྩལ་རྩོམ་ཡིག་གི་དུས་རབས་རེད། ཉིས་སྟོང་གཅིག་ནས་བཅུ་བར་ནི་གདན་རབས་དང་ལོ་རྒྱུས་རྩོམ་རིག་གི་དུས་རབས་ཤིག་རེད། ཉིས་སྟོང་བཅུ་ནས་ཉི་ཤུ་བར་ནི་ཕལ་ཆེར་ཚིག་མཛོད་བྲེལ་རྩོམ་གྱི་དུས་རབས་ཤིག་ཏུ་གྱུར་དང་འགྱུར་བཞིན་འདུག ལོ་འདི་དག་གི་ནང་དུ་སྒོམ་སྡེ་ལྷ་རམས་པའི་དགེ་ལུགས་ཚིག་མཛོད་དང་ཡུལ་ཤུལ་མཁན་པོ་བསྟན་འཛིན་གྱི་ས་སྐྱའི་ལམ་འབྲས་ཚིག་མཛོད་གཉིས་ཐོན་ཚར་འདུག་ཅིང་།
སྐྱོ་བྲག་དགའ་དབང་།
ཡུལ་བདག་ཆེན་པོ་གནོད་སྦྱིན་གང་བ་བཟང་པོས་བཟུང་བའི་ཡུལ། གངས་རི་རྩེ་རྒྱལ་གནམ་འདེགས་ཀྱི་ཀ་བ་འདྲ་བ། རྩམ་གྱི་ལྷ་སྒོ་མདུང་རྩེ་ཞེས་བྱ་བ། བོད་ཡུལ་དབུ་རུ་བྱང་ཕྱོགས་ཀྱི་ས་ཡི་ཆ། རི་སྙིང་འབའ་རོམ་གྱི་གནས་ཡིན་པས་ན་བྱང་འབའ་རོམ་དུའང་གྲགས་པ། སྒྲ་སྒྱུར་གྱི་རྒྱལ་པོ་མར་པ་ལོ་ཙཱ་བ་ཆེན་པོས་ཆོས་འཁོར་བསྐོར་བའི་གནས་ཏེ། མར་པའི་རྣམ་ཐར་དུ། བྱང་དུ་ཕེབས་ནས་མར་པ་མགོ་ཡགས་ཀྱི་ཡུལ་རྩམ་གྱི་ལྷ་སྒོ་མདུང་རྩེ་བྱ་བར་གདན་ཕབ་ནས་ཆོས་མང་དུ་གསུང་། ཞེས་པ་ཡོད།
ཡོང་ཁུངས། བོད་མིའི་སྒྲིག་འཛུགས་ཀྱི་དྲ་རྒྱ
ལས་བྱེད་གསར་འདེམས་ཀྱི་བོད་ཡིག་ཤེས་ཚད་ཡིག་རྒྱུགས་ཀྱི་དྲི་ཤོག་སྒྲོམ་གཞི། (དུས་ཡུན་ཚོུད་ ༣ བསྡོམས་བརྒྱ་ཆ་ ༨༠)
ལེའུ་དང་པོ་རྩོམ་བྲིས།
*** ༡༽ བོད་མིའི་རང་དབང་སྒེར་ལངས་༥༢ པ་གཞུང་འབྲེལ་སྲུང་བརྩིའི་མཛད་སྒོའི་ཐོག་གཞིས་བྱེས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་བོད་ཀྱི་རྒྱལ་རབས་ལོ་རྒྱུས་ནང་ཆེས་འགྱུར་བ་འགྲོ་བའི་གསུང་འཕྲིན་བསྩལ་སྨིན་བྱུང་བ་དེས་འཛམ་གླིང་ནང་གི་ཡོངས་གྲགས་མང་གཙོའི་ལམ་སྲོལ་དང་མཐུན་པ་ཇི་བྱུང་།
དེ་ལས་མང་བ་། “བོད་ཡིག་ཤེས་ཚད་ཡིག་རྒྱུགས་ཀྱི་དྲི་ཤོག་སྒྲོམ་གཞི།” »
གཡག་རྒོད་དང་བླངས་རྩོམ་སྒྲིག་ཚོགས་ཆུང་།
ད་ལོར་ང་ཚོས་ཀ་ཕྲེང་བྱིས་པའི་འཇུག་ངོགས་ཞེས་པའི་ཀ་ཁ་སུམ་ཅུའི་དཔེ་དེབ། རི་མོ་ཅན་ཞིག་དཔར་བསྐྲུན་བྱས་ཏེ། བོད་ནང་དུ་དེབ་གྲངས་༢༠༠༠ རིན་མེད་དུ་བཀྲམ་པ་དང་། རྒྱ་གར་ལྷོ་ཕྱོགས་སུ་ཡོད་པའི་བོད་ཀྱི་སློབ་གྲྭ་ཁག་གི་ནང་དུ་དེབ་གྲངས་༥༠༠ རིན་མེད་དུ་བཀྲམ་ཡོད།
དེབ་འདིའི་དཔར་བསྐྲུན་མ་དངུལ་ཆ་ཚང་ཨ་རིའི་ནེའུ་ཡོག་གྲོང་ཁྱེར་དུ་ཡོད་པའི་རྭ་ཝེལ་བོད་ཀྱི་ཐེབས་རྩ་ཁང་ནས་སྦྱིན་གཏོང་གནང་བ་ཡིན་པས། ཐེབས་རྩ་ཁང་འདི་ལ་སྙིང་ཐག་པ་ནས་བཀའ་དྲིན་ཆེ་ཞུ།
བློ་གྲོས་རབ་བརྟན།
ངས་དྲ་ལམ་ཁག་ནས་པར་འདི་མཐོང་སོང་། མི་ཚོས་བཤད་ན་དེ་བོད་ཡུལ་དུ་རྒྱ་མི་ཞིག་གིས་རི་དྭགས་རྐྱང་གི་གསོན་ལྤགས་བཤུ་བཞིན་པའི་པར་ཞིག་རེད། བོད་མི་ཚོས་དེ་ལ་མ་དགའ་བའི་རྣམ་འགྱུར་སྟོན་གྱིན་བོད་ཀྱི་ཁོར་ཡུག་དང་རི་དྭགས་སྲུང་སྐྱོབ་ཐད་ནས་གླེང་གི་འདུག
ངས་པར་དེར་བལྟས་ཀྱིན་བལྟས་ཀྱིན་གོ་བ་གཞན་ཞིག་སྤྲོད་ཡོང་གི་འདུག ང་བོད་ཀྱི་གནད་དོན་དང་འབྲེལ་དེང་གི་བོད་མི་ཚོའི་གནས་བབ་ཀྱི་ཀློང་ན་ཁྲིད་སོང་།
སྐྱོ་བྲག་དགའ་དབང་།
དིང་གི་དུས་སུ་སྔར་བོད་ཡུལ་ལ་བྱུང་མྱོང་མེད་པའི་དཀའ་ངལ་ཆེན་པོ་འཕྲད་ཀྱིན་ཡོད་པའི་གནས་སྟངས་ལ་བརྟེན་ནས། བོད་པ་རྣམས་སྲོག་བློས་གཏོང་གིས་ས་མཚམས་བརྒལ་ཏེ་རྒྱ་བལ་དུ་འབྱོར་བ་ནའང་ཁ་སོས་ནམ་ལངས་ཤིག་མ་བྱུང་བས། ཡར་རྒྱས་སུ་ཕྱིན་པ་ནུབ་ཕྱོགས་པའི་རྒྱལ་ཁབ་རྣམས་སུ་ཐབས་ཤེས་ཡོད་དགུ་རྩལ་སྤྲུགས་ཀྱིས་སྐྱབས་བཅོལ་ཞུ་ལ་བསྐྱོད་ཀྱི་ཡོད་པ་བཞིན། ངའི་སྤུན་ཟླ་ཡང་གཉན་འཕྲང་མང་པོ་བརྒྱུད་ནས་སོང་བ་རེད། ཕར་བསླེབས་པ་ན་འཇིགས་དངངས་ཆེ་ཤོས་ནི་སྐྱབས་བཅོལ་ཐོབ་མིན་ཡིན་ཞིང་། སྐྱབས་བཅོལ་ཐོབ་མིན་ནི་དྲི་བའི་ལན་ལ་རག་ལས་པ་ཡིན་ཕྱིར། ངས་ཁོ་ལ་ལམ་སྟོན་འདི་ལྟར་བྱས་པ་ཡིན།
གློག་ཀླད་སློབ་གླིང་གི་རྩོམ་སྒྲིག་པ། ཟངས་དཀརཿཚུལ་ཁྲིམས།
༡༽ དྲ་ཚིགས་ཀྱི་སྐོར།
ང་ཚོའི་ལོངས་སྤྱོད་ཀྱི་དུས་རབས་འདི་ནི་ཆ་འཕྲིན་དང་ཚོང་ལས་ཀྱི་དུས་རབས་ཤིག་ཡིན་ན། ང་ཚོ་བོད་མི་རྣམས་ཀྱང་ཆ་འཕྲིན་ལག་རྩལ་གྱི་ལས་ལ་ཞུགས་ཏེ། དྲ་ཚིགས་མི་ཉུང་བ་ཞིག་གཅིག་རྗེས་གཉིས་མཐུད་ཀྱིས་འགྲེམས་སྤེལ་བྱས་པ་འདི་བསྔགས་པར་འོས་པའི་དོན་ཆེན་ཞིག་ཅི་ལ་མིན། དེ་བས་བོད་ཀྱི་དྲ་ཚིགས་ཀྱི་སྐོར་ལ་བསམ་བློ་གཏོང་བའི་འདུན་པ་ཞིག་ངང་གིས་སྐྱེས་བྱུང་།
ཧི་མ་ལ་ཡའི་འཕྲུལ་སྨྱུག
གང་གིས་འཆིང་རྣམས་ཡང་དག་རབ་བཅད་ཅིང་།།
མུ་སྟེགས་ཚོགས་རྣམས་ཐམས་ཅད་རབ་བཅོམ་སྟེ།།
སྡེ་དང་བཅས་པའི་བདུད་རྣམས་ངེས་བཅོམ་ནས།།
བྱང་ཆུབ་འདི་བརྙེས་དེ་ལ་ཕྱག་འཚལ་ལོ། །ཞེས་པ་ནི་འདུལ་བ་གཞི་ལས་སོ།།
དགེ་འདུན་རྣམས་དབྱར་གནས་ཚོགས་པའི་དགོས་པ་ནི་དགུ་སྟེ།
དེ་ལས་མང་བ་། “དབྱར་གནས་ཚོགས་པའི་དགོས་པ་དང་འབྲེལ་བའི་སྐོར།” »
སྐྱོ་བྲག་དགའ་དབང་།
ཕོ་བརྒྱའི་དྭངས་རྩེ། མོ་བརྒྱའི་སྙིང་བཅུད། བཙུན་པའི་ཡང་རབ། མཁས་པའི་དབང་པོ། བཟང་པོའི་མིག་དཔེ། སྒྲུབ་པའི་རྐང་ཚུགས་པ། རྟོགས་པའི་ན་འཕར་བ། བརྒྱུད་པའི་སྣེ་ཟིན་པ། ཆེན་པོའི་གོ་ས་ལ་ཞེ་ལོག་པ། གུ་ཡངས་སྟབས་བདེ་ལ་རྒྱུད་གོམས་པ། ཆུང་བྱིས་པའི་དུས་ནས་ཆེན་པོའི་གཤིས་སྤྱོད་རྫོགས་པ། ཆེ་ན་ཚོད་སྨིན་པར་གཞོན་པོའི་ཟོ་མདོག་དོད་པ། ལངས་ན་གནམ་འདེགས་ཀྱི་ཀ་བ་འདྲ་བའི་བོངས་ཚད། བསྡད་ན་ས་ཆེན་ཡོམ་ཡོམ་དུ་སྐྱོམ་པའི་ཆེ་བརྗིད། བལྟས་ན་ཕོ་ཉམས་དོད་པ་ལ་མིག་གི་བདུད་རྩི། ཉན་ན་སྐད་ངག་སྙན་པ་ལ་རྣ་བའི་བཅུད་ལེན།
བསྟན་འཛིན་བྱམས་བརྩེ།
ངས་ལོ་མང་གི་སྔོན་དུ་འབྲུག་ཆོས་ལྡན་རྒྱལ་ཁབ་ཞེས་མི་ཚོས་འབོད་པ་གོ་མྱོང་ལ། འབྲུག་མི་སེར་སྐྱེ་མ་ཚོ་ཡང་གནས་མཆོག་རྡོར་གདན་དུ་མང་པོ་མཐོང་མྱོང་། མ་ཟད་བོད་འབྲུག་གཉིས་སྐད་ཡིག་གཅིག་གྱུར་གྱི་འོག་ནས། རིག་གཞུང་དང་། ཡུལ་གོམས་གཤིས་ལུགས་སོགས་མཐུན་པ་མང་བས། དེ་སྔོན་ང་རང་འབྲུག་དང་སེམས་ཐག་ཀྱང་ཧ་ཅང་ཉེ་བོ་ཡོད། ཕྱོགས་གཅིག་ནས་བཤད་ན། འབྲུག་ནི་བོད་པའི་ཁྱིམ་མཚེས་རྒྱལ་ཁབ་ཅིག་རེད་ལ། དེ་ལས་ཧམ་བཤད་ཅིག་བྱས་ན། འབྲུག་ནི་བོད་པའི་ཆ་ཤས་ཤིག་རེད།
དེའི་གལ་ཆེའི་བདེན་དཔང་ཞིག་ནི། སྔོན་ཆད་འབྲུག་པས་བོད་སྡེ་བ་གཞུང་ལ་བཅའ་ཁྲལ་འབུལ་དགོས་ཀྱི་ཡོད་པ་དང་།
བསྟན་འཛིན་འཇམ་དཔལ་གྱིས་མཚམས་སྦྱོར་བྱས།
ཆབ་སྲིད་བཙོན་ཟུར་བསྟན་འཛིན་ཉི་མ་ལགས་ཀྱིས་བརྩམས་པའི་༼རེབ་གོང་ནས་བོད་ཀྱི་རྒྱལ་དར་བསྒྲེངས་པའི་སྔ་རྗེས༽ ཞེས་པའི་དཔེ་དེབ་ཅིག་པར་བསྐྲུན་འགྲེམས་སྤེལ་བྱས་འདུག
དེ་རིང་ཚེས་ ༡༣ ཉིན་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་ནས་ཁང་གིས། ཆབ་སྲིད་བཙོན་ཟུར་བསྟན་འཛིན་ཉི་མ་ལགས་ཀྱི་རང་དབང་རྩོད་ལེན་འོག་མནར་གཅོད་མྱངས་པའི་གནས་སྟངས། ༼རེབ་གོང་ནས་བོད་ཀྱི་རྒྱལ་དར་བསྒྲེངས་པའི་སྔ་རྗེས༽ཞེས་པའི་དཔེ་དེབ་པར་བསྐྲུན་འགྲེམས་སྤེལ་བྱས་ཡོད་འདུག
སོག་ཚང་བློ་བྷེ།
ལ་དྭགས་སུ་འགྲུལ་བཞུད།
སྤྱི་ལོ་༢༠༡༤ ཟླ་༧ པའི་ཚེས་༣ ནས་༧གོང་ས་སྐྱབས་མགོན་ཆེན་པོ་མཆོག་གིས་ལ་དྭགས་རྒྱལ་ས་གླེ་རུ་དཔལ་དུས་ཀྱི་འཁོར་ལོའི་དབང་ཆེན་ཐེངས་མ་༣༣པ་དང་། ལ་དྭགས་རང་གི་ས་གནས་སུ་དུས་འཁོར་དབང་ཆེན་ཐེངས་མ་གསུམ་པ་གནང་གཏན་ཁེལ་ཡོད་པས། ཕྲན་རང་དུས་དབང་ཞུ་ཞོར་དུ་གསར་འགྱུར་བསྡུ་སྒྲིག་ཏུ་ཕྱིན་པ་ཡིན། རྒྱ་གར་ཧི་མ་ཅལ་མངའ་སྡེ་ནས་སྤྱི་ལེ་བདུན་བརྒྱ་ལྷག་གི་སར་ཕྱིན་ན་ལ་དྭགས་སུ་བསླེབ་ཐུབ།ལམ་བར་དུ་རི་ལམ་དཀྱག་དཀྱོག་དང་རྒྱ་མཚོའི་ངོས་ལས་ཧྥི་ཁྲི་ཆིག་ཁྲི་བརྒལ་བའི་རི་རྒན་ལྔ་ཙམ་བརྒལ་ཏེ་འགྲོ་དགོས་པས།
དེ་ལས་མང་བ་། “ནུབ་ལ་དྭགས་ཀྱི་ལོ་རྒྱུས་དང་མཐོང་ཐོས་ངོ་སྤྲོད་དཔྱོད་ལྡན་མགུ་བའི་གཏམ།” »
ཉག་རོང་པ་མཁྱེན་རབ་བཟང་པོ།
སྐུ་གསུམ་ལྷུན་གྲུབ་ཆོས་རྗེ་བླ་མ་ཡིས། །
ཆེ་བ་ལྔ་ལྡན་མཛད་པ་ཡོངས་བཞེས་ནས། །
ཡང་དར་བསྟན་པའི་མེ་རོ་གཞིར་བཞེངས་ཕྱིར། །
བཀའ་དྲིན་དྲན་བཞིན་སྙིང་ནས་ལན་བརྒྱར་འདུད། །
ཅེས་བསྟོད་ཚིག་པདྨ་དཀར་པོས་མདུན་བསུས་ཏེ་འདིར་ཡང་དར་བསྟན་པའི་ཤིང་རྟ་ཆོས་རྗེ་བླ་མ་ཡིད་བཞིན་ནོར་བུ་མཆོག་གི་རྣམ་ཐར་རྒྱ་མཚོ་ལྟ་བུ་རྗེས་སུ་དྲན་པའི་བགྲོ་གླེང་གི་སྐལ་བཟང་མངོན་དུ་གྱུར་དུས། ཐོག་མར་རྣམ་ཐར་རྒྱ་མཚོ་སྤྲོ་གཞི་ཆོས་རྗེ་བླ་མ་ཡིད་བཞིན་ནོར་བུ་མཆོག་གི་རང་བཞིན་གང་ཡིན་པ་དེ་ཕྱོགས་ཙམ་ངོ་སྤྲོད་ཞུ་རྒྱུ་ཡིན།
སྤྱི་འཐུས་དགེ་བཤེས་རོང་བོ་བློ་བཟང་སྙན་གྲགས།
སེར་བྱེས་གཙང་པ་མཁན་ཟུར་༸རྗེ་བཙུན་བློ་བཟང་ཚེ་རིང་མཆོག་དགོངས་པ་ཆོས་དབྱིངས་སུ་ཐིམ་པའི་ཡིད་སྐྱོའི་གནས་ཚུལ།
ཕྱི་ལོ་ ༢༠༡༤ ཕྱི་ཟླ ༧ ཚེས་ ༡ གི་དགོང་དྲོ་ཆུ་ཚོད་༦།༡༠ ཡས་མས་ཙམ་ལ་སེར་བྱེས་གཙང་པ་མཁན་ཟུར་མཁྱེན་གཏེར་༸རྗེ་བཙུན་བློ་བཟང་ཚེ་རིང་དཔལ་བཟང་པོ་མཆོག་དགུང་གྲངས་༩༢ ཐོག་གདན་ས་ཆེན་པོ་སེ་རའི་གཟིམ་ཤག་ཏུ་ཞིང་ཁམས་གཞན་དུ་བརྗེས་པའི་མཛད་པ་བསྟན་ཡོད་པ་དང་།
ཟླ་བ་དོན་འགྲུབ་ཀྱིས་མཚམས་སྦྱོར་ཞུས།
དེ་ཡང་དྭགས་པོ་བཀའ་བརྒྱུད་ཀྱི་བསྟན་པའི་གསལ་བྱེད་བཀའ་བརྒྱུད་བླ་མ་དགྱེས་པའི་འབངས་སམ་ཡོངས་གྲགས་སུ་ར་སེ་དཀོན་མཆོག་རྒྱ་མཚོ་མཆོག་ནི་སྤྱི་ལོ་༼༡༩༦༨༽ལོར་བོད་ལྗོངས་ལྷ་ས་གྲོང་ཁྱེར་མལ་དྲོ་གུང་དཀར་རྫོང་རྨམ་པ་ཡུལ་ཤོག་ར་སེ་གྲོང་ཚོར་སྐུ་བལྟམས། དགུང་ལོ་བརྒྱད་ནས་སློབ་གྲར་འགྲིམ། སྔ་ཕྱིར་འབྲི་གུང་ནང་བསྟན་སློབ་གླིང་དང་། བོད་ལྗོངས་སློབ་ཆེན། སྨན་རྩིས་སློབ་གླིང་སོགས་རིག་གནས་སྤྱི་དང་བྱེ་བྲག་ལ་ཐོས་བསམ་བྱས། དེ་ནས་བཟུང་རྣམ་དཔྱོད་ཀྱི་རྩལ་རྒྱས། ཡོན་ཏན་གྱི་གཏེར་ཁ་བརྡོལ།
དེ་ལས་མང་བ་། “བོད་ཀྱི་མཁས་དབང་ཆེན་མོ་འབྲི་གུང་ར་སེ་དཀོན་མཆོག་རྒྱ་མཚོའི་ལོ་རྒྱུས་མདོར་བསྡུས།” »
སྤྱན་ཆེན་པོ།
ཁ་སང་རྒྱལ་ས་གླེ་དང་ཤར་ལྷོའི་མཚམས་ན་ཡོད་པའི་ཁྲིག་རྩེ་དགོན་པར་མཇལ་དུ་སོང་བ་ཡིན། དགོན་པ་འདི་ནི་བོད་ཡུལ་མངའ་རིས་ས་ཁུལ་ནས་བཞུར་འོང་བའི་ཆུ་བོ་ཆེན་པོ་སེང་གེ་ཁ་འབབ་ཀྱི་འགྲམ་ན་པོ་ཏ་ལ་ནང་བཞིན་རི་ངོས་སུ་ཆགས་ཡོད་པ་དང་རྒྱང་ནས་བལྟས་ཚེ་པོ་ཏ་ལ་དང་ཅུང་འདྲ་བས་ཡུལ་མི་ཚོས་འདི་ལ་པོ་ཏ་ལ་གཉིས་པ་ཟེར། གནས་འདི་ནི་དང་པོ་ཡུལ་འདིའི་རྒྱལ་པོའི་ཕོ་བྲང་གི་ཤུལ་ཡིན་པ་དང་། དགོན་པ་གནས་འདི་དང་སྤྱི་ལེ་གསུམ་གྱི་མཚམས་ནས་འདེབས་སྐབས་བྱ་རོག་ཅིག་གིས་གཏོར་མ་ཁུར་ནས་གནས་འདི་ལ་གཡུགས་སོང་བས་རྒྱལ་པོའི་བཀའ་ལྟར་ད་ལྟའི་ཡུལ་འདི་ནས་དགོན་པ་འདི་བཏབ་པར་གྲགས།