ཐོས་དགའ་རྒྱལ་མོ།

 
༡༩༩༡ ལོར་བཙན་བྱོལ་བོད་མིའི་བཅའ་ཁྲིམས་གཏན་འབེབས་བྱས་ནས་ད་ལྟའི་བར་དུ་བསྐྱར་བཅོས་ཐེངས་ ༣༠ ཉེ་བ་གནང་ཡོད་པ་དེ་དག་ལ་རོབ་ཙམ་བལྟས་པ་ཡིན་ན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་བཀའ་བློན་ཡོང་སྟངས་དང་། བཀའ་བློན་ཁྲི་པ་འདེམས་བསྐོ་གནང་སྟངས། ༢༠༡༡ ལོའི་ཆབ་སྲིད་སྐུ་དབང་རྩིས་སྤྲོད་སྐབས་བཅས་སོ་སོར་མར་བཀའ་གནང་ནས་འགྱུར་བ་བཏང་བ་ཁ་ཤས་ཤིག་མ་གཏོགས། བཅའ་ཁྲིམས་བསྐྱར་བཅོས་ཕལ་ཆེ་བ་ཟ་ཐོག་ལ་མི་འཁེལ་བའི་སྟོང་འཕྲུག་རེད་ཅེས་བརྗོད་ན་ཐལ་ཆ་འགྲོ་གི་མ་རེད་བསམ།

དེ་ལས་མང་བ་། “སྲིད་སྐྱོང་དང་སྤྱི་འཐུས་འོས་མི་ཚོར་འདི་ལྟར་དྲིས་དང་།” »

ནམ་མཁའ།

  དང་པོ།

རྒྱ་ནག་གི་སྲིད་འཛིན་ཞིན་ཅིན་ཕེན་གྱིས་ཏང་སྲིད་དམག་གསུམ་གྱི་དབང་ཚད་ཡོངས་ལག་ཏུ་བཟུང་སྟེ། ཕྱི་ཟླ༨ཚེས༢༤དང༢༥བར་ཉིན་གཉིས་ཀྱི་རིང་བོད་དོན་ཐོག་རྒྱལ་ས་པེ་ཅིན་ནས། བོད་ཀྱི་ས་ཁུལ་མི་རིགས་རང་སྐྱོང་ཡོངས་རྫོགས་ཀྱི་འགོ་ཁྲིད་མི་སྣ་འཛིམས་ཏེ་ཞིན་ཅིན་ཕེན་གྱི་ཕེན་སྣེ་ཁྲིད་འོག་ཚོགས་འདུ་ཞིག་ཚོགས་ཡོད།

དེ་ལས་མང་བ་། “རྒྱ་ནག་སྲིད་གཞུང་གིས་བོད་སེམས་ཅི་ལྟར་འགུགས་ཀྱི་ཡིན་ནམ།” »

ཞང་བློན།

 
མ་གཞི་མདོ་དབུས་མཐོ་སྒང་ནས་སྐྱེས་འཚར་བྱུང་ཞིང་། བོད་སྐད་རྣལ་མ་བཀོལ་སྤྱོད་བྱེད་མཁན་ཞིག་ཡིན་ཚེ། གཞན་ལ་ལན་འདེབས་བྱེད་སྐབས་”གནད་དུ་ཁེལ་བའི་ལན་འདེབས་” སམ། “ལན་འདེབས་ནན་འདྲོངས་” སོགས་བརྗོད་སྲིད་པ་ལས། “ལན་ཚ་པོ་ཚ་པོ་”ཞེས་པའི་སྐད་ཆ་ཡ་མ་ཟུང་འདི་རིགས་གཏན་ནས་བརྗོད་མི་སྲིད། འོན་ཀྱང་ཕྲུ་གུ་ཆུང་ཆུང་གི་སྐད་ཆ་ཤོད་སྟངས་ལྟ་བུ་དང་། ལྷག་པར་དུ་འཛིན་རིམ་ལྔ་པའི་བོད་ཡིག་གི་ཚད་གཞི་ཙམ་ཡང་མ་ལོན་པའི་མི་དེ་རིགས་ལ། ཁོ་པ་ཚོའི་ཤོད་སྟངས་ལྟར་སྐད་ཆ་འདི་འདྲ་ཞིག་ཐད་ཀར་མ་བཤད་ན།

དེ་ལས་མང་བ་། “ལན་ཚ་པོ་ཚ་པོ།” »

འདབ་པ་ཚེ་དབང་མགོན་པོ།

༼སྤྲེའུ་ལས་མི་མཆེད་པ་ཞིག་མ་ཡིན་པར་མི་ལས་སྤྲེའུ་མཆེད་པའི་བསམ་ཚུལ་མདའ་མོའི་ལྟོང་ཁ།༽

ཁ་བ་གངས་ལྗོངས་ཚང་གི་གནའ་རབས་ཀྱི་དུས་སུ་ལེགས་པར་བྱོན་པའི་མཁས་པ་རྣམས་དང་། དེང་གི་ཆར་འོང་བའི་རིག་རྩལ་པའི་མིང་ཅན་ཚན་རིག་པ་རྣམ་གཉིས་ཀྱིས། ཤིན་ཏུ་ནས་ཡ་མཚན་པའི་གནས་སྟངས་ཤིག་དང་། ཡང་ན་ཡིད་སྐྱོ་དགོས་པའི་གནས་ཚུལ་ངོ་མ་ཞིག་ལ། སོ་སོ་རང་ཉིད་ལ་སེམས་མི་ཤེས་པའི་མཐོང་ཆུང་ངམ། ཡང་ན་སྣང་ཆུང་བྱས་པའི་གནས་སྟངས་ཏེ།

དེ་ལས་མང་བ་། “མི་ལས་སྤྲེའུ་མཆེད་པའི་བསམ་ཚུལ་མདའ་མོའི་ལྟོང་ཁ།” »

རྩིབས་རི་རྒོད་ཕྲུག
 

གླེང་གཞི།

ཕྱི་ཟླ་༧ པའི་ཚེས་༦ ཉིན་བལ་ཡུལ་གནས་བཞུགས་༸སྐྱབས་རྗེ་འཁྲུལ་ཞིག་རིན་པོ་ཆེ་དེ་ཉིད་ཀྱི་རྗེས་འབྲངས་ཞལ་སློབ་རྣམས་ལ་སྐུ་གོང་མའི་ཡང་སྲིད་རིན་པོ་ཆེ་བལ་ཡུལ་ནང་བཅའ་བཞུགས་ཕ་ངག་དབང་ཆོས་དཔལ་རྒྱ་མཚོ་ལགས་དང་མ་ཚེ་དབང་སྒྲོལ་མ་རྣམ་གཉིས་ཀྱི་སྲས་ངག་དབང་བསྟན་འཛིན་ཆོས་ཀྱི་བློ་གྲོས་ཡིན་པར་ཡོངས་ཁྱབ་གནང་བ་ནས་བཟུང་ཡང་སྲིད་རྩད་འཚོལ་ཐད་བརྒྱུད་རིམ་ཡང་དག་དང་། ཕྱི་གསལ་ནང་གསལ་མ་བྱུང་བའི་གླེང་སློང་ཤུགས་ཆེར་ཁྱབ་བཞིན་པ་དང་བསྟུན། འདིར་དེ་ལྟ་བུའི་གླེང་སློང་ཡོང་རྐྱེན་ལ་རོམ་ཙམ་དཔྱད་པར་བྱ་བ་ལ།

དེ་ལས་མང་བ་། “༸སྐྱབས་རྗེ་འཁྲུལ་ཞིག་རིན་པོ་ཆེའི་ཡང་སྲིད་རྩད་འཚོལ་གྱི་དོགས་གནད།” »

ཨ་མཆོད་འཇམ་དཔལ་ཚུལ་ཁྲིམས།

༡༽ དཀའ་ངལ་སྣ་ཚོགས།

འདི་ནི་ཁོ་བོ་ཕྲ་ཕུང་གི་འཇིག་རྟེན་དུ་ཡུལ་སྐོར་ལན་གཅིག་བྱས་པའི་དཀའ་ངལ་དང་མཐོང་ཐོས་ནར་མར་བཀོད་པ་ཡིན། འགྲུལ་བཞུད་འདིའི་བརྒྱུད་རིམ་ཁྲོད་དུ་འཕྲད་པའི་དཀའ་ངལ་མང་དག་ཅིག་ཡོད་ཅིང་། དེ་དག་ལས་ཆེ་ཤོས་ནི་ང་ལྟ་བུ་འབྱོར་བ་མེད་ཅིང་། མི་བུ་དཀྱུས་མ་ཞིག་ལ་མཚོན་ན་ཐ་སྙད་ཀྱི་སྒོར་མོས་མ་འདང་བ་དེ་རེད། ཐ་སྙད་ཀྱི་སྒོར་མོ་འདི་དཔལ་འབྱོར་གྱི་སྒོར་མོ་བཞིན་སྔ་བསྐྱི་བྱེད་རྒྱུ་མི་འདུག་ལ། བུ་ལོན་ལེན་རྒྱུ་ཡང་མི་འདུག

དེ་ལས་མང་བ་། “ཕྲ་ཕུང་གི་འཇིག་རྟེན་དུ་བཞུད་པའི་ལམ་ཡིག” »

འཇིགས་མེད་བློ་གྲོས། ༼རིགས་སློབ།༽

 
སྤྱི་ཟླ་ ༠༦ ཚེས་ ༢༤ ཉིན་ཁོ་བོའི་ངོ་ཤེས་ཤིག་ནས་གློག་འཕྲིན་བརྒྱུད་མི་མགོ་བརྗེ་སྤོར་གྱི་བཤགས་བཅོས་ནང་དོན་དུ་བྱས་པའི་རྩོམ་ཡིག་བཀོད་པའི་དྲ་བའི་འབྲེལ་ཐག་ཅིག་བསྐུར་འདུག་ཅིང་། རྩོམ་ཡིག་དེ་བཀླགས་ནས་བསམ་ཚུལ་ཇི་བྱུང་གསལ་སྟོན་དགོས་པའི་རེ་འདུན་བཏོན་འདུག རྩོམ་ཡིག་དེ་འབྲི་མཁན་ནི་ཝར་ཝིཀ་གཙུག་ལག་སློབ་གྲྭ་ཆེན་མོའི་[University of Warwick]ལྟ་གྲུབ་རིག་པའི་མཁས་དབང་ཁེ་སམ་[Quassim Cassam] ཟེར་བ་ཞིག་ཡིན་པ་དང་། རྩོམ་ཡིག་དེ་སྤྱི་ཚེས་ ༢༣ ཉིན་ CNN དང་ The Conversation ཞེས་པའི་དྲ་རྒྱའི་ནང་བཏོན་འདུག

དེ་ལས་མང་བ་། “མི་མགོ་བརྗེ་བའི་བཤགས་བཅོས་ལས་འཕྲོས་པའི་ཀླན་ཀ།” »

སློབ་དཔོན་ཡན་ཧོང་པེན། ལྷ་སྡེ་གནམ་ལོ་ཡག

 
ཉེ་ཆར་ང་ཚོས་བསམ་ཡིད་ལས་འདས་པའི་ངང་ནས་མཐོང་བ་ནི་སྐུ་ཞབས་རྒྱལ་ལོ་དོན་གྲུབ་དང་འབུམ་རམས་པ་ཨན་ནེའུ་(Dr. Anne F.Thurston)གཉིས་མཉམ་འབྲེལ་གྱིས་བྲིས་པའི་དཔེ་དེབ་༼ཀ་ལོན་སྦུག་གི་ཐིག་པ་བཟོ་མཁན༽ཟེར་བའི་ནང་ཅི་མི་སྙམ་པའི་ལམ་ནས་རྒྱ་དམར་གཞུང་གིས་སློབ་དཔོན་ཆེན་མོ་པཎ་ཆེན་སྐུ་ཕྲེང་བཅུ་བ་མཆོག་ལྐོག་གསོད་བྱས་པའི་དོན་རྐྱེན་ངོ་མ་དེ་བཞིན་ཆེད་དམིགས་ཀྱིས་བསྙོན་འབྱིན་བྱས་འདུག (མཆན་འགྲེལ།༡)

ང་ཚོ་ནི་༼སངས་རྒྱས་བཀྲོངས་པ༽རྩོམ་མཁན་ཡིན་པའི་ཆ་ནས་ལྟ་སྐབས།

དེ་ལས་མང་བ་། “ཀུན་གཟིགས་པཎ་ཆེན་གཤེགས་རྐྱེན་ངོ་མ་སུས་ཀྱང་བསྙོན་འབྱིན་བྱེད་མི་ཐུབ།” »

རྔ་བ་ཀུན་བཟང་སྒྲོལ་མ། (ཝར་ན་མཐོ་སློབ)

སྤྱི་བཤད་ཕྲན་བུ།

དཔེ་དེབ་དང་སྨྱུག་ཁ་ནས་རྒས་སོང་བའི་གང་ཟག་ཞིག་ངོ་ནས་བཤད་ན། དཔེ་ཀློག་བྱས་ཏེ་ཡོན་ཏན་འཕེལ་བ་ནི་ཟས་ཀྱིས་ལུས་རྒྱས་པ་དང་འདྲ། རང་ཉིད་ལ་སྔར་མེད་ཀྱི་ནུས་པ་སྐྱེད་ཅིང་མི་ཚེ་དོན་ཡོན་བྱ་བའི་རྨི་ལམ་ཉག་གཅིག་གི་ཆེད་དུ་ཡིན། དཔེ་ཆ་བཀླགས་པས་ད་གཟོད་མཛེས་སྡུག་གི་རི་བོའི་ཡང་རྩེར་སོན་ཐུབ་པ་ངས་བརྗོད་ག་ལ་དགོས། ལྷག་པར་དུ་དཔེ་ཀློག་བ་ཞིག་ཡིན་སོང་ན། ཕུགས་ཀྱི་དམིགས་ཡུལ་ནི་ལས་ཐམས་ཅད་ཀྱི་ལམ་དུ་འགྲོ་བའི་ཕྱོགས་སྟོན་སྒྲོན་མེ་འོད་ཆེན་ཡིན།

དེ་ལས་མང་བ་། “དཔེ་ཀློག་གི་འདུ་ཤེས་ཇི་ལྟར་སྐྱེད་སྲིང་བྱ་རྒྱུ།” »

དཔལ་གློ་བོ་རྒྱལ།

 
མཛེས་པའི་ཉི་མའི་གཉེན་མཆོག་གང་ཉིད་ཀྱི།།
འཁྲུངས་ཚུལ་ཐ་དད་བཏང་སྙོམས་བཞག་བྱས་ནས།།
འཁྲུངས་སྐར་གཏན་འབེབས་དུས་ཆེན་གང་ཉིད་དེའི།།
དགེ་མཚན་མཐོང་ནས་རང་གིས་མནོ་བསམ་ལྟར།།

གཟུ་བོས་བཤད་པ་རྣ་བས་ཉན་པ་དང་།།
བསམ་པས་ལེགས་ཉེས་འབྱེད་ནས་དུས་རྟག་ཏུ།།

དེ་ལས་མང་བ་། “འཁྲུངས་སྐར་སྲུང་བརྩི་བྱ་ཚུལ་ལ་བསམ་ཚུལ་མདོ་ཙམ་བརྗོད་པ།” »

ཁྲོ་གཏུམ།

གླེང་གཞི།

སྟོད་ལྷ་རབས་ཀྱི་དུས། བར་མངའ་ཐང་དར་བའི་དུས།བོད་སིལ་བའི་དུས། དགའ་ལྡན་ཕོ་བྲང་གི་དུས། གཞིས་བྱེས་གཉིས་བཀྱེས་ཀྱི་དུས། བོད་ཀྱི་ལོ་རྒྱུས་ཀྱི་སྒྲོམ་གཞི་བསྒྲིགས་ན་འདི་དག་ནི་གནད་ཚིག་ཏུ་བབས་པའི་སྙིང་བོ་འཚོལ་བྱེད་རེད་འདུག ང་ཚོས་སྤྱི་ཚོགས་བསམ་ཏེ་ལོ་རྒྱུས་ཀྱི་རིན་དོད་དེ་གླེང་དགོས་ན། གོང་གི་མིང་འདི་དག་གཞི་བྱས་ནས་བོད་ཀྱི་རྒྱལ་རབས་འདིའི་ས་བཅད་ཆེ་ཤོས་སུ་གྱུར་བ་དང་བོད་སྤྱི་ཚོགས་ཀྱི་དུས་འགྱུར་རེ་རེ་ཡི་བརྙན་ངོས་ཡང་འདི་ནས་འཚོལ་དགོས་པ་རེད།

དེ་ལས་མང་བ་། “ལོ་རྒྱུས་ཤིག་ལ་ཟུར་བལྟས་ལེབ་མཐོང་བྱས་པ།” »

འཇིགས་མེད་ནུབ་པ།

ཡབ་གཞིས་ཆོས་སྐྱོང་ཚེ་རིང་ལགས་སྤྱི་ལོ་༡༩༤༧ ལོར་ལྷ་སར་སྐུ་གཤེགས།

དེ་ལས་མང་བ་། “ཡབ་གཞིས་ཆོས་སྐྱོང་ཚེ་རིང་དུག་གིས་བཀྲོངས་པ་ཡིན་ནམ།” »

ཨ་འཇམ།

 
སྤྱིར་ཨ་མཆོག་གི་ཡུལ་སྐད་ནི་བོད་སྐད་ལས་ཡན་གར་བ་གང་ཡང་མིན་ལ། དེ་བས་ཀྱང་མདོ་སྨད་པའི་སྐད་གདངས་ལས་ཤིན་ཏུ་ཐ་དད་ཅིག་ཀྱང་མིན། ཡིན་ནའང་། སྐད་གདངས་རེ་ཟུང་དང་ཐ་སྙད་རེ་ཟུང་བཀོལ་རྒྱུགས་ཀྱི་ཁྱད་པར་ཅུང་མཆིས་པ་ལས་ད་གཟོད་ས་གནས་ཀྱི་སྐད་ཅུང་ཟད་འགྱུར་ཞིང་ཁྱབ་ཆུང་བའི་རྣམ་པར་གྱུར་བ་རེ་ཟུང་གང་དྲན་དུ་ཁོལ་དུ་ཕྱུང་སྟེ་བརྗོད་པར་འདོད། དེ་ཡང་ཨ་མཆོག་ཁོ་ན་ལས་ཉེ་འཁོར་གྱི་རུ་སྡེ་དག་དང་ཡང་འབྲེལ་བ་ཅི་ཡང་མེད་པའི་ཁེར་ཚུགས་ཀྱི་སྐད་གདངས་དང་བརྡ་ཆད་ཅིག་མིན་པའང་ཞར་དུ་ཤེས་འོས།

དེ་ལས་མང་བ་། “གང་བྱུང་དུ་ཨ་མཆོག་ཡུལ་སྐད་གླེང་བ།” »

ཚངས་དབང་དགེ་འདུན་བསྟན་པ།

སྔོན་བྱོན་བཻ་རོ་གཡུ་ཐོག་གསར་རྙིང་དང་།།
དྭགས་པོ་བྱང་ཟུར་སྡེ་སྲིད་དར་མོ་སོགས།།
བོད་ཀྱི་གསོ་བ་རིག་པའི་བསྟན་པ་ལ།།
ཕྱག་རྗེས་བླ་མེད་བཞག་པ་ཀུན་ལ་འདུད།།

དང་པོ། གཡུ་ཐོག་རྒ་རྒའི་སྐོར།

ཁྱེད་ཀྱིས་གཡུ་ཐོག་རྒ་རྒ་གཡུ་ཐོག་གསར་མའི་སྲས་ཡིན་ཚུལ་གྱི་སྒྲུབ་བྱེད་ཕར་བཤད་ཚུར་བཤད་སྟོང་བཤད་ཀྱང་།

དེ་ལས་མང་བ་། “ཚངས་དབང་དགེ་འདུན་བསྟན་པས་ལྷ་རྗེ་ཨ་མགོན་སོགས་ལ་བྲིས་པའི་དགག་ལན་གཉིས་པ།” »

ནམ་མཁའ།

ཚན་རིག་པ་ཚོས་འབར་གོས་ཆེན་མོ་ནི། ང་ཚོ་འཚོ་གནས་བྱེད་སའི་འཇིག་རྟེན་རིལ་མོ་འདིའི་ཐོག་མ་ངོས་འཛིན་བྱས་བའི་གཞུང་ལུགས་གཞི་བཞག་སྟེ། འདིའི་སྟེང་གི་འབྱུང་བཞི་གྲུབ་ལུགས་ལ་ཕྲན་གྱིས་དོགས་འཇུག་རིང་ལུགས་ཀྱི་གཞུང་ལམ་སྟེང་། བསམ་བློའི་འགྲུད་བཞུད་ཐུང་ངུ་ཞིག་བྱས་ཏེ་དོགས་སློང་ཕྲན་བུ་ཞིག་འབྲི་འདོད་སྐྱེས།

ཡིན་ཡང་དོགས་གཅོད་མ་བྱས་གོང་གསལ་བཤད་ཐུང་ངུ་ཞིག་བྱེད་འདོད་པ་ལ།

དེ་ལས་མང་བ་། “འཇིག་རྟེན་རིལ་མོའི་སྟེང་གི་ཆུ་ཡི་ཐོག་མ་གང་ནས་བྱུང་ངམ།” »

ཐུབ་བསྟན་ཕུན་ཚོགས་ཀྱིས་བརྩམས།

 
ལྷག་བསམ་མཚོན་བྱེད་ཁ་དོག་དཀར་པོ་ཞེས། །
གདོད་མའི་དུས་ནས་བོད་ཀྱི་ཡུལ་སྲོལ་གྲགས། །
ཚོང་རྭ་རྒྱས་པས་སྲོལ་ལུགས་ཉམས་རྒུད་འདི། །
དེང་གི་དུས་སུ་མདོ་ཁམས་ཡུལ་དུ་ཁྱབ། །
བཀྲ་ཤིས་ལྷ་རྫས་ཁ་དོག་དཀར་པོ་དང་། །
ཆོ་གའི་རིག་གནས་དར་མཚོན་སྣ་ལྔ་གཉིས། །
གཅིག་ཏུ་འཁྲུལ་ནས་གུས་ཞབས་མཚོན་པ་ནི། །

དེ་ལས་མང་བ་། “བོད་ཀྱི་དར་དཀར་རིག་གནས།” »

ཧོར་གཙང་འཇིགས་མེད།

སྐྱོགས་སྟོན་ལོ་ཙཱ་བ་རིན་ཆེན་བཀྲ་ཤིས་ (བོད་ཀྱི་སྐད་ལས་གསར་རྙིང་གི་བརྡའི་ཁྱད་པར་ལེགས་པར་བཤད་པ་ལི་ཤིའི་གུར་ཁང་(དག་ཡིག་ཕྱོགས་བསྒྲིགས་མུ་ཏིག་ཚོམ་བུ་ཤོག་ངོས་༤༠༡)ཀྱིས། སྨྲེང་བ་ཞེས་པའི་ཡི་གེ་འདིར་གོ་དོན་གཉིས་བཤད་འདུག་པ་ནི། སྨྲེང་ཚིག་ནི་གསང་ཚིག་དང་སྨྲ་བ་ཙམ་ལའང་། སྨྲེང་བ་ནི་སྨྲ་བ། ཞེས་བྲིས་འདུག མཁས་པ་འདི་བས་སྨྲེང་ཚིག་དང་སྨྲེང་བ་གཉིས་ལ་དབྱེ་བ་ཕྱེ་སྟེ། སྨྲེང་བའི་ཚིག་གམ་སྨྲེང་ཚིག་ལ་གོ་དོན་གཉིས་བཀྲལ་ཏེ། གསང་ཚིག་གམ་ཡང་ན་གསང་ཚིག་མ་ཡིན་པའི་སྤྱིར་བཏང་གི་སྨྲ་བའམ་སྐད་ཆ་བཤད་པ་ཙམ་ལ་འགྲེལ་འདུག་པ་དང་། དེའི་མཇུག་ཏུ་ཡང་བསྐྱར་སྨྲེང་བ་ནི་སྨྲ་བའམ་བཤད་པའི་བརྡ་རྙིང་དུ་འགྲེལ་བཤད་མཛད་འདུག

དེ་ལས་མང་བ་། “སྨྲེང་བ། Emotion” »

ཀླུ་སྨྱོན།
—སྒོ་ཤེར་གྱི་དེབ་“སྐྱེས་ཆེན་གྱི་བཞུད་ལམ་”བཀླགས་རྗེས་ཀྱི་གཏམ།

 
སྒོ་ཤེར་ལགས་ཀྱི་རྩོམ་དེབ་སྔ་ཕྱི་རྣམས་བོད་ཕྱི་ནང་གང་སར་ཀློག་མཁན་མང་པོ་ཡོད་པའི་དཔེ་དེབ་ཀྱི་གྲས་སུ་ཚུད་ཡོད་པ་མ་ཟད། སྔ་ལོར་ཀླུ་སྨྱོན་རྩོམ་རིག་བྱ་དགའི་འོས་མིར་ཡང་ཁོང་བདམས་པ་རེད། ཡིན་ཡང་ཁོང་གིས་ཁེངས་སྐྱུངས་གནང་སྟེ་བྱ་དགའ་ཆུང་ཆུང་འདི་བཞེས་མེད། ཡིན་ན་ཡང་ཁོང་གིས་བྱ་དགའ་འདི་མ་བཞེས་པ་དེ་ཙམ་གྱིས་ཁོང་གི་ཤེས་རབ་ལས་མཆེད་པའི་རྩོམ་དེབ་ཀློག་རྒྱུར་དགའ་བའི་ཁོ་བོའི་འདུན་པ་དྲག་པོ་དེ་ནམ་ཡང་བསྒྱུར་དུ་མེད་པ་ཞིག་ཡིན།

དེ་ལས་མང་བ་། “རྗེ་ཙོང་ཁ་པ་དང་ལྷོ་བྲག་གྲུབ་ཆེན་གྱི་འབྲེལ་བའི་སྐོར་གླེང་བ།” »

སྤོབས་པ་མཐའ་ཡས།

 
བཙན་བྱོལ་བོད་མིས་གཞུང་འཛིན་འདེམས་སྟངས་དེ་ལ་དམངས་གཙོའི་ཁྱད་ཆོས་ཧ་ཅང་ཉུང་། ད་བར་དུ་དམངས་གཙོའི་མིང་བཏགས་རུང་གལ་གནད་ཅིག་ལ་ཐུག་དུས་གང་ཟག་ག་གེ་མོའི་ཡེ་ཤེས་དབྱིངས་དཔྱད་ཁོ་ན་མ་གཏོགས་མི་མང་གི་ལྟ་གྲུབ་ལངས་ཕྱོགས་འདི་རེད་ཟེར་ནས་སྐད་ཆ་བཤད་ཡོང་རྒྱུ་གང་ཡང་མེད། དེའི་གནད་དོན་ནི་འཐུས་མི་ཡོངས་ཁུངས་ཀྱི་མི་མང་ཚོགས་པ་ཁག་ལ་ཆབ་སྲིད་ཀྱི་ལྟ་གྲུབ་འདི་རེད་ཟེར་བ་གང་ཡང་མེད་བཞིན་དུ་འཐུས་མི་བདམས་ནས་གྲོས་ཚོགས་ནང་དུ་བཅུག་བཞག་པས་རེད།

དེ་ལས་མང་བ་། “བཙན་བྱོལ་བོད་མིའི་དམངས་གཙོའི་ཞན་ཆ།” »