༼ཐོག་མའི་གསལ་བཤད། དེ་རིང་ཡིག་སྣོད་ཁྲོད་ནས་སྐད་ཡིག་དང་འབྲེལ་བའི་རྩོམ་ཡིག་གཉིས་རྙེད་བྱུང་། འདི་དག་ནི་ཚོགས་འདུ་གཉིས་ལ་བྲིས་པའི་ཆེད་རྩོམ་ཡིན་པའི་ཁུལ་རེད། དེ་མུར་ཡིག་སྣོད་དུ་འཇོག་རྒྱུ་ལས་དྲ་ཐོག་ཏུ་བཀྲམས་ཏེ་གླེང་སློང་ཡོང་རེ་བྱས་ཏེ་འདིར་བཀོད་པ་ཡིན། གུས་པས་རྩོམ་འདི་གཉི་ག་འབྲི་དགོས་པའི་རྒྱུ་མཚན་ཡང་ཕྱི་མིར་རང་སྐད་སློབ་པའི་གོ་རིམ་ལས་བྱུང་བ་ཞིག་ཡིན། འདིར་མ་ཚང་བ་དང་ནོར་བ་མཆིས་རིགས་ལ་དགག་གཞག་གནང་རོགས་ཞུ་བ་ཡིན།༽

བོད་སྐད་སྐད་ཡིག་གཉིས་པའི་ཚུལ་དུ་སློབ་སྐབས་ཀྱི་བྱ་ཚིག་འཆད་ཐབས།

དང་པོ།  སྔོན་གླེང་།

རྩོམ་ཡིག་འདིར་ “བྱ་ཚིག་”གི་འཇུག་པའི་སྐོར་ལ་ད་ཡོད་ཀློག་དེབ་ཁག་ཏུ་གང་ཡོད་པ་དང་།  དེ་བཞིན་བོད་ཀྱི་སྲོལ་རྒྱུན་གྱི་བརྡ་སྤྲོད་གཞུང་ལུགས་ན་ཡོད་པའི་འགྲེལ་བཤད།  དེང་སང་གྲགས་ཆེ་བའི་བྱ་ཚིག་གི་འཇུག་པའི་རྣམ་བཤད་ཁག་ལ་དཔྱད་བརྗོད།   གནས་བརྒྱད་དུ་ཡོད་པའི་བྱ་ཚིག་གི་འགྲེལ་བཤད་དང་།  དེ་ལ་བརྟེན་ནས་བྱ་ཚིག་གི་སློབ་ཁྲིད་འཆད་ཐབས་བཅས་ཞུ་རྒྱུ་ཡིན།

དེ་ལས་མང་བ་། “སྐད་ཡིག་དང་འབྲེལ་བའི་རྩོམ་ཡིག་གཉིས། གཉིས་པ།” »

༼ཐོག་མའི་གསལ་བཤད། དེ་རིང་ཡིག་སྣོད་ཁྲོད་ནས་སྐད་ཡིག་དང་འབྲེལ་བའི་རྩོམ་ཡིག་གཉིས་རྙེད་བྱུང་། འདི་དག་ནི་ཚོགས་འདུ་གཉིས་ལ་བྲིས་པའི་ཆེད་རྩོམ་ཡིན་པའི་ཁུལ་རེད། དེ་མུར་ཡིག་སྣོད་དུ་འཇོག་རྒྱུ་ལས་དྲ་ཐོག་ཏུ་བཀྲམས་ཏེ་གླེང་སློང་ཡོང་རེ་བྱས་ཏེ་འདིར་བཀོད་པ་ཡིན། གུས་པས་རྩོམ་འདི་གཉི་ག་འབྲི་དགོས་པའི་རྒྱུ་མཚན་ཡང་ཕྱི་མིར་རང་སྐད་སློབ་པའི་གོ་རིམ་ལས་བྱུང་བ་ཞིག་ཡིན། འདིར་མ་ཚང་བ་དང་ནོར་བ་མཆིས་རིགས་ལ་དགག་གཞག་གནང་རོགས་ཞུ་བ་ཡིན།༽

འབྲེལ་བ་ཅན་གྱི་རྗོད་པ།[1]

༡ ངོ་སྤྲོད།
འབྲེལ་བ་ཅན་གྱི་རྗོད་པའམ་ Relative Clause ཞེས་པའི་སྡེ་ཚན་འདི་ཡང་། བརྡ་སྤྲོད་པའི་སྡེ་ཚན་ཁག་གཞན་[2]རྣམས་དང་མཚུངས་པར། བོད་སྐད་སྐད་ཡིག་གཉིས་པའི་ཚུལ་དུ་སློབ་པའི་ཀློག་དེབ་དག་ལས་གཞན་དུ་མ་མཐོང་། ནི་ཁོ་ལ་སེ་ ཊོར་ནེ་ཌེར་དང་གསང་བདག་རྡོ་རྗེ་གཉིས་ཀྱིས་བརྩམས་པའི་བོད་ཀྱི་སྤྱི་སྐད་སློབ་དེབ་[3]ཅེས་པའི་སློབ་ཚན་ཉེར་དྲུག་པའི་སྐབས་སུ་རྗོད་པ་འདིའི་སྐོར་རྒྱས་པར་བཤད་འདུག་མོད་འདི་ལ་བོད་སྐད་ཀྱི་མིང་འདི་ཡིན་ཞེས་གསལ་པོར་འཁོད་མི་འདུག

དེ་ལས་མང་བ་། “སྐད་ཡིག་དང་འབྲེལ་བའི་རྩོམ་ཡིག་གཉིས། དང་པོ།” »

རྩོམ་པ་པོ། ཨ་འཇམ།   འཇིགས་མེད་ཀྱིས་འོས་སྦྱོར་བྱས།

གཅིག

འུ་ཚོས་རྒྱུན་དུ་རྒྱལ་རབས་གླེང་དུས་ཉག་ཁྲི་བཙན་པོའི་(གཉའ་ཁྲི)འཕྲུལ་སྒྲུང་ལྟ་བུ་ཞིག་ནས་འགོ་རྩོམ་བཞིན་ཡོད། བོད་ཀ་གཡག་དྲུག་ཅེས་རྒྱལ་ཁམས་ཆེན་པོ་ལྟ་བུ་ཞིག་ནས་དཀྱུས་ལ་འཇུག་བཞིན་ཡོད། དོན་དུ་འུ་བུ་ཅག་གིས་བོད་ཀ་གཡག་དྲུག་ཅེས་པ་ནི་ད་ལྟའི་མདོ་དབུས་ཁམས་གསུམ་གྱི་བཀོད་པ་ཆེན་པོ་འདི་ཉིད་བསྒོམས་ཏེ་དུང་ཞེན་གྱིས་གླེང་བས། འདས་པའི་གནས་ལུགས་དང་བདེན་པའི་ཟུར་ངོས་འགའ་རབ་རིབ་ཏུ་གྱུར་བའི་སྣང་ཚུལ་ཞིག་ཀྱང་མཆིས།


དེ་ལས་མང་བ་། “བོད་ཀ་གཡག་དྲུག་དང་འབྲེལ་བའི་གཏམ་ཐུང་ངུ་།” »

ཁྲི་རལ་པ་ཅན།

ཕྱི་ལོའི་དུས་རབས་༡༤ ནས་༡༧ བར་ནུབ་ཕྱོགས་ཡོ་རོབ་རྒྱལ་ཁག་ནང་ཨི་ཏྲ་ལི་ནས་འགོ་བརྩམས་ཏེ། རིག་གཞུང་བསྐྱར་སོས་སམ་(Renaissance) ཟེར་བའི་ལས་འགུལ་གསར་པ་ཅིག་བྱུང་བ་དེས། འཛམ་གླིང་སྤྱིའི་འཕེལ་ཕྱོགས་ལ་འགྱུར་བ་གསར་པ་དང་ཁ་ཕྱོགས་ཤིན་ཏུ་མི་འདྲ་བ་ཅིག་ཏུ་འཁྲིད་ཡོད་ཅིང་། དེ་ནི་ཐོག་མར་ཨི་ཏྲ་ལིའི་མི་ཆོས་རིང་ལུགས་པ་དང་སྙན་ངག་པ། རི་མོ་སྒྱུ་རྩལ་བ་(Francesco Petrarca) ནས་རང་གི་འགྲུལ་བཞུད་ཟིན་ཐོ་དང་སྤྲིངས་ཡིག། མགུར་གླུ་དང་སྙན་ངག་སོགས་བརྩམས་ཆོས་མང་པོའི་ནང་དུ། མཐོང་ཐོས་སུ་གྱུར་པའི་གནས་ཚུལ་མང་པོ་འཁོད་པ་དང་།

དེ་ལས་མང་བ་། “བོད་ལ་རིག་གཞུང་བསྐྱར་སོས་ཤིག་དགོས་ངེས་རེད།” »

རྔ་རྒོད།

སྤྱིར་སྐྱེས་བུ་གང་ཞིག་གི་ཕྱག་རྗེས་ལ་བལྟས་ཏེ། དེ་ལ་རྗེས་དྲན་ཆེ་མ་ཆུང་གསུམ་རེ་བྱས་དང་བྱ་རྒྱུ་ནི་ཆོས་ཉིད་རེད། འོན་ཀྱང་དེ་ལ་ཉི་ཚེ་བའི་རྗེས་དྲན་དང་རྟག་བརྟན་གྱི་རྗེས་དྲན། ཡང་ན་ཚོང་གི་ངོ་བོར་གྱུར་པའི་རྗེས་དྲན་དང་། རྗེས་དྲན་རྫུན་མ་དང་ངོ་མ་སོགས་མང་ངོ་།། གང་ལྟར་སྐབས་དོན་གཙོ་བོ་ནི་དམ་པ་དམུ་དགེ་བསམ་གཏན་ཁོང་གིས་ང་ཚོར་བཞག་པའི་མཛད་རྗེས་དེ་ལ་ཆོས་སྲིད་གཉིས་མཆིས་མོད།

དེ་ལས་མང་བ་། “སློབ་དཔོན་ཆེན་མོ་༧ དམུ་དགེ་བསམ་གཏན་ཚང་ལ་བཟོད་གསོལ་དང་མཉམ་པོར་འདིར་ཁོང་གི་རྗེས་འབྲངས་པ་ཚོར་སྐད་སྐུར་ཞིག་ཡོད།” »

སྐྱོ་བྲག་དགའ་དབང་།

ལྷ་གསོལ་གྱི་ལམ་བུ་བོད་ལ་གནའ་རབས་ནས་ཡོད་ཅིང་། རྒྱ་གར་ནས་དར་བའི་ཆོས་སྲུང་གི་ལྟ་གྲུབ་ཀྱིས་ཤུགས་སྣོན་ཐེབས་པ་སྟེ། ཆོས་སྲུང་གི་ལྟ་གྲུབ་ནི་འགྲོ་བ་མི་ལ་ལྷན་སྐྱེས་སུ་མངའ་བའི་དགྲ་འདུལ་གཉེན་སྐྱོང་གི་སེམས་ཁམས་དང་ཆེས་མཐུན་པས་དགའ་མོས་དང་ཆེ་མཐོང་གིས་བོད་པའི་ཆོས་ལུགས་དང་གྲུབ་མཐའ་ཀུན་གྱིས་འབད་འབུངས་ཆེ་ས་ཞིག་ཡིན། ཆོས་སྲུང་གི་གཙོ་བོ་མགོན་པོ་ཡིན་པས་ན་ཆོས་སྲུང་གསོལ་མཆོད་བྱ་སའི་ཁང་པའི་མིང་ལའང་མགོན་ཁང་ཞེས་ཐོགས་པ་སྟེ། དོན་ནི་དད་གུས་སྐལ་བ་ལྡན་པའི་གང་ཟག་དག་ཆོས་སྐྱོང་གཙོ་བོ་མགོན་པོ་སྒྲུབ་པ་ལ་ཞུགས་པའི་ཁང་པ་ཡིན་བྱ་བའོ།།

དེ་ལས་མང་བ་། “མགོན་ཁང་ནང་དུ་བུད་མེད་འཛུལ་ཆོག་གམ།” »

སྙན་བཟང་གཡུང་དྲུང་ཚེ་རིང་།

ཕྲན་གྱིས“ལྷ་ལུང་དཔལ་གྱི་རྡོ་རྗེའི་སྐུ་ཚེའི་ལོ་རྒྱུས་འཚོལ་ཞིབ་”ཅེས་པའི་རྩོམ་ཡིག་འདི་ནི་ཕྱི་ལོ་༢༠༠༠ལོའི་ལོ་མཇུག་ཏུ་བྲིས་པ་རེད་ལ། སྐབས་དེར་བྲིས་པའི་རྩོམ་ཡིག་འདིར་དཔྱད་གཞི་ཡིག་ཆ་ཕུན་སུམ་ཚོགས་པ་ཞིག་མ་འཛོམས་སྟབས། ལྷ་ལུང་དཔལ་གྱི་རྡོ་རྗེའི་སྐུ་ཚེའི་རི་མོ་གསལ་ལ་མ་གསལ་ཞིག་ཀྱང་འབྲི་ཐུབ་བྱུང་མི་འདུག ཕྱིས་སུ་བོད་ཀྱི་རྒྱལ་རབས་ལོ་རྒྱུས་སོགས་ཀྱིས་མཚོན་པའི་བསྟན་བཅོས་ཁག་ལ་མཇལ་ཐེངས་རེར་བརྗོད་གཞི་འདིའི་སྐོར་ལ་དོ་སྣང་བྱས་ཤིང་།

དེ་ལས་མང་བ་། “ལྷ་ལུང་དཔལ་གྱི་རྡོ་རྗེའི་སྐུ་ཚེའི་ལོ་རྒྱུས་འཚོལ་ཞིབ།*” »

ཁྲི་རལ་པ་ཅན།

གླེང་བརྗོད་ཀྱི་གཞི་རྩ།

དེང་སང་ཡོངས་གྲགས་འཛམ་གླིང་གང་སར་དར་ཁྱབ་གང་འཚམས་ཡོད་པ་བོད་སྨན་གསོ་རིག་གི་གཞུང་ལུགས་ནི། གཙོ་ཆེར་རྒྱ་གར་ནག་གཉིས་ཀྱི་ནང་རྟེན་གཞི་བཙུགས་ཏེ་འཛིན་སྐྱོང་སྤེལ་གསུམ་གནང་བཞིན་ཡོད་ཅིང་། རྒྱ་ནག་ནང་དུ་ནི་བོད་སྨན་འདི་ཚན་རིག་གི་སྡེ་ཚན་ལ་ངོས་འཛིན་གྱིས་རིག་གསར་སྐབས་སུའང་མཐའ་གཅིག་ཏུ་གཏོར་བཤིག་ཐེབས་མྱོང་མེད་པས། རིམ་པས་བོད་མི་སྨན་པ་སྤྱི་སེམས་ཅན་ཚོས་བདག་གཅེས་འབད་བརྩོན་ལ་བརྟེན། རྒྱ་ནག་གཞུང་འབྲེལ་གྱིས་བོད་ནང་རྫོང་རིམ་པ་ཕལ་ཆེར་ནང་བོད་སྨན་ཁང་དང་སྨན་རྩིས་ཁང་བཙུགས་ཡོད་པ་མ་ཟད།

དེ་ལས་མང་བ་། “བོད་སྨན་བོད་ཀྱི་ཡིན་མིན་གླེང་མོལ།” »

མི་ཉག་སྟོབས་ལྡན།

 
ང་ཚོ་བོད་ཀྱི་ལོ་རྒྱུས་ཡིག་ཚང་རྣམས་སུ་མི་ཉག་གི་ལོ་རྒྱུས་དེབ་གཟུགས་སུ་བཀོད་པ་དང་། ཡང་ན་མི་ཉག་སྐོར་གྱི་དཔྱད་རྩོམ་དང་ཆེད་རྩོམ་སོགས་ནི་མཛུབ་རྩེའི་གྲངས་ཀ་ཙམ་ལས་ཧ་ཅང་མཐོང་དུ་དཀོན་པ་དང་། ལྷག་པར་དུ་རང་རེ་བོད་ཀྱི་དེ་བྱུང་རིག་པ་ལ་མཁས་པ་རློམ་པའི་སྨྱུག་ཐོག་པ་མང་པོས་ཨ་འོ་ལྡོང་མི་ཉག་གི་སྐོར་ལ་གོ་རྟོགས་ཞན་པ་དང་ཕྱོགས་རིས་ཀྱི་བསམ་བློ་ཆེ་བ། དེ་མིན་ཅུང་རྒྱུས་མངའ་དང་གོ་རྒྱ་ཆེ་བ་དག་གིས་ཀྱང་རང་གི་ཞེན་འདོད་གཙོར་བཟུང་ལས་ལོ་རྒྱུས་དངོས་ལ་རྟོགས་ཞིབ་ནན་པོ་མི་བྱེད་པར། དུས་རབས་བཅུ་བཞི་རབ་བྱུང་དྲུག་པའི་ནང་ཚལ་པ་ཀུན་དགའ་རྡོ་རྗེས་བརྩམས་པའི་

དེ་ལས་མང་བ་། “<>” »

བཙན། (རྒྱང་མིག་གིས་འོས་སྦྱོར་བྱས།)

 
འཇིག་རྟེན་གྱི་རིག་གནས་མ་ལག་ཐམས་ཅད་ཐོག་མ་ནས་མི་ཡི་དགོས་མཁོ་གང་ཞིག་དང་བསྟུན་ནས་བྱུང་བ་ཤ་སྟག་ཡིན་པས་ན། མིའི་རིགས་ཀྱི་ཀླད་ཤུགས་ངལ་རྩོལ་བརྒྱུད་ནས་འཇིག་རྟེན་གྱི་འཚོ་བ་དང་རིག་གནས་མ་ལག་ཐམས་ཅད་ལ་དུས་ཀྱི་འཕོ་འགྱུར་དང་བསྟུན་ནས་འགྱུར་བ་གཏོང་ཆོག་པ་རེད། གཏོང་དགོས་པ་རེད། དེ་ནི་རང་བྱུང་ཁམས་ཀྱི་དགོས་དབང་རེད། མིའི་བསམ་གཞིག་དང་གསར་བཏོད་ཀྱི་ཕན་ནུས་འདོན་ས་ཡང་འདི་རེད།
མཐར་དེད་ན་འཇིག་རྟེན་འདིར་རིག་གནས་གནས་དོན་ཡང་འཇིག་རྟེན་ཡང་དག་པ་ཞིག་བསྐྲུན་ཆེད་དུ། མི་དང་དེའི་འཚོ་སྡོད་ཀྱི་གནས་བབ་ལེགས་འགྲུབ་ཡོངས་ཆེད་དུ།

དེ་ལས་མང་བ་། “བྲན་གཤིས་ལས་ཐར་བའི་མི་ནི་སྒལ་ཚིགས་ཅན་ནོ།” »

ཨ་ནུ་ཐང་བསོད་ནམས།

གསུང་བཤད་དེའི་འགོ་ནས་འཇུག་བར་དུ་ཡག་པོ་ཞིག་ཉན་པ་ཡིན་ཞིང་དེའི་ནང་དུ་འགོག་ཏུ་མེད་པའི་དྲི་བ་ཁག་ཅིག་སླེབས་སོང་། སྔོན་མ་ཏིང་གིས་སྐུ་ངོ་རྒྱལ་དོན་ལ་འབྲེལ་བ་གནང་ནས་རང་བཙན་མ་རྩད་ན་སྐད་ཆ་གང་ཞིག་ཡིན་ཡང་བཤད་ཅེས་ཐུགས་ཁ་བསྒྱུར་ནས་གཡོ་ཇུས་བཀྲམས་པ་བཞིན། དེ་ཐེངས་ཀྱང་ཞིས་ཅིན་ཕིན་གྱི་སྲིད་གཞུང་གིས་ཀྱང་སྔོན་ལྟར་སྐུ་ངོ་རྒྱལ་དོན་གྱི་ཐུགས་མོས་ཡོད་མེད་ལ་མ་ལྟོས་པར་ཨུ་ཚུགས་ཀྱིས་འབྲེལ་བ་གནང་ཞིང་། བློ་འགུག་ཡག་པོ་ཡོང་ཆེད་དུ་ཞིས་ཀྱི་ཡབ་དང་ཁོང་ཚོའི་འབྲེལ་བ་ཡག་ཚུལ་སོགས་ཀྱི་ཁྱིམ་ཚང་གི་འབྲེལ་བ་དང་། ཞིས་ནི་སྲིད་འཛིན་གསར་བ་ཡིན་པས་གྲོས་མོལ་ཡོད་ཚུལ་སོགས་བརྗོད་ནས་རེ་བ་གསར་བ་ཞིག་སྤྲད་ཅིང་འགུག་ཐབས་བྱེད་ཀྱིན་ཡོད་པ་གསལ་བོ་རེད།

དེ་ལས་མང་བ་། “སྐུ་ངོ་རྒྱལ་ལོ་དོན་གྲུབ་ཀྱི་གསུང་བཤད་ལས་འཕྲོས་པའི་མྱོང་བ་དང་མཐའ་དཔྱོད།” »

ཨ་ནུ་ཐང་བསོད་ནམས།
 

ཧོང་ཀོང་གི་མང་གཙོ་དང་ཁྲོས་ཁྲོས། ཏཱ་ལའི་བླ་མ་བཅས་ཀྱི་མཛའ་འབྲེལ།

ཁྲོས་ཁྲོས་ཀྱིས་མང་གཙོ་ལ་འདོད་པ་ཡོད་མཁན་ཞིག་ཡིན་ན་ཧོང་ཀོང་གི་མང་གཙོའི་ལས་འགུལ་ལ་རྒྱབ་སྐྱོར་བྱེད་དགོས་ཚུལ་གྱི་བསྒྲགས་གཏམ་སྤེལ་འདུག ཡིན་ཡང་། ཏཱ་ལའི་བླ་མ་ལྷོ་ཨ་ཧྥ་རི་ཁ་ལ་ཕེབས་མ་ཐུབ་པའི་གནད་དོན་ལ་ཡུལ་དེའི་གཞུང་ལ་སྐྱོན་བརྗོད་ཟླ་འདིའི་འགོ་བར་དུ་མ་བྱས་པས་མི་མང་པོ་ཞིག་གིས་ཁྲོས་ཁྲོས་ཁུ་སིམ་སིམ་དུ་བཞུགས་པ་ལ་དོགས་པ་དང་། སྐྱོན་བརྗོད་བྱེད་མཁན་བྱུང་ཡོད་ཅིང་། ད་ཐེངས་རྡ་ས་ལ་བཅར་མི་འདུག

དེ་ལས་མང་བ་། “ཧོང་ཀོང་གི་མང་གཙོ་དང་ཁྲོས་ཁྲོས། ཏཱ་ལའི་བླ་མ་བཅས་ཀྱི་མཛའ་འབྲེལ།” »

ཁྲི་རལ་པ་ཅན།

 
དེང་རབས་ཀྱི་འཇིག་རྟེན་དུ་རྒྱ་ནག་ལབ་ཚེ་འཛམ་གླིང་གི་ཅ་ལག་མང་པོ་ཐོན་བསྐྱེད་ཕྱིར་ཚོང་དང་དམར་པོའི་དབང་ཆ་གཅིག་སྡུད་རྒྱལ་ཁབ། དམག་མི་གྲངས་ཀ་མང་ཤོས་དང་དཔལ་འབྱོར་སྟོབས་ལྡན་གྱི་རྒྱལ་ཁབ་ཅིག་རེད། འོན་ཀྱང་རྒྱ་ནག་ནི་མི་རིགས་སྣ་མང་པོས་གྲུབ་པ་དང་འཛམ་གླིང་གི་མི་འབོར་ཆེ་ཤོས་ཡིན་པ། ལོ་རྒྱུས་ཡུན་རིང་དང་རྒྱལ་རབས་སྣ་ཚོགས་འཕོ་འགྱུར་ཟིན་པའི་རྒྱལ་ཁབ་ཆེས་རྙིང་པ་ཅིག་ཡིན་པའི་ཆ་ནས། རྒྱ་ནག་ལ་ཁྱད་ཆོས་མང་པོ་ཅིག་མངོན་གསལ་དོད་པོ་དང་མི་མངོན་པ་གཉིས་ཀའི་ཟོལ་དུ་ཡོད་པ་རེད།

རྒྱ་ནག་གི་སྐོར་དང་ལྷག་པར་དེའི་སྲིད་དབང་འཕོ་འགྱུར་སྟེང་བསམ་བློ་གཏོང་སྐབས།

དེ་ལས་མང་བ་། “རྒྱ་ནག་གི་མི་རིགས་རིང་ལུགས་དང་མང་གཙོ། དམར་པོའི་དབང་ཆ།” »

སྤོབས་པ་མཐའ་ཡས།
—–MH370 བོར་ནས་ལོ་ཕྱེད་འཁོར་བའི་ཉིན་བྲིས།

 
༢༠༡༤ལོའི་ཟླ་༥ པའི་ཚེས་༨ ཉིན་ལ་མ་ལའེ་ཤི་ཡའི་མཁའ་འགྲུལ་གྱི་གནམ་གྲུ་MH370 ལོ་ཕྱེད་ལྷག་གི་གོང་དུ་གར་སོང་ཆ་མེད་དུ་གྱུར་པར་བསྒྲགས། ལོ་ཕྱེད་འགོར་བའི་དེ་རིང་གི་ཉིན་བར་དུ་ཚོགས་པ་ལས་ཁུངས་མང་པོས་མི་ཤུགས་རྒྱུ་ཤུགས་ཕངས་མེད་བཏང་ནས་འཚོལ་བཞིན་ཡོད། འགྲོ་སོང་ཚབ་ཆེ་ཤོས་ཀྱི་གནམ་གྲུ་བོར་སྟོར་དོན་རྐྱེན་ཞིག་ཏུ་གྱུར་ཡོད་ཟེར། ཡིན་ན་ཡང་། གནམ་གྲུ་དེར་དོན་རྐྱེན་གང་བྱུང་ཤེས་མེད། དོན་དངོས་ཡོད་ལ་མ་ལའེ་ཤི་ཡའི་གཞུང་གིས་ཆེད་དུ་སྦས་ནས་གཡོ་ཐབས་བྱེད་བཞིན་པ་མ་གཏོགས་དོན་དུ་གནམ་གྲུ་གར་སོང་མ་གོ་བ་གཏན་ནས་མིན་པ་འདྲ།

དེ་ལས་མང་བ་། “གནམ་གྲུ་MH370 གང་དུ་ཡོད།” »

བདེ་པོ་འཚོ། (ཏཱ་ལའི་བླ་མ་མཐོ་རིམ་སློབ་གཉེར་ཁང་)

གུས་མོ་ནི་རྒྱ་ནག་གི་བཙན་གནོན་འོག་སྟེ་རང་དབང་མེད་པའི་བོད་གངས་ཅན་གྱི་ལྗོངས་ནས་རྒྱ་གར་ནང་བཙན་བྱོལ་དུ་ཡོང་མཁན་ཞིག་ཡིན་ལ། དེ་ཡང་ཐབས་སྐྱོ་བའི་གནས་སྟངས་ཤིག་གི་འོག་ནས་འདི་ལྟར་རང་དབང་ལུང་པ་ཞིག་ལ་འབྱོར་ཏེ་རིན་ཐང་བྲལ་བའི་ཤེས་བྱ་རིག་གནས་ལ་སྦྱངས་པའི་གོ་སྐབས་ཐོབ། ཡིན་ན་ཡང་། རང་ཉིད་ལ་གཞན་པ་ལྟ་བུའི་ལྷན་སྐྱེས་ཀྱི་ཤེས་རབ་དང་སྦྱངས་སྟོབས་ཀྱི་ཡོན་ཏན་སོགས་ཤེས་འཇོན་གང་ཡང་མེད་ན་ཡང་། རང་ཉིད་མི་ཞིག་ཡིན་པའི་ཆ་ནས་རང་ཉིད་ལའང་ཕྱོགས་གང་ས་ཅི་ཐད་ནས་བསལ་ཚུལ་དང་ཚོར་བ་མ་འདྲ་བ་རེ་ཡོད་ངེས་ལ་ཡོད་ཆོག་པ་ཞིག་ཀྱང་རེད།

དེ་ལས་མང་བ་། “བོད་ཀྱི་ཨ་མ་རྗེ་བཙུན་པདྨ་གླེང་བ།” »

ཚེ་རིང་རྡོ་རྗེ།

བོད་གཞིས་བྱེས་གཉིས་ནས་རྣམ་དཔྱོད་དང་སྙིང་སྟོབས་ཡོད་རྒུ་བཏོན་ཏེ་རང་དབང་གི་ཆེད་དུ་འཐབ་རྩོད་ཅི་ཙམ་བྱས་ནའང་མངོན་འདོད་འཕྲལ་དུ་འགྲུབ་པ་ལྟ་ཅི། མ་འོངས་པའི་གནས་བབ་ཅི་འགྱུར་གང་འབྱུང་གི་ཆ་ནས་ཀྱང་ནག་འཐོམ་མེར་ལུས། འུ་ཐུག་ཐབས་ཟད་ཀྱི་བར་སྐབས་འདིར། བོད་མི་ཁ་ཅིག་གིས་རེ་ལྟོས་ཀྱི་མིག་ཟུང་རྒྱ་ནག་གི་མགོ་ཁྲིད་གསར་བ་ཞི་ཅིན་ཕིན་གྱི་ཕྱོགས་སུ་ཅེར་ཏེ། བོད་དོན་ལ་བཟང་ཕྱོགས་ཀྱི་རྣམ་འགྱུར་ཞིག་སྟོན་ཀྱང་སྲིད་སྙམ་འདུག དོན་ངོ་མར་ཞི་ཅིན་ཕིན་གྱི་ཆབ་སྲིད་ལངས་ཕྱོགས་ཅི་འདྲ་ཡིན་ནམ།

དེ་ལས་མང་བ་། “ཞི་ཅིན་ཕིན་གྱིས་བོད་མིར་དྲང་བདེན་གྱི་ཨ་ལན་སྤྲོད་མི་སྲིད།” »

དུར་བྱང་།

ཁོ་བོས་«ཆོས་དུང་དཀར་པོ»ཞེས་པའི་ལོ་དེབ་སྤྱིའི་འདོན་ཐེངས་དགུ་བར་བཀོད་ཅིང་མཁན་ཆེན་བསོད་ནམས་རྒྱ་མཚོས་མཛད་པའི་«མཁས་འཇུག་ལུང་གི་རྒྱབ་མདུན་ལྗོངས་ཀྱི་འགྲེལ་བཤད»ཅེས་པའི་རྩོམ་ཡིག་དེ་ནན་ཏུར་གྱིས་བཀླགས་པ་ཡིན། ཀློག་གིན་ཀློག་གིན་གཅིག་རྗེས་གཅིག་འཕྲོར་ཨ་ལེ་འདི་རེད་འདུག ཨ་ཙི་གན་ཡིན་འདུག་ཅེས་ཆིག་ལབ་འགའ་ངག་ནས་ཐལ་རྒྱུ་བྱུང་། དཔེ་བཞག་ན། རྒྱ་གར་འཕགས་པའི་ཡུལ་ན་རླུང་ལྟར་གྲག་ཅིང་བོད་སྐད་དུ་མིང་ཙམ་ལས་མ་བྱུང་བའི་«དབྱངས་ཅན་མགུལ་རྒྱན»ཞེས་པའི་རྩོམ་པ་པོ་སུ་ཡིན་དང་དུས་རབས་སོགས་ཀྱི་ཆ་ལ། སྔ་འགྲེལ་ཕལ་མོ་ཆེས་བསྟན་བཅོས་ཀྱི་མིང་ཙམ་བགྲང་བ་དང་།

དེ་ལས་མང་བ་། “བརྩམས་ཆོས་བཀླག་ན་འདི་ལྟར་ཀློགས།” »

བྱ་མདོ-སྐལ་རྒྱམ།

དཔེ་ཆ་ནི་མིའི་རིགས་ཀྱི་བསམ་བློའི་རྒྱགས་ཕྱེ་ངོ་མ་དེ་ཡིན་པར་བཤད་པ་ལྟར། མི་གཞིའི་ཀུན་སྤྱོད་ཀྱི་བསམ་བློ་ལེགས་བཅོས་དང་། མིའི་བསམ་བློ་གསར་བ་དང་ལྟ་ཚུལ་གསར་བ། རྩོད་སྒྲུབ་ཀྱི་རིགས་ལམ་གསར་བ་ལ་སོགས་པའི་ཤེས་རབ་གོང་འཕེལ་དུ་འགྲོ་བའི་ཆ་རྐྱེན་གཙོ་བོ་ནི་དཔེ་ཆ་ཀློག་པ་འདི་ཡིན་ལ། དེ་ཡང་རང་གིས་རིག་ཚན་ཅི་ཞིག་ལ་སྦྱོང་བའི་སྐབས་དེའི་སྐོར་གྱི་དཔེ་དེབ་ཅི་འདྲ་ཞིག་ཡོད་པ་དང་དེ་དག་ལས་གང་ཞིག་བཟང་བའི་སྐོར་གྱི་འདེམས་གསེས་མ་ནོར་བ་བྱེད་རྒྱུ་ནི་ངེས་པར་གལ་ཆེའོ།།

དེ་ལས་མང་བ་། “མངོན་པ་མཛོད་ཀྱི་ལམ་ཡིག” »

བྱ་མདོ་སྐལ་རྒྱམ།
 

རྗེ་བླ་མའི་གསུང་རྩོམ་ལེགས་བཤད་གསེར་ཕྲེང་དང་འབྲེལ་བའི་དོན་འགའ་གླེང་བ།
—-གྲོགས་པོ་ཞིག་དང་འཕྲོས་མོལ་བྱས་པའི་སྐད་ཆ་ཡི་གེར་བསྡེབས་པ།

 
གསེར་ཕྲེང་ནི་རྗེ་ཙོང་ཁ་བས་དགུང་ལོ་སོ་གཉིས་སྟེང་བརྩམས་པ་ཞིག་ཡིན་པས། ཁོང་གིས་བརྩམས་པའི་གཞུང་ཆེན་ཁག་གི་ནང་ནས་སྔ་གྲས་ཤིག་ཡིན། འདི་ལས་མངོན་རྟོགས་རྒྱན་གྱི་རྒྱ་འགྲེལ་ཉེར་གཅིག་གི་འདོད་པ་མི་འདྲ་བ་དང་། བོད་ཀྱི་མཁས་པས་བཤད་ཚུལ་མི་འདྲ་བ་རྣམས་སྐབས་སྐབས་སུ་བཀོད་ནས་འཐད་མི་འཐད་ཀྱིས་དགག་བཞག་རྒྱ་ཆེར་བྱས་ཡོད་པས། རྒྱ་བོད་ཀྱི་མཁས་པ་རྣམས་ཀྱི་བཞེད་པ་ཤེས་འདོད་ཀྱང་གཞུང་མང་བོ་ཀློག་མི་ཐུབ་མཁན་ཞིག་ཡིན་ནའང་ཧ་ལམ་འདི་ཁོ་ནས་མཐུས་པ་ལྟ་བུ་ཞིག་ཡིན།

དེ་ལས་མང་བ་། “ལེགས་བཤད་གསེར་ཕྲེང་དང་འབྲེལ་བའི་དོན་འགའ་གླེང་བ།” »

བློ་བཟང་བསྟན་པ།

བོད་ཡིག་ཏུ་དབྱིན་ཡིག་ཕབ་བསྒྱུར་རམ་ཡིག་བསྒྱུར་བྱེད་སྟངས་རོབ་ཙམ་གླེང་བ།

(Tibetanization of Roman Script)

བོད་ཡིག་མ་ཡིན་པའི་དབྱིན་ཡིག་དང་གཞན་ཡིག་རིགས་ཁག་གི་མིང་ཚིག་རྣམས་བོད་ཡིག་ཏུ་ཡིག་བསྒྱུར་རམ་ཕབ་བསྒྱུར་བྱེད་སྐབས། གསར་ཤོག་དང་དཔེ་དེབ་ཁག་མང་པོའི་ནང་འདྲ་མིན་དང་གང་བྱུང་དུ་ཡིག་བསྒྱུར་བྱས་དང་བྱེད་བཞིན་ཡོད་པ་ལྟར། འདིར་དབྱིན་ཡིག་གམ་རོམཱན་ཡིག་གཟུགས་(roman script) གཅིག་མཚུངས་ཀྱི་ཡིག་རིགས་ཁག་རྣམས་བོད་ཡིག་ཏུ་ཡིག་བསྒྱུར་བྱེད་སྐབས། དེ་སྔར་ལེགས་སྦྱར་གྱི་ཡི་གེ་དེ་ཉིད་བོད་ཡིག་ཏུ་ཡིག་བསྒྱུར་རམ་ཕབ་བསྒྱུར་དེ་ཡི་གེ་སྤྱིའི་དབྱངས་གསལ་གང་ཡོད་རྣམས་ཕབ་བསྒྱུར་བྱས་ཡོད་པ་དེ་ཉིད་ཀྱི་དཔེ་སྟོན་དང་མཚུངས།

དེ་ལས་མང་བ་། “ཡིག་བསྒྱུར་བྱེད་སྟངས་རོབ་ཙམ་གླེང་བ།” »