ཨ་ནུ་ཐང་བསོད་ནམས།

བོད་བརླགས་པའི་རྩ་བ་དེད་ན་སྤྲུལ་སྐུ་ཚོ་ཡིན། སྤྲུལ་སྐུ་ཚོ་རྒྱུན་གནས་ཐུབ་པའི་རྩ་བ་ནི་དད་པ་ཡིན་ཞིང་། དེ་ཡིན་པ་སྤྲུལ་སྐུ་དང་དེའི་རྗེས་འཇུག་པ། ལྷག་པར་དུ་སྤྲུལ་སྐུ་ལ་བརྟེན་ནས་ཁེ་ཕན་ཐོབ་མཁན་ཚོས་གསལ་བོ་ཤེས་ཀྱི་ཡོད་པས་དད་པ་ལ་འགྱུར་བ་གཏོང་འདོད་སྤྲུལ་སྐུ་སུ་དང་དེའི་ཕྱོགས་གཏོགས་པ་ཚོས་ནམ་ཡང་བྱེད་མི་སྲིད་ལ། དེ་ལས་ལྡོག་སྟེ་དད་པ་སྲ་བརྟན་ཡོང་ཐབས་ལ་ཅི་ལྕོགས་ཀྱིས་འབད་ཀྱིན་ཡོད། དེ་ལྟར་འབད་ན་བོད་མིའི་སེམས་པ་ལྕགས་ལྟར་མཁྲེགས་པོར་འགྱུར་ཞིང་། དུས་ཀྱི་འགྱུར་བ་གང་ཞིག་ཏུ་ཕྱིན་ཡང་དེ་ལ་ངོས་ལེན་བྱེད་འདོད་མེད་པར་ཐེར་ཟུག་ཏུ་གནས་པས་རེད།

དེ་ལས་མང་བ་། “བོད་ཕོངས་བྱེད་ཀྱི་རྩ་བ་ནི་དད་པ་དང་སྤྲུལ་སྐུའི་ལམ་ལུགས་ཡིན།” »

ཅོ་རི་ཉི་མ།

བོད་ཕུང་བྱེད་ཀྱི་རྒྱུ་རྐྱེན་ངོས་འཛིན་སྟངས་བཤད་ན་ཉེ་རབས་མཁས་པའི་བཞེད་དགོངས་ལ་ཚིག་མ་འདྲ་བ་ཁ་ཤས་ཡོད།
• དམ་པ་དགེ་ཆོས་མཆོག་གིས། བོད་མི་ལ་གསར་བཏོད་ཀྱི་སྙིང་སྟོབས་མེད་པས་རྙིང་པ་ཐམས་ཅད་ལྷ་ཡི་སྲོལ་དུ་བསྒྲགས་པ་དང་གསར་པ་ཐམས་ཅད་བདུད་ཀྱི་ཆོ་འཕྲུལ་རེད་བསམ་པའི་འདུ་ཤེས་ཀྱིས་བོད་ཕུང་ལ་སྦྱར་སོང་བ་ངོས་འཛིན་གནང་ཡོད། དེ་ཡང་ཁོང་གིས། “རྙིང་པ་ཐམས་ཅད་ལྷ་ཡི་སྲོལ་དུ་བསྒྲགས།།གསར་པ་ཐམས་ཅད་བདུད་ཀྱི་འཕྲུལ་དུ་སེམས།།ངོ་མཚར་ཕལ་ཆེར་ཐན་ལྟས་ཉིད་དུ་སྒོམ།།ཆོས་ཀྱི་རྒྱལ་ཁམས་ཊི་བྷོ་ཊ་ཡི་སྲོལ།།” ཞེས་བོད་པས་རྙིང་པ་ལྷ་ཡི་སྲོལ་དང་གསར་པ་བདུད་ཀྱི་ཆོ་འཕྲུལ། ངོ་མཚར་བའི་བྱ་བ་ཐན་ལྟས་ཉིད་དུ་བསྒོམས་པའི་སྐྱོན་གྱིས་བོད་ཕུང་ལ་སྦྱར་གྱི་ཡོད་པར་བསྟན་པ་རེད།

དེ་ལས་མང་བ་། “བོད་ཕུང་བྱེད་ཀྱི་རྒྱུ་རྐྱེན་ངོ་མ།” »

ཨ་ནུ་ཐང་བསོད་ནམས།
 

ཕུན་དབང་གི་སེམས་ཁམས་ཐང་ཐང་ཨེ-འཇམ་དབྱངས་ནོར་བུའི་དོགས་པ།

ཟླ་འདིའི་ཚེས་གསུམ་གྱི་ཉིན་འཇམ་ནོར་གྱིས་ཕུན་དབང་གི་སྐོར་ལ་རྩོམ་ཞིག་བྲིས་འདུག དེའི་ནང་ནས་གནད་འགག་ཆེ་བའི་ཚན་པ་གཉིས་རྣམ་པ་ཚོ་ལ་དཔྱད་ཞིབ་ཀྱི་ཚུལ་དུ་ནང་དོན་གཙོ་བོ་སྒྱུར་ནས་འགོད་རྒྱུ་ཡིན།
And one could perhaps make the case that there is need for some sort of psychiatric analysis and exposure of this man. Even after the official persecution and suicide of his wife, his own torture and imprisonment for eighteen years, Phuntsok Wangyal’s devotion to Marx, Mao and Chou Enlai remains unshaken.

དེ་ལས་མང་བ་། “ཕུན་དབང་གི་སེམས་ཁམས་ཐང་ཐང་ཨེ-འཇམ་དབྱངས་ནོར་བུའི་དོགས་པ།” »

ཤར་ཕྱོགས་ཁུག་རྟ།
—–ངེད་ཀྱི་དབུ་མའི་ལམ་གྱི་འཐབ་གྲོགས་རྒན་པ་སྐུ་གཤེགས་པར་མྱ་ངན་ཞུ་ཚིག་ཐུང་ངུ།

༄༅།།རྣམ་དཔྱོད་མེ་ལྟར་འབར་བའི་དཔའ་བོ་དང་མཁས་དབང། བོད་མིའི་ཉེ་རབས་ལོ་རྒྱུས་ཁྲོད་ཀྱི་ཆབ་སྲིད་པ་གྲགས་ཅན། དབུ་མའི་ལམ་གྱི་གཞུང་ལུགས་སྨྲ་བ་པོ་དང། དེའི་ཉམས་ལེན་པ། དབུ་མའི་ལམ་གྱི་ཆེས་བཀུར་བར་འོས་པ་དང་སློབ་སྦྱོང་བྱེད་འོས་པའི་ངེད་ཀྱི་འཐབ་གྲོགས་རྒན་པ། བོད་མི་རིགས་ཀྱི་སྣོད་བཅུད་གཉིས་ཀ་གཡང་སར་གནས་པའི་སྐབས་འདིར་དེ་སྐྱོབ་པའི་ཁ་ཡོད་ལག་ཡོད་ཀྱི་ཐབས་ལམ་ཚང་ལ་མ་ནོར་བས་རྒྱུད་གཏམས་ཤིང། རྒྱལ་སྤྱིའི་དཔལ་འབྱོར་ཁྲོམ་རྭའི་བཀའ་བཀོད་འོག་གི་སྲིད་དོན་ནམ་མཁའ་འགྲིམས་ལ་བྱ་རྒྱལ་ཁྱུང་ཆེན་ཡིན་ཡང་དམན་སར་འགོད་པ། མདོར་ན་བོད་མིའི་ཉེ་རབས་ལོ་རྒྱུས་ཀྱི་སྲོག་འཛིན་མི་སྣ་དང། བོད་མི་རིགས་ཀྱི་འདས་མ་ད་གསུམ་གྱི་བྱུང་རབས་ཐུགས་ལ་གསལ་བོར་ཆུད་ཅིང་།

དེ་ལས་མང་བ་། “ཕུན་དབང་རྒྱལ་ཚོང་པ་ཡིན་མིན་དང་ཁོང་ལ་གདེང་འཇོག་བྱེད་པ།” »

ཁྲོ་གཏུམ།

གསར་འགོད་པའི་ལས་ཀར་འཛུལ་ནས་ཟླ་དྲུག་ལ་སླེབས་པའི་སྐབས་སུ། རང་ཉིད་ཀྱི་སེམས་སུ་ཤར་བའི་བསམ་ཚུལ་འགའ་མདོར་བསྡུས་ཀྱིས་ཡིག་ཐོག་ཏུ་ཕབ་ན། གསར་འགོད་པས་རྒྱུན་ཤེས་འདི་ཙམ་ཤེས་དགོས་པའི་དོན་གནད་ཀྱི་རྒྱུད་རིམ་ཞིག་བློས་བསླངས་བྱས་པར་ཉེས་སྐྱོན་ཆད་ལྷག་ཡོད་ན་དེ་བཞིན་དུ་གསལ་སྟོན་གནང་དགོས་པའི་འབོད་སྐུད་ཞུས་པ་ཡིན།
གསར་འགྱུར་འབྲི་བར་མ་མཐའ་ཡང་རང་གི་དོ་སྣང་བྱེད་དགོས་པའི་རྩ་བའི་གནད་འགག་བདུན་ཞིག་ལ་ངོས་ཟིན་ཐོབ་དགོས་པ་འདྲ།

དེ་ལས་མང་བ་། “གསར་འགོད་བྱེད་སྟངས་རགས་བསྡུས་ཤིག” »

ཨ་ནུ་ཐང་བསོད་ནམས།

ཕུན་དབང་ལ་འཛམ་གླིང་གི་མི་སྤྱི་མཚུངས་ལྟར་དགེ་སྐྱོན་གཉིས་ཀ་ཡོད་ལ། བོད་ལའང་ཕན་གནོད་གཉིས་ཀ་སྐྱེལ་མཁན་ཞིག་རེད། དེར་བརྟེེན། བོད་ཀྱི་སྤྱི་ཚོགས་ཁྲོད་དུའང་ཁོང་གི་སྒང་ལ་ལྟ་ཚུལ་མི་མཐུན་པ་གཉིས་ཆགས་འདུག དགེ་མཚན་ཁོ་ན་ལ་མཐོང་བས་སྡོམ་ཚིག་བཀོད་མཁན་དང་། ཉེས་བ་ཁོ་ན་མཐོང་བས་སྡོོམ་ཚིག་བཀོད་མཁན་ཡོད་པས་གཉིས་ཀ་ལ་རྒྱུ་མཚན་འདུག་སྙམ།

དགེ་མཚན།

ཁོང་ལ་རིགས་ཞེན་དང་དྲང་ཚིག ལྷག་བསམ་དང་སྙིང་སྟོབས། བློས་བཏང་དང་ཆོད་སེམས་ཡོད་པ་མ་ཟད། བོད་ཀྱི་གནའ་བོའི་སྤྱི་ཚོགས་ཀྱི་འགྲོ་ཕྱོགས་དེའི་འདང་གི་མེད་པ་དང་།

དེ་ལས་མང་བ་། “འབའ་བ་ཕུན་ཚོགས་དབང་རྒྱལ་གྱི་མི་ཚེ་ལ་ལྟ་བ།” »

____དུར་བྱང་།

ཁ་སང་དེ་རིང་། ཕྲན་པར་མཚོན་ན་དངོས་གནས་བག་ཕེབས་ངང་གཞན་དང་གཞན་ལ་གཏམ་སྨྲ་ཞིང་བགྲོ་བའི་ཁོམ་ལོང་ཆེར་མེད། དེ་རིང་དྲོས་ཇ་འཐུང་ཞོར་ལ། གྲོགས་ག་གེ་མོ་དང་ལྷན་མགོ་མེད་མཇུག་རྡུམ་གྱི་སྐད་ཆ་ལ་བཤད་ལུང་བཤད་མང་པོ་བྱས་པའི་གཞུག་ཏུ། སྐུ་ཞབས་སེང་རྡོར་གྱིས་བརྩམས་ཤིང་ལེའུ་བཅུ་དྲུག་གིས་གྲུབ་པར་བྱས་པའི་«བཅད་གསར་སྙན་ངག་གི་སྤྱི་དོན་མངར་སིལ་འཐིལ་བའི་བྱེ་རུལ»ཞེས་པ་ཞིག་འཕྲུལ་དེབ་ཏུ་བཟོས་འདུག་པའི་སྐོར་ནས་སྐད་ཆ་ཤོད་རེས་བྱས་པ་ཡིན། ཕྲན་པས་དཔེ་ཆ་དེ་འདྲ་ཞིག་གོ་ལོ་ཐོས་ལོ་ཙམ་ལས་རྒྱུས་མངའ་ཁྱོན་ནས་མེད།

དེ་ལས་མང་བ་། “སེང་རྡོར་དང་བཅད་གསར་སྤྱི་དོན། ད་དུང་བདག་གི་མིག” »

རིགས་གྲོལ།

ད་ལྟའི་དུས་སུ་རང་རེའི་སྤྱི་ཚོགས་ཁྲོད་ན་མཁས་པ་ལས་རྩོམ་པ་པོ་མང་ཞིང་། རྩོམ་པ་པོ་ལས་སྒྱུར་པ་པོ་མང་། ཕལ་ཆེར་ལག་ཡོད་ཚད་རྩོམ་པ་པོ་དང་། ཁ་ཡོད་ཚད་སྒྱུར་པ་པོའི་ཚོད་དུ་བསླེབས་སོང་། དེ་ལ་བསམས་ན་བོད་ཡིག་བཀོལ་པོ་མང་བས་བོད་སྐད་བོད་ཡིག་འདི་འཇིག་རྟེན་འདི་བཞག་ནས་ད་ལྟ་རང་འགྲོ་དགོས་རྒྱུ་མ་རེད་ཨང་སྙམ་ནས་དགའ་འོས་པ་ཞིག་ཏུ་གྱུར་སོང་ཡང་།

དུས་རྒྱུན་དུ་དངངས་སྐྲག་དང་བཀའ་མོལ་མང་ཤོས་ཡོང་ས་དེ་ཡང་བོད་ཡིག་བོད་སྐད་རང་སྲུང་དགོས་པ་དེ་རེད་སོང་།

དེ་ལས་མང་བ་། “ང་ཚོས་རང་གི་སྐད་ཡིག་སྲུང་དགོས་ན་སྒྲ་སྦྱོར་བམ་གཉིས་ལ་སྲོག་གསར་པ་འཇུག་དགོས།” »

སྤྲོ་ཚིགས་ཆོས་གྲགས།

ཉེ་བའི་དུས་རབས་ཕྱེད་ལྷག་རིང་བོད་ཕྱི་ནང་གི་ཤེས་ལྡན་མི་སྣ་ཚོས་རང་མི་རིགས་ཀྱི་སྐད་ཡིག་སྲུང་སྐྱོབ་དང་དར་སྤེལ་ཐད་ཕྱག་ལས་གནང་བའི་ཁྲོད། ཆེས་རྨང་གཞིར་གྱུར་པའི་ལས་དོན་གལ་ཆེན་ཞིག་ནི་ཚིག་མཛོད་རྩོམ་སྒྲིག་དང་དཔར་སྐྲུན་གྱི་བྱ་བ་དེ་རེད། བོད་ལ་ཚིག་མཛོད་རིག་པའི་ཁྱད་ཆོས་འཛོམས་པའི་དེང་རབས་ཀྱི་ཚིག་མཛོད་ཚད་ལྡན་ཞིག་ད་དུང་དཀོན་མོད། བཙན་པོའི་རྒྱལ་རབས་སྐབས་རྩོམ་སྒྲིག་གནང་བའི་བྱེ་བྲག་རྟོགས་བྱེད་ཆེ་འབྲིང་བོད་ཀྱི་ཚིག་མཛོད་ཐོག་མར་བརྩིས་ནའང་། བོད་ལ་ཚིག་མཛོད་བྱུང་ནས་མི་ལོ་ཆིག་སྟོང་ལྷག་ཕྱིན་ཡོད།

དེ་ལས་མང་བ་། “དག་ཡིག་གསར་བསྒྲིགས་བེད་སྤྱོད་གཏོང་སྐབས་གཟབ་དགོས་སའི་གནད་དོན་འགའ།” »

ཨོ་རྒྱན་ཉི་མ།

དེ་ཡང་ས་གསུམ་ན་འགྲན་ཟླ་དང་བྲལ་བའི་མ་ཧཱ་པཎྡི་ཏ་ཆེན་པོ། ཉེས་ཚོགས་སྤུ་རྩེ་ཙམ་ཡང་སྐུ་ཚེ་ལ་མེད་པའི་ཨོ་རྒྱན་ཆེན་པོ་དང་དབྱེར་མ་མཆིས་ཤིང་། བཀའ་དྲིན་གསུམ་ལྡན་གྱི་འདྲེན་མཆོག་མཚུངས་མེད། མཁན་ཆེན་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་གང་ཉིད་བཀའ་བསྟན་དུ་མ་ནས་ལུང་གིས་ཟིན་ཚུལ་མང་དུ་མཆིས་ཀྱང་། ཁ་གསལ་ཤོས་དེ་རྡོ་གྲུབ་སྐུ་འཕྲེང་དང་པོའི་ལུང་བྱང་ལས། <<གསེར་རྔ་དམ་ལྷ་ཡི་བླ་ལུང་དུ། །དཔལ་ཨོ་རྒྱན་གྱི་སྤྲུལ་པ་འཇིགས་མེད་མཚན། །འཁོར་རྣམ་བཞིའི་བྱང་སེམས་སྡེ་ཚོགས་ལ། །ཆོས་མདོ་སྔགས་ཀྱི་བསྟན་པ་ཉི་བཞིན་གསལ། །ཁོའི་འགྲོ་དོན་ས་བརྟན་སྤོ་ལ་རེག །དེས་འབྲེལ་ཀུན་བདེ་ཆེན་ས་ལ་འགོད། །>>

དེ་ལས་མང་བ་། “༧མ་ཧཱ་པཎྡི་ཏ་མཁན་ཆེན་འཇིགས་མེད་ཕུན་ཚོགས་ཀྱི་ཡང་སྤྲུལ་ཡོད་མེད་སྐོར་ལ་དཔྱད་པ།” »

དགེ་འདུན་རབ་གསལ།

———————

(གསལ་བཤད། རྩོམ་ཡིག་འདི་ནི་ ༢༠༡༢ ལོར་བྲིས་ཤིང་། ༢༠༡༣ ལོར་དབྱངས་སྒྲོན་དོན་འགྲུབ་ལགས་(Yangdon Dhondup)དང་ཨུ་རི་ཆི་ པེ་གེལ།(Ulrich Pagel) ཇེཧྥ་རི་ སེམུལ་(Geoffrey Samuels)བཅས་ཀྱིས་རྩོམ་སྒྲིག་གནང་བའི་དེབ་ “བོད་བྱང་ཤར་ཁུལ་གྱི་སྐྱ་སེར་གྱི་སྲོལ་རྒྱུན་(Monastic and Lay Traditions in North-Eastern Tibet)” ཞེས་པ་ བྷི་རིལ་དཔར་ཁང་(Brill)གིས་ ༢༠༡༣ ལོར་ ལེ་དེན་ (Leiden) དུ་པར་སྐྲུན་བྱས་པའི་ཁོངས་ནས་སླར་ཡང་རྩོམ་སྒྲིག་པར་བཀའ་འཁྲོལ་ཞུས་ཏེ་ཁ་བརྡར་ཕུལ་བ་ཡིན། རྩོམ་ཡིག་འདི་ PDF ཐོག་གཟིགས་ན། འབྲེལ་ཐག་  7th skal ldan rgya mtsho-khabdha འདི་ན་ཡོད། )

དེ་ལས་མང་བ་། “རེབ་གོང་གི་ཉི་མ་ནུབ་པ།” »

འགར་ཚེ་རྒྱལ།

སྤྱིར་སྙན་ངག་ནི་མིའི་རིགས་ལ་བདོག་པའི་རིག་གནས་ཀྱི་སྣང་ཚུལ་བྱེ་བྲག་པ་ཞིག་ཡིན་ལ། མི་རིགས་སོ་སོའི་སྐད་བརྡ་ལ་བརྟེན་ནས་ཐ་སྙད་བཙོ་སྦྱངས་བྱས་པའི་བརྒྱུད་རིམ་ཁྲོད། སྙན་ངག་ནི་ཕྱི་ཚུལ་གྱིས་མི་རིགས་གང་དེའི་སྐད་ཆའི་སྒྱུ་རྩལ་ལམ་མཛེས་རྟོག་གིས་བཞེངས་པའི་ངག་གི་རོལ་དབྱངས་ཤིག་ཡིན་ཟེར་ན་མི་ཆོག་པ་མེད། དོན་དངོས་སུ་སྙན་ངག་ནི་གང་འདྲ་ཞིག་ལ་ངོས་འཛིན་དགོས་ཟེར་ན། དེ་ལ་སྙན་ངག་གི་གོ་རྟོགས་ཚད་ངེས་ཅན་ཞིག་ལ་སླེབས་ཤིང༌། སྙན་ངག་ལ་དགའ་མཁན་དང་སྙན་ངག་འབྲི་མཁན་གྱི་མི་དག་གིས་སྙན་ངག་ནི་རོལ་རྩེད་ཅིག་གི་ཚུལ་དུ་རང་ཉིད་ཀྱི་ཚོར་ཤེས་ཀྱིས་བཏེགས་ཏེ་བློས་བསླངས་བྱས་ཤིང༌།

དེ་ལས་མང་བ་། “སྙན་ངག་ལ་རོལ་མྱོང་བྱེད་པའི་བསམ་བློའི་བར་གསེང་གི་ལྟ་བ།” »

གངས་སེང་།
 

བླ་མུ་ཐུར་དགོངས་པ་རབ་གསལ་གྱི་ལོ་རྒྱུས་ལས་འཕྲོས་པའི་དཔྱད་གཏམ།

ཕུགས་ཐག་རིང་པོའི་ལོ་རྒྱུས་ལ་དཔྱད་པ་བཏང་ན་ཡིག་རྙིང་རྣམས་ལ་གཞི་བཅོལ་དགོས། ལོ་རྒྱུས་རྙིང་པ་དག་ལ་གཞི་བཅོལ་ས་མེད་ན་རང་ཁར་བཤད་ཚད་དོན་སྙིང་ལྡན་པ་ཞིག་ཡོང་ཐབས་རྩ་བ་ནས་མེད། སྔར་བྱུང་ང་ཚོའི་བོད་ཀྱི་ལོ་རྒྱུས་ཕལ་ཆེར་དཔྱད་གཞིའི་ཡིག་ཆ་གལ་ཆེན་ཞིག་ངོས་འཛིན་བྱས་ན་འགྲིག་པ་ལས། དེ་དག་གི་ནང་བཤད་ཚད་ཐམས་ཅད་དོན་དངོས་དང་མཐུན་པའི་ལོ་རྒྱུས་སྤུས་དག་ཅིག་ཡིན་པའི་ངེས་པ་རྩ་བ་ནས་མེད།

དེ་ལས་མང་བ་། “བླ་ཆེན་དགོངས་པ་རབ་གསལ་གྱི་ལོ་རྒྱུས་སྐོར་ལ་རོབ་ཙམ་དཔྱད་པ།” »

སྤྲོ་ཚིགས་ཆོས་གྲགས།

སི་ཏུ་བསྟན་པའི་ཉིན་བྱེད་གཙུག་ལག་ཆོས་ཀྱི་འབྱུང་གནས་ཀྱིས་བརྩམས་པའི་སུམ་རྟགས་འགྲེལ་ཆེན་མཁས་པའི་མགུལ་རྒྱན་མུ་ཏིག་ཕྲེང་མཛེས་སམ། ཡོངས་གྲགས་སི་ཏུའི་འགྲེལ་ཆེན་དུ་འབོད་པ་དེ་ནི། བོད་ཀྱི་བརྡ་སྤྲོད་རིག་པའི་ཕྱི་མོའི་གཞུང་སུམ་རྟགས་རྩ་གཞུང་ལ་དུས་རབས་རིམ་བྱུང་གི་རིས་མེད་མཁས་པའི་མཛད་པའི་འགྲེལ་པའི་ཁྲོད། རྩ་ཚིག་གི་འབྲུ་གནོན་བྱེད་སྟངས་དང། དཀའ་གནད་ལ་མཐའ་དཔྱོད་སྟངས། གཞུང་དོན་མང་པོའི་ཐད་དཔྱད་གསུམ་དག་པའི་རང་ལུགས་བཞག་སྟེ་སློབ་དཔོན་ཐུ་མིའི་དགོངས་པ་རབ་ཏུ་གསལ་བར་མཛད་པ་སོགས་ཁྱད་ཆོས་ཐུན་མོང་མ་ཡིན་པ་དུ་མས་ཕྱུག་པས།

དེ་ལས་མང་བ་། “སི་ཏུའི་སུམ་རྟགས་འགྲེལ་ཆེན་གྱི་བདག་སྒྲའི་སྐབས་སུ་བྱུང་བའི་ནང་འགལ་ཁག་གསུམ་གླེང་བ།” »

ནམ་མཁའ།

ལུས་རྟེན་གཅིག་ལ་སྒྲིབ་གཉིས་སྤངས་བའི་ཐབས།།
ཐབས་ཤེས་ཟུང་གིས་འཐབ་མོ་བྱས་བའི་འབྲས།།
འབྲས་བུ་མངོན་གྱུར་སྐུ་བཞི་ཐོབ་པའི་རྟགས།།
ཕྱག་ཞབས་འཁོར་ལོའི་རི་མོ་ཅན་དེར་འདུད།།

བདག་ཅག་གི་སྟོན་པ་ཤཱཀྱ་ཐུབ་པ་འཇིག་རྟེན་འདིར་འགྲོ་བའི་དོན་དུ་བྱོན་ཚུལ་ལ། ཐུན་མོང་བའི་སྣང་ངོར་བཤད་ཚུལ་ཞིག་དང་། ཐུན་མོང་མ་ཡིན་སྣང་ངོར་བཤད་ཚུལ་གཉིས་ཡོད་པ་བཞིན།

དེ་ལས་མང་བ་། “བདག་ཅག་གི་སྟོན་པ་འཁྲུངས་སྟངས་ལ་ཅུང་ཟད་དཔྱད་པ།” »

ཁྲི་རལ་པ་ཅན།

བར་ལམ་ནས་སྐད་འཕྲིན་གྱི་ཚོགས་པ་ཁག་མང་པོའི་ནང་བསྡད་དེ་བོད་ནང་གི་བླ་མ་དགེ་བཤེས་དང་དགེ་རྒན། སློབ་ཕྲུག་དང་གྲ་བཙུན། ཞིང་འབྲོག་དཀྱུས་མ་ཚུན་མི་མང་པོ་ཅིག་ལ་ཁ་བརྡ་དང་བསམ་ཚུལ་བརྗེ་རེས་ཕན་ཚུན་སྦ་གསང་མེད་པར་བྱེད་རྒྱུའི་གོ་སྐབས་བྱུང་ལ། ང་རང་བསམ་ཚུལ་མཐུན་ས་དང་མི་མཐུན་པའང་མང་པོ་འདུག
འོན་ཀྱང་། ང་རང་ཡ་མཚར་ཆེན་པོ་སྐྱེས་དགོས་ཀྱི་གནད་དོན་ཅིག་ནི། བོད་ནང་གི་མི་བརྒྱ་ཆ་དགུ་བཅུ་ཙམ་ཡིག་གེ་ཤེས་མཁན་ཡིན་མིན་ལ་མ་ལྟོས་པར། མིའི་བསམ་བློ་གཏོང་སྟངས་སྣ་ཚོགས་དང་རྒྱལ་སྤྱིའི་ཁྲིམས།

དེ་ལས་མང་བ་། “བོད་གཞུང་གིས་ངེས་པར་སྒྲུབ་དགོས་པ་ཅིག་སྣང་མེད་བཞག་པ།” »

རྨེ་རུ།

སྐད་ཡིག་ནི་མི་རིགས་ཀྱི་སྲོག་རྩ་ཡིན་ཞེས་པའི་སྐད་ཆ་འདི་སྤྱི་ལོ་ང་དགུ་ལོ་ནས་བཟུང་སྐྱབས་བཅོལ་བོད་པའི་སྤྱི་ཚོགས་གང་སར་མ་ཐོས་མཁན་བོད་མི་གཅིག་ཀྱང་ཡོད་མི་སྲིད། སྐད་ཆ་འདིའི་ནང་དོན་དངོས་ལ་བསམ་གཞིག་ལེགས་པར་བྱེད་མཁན་བོད་མི་ག་ཚོད་ཙམ་ཞིག་དང་། ཉིན་རེའི་རང་གི་འཚོ་བ་དངོས་ཀྱི་ནང་ལག་ལེན་བསྟར་མཁན་ག་ཚོད་ཙམ་ཞིག་ཡོད་པ་ནི་ཟུར་བལྟས་ལེབ་མཐོང་གི་དཔེ་ལྟར་ང་ཚོས་མཐོང་ཐུབ། ལོ་མང་རིང་ང་ཚོས་རྒྱ་བལ་འབྲུག་གསུམ་ནང་གི་བོད་ཕྲུག་ཚོའི་བོད་ཡིག་གནས་ཚད་སྐོར་ལ་བསམ་ཚུལ་སྣ་ཚོགས་ཤིག་བྱུང་ཡོད།

དེ་ལས་མང་བ་། “ཕྱི་རྒྱལ་ཡུལ་ཁག་གི་བོད་ཕྲུག་དང་བོད་ཀྱི་སྐད་ཡིག” »

ལྗང་གཞོན།

“མཚམས་རེར་དམངས་གཙོ་ནི་རང་ཉིད་ཀྱི་མགོ་བོ་གནོན་མཁན་གྱི་སྲིད་དབང་སྒེར་སྤྱོད་པ་འདེམས་འཇུག་པའི་ལམ་ལུགས་ཤིག་ཡིན། ཁྱེད་ཀྱིས་འོས་འདེམས་བྱས་ཟིན་རྗེས་ཁོ་ཚོས་མང་ཚོགས་ཁ་ལ་ཁྱེར་ནས་རང་ཉིད་སྟོབས་དང་ལྡན་པར་བྱེད། ” -ཨ་ལན་ཀཱོ་རེན།

ང་ཚོ་བོད་མི་རིགས་འདི་ཉིད་མཐོ་སྒང་དུ་དུས་ནམ་ཞིག་དང་ཚུལ་ཇི་ལྟར་འཚོ་གནས་བྱས་པའི་ཐོག་མའི་བྱུང་བ་ནི་ལོ་རྒྱུས་སྨྲ་བ་དང་གནའ་རིག་བརྟག་དཔྱད་པ་སོགས་སོ་སོར་རིག་པས་འདེད་ཚུལ་མ་འདྲ་བ་དང་དཔྱད་སྟངས་སྣ་ཚོགས་པ། སྡོམ་ཚིག་མི་འདྲ་བ་གྲངས་ལས་འདས་པ་ཞིག་མཆིས་ཀྱང་།

དེ་ལས་མང་བ་། “དབང་འཛིན་པའི་ཞབས་འོག་གི་བཙན་བྱོལ་བོད་མིའི་དམངས་གཙོ།” »

ཤར་ཕྱོགས་ཁུག་རྟ།
 

༼ལེགས་ཉེས་བདེན་རྫུན་འབྱེད་པའི་ལུང་རིགས་གསེར་གྱི་ལྡེ་མིག་༽བཀླགས་པའི་སེམས་ཚོར་ཕྲན་བུ།

དོལ་རྒྱལ་སྐོར་གྱི་དངོས་དོན་གསལ་པའི་གླེགས་བམ་འདི་ཟླ་འདིའི་ཚེས་༡༦ ཉིན་དངོས་སུ་ལག་སོན་བྱུང། ལོ་ངོ་མང་པོར་ཞིབ་འཇུག་མཐིལ་ཕྱིན་བགྱིས་པའི་གྲུབ་དོན་གླེགས་བམ་འདི་ལ་ལྟ་འདོད་ཀྱིས་ལག་སོན་བྱུང་མ་ཐག རང་ངོས་ནས་ཀྱང་ཐེངས་གཅིག་བམ་ཀློག་བྱེད་རྒྱུ་དང་། ཐེངས་གཉིས་པར་ཟིན་བྲིས་དང་དབྱེ་ཞིབ་མཉམ་འགྲོ་བྱེད་རྒྱུའི་འཆར་གཞི་བཀོད། ཡིན་ནའང་། ཀློག་ཐེངས་དང་པོའི་རྗེས་སྔ་མོ་ནས་ཡིད་དུ་སྦས་པའི་དོགས་པ་ཁག་ཀྱང་མེ་ལ་སྣུམ་གྱི་ངང་ཚུལ་དུ་གྱུར་པས། ཀློག་ཚོར་ཕྲན་བུ་ཞིག་མ་བྲིས་ཐབས་མེད་བྱུང་།

དེ་ལས་མང་བ་། “སྐྱབས་རྗེ་ཕ་བོང་ཁ་དང་ཁྲི་བྱང་རིན་པོ་ཆེ།” »

སྐར་རྩིས་པ། ལ་སྟོད་ཤེལ་དཀར་ལྷ་དབང་ཚེ་རིང་།

ཨོཾསྭསྟི། རྗེ་བཙུན་འཇམ་དཔལ་དབྱངས་ལ་ཕྱག་འཚལ་ལོ། །ཞེས་མཆོད་པར་བརྗོད་ནས་འདིར་བཤད་གཞི་གཙོ་བོ་ནི། ངན་པ་དགུ་འཛོམས་ཀྱི་སྐོར་ཏེ། དེ་ཡང་དང་པོ་ཡོངས་གྲགས་བོད་ཟླ་༡༡ ཚེས་༦ ཉིན་ནི་བོད་མིའི་སྤྱི་ཚོགས་ནང་དུས་ཚོད་ངན་པ་དགུ་འཛོམས་ཞེས་ཡོངས་སུ་གྲགས་ཤིང་། རང་རེ་བོད་མི་རྣམས་ཀྱིས་དེ་ཉིན་གལ་ཆེའི་ལས་མ་བྱེད་པར་དུས་ཚོད་ངན་པ་ཞིག་ཏུ་ངོས་འཛིན་གྱིས། དེ་ལ་ཁྱད་གསོད་ཆེད་དུ་ནང་དུ་དགའ་ཉེ་ངོ་འཛོམས་ཐོག་སྤྲོ་སྐྱིད་གཏོང་བ་དང་།

དེ་ལས་མང་བ་། “ངན་པ་དགུ་འཛོམས་ཀྱི་ངོ་སྤྲོད་དོགས་གཅོད་རལ་གྲི།” »