དབྱངས་ཅན་འབངས།
མཁྱེན་ལྡན་ངག་དབང་བརྩོན་འགྲུས་ལགས་ཀྱི་མི་ཚེ་དང་སྙན་ངག་ལ་ལྟ་ཚུལ་བཀླགས་རྗེས་འདི་འདྲ་ཞིག་བྲིས་ཤོར། དེ་ལ་ཐོག་མར་འདི་ལྟར་བརྗོད་པར་འདོད་དེ། སྤྱིར་ན་སྔོན་གྱི་སྙན་རྩོམ་ཐམས་ཅད་བསྟོད་ཚིག་མིན་པ་ནི་མཐོང་ཐོས་ཀྱི་རྒྱ་ཁྱོན་འབྲིང་ཡན་ཆད་མཆིས་པ་རྣམས་ལ་གྲགས་ཤིང་གྲུབ་པའི་ཕྱིར་ན་འདིར་ལོག་རྟོག་དེ་དག་སེལ་བའི་ངལ་བ་བསྟེན་རྒྱུ་མིན། དེས་ན་འདིར་དང་པོར་རྗེ་བླ་མ་ཙོང་ཁ་པ་ཆེན་པོའི་གསུང་རྩོམ་སྤྱིའི་སྐོར་རགས་ཙམ་གླེང་ན། རྗེ་བླ་མའི་གསུང་རྩོམ་རྣམས་རིགས་བསྡུ་ན། གཞུང་འགྲེལ། དཔྱད་རྩོམ། སྙན་རྩོམ་བཅས་སུ་བསྡུས་པར་སེམས།
ཤིས་ཚང་ལྗང་མྱུག
(ཉེ་ལམ་བརྡ་སྤྲོད་སྐོར་གྱི་བགྲོ་གླེང་ཞིག་གི་སྐབས་གྲོགས་པོ་རྡོ་རྗེས་དྲིས་ཞེས་པའི་བྱ་ཚིག་གི་སྐུལ་ཚིག་ལ་ཐྲིས་ཞེས་བྲིས་ན་འགྲིག་མིན་གྱི་དོགས་འདྲི་ཞིག་བྱས་སོང་ལ། དེ་དང་འབྲེལ་ཏེ་དགག་སྒྲུབ་གཉིས་ཕྱོགས་ནས་དེར་བསམ་ཚུལ་འདོན་པའི་དྲ་གྲོགས་མང་དག་ཅིག་འུར་ཆེམ་མེར་སོང་ཡོད། ཁོ་བོར་མཚོན་ན་གྲོགས་པོའི་དོགས་འདྲི་དེ་ནི་སྔ་ས་ནས་སེམས་ངོར་ལྷུང་ཞིང་ཁ་སྒོར་འབུད་མ་ཐུབ་པའི་རྨོངས་འཆར་རིགས་ཤིག་ཡིན་ལ། དེ་རིང་གྲོགས་པོས་དྲ་གྲོགས་ཐུན་མོང་ལ་དོགས་འདྲི་གནང་བ་དེས་ང་ལ་ཆེད་དུ་བསམ་ཚུལ་འདི་འདི་ལྟར་འབྲི་བར་དྲན་སྐུལ་བྱས་པ་དང་འདྲ་སོང་།)
གསར་འགོད་པ་སྒྲོལ་དཀར་དང་ང་ཕོད་འཇིགས་མེད་ཀྱི་དཔྱད་གླེང། དུམ་བུ་དང་པོ།
སྒྲོལ་དཀར། རྒྱ་ནག་གི་དཔོན་རིགས་ཞིས་ཆིན་ཕིན་ལ་དབྱེ་ཞིབ་ཀྱི་རྩོམ་ཡིག་མང་པོ་ཐོན་ཡོང་གི་འདུག ཞིས་ཆིན་ཕིན་ལ་རྒྱ་ནག་གི་དམག་དཔུང་ནང་ནས་རྒྱབ་སྐྱོར་ཡོད་པ་ཞིག་ཆགས་འདུག དཔེར་ན། ནུབ་བྱང་གི་དཔུང་སྡེ་ཟེར་དུས་དམག་དཔུང་དང་ཐད་ཀར་འབྲེལ་བ་ཡོད་པ་ཞིག་ཆགས་ཀྱི་ཡོད་པ་རེད་ལ། ཉེ་འཆར་རང་འཐབ་ཕྱོགས་གཅིག་གྱུར་གྱི་དཔོན་རིགས་ལ་འཕོ་འགྱུར་ཆེན་པོ་ཞིག་བཏང་ཟིན་པ་རེད། དེ་ཡིན་དུས་གནས་སྟངས་དེ་རྣམས་ཞིས་ཆིན་ཕེན་དང་འབྲེལ་བ་ག་འདྲ་ཞིག་ཡོད་པ་དང། མ་འོངས་པར་ཞིས་ཆིན་ཕེན་ལ་ཁོང་གི་ཕ་ལགས་ཀྱི་ཤུགས་རྐྱེན་ག་འདྲ་ཞིག་ཡོང་གི་ཡོད་ན།
དེ་ལས་མང་བ་། “ཞིས་ཆིན་ཕེན་ལ་ཁོང་གི་ཨ་ཕའི་ཤུགས་རྐྱེན་ཐེབས་ཡོད་དམ།” »
རྒྱལ་མཚན་ཆོས་གྲགས། ༼ ནོར་ལྦེ་བོད་ཀྱི་རླུང་འཕྲིན་ཁང་གི་ལྷོ་ཕྱོགས་གསར་འགོད་པ། ༽
དུས་རབས་ཀྱི་འཕེལ་ཕྱོགས་དང་བསྟུན་ནས་བཙན་བྱོལ་ནང་གསར་འགྱུར་ལས་རིགས་དེ་ཡང་ཡར་ངོའི་ཟླ་ལྟར་གོང་འཕེལ་འགྲོ་བཞིན་པ་དང་། གསར་འགྱུར་བརྒྱུད་ལམ་དེ་དག་གིས་བོད་ཀྱི་གནས་འབབ་ལ་གཞིགས་པའི་ཞབས་འདེགས་མི་དམན་པ་བསྒྲུབས་དང་སྒྲུབ་བཞིན་པ་མ་ཟད། མི་རྣམས་ལ་སྣེ་མང་ཕུན་སུམ་ཚོགས་པའི་བསམ་པའི་ལོངས་སྤྱོད་སྦྱིན་བཞིན་ཡོད། ཆ་འཕྲིན་གྱི་ཞབས་འདེགས་ཡག་པོ་སྒྲུབ་ཐུབ་མིན་ནི་གསར་འགོད་པའི་བྱང་ཚད་དང་ཉམས་མྱོང་ལ་རགས་ལས་ཡོད་སྟབས། གཤམ་ལ་ཕྲན་རང་ཉིད་བོད་སྐད་རླུང་འཕྲིན་གྱི་ས་གནས་གསར་འགོད་པའི་བྱ་བར་ཞུགས་ཏེ་ལོ་ཤས་འགྲོ་བཞིན་པ་དེའི་རིང་གི་ལག་ལེན་དངོས་ནང་རང་གི་སྦྱོང་བརྡར་དང་། འཚོལ་ཞིབ། ཕྱོགས་བསྡོམས་བཅས་བྱས་པའི་མྱོང་ཚོར་ཕྲན་བུ་ཞིག་བསམ་ཚུལ་བརྗེ་རེས་ཀྱི་ཚུལ་དུ་གང་དྲན་གླེང་བར་བྱ་སྟེ།
དེ་ལས་མང་བ་། “བོད་སྐད་རླུང་འཕྲིན་གྱི་དགེ་མཚན་གོང་འཕེལ་སླད་གསར་འགོད་པ་ཞིག་གི་རྨོངས་འཆར་གླེང་བ།” »
ཨ་མཆོད་འཇམ་དཔལ་ཚུལ་ཁྲིམས།
ལྔ་ཚན་དང་པོ།
‘ད་ལྟའི་དུས་འདི་དབུ་མ་དང་རང་བཙན་གྱི་ལྟ་གྲུབ་རྩོད་པའི་དུས་མིན།’ ཞེས་སོགས་དགོངས་སྲིད་ཀྱང་། གནའ་མི་བོད་ཀྱི་ཁ་དཔེར་། ‘ཝ་མི་བརྒྱལ་ཀ་མེད་ལྷ་འདྲེས་མགྲམ་ལྕག ཁྱི་མི་ཟུག་ཀ་མེད་རྐུན་མས་ནག་འབུར།’ ཟེར་བ་བཞིན་ངས་རང་གི་ཁོག་ན་ཡོད་པའི་འཆར་སྒོ་འདི་ཕྱིར་མ་བཏོན་ན་ང་ཚོ་ལམ་ནོར་འདིའི་ནང་དུ་ཕྱིར་ལྡོག་གི་བསམ་ཞིབ་ཅིག་ཀྱང་མི་བྱེད་པར་ཤར་སྐྱོད་བྱེད་ཀྱིན་ཡོད་པས་ཡིན། ལར་ནས་དབུ་མ་དང་རང་བཙན་གྱི་བགྲོ་གླེང་འདི་ནི་ཆིག་སྒྲིལ་ལ་གནོད་པའི་ལས་དོན་ཞིག་ཏུ་བསམ་མི་འོས་པར་ལྟ་གྲུབ་བརྡར་ཤ་བཅད་ནས་འགྲོ་ལམ་ལ་ངེས་ཤེས་འདྲོངས་བའི་ཕན་གྲོགས་སུ་བསམ་དགོས།
དེ་ལས་མང་བ་། “ཅིའི་ཕྱིར་ངས་རང་བཙན་གྱི་རྒྱབ་མི་སྐྱོར་བའི་དཔྱད་གཞི་ལྔ་འགྱུར་མ།” »
བོན་རྒྱ་བསྟན་འཛིན་རབ་རྒྱས།
“ཟླ་བ་དཀར་པོ་ཨེ་རེད་” ཅེས་པའི་སྙན་ངག་གི་སྡེ་བར་དཔྱད་པ།
དཔྱད་གཞིའི་སྙན་ངག་དག་སྦྲེལ་ཐག་འདི་ན་ཡོད་པ་ནས་གཟིགས་་རོགས།
ད་སྔོན་བྲིས་ཚར་བའི་ཁ་བྱང་གཅིག་པའི་སྙན་ངག་བཞི་བཅུ་ཉེ་བར་ཕྱིར་མིག་ཅིག་བལྟས་ན། འུ་ཚང་གི་སྙན་ངག་ནི་ཚིག་གི་རོལ་རྩེད་ཙམ་ལས་འདའ་ཐུབ་ཀྱི་མེད་པ་དེ་གསལ་བོ་དག་པོ་བྱས་ནས་མཐོང་ཐུབ་ཀི་འདུག ཟབ་མོའི་རྣམ་དཔྱོད་ཀྱིས་སྙན་ངག་ལ་བལྟས་ན། སྙན་ངག་ཅེས་པ་ནི་ཚིག་གི་རོལ་རྩེད་ཙམ་མིན་པར། བསམ་བློའི་བསྡུས་གཟུགས་ཤིག་དང་གཉུག་མའི་གནས་ལུགས་ཤིག་ཡིན་དགོས་ལ། ཆེས་ཉམ་ཐག་ནའང་ཚོར་བ་དངོས་མ་ཞིག་ཡིན་དགོས་མོད།
གོང་དཀར་ངག་རྣམ།
དེ་ཡང་ཚན་རིག་གི་ལྟ་གྲུབ་ནང་དངོས་པོ་བྱེ་བྲག་པའི་གནས་ལུགས་ཀྱི་གྲུབ་དོན་གཏན་ལ་འབེབས་པའི་ཚེ་དཔྱོད་པ་པོ་རང་ཉིད་ལ་རང་བྱུང་ཆོས་ཉིད་ལ་གཞི་བྱས་པའི་ཡང་དག་པའི་རྒྱུ་མཚན་གྱི་ཁྱད་ཆོས་དང་། གསར་རྙེད་ཀྱི་དངོས་པོ་དག་ལའང་ཡང་དག་པའི་བརྟག་དཔྱད་ཞིབ་འཇུག་བཅས་དགོས་པར་འདོད་ཅིང་། དེ་འདྲའི་ལྟ་ཚུལ་ཞིག་ལ་དངོས་ཡོད་རིང་ལུགས་ཀྱི་བརྡ་ཆད་བྱེད་ཀྱི་ཡོད། བརྟག་དཔྱད་མཁན་གཞན་དུ་མས་བདེན་དོན་གང་ཞིག་ལ་ཡང་དག་པའི་ལམ་ནས་ཁས་ལེན་མེད་པར་གང་ཟག་བྱེ་བྲག་པ་ལ་བདེན་དོན་དུ་གྱུར་པ་འདོད་པ་ནི་རིང་ལུགས་དེའི་དགག་བྱ་དངོས་དེ་ཡིན་པར་འདོད།
དེ་ལས་མང་བ་། “ནང་པའི་ཚན་རིག་དང་དེང་རབས་ཚན་རིག་གིས་ཡུལ་དངོས་པོར་དཔྱོད་སྟངས།” »
བྱམས་པ་ལྷུན་གྲུབ།
བོད་ཀྱི་ཡུལ་དུ་བོད་མིའི་རིགས་སུ་ལུས་བླངས་པའི།།
བོད་རྩམ་ཟ་མཁན་བོད་ཕྲུག་བཀྲུས་ན་མ་དག་ངས།།
བོད་འབྲེལ་སྔ་ཕྱི་ལོ་རྒྱུས་རྣམས་ལ་ཁུངས་གཏུཊ་ཀྱིས།།
བོད་ཅེས་བྱ་བའི་མིང་གི་བྱུང་བར་དཔྱད་པར་བྱ།།
དེ་ཡང་བོད་ཅེས་བྱ་བའི་ཐ་སྙད་དེ་ཆེས་སྔ་མོའི་དུས་ནས་ཡོངས་གྲཊ་སུ་རང་རེའི་རྒྱལ་ཁབ་འདིའི་མིང་དུ་འབོད་ཀྱི་ཡོད་མོད། འོན་ཀྱང་གནའ་ནས་ད་ལྟ་ལ་ཐུག་གི་བར་དུ་མིང་དེ་བོད་མི་ཀུན་གྱིས་རྒྱུན་དུ་བཀོལ་སྤྱོད་བྱེད་ཀྱི་ཡོད་ཀྱང་། མིང་དེ་ཐོག་མར་དུས་གང་འདྲ་གཅིག་ལ་བྱུང་མིན་དང་དེ་ལ་བཤད་པ་ཡོད་མེད་སོགས་ཀྱི་སྐོར་ལ་དཔྱད་ཞིབ་བྱེད་མཁན་ཆེས་ཉུང་ངུ་ལས་བྱུང་མེད་ལ། དེ་དག་གིས་ཀྱང་དཔྱད་གཞི་དང་དོགས་སློང་བྱེད་པའི་བྱས་རྗེས་ཆེན་པོ་གཅིག་བཞག་ཡོད་པ་ལས། འཁྲུལ་བ་མེད་པའི་ཁུངས་ལུང་རྒྱུ་མཚན་དཔྱིས་ཕྱིན་པ་བགྲང་ནས། བོད་ཅེས་པའི་མིང་དེའི་གོ་དོན་དང་བྱུང་རིམ་གྱི་རྣམ་གཞག་ཐག་ཆོད་པ་ཞིག་ནི་སུས་ཀྱང་གཏན་ལ་འབེབ་ཐུབ་མེད།
དེ་ལས་མང་བ་། “བོད་ཅེས་པའི་མིང་དེ་བྱུང་ཚུལ་དང་གོ་དོན་ལ་དཔྱད་པ།” »
ནམ་མཁའ།
འཕྲུལ་ཆས་རིག་པས་མཁའ་ལ་མ་བསྐྱོད་ཀྱང་།།
རྟེན་འབྱུང་རིག་པས་འཇིག་རྟེན་སྐྲུན་མཐོང་སྟེ།།
བདེ་སྡུག་ཅི་བྱུང་སེམས་ཀྱི་མཁའ་དབྱིངས་སུ།།
ཐབས་ཤེས་ཟུང་གི་གཤོག་པས་འཕུར་དེར་འདུད།།
ན་གཞོན་བསྟན་འཛིན་རིག་བཟང་ལགས་ཀྱིས་བོད་བསྒྱུར་གནང་བའི་༼རྡུལ་ཕྲན་གཅིག་ཁོ་ནའི་སྟེང་གི་འཇིག་རྟེན་དང་སེམས་དང་ཚེ་སྲོག༽ཞེས་བའི་དེབ་གཉིས་ཀ་ཚར་གྲངས་ཁ་ཤས་རེ་བཀླགས་མོད། འོན་ཀྱང་ཕྲན་ལྟ་བུ་ཚན་རིག་ལ་འབྲེལ་འདྲིས་སྤུ་ཙམ་ཡང་མེད་པས་ཐ་སྙད་མང་པོ་ཞིག་ལ་གོ་བརྡ་འཕྲོད་པར་དཀའ་བས་གོ་བ་ད་རུང་ཡང་ཇི་བཞིན་བྱུང་མ་སོང་།
ཤར་ཕྱོགས་ཁུག་རྟ།
དམིགས་བསལ་ཚོགས་ཆེན་ཐེངས་གཉིས་པ་ཐོན་ལ་ཉེ་བ་རེད། དམིགས་བསལ་ཚོགས་ཆེན་ཐེངས་གཉིས་པ་འདི་སྟོང་ལོ་གསར་པའི་ནང་ནས་བརྩིས་ན་ཚོགས་ཆེན་རིམ་པ་བཞི་པ་དེ་ཆགས་ཀྱི་ཡོད། ཚོགས་ཆེན་རེ་རེར་བཅར་ཏེ་བློ་གྲོས་ཀྱི་རྩལ་འདོན་བཞིན་པའི་གནས་སྟངས་ཀྱང་མཐོང་མྱོང། མཐོང་མྱོང་བ་དེས་སྐད་ཆ་མང་པོ་ཞིག་བཤད་དགོས་ཀྱི་མི་འདུག་ལ། བཤད་ཀྱང་ཡིག་ཐོག་གི་རི་མོར་འགྱུར་འགྲོ་བས། ད་ནི་ལག་པ་བྲང་ཁར་བཞག་ནས་ཞིབ་འདང་ལྷོད་ལྷོད་ཅིག་རྒྱབ་ན། ང་ཚོ་གངས་ཅན་ལྗོངས་ཀྱི་བདེ་སྡུག་གི་མདུན་ལམ་དང་དམིགས་བསལ་འགན་འཁྲི་ཡོད་པའི་དབུས་བོད་མིའི་སྒྲིག་འཛུགས་དང་མི་མང་གཉིས་ནས་བོད་ནང་གི་ཛ་དྲག་གནས་སྟངས་ལ་གདོང་ལེན་བྱེད་ཕྱོགས་ཀྱི་ཐབས་ལམ་གཅིག་ཡོད་པ་འདི་དཔལ་ལྡན་བཀའ་ཤག་ལ་མཚོན་ན་ལག་བསྟར་ཀྱང་མི་ཐུབ་པ་མེད་པས་མི་ཞུ་ཐབས་མེད་ཆགས་སོང།
༄༅། །ཁ་བརྡ་རྩོམ་སྒྲིག་པ་ལྷན་རྒྱས་ལ།
ཆེད་ཞུ། བདག་ནས་ད་ལན་བོད་ཀྱི་གནས་བབ་སྐོར་དཔྱད་རྩོམ་ཞིག་བྲིས་པ་མིང་དུ་༼ལོ་རྒྱུས་ཀྱིས་ད་ལྟའི་ཚབ་བྱེད་མི་ཐུབ་༽ཅེས་པ་འདི་ཁྱེད་རྣམ་པའི་དྲྭ་རྒྱར་འགོད་ཐུབ་པའི་རེ་བ་ཞུ་བཞིན་ཡོད། བདག་གི་དཔྱད་རྩོམ་འོག་ཏུ་དངོས་མིང་མི་གསལ་བ་ཁག་ལ་འཆན་འགོད་ཀྱི་གོ་སྐབས་མ་སྤྲད་རོགས། འགན་འཁུར་མེད་པའི་གཏམ་སྣ་ཚོགས་བཤད་ན་ཕན་ཐོགས་མཐོང་གི་མི་འདུག དངོས་མིང་དང་འབྱུང་ཁུངས་གསལ་པོ་ཡོད་ཚེ་ངེས་པར་དུ་དང་ལེན་ཞུ་རྒྱུ་བཅས།
སེར་སྨད་དགེ་བཤས་ལྷ་རམས་པ་ཡང་སྟེང་སྤྲུལ་སྐུ་ནས།
ཨོ་རྒྱན་ཉི་མ།
བོད་ཆེན་པོའི་མཚན་གྱི་རྣམ་གྲངས་ལ། བྷོ་ཊ། བོད། ཐུ་བཱོད། ཤི་ཙང་སོགས་འགའ་ཞིག་ཡོད་ཀྱང་། དང་པོ་དང་གཉིས་པ་གཉིས་ལེགས་སྦྱར་དང་། བོད་རང་གི་བཏགས་པ་ཞིག་རེད། གཉིས་པ་དང་། གསུམ་པ་གཉིས་རྒྱ་ནག་པ་དག་གིས་བཏགས་པ་ཞིག་ཡིན་པས། བོད་རང་གི་མིང་ངོ་མ་དེ་སེང་འབྲུག་དང་། འབྲས་ལྗོངས་སུ་འགའ་ཞིག་གིས་བེད་ཆོད་བཏང་བ་ལས།
དེ་ལས་མང་བ་། “༄༅།།བྷོ་ཊའི་ལྗོངས་ཀྱི་མཚན་བྱང་ལ་དཔྱད་པ་ཉུང་ངུ་།” »
མང་དང་དམངས་ཀྱི་ཁྱད་པར་མ་རྟོགས་པར།།
མང་གཙོ་འབྲི་བ་རང་སྣང་འཁྲུལ་བ་ཡིན།།
དམངས་གཙོའི་ཁུངས་ལུང་རྒྱུ་མཚན་འདི་ན་འཚེར།།
རང་དབང་ལྷ་མོ་སྤྱན་རས་འཁྱུག་ཙམ་གཡོས།།
མགོན་པོ་ཕྱག་གཉིས་བྱ་རྒྱལ་རྒོད་པོ་ཡིན།།
རྣམ་དཔྱོད་གཤོག་ཟུང་བརྐྱང་ནས་འཕུར་རྒྱུ་ཡིན།།
རི་བོ་མཐོ་མཐོ་ཡོད་ན་དམའ་བོ་བྱོས།།
བན་རྒན་མགོ་མཁྲེགས་ཡོད་ན་དམའ་བོ་བྱོས།།
དེ་ལས་མང་བ་། “མང་གཙོ་དང་དམངས་གཙོའི་ཁྱད་པར་བཤད་པ་ཟམ་གདོང་རིན་པོ་ཆེ་ཨ་ཚ་ཚ་ཞེས་བྱ་བ་བཞུགས་སོ།” »
ཆབ་སྲིད་དཔྱད་གླེང་འདོན་ཐེངས ༣ པ་ལས་དྲངས།
ད་བལྟས་དུས་དབུ་མའི་ལམ་གྱི་ནང་དོན་རྒྱ་ནག་གཞུང་ལ་དངོས་ར་གསལ་འཕྲོད་བྱུང་ཡོད་ཅེས་པའི་སྡོམ་ཚིག་དེ་ནི་ཞེ་དྲག་དོན་དངོས་ཡིན་པ་རྟོགས་ཤིང། ཀྲུང་གོའི་བོད་ལྗོངས་དྲ་བའི་རྩོམ་སྒྲིག་པ་ཉིང་ཀྲེང་གིས་ཁ་སང་ཕྱི་ཚེས ༢༡ ཉིན་བསམ་ཚུལ་སྤེལ་བའི་ནང་”ཏཱ་ལའི་ཡིས་བརྗོད་བཞིན་པའི་དབུ་མའི་ལམ་ཞེས་པ་གང་ལ་གོ་དགོས་ཞེ་ན། བོད་རང་སྐྱོང་ལྗོངས་དང་བོད་ཁུལ་གཞན་པ་བཞིའི་བོད་མི་ཡོངས་གཅིག་གྱུར་གྱི་སྲིད་འཛིན་མངའ་ཁོངས་ནང་དོན་དངོས་དང་མཐུན་པའི་རང་སྐྱོང་བྱས་པ་བརྒྱུད། རང་ཁྱིམ་རང་བདག་བྱེད་པ་མངོན་འགྱུར་ཡོང་རྒྱུ་དང།
དེ་ལས་མང་བ་། “རང་སྐྱོང་གི་བསམ་འཆར་རྣམ་པ་འགྱུར་བའི་རང་བཙན་གཏན་ནས་མ་རེད།” »
གཤམ་དུ་སྣུན་ཏེ་ཀློགས། Sungrab1
ཕུན་དབང།
དེང་སྐབས་བོད་ནང་ཛ་དྲག་གི་གནས་ཚུལ་འདིའི་འོག་མཚམས་སྦྱོར་ལས་རིགས་ཀྱི་ཆ་འཕྲིན་ཁྱབ་སྤེལ་བྱེད་ཐབས་གཙོ་བོ་གསུམ་ཡིན་པའི་ཆ་ནས་ཚགས་པར་དང་། བརྙན་འཕྲིན། རླུང་འཕྲིན་བཅས་གསུམ་པོས་དེང་རབས་མི་རྣམས་ཀྱི་འཚོ་བའི་ནང་གནས་བབ་གལ་ཆེན་བཟུང་ཡོད་པ་དང་། ཡང་སྒོས་རླུང་འཕྲིན་དང་བརྙན་འཕྲིན་གྱིས་ཆ་འཕྲིན་ཁྱབ་སྤེལ་བྱེད་པའི་ནང་གཞན་གྱིས་ཚབ་བྱེད་ཐབས་བྲལ་བའི་ནུས་པ་འདོན་སྤེལ་བྱེད་བཞིན་ཡོད། སྙན་སྒྲོན་པ་དང་ལེ་ཚན་གཙོ་སྐྱོང་པ་ནི་བརྙན་འཕྲིན་དང་རླུང་འཕྲིན་ལས་རིམ་ནང་གི་གྲུབ་ཆ་གལ་ཆེན་ཞིག་ཡིན་ལ། རླུང་འཕྲིན་བརྙན་འཕྲིན་དང་གསན་པ་པོ་དང་གཟིགས་མོ་བའི་བར་གྱི་འབྲེལ་ཐག་ལྟ་བུ་ཞིག་ཡིན
དེ་ལས་མང་བ་། “སྙན་སྒྲོན་པ་དང་ལེ་ཚན་གཙོ་སྐྱོང་པའི་བར་གྱི་ཁྱད་པར་སྐོར་རགས་ཙམ་གླེང་བ།” »
མིག་བརྒྱད་པ།
བསྒྲུབ་བྱ་དམ་པའི་ཆོས་ཀྱི་སྙིང་པོ་མདོར་བསྡུས་ན་གནས་སྐབས་ཀྱི་བསྒྲུབ་བྱ་མངོན་མཐོ་དང་མཐར་ཐུག་གི་བསྒྲུབ་བྱ་ངེས་ལེགས་གཉིས་སུ་འདུས་ཤིང་། དེ་གཉིས་སྒྲུབ་བྱེད་ཀྱི་རྒྱུའི་གཙོ་བོ་ཡང་གཉིས་ཏེ་ལས་འབྲས་ལ་ཡིད་ཆེས་པའི་དད་པ་དང་བདག་མེད་ཀྱི་དོན་རྟོགས་པའི་ཤེས་རབ་བོ། དེ་གཉིས་ལས་ཤེས་རབ་གཙོ་ཆེ་ཡང་སྔོན་དུ་གལ་ཆེ་བ་དད་པ་ཉིད་ཡིན་ནོ། །དེས་ན་ལས་འབྲས་ལ་ཡིད་ཆེས་པའི་དབང་དུ་བྱས་ནས། སྐྱེ་བ་སྔ་ཕྱི་ཡོད་པའི་ཤེས་བྱེད་ཀྱི་ཁུངས་འགོད་པ་དང་སྒྲུབ་བྱེད་ཀྱི་རིགས་པ་ཅུང་ཟད་སྤྲོས་ན། མདོ་ལས། རྒྱལ་པོ་ཆེན་པོ་འཇིག་རྟེན་འདི་ནས་ཕ་རོལ་དུ་འཕོ་སྟེ་སྐྱེ་བ་ལེན་པ་ན་རྟག་པ་འཕོ་བ་ཡང་མ་ཡིན་ནོ། །ཞེས་གསུངས་པ་ལྟར་རྒྱལ་བའི་གསུང་རབ་ཐམས་ཅད་ཀྱི་གནད་བསྡུས་ན་མངོན་མཐོ་དང་ངེས་ལེགས་ཀྱི་ཐབས་སྟོན་པ་ཤ་སྟག་ཡིན་པས་སྐྱེ་བ་སྔ་ཕྱི་མེད་ན་དེ་གཉིས་ཀྱི་གཞི་རྟེན་མེད་པ་ཡིན།
གངས་སེང་།
བོད་ཀྱི་ལོ་རྒྱུས་ཕལ་མོ་ཆེ་རྣམས་སུ་ང་ཚོའི་བོད་ཀྱི་རིག་གནས་ཕུན་སུམ་ཚོགས་པ་འདིའི་ཁུངས་ངོ་མ་དེ་རྒྱ་གར་འཕགས་པའི་ཡུལ་ལ་གཏུགས་ཏེ་དེའི་གོང་དུ་བོད་ལ་ཡིག་རིགས་ཙམ་ཡང་མེད་པ་ཆེས་ཀླ་ཀློ་ཞིག་ངོས་འཛིན་བྱས་ཡོད། བོད་རྒྱལ་སྲོང་བཙན་གྱིས་ཐོན་མི་ཨ་ནུ་རྒྱ་གར་ལ་བཏང་ནས་ཐོན་མིས་མཁས་པ་ལི་བྱིན་ལ་བསྟེན་ནས་ཡི་གེ་བསླབ་པ་མཐར་སོང་བྱས་ཏེ་ཕྱིར་བོད་ལ་ལོག་རྗེས་བོད་ཡིག་གསར་བཟོ་བྱས་པར་བཤད་དེ་བོད་པའི་ཀླད་ཁོག་ནང་དུ་བསུབ་ཏུ་མེད་པའི་རྫུན་རིས་ཞིག་བྲིས་པ་དེ་གནས་རི་སྲོང་བཙན་ཡན་གྱི་རྒྱལ་རབས་སུམ་ཅུ་སོ་གཉིས་རིང་གི་ཡབ་མེས་གོང་མ་རྣམས་ལ་བསམ་ཡུལ་ལས་འདས་པའི་སྨ་འབེབས་ཞིག་ཡིན་པ་སྨོས་མེད་རེད།
དེ་ལས་མང་བ་། “སྲོང་བཙན་གོང་དུ་བོད་ཡིག་ཡོད་མེད་ལ་རོབ་ཙམ་དཔྱད་པ།” »
མཛད་པ་པོཿ དགེ་བཤེས་ཤེས་རབ་རྒྱ་མཚོས།
མཁོ་འདོན་པཿ མིག་བརྒྱད་པ།
འདིར་བདག་གཞན་དུས་གསུམ་སྐུལ་ཚིག་ལ་ཡི་གེའི་གཟུགས་འགྱུར་ཡོད་མེད་ཀྱི་ཟུར་བཀོལ་གཉིས་ཁོ་བོར་ཞུ་དག་ཏུ་གཞུང་ནས་གནང་བར་རྒྱ་བོད་བརྡ་སྤྲོད་ཆེས་མང་པོའི་སྤྱི་སྲོལ་རང་བློས་གང་དཔོག་ཏུ་བཟུང་སྟེ་དཔྱད་མོད། མཁས་བླུན་སྣ་ཚོགས་པས་མཚོ་ལས་སྐྱོགས་ཀྱིས་བཅུས་པའི་ཚུལ་དུ་སུམ་རྟགས། བརྡ་གསར་རྙིང་། དག་ཡིག་སོགས་ལ་གཞུང་ཆེ་ཆུང་མཐའ་ཡས་པར་སྤེལ་བ་དེ་དག་གི་ནང་ནས་ཚད་མར་བྱ་བའི་འོས་མ་མཆིས་པའང་ཤིན་ཏུ་མང་ཞིང་།
དེ་ལས་མང་བ་། “དུས་གསུམ་གྱི་རྣམ་བཞག་བློ་མུན་སེལ་བའི་འོད་སྣང་ལ་ཞུ་དག་གནང་བའི་སྐབས་ཀྱི་དཔྱད་གཏམ།” »
ཨོ་རྒྱན་ཉི་མ།
གང་སྐུ་མཚན་བཟང་གསེར་ཞུན་འབུམ་ལྡན་དཔེ་བྱད་ཉི་འོད་བྱེ་བས་འཁྱུད།། གསུང་དབྱངས་དྲུག་ཅུ་དྲི་ཟའི་དབྱངས་ཀྱིས་ཐེག་གསུམ་ཆོས་ཀྱི་རང་སྒྲ་འབྱིན།། ཇི་ལྟར་ཇི་སྙེད་མཁྱེན་པའི་སྟོབས་བཅུས་བློ་གྲོས་མཆོག་རྣམས་ཟིལ་གྱིས་གནོན།། སྲིད་གསུམ་འདི་ན་མཚུངས་ཟླ་བྲལ་བ་ཤཀྱའི་རྒྱལ་པོས་དགེ་ལེགས་སྩོལ།།། ཅེས་མཆོད་པར་བརྗོད་པའི་ངག་གིས་མདུན་བསུས་ཏེ་གང་ཞིག་གླེང་བར་བྱ་བ་ནི། དེ་ཡང་བདག་ཅག་གི་སྟོན་པས། ང་ཡི་བསྟན་པ་འདི་བྱང་ནས་བྱང་དུ་དར་བར་འགྱུར་རོ།
དེ་ལས་མང་བ་། “༄༅། །བླ་ཆེན་གྱི་རྣམ་ཐར་ལ་དཔྱད་པ་ཤཱཀྱའི་རྗེས་འཇུག་དགྱེས་པའི་དགའ་སྟོན།” »