འཇིགས་མེད་བློ་གྲོས། ༼རྡ་ས་རིགས་སློབ།༽

རྒྱ་ནག་གི་མཐོ་རིམ་མི་སྣའི་ཁྲོད་ནས་རང་དབང་དང་ཆབ་སྲིད་བཅོས་བསྒྱུར་ཐད་སྐད་ཆ་མང་ཤོས་དང་ཤུགས་ཆེ་ཤོས་ཤོད་མཁན་ནི་སྲིད་བློན་ཝེན་ཇ་པའོ་ཁོ་ན་ཡིན། འོན་ཀྱང་དཔྱད་ཞིབ་པ་ཚོས་རྒྱ་ནག་གི་འགྱུར་ལྡོག་སྤྱི་དང་ལྷག་དོན་ལོ་ངོ་དུ་མའི་རིང་སྔ་རྗེས་སུ་ཆབ་སྲིད་བཅོས་བསྒྱུར་ཐད་སྐད་ཆ་ཤུགས་ཆེ་ཤོས་ཤོད་མཁན་སྲིད་བློན་ཝེན་གྱི་བྱ་སྤྱོད་ལ་གཅིག་མཐུན་གྱི་སྡོམ་ཚིག་ཅིག་ད་ལྟ་ཡང་རྒྱག་ཐུབ་མེད། ཝེན་རང་ཉིད་ཀྱིས་ཀྱང་དོན་གནད་འདི་ཤེས་ཚོར་བྱུང་ཡོད་པ་ཡིན་ནམ།

དེ་ལས་མང་བ་། “ཝེན་ཇ་པའོ་ལགས། ཁྱེད་ཀྱི་བཅོས་བསྒྱུར་ཟེར་བ་ལག་ལེན་མེད་པའི་འབོད་སྒྲ་ཙམ་ཞིག་ཡིན་ནམ།” »

ཤར་ཕྱོགས་ཁུག་རྟ།

༧གོང་ས་མཆོག་དང་བཙན་བྱོལ་བོད་གཞུང་གིས་ས་དང་གནམ་ལས་ངོ་མི་ཤེས་པའི་རྒྱ་གར་འཕགས་པའི་ཡུལ་ནས་དུས་རབས་ཕྱེད་ཀའི་རིང་ངལ་བ་བརྒྱ་ཕྲག་ཁྱད་བསད་ཀྱིས་བོད་མི་རིགས་ཀྱི་རང་དབང་འཐབ་རྩོད་དང་བོད་ཀྱི་མགྲིན་ཚབ་གནང་སྟེ། ༢༠༠༨ ལོར་བོད་མིའི་མངོན་འདོད་གང་ཡིན་རྒྱ་ནག་གཞུང་གི་མགོ་ཁྲིད་རྣམས་ཀྱི་མདུན་དུ་བསྟར་ཡོད།

ཡིན་ནའང་། རྒྱ་ནག་གཞུང་གིས་དེ་ནི་ཕྱེད་རང་བཙན་དང་རྣམ་པ་འགྱུར་བའི་རང་བཙན། ༧གོང་ས་མཆོག་དང་བཙན་བྱོལ་བོད་གཞུང་གིས་བཏོན་པ་དེ་བོད་ནང་གི་བོད་མིའི་མངོན་འདོད་མིན། ཁོང་རྣམས་བདེ་སྐྱིད་ལྡན་པའི་ངང་འཚོ་བ་སྐྱེལ་བཞིན་ཡོད་ཅེས་རྒྱལ་སྤྱི་དང་བཙན་བྱོལ་བོད་གཞུང་ལ་ཧམ་འགྲེལ་རྒྱག་གི་ཡོད། ཐ་ན་༧གོང་ས་མཆོག་དང་བཙན་བྱོལ་བོད་གཞུང་ལ་དེ་འདྲའི་བསམ་ཚུལ་འདོན་རྒྱུའི་ཐོབ་ཐབ་ཀྱང་མེད་པ་དང་། བོད་ནང་གི་བོད་མི་ཚོས་དེ་འདྲ་ཞིག་རྩ་བ་ནས་འདོད་ཀྱི་མེད་ཅེས་བསྐྱར་བཤད་ཡང་བཤད་ཁྲི་ཕྲག་མང་པོ་བརྩེགས་ཀྱིན་པ་རེད།

ཡིན་ནའང་། རྒྱ་ནག་གཞུང་གིས་༧གོང་ས་མཆོག་དང་བཙན་བྱོལ་བོད་གཞུང་གི་གང་གནང་བཞིན་པ་དག་བོད་ནང་གི་བོད་མི་ཚོར་ཤེས་རྟོགས་འབྱུང་བའི་ལམ་ཁ་བསྟེན་གྱི་ཡོད་པ་རེད་དམ་ཟེར་ན། དེ་ནི་ཐབས་ཟད་འུ་ཐུག་གིས་བཀབ་ཀྱང་ཤོར་ན་མ་གཏོགས་གནས་ཚུལ་ཁྱོན་ནས་ཤེས་རྟོག་བྱེད་དུ་འཇུག་གི་མེད་པ་དེ་རེད། མི་ལོ ༥༣ རིང་བོད་ནང་༧གོང་ས་མཆོག་དང་བཙན་བྱོལ་བོད་གཞུང་གིས་ག་རེ་གནང་མིན་དེ་སྐད་ཆ་ཤབ་ཤུབ་ཙམ་དང་། མགོ་ཚང་ན་མཇུག་མེད་ན། མཇུག་ཡོད་ན་བར་མེད་པ་རྐྱང་རྐྱང་གིས་བསྐྱལ་ཡོད་པ་ནི་ཧ་ཅང་གསལ་བོ་རེད།

དེ་ལས་མང་བ་། “༧གོང་ས་མཆོག་བོད་དུ་གདན་འདྲེན་ཞུ་ཐབས།” »

ཤར་ཕྱོགས་ཁུག་རྟ།
དར་དམར་མེར་བསྲེགས་བཏང་ནས་དེ་རིང་བར་ད་དུང་གླེང་སློང་འཇགས་མེད། དེ་ལ་བཤད་ཚུལ་སྣ་ཚོགས་ཡོང་བཞིན་པ་ལྟར། དེ་རིང་ཉིན་གུང་ཟ་མའི་མཚམས་འདིར། དར་དམར་གང་ནས་ཅི་ལྟར་བསྲེགས་གཏན་འཁེལ་མཁན་དེའི་ངག་ནས་བྱུང་བའི་རྒྱུ་མཚན་ལ་ཞོར་ལྟ་ཙམ་བྱ་འདོད་བྱུང་། ཚོགས་གཞོན་དོན་གྲུབ་ལྷ་དར་ལགས་ཀྱིས་ 1″དར་ཆ་དེ་ ༡༩༤༩ ཕྱི་ཟླ་ ༧ པའི་ནང་སྒྲིག་བཟོ་བྱས་པ་རེད། དར་ཆ་དེར་འགྲེལ་བཤད་མ་འདྲ་བ་གསུམ་ཡོད། ས་ཁོངས་ཀྱི་ངོ་བ་དང་། མི་རིགས་ཀྱི་ངོ་བོ། གྲལ་རིམ་གྱི་ངོ་བོ་བཅས་འགྲེལ་བཤད་རྒྱག་སྟངས་མ་འདྲ་བ་གསུམ་ལས། བོད་དེ་རྒྱ་ནག་གི་ཆ་ཤས་ཡིན་པ་གཞིར་བཞག་ཐོག་འགྲེལ་བཤད་བརྒྱབ་ཡོད་སྟབས། བོད་རྒྱ་ནག་གི་ཆ་ཤས་ཡིན་པ་ངོས་ལེན་གནང་མ་ཐུབ་པར་རྒྱ་ནག་གི་དར་ཆ་དེ་མེར་བསྲེགས་གཏོང་གི་ཡོད་པ་རེད་”ཟེར། རྒྱུ་མཚན་གཅིག་འདི་རེད།

དེ་ལས་མང་བ་། “དར་དམར་བསྲེགས་དོན་ལ་ཞོར་ལྟ་བྱས་པ།” »

༢༠༡༢། ༡། ༡།
འདིར་བཞུགས་ཀྱི་ལྷན་རྒྱས་སྐུ་མགྲོན་རྣམ་པ། ཁྱེད་ཚོ་བདེ་མོ།

དེང་གི་དུས་འདིར་འདོད་པའི་ཡོན་ཏན་དོན་དུ་གཉེར་ཏེ། རྒྱུ་དང་འབྱོར་བ།ནོར་དང་ལོངས་སྤྱོད་འཚོ་བའི་སྙིང་བོ་རུ་བྱེད་པའི་ཟང་ཟིང་གི་དུས་སྐབས་འདིར། ང་ཚོ་གངས་ལྗོངས་བོད་ཡུལ་ནས་རྩོམ་རིག་གི་བྱ་དགའི་འདུ་ཚོགས་འདི་ལྟའི་གཟབ་རྒྱས་ཤིག་སྒྲུབ་བཞིན་པ་འདི་ཇི་འདྲའི་དགའ་འོས་པ་ཞིག་རེད།

དངོས་པོ་དང་དཔལ་འབྱོར་དོན་དུ་གཉེར་བ་འཇིག་རྟེན་བྱ་བཞག་ཀུན་གྱི་ལྟེ་བ་རུ་བྱེད་པ་འདི་དེང་འདིར་ལོ་རྒྱུས་ཀྱི་འཕེལ་ཕྱོགས་ཤིག་ཏུ་གྲུབ་ཚར། འཕེལ་ཕྱོགས་འདིའི་ཤན་ཤུགས་ཀྱིས་ད་ལྟ་བོད་ཡུལ་དུའང་འཕོ་འགྱུར་གསར་བ་བྱུང་ནས་མི་ཚེའི་ལྟ་ཚུལ་གསར་བ་ཞིག་དང༌། རིན་ཐང་ལྟ་ཚུལ་གསར་བ་ཞིག་བསྐྱེད་བཞིན་ཡོད་ལ། དེའི་འོག་ནས་ད་ལྟ་ཚང་མའི་སེམས་ཀྱི་གཏིང་རིམ་ན་འཇིག་རྟེན་ཕན་ཁེ་རིང་ལུགས(功利主义)ཀྱི་ལྟ་གྲུབ་གསར་བ་ཞིག་ཆགས་བཞིན་ཡོད།དཔལ་འབྱོར་དར་རྒྱས་དང་འབྲེལ་བའི་ཆོས་དངོས་ཡོད་ཚད་བླ་རུ་བཀུར་ཞིང༌།

དེ་ལས་མང་བ་། “སྐུ་ཞབས་བདུད་ལྷ་རྒྱལ་གྱི་གཏམ་བཤད།” »

ཀླུ་སྨྱོན།
—-རང་ཉིད་ཀྱི་རྩོམ་རིག་གི་མི་ཚེར་ཕྱི་མིག་ལྟ་བ།
མི་སུ་ཞིག་ཡིན་ཡང་རང་ཉིད་ཀྱི་མི་ཚེ་དེ་དོན་སྙིང་ལྡན་ཞིང་ སྤྲོ་སྣང་འཁོལ་བ་ཞིག་ཡིན་ན་ལོས་འདོད། ཐ་ན་བྱིས་པའི་རྩེད་ར་ཆུང་ཆུང་དེ་ཚོ་ཡང་ཁོ་ཚོའི་སེམས་ཀྱི་མཛེས་སྡུག་ཏག་ཏག་ གིས་བཞེངས་ཤིང་གྲུབ་པར་བྱས་ཡོད་ཅིང་། ཁོང་ཅག་གི་རྩེད་ར་དེ་མཚོ་འགྲམ་གྱི་བྱེ་མའི་ཕུང་པོ་ཞིག་ལས་གྲུབ་ཡོད་ན་ཡང་། ཁོང་ཅག་གིས་དེའི་མ་འོངས་པའི་ཆག་འཇིག་ལ་བསམ་བློ་མི་གཏོང་བར་ཉི་མ་དེ་རིང་དང་ དུས་ཚོད་འདི་རང་ཙམ་གྱི་དུས་ཡུན་ནང་རང་ཉིད་ཀྱིས་བཞེངས་པའི་བྱེ་མའི་ཁང་པ་དང་ རི་བོ་ཆུང་ཆུང་དེ་དག་ཇི་ལྟར་མཛེས་སྡུག་གཟི་འོད་འབར་བ་ཞིག་ཏུ་བཞེང་ཅི་ཐུབ་ བྱེད་པ་རེད།
འོ་ན་ང་ཚོ་སྟེ་རྒན་རབས་པའི་ གྲས་སུ་ཚུད་ཚར་བའི་སྨྱུག་ཐོགས་པ་འདི་དག་གིས་དེ་རིང་བར་དུ་རང་ཉིད་ཀྱིས་བཞག་ པའི་རང་གི་རྐང་རྗེས་ཀྱི་གྲངས་ཀ་དང་དེ་དག་གི་ཟབ་ཚད་ལ་བསམ་བློ་རེ་གཏོང་མྱོང་ ངམ། གལ་སྲིད་ཁྱེད་ཀྱིས་ང་ལ་ལྡོན་པའི་ལན་དེ་ནི་ངས་ཚོད་དཔག་བྱས་པ་དེ་ནོར་མེད་ན་མ་ མྱོང་ཞེས་པ་དེ་རེད། དེ་ནི་ཡིན་སྲིད་པ་ཞིག་སྟེ། འདས་པའི་རྗེས་མི་གཅོད། མ་འོངས་པའི་སྔོན་མི་བསུ། ད་ལྟའི་ཤེས་པ་སོ་མ་འདི་ཀ་རང་གི་རྒྱུན་སྐྱོང་དགོས་ཞེས་སྔོན་བྱོན་དམ་པ་ཉམས་ མྱོང་ཅན་མང་པོ་ཞིག་གིས་རང་གི་སློབ་བུ་ཡང་སློབ་དག་ལ་གདམས་ཡོད་པས་སོ།།
ང་རང་ལ་མཚོན་ན་ཀ་རྩོམ་ཐན་ཐུན་རེ་འབྲི་དུས་སུ་རྩོམ་པ་པོ་ ཉི་ཚེ་བ་ཞིག་ཡིན་ལ། སྙན་ངག་མེ་ལོང་མར་དཔེར་བརྗོད་འབྲི་དུས་སུ་ཡང་གསར་སློབ་པ་ཉི་ཚེ་བ་ཞིག་དང་། དུས་དེབ་དང་ཚགས་པར་སྟེང་རྩོམ་ཡིག་འདྲ་མིན་སྤེལ་དུས་ད་དུང་རྩོམ་པ་པོ་ཉི་ཚེ་ བ་ཞིག ད་ལྟ་དྲ་ངོས་སུ་གང་འདོད་ཅི་འདོད་དུ་རྩོམ་ཡིག་སྣ་ཚོགས་བྱོ་དུས་སུ་ཡང་སྔར་ བཞིན་ཟིན་བྲིས་པ་ཉི་ཚེ་བ་ཞིག་ལས་ཅི་ཡང་མིན་པར་བསམས་ན། མི་ཞིག་གིས་ལྟ་དུས་གྲོག་མ་ཞིག་ཉིན་གང་བོར་ཡར་རྒྱུགས་མར་རྒྱུགས་བྱས་པ་དེ་ལ་ རིན་ཐང་རྩི་རིན་ཅང་མཐོང་གིན་མེད་པ་དང་འདྲ་བ་འམ། ཡང་ན་མི་རྒན་ཞིག་གིས་བྱིས་པའི་རྩེད་མོ་དག་ལ་སྣང་ཆུང་ངམ་དོ་སྣང་ཅང་མི་བྱེད་ པར་སྡོད་པ་དང་ཧ་ཅང་འདྲ་བར་སྣང་བ་འདི་ནི་ངོ་མ་འཇིགས་སུ་རུང་བ་ཞིག་རེད་ཨང་།

དེ་ལས་མང་བ་། “རང་ཉིད་གླེང་བ།” »

སྐུ་ཞབས་ཀྲུའུ་ཝེ་ཆོན་ལགས་ཀྱི་སྐད་ཆ་འདི་རིགས་སྒེར་ངོས་ཀྱི་སེམས་གཏམ་ངོ་མ་ཞིག་ཡིན་མིན་བཤད་དཀའ་ན་ཡང། རྒྱ་ནག་གཞུང་གི་རྒྱུག་ཁྱི་ཡག་པོའི་ཁྱི་སྐད་ངོ་མ་དེ་ཡིན་པར་ཐག་བཅད་ཆོག
ཁོ་པས“ཏཱ་ལའི་བླ་མར་འཚེ་མེད་ཞི་བའི་མིང་འདོགས་པ་ནི་དགོད་གཏམ་ཁོ་ན་ཙམ་རེད”ཟེར་བ་འདི་ཁོ་ནས་ཀྱང་ཁོས་མངོན་སུམ་ལ་བསྙོན་གྱིན་མེད་ན་ཡང་ལོག་ལྟ་བ་ཞིག་ཡིན་པ་ཚང་མས་ཤེས་ཐུབ། ཏཱ་ལའི་བླ་མ་འཚེ་མེད་ཞི་བའི་དེད་དཔོན་དང་ཞི་བདེའི་དབུ་ཁྲིད་དོན་དམ་པ་ཞིག་ ཡིན་ཚུལ་ཁོང་གིས་༡༩༥༠(ཟླ་༡༡ཚེས༡༠)་ལོར་བོད་གཞུང་གི་ཆབ་སྲིད་དབང་ཆ་ཡོངས་སུ་བཞེས་པ་ནས་ད་ལྟའི་བར་དུ་དགྲ་ལ་གྲོགས་ཀྱི་འདུ་ཤེས་བཟུང་ནས་བོད་རྒྱའི་ཞི་བདེའི་ཆེད་ཙམ་མ་ཟད་འཛམ་གླིང་ཞི་བདེར་སྨན་པའི་མཛད་འཕྲིན་ཅི་ཙམ་ཞིག་བསྐྱངས་ཡོད་པ་འཛམ་གླིང་ཡོངས་གྲགས་ཡིན་པས་ངས་འདིར་ཞིབ་བརྗོད་མི་དགོས་ཀྱང། དེའི་དཔེ་མཚོན་གཙོ་བོ་ཞིག་ནི་བོད་རྒྱ་ཞི་མོལ་གྱི་དབུ་མའི་ལམ་ཆེན་གསར་གཏོད་ གནང་ནས་བོད་ཕྱི་ནང་གཉིས་ཀྱི་མི་དམངས་ཀྱིས་བོད་དོན་ལས་འགུལ་གང་སྤེལ་ཚང་མ་འཚེ་མེད་ཞི་ལམ་ཁོ་ནར་སྐྱོད་དགོས་པའི་བཀའ་སློབ་ལམ་སྟོན་རྒྱུན་མར་གནང་བ་མ་ཟད་གལ་ཏེ་དྲག་པོའི་འཐབ་རྩོད་ཀྱི་ལམ་དུ་ཞུགས་ན་ཁོང་གིས་བོད་ཀྱི་དབུ་ཁྲིད་གནང་མི་ཐུབ་ཚུལ་ཡང་ཡང་དང་བསྐྱར་དུ་གསུངས་ཤིང་ཐ་ན་༢༠༠༨ལོའི་རྒྱལ་སྤྱིའི་རྩེད་འགྲན་ཆེན་མོ་རྒྱ་ནག་ཏུ་འཚོག་རྒྱུར་ཡང་རྒྱབ་སྐྱོར་གནང་ཡོད།

དེ་ལས་མང་བ་། “ཀྲུའུ་ཝེ་ཆོན་གྱི་ཁྱི་སྐད། ༼རྩོམ་ཡིག་ཆ་ཚང་བཀོད་ཡོད༽” »

སྐལ་བཟང་དབང་འདུས་ཀྱིས།
ང་ཚོ་བཙན་བྱོལ་བ་ཆགས་ནས་ད་བར་གྱི་སློབ་གསོའི་གནས་ལུགས་ནི་ཡར་རྒྱས་ཆེན་པོ་བྱུང་བས་དགའ་སྤོབས་བྱེད་ཡུལ་ཞིག་ཡིན་ལ་དེ་བཞིན་འཐུས་ཤོར་ཡང་ཆེན་པོ་བྱུང་ཡོད་པས་སྡུག་སྐད་ཤོར་ས་ཞིག་ཀྱང་ཡིན། བར་ལམ་ བོད་མིའི་ཆབ་སྲིད་ཀྱི་རང་བཞིན་ལ་འགྱུར་བ་ཆེན་པོ་བྱུང་ཡོད་པ་དང་། བཀའ་ཤག་གསར་པས་ལས་འཁུར་དང་ ལེན་ཞུས་ཏེ་ཉིན་གྲངས་བརྒྱ་སྐོར་སོང་བའི་མཚམས་འདིར་སྲིད་སྐྱོང་བློ་བཟང་སེང་གེ་ལགས་ཀྱིས་གནད་ཆེར་བརྩིས་པའི་ཤེས་ཡོན་སློབ་གསོའི་སྐོར་ལ་བསམ་འཆར་འགའ་ཞིག་ཞུ་རྒྱུ་ཡིན།

༡༽ མ་སྐད་ནི་བསླབ་པ་ཐམས་ཅད་ཀྱི་གཞི་རྩ་ཡིན།
ཕྲུ་གུ་ཞིག་ལ་མཚོན་ན་རང་གི་མ་སྐད་ནི་ཤེས་བྱ་མཐའ་དག་སློབ་པའི་བརྒྱུད་ལམ་ལེགས་ཤོས་དེ་ཡིན་པ་སློབ་གསོའི་སྐོར་གྱི་ཞིབ་འཇུག་ཁག་ལས་ར་སྤྲོད་གསལ་པོ་བྱུང་ཡོད། བོད་པའི་སློབ་མ་ཚོར་བོད་ཡིག་གི་བརྒྱུད་ལམ་ནས་ ཨང་རྩིས་དང་། ཚན་རིག སྤྱི་ཚོགས་རིག་གནས་སོགས་བསླབ་པ་ཡིན་ན་སློབ་མའི་སྦྱང་ཚད་དང་གོ་རྟོགས་མཐོ་རུ་ འགྲོ་རྒྱུར་གདོན་མི་ཟ་བ་ཡིན་པ་མ་ཟད། ཐ་ན་སྐད་ཡིག་གཉིས་པ་དང་གསུམ་པ་(དབྱིན་ཇི་དང་ཧིན་དྷི) སོགས་ སློབ་པ་ལ་ཡང་མ་སྐད་ཀྱི་རྨང་གཞི་སྲ་བརྟན་དགོས་རྒྱུ་ཤིན་ཏུ་ནས་ཀྱང་གལ་ཆེ། དེང་སྐབས་འཛམ་གླིང་གི་ཡུལ་ གྲུ་གང་སར་ཡོད་པའི་གྲངས་ཉུང་མི་རིགས་ཁག་གི་སློབ་གསོའི་གནས་སྟངས་སྐྱོ་པོ་ཡོད་པའི་རྒྱུ་མཚན་ཨ་མ་དེ་ནི་ཁོང་ཚོས་སྐད་ཡིག་གཞན་ཞིག་གི་ནང་སློབ་སྦྱོང་བྱེད་དགོས་པའི་དབང་གིས་ཡིན། ད་བར་བོད་ཁྱིམ་གྱི་འགན་ཁུར་ཐོག་གཞི་རིམ་འོག་མའི་སློབ་གཞི་དང་སློབ་ཁྲིད་རྣམས་བོད་ཡིག་ནང་བྱེད་ཐུབ་པ་བྱུང་བ་དང་། ཟམ་གདོང་རིན་ པོ་ཆེའི་བཀའ་ཤག་གི་སྐབས་གཞི་རིམ་ཤེས་ཡོན་སྲིད་བྱུས་གཏན་འབེབས་དང་ མེས་དབོན་དཔེ་སྟོན་སློབ་གྲྭ་བཙུགས་པ་སོགས་ནི་བོད་མིའི་སློབ་གསོའི་ལོ་རྒྱུས་ནང་ཆེས་རླབས་ཆེན་གྱི་གྲུབ་འབྲས་ཁག་ཡིན། ད་ཆ་སློབ་གསོའི་སྲིད་བྱུས་གསར་པ་གཞིར་བཟུང་གཞི་རིམ་བར་མ་དང་དེ་ནས་རིམ་གྱིས་གཞི་རིམ་ གོང་མ་སོགས་སུ་ལག་བསྟར་བྱ་རྒྱུའི་དུས་ལ་སླེབས་ཡོད།

དེ་ལས་མང་བ་། “བཙན་བྱོལ་བོད་མིའི་སློབ་གསོའི་སྐོར་གླེང་བ།” »

རྔ་བ་རྒྱལ་ཁམས་པ།

ཉེ་དུས་མདའ་ཚན་པའི་ཤད་ཀྱི་བཤད་པ་ལས་འཕྲོས་ཏེ་བགྲོ་གླེང་མང་བོ་ཞིག་གནང་སོང་། ཡི་གེ་ཇི་ལྟར་བྲི་བའི་སྲོལ་ལ་སྐད་ཆ་ཁ་ཤས་ཤིག་ཤོད་འདོད་སྐྱེས་སོང་། སྤྱིར་གསུང་རབ་གླེགས་བམ་དུ་བྲི་བའི་སྲོལ་ཀ་བཀའ་བསྡུ་གསུམ་པའི་སྐབས་བྱུང་བར་འདོད་པ་དང་། སངས་རྒྱས་ཞལ་བཞུགས་དུས་ནས་བྱུང་བར་འདོད་མཁན་ཏེ། བཞེད་པ་མ་འདྲ་བ་གཉིས་འདུག བྱེ་བྲག་བོད་འདིར་ཐོན་མིའི་སྐུ་རིང་ལ་བྱུང་བར་ཆ་འཇོག་བྱེད་རིགས་ཤིང་། ཡོངས་གྲགས་ཐོན་མས་རྒྱ་གར་གྱི་ཡི་གེར་དཔེར་བླངས་ནས། དབྱངས་གསལ་དང་། མགོ་འདོགས། འཕུལ་རྟེན། ཕ་མ་བུ་ཚའི་ཡི་གེ སྲོག་རྐྱེན་གྱི་ཡི་གེ་སོགས་གཏན་ལ་ཕབ་པར་གྲགས། ངས་བཤད་འདོད་པ་ནིོ་རྐྱེན་གྱི་ཡི་གེའི་སྐོར་ཡིན། རྐྱེན་གྱི་ཡི་གེ་ཞེས་པ་ནི་དབུ་དང་ཤད་གཉིས་ཡིན་ཞིང་། དེང་སང་རྐྱེན་གྱི་ཡི་གེའི་བྲི་སྲོལ་ཕལ་ཆེར་ཉམས་བཞིན་ཡོད་པ་འདྲ། སྲོལ་རྒྱུན་བྲི་སྲོལ་ནང་རྩོམ་ཡིག་གང་ཞིག་འབྲི་སྐབས་དབུ་ཁྲིད་ལྟ་བུའི་དབུ་ཁྱུད་འདིས༄།། ཐོག་དྲངས་ནས་རྩོམ་གྱི་ལུས་ལ་འཇུག་དགོས་པ་རེད། ད་ལྟའི་དྲྭ་རྩོམ་དང་། དེབ་གཟུགས་སུ་བསྐྲུན་པའི་དཔེ་ཆ་མང་བོའི་ནང་རྩོམ་ཡིག་གི་མགོར་དབུ་ཁྱུད་འཇོག་མཁན་ཉུང་ཉུང་རེད། དེ་ལ་དགོས་པ་དང་རྒྱུན་མཚན་གཞན་ཞིག་ཡོད་ན་མ་གཏོགས་ཡིག་མགོར་དབུ་ཁྱུད་འདི་ངེས་པར་དུ་འཇོག་དགོས་ཀྱི་འདུག དེ་བཞིན་ཤད་ཀྱི་སྐོར་རེད།

དེ་ལས་མང་བ་། “༄།། ཡི་གེ་བྲི་སྲོལ་རོབ་བཤད།” »

ཤད་ནི་དྲང་པོའི་དོན་ཡིན་པ།།
མ་རྟོགས་བློ་གྲོས་འཛིངས་པའི་སྐྲ།།
བཤད་བྱེད་འབྲོང་ལྕེ་སྐམ་པོ་འདི།།
གནམ་ལོ་གསར་པའི་ལག་རྟགས་ཡིན།།
དེརིང་འདིར། ཁ་ཤས་ཤིག་ནས་ཁ་སང་དེ་རིང་དགོངས་ཚུལ་རྗོད་བཞིན་པའི་ཤད་ཀྱི་སྐོར་ལ་ཅིག་བཤད་འདོད་སྐྱེས་བྱུང་། སྔོན་ཙམ་ནས་བོད་ཡིག་ནང་བཀོལ་ཡོང་བའི་གུག་རྟགས་()དང་། བརསྐབས་ཤིག་ནས་འགའ་རེས་བོད་ཡིག་ནང་བཀོལ་བཞིན་པའི་བོད་ཀྱི་རི་མོ་སྒོ་ཁྱིམ་༼༽ གཉིས་ཀྱི་མིང་གདགས་སྟངས་ལ་དགོངས་ཚུལ་མི་འདྲ་བ་ཁ་ཤས་ཤིག་གསུངས་ཡོང་གི་འདུག ཁུག་ཤད་ཟེར་མཁན། གུག་ཤད་ཟེར་མཁན། གུག་རྟགས་ཟེར་མཁན་འདྲ་མིན་ཞིག་འདུག ངས་འདིར་མིང་གང་ཞིག་བཏགས་ན་བཟང་མིན་སྐོར་བཤད་རྒྱུ་མིན། མིང་གང་ཞིག་གཏན་མ་ཁེལ་སྔོན་ལ་མིང་དེའི་དོན་དག་ཅི་ཡིན་ཤེས་དགོས་པ་དེ་གལ་ཆེ་བར་མཐོང་། དེས་ན་འདིར་དང་པོར་ཤད་ཟེར་བ་འདིའི་དོན་ཤེས་དགོས་རྒྱུ་དེ་གལ་ཆེ་བར་མཐོང་བས་ཤད་ཀྱི་སྐོར་ལ་འཕྲོས་བཤད་ཅུང་བྱེད་འདོད་སྐྱེས་བྱུང་། ཤད་ཟེར་ན་ག་རེ་རེད། ཆིག་ཤད ། ཉིས་ཤད །། སྦྲུལ་ཤད།(མཐེབ་གཞོང་ནས་མ་རྙེད) རིན་ཆེན་སྤུངས་ཤད་(མ་རྙེད)སོགས་ལ་ཤད་ཟེར་བ་ལས་ཚེག་དང་དབུ་ཁྱུད་ལ་ཤད་མི་ཟེར་བའི་རྒྱུ་མཚན་ཅི་རེད། ཤད་ཟེར་བ་ནི། གོང་གསལ་གྱི་རྟགས་འདི་དག་ལ་་འདོད་རྒྱལ་དུ་བཏགས་པའི་མིང་ཙམ་རེད་དམ། ཡང་ན་རྗེས་གྲུབ་ཀྱི་མིང་ཞིག་རེད།

དེ་ལས་མང་བ་། “ཤད་ཀྱི་འཕྲོས་གླེང་སྐྲ་འཛིངས་བཤད་བྱེད་འབྲོང་ལྕེ་སྐམ་པོ་ཞེས་བྱ་བ་བཞུགས་སོ།” »

རྔ་བ་རྒྱལ་ཁམས་པ།

སྐད་ཡིག་གི་མཚན་ཉིད་རིག་པ།
སྤྱིར་སྐད་ཡིག་ནི་འགྲོ་བ་མིའི་རིགས་ཀྱི་གྲུབ་ཆ་གཙོ་བོ་གསུམ་གྱི་ནང་ཚན། ལུས་ངག་ཡིད་གསུམ་ལས་ངག་གི་ཆར་གཏོགས་སུ་འཇོག་དགོས། ངག་ཅེས་པ་ནི་སྐྱེས་བུའི་སེམས་ཚོར་ལས་བྱུང་བའི་སྨྲ་བརྗོད་ཀྱི་སྒྲའི་རྣམ་འགྱུར་ཙམ་ཞིག་ཡིན། ཡི་གེ་ནི་སྒྲའི་རྣམ་པ་དེ་མཚོན་བྱེད་ཀྱི་བརྡ་རྟགས་རི་མོའི་རྣམ་པ་ཞིག་རེད། གསལ་བོར་བཤད་ན། སྐད་དེ་སྒྲ་དང་། ཡི་གེ་ནི་དེའི་མཚོན་རྟགས་གཟུགས་རིས་ཤིག་རེད། ང་ཚོས་སྐད་ཡིག་གི་རིག་པའི་གཞུང་ལུགས་དག་ལ་འཁྱུགས་ཙམ་ཞིག་བལྟས་པ་ཡིན་ན། འགྲོ་བ་མིའི་གྲུབ་ཆ་གཙོ་བོ་གསུམ་ལས། སེམས་སྔོན་དུ་གྲུབ་ཅིང་། ལུས་ངག་གཉིས་དེའི་རྗེས་སུ་གྲུབ་པ་ཞིག་རེད། ལྷག་པར་སྐད་དང་ཡི་གེ་གཉིས་ཀ་འགྲོ་བ་མིའི་རིགས་དང་། དེ་གང་ལ་བརྟེན་ཡུལ་གྱི་རང་བྱུང་ཁོར་ཡུག་གཉིས། ལོ་བར་ཁྲི་སྟོང་མང་བོའི་རིང་ཕན་ཚུན་གཤིབ་བསྡུར་གྱིས་འཚོ་གནས་ཉམས་མྱོང་། སྐྱེ་འཆི་ཉམས་མྱོང་། སྣང་གནས་ཉམས་མྱོང་། བདེ་སྡུག་ཉམས་མྱོང་སོགས། ཡུལ་ཅན་སེམས་ཀྱིས་ཡུལ་ལ་བློ་སྦྱོང་བྱས་པའི་ལྟ་སྟངས་སྣ་ཚོགས། མིང་བརྡ་ཐ་སྙད་སོགས་ངག་གི་སྨྲ་བརྗོད་ཀྱི་ལམ་ནས་རྗོད་པ་ནི་སྐད་དང་། ཡི་གེ་ནི་དེའི་ཚབ་མཚོན་རི་མོའི་ལམ་ནས་སྤེལ་བ་ཞིག་རེད། དེའང་ཡི་གེ་ཞེས་པ་སྒྲ་རུ་འདོད་པ་དང་། གཟུགས་སུ་འདོད་པ། ཤེས་པར་འདོད་པ་སོགས། འདོད་ཚུལ་མ་འདྲ་བ་སྣ་ཚོགས་ཡོད། ནང་བའི་རྒྱུད་ཀྱི་ཕུན་ཚོགས་ལྔའི་གླེང་གཞིའི་སྐབས། སྟོན་པ་སྐུ་ལྔས་འཁོར་ལྔ་ལ་གསུང་ལྔའི་སྒོ་ནས་ཆོས་ཉིད་ཀྱི་དོན་མངོན་སུམ་་དུ་སྟོན་པ་ལྟ་བུ་དང་། དེ་བཞིན་གཞི་དོན་དམ་པ་ཡི་དང་། ཀུན་རྫོབ་པའི་རིག་པ་གེ བདེན་གཉིས་དབྱེར་མེད་པའི་ལྷན་སྐྱེས་ཀྱི་ཡེ་ཤེས་ལ་ཡི་གེ་ཞེས་པའི་བརྡ་ཙམ་གྱིས་སྨྲ་བསམ་བརྗོད་འདས་ཀྱི་ཆོས་འཁོར་བསྐོར་བ་ལྟ་བུ། དེ་བཞིན་བླ་སློབ་ཚད་ལྡན་ཚོས་ཕན་ཚུན་དགོངས་པ་གཏད་ཙམ་གྱིས་དོན་རྒྱུད་ཀྱི་ཡེ་ཤེས་རང་རྒྱུད་ལ་སྐྱེ་བ་ལྟ་བུ། སྒྲ་རང་མཚན་པ་ལས་འདས་པའི་ཡིག་འགྲུལ་འདི་ལྟ་བུ་ལ་བློ་རིག་གི་ཆར་གཏོགས་པའི་ཡི་གེ་ཞེས་བརྗོད་ན་འོས་པར་འདོད།

དེ་ལས་མང་བ་། “༄།། བོད་སྐད་ཡིག་གི་ལས་དབང་གླེང་བ།” »

གཉའ་བློ་གྲོས་རྒྱལ་མཚན།
___________
ནང་དོན་གནད་བསྡུས།
བོད་ཡིག་གསར་སློབ་པ་དང་། བོད་ཡིག་བྱ་བ་ལས་མཁན་གྱི་ལས་དང་པོ་བ་རྣམས་ལ་མཚོན་ན་ཧ་ཅང་རན་པའི་དག་ཡིག་གམ་མིང་མཛོད་མོད་པོ་ཞིག་མེད་ནའང་སྤྱིར་བཏང་གི་མཁོ་བ་སྐོང་བྱེད་ཀྱི་དག་ཡིག་མི་ཉུང་ཞིག་ཡོད་པ་ཀུན་ལ་གསལ། དཔེར་ན‹‹དག་ཡིག་གསར་བསྒྲིགས››ལྟ་བུས་མཚོན། དེ་བཞིན་བོད་ཀྱི་མཐོ་རིམ་ཡོན་ཏན་པའི་སྡེ་ལ་ཤིན་ཏུ་རན་པའི་མིང་མཛོད་མེད་དེ། ‹‹བོད་རྒྱ་ཚིག་མཛོད་ཆེན་མོ››ལྟ་བུས་ཀྱང་རིག་ཚན་སོ་སོའི་དགོས་མཁོ་ཡོངས་སུ་སྐོང་ནུས་ལྟ་ཅི། ཐ་ན་སྐད་ཡིག་དང་རྩོམ་རིག་ཐད་ཀྱི་དགོས་མཁོ་ཀུན་ནས་ཚིམ་པ་ཞིག་ཀྱང་ཡོང་གི་མེད། དེ་ལྟ་བས་ན་རིག་ཚན་སོ་སོའི་ཆེད་ལས་མིང་མཛོད་རྩོམ་སྒྲིག་བྱ་རྒྱུ་གལ་ཆེ་ལ། ཐ་སྙད་རྣམས་ཚད་ལྡན་དང་གཅིག་གྱུར་ཡིན་པ་དང་། རྩོམ་སྟངས་སྒྲིག་ཚུལ་ནི་དེང་རབས་དང་ཚན་རིག་ལ་མཐུན་པའི་སྤྱིར་བཏང་མིང་མཛོད་ལེགས་པོ་རེ་རྩོམ་སྒྲིག་བྱ་རྒྱུ་ནི་དེ་བས་ཀྱང་གལ་ཆེན་ཡིན་པར་སྙམ།
རྩོམ་ཚུལ་སྒྲིག་སྟངས་ནི། སྤྱིར་བཏང་གི་དགོས་མཁོ་སྐོང་ཆེད་ཐ་སྙད་ཀྱི་གྲངས་ཀ་མང་ཉུང་ཤིན་ཏུ་རན་པ་ཞིག་གལ་ཆེ་ལ། གཙོ་བོར་རིག་ཚན་ཀུན་ལ་སྤྱི་མཁོ་རྒྱུན་འཁོལ་གྱི་ཐ་སྙད་རྣམས་ལ་འདང་རྒྱག་དགོས། ཚད་ལྡན་གཅིག་གྱུར་ཡིན་པས་བོད་ལྗོངས་ཀུན་ལ་རྒྱུགས་ཆེ་ཞིང་ཐམས་ཅད་ཀྱིས་ཁས་ལེན་པ། འཚོལ་བདེ་རྙེད་སླ་ཡིན་པས་ཀློག་པ་པོར་ཚེགས་མེད་པ། མཚན་ཉིད་དམ་གོ་དོན་བཀོད་པ་ཧ་ཅང་ཐིག་པོ་དང་གསལ་པོར་ཡོད་པས་རྟོགས་སླ་ཤེས་སྐྱེན་ཡིན་པ། ཐ་སྙད་ཀྱི་རང་བཞིན་ནམ་རིགས་དབྱེ་གསལ་བས་སྤྱོད་པ་པོས་ཐ་སྙད་རྣམས་རང་རང་གི་སྤྱད་ཡུལ་དུ་ཐིག་པོར་སྤྱོད་ནུས་པ། མདོར་ན་དེང་གི་སྐད་རིགས་གཞན་གྱི་མིང་མཛོད་ལེཊ་པོ་རྣམས་ལ་དཔེ་བལྟས་ནས་རྩོམ་སྟངས་སྒྲིག་ཚུལ་གྱི་ལེགས་ཆ་རྣམས་ཡོངས་སུ་འཛོམས་ཤིང་ཚན་རིག་དང་མཐུན་པའི་དེང་རབས་བོད་ཀྱི་སྐད་ཡིག་གི་མིང་མཛོད་ཅིག་བསྒྲིགས་ནས་བསྐྲུན་རྒྱུ་ནི་ཧ་ཅང་དགོས་ངེས་དང་གལ་ཆེན་ཡིན་པར་སྙམ་མོ། །

དེ་ལས་མང་བ་། “མིང་མཛོད་རྩོམ་སྒྲིག་སྐོར་གྱི་བསམ་གཞིག་དུམ་བུ་འགའ།” »

གཉའ་བློ་གྲོས་རྒྱལ་མཚན།
—————–
ནང་དོན་གནད་བསྡུས།
མི་རིགས་ཤིག་ལ་ཐུན་མོང་དུ་སྤྱོད་པའི་སྐད་དང་ཡི་གེ་མེད་ན། མི་རིགས་དེའི་ས་ཁུལ་ཁག་གི་བར་དུ་ཕན་ཚུན་འགྲོ་འོང་གིས་འབྲེལ་འདྲིས་འབྱུང་བ་དང་། སྐད་ཆའི་བརྡ་ལེགས་པར་འཕྲོད་ནས་བསམ་བློ་བརྗེ་རེས་ཀྱི་དམིགས་ཡུལ་མངོན་འགྱུར་ཡོང་བའི་གེགས་སུ་འགྱུར་བས། མེད་ན་ལེགས་པར་གཏན་འཁེལ་བྱེད་དགོས་ལ། ཡོད་ཚེ་སྤྱི་སྐད་དེ་ཇེ་རྒྱས་ཇེ་ལེགས་སུ་གཏོང་དགོས། མི་རིགས་གཅིག་གི་ཁོངས་མི་ཡིན་ཀྱང་སྐད་མི་འདྲེ་ཚེ་གན་དུ་གནས་ཀྱང་སེམས་སུ་བར་ཐག་རིང་བའི་འདུ་ཤེས་འབྱུང་བ་དང་། མི་རིགས་ཁ་ཁ་ཡིན་ཀྱང་སྐད་འདྲེས་ན་ངང་གིས་བར་ཐག་ཉེ་བའི་འདུ་ཤེས་འབྱུང་བ་ནི་ཀུན་ལ་ཐུན་སྣང་དུ་གྲུབ་པ་ཡིན་པས་སྨོས་ཅི་འཚལ། སྤྱི་སྐད་ཡོད་ན་དགེ་མཚན་བརྗོད་མི་ལང་ཞིང་། དེ་མེད་ན་གནོད་པ་ཤིན་ཏུ་ཆེ།

དེ་ལས་མང་བ་། “བོད་ཀྱི་སྤྱི་སྐད་གཏན་འབེབས་བྱ་རྒྱུའི་ཐད་ལ་བཏོན་པའི་བསམ་ཚུལ་འགའ།” »

༼དཔེ་ཀློག་དོན་གནད་ཐོ་རུ་བཏབས་པ་ཡི།། ཟིན་བྲིས་དེབ་ཏུ་གསལ་ལ་ཁུངས་བྱས་པའི།། རགས་པའི་ཐོ་འདིར་འགལ་འཁྲུལ་ནོར་བའི་ཆ།། ངེས་པར་ཡོད་ན་མཁས་པའི་སྤྱན་ལྡན་ཚོས།། སྨན་ངེས་དགོངས་འཆར་ཆར་བཞིན་སྩོལ་བར་ཞུ།། བཅོས་འགོད་ཡར་རྒྱས་གཏོང་དགོས་འགའ་མཆིས་ན།། དེ་དེ་ཤེས་རབ་ནོར་དུ་ལེན་པ་ཡིན།། ༽

གཅིག གནས་དུས་གང་ཞིག་ཏུ་གསུངས་མིན་ཐད་ཀྱི་མཁས་པའི་བཞེད་བབ།

༡ གནས་གང་ཞིག་ཏུ་གསུངས་བབ་དང་འབྲེལ་བའི་མཁས་པའི་བཞེད་བབ།

སྟོན་མཆོག་བརྩེ་དྲིན་གྱི་བདག་ཉིད་ཆེན་པོས་དཔལ་དུས་ཀྱི་འཁོར་ལོའི་རྒྱུད་འདི་བཞིན། གནས་གང་ཞིག་ནས་གསུངས་བབ་ཐད་བཞེད་པ་གཉིས་ཤིག་ལས་ཆེར་མ་བྱུང་འདུག་ཀྱང༌། དེ་དག་གིས་བསྟན་པའི་གནས་དེ་བཞིན་དེང་གི་ས་ཁུལ་གངཞིག་ཏུ་ངོས་འཛིན་དགོས་པ་དང་འབྲེལ་བའི་རིམ་པ་ཁ་གསལ་གྱི་དཔྱད་གཞི་ཉུང་བ་དག་གི་བསྟན་དོན་བསྡུར་དཔྱད་ཀྱིས་འདིར་དཀྱུས་གཅིག་ཏུ་བཀོད་ན། ཀློང་བརྡོལ་ངག་དབང་བློ་བཟང་ཞབས་ཀྱིས། རྒྱ་གར་རྡོ་རྗེ་གདན་དུ་གསུངས་པ་དང་རྒྱ་གར་ལྷོ་ཕྱོགས་དཔལ་ལྡན་འབྲས་སྤུངས་མཆོད་རྟེན་གྱི་བུམ་པའི་ནང་གསུངས་པ་བཅས་གཉིས་སུ་བཞེད་འདུག་པ་སྟེ། དེ་ཚུལ་ནི་ཁོང་གི་གསུང་འབུམ་༼ཅ༽པའི་ནང་༼དང་པོའི་སངས་རྒྱས་དཔལ་དུས་ཀྱི་འཁོར་ལོའི་ལོ་རྒྱུས་དང་མིང་གི་རྣམ་གྲངས་༽ཞེས་མཚན་འཁོད་ནང་གསལ་ལྟར་ན། “རྒྱ་གར་རྡོ་རྗེ་གདན་དུ་དུས་འཁོར་རྩ་རྒྱུད་གསུངས་ཚུལ་དང་དེ་ཉམས་སུ་ལེན་པའི་ཤཱཀྱའི་རིགས་ཀྱི་ཆོས་ཀྱི་རྒྱལ་པོ་བཞི་བཅུ་ཞེ་གསུམ་ཇི་ལྟར་བྱོན་པའི་ཚུལ་ནི།”༡ ཞེས་གསུངས་པར་དཔག་ཚེ་རྡོ་རྗེ་གདན་དུ་གསུངས་པར་བཞེད་འདུག་ནའང༌། དེ་གཤམ་ནས་ཤམ་བྷ་ལའི་རྒྱལ་པོ་ཟླ་བཟང་གིས་ཐོག་མར་ཞུས་ཚུལ་སོགས་འཆད་སྐབས་”དཔལ་ལྡན་འབྲས་སྤུངས་ཀྱི་མཆོད་རྟེན་དེ་ཡི་བུམ་པའི་ནང་དུ་འདུས་ནས། སྟོན་པ་སངས་རྒྱས་ལ་དཔལ་དུས་འཁོར་རྩ་རྒྱུད་ཤོ་ལོ་ཀ་སྟོང་ཕྲག་བཅུ་གཉིས་ཡོད་པ་ཞུས”༢ ཞེས་དཔལ་ལྡན་འབྲས་སྤུངས་མཆོད་རྟེན་དུ་གསུངས་པར་བསྟན་འདུག་པ་གཉིས་ནས་ཤེས་རྟོགས་ཐུབ།

དེ་ལས་མང་བ་། “དུས་འཁོར་རྩ་རྒྱུད་གསུངས་པའི་གནས་དུས་སོགས་དང་འབྲེལ་བའི་ཡིག་ཆ་ཁག་ཅིག་གི་བསྟན་དོན་གཞི་ལ་བཞག་པའི་རགས་ཟིན།” »

ཤར་ཕྱོགས་ཁུག་རྟ།

༧སྤྱི་ནོར་༧གོང་ས་སྐྱབས་མགོན་ཆེན་པོས་ནོེ་ཝེ་ཞི་བདེའི་གཟེངས་རྟགས་བཞེས་ནས་ལོ་ ༢༢ འཁོར་བར་རྟེན་འབྲེལ་ཞུ་བ་ཆབས་གཅིག འཛམ་གླིང་ནང་སྙན་གྲགས་ལྡན་པའི་ནོ་ཝེ་ཞི་བདེའི་གཟེངས་རྟགས་འབུལ་བཞེས་མཛད་པ་ནི་བཙན་བྱོལ་བོད་མིའི་འཐབ་རྩོད་ཀྱི་བྱུང་རབས་ནང་། བོད་ཀྱི་གནད་དོན་ལ་རྒྱལ་སྤྱིའི་དོ་སྣང་དང་རྒྱབ་སྐྱོར་གྱི་གོམ་པ་དང་པོ་ལྟ་བུ་ཆགས་ཡོད། ༡༩༤༩ ནས་རྒྱ་ནག་དམར་ཕྱོགས་ཚོགས་པས་མི་སྤྱོད་ལས་འདས་པའི་དྲག་སྤྱོད་ཀྱིས་བོད་ཟ་རིམ་པར་ཟོས་པ་དང་། མདོ་སྟོད་སྨད་ཀྱི་བོད་ཀྱི་མཐའ་མཚམས་མི་མང་གིས་ཕྱི་ལོ ༡༩༥༩ བར་དམྱལ་བ་ཉིས་བརྩེགས་མངོན་སུམ་གྱི་སྡུག་བསྔལ་ཚད་ལས་འདས་པ་མྱངས་ཞིང་། རིམ་བསྟུད་བོད་ཡོངས་སུ་༡༩༥༩ དང་དེའི་རྗེས་༡༩༦༦ ནས་རིག་གསར་ལོ་བཅུའི་ནང་མི་གསོད་ཁྲག་སྦྱོར་གྱིས་གངས་ཅན་ལྗོངས་སུ་མིའི་བསམ་བློར་མི་འཁོར་བའི་སྡུག་རྩུབ་དྲག་སྤྱོད་ཁོ་ནས་གནམ་ས་སྦྲེལ་བར་བྱས་ཀྱང་རྒྱལ་སྤྱིའི་གསར་ལམ་ཁག་དང་མི་མང་གིས་དེ་ཙམ་ཤེས་རྟོགས་མ་བྱུང་།

དེ་ལས་མང་བ་། “ནོ་ཝེ་ཞི་བདེའི་དུས་དྲན་དང་འཛམ་གླིང་ནང་པའི་དབུ་ཁྲིད།” »

ཤར་ཕྱོགས་ཁུག་རྟ།

སྲིད་བྱུས་ཉམས་ཞིབ་ཁང་ནི་བཀའ་བློན་ཁྲི་པ་གསར་པས་འོས་བསྡུའི་སྐབས་ནས་བཏོན་པའི་ལས་འཆར་སྙིང་རྗེ་ཤོས། ཤེས་ཡོན་ཡོད་མེད་ཀུན་གྱིས་དོ་སྣང་བྱེད་ས། རྒྱ་གར་བོད་མི་དང་ཕྱི་གླིང་བོད་མི་ཚོས་མིག་གིས་གང་ཆགས་ལྟ་ན་འདོད་ས་དེ་ཡིན་པ་ནི་ཡོངས་གྲགས་ཡིན་ལ། དེ་དང་འབྲེལ་ནས་རྒྱ་གར་བོད་མི་ཤེས་ཡོན་པའི་སྡེ་ནས་སྲིད་བྱུས་ཉམས་ཞིབ་ཁང་དེ་ལ་བློས་བསླངས་སྣ་ཚོགས་པ་ཞིག་བྱས་ཡོད། དེ་བཞིན་ཕྱི་གླིང་བོད་མི་ཚོས་ཀྱང་གུང་གསེང་དང་སྟབས་བསྟུན་ནས་གངས་ཅན་སྐྱིད་གཤོངས་སུ་ཉམས་མྱོང་བསགས་ཡུལ་དང་། སྲི་ཞུ་སྒྲུབ་ས་གཉིས་ཀ་ཡོད་པའི་ཁོག་རྩིས་ཀྱང་གང་འཚམས་རྒྱབ་མྱོང་བ་རེད། དེ་ལས་གཞན་ཞིག་ནི་བཀའ་ཁྲི་གོང་མ་མཁས་པ་ངོ་མ་སློབ་དཔོན་ཟོམ་གདོང་རིན་པོ་ཆེའི་ལས་རྒྱུན་རིང་། རྒྱ་གར་དང་ཕྱི་གླིང་གི་བོད་མི་ཤེས་ཡོན་ཅན་ཚོར་འབྲེལ་འདྲིས་བྱ་ཕྱོགས་ཀྱི་སྲིད་བྱུས་ལའང་སྐད་ཆ་རེ་འགའ་བྱུང་ཡོད། ཡིན་ནའང་། གངས་སེང་གི་ངར་སྐད་གངས་རིའི་རྩེ་ནས་གྲགས་པ་དང་འདྲ་བའི་སྲིད་བྱུང་ཉམས་ཞིབ་ཁང་གང་དེའང་མདོར་དེད་ན་ཁྲལ་སྒྲུབ་ཁང་ལྟ་བུ་ཞིག་གི་ལམ་དུ་ཆས་ཤིང་། གངས་སེང་གི་ངར་སྐད་འདམ་སེང་གི་ཧང་སྒྲར་གྱུར་མིན་ཡང་ཆ་མ་འཚལ་བ་ལྟ་བུ་ཞིག་ནི་འདུག་ཀྱང་།

དེ་ལས་མང་བ་། “སྲིད་བྱུས་ཉམས་ཞིབ་ཁང་དང་ཁྲལ་སྒྲུབ་ཁང་།” »

ཐུབ་བསྟན་ལུང་རིགས། ༼ བཀའ་ཟུར།༽

ཉེ་སྔོན་ཕྱི་ཟླ ༡༠ ཚེས ༢༠་ཉིན་བོད་ལྗོངས་ནང་བསྟན་སློབ་གླིང་དུ་གྲགས་པ་བཙུགས་པ་དང་སློབ་འགོ་ཚུགས་པའི་མཛད་སྒོའི་ཐོག་འཐབ་ཕྱོགས་གཅིག་གྱུར་པུའི་རྒྱུན་ལས་པུའུ་ཀྲང་གཞོན་པ་ཀྲུའུ་ཝེ་ཆོན་གྱིས་”བོད་བརྒྱུད་ནང་བསྟན་སློབ་གླིང་འཛུགས་བསྐྲུན་ཡག་པོ་བྱ་རྒྱུ་དེ་བོད་བརྒྱུད་ནང་བསྟན་གྱི་རྒྱུན་ལྡན་གྱི་སྒྲིག་ལམ་བཟོ་བ་དང་།དུས་རབས་ཀྱི་འཕེལ་འགྲོས་དང་བསྟུན་པའི་དགོས་མཁོ་ཞིག་ཡིན་ལ།ཏཱ་ལའི་རུ་ཚོགས་ཀྱིས་ཆོས་ལུགས་ལ་ཁ་གཡར་ནས་སིམ་འཛུལ་བྱ་རྒྱུ་བཀག་འགོག་བྱེད་པའི་དགོས་མཁོའང་རེད”།ཅེས་བརྗོད་འདུག་པ་ནི་འཐབ་ཕྱོགས་གཅིག་གྱུར་རང་གིས་ནང་བསྟན་ཆོས་ལུགས་ལ་ཁ་གཡར་ནས་ཆབ་སྲིད་ཀྱི་དགོས་མཁོ་བསྐྲུན་པའི་ཆེད་དུ་བོད་བརྒྱུད་ནང་བསྟན་སློབ་གླིང་ཟེར་བ་བཙུགས་པའི་སྲིད་བྱུས་བཟུང་པའི་རང་སྐྱོན་༧གོང་ས་༧སྐྱབས་མགོན་ཏཱ་ལའི་བླ་མ་མཆོག་ལ་མཚན་སྨད་ཁག་དཀྲི་ཞུས་པ་ལས་མ་འདས།

དེ་ལས་མང་བ་། “བོད་བརྒྱུད་ནང་བསྟན་སློབ་གླིང་ཟེར་བ་དག་གིས་ཁུངས་འཁྱོལ་གྱི་མེད།” »

ཤར་ཕྱོགས་ཁུག་རྟ།

༡ སེང་གེའི་བཀའ་ཤག་ངོ་སྤྲོད་སྔོན་མེད་མ།
སྐབས་ ༡༥ པའི་ཚོགས་དུས་གཉིས་པ་མཇུག་སྒྲིལ་བ་དང་། བཀའ་ཤག་གསར་བས་གྲོས་ཚོགས་ལ་འགན་ཁུར་སྟངས་ཐད་སྲིད་དོན་པ་དག་གིས་དཔྱད་བརྗོད་སྤེལ་བཞིན་པའི་སྐབས་འདིར། ཨ་རི་དང་ཡུ་རོབ། ཐའེ་ཝན་ན་ཡོད་པའི་གྲོགས་པོ་སྐོར་ཞིག་གི་མཉམ་དུ་གླེང་མོལ་གྱིས་སེང་གེའི་བཀའ་ཤག་གི་མདུན་ལམ་ལ་རོབ་ཙམ་བལྟས་པ་ཡིན། ངའི་གྲོགས་པོ་ཚོས་སོ་སོའི་གནས་ཡུལ་གྱི་སྲིད་དོན་གནམ་ངོ་དང་འབྲེལ་ནས་སེང་གེའི་བཀའ་ཤག་གི་མདུན་ལམ་ལ་བསམ་ཚུལ་རེ་རེ་གསུང་གི་འདུག ང་ཚོས་སེང་གེའི་བཀའ་ཤག་གི་མདུན་ལམ་ལ་ལྟ་དགོས་ན། གཙོ་བོ་བཀའ་ཁྲི་དང་བཀའ་བློན་གཞན་གྱི་ནུས་པ་དང་རྣམ་དཔྱོད་ལའང་ལྟ་དགོས།

དེ་ལས་མང་བ་། “སེང་གེའི་བཀའ་ཤག་གི་མདུན་ལམ།” »

བན་དེ་སྐྱབས།
ཕྱི་ཟླ་ ༩ པའི་ཚེས ༢༠ ཉིན་གྷ་ཌ་ཧྥེ་དམར་གསོད་བྱས་པའི་དོན་རྐྱེན་དེས། རྒྱལ་སྤྱིའི་སྤྱི་ཚོགས་ལ་འདས་པའི་ལོ་ངོ་ ༤༢ རིང་གི་གྷ་ཌ་ཧྥེའི་སྲིད་དབང་སྐྱོང་སྟངས་དང་། མི་གཤིས། རྒྱལ་སྤྱིའི་སྡིངས་ཆའི་སྟེང་གི་ཤུགས་རྐྱེན། སྲིད་དབང་སྒེར་འཛིན་པ་ཁོང་གི་ལངས་ཕྱོགས་བཅས་ལ་དོ་སྣང་འཕར་མ་ཞིག་བྱེད་དུ་བཅུག་ཡོད།
གྷ་ཌ་ཧྥེ་དམར་གསོད།
ཕྱི་ཚེས་༢༠ ཉིན་ལེ་བྷེ་ཡའི་སར་ཊེ་ (Sirte) ས་གནས་ཀྱི་ས་འོག་ཆུ་ཡུར་སྦུབས་ལམ་ཞིག་ཏུ། གྷ་ཌ་ཧྥེ་སྦེད་སྐུང་བྱས་ཡོད་པ་གྱེན་ལངས་དྲག་ཆས་དམག་གིས་འཛིན་བཟུང་དམར་གསོད་བཏང་ཡོད་ཅིང་། ཁོང་དམར་གསོད་བཏང་པའི་ཐད་གླེང་གཞི་སྣ་ཚོགས་བྱུང་ཡོད་པ་མ་ཟད། རྒྱལ་སྤྱིའི་སྤྱི་ཚོགས་དང་རང་དབང་ཅན་གྱི་སྡེ་ཚན་ཁག་གིས་ཞིབ་བཤེར་བྱ་དགོས་པའི་གནོན་ཤུགས་རིམ་པར་སླེབས་སྟབས། ཟླ་ ༩ ཚེས་ ༢༧ ཉིན་བར་བརྒལ་གཞུང་གིས། གྷ་ཌ་ཧྥེའི་འཆི་རྐྱེན་ལ་ཞིབ་བཤེར་བྱེད་བཞིན་པ་དང་། ཁོང་གསོད་མཁན་ལག་དམར་ཁ་གསལ་བྱུང་རྗེས་ཁྲིམས་ཐོག་ནས་ཞིབ་བཤེར་ཐག་གཅོད་བྱ་རྒྱུའི་གསལ་བསྒྲགས་བསྐྱངས།

དེ་ལས་མང་བ་། “ལེགས་ཉེས་ཀྱི་དབྱེ་མཚམས་ན་འདྲོང་པའི་གྷ་ཌ་ཧྥེའི་ཤུལ་ལམ།” »